← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
74424: Alma Rišaia ZuTa

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

Page 1 of 14   (521 lines total)   next page »   show all

000 ࡌࡀࡓࡀࡉ ࡌࡔࡀࡁࡀ ࡁࡋࡉࡁࡀ ࡃࡀࡊࡉࡀ
001 ࡌࡉࡍࡇ ࡓࡀࡈࡉࡍ ࡌࡀࡄࡅ ࡖࡁࡍࡀࡑࡅࡓ^ࡅ^ࡕࡀ ࡄࡀࡉࡆࡉࡍ ࡄࡀࡆࡉࡀࡍ ࡐࡎࡉࡒ ࡌࡍ ࡏࡅࡄࡓࡇ ࡅࡌࡍࡀࡕࡀ ࡖࡋࡉࡅࡉࡀࡕࡉࡍ ࡕࡀࡍࡉࡍࡀ ࡍࡉࡄࡅࡉࡀ
002 ࡅࡂࡉࡍࡆࡉࡇ ࡌࡉࡍࡇ ࡍࡉࡕࡉࡍࡎࡉࡁ ࡅࡄࡀࡁࡀࡓࡀ ࡍࡉࡄࡅࡉࡀ {ࡅ}ࡊࡅࡋ ࡌࡀࡍ ࡖࡀࡉࡉࡋ ࡏࡋࡇ ࡁࡔࡊࡉࡍࡕࡀࡉ ࡃࡉࡋࡉࡀ ࡆࡉࡅࡀ ࡍࡉࡕࡉࡁ ࡅࡉࡀࡌࡉࡍࡀࡉ ࡅࡊࡅࡋ
003 ࡉࡅࡌ ࡏࡉࡀࡎࡉࡌ ࡏࡋࡇ ࡅࡋࡐࡀࡕࡅࡓࡀࡉ ࡃࡉࡋࡉࡀ ࡍࡉࡔࡕࡀࡋࡀࡈ . ࡅࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡌࡀࡍࡃࡀ ࡖࡄࡉࡉࡀ ࡀࡌࡇ ࡅࡓࡀࡄࡌࡇ
004 ࡅࡀࡃࡉࡀࡅࡓࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡉࡀࡄࡉࡀ ࡎࡀࡌ ࡁࡓ ࡔࡀࡓࡀࡕ ࡅࡔࡉࡕࡋࡀ ࡌࡄࡀࡕࡀࡌ ࡉࡅࡄࡀࡍࡀ ࡁࡓ
005 ࡄࡀࡅࡀ ࡅࡄࡉࡉࡀ ࡆࡀࡊࡏࡉࡍ ࡎࡀ
006 . ࡅࡄࡀࡉࡆࡀࡊ ࡌࡀࡋࡉࡋ ࡌࡀࡓࡀ ࡖࡓࡀࡁࡅࡕࡀ ࡅࡋࡄࡉࡁࡉࡋ ࡆࡉࡅࡀ ࡖࡍࡉࡌࡀࡓࡋࡇ ࡗ ࡒࡀࡓࡉࡕ ࡃࡅࡊࡓࡀࡍࡀ ࡍࡉࡔࡌࡀࡕࡀ
007 ࡖࡒࡀࡓࡉࡕ ࡅࡌࡀࡈࡉࡕ {{ࡋࡒࡉࡁࡉ}} ࡋࡌࡉࡁࡉࡀ ࡓࡀ {{ࡋࡄࡉ}} ࡄࡌࡉࡀ ࡅࡍࡄࡉࡓࡉࡕ/ࡒࡀࡓࡉࡕ#1#/ ࡆࡉࡅࡀ ࡖࡍࡐࡉࡔ ࡑࡁࡉࡍࡀ ࡅࡍࡄࡉࡕ ࡋࡉࡀࡓࡃࡍࡀ ࡖࡌࡀࡈࡉࡋࡀࡊ
008 ࡖࡕࡉࡐࡅࡒ ࡌࡍ ࡁࡉࡍࡕࡀࡊ ࡓࡀࡄࡌࡉࡀ ࡁࡏ . ࡏࡅ ࡍࡉࡔࡉࡌࡕࡀ ࡍࡀࡐࡔࡀ ࡄࡀࡃ ࡄࡉࡍࡅࡍ . ࡅࡄࡀࡉࡆࡀࡊ ࡒࡓࡉࡀ ࡄࡉࡉࡀ ࡒ<<ࡉ>>ࡓࡅࡉࡉࡀ
009 <<ࡋࡉࡀࡅࡀࡓ ࡆࡉࡅࡀ>> {{ࡅࡕࡓࡅࡑ}} ࡅࡕࡀࡂࡀࡊ . ࡅࡄࡀࡉࡆࡀࡊ ࡀࡌࡅࡓ ࡀࡍࡀ ࡋࡄࡉࡉࡀ ࡎࡀࡂࡉࡃࡍࡀ ࡅࡋࡄࡀࡊ ࡌࡀࡓࡀࡉ
010 ࡅࡌࡀࡍࡃࡀ ࡖࡄࡉࡉࡀ ࡌࡔࡀࡁࡀࡍࡀ ࡅࡋࡄࡀࡊ ࡐࡀࡓࡑࡅࡐࡀ{{ࡊ}} ࡓࡁࡀ ࡖࡏࡒࡀ^ࡓࡀ^ ࡖࡌࡍ ࡍࡀࡐࡔࡉࡇ
011 ࡐࡓࡀࡔ ࡄࡅࡀ ࡗ ࡖࡀࡌࡓࡉࡕ ࡄࡉࡉࡀ ࡒࡉࡓࡉࡅࡉࡀ ࡋࡉࡀࡅࡀࡓ ࡆࡉࡅࡀ ࡋࡕࡀࡂࡀࡊ ࡋࡀࡁࡀ ࡓࡁࡀ ࡖࡏࡒࡀࡓࡀ
012 ࡃࡊࡀࡓࡕࡇ ࡄࡅ ࡉࡀࡌࡉࡍࡇ ࡐࡀࡔࡉࡈ ࡏࡋࡀࡊ ࡅࡌࡍ ࡊࡅࡋ ࡌࡀࡄࡅ ࡖࡔࡀࡂࡉࡕ
013 ࡁࡂࡉࡆࡀࡊ ࡐࡀࡓࡒࡀࡊ . ࡅࡗ ࡀࡌࡓࡉࡕ ࡀࡍࡀ ࡋࡄࡉࡉࡀ ࡎࡀࡂࡉࡃࡍࡀ ࡀࡓࡁࡀࡎࡀࡓ ࡀࡋࡌࡉࡀ ࡖࡍࡄࡅࡓࡀ
014 ࡌࡁࡀࡓࡊࡉࡋࡀࡊ ࡅࡊࡅࡋ ࡄࡀࡃ ࡌࡉࡍࡀࡉࡄࡅࡍ ࡊࡅࡓࡎࡉࡀ ࡋࡅࡀࡕࡇ ࡅࡁࡔࡊࡉࡍࡕࡇ ࡕࡓࡀࡑࡋࡀࡊ . ࡅࡗ ࡁࡉࡕ
015 ࡌࡉࡔࡒࡀࡋ ࡀࡉࡍࡉࡀ ࡒࡀࡓࡉࡕ ࡊࡅࡋࡄࡅࡍ ࡏࡅࡕࡓࡉࡀ ࡏࡋࡀࡅࡀࡊ ࡐࡀࡄࡕࡉࡀ ࡄࡀࡆࡉࡋࡀࡊ/ࡄࡀࡉࡆࡀࡊ#1#/ ࡈࡅࡁࡀࡊ ࡔࡀࡉࡋࡉࡀ
016 . ࡅࡗ ࡌࡉࡔࡒࡀࡋ ࡀࡉࡍࡉࡀ ࡏࡑࡈࡀࡓࡕࡉࡀ ࡒࡀࡓࡉࡕ ࡔࡀࡁࡀࡕࡀ ࡋࡃࡉࡋࡀࡊ ࡅࡃࡄࡉࡉࡀ ࡀࡁࡀࡄࡀࡕࡀࡊ ࡖࡄࡅ ࡆࡉࡅࡀ
017 ࡒࡀࡃࡌࡀࡉࡀ ࡏࡄࡀࡁࡕ . ࡅࡗ ࡌࡔࡀࡁࡉࡍ ࡄࡉࡉࡀ ࡒࡀࡃࡌࡀࡉࡉࡀ ࡀࡌࡀࡓࡕ ࡔࡀࡁࡀࡕࡀ ࡋࡀࡓࡁࡀ ࡆࡀࡅࡉࡀ
018 ࡖࡁࡓࡉࡔࡀࡊ ࡏࡄࡀࡁࡕ ࡖࡄࡉࡍࡅࡍ ࡄࡀࡎࡐࡉࡀ ࡌࡅࡒࡓࡀ ࡖࡏࡅࡑࡈࡅࡍࡀ ࡊࡅࡋࡇ ࡁࡂࡀࡅࡀࡉࡉࡍ ࡋࡂࡉࡈ . ࡅࡗ
019 ࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡀࡌࡀࡓࡕ ࡔࡀࡁࡀ^ࡕࡀ^ ࡋࡉࡋࡉࡁࡉࡀ/ࡋࡋࡉࡁࡀ#1#/ ࡏࡄࡀࡁࡕ . ࡅࡗ ࡁࡓࡉࡊࡉࡀ ࡅࡌࡔࡀࡁࡉࡀ
020 ࡄࡉࡉࡀ ࡓࡀࡁࡕࡉࡀ ࡀࡌࡀࡓࡕ ࡔࡀࡁࡀࡕࡀ ࡅࡃࡍࡅࡕࡀ ࡋࡄࡀࡔࡉࡀ/ࡋࡄࡀࡔࡀࡔࡉࡀ#1#/ ࡏࡄࡀࡁࡕ ࡖࡄࡅ ࡀࡉࡀࡓ [ࡓࡁࡀ] ࡔࡅࡌࡇ
021 . ࡅࡗ ࡈࡀࡁ ࡈࡀࡁࡀ ࡋࡈࡀࡁࡇ ࡀࡌࡀࡓࡕ ࡔࡀࡁࡀࡕࡀ ࡋࡊࡀࡁࡃࡀ ࡏࡄࡀࡁࡕ ࡖࡄࡅ ࡂ[ࡉࡍࡆࡉ]ࡏࡉࡋ ࡔࡅࡌࡇ
022 . ࡅࡗ ࡔࡀࡁࡉࡒ ࡄࡀࡈࡀࡉࡉࡀ ࡋࡏࡅࡕࡓࡉࡀ ࡅࡏࡋ ࡍࡉࡔࡌࡀࡕࡀࡊ ࡔࡀࡁࡒࡉࡕ ࡅࡎࡉࡂࡅࡃࡕࡀ ࡅࡃࡍࡅࡕࡀ ࡋࡈࡀࡄࡀࡋࡀ
023 ࡏࡄࡀࡁࡕ ࡖࡄࡅ ࡂࡏࡅ ࡓࡁࡀ ࡔࡅࡌࡇ ࡕࡅࡌ ࡋࡂࡉࡓࡂࡋࡀ ࡋࡉࡄࡃࡀࡉࡀ ࡔࡀࡁࡀࡕࡇ ࡖࡄࡅ ࡊࡀࡁࡃࡀ/ࡊࡀࡁࡕ#1#/
024 ࡐࡎࡉࡓࡀ/ࡐࡎࡉࡒ#1#/ ^ࡒࡀ^ࡓࡉࡋࡇ ࡖࡋࡏࡊࡉࡋࡕࡀ ࡀࡐࡉࡊࡋࡇ ࡁࡒࡅࡓࡒࡁࡀࡍࡀ ࡅࡌࡁࡀࡔࡉࡋࡇ ࡂࡀࡐ ࡓࡁࡀ ࡄࡅ . ࡅࡗ
025 ࡐࡉࡄࡕࡀ ࡍࡀࡎࡁࡉࡕ ࡅࡌࡀࡌࡁࡅࡄࡀ ࡅࡒࡀࡓࡉࡕ ࡕࡌࡀࡍࡉࡀ ࡁࡀࡅࡀࡕࡀ ࡖࡐࡉࡄࡕࡀ ࡏࡋ ࡐࡉࡄࡕࡀ
026 ࡅࡕࡀࡓࡕࡉࡍ ࡁࡀࡅࡀࡕࡀ ࡖࡌࡀࡌࡁࡅࡄࡀ ࡋࡌࡀࡌࡁࡅࡄࡀ ࡔࡀࡁࡀࡕࡀ ࡅࡎࡉࡂࡅࡃࡕࡀ ࡅࡃࡍࡅࡕࡀ ࡅࡌࡍࡀࡕࡀ ࡋࡒࡅࡓࡒࡅࡁࡀࡍࡀ
027 ࡅࡋࡔࡅࡁࡀ ࡀࡈࡉࡓࡐࡉࡀ ࡖࡏࡕࡁࡇ ࡏࡄࡁࡀࡕ ࡅࡕࡅࡌ ࡋࡔࡉࡕࡀ ࡊࡀࡁࡀࡃࡉࡀ ࡄࡅࡓࡉࡍࡉࡀ ࡖࡄࡉࡍࡅࡍ ࡏࡊࡉࡋࡕࡀ
028 ࡍࡀࡈࡓࡉࡀ ࡖࡄࡉࡍࡅࡍ ࡂࡉࡓࡂࡋࡉࡀ ࡄࡃࡉࡓࡀࡉࡉࡀ ࡄࡉࡍࡅࡍ ࡖࡏࡋ ࡔࡃࡅࡌ ࡎࡌࡉࡊࡉࡀ ࡖࡄࡅ ࡄࡅࡌࡀࡓࡕࡀ
029 ࡖࡔࡅࡓࡀ ࡒࡀࡓࡉࡋࡇ . ࡅࡗ ࡀࡊࡋࡉࡕ ࡐࡉࡄࡕࡀࡊ ࡋࡌࡓࡉࡓࡕࡀࡊ ࡊࡁࡀࡔࡕࡀ ࡌࡍ ࡓࡅࡂࡆࡀ . ࡅࡗ ࡌࡀࡌࡁࡅࡄࡀࡊ
030 ࡔ^ࡀ^ࡕࡉࡕ ࡋࡉࡅࡔࡀࡌࡉࡍ ࡃࡀࡊࡉࡀ ࡄࡀࡍࡉࡍࡕࡇ ࡅࡀࡊࡉࡍࡕࡇ ࡌࡍ ࡓࡅࡂࡆࡉࡇ ࡖࡄࡅ ࡎࡀࡃࡀࡍࡀ ࡖࡏࡅࡑࡈࡅࡍࡀ ࡄࡅ
031 ࡆࡅࡓࡐࡉࡍࡉࡀ ࡖࡊࡀࡓࡎࡀ ࡕࡉࡕࡀࡉࡕࡀ ࡋࡂࡉࡈ ࡖࡄࡅ ࡂࡉࡓࡌࡀ ࡖࡄࡀࡋࡑࡀ ࡕࡉࡕࡀࡉࡀ ࡄࡅ ࡖࡁࡉࡍࡉࡀࡍࡀ
032 ࡊࡅࡋࡇ ࡎࡀࡌࡉࡊ ࡏࡋࡇ . ࡗ ࡄࡀࡋࡀࡋࡕࡀ ࡔࡀࡕࡉࡕ ࡋࡁࡉࡕ ࡕࡉࡍࡕࡀ ࡔࡀࡁࡀࡕࡀ ࡅࡄࡀࡉࡋࡀ ࡏࡄࡀࡁࡕࡋࡀ .
033 ࡗ ࡄࡀࡋࡀࡋࡕࡀ ࡕࡉࡍࡉࡀࡍࡕࡉࡀ ࡍࡀࡎࡁࡉࡕ ࡅࡀࡌࡓࡉࡕ ࡏࡕࡉࡌࡋࡅࡍ ࡄࡉࡉࡀ ࡋࡎࡓࡀࡃࡒࡀ ࡖࡀࡁࡉࡍࡉࡀ ࡕࡉࡁࡕࡀ
034 ࡋࡕࡉࡍࡕࡀ ࡔࡀࡁࡀࡕࡀ ࡅࡄࡀࡉࡋࡀ ࡔࡀࡃࡀࡓࡕࡋࡇ . ࡅࡗ ࡔࡊࡉࡍࡉࡀ ࡄࡉࡉࡀ ࡁࡆࡉࡅࡀࡉࡄࡅࡍ ࡀࡌࡓࡉࡕ
035 ࡔࡀࡁࡀࡕࡇ ࡋࡂࡀࡁࡓࡀࡉࡉࡕ ࡏࡄࡀࡁࡕࡋࡇ ࡖࡄࡅ ࡀࡁࡀࡕࡅࡓ ࡖࡌࡅࡆࡀࡍࡉࡀ ࡔࡅࡌࡇ ࡖࡄࡅ ࡃࡅࡍࡀ
036 ࡒࡀࡓࡉࡋࡇ ࡀࡋࡌࡉࡀ ࡅࡃࡀࡓࡉࡀ ࡖࡄࡅ ࡓࡀࡆࡀ ࡖࡉࡀࡒࡉࡓ ࡌࡍ ࡊࡅࡋࡄࡅࡍ ࡓࡀࡆࡉࡀ ࡀࡋࡌࡉࡀ ࡅࡃࡀࡓࡉࡀ
037 ࡁࡂࡀࡅࡇ ࡋࡂࡉࡈࡉࡀ . ࡅࡗ ࡄࡀࡋࡀࡋࡕࡉࡀ/ࡄࡀࡋࡀࡋࡕࡀ#1#/ ࡕࡋࡉࡕࡀࡉࡕࡀ ࡍࡀࡎࡁࡉࡕ ࡅࡌࡀࡔࡉࡂࡉࡕ ࡍࡉࡀࡓࡀࡊ ࡅࡏࡋ ࡎࡌࡀࡋࡀࡊ
038 ࡓࡀࡌࡉࡕ ࡋࡄࡔࡅࡊࡀ ࡌࡍࡀࡕࡇ ࡏࡄࡀࡁࡕࡋࡇ ࡖࡄࡅ ࡊࡓࡅࡍ ࡈࡅࡓࡀ ࡓࡁࡀ ࡔࡅࡌࡇ . ࡅࡗ ࡌࡔࡀࡁࡀ
039 ࡆࡉࡅࡀ ࡓࡁࡀ ࡒࡀࡃࡌࡀࡉࡀ ࡀࡌࡓࡉࡕ ࡔࡀࡁࡀࡕࡀ ࡋࡃࡉࡋࡀࡊ ࡄࡉࡁࡉࡋ ࡆࡉࡅࡀ ࡏࡄࡀࡁࡕ ࡀࡌࡉࡍࡈࡅࡋ
040 ࡖࡍࡄࡅࡓࡀ ࡓࡁࡀ ࡖࡋࡀࡁࡀࡈࡉࡋ ࡀࡍࡀࡕ ࡌࡀࡆࡓࡅࡕࡀ ࡄࡀࡉࡕࡀ ࡀࡍࡀࡕ ࡏࡋࡀࡅࡀࡉࡀࡍ ࡃࡉࡋࡀࡍ ࡅࡏࡋ ࡀࡋࡌࡉࡀ
041 ࡊࡅࡋࡄࡅࡍ ࡔࡀࡋࡉࡈࡉࡕ ࡅࡋࡀࡉࡉࡕ ࡖࡌࡉࡌࡓࡀࡊ ࡃࡉࡋࡀࡊ ࡌࡀࡋࡊࡀ ࡖࡏࡅࡕࡓࡉࡀ ࡍࡉࡕࡁࡀࡓ . ࡅࡗ ࡔࡅࡋࡕࡀ
042 ࡔࡀࡉࡋࡉࡕ ࡔࡀࡁࡀࡕࡀ ࡋࡀࡁࡀ ࡓࡁࡀ ࡖࡏࡒࡀࡓࡀ ࡖࡄࡅ ࡌࡀࡍࡀ ࡓࡁࡀ ࡅࡀࡁࡀࡕࡅࡓ ࡓࡀࡌࡀ ࡔࡅࡌࡇ
Page 1 of 14   next page »   show all