The Comprehensive Aramaic Lexicon

00a	ࡄࡀࡆࡉࡍ ࡃࡀࡅࡀࡍ ࡆࡉࡄࡓࡅࡍ ࡓࡀࡆࡀ ࡊࡉࡎࡀࡉ
00b	ࡃࡀࡊࡉࡀ ࡌࡀࡓࡀࡉ ࡁࡋࡉࡔࡀࡍࡀ
00c	ࡁࡐࡅࡌࡀ ࡌࡔࡀࡁࡀ ࡖࡕࡅࡔࡁࡉࡄࡕࡀ
001	ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡍࡅࡊࡓࡀࡉࡉࡀ ࡌࡍ ࡀࡋࡌࡉࡀ ࡖࡍࡄࡅࡓࡀ ࡉࡀࡕࡉࡓࡉࡀ ࡖࡏࡋࡀࡅࡉࡀ
002	ࡅࡊࡅࡋࡄࡅࡍ ࡏࡅࡁࡀࡃࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡏࡌࡓࡀ ࡅࡔࡉࡌࡀ ࡍࡉࡄࡅࡉࡋࡀࡉ ࡋࡃࡉࡋࡀࡉ ࡓࡁࡀࡉ ࡆࡉࡄࡓࡅࡍ ࡁࡓ
003	ࡌࡅࡃࡀࡋࡀࡋ . ࡅࡋࡀࡁ ࡉࡀࡄࡉࡀ ࡌࡄࡀࡕࡀࡌ ࡁࡓ ࡀࡍࡄࡀࡓ ࡎࡉࡌࡀࡕ . ࡅࡋࡏࡌ ࡌࡅࡃࡀࡋࡀࡋ ࡐࡕ
004	ࡍࡄࡀࡓ ࡅࡋࡆࡀࡅࡀࡉ ࡎࡉࡌࡀࡕ ࡐࡕ . ࡅࡋࡔࡉࡕࡋ{{ࡉࡀ}}<<ࡀࡉ>> ࡓࡁࡀࡉ ࡉࡀࡄࡉࡀ ࡅࡔࡀࡃࡉࡀ ࡌࡅࡃࡀࡋࡀࡋ
005	ࡅࡎࡀࡌ ࡆࡉࡄࡓࡅࡍ ࡅࡁࡉࡄࡓࡀࡌ ࡅࡓࡀࡌ ࡉࡅࡄࡀࡍࡀ ࡁࡍࡉࡀ ࡎࡉࡌࡀࡕ . ࡅࡋࡀࡄࡀࡉ ࡀࡍࡄࡀࡓ ࡅࡉࡀࡎࡌࡉࡍ ࡅࡉࡀࡄࡉࡀ
006	ࡁ{{ࡉ}}<<ࡅ>>ࡋࡁࡅࡋ ࡉࡀࡄࡉࡀ ࡉࡅࡄࡀࡍࡀ ࡅࡃࡉࡄࡂࡀࡍ ࡌࡀࡌࡀࡍࡉࡀ ࡅࡁࡉࡄࡓࡀࡌ ࡁࡍࡉࡀ ࡌࡅࡃࡀࡋࡀࡋ . ࡅࡋࡀࡄࡀࡉ ࡄࡅࡓࡉࡍࡏ
007	ࡅࡄࡀࡅࡀ ࡅࡄࡀࡅࡀ ࡎࡉࡌࡀࡕ ࡅࡁࡉࡄࡓࡀࡌ ࡅࡎࡀࡌ ࡉࡅࡄࡀࡍࡀ ࡅࡎࡉࡌࡀࡕࡄࡉࡉࡀ ࡁࡍࡉࡀ ࡄࡀࡅࡀ ࡎࡉࡌࡀࡕ
008	. ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡕࡅࡌ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ ࡖࡄࡀࡋࡉࡍ ࡍࡉࡔ
009	ࡌࡀࡕࡀ ࡖࡌࡍ ࡁࡉࡍࡀࡍ ࡐࡓࡀࡔ ࡀࡍࡉࡉࡀ ࡅࡃࡀࡍࡉࡉࡀ ࡅࡕࡀࡓࡌࡉࡃࡉࡀ ࡍࡉࡕࡋࡉࡐࡅࡍ ࡁࡄࡀࡆࡉࡍ ࡌࡀࡎࡉࡒࡕࡀ
010	ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡁࡓ ࡄࡉࡌࡀࡕ ࡓࡀࡆࡉࡀ ࡍࡉࡕࡋࡉࡐ ࡁࡋࡀࡅࡐࡀ ࡖࡀࡁࡀ ࡕࡅࡌ ࡊࡅࡋ ࡌࡀࡍ ࡖ
011	ࡍࡉࡔࡀࡓ ࡁࡄࡀࡆࡉࡍ ࡌࡀࡎࡉࡒࡕࡀ ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡖࡁࡓ ࡄࡉࡌࡀࡕ ࡓࡀࡆࡉࡀ . ࡕࡅࡌ
012	ࡉࡀ ࡀࡄࡀࡍ ࡖࡀࡕࡉࡕࡅࡍ ࡌࡍ ࡀࡁࡀࡕࡓࡀࡍ ࡄࡀࡆࡉࡍ ࡃࡉࡅࡀࡍ ࡓࡉࡔࡀ ࡌࡐࡀࡎࡀࡒ ࡄࡅࡀ ࡊࡅࡋࡌࡀ ࡀࡉࡍࡀࡉ
013	ࡄࡆࡀࡕ ࡌࡋࡉࡁࡀࡉ ࡀࡌࡓࡉࡕ ࡅࡊࡉࡃࡁࡉࡕ ࡋࡕࡀ ࡓࡉࡔࡀ ࡎ ࡀ
014	. ࡄࡀࡆࡉࡍ ࡄࡅ ࡓࡀࡆࡀ ࡊࡀࡎࡉࡀ ࡖࡊࡎࡉࡀ ࡅࡋࡀࡌࡂࡀࡋࡀࡋ ࡌࡍ ࡊࡅࡋࡄࡅࡍ ࡏࡅࡕࡓࡉࡀ ࡖࡌࡍ ࡐࡀࡒࡀࡃࡕࡀ ࡖࡌࡀࡓࡀ
015	ࡖࡓࡀࡁࡅࡕࡀ ࡄࡀࡔࡉࡁ ࡖࡌࡉࡍࡈࡀࡓ ࡏࡋࡇ ࡏࡃࡀ ࡖࡄࡉࡁࡉࡋ ࡆࡉࡅࡀ . ࡅࡄࡀࡉࡆࡀࡊ ࡌࡀࡋࡉࡋ ࡄࡉࡁࡉࡋ ࡆࡉࡅࡀ ࡅࡋࡉࡀ
016	ࡅࡀࡓ ࡆࡉࡅࡀ ࡓࡁࡀ ࡖࡍࡉࡌࡀࡓࡋࡉࡀ ࡀࡕࡅࡍ ࡋࡅࡀࡕࡇ ࡖࡌࡀࡋࡊࡀ ࡖࡍࡉࡂࡀࡋࡀࡋࡅࡍ ࡋࡄࡀࡆࡉࡍ ࡌࡀࡎࡉࡒࡕࡀ ࡖࡆࡉࡄࡓࡅࡍ
017	ࡓࡀࡆࡀ ࡊࡀࡎࡉࡀ ࡁࡓ ࡄࡉࡌࡀࡕ ࡓࡀࡆࡉࡀ . ࡅࡄࡀࡉࡆࡀࡊ ࡀࡌࡀࡓ ࡊࡅࡔࡈࡀ ࡉࡀࡒࡓࡀ ࡅࡋࡉࡀࡅࡀࡓ ࡓࡁࡀ ࡖࡍࡉࡌࡀࡓࡋࡇ
018	ࡅࡓࡀࡄࡌࡉࡀ ࡖࡌࡀࡎࡉࡒࡕࡀ ࡏࡋ ࡌࡀࡑࡁࡅࡕࡀ ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡁࡓ ࡄࡉࡌࡀࡕ ࡓࡀࡆࡉࡀ ࡅࡋࡏࡋ ࡋࡀࡅࡐࡀ ࡖ
019	ࡍࡉࡀࡓࡀ ࡖࡌࡉࡅࡉࡀ ࡀࡌࡉࡍࡈࡅࡋ ࡖࡀࡍࡀࡕ ࡋࡏࡍࡉࡔ ࡋࡀࡕࡉࡂࡀࡋࡉࡋ . ࡏࡋࡀ ࡋࡄࡀࡃ ࡁࡃࡀࡓࡀ ࡏࡅ ࡌࡂࡀࡋࡉࡋ ࡔࡉࡄࡉࡀ
020	ࡅࡋࡀࡍࡀࡔࡉࡀ ࡅࡋࡄࡀࡉࡌࡀࡍࡅࡕࡀ ࡖࡄࡉࡉࡀ ࡋࡉࡕࡁࡅࡍ . ࡅࡄࡀࡅࡉࡀ ࡄࡀࡌࡁࡀࡂࡀ ࡂࡉࡍࡆࡀ ࡓࡁࡅࡕࡀ ࡍࡀࡎࡉࡁ ࡋࡀࡉࡉࡕ .
021	ࡀࡌࡉࡍࡈࡅࡋ ࡖࡓࡁࡅࡕࡀࡍࡉࡀ ࡃࡌࡅࡕࡀࡉࡅࡍ ^ࡎࡍࡉࡀ^ ࡅࡄࡀࡁࡀࡓࡀ ࡏࡐࡓࡀ ࡏࡋࡀࡅࡀࡉࡄࡅࡍ ࡅࡄࡀࡋࡉࡍ ࡁࡄࡉࡓࡉࡀ ࡆࡉࡃࡒࡀ
022	ࡎࡀࡄࡃࡉࡀ ࡅࡄࡉࡍࡅࡍ ࡁࡀࡋࡌࡀ ࡉࡀࡌࡉࡍࡀ ࡄࡀࡅࡉࡀ ࡃࡀࡅࡓࡀࡉࡄࡅࡍ ࡅࡄࡉࡉࡀ ࡆࡀࡊࡏࡉࡍ
022a	ࡎ ࡀ
023	ࡅࡄࡀࡉࡆࡀࡊ ࡒࡀࡌ ࡀࡉࡀࡓ ࡓࡁࡀ ࡅࡌࡀࡓࡀ ࡖࡓࡀࡁࡅࡕࡀ ࡅࡋࡄࡉࡁࡉࡋ ࡆࡉࡅࡀ ࡅࡀࡃࡀࡕࡀࡍ ࡓࡁࡀ ^ࡅࡉࡀࡃࡀࡕࡀࡍ ࡓࡁࡀ^ ࡅࡀࡍࡅࡔ ࡓࡁࡀ ࡅࡔࡉࡋࡌࡀࡉ
024	ࡓࡁࡀ ࡅࡍࡉࡃࡁࡀࡉ ࡓࡁࡀ . ࡅࡏࡕࡊࡀࡍࡀࡐࡉࡅࡍ ࡁࡒࡀࡋࡀ ࡄࡀࡉࡋࡀ ࡅࡊࡀࡋࡅࡆࡀ ࡅࡀࡌࡀࡓࡉࡅࡍ . ࡒࡅࡌ ࡒࡅࡌ ࡁࡄࡉࡓࡉࡀ
025	ࡆࡉࡃࡒࡀ ࡅࡕࡓࡀࡑ ࡕࡀࡂࡀࡉࡅࡍ ࡅࡀࡌࡀࡓࡉࡅࡍ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡍࡅࡊࡓࡀࡉࡉࡀ ࡌࡍ
026	ࡀࡋࡌࡉࡀ ࡖࡍࡄࡅࡓࡀ ࡀࡋࡌࡀ ࡋࡃࡅࡊࡕࡀ ࡖࡀࡌࡀࡓ ࡀࡎࡅࡕࡀ ࡅࡆࡀࡊࡅࡕࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ
027	ࡋࡃࡉࡋࡉࡀ ࡐࡋࡀࡍ ࡁࡓ ࡐࡋࡀࡍࡉࡕࡀ . ࡕࡅࡌ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ
028	ࡋࡄࡀࡆࡀ ࡍࡉࡔࡉࡌࡕࡇ ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡁࡓ ࡄࡉࡌࡀࡕ ࡓࡀࡆࡉࡀ ࡖࡄࡀࡆࡀ ࡌࡀࡎࡉࡒࡕࡀ ࡁࡄࡀࡉࡋࡇ
029	ࡖࡉࡀࡅࡀࡓ ࡆࡉࡅࡀ ࡅࡎࡉࡌࡀࡕ ࡄࡉࡉࡀ . ࡀࡌࡉࡍࡈࡅࡋ ࡖࡏࡋ ࡒࡀࡋࡀ ࡍࡐࡀࡋ ࡁࡏࡅࡃࡍࡇ ࡖࡄࡀࡍࡀࡕࡇ ࡍࡉࡔࡉࡌࡕࡀ
030	ࡁࡌࡀࡈࡀࡓࡕࡀ ࡖࡋࡉࡅࡉࡀࡕࡉࡍ . ࡅࡄࡀࡉࡆࡀࡊ ࡒࡓࡅࡍ ࡁࡔࡅࡌࡀ ࡖࡄࡀࡄࡅ ࡂࡀࡁࡓࡀ ࡒࡀࡃࡌࡀࡉࡀ . ࡅࡃࡅࡊࡕࡀ
031	ࡖࡀࡌࡀࡓ ࡍࡎࡉࡁ ࡊࡋࡉࡋࡀ ࡖࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ ࡁࡓࡉࡔࡀࡉ ࡕࡓࡀࡑࡋࡉࡀ . ࡅࡒࡓࡅࡍ ࡄࡉࡉࡀ ࡒࡉࡓࡉࡅࡉࡀ
032	ࡋࡉࡀࡅࡀࡓ ࡆࡉࡅࡀ ࡅࡍࡄࡅࡓ ࡍࡄࡅࡓࡀ ࡅࡌࡀࡍࡃࡀ ࡒࡓࡀࡍ . ࡅࡒࡓࡅࡍ ࡓࡉࡄࡀ ࡖࡁࡀࡎࡉࡌ ࡄࡀࡋ ࡄࡉࡉࡀ ࡒࡀࡃࡌࡀࡉࡉࡀ
033	ࡋࡓࡉࡄࡀ ࡅࡓࡌࡅࡍ ࡋࡍࡅࡓࡀ ࡅࡒࡓࡅࡍ ࡏࡍࡉࡀࡍࡀ ࡅࡃࡓࡀࡔࡉࡀ ࡖࡔࡉࡔࡋࡀࡌ ࡏࡋ ࡃࡓࡀࡁࡔࡉࡀ . ࡄࡀࡍࡀࡕࡀ
034	ࡏࡃࡀࡍࡀ ࡀࡆࡀࡋ ࡐࡀࡓࡅࡀࡍࡒࡀ ࡌࡍ ࡄࡀࡁࡔࡀࡁࡀ ࡋࡄࡀࡍࡀࡕࡀ ࡍࡉࡔࡉࡌࡕࡀ ࡖࡌࡀࡕࡉࡋࡇ ࡌࡍ ࡄࡀࡍࡀࡕࡅࡍ
035	ࡌࡀࡈࡀࡓࡀࡕࡀ ࡖࡔࡅࡁࡀ ࡖࡋࡀࡔࡀࡋࡉࡈ ࡋࡍࡉࡔࡉࡌࡕࡀ ࡖࡁࡀࡉࡉࡍ ࡌࡍ ࡀࡕࡅࡕࡉࡀ ࡄࡀࡕࡌࡅࡍ ࡏࡍࡉࡔ
036	ࡋࡀࡍࡉࡐࡅࡒ ࡅࡀࡕࡉࡇ ࡋࡄࡀࡍࡀࡕࡇ ࡍࡉࡔࡉࡌࡕࡀ ࡋࡒࡅࡃࡀࡌ ࡀࡁࡀࡕࡅࡓ ࡀࡋࡌࡀ ࡖࡎࡀࡉࡊࡅࡍ ࡓࡀࡄࡌࡀࡉࡅࡍ
037	ࡅࡐࡔࡀࡈࡉࡅࡍ ࡊࡅࡔࡈࡀ ࡅࡋࡀࡍࡅࡒࡓࡅࡍ ࡕࡀࡂࡀࡉࡅࡍ ࡀࡋࡌࡀ ࡖࡀࡉࡕࡅࡍ ࡐࡀࡕࡅࡓࡀ ࡅࡀࡌࡀࡓࡉࡅࡍ ࡋࡀࡅࡐࡀ
038	ࡅࡓࡅࡀࡄࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ ࡋࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡖࡄࡀࡆࡀ
039	ࡌࡀࡎࡉࡒࡕࡀ . ࡅࡄࡀࡉࡆࡀࡊ ࡀࡆࡀࡋࡉࡅࡍ ࡔࡂࡀࡍࡃ{{ࡀ}}<<ࡉ>>ࡀ ࡅࡀࡉࡕࡅࡍ ࡌࡉࡅࡉࡀ ࡌࡍ ࡄࡀࡍࡀࡕࡇ ࡂࡉࡍࡕࡀ ࡖࡏࡋࡀࡍࡉࡀ
040	ࡅࡀࡉࡕࡅࡍ ࡎࡉࡍࡃࡉࡓࡊࡀ ࡅࡌࡉࡅࡉࡀ ࡊࡅࡋࡄࡅࡍ ࡓࡀࡄࡁࡀࡕࡀ ࡅࡀࡕࡍࡀ ࡁࡉࡍࡉࡀࡓࡀ ࡗ ࡁࡈࡀࡓࡉࡀࡍࡀ ࡅࡌࡎࡀࡃࡀࡓ
041	ࡅࡀࡌࡀࡓࡉࡅࡍ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ ࡋࡄࡀࡆࡀ ࡍࡉࡔࡉࡌࡕࡇ ࡖࡆࡉࡄࡓࡅࡍ
042	ࡓࡀࡆࡀ ࡊࡀࡎࡉࡀ ࡁࡓ ࡄࡉࡌࡀࡕ ࡓࡀࡆࡉࡀ ࡖࡄࡀࡆࡀ ࡌࡀࡎࡉࡒࡕࡀ ࡖࡌࡉࡕࡋࡉࡐࡀ ࡁࡋࡀࡅࡐࡀ ࡁࡄࡀࡋࡉࡍ ࡌࡉࡅࡉࡀ
043	{{ࡅࡃࡀࡁࡀࡄࡀࡕࡀ}} ࡈࡀࡁࡉࡀ ࡅࡃࡀࡁࡀࡄࡀࡕࡀࡍ ࡅࡓࡅࡁࡀࡍࡀࡍ ࡅࡃࡀࡄࡀࡍ ࡅࡃࡀࡄࡅࡀࡕࡀࡍ ࡖࡍࡐࡀࡒ ࡌࡍ ࡐࡀࡂࡓࡀࡉ
044	ࡄࡅࡍ ࡅࡋࡃࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ ࡅࡍࡉࡔࡌࡀࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉ
045	ࡄࡅࡉࡋࡅࡍ . ࡅࡄࡀࡉࡆࡀࡊ ࡏࡈࡀࡉࡀࡁࡉࡅࡍ ࡕࡋࡀࡕ ࡏࡅࡌࡑࡉࡀ ࡁࡌࡉࡄࡋࡀ ࡅࡏࡄࡀࡁࡋࡅࡍ ࡐࡀࡒࡀࡃࡕࡀ ࡋࡈࡀࡉࡅࡁࡉࡀ
046	ࡍࡉࡔࡌࡀࡕࡀ ࡅࡎࡀࡉࡊࡅࡍ ࡀࡌࡉࡍࡈࡅࡋ ࡖࡋࡀࡅࡐࡀ ࡖࡐࡀࡕࡅࡓࡀ ࡆࡀࡌࡀࡍࡕࡀ ࡖࡍࡉࡔࡉࡌࡕࡀ ࡏࡋࡇ ࡋࡀࡅࡐࡀ ࡖ
047	ࡎࡉࡍࡃࡉࡓࡊࡀ ࡅࡌࡉࡀ ࡖࡌࡍ ࡏࡋࡀࡍࡉࡀ ࡏࡄࡀࡁࡋࡉࡀ ࡋࡄࡀࡍࡀࡕࡇ ࡍࡉࡔࡉࡌࡕࡀ ࡖࡁࡀࡉࡀ ࡌࡉࡈࡀࡉࡅࡁࡉࡀ ࡌࡉࡍࡀࡉࡅࡍ
048	ࡅࡄࡀࡉࡆࡀࡊ ࡒࡓࡅࡍ . ࡁࡔࡅࡌࡀࡉࡄࡅࡍ ࡖࡄࡉࡉࡀ ࡅࡁࡔࡅࡌࡇ ࡖࡌࡀࡍࡃࡀ ࡖࡄࡉࡉࡀ ࡕࡉࡕࡒࡀࡁࡀࡋ ࡈࡀࡁࡅࡕ
049	ࡄࡉࡉࡀ ࡅࡀ<<ࡅ>>ࡒࡉ^ࡓࡉ^ࡅࡍ ࡕࡀࡂࡀࡉࡅࡍ ࡅࡀࡎࡂࡅࡍ ࡃࡓࡀࡁࡔࡀ ࡋࡊࡉࡐࡇ ࡖࡀࡁ ࡉࡀࡓࡃࡍࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ
050	ࡓࡁࡉࡀ ࡄࡀࡆࡉࡍ ࡌࡀࡑࡁࡅࡕࡀ ࡉࡀࡒࡉࡓࡕࡀ ࡅࡊࡀࡁࡉࡓࡕࡀ ࡖࡀࡐࡓࡉࡔࡀࡕ ࡌࡀࡋࡊࡉࡀ ࡅࡕࡉࡒࡍࡀࡕ
051	ࡍࡉࡈࡅࡐ^ࡉࡀ^ࡕࡀ ࡅࡃࡀࡊࡉࡀࡕࡀ ࡌࡉࡄࡉࡀࡕࡀ ࡖࡄࡉࡉࡀ ࡅࡄࡀࡅࡉࡕࡇ ࡅࡐࡀࡓࡉࡒࡕࡇ . ࡀࡌࡉࡍࡈࡅࡋ ࡖࡄࡉࡅࡉࡀ {{ࡍࡉࡈࡅࡐࡉࡀࡕࡀ}}
052	ࡗ ࡌࡀࡄࡉࡀ ࡋࡀࡁࡉࡔࡋࡇ ࡋࡏࡅࡑࡈࡅࡍࡀ ࡏࡄࡀࡌࡁࡀࡋ ࡅࡄࡀࡆࡉࡍ ࡄࡏ ࡌࡀࡑࡁࡅࡕࡀ ࡖࡆࡉࡄࡓࡅࡍ
053	ࡓࡀࡆࡀ ࡊࡀࡎ{{ࡀ}<<ࡉ>>ࡉࡀ ^ࡖࡄࡅ ࡔࡅࡁࡀ ࡊࡀࡎࡉࡉࡀ^ ࡀࡄࡇ ࡖࡌࡍ ࡌࡀࡓࡀ ࡖࡓࡀࡁࡅࡕࡀ ࡐࡉࡓࡔࡀࡕ ࡅࡏࡕࡉࡀࡄࡁࡀࡕ ࡋࡁࡄࡉࡓࡉࡀ ࡆࡉࡃࡒࡀ
054	ࡖࡌࡍ ࡕࡋࡀࡕ ࡌࡉࡄࡉࡀࡕࡀ ࡖࡔࡅࡁࡀ ࡔࡀࡋࡉࡈࡉࡅࡍ ࡀࡌࡉࡍࡈࡅࡋ ࡖࡀࡌࡀࡓ ࡁࡀࡉࡍ{{ࡉࡀ}}<<ࡀࡉ>> ࡁࡓ ࡆࡀࡊࡏ
055	. ࡌࡍ ࡌࡀࡋࡀࡋࡇ ࡖࡓࡀࡌࡅࡉࡀ ࡁࡓ ࡏࡒࡀࡉࡌࡀࡕ ࡖࡄࡀࡍࡀࡕࡇ ࡌࡀࡑࡁࡅࡕࡀ ࡅࡌࡀࡎࡉࡒࡕࡀ ࡄࡉࡍࡅࡍ
056	ࡀࡎࡂࡉࡕ ࡁࡋࡉࡂࡓࡀࡉ ࡅࡌࡉࡌࡀࡓ ࡀࡌࡓࡉࡕ ࡁࡀࡍࡀࡔࡉࡀ ࡋࡄࡀࡆࡉࡍ ࡌࡀࡋࡀࡋࡉࡀ ࡋࡉࡔࡊࡉࡕ ࡖࡌࡕࡀࡒࡍࡀࡍ
057	ࡋࡁࡀࡓ ࡌࡍ ࡄࡀࡆࡉࡍ ࡌࡀࡎࡉࡒࡕࡀ ࡅࡌࡀࡑࡁࡅࡕࡀ . ࡀࡋࡌࡀ ࡖࡀࡕࡅࡍ ࡍࡀࡈࡓࡉࡀ ࡅࡂࡀࡋࡉࡋࡉࡅࡍ ࡋࡄࡀࡍࡀࡕࡇ
058	ࡃࡅࡊࡕࡀ ࡖࡍࡀࡈࡓࡀ ࡄࡉࡁࡉࡋ ࡆࡉࡅࡀ ࡌࡀࡍࡀ ࡃࡀࡊࡉࡀ ࡁࡄࡀࡍࡀࡕࡇ ࡁࡀࡉࡕࡀ ࡖࡂࡋࡀࡋࡀ ࡁࡓࡉࡔ ࡈࡅࡓࡀ
059	ࡅࡀࡕࡉࡕ ࡀࡍࡀ ࡓࡀࡌࡅࡉࡀ ࡅࡄࡆࡉࡕ ࡗ ࡏࡕࡂࡀࡋࡀࡋࡉࡅࡍ {{ࡋࡄࡀࡍࡀ}} ࡌࡍ ࡈࡅࡓ{{ࡀ}}<<ࡉ><<ࡀ>> ࡅࡌࡍ ࡆࡉࡅࡀ ࡅࡍࡉࡄࡓࡉࡕ
060	ࡅࡄࡆࡉࡕ ࡗ ࡄࡆࡀࡉࡀࡍ ࡀࡉࡍࡀࡉ ࡅࡔࡉࡌࡉࡕ ࡗ ࡔࡅࡌࡀࡉࡀࡍ ࡏࡅࡃࡍࡀࡉ .. ࡀࡌࡉࡍࡈࡅࡋ ࡖࡄࡀࡆࡉࡍ
061	ࡌࡀࡑࡁࡅࡕࡀ ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡁࡓ ࡄࡉࡌࡀࡕ ࡓࡀࡆࡉࡀ ࡖࡕࡉࡀࡄࡁࡀࡕ ࡋࡉࡁࡄࡉࡓࡉࡀ ࡆࡉࡃࡒࡀ
062	ࡖࡁ ࡂࡀࡅࡇ ࡍࡉࡎࡒࡅࡍ ࡋࡀࡕࡓࡇ ࡖࡍࡄࡅࡓࡀ ࡖࡄࡅ ࡉࡅࡓࡁࡀ ࡓࡁࡀ ࡀࡌࡀࡓࡋࡇ ࡋࡆࡉࡄࡓࡅࡍ ࡓࡀࡆࡀ ࡋࡄࡀࡃ
063	ࡄࡀࡃ ࡓࡀࡆࡀ ࡅࡀࡐࡓࡉࡔࡋࡇ ࡖࡍࡉࡃࡀ ࡌࡀࡑࡁࡅࡕࡀ ࡌࡀࡄࡅ ࡁࡍࡉࡔࡉࡌࡕࡀ {{ ^ࡀࡁࡃࡀ^ . ࡅࡄࡀࡉࡆࡀࡊ ࡓࡀࡆࡉࡀ
064	ࡌࡃࡀࡊࡉࡀࡋࡅࡍ . ࡄࡀࡉࡆࡀࡊ ࡗ ࡋࡀࡁࡔࡉࡕ ࡅࡌࡉࡊࡀࡎࡉࡕ ࡅࡁࡔࡅࡁࡀ ࡓࡀࡆࡉࡀ ࡌࡀࡋࡊࡉࡀ ࡋࡁࡀࡔࡕ ^ࡒࡀ<<ࡉ>>ࡌࡉࡕࡅࡍ ࡄࡀࡍࡀࡕࡅࡍ ࡔࡅࡁࡀ ࡌࡀࡋࡊࡉࡀ^ ࡔࡅࡁࡀ
065	ࡓࡒࡉࡄࡉࡀ ࡀࡍࡃࡀࡕ . ࡅࡗ ࡌࡀࡓࡂࡍࡀ ࡅࡀࡎࡀ ࡍࡉࡎࡁࡉࡕ ࡅࡋࡉࡀࡓࡃࡍࡀ ࡄࡀࡆࡉࡀࡕࡋࡇ ࡊࡅࡋࡄࡅࡍ ࡓࡀࡆࡉࡀ
066	ࡅࡓࡉࡄࡔࡉࡀ ࡌࡍ ࡃࡅࡊࡕࡀࡉࡄࡅࡍ . ࡅࡗ ࡍࡅࡓࡀ ࡀࡕࡍࡀ ࡋࡒࡅࡃࡀࡌࡀࡊ ࡀࡉࡍࡀ ࡖࡍࡀࡑ{{ࡉ}}<<ࡀ>>ࡓࡅࡕࡀ ࡊࡅࡋࡀ
067	ࡏࡕࡐࡉࡄࡕࡀࡕ ࡏࡋࡀࡊ . ࡅࡗ ࡏࡍࡉࡀࡍࡀ ࡒࡀࡓࡉࡕ ࡅࡀࡌࡓࡉࡕ ࡗ ࡀࡎࡀ ࡀࡎࡀ ࡁࡂࡍࡉࡍࡉࡀ ࡄࡉࡁࡉࡋ
068	ࡓࡀࡅࡆࡉࡀ ࡉࡀࡓࡃࡍࡀ ࡊࡅࡋࡇ ࡏࡕࡀࡓ ࡅࡃࡓࡀࡁࡔࡀࡊ ࡍࡄࡀࡓ ࡅࡗ ࡄࡀࡍࡀࡕࡇ ࡃࡓࡀࡁࡔࡀ ࡖࡍࡂࡉࡃ
069	ࡒࡅࡃࡀ{{ࡊ}}<<ࡌ>>ࡀࡊ . ࡅࡗ ࡂࡀࡃࡋࡀࡕࡋࡇ ࡊࡋࡉࡋࡀ ࡓࡅࡄࡀ ࡅࡍࡉࡔࡉࡌࡕࡀ ࡁࡉࡄࡃࡀࡃࡉࡀ ࡏࡕࡋࡉࡐࡉࡅࡍ . ࡅࡗ
070	ࡏࡅࡍࡉࡀࡍ ࡀࡁ {{ࡏࡅࡍࡉࡍࡉࡍ}} ࡏࡅࡍࡉࡀࡍ ࡀࡍࡀ ࡁࡄࡀࡉࡋࡇ ࡖࡀࡁ ࡉࡀࡅࡀࡓ ࡋࡉࡀࡓࡃࡍࡀ ࡀࡎࡂࡉࡕ ࡅࡁࡄࡀࡉࡋ{{ࡉ}}<<ࡇ>> ࡖࡌࡀࡍࡃࡀ ࡖ
071	ࡖࡄࡉࡉࡀ ࡊࡋࡉࡋࡀ ࡋࡏࡅࡕࡓࡉࡀ ࡏࡕࡓࡀࡑ ࡀࡌࡓࡉࡕ ࡍࡉࡈࡅࡁࡕࡀ ࡏࡌࡀࡉࡄࡅࡍ ࡖࡌࡀࡋࡊࡉࡀ ࡀࡐࡓࡀࡔࡁࡀࡊ
072	ࡖࡄࡏ ࡉࡀࡓࡃࡍࡀ ࡂࡀࡅࡀࡉࡀ ࡁࡋࡉࡁࡀࡊ ࡔࡊࡉࡍ . ࡅࡗ ࡏࡅࡍࡉࡀࡍ ࡀࡁ ࡏࡅࡍࡉࡀࡍ ࡕࡉࡍࡉࡀࡍࡀ ࡖࡀࡌࡓࡉࡕ
073	ࡄࡉࡉࡀ ࡓࡁࡉࡀ ࡌࡍ {{ࡏ}}ࡌࡓࡅࡌࡀ ࡏࡍࡉࡅࡊ . ࡅࡓࡅࡔࡅࡌࡉࡀ ࡊࡅࡋࡄࡅࡍ ࡑࡄࡌࡉࡅࡍ ࡀࡋࡀࡍࡐࡇ ࡖࡀࡕࡀࡕ ࡉࡀࡓࡃࡍࡀ
074	ࡋࡀࡌࡀࡓࡃࡉࡍ ࡉࡀࡓࡃࡍࡀ ࡅࡀࡉࡀࡓ ࡌࡉࡀ ࡄࡅ ࡖࡀࡍࡉࡍ ࡁࡂࡀࡅࡇ ࡌࡉࡕࡋࡀࡁࡔࡉࡍࡉࡍ ࡅࡁࡄࡀࡋࡉࡍ ࡆࡄࡀࡓࡉࡀ
075	ࡋࡉࡄࡃࡀࡉࡀ ࡖࡑࡀࡄࡅࡌ ࡄࡀࡍࡀࡕࡇ ࡓࡅࡔࡅࡌࡀ ࡖࡁࡀࡉࡉࡕ ࡌࡉࡌࡀࡓ ࡌࡍ ࡆࡉࡅࡀࡊ ࡕࡉࡀࡋࡁࡔࡉࡇ ࡅࡌࡍ
076	ࡍࡄࡅࡓࡀࡊ ࡕࡀࡊࡀࡎࡉࡀ . ࡀࡌࡉࡍࡈࡅࡋ ࡖࡁࡀࡉࡉࡀ ࡌࡉࡌࡀࡓ ࡖࡀࡎࡀࡕࡀ ࡌࡉࡀ ࡀࡎࡉࡀ ࡄࡅ ࡄࡀࡍࡀࡕࡅࡍ
077	ࡆࡄࡀࡓࡉࡀ ^ࡖ^ࡌࡍ ࡆࡉࡅࡀࡊ ࡕࡉࡀࡋࡁࡔࡉࡀ ࡅࡃ ࡍࡀࡐࡒࡀ ࡌࡍ ࡄࡁࡉࡋࡀ ࡋࡁࡉࡍࡉࡀࡍࡀ . ࡗ ࡁࡔࡅࡌࡀࡉࡄࡅࡍ ࡖ
078	ࡄࡉࡉࡀ ࡓࡁࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡆࡉࡄࡓࡅࡍ ࡁࡓ ࡌࡅࡃࡀࡋࡀࡋ
079	. ࡕࡅࡌ ࡀࡎࡅࡕࡀ ࡅࡆࡀࡊࡅࡕࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡐࡋࡀࡍ ࡁࡓ ࡐࡋࡀࡍࡉࡕࡀ ࡖࡍࡀࡄࡉࡕ
080	ࡋࡉࡀࡓࡃࡍࡀ ࡅࡌࡉࡑࡈࡁࡀ ࡅࡌࡒࡀࡁࡉࡋ ࡃࡀࡊࡉࡀ ࡓࡅࡔࡅࡌࡀ ࡁࡉࡍࡉࡀࡍࡀ ࡊࡅࡋࡇ ࡋࡂࡀࡈ ࡁࡉࡄࡃࡀࡃࡉࡀ
081	ࡅࡌࡀࡆࡓࡅࡕࡀ ࡄࡀࡉࡕࡀ ࡏࡔࡀࡕࡀ ࡏࡊࡉࡋࡕࡀ ࡏࡕࡁࡉࡄࡓࡀࡕ ࡅࡕࡉࡒࡍࡀࡕ ࡁࡓࡉࡔࡀ ࡖࡄࡀࡍࡀࡕࡇ
082	ࡍࡉࡔࡉࡌࡕࡀ . ࡅࡗ ࡀࡓࡁࡉࡀ ࡁࡀࡅࡀࡕࡀ ࡒࡀࡓࡉࡕ ࡋࡕࡀࡂࡀࡊ ࡅࡊࡋࡉࡋࡀ ࡁࡓࡉࡔࡀࡊ ࡄࡀࡉࡋࡀ ࡅࡊࡀ
083	ࡁࡉࡓࡀ ࡅࡓࡀࡆࡀ ࡖࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ ࡏࡕࡄࡉࡁࡋࡇ ࡋࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ . ࡅࡗ
084	ࡄࡀࡉࡀࡋ ࡊࡁࡀࡓ ࡒࡀࡓࡉࡕ ࡅࡋࡀࡂࡈࡉࡕ ࡐࡀࡍࡃࡀࡌࡀ ࡄࡀࡍࡀࡕࡇ ࡓࡀࡆࡉࡀ ࡖࡔࡅࡁࡀ ࡔࡀࡋࡉࡈ
085	ࡋࡍࡉࡔࡉࡌࡕࡀ ࡌࡉࡍࡇ ࡏࡕࡊࡉࡁࡔࡀࡕ . ࡅࡗ ࡓࡉࡄࡀ ࡖࡁࡀࡎࡉࡌ ࡄࡀࡋ ࡄࡉࡉࡀ ࡒࡀࡃࡌࡀࡉࡉࡀ
086	ࡋࡓࡉࡄࡀ ࡅࡎࡉࡍࡃࡋࡅࡎ ࡒࡀࡓࡉࡕ ࡐࡀࡓࡅࡀࡍࡒࡀ ࡋࡀࡓࡒࡀ ࡖࡍࡄࡅࡓࡀ ࡔࡀࡃࡀࡓࡕ . ࡅࡗ ࡀࡎࡅࡕࡀ
087	ࡅࡆࡀࡊࡅࡕࡀ ࡀࡌࡓࡉࡕ ࡒࡀࡓࡉࡕ ࡀࡅࡃࡉࡍ ࡅࡕࡅࡔࡁࡉࡄࡀࡍ ࡅࡏࡋࡊࡅࡍ ࡃࡉࡋࡊࡅࡍ ࡀࡌࡓࡉࡕ ࡁࡔࡅࡌࡀ ࡖ
088	ࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡁࡓ ࡄࡉࡌࡀࡕ ࡓࡀࡆࡉࡀ ࡀࡍࡃࡉࡕࡇ ࡋࡄࡀࡍࡀࡕࡇ ࡂࡀࡓࡂࡋࡀ ࡏࡋࡀࡉࡀ ࡅࡍࡀ
089	ࡐࡋࡉࡍ ࡁࡏࡅࡃࡍࡇ . ࡅࡗ ࡁࡉࡕ ࡌࡉࡔࡒࡀࡋ ࡀࡉࡍࡇ ࡊࡀࡃࡐࡉࡀ ࡅࡃࡓࡀࡉࡉࡀ ࡀࡌࡓࡉࡕ ࡅࡌࡍ ࡆࡉࡅࡀࡊ
090	ࡕࡉࡀࡋࡁࡔࡉࡀ ࡀࡌࡓࡉࡕ ࡅࡊࡅࡋࡄࡅࡍ ࡏࡅࡕࡓࡉࡀ ࡖࡀࡓࡒࡀ ࡖࡍࡄࡅࡓࡀ ࡐࡀࡄࡕࡉࡀ ࡀࡉࡍࡀࡉࡄࡅࡍ ࡄࡀࡆࡉࡋࡇ
091	ࡋࡄࡀࡍࡀࡕࡇ}} ࡍࡉࡔࡉࡌࡕࡀ ࡖࡏࡕࡐࡀࡓࡀࡒࡕ ࡌࡍ ࡄࡀࡍࡀࡕࡇ ࡓࡉࡃࡐࡀ ࡖࡌࡉࡈࡉࡉࡇ . ࡅࡗ ࡀࡎࡅࡕࡀ
092	ࡅࡆࡀࡊࡅࡕࡀ ࡅࡌࡉࡔࡒࡀࡋ ࡀࡉࡍࡉࡀ ࡀࡓࡅࡌࡉࡀ ࡂࡉࡋࡉࡀ ࡐࡀࡓࡑࡅࡐࡉࡀ ࡀࡌࡓࡉࡕ ࡄࡀࡍࡀࡕࡇ ࡃࡓࡀࡁࡔࡀ
093	ࡖࡍࡂࡉࡃ ࡒࡅࡃࡀࡌࡀࡊ ࡆࡉࡅࡀ ࡋࡄࡀࡍࡀࡕࡇ ࡍࡉࡔࡉࡌࡕࡀ ࡌࡍ ࡓࡉࡃࡐࡀ ࡃࡀࡄࡍࡀ . ࡅࡗ ࡒࡀࡓࡉࡕ ࡁࡉࡅࡌࡀ
094	ࡖࡉࡀࡓࡃࡍࡀ ࡅࡎࡉࡂࡃࡉࡕ ࡅࡔࡀࡁࡀࡕࡇ ࡋࡄࡀࡊ ࡉࡀࡅࡀࡓ ࡆࡉࡅࡀ ࡁࡂࡋࡅࡑࡈࡌࡀ ࡂࡀࡅࡀࡉࡀ ࡖࡐࡀࡓࡆࡋࡀ ࡏࡕࡋࡀࡁࡀࡔ ࡖࡏࡍࡉࡔ ࡌࡍ ࡔࡅࡁࡀ
095	ࡋࡀࡍࡉࡔࡕࡀ^ࡋࡀ^ࡈ ࡋࡄࡀࡍࡀࡕࡇ ࡍࡉࡔࡉࡌࡕࡀ . ࡅࡗ ࡌࡄࡀࡋࡆࡉࡕ ࡅࡂࡀࡈࡓࡉࡕ ࡊࡀࡍࡆࡀࡋࡀࡊ ࡄࡕࡀࡌࡕࡇ ࡋࡊࡅࡋࡇ ࡂࡉࡍࡆࡀࡊ ࡅࡔࡊࡉࡍࡕࡀ
096	ࡁࡉࡀࡓࡃࡍࡀ ࡔࡕࡊࡉࡍࡀࡋࡇ . ࡅࡗ ࡒࡀࡓࡉࡕ ࡀࡍࡀ ࡄࡅ ࡉࡅࡓ ࡁࡓ ࡁࡀࡓࡉࡕ ࡋࡊࡀࡍࡆࡀࡋࡀࡊ ࡒࡀࡓࡉࡕ . ࡅࡗ ࡋࡉࡀࡓࡃࡍࡀ ࡀࡎࡂࡉࡕ ࡒࡀࡓࡉࡕ
097	ࡌࡉࡀ ࡁࡉࡀࡓࡃࡍࡀ ࡖࡀࡁࡀ ࡖࡏࡅࡕࡓࡉࡀ ࡋࡒࡅࡃࡀࡌࡀࡊ ࡍࡂࡀࡃࡕ ࡅࡗ ࡀࡌࡓࡉࡕ ࡒࡅࡌࡀࡕ ࡅࡏࡄࡅࡕ ࡅࡍࡀࡄࡕࡉࡕ ࡋࡉࡀࡓࡃࡍࡀ ࡁࡉࡀࡓࡃࡍࡀ
098	ࡐࡀࡔࡉࡈ ࡉࡀࡌࡉࡍࡇ ࡏࡋࡀࡊ ࡅࡌࡒࡀࡁࡉࡋࡀࡊ . ࡅࡗ ࡁࡔࡅࡌࡇ ࡖࡉࡅࡎࡌࡉࡓ ࡂࡅࡐࡍࡀ ࡒࡀࡃࡌࡀࡉࡀ ࡀࡌࡓࡉࡕ ࡅࡊࡀࡎࡉࡀࡕࡋࡇ ࡏࡋ
099	ࡌࡀࡓࡂࡍࡀࡊ ࡁࡊࡋࡉࡋࡀ ࡅࡕࡀࡓࡑࡀࡕࡋࡇ ࡅࡌࡀࡋࡁࡉࡔࡀࡕࡋࡇ ࡁࡊࡀࡍࡆࡀࡋࡀࡊ ࡀࡋࡁࡉࡔࡕࡇ ࡋࡍࡉࡔࡉࡌࡕࡀ ࡁࡀࡍࡄࡅࡓࡀ ࡅࡋࡓࡅࡄࡀ ࡌࡉࡍࡇ ࡀࡋࡅࡉࡕࡀ
100	. ࡅࡗ ࡏࡎࡉࡓ ࡉࡀࡌࡀ ࡒࡀࡓࡉࡕ ࡀࡄࡃࡀࡓࡕࡋࡇ ࡔࡅࡁࡀ ࡔࡅࡓࡉࡀ ࡋࡄࡀࡍࡀࡕࡇ ࡍࡉࡔࡉࡌࡕࡀ ࡀࡊࡅࡀࡕ ࡖ^ࡀ^ࡄࡃࡀࡓ ࡄࡀࡉࡀࡔࡅࡌ
101	ࡊࡅࡔࡈࡀ ࡅࡗ ࡂࡉࡌࡓࡀ ࡀࡍࡀ ࡂࡌࡉࡓࡀ ࡀࡌࡓࡉࡕ ࡅࡀࡌࡓࡉࡕ ࡁࡂࡅ^ࡓ^ࡌࡀࡉࡆࡀ ࡖࡌࡉࡀ ࡖࡏࡕࡉࡌࡄࡉࡀࡁࡇ ࡍࡅࡓࡀ ࡅࡃࡉࡄࡊࡀࡕ
102	ࡂࡅࡓࡌࡀࡉࡆࡀ ࡖࡌࡉࡀ ࡍࡀࡑࡀࡓࡅࡕࡀ ࡄࡏ . ࡅࡗ ࡆࡄࡀ ࡅࡏࡕࡀࡆࡄࡀ ࡒࡀࡓࡉࡕ ࡅࡕࡋࡀࡕ ࡏࡃࡉࡀ ࡌࡉࡀ ࡌࡀࡆࡋࡉࡕ ࡀࡆࡉࡄࡕࡉࡍࡉࡍ ࡋࡊࡅࡋࡄࡉࡍ
103	ࡒࡉࡓࡉࡀࡕࡀ ࡖࡄࡔࡅࡊࡀ ࡅࡊࡉࡁࡉࡀ ࡅࡌࡅࡌࡉࡀ ࡖࡌࡍ ࡐࡀࡂࡓࡇ ࡌࡀࡋࡅࡉ^ࡍ^ . ࡅࡗ ࡐࡉࡓࡉࡀࡅࡉࡎ ࡉࡀࡓࡃࡍࡀ ࡒࡀࡓࡉࡕ ࡅࡀࡌࡓࡉࡕ
104	ࡄࡅࡆࡉࡅࡉࡀ ࡋࡄࡀࡆࡉࡍ ࡍࡉࡔࡉࡌࡕࡀ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡖࡍࡀࡐࡒࡀ ࡌࡍ ࡄࡁࡉࡋࡀ ࡋࡁࡉࡍࡉࡀࡍࡀ ࡅࡌࡍ ࡈࡏࡉࡀ ࡋࡉࡔࡓࡀࡓࡀ ࡄࡀࡍࡀࡇ
105	ࡍࡉࡔࡉࡌࡕࡀ ࡏࡕࡋࡀࡁࡔࡀࡕ ࡁࡆࡄࡀࡓࡉࡀ ࡂࡀࡅࡀࡉࡉࡀ ࡀࡉࡀࡊ ࡋࡉࡄࡃࡀࡉࡀ ࡖࡋࡀࡉࡉࡕ ࡁࡂࡀࡅࡇ ࡌࡅࡌࡀ . ࡅࡗ ࡀࡌࡓࡉࡕ ࡊࡅࡋ ࡌࡀࡍ ࡖࡏࡕࡁࡇ
106	ࡄࡀࡉࡋࡀ ࡅࡓࡀࡄࡌࡉࡀ ࡍࡀࡐࡔ^ࡉ^ࡀ ࡌࡀࡋࡉࡋࡀࡕ ࡍࡉࡔࡉࡌࡕࡀ ࡅࡀࡌࡓࡀ ࡀࡍࡀ ࡄࡅ ࡖࡏࡕࡁࡉࡍ ࡄࡀࡉࡋࡀ ࡅࡄࡀࡉࡋࡇ ࡖࡉࡀࡓࡃࡍࡀ ࡏࡋࡀࡅࡀࡉ
107	ࡍࡈࡉࡓ . ࡅࡗ ࡍࡀ^ࡄࡉࡕ^ ࡅࡀࡕࡉࡀ ࡈࡀࡌࡉࡔ ࡕࡋࡀࡕ ࡈࡉࡌࡅࡔࡉࡀࡕࡀ ࡏࡅࡄࡓࡀࡊ ࡕࡋࡀࡕ ࡔࡊࡉࡍࡀࡕࡀ ࡔࡕࡊࡉࡍࡋࡇ ࡅࡗ ࡁࡉࡎࡌࡀࡋࡀࡊ ࡋࡀ
108	ࡂࡈࡀࡕࡋࡇ ࡅࡋࡉࡀࡌࡉࡍࡀࡊ ࡌࡔࡀࡋࡌࡀࡕࡋࡇ ࡅࡏࡋ ࡒࡅࡃࡀࡌࡀࡊ ࡀࡕࡍࡀࡕࡇ ࡁࡀࡋࡁࡅࡔࡀ ࡖࡄࡉࡉࡀ ࡒࡀࡃࡌࡀࡉࡉࡀ ^ࡀ^ࡋࡁࡉࡔࡕࡇ . ࡅࡊࡃ ࡕࡋࡀࡕࡀ
109	ࡓࡅࡔࡌࡉࡀ ࡓࡀࡔࡌࡀࡕࡋࡇ ࡖࡌࡍ ࡉࡀࡌࡉࡍࡀ ࡋࡎࡌࡀࡋࡀ ࡓࡔࡀࡌ ࡖࡄࡅ ࡉࡀࡌࡉࡍࡀ ࡍࡉࡄࡂࡀ ࡀࡌࡓࡉࡀ ࡀࡌࡉࡍࡈࡅࡋ ࡖࡉࡀࡌࡉࡍ^ࡀ^ ࡌࡀࡃࡍࡀ
110	ࡅࡎࡌࡀࡋࡀ ࡖࡌࡀࡓࡁࡀ ࡄࡅ ࡀࡌࡉࡍࡈࡅࡋ ࡖࡁࡒࡀࡃࡀࡄࡀ{{ࡀ}} ࡖࡕࡅࡔࡁࡉࡄࡀࡍ ࡀࡌࡀࡓ ࡖࡍࡐࡉࡔ ࡆࡉࡅࡇ ࡌࡍ ࡆࡉࡅࡇ ࡖࡔࡀࡌࡉࡔ ࡀࡌࡉࡍࡈࡅࡋ
111	ࡖࡉࡀࡌࡉࡍࡀ ࡕࡀࡒࡅࡍ ࡕࡅࡒࡍࡇ ࡌࡍ ࡕࡅࡒࡍࡇ ࡖࡎࡉࡓࡀ ࡀࡌࡉࡍࡈࡅࡋ ࡖࡉࡀࡌࡉࡍࡀ ࡀࡉࡀࡓ ࡓࡁࡀ ࡄࡅ ࡖࡄࡅ ࡄࡀࡁࡔࡀࡁࡀ ࡄࡅ
112	ࡎࡌࡀࡋࡀ ࡎࡀࡓࡉࡓࡎࡁࡉࡋ ࡄࡀࡅࡉࡀ ࡖࡄࡅ ࡔࡅࡕࡀ ࡖࡕࡓࡉࡍ ࡄࡀࡁࡔࡀࡁࡀ ࡄࡅ ࡎࡕࡀࡍࡀ ^ࡅࡔࡅࡕࡀ^ ࡕࡓࡉࡍ ࡌࡀࡋࡊࡉࡀ ࡄࡉࡍࡅࡍ ࡏࡉࡉࡕ ࡖࡋࡀࡂࡉࡈ
113	ࡏࡉࡉࡋ ࡅࡏࡉࡉࡕ ࡖࡋࡀࡂࡉࡈ ࡕࡉࡕ ࡀࡌࡉࡍࡈࡅࡋ ࡖࡉࡀࡌࡉࡍࡀ ࡍࡉࡄࡂࡀ ࡏࡋࡀࡅࡀࡉࡊࡅࡍ ࡄࡅ . ࡅࡊࡅࡋ ࡌࡉࡍࡃࡀࡌ ࡖࡄࡅ ࡖࡍࡉࡄࡅࡉࡀ ࡌࡍ ࡂࡉࡍࡆࡉࡀ
114	ࡖࡍࡉࡄࡂࡀ ࡁࡂࡀࡅࡇ ࡋࡀࡉࡉࡕ ࡁࡀࡃࡌࡅ ࡐࡀࡂࡓࡀ ࡁࡋࡉࡋࡀ ࡄࡅ . ࡅࡍࡉࡔࡉࡌࡕࡀ ࡅࡗ ࡓࡀࡔࡌࡀࡕࡋࡇ ࡌࡍ ࡉࡀࡌࡉࡍࡀ ࡋࡎࡌࡀࡋࡀ ࡋࡄࡉࡁࡉࡋ
115	ࡅࡔࡉࡕࡉࡋ ࡅࡀࡍࡅࡔ ࡀࡎࡐࡀࡓࡕࡋࡅࡍ ࡅࡗ ࡌࡀࡔࡒࡉࡀࡕࡋࡇ ࡌࡉࡀ ࡕࡋࡀࡕࡀ ࡄࡅࡐࡍࡉࡀ ࡌࡍ ࡕࡋࡀࡕࡀ ࡀࡋࡌࡉࡀ ࡖࡄࡔࡅࡊࡀ ࡐࡀࡓࡉࡒࡕࡇ
116	ࡌࡍ ࡊࡅࡋࡄࡉࡍ ࡌ^ࡉ^ࡄࡉࡀࡕࡀ ࡅࡁࡃࡀࡊࡉࡀ . ࡅࡗ ࡌࡀࡍࡃࡀ ࡒࡓࡀࡍ ࡋࡉࡀࡍࡒࡀ ࡏࡅ ࡕࡀࡓࡌࡉࡃࡀ ࡄࡅ ࡍࡄࡅࡓ ࡍࡄࡅࡓࡀ ࡋࡉࡊࡋࡉࡋࡀ ࡖࡀࡎࡀ
117	ࡒࡀࡓࡉࡕ ࡋࡕࡀࡓࡌࡉࡃࡀ ࡅࡕࡀࡓࡑࡀࡕࡋࡇ ࡁࡓࡉࡔࡉࡇ ࡋࡁࡅࡔࡀ ࡏࡑࡈࡀࡓࡀࡓࡋࡇ ࡁࡀࡉࡀࡓ ࡔࡀࡍࡉࡀ . ࡅࡄࡀࡉࡆࡀࡊ ࡀ^ࡌࡀࡓ^ ࡁࡓࡉࡔ
118	ࡗ ࡌࡀࡃࡊࡉࡓࡉࡕ ࡔࡅࡌࡇ ࡖࡀࡉࡍࡀ ࡓࡀࡁࡕࡉࡀ ࡊࡀࡎࡉࡕࡀ ࡒࡀࡃࡌࡀࡉࡕࡀ ࡌࡀࡃࡊࡀࡓ ࡏࡋࡀࡊ . ࡅࡔࡅࡌࡇ ࡖࡎࡉࡍࡃࡉࡓࡊࡀ ࡓࡁࡀ ࡒࡀࡃࡌࡀࡉࡀ
119	ࡌࡀࡃࡊࡀࡓ ࡏࡋࡀࡊ . ࡅࡔࡅࡌࡇ ࡖࡔ^ࡉ^ࡔࡋࡀࡌ ࡓࡁࡀ ࡌࡀࡃࡊࡀࡓ ࡏࡋࡀࡊ . ࡅࡔࡅࡌࡇ ࡖࡏࡆࡋࡀࡕ ࡓࡀࡁࡕࡉࡀ ࡌࡀࡃࡊࡀࡓ ࡏࡋࡀࡊ . ࡅࡔࡅࡌࡇ
120	ࡖࡉࡀࡅࡀࡓ ^ࡓࡁࡀ^ ࡌࡀࡃࡊࡀࡓ ࡏࡋࡀࡊ . ࡅࡔࡅࡌࡇ ࡖࡎࡉࡌࡀࡕࡄࡉࡉࡀ ࡌࡀࡃࡊࡀࡓ ࡏࡋࡀࡊ . ࡅࡔࡅࡌࡇ ࡖࡉࡅࡊࡀࡁࡀࡓ ࡓࡁࡀ ࡌࡀࡃࡊࡀࡓ ࡏࡋࡀࡊ
121	ࡔࡅࡌ ࡌࡀࡍࡀ ࡅࡃࡌࡅࡕࡇ ࡌࡀࡃࡊࡀࡓ ࡏࡋࡀࡊ . ࡅࡔࡅࡌࡇ ࡖࡓࡀࡆࡀ ࡓࡁࡀ ࡅࡐࡅࡂࡃࡀࡌࡉࡀ ࡊࡀࡎࡉࡉࡀ ࡌࡀࡃࡊࡀࡓ ࡏࡋࡀࡊ . ࡅࡔࡅࡌࡇ
122	ࡖࡎࡄࡀࡒ ࡆࡉࡅࡀ ࡓࡁࡀ ࡒࡀࡃࡌࡀࡉࡀ ࡌࡀࡃࡊࡀࡓ ࡏࡋࡀࡊ ^.^ ࡅࡔࡅࡌࡇ ࡖࡎࡀࡌ ࡆࡉࡅࡀ ࡃࡀࡊࡉࡀ ࡁࡅࡊࡓࡀ ࡄࡀࡁࡉࡁࡀ ࡓࡁࡀ ࡒࡀࡃࡌࡀࡉࡀ
123	ࡌࡀࡃࡊࡀࡓ ࡏࡋࡀࡊ . ࡅࡔࡅࡌࡇ ࡖࡄࡉࡉࡀ ࡅࡔࡅࡌࡇ ࡖࡌࡀࡍࡃࡀ ࡖࡄࡉࡉࡀ ࡌࡀࡃࡊࡀࡓ ࡏࡋࡀࡊ . ࡅࡀࡒࡌࡇ ࡌࡍ ࡀࡕࡅࡕࡉࡀ ࡌࡀࡓࡂࡍࡀࡊ
124	ࡅࡐࡔࡅࡈ ࡊࡅࡔࡈࡀ ࡌࡉࡍࡇ . ࡅࡀࡌࡀࡓࡋࡇ ࡊࡅࡔࡈࡀ ࡀࡎࡉࡀࡊ ࡅࡒࡀࡉࡌࡀࡊ ࡀࡌࡉࡍࡈࡅࡋ ࡗ ࡊࡅࡔࡈࡀ ࡐࡀࡔࡈࡉࡕ ࡌࡉࡍࡇ
125	ࡅࡌࡀࡎࡒࡀࡕࡋࡇ ࡋࡂࡉࡃࡀ ࡋࡉࡂࡓࡇ ࡋࡀࡓࡒࡀ ࡖࡍࡄࡅࡓࡀ ࡎࡀࡋࡒࡀࡍ ࡅࡀࡉࡍࡇ ࡁࡀࡍࡄࡅࡓࡀ ࡏࡕࡌࡋࡉࡀ . ࡅࡗ ࡌࡀࡌࡁࡅࡄࡀ ࡍࡀࡎࡁࡉࡕ
126	ࡁࡒࡀࡍࡉࡍࡀ ࡄࡉࡅࡀࡓࡀ ࡁࡀࡃࡌࡅ ࡍࡉࡔࡉࡌࡕࡀ ࡁࡓࡀࡆ ࡆࡉࡊࡓࡀ ࡒࡀࡉࡉࡌ ࡋࡀࡍࡉࡄࡅࡉࡀ ࡌࡀࡌࡁࡅࡄࡀࡊ ࡁࡉࡍࡉࡀࡓࡀ ࡁࡀࡃࡌࡅ ࡌࡀࡓࡁࡀ
127	ࡅࡏࡆࡃࡀࡄࡀࡓ ࡖࡒࡀࡍࡉࡍࡀࡊ ࡋࡀࡍࡉࡄࡅࡉࡀ ࡏࡊࡅࡌࡀ . ࡅࡗ ࡍࡀࡎࡁࡉࡕ ࡌࡀࡌࡁࡅࡄࡀ ࡍࡀࡅࡓࡀ ࡓࡁࡀ ࡁࡂࡅ ࡉࡀࡓࡃࡍࡀ ࡍࡐࡀࡋ ࡅࡔࡀࡕࡉࡀ
128	ࡌࡍ ࡌࡀࡌࡁࡅࡄࡀࡊ ࡄࡀࡊࡀ ࡖࡁࡀࡉࡉࡀ ࡋࡉࡍࡄࡅࡓࡉࡀ ࡓࡅࡔࡅࡌࡉࡀ ࡖࡍࡉࡔࡉࡌࡕࡀ ࡏࡋ ࡓࡅࡄࡀ . ࡅࡗ ࡁࡓࡉࡔ ࡌࡉࡀ ࡍࡉࡐࡒࡉࡕ
129	ࡀࡌࡓࡉࡕ ࡖࡄࡅ ࡐࡀࡎࡅࡂ ࡖࡗ ࡀࡎࡀ ࡀࡎࡀ ࡖࡄࡅ ࡎࡓࡉࡍ ࡅࡀࡓࡁࡀ ࡏࡅࡕࡓࡉࡀ ࡁࡍࡉࡀ ࡍࡄࡅࡓࡀ ࡀࡉࡍࡀࡉࡄࡅࡍ ࡁࡄࡀࡊ ࡍࡉࡔࡉࡌࡕࡀ
130	ࡌࡋࡅࡍ ࡀࡌࡉࡍࡈࡅࡋ ࡖࡄࡀࡊ ࡏࡍࡉࡀࡍࡀ ࡗ ࡐࡅࡂࡃࡀࡌࡀ ࡄࡃࡀ ࡌࡀࡋࡊࡀ ࡁࡄࡀࡍࡀࡕࡇ ࡀࡉࡍࡀ ࡖࡃࡓࡀࡁࡔࡀ ࡅࡍࡉࡈࡅࡁࡕࡀ ࡅࡌࡀࡐࡓࡀࡔ ࡏࡋࡀࡅࡀࡉࡄࡅࡍ
131	. ࡅࡗ ࡁࡓࡉࡊࡉࡕ ࡕࡉࡓࡀ ࡁࡀࡓࡀࡉࡀ ࡒࡀࡓࡉࡕ ࡉࡀࡓࡃࡍࡀ ࡍࡄࡀ ࡅࡏࡕࡉࡁ ࡋࡃࡅࡊࡕࡇ ࡅࡌࡍࡀࡕࡀ ࡓࡉࡔࡀࡉࡕࡀ ࡏࡄࡀࡁࡋࡇ . ࡅࡗ
132	ࡌࡐࡀࡋࡈࡀࡕࡋࡇ ࡋࡌࡀࡓࡂࡍࡀࡊ ࡅࡎࡀࡋࡒࡉࡕ ࡋࡂࡉࡃࡀ ࡖࡉࡀࡓࡃࡍࡀ ࡅࡃࡀࡓࡔࡉࡕ ࡅࡀࡌࡓࡉࡕ ࡌࡍ ࡉࡀࡓࡃࡍࡀ ࡎࡉࡋࡒࡉࡕ ࡁࡊࡀࡍࡀ ࡖ
133	ࡍࡉࡔࡌࡀࡕࡀ ࡐࡉࡂࡉࡕ ࡋࡉࡀࡓࡃࡍࡀ ࡅࡄࡕࡀࡌࡕࡇ ࡀࡕࡅࡕࡉࡀ ࡎࡓࡀࡃࡒࡀ ࡖࡌࡀࡋࡊࡀ ࡖࡍࡄࡅࡓࡀ ࡏࡕࡓࡉࡑ . ࡅࡗ ࡄࡃࡅࡍ ࡓࡁࡉࡀ ࡄࡃࡅࡍ ࡓࡁࡉࡀ
134	ࡖࡎࡊࡉࡋࡇ ࡉࡀࡅࡀࡓ ࡀࡌࡓࡉࡕ ࡔࡉࡁࡉࡀࡄࡉࡀ ࡁࡀࡊࡉ^ࡍ^{{ࡕࡇ}} ࡌࡍ ࡏࡔࡅࡌࡉࡀ ࡅࡂࡀࡓࡂࡋࡉࡀ ࡊࡅࡋࡄࡅࡍ ࡌࡉࡕࡓࡀࡍࡃࡉࡃࡉࡀ ࡅࡀࡌࡓࡉࡀ
135	ࡅࡀࡌࡓࡉࡀ ࡅࡀࡉࡋࡉࡊ ࡍࡉࡔࡉࡌࡕࡀ ࡖࡌࡍ ࡋࡉࡄࡉࡍ ࡏࡕࡐࡀࡓࡀࡒࡕ . ࡅࡗ ࡀࡅࡃࡉࡍ ࡁࡇ ࡅࡌࡉࡔࡀ ࡀࡍࡀࡕ ࡔࡉࡄࡀ ࡅࡏࡕࡒࡀࡉࡀࡌࡕࡅࡍ
136	ࡄࡉࡉࡀ ࡒࡀࡃࡌࡀࡉࡉࡀ ࡋࡌࡉࡔࡀ ࡒࡀࡓࡉࡕ ࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ ࡁࡂࡀࡅࡇ ࡍࡈࡉࡓ . ࡅࡗ ࡓࡀࡔࡌࡀࡕࡋࡇ ࡕࡋࡀࡕࡀ ࡓࡅࡔࡌࡉࡀ ࡀࡊࡅࡀࡕ
137	ࡖࡁࡉࡀࡓࡃࡍࡀ ࡓࡔࡀࡌࡕࡇ ࡄࡉࡍࡅࡍ ࡌࡒࡀࡁࡋࡀࡍࡅࡍ ࡖࡓࡅࡔࡌࡉࡀ ࡄࡀࡊࡀ ࡋࡂࡉࡃࡀ ࡌࡉࡍࡀࡊ ࡅࡎࡀࡄࡃࡅࡕࡀ ࡓࡀࡁࡕࡉࡀ ࡍࡀࡈࡓࡉࡀ ࡖࡍࡉࡔࡉࡌࡕࡀ
138	ࡏࡋ ࡓࡅࡄࡉࡀ ࡏࡕࡒࡉࡔࡀࡕ ࡄࡀ^ࡍࡉ^ࡊ ࡔࡅࡌࡄࡀࡕࡀ ࡖࡌࡀࡃࡊࡉ^ࡓࡉ^ࡕ ࡏࡋࡇ ࡁࡉࡌࡉࡍࡉࡀࡍࡀ ࡄࡅࡓࡉࡍࡀ ࡁࡀࡋࡌࡉࡀ ࡖࡍࡄࡅࡓࡀ ࡏࡕࡉࡁࡍࡉࡋࡇ ࡋࡍࡉࡔࡉࡌࡕࡀ
139	. ࡅࡗ ࡊࡅࡔࡈࡀ ࡐࡀ^ࡔ^ࡈࡉࡕ ࡌࡉࡍࡇ ࡅࡀࡌࡓࡉࡕ ࡊࡅࡔࡈࡀ ࡀࡎࡉࡀࡊ ࡊࡋࡉࡋࡀࡉ ࡄࡀࡊࡀ ࡕࡓࡀࡑࡋࡇ ࡁࡓࡉࡔࡀࡉ ࡌࡍ ࡖࡏࡕࡉࡓࡔࡉࡌ
140	ࡌࡉࡕࡊࡀࡓࡀࡊ . ࡕࡌࡀࡍࡉࡀ ࡁࡉࡅࡀࡕࡀ ࡖࡐࡉࡄࡕࡀ ࡒࡀࡓࡉࡕ ࡅࡕࡀࡓࡕࡉࡍ ࡖࡌࡀࡌࡁࡅࡄࡀ ࡁࡉࡍࡉࡀࡍࡀ ࡊࡅࡋࡇ ࡏࡑࡈࡀࡓࡀࡓ ࡅࡏࡎࡕࡀࡃࡀࡓ
141	ࡏࡑࡈࡅࡍࡀ ࡊࡅࡋࡇ ࡁࡄࡀࡕࡌࡀ ࡀࡌࡉࡍࡈࡅࡋ ࡖࡕࡌࡀࡍࡉࡀ ࡁࡀࡅࡀ^ࡕࡀ^{{ࡍ}} ࡖࡋࡉࡕࡋࡉࡍ ࡆࡄࡀࡓࡀ ࡕࡌࡀࡍࡉࡀ ࡕࡀࡓࡌࡉࡃࡉࡀ ࡄࡉࡍࡅࡍ . ࡅࡁࡉࡓࡉࡀࡅࡉࡔ
142	ࡅࡔࡅࡌࡀࡊ ࡉࡀࡕࡉࡓ ࡄࡉࡉࡀ ࡀࡎࡓࡉࡉࡀࡉࡀ ࡖࡁࡌࡀࡑࡁࡅࡕࡀ ࡄࡉࡉࡀ ࡖࡌࡐࡀࡓࡒࡀࡋࡇ ࡋࡍࡉࡔࡉࡌࡕࡀ ࡌࡍ ࡄࡔࡅࡊࡀ ࡋࡍࡄࡅࡓࡀ ࡅࡌࡍ
143	ࡁࡉࡔࡀ ࡋࡈࡀࡁࡀ ࡅࡌࡍ ࡌࡅࡕࡀ ࡋࡄࡉࡉࡀ . ࡅࡗ ࡉࡀࡄࡁࡀࡕࡋࡇ ࡐࡉࡄࡕࡀ ࡅࡀࡊࡉࡋ ࡅࡉࡀࡄࡁࡀࡕࡋࡇ ࡌࡀࡌࡁࡅࡄࡀ ࡅࡔࡀࡕࡉࡀ ࡅࡉࡀࡄࡁࡀࡕࡋࡇ ࡄࡀࡋࡀࡋࡕࡀ
144	ࡅࡔࡀࡕࡉࡀ ࡅࡐࡀࡓࡉࡒࡕࡇ ࡅࡆࡀࡄࡀࡓࡕࡇ ࡖࡋࡀࡍࡉࡌࡀࡋࡉࡋ ࡀࡋࡌࡀ ࡖࡊࡅࡔࡈࡀ ࡐࡀࡔࡈࡉࡕ ࡀࡌࡉࡍࡈࡅࡋ ࡖࡊࡅࡋ ࡖࡌࡀࡌࡋࡉࡋ ࡌࡍ ࡒࡅࡃࡀࡌ ࡖࡐࡀࡔࡈࡉࡕ
145	ࡊࡅࡔࡈࡀ ࡋࡁࡉࡍࡉࡀࡍࡀ ࡊࡅࡋࡇ ࡄࡀࡌࡁࡋࡇ . ࡅࡗ ࡊ^ࡅ^ࡔࡈࡀ ࡐࡀࡔࡈࡉࡕ ࡌࡉࡍࡀࡉࡊࡅࡍ ࡅࡀࡌࡀࡓࡋࡀࡊ ࡊࡅࡔࡈࡀ ࡀࡎࡉࡀࡊ ࡀࡍࡀࡕࡅࡍ ࡃࡉࡋࡇ ࡁࡉࡄࡃࡀ
146	ࡆࡉࡅࡀ ࡍࡄࡀࡓࡕࡅࡍ . ࡅࡗ ࡉࡀࡕࡉࡁ ࡋࡒࡅࡃࡀࡌࡀࡊ ࡄࡀࡕࡀࡌࡕࡀ ࡒࡀࡓࡉࡕ ࡏࡋࡇ . ࡅࡗ ࡏࡄࡀࡁࡋࡇ ࡉࡀࡓࡃࡍࡀ ࡖࡌࡉࡀ ࡄࡉࡉࡀ ࡅࡏࡎࡉࡓࡀ ࡄࡕࡉࡌࡀ
147	ࡅࡁࡏࡅࡑࡀࡓ ࡄࡉࡉࡀ ࡅࡏࡎࡉࡓࡀ ࡄࡕࡉࡌࡀ ࡓࡀࡁࡕࡉࡀ ࡒࡀࡓࡉࡕ ࡏࡋࡇ ࡌࡍ ࡀࡓࡁࡉࡀ ࡌࡉࡄࡉࡀࡕࡀ ࡌࡄࡀࡌࡁࡋࡀࡕࡀ ࡖࡕࡉࡁࡉࡋ ࡅࡄࡕࡀࡌࡕࡇ ࡋࡍࡉࡔࡉࡌࡕࡀ
148	. ࡅࡗ ࡏࡕࡓࡀࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡒࡀࡓࡉࡕࡅࡍ ࡅࡒࡀࡉࡉࡌ ࡏࡋ ࡋࡉࡂࡓࡇ ࡓࡀࡄࡌࡉࡀ ࡔࡀࡍࡉࡉࡀ ࡒࡅࡃࡀࡌ ࡀࡁࡀࡄࡀࡕࡇ ࡀࡒࡉࡌࡕࡇ . ࡅࡗ
149	ࡃࡀࡓࡔࡉࡕࡅࡍ ࡌࡀࡄࡅ ࡀࡁࡀࡃࡋࡀࡊ ࡀࡁࡅࡊ ࡍࡉࡔࡌࡀ ࡄࡅ ࡀࡁࡀࡕࡅࡓ ࡒࡀࡉࡉࡌ ࡅࡌࡔࡀࡉࡉࡋࡇ ࡋࡄࡀࡃ ࡄࡀࡃ . ࡅࡗ ࡒࡀࡓࡉࡕ ࡊࡌࡀ ࡔࡀࡐࡉࡓࡉࡀ
150	ࡔࡉࡕࡋࡉࡀ ࡅࡀࡔࡀࡓ ࡑࡁࡀࡍ ࡑࡀࡁࡅࡉࡀࡉ ࡅࡔࡉࡋࡌࡀࡉ ࡑࡁࡉࡍࡀࡍ ࡁࡉࡌࡀࡑࡁࡅࡕࡇ ࡅࡉࡀࡓࡃࡍࡀ ࡖࡏࡑࡈࡁࡉࡍࡀࡁࡇ ࡏࡋࡀࡅࡀࡉࡀࡍ ࡍࡉࡄࡅࡉࡀ
151	ࡁࡎࡀࡄࡃࡉࡀ ࡄࡏ ࡍࡉࡔࡉࡌࡕࡀ ࡌࡀࡌࡋࡉࡋ{ࡇ}<ࡀ> ࡅࡀࡓࡁࡀ ࡂࡅࡁࡓࡉࡀ ࡁࡍࡉࡀ ࡔࡋࡀࡌࡀ ࡁࡎࡐࡉࡍࡕࡀ ࡃࡉࡋࡅࡍ ࡌࡀࡅࡕࡉࡁࡉࡋࡇ . ࡅࡗ ࡃࡀࡓࡔࡉࡕ
152	ࡈࡀࡁ ࡏࡋࡊࡅࡍ ࡀࡌࡉࡓࡍࡀ ࡅࡏࡋࡊࡅࡍ ࡒࡀࡓࡉࡍࡀ ࡅࡌࡀࡐࡓࡉࡔࡍࡀ ࡅࡕࡀࡓࡌࡉࡃࡀ ࡀࡍࡀ ࡄࡀࡃࡕࡀ ^ࡖ^ࡀࡎࡂࡉࡕ ࡋࡊࡉࡐࡇ ࡖࡉࡀࡓࡃࡍࡀ ࡃࡀࡓࡔࡉࡕ
153	ࡕࡓࡉࡑࡕࡅࡍ ࡌࡀࡌࡋࡀ ࡁࡐࡅࡌࡇ ࡖࡍࡉࡔࡉࡌࡕࡀ ࡕࡓࡀࡑࡋࡇ . ࡅࡗ ࡁࡓࡉࡊࡉࡀ ࡅࡌࡔࡀࡁࡉࡍ ࡄࡉࡉࡀ ࡃࡉࡋࡇ ࡒࡉࡓࡉࡀࡕࡋࡇ ࡀࡎࡉࡀ
154	ࡖࡎࡀࡌࡇ ࡌࡉࡀ ࡀࡕࡀ ࡋࡓࡀࡄࡌࡀࡊ ࡄࡀࡅࡉࡋࡅࡍ ࡊࡅࡋ ࡌࡀࡍ ࡖࡌࡉࡑࡈࡁࡀ ࡁࡌࡉࡀ ࡕࡋࡀࡕࡀ ࡄࡅࡐࡍࡉࡀ ࡌࡉࡀ ࡍࡉࡔࡕࡉࡀ ࡌࡍ ࡊࡅࡋ ࡄࡔࡅࡊࡀ
155	ࡏࡕࡐࡀࡓࡀࡒ ࡅࡏࡃࡀ ࡖࡔࡅࡁࡀ ࡏࡋࡇ ࡋࡀࡍࡉࡔࡕࡀࡋࡀࡈ ࡀࡍࡀ ࡄࡅࡉࡋࡇ ࡀࡎࡉࡀ ࡅࡁࡀࡔࡊࡉࡍࡕࡀࡉ ࡃࡉࡋࡉࡀ ࡍࡉࡄࡅࡉࡀ ࡅࡗ ࡌࡁࡀࡓࡊࡉࡕ
156	ࡅࡀࡌࡓࡉࡕ ࡁࡓࡉࡊ ࡒࡀࡋࡀ ࡖࡄࡉࡉࡀ ࡋࡍࡉࡔࡉࡌࡕࡀ ࡖࡁࡍࡉࡀ ࡔࡅࡓࡁࡀ ࡓࡁࡀ ࡖࡄࡉࡉࡀ ࡏࡃࡀ ࡀࡎࡉࡌࡉࡕ ࡏࡋࡇ . ࡅࡗ ࡈࡀࡁ
157	ࡈࡀࡁࡀ ^ࡏࡋ^ ࡈࡀࡁࡇ ࡒࡀࡓࡉ^ࡕ^<< ࡅࡀࡌࡓࡉࡕ ࡄࡀࡆࡉࡍ ࡆࡉࡃࡒࡀ ࡓࡌࡀ ࡅࡄࡀࡆࡉࡍ ࡌࡀࡑࡁࡅࡕࡀ ࡏࡑࡈࡁࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ
158	ࡌࡍ ࡒࡅࡋࡀࡋࡉࡀ ࡖࡕࡉࡁࡉࡋ ࡐࡀࡓࡉࡒࡕࡇ . ࡅࡗ ࡔࡅࡋࡕࡀ ࡔࡀࡉࡋࡉࡕࡅࡍ ࡏࡋࡇ ࡊࡅࡋࡄࡅ^ࡍ^{{ࡍ}} ࡏࡅࡕࡓࡉࡀ ࡖࡀࡓࡒࡀ ࡖࡍࡄࡅࡓࡀ {{ࡌࡐࡀࡓࡒࡉ}}
159	ࡌࡍࡀࡔࡒࡉࡋࡇ ࡅࡌࡁࡀࡓࡊࡉࡋࡇ . ࡅࡗ ࡊࡅࡔࡈࡀ ࡐࡀࡔࡈࡉࡕࡅࡍ ࡌࡉࡍࡇ ࡅࡀࡌࡓࡉࡕࡅࡍ ࡊࡅࡔࡈࡀ ࡀࡎࡉࡍࡊࡅࡍ ࡏࡅࡕࡓࡉࡀ ࡀࡄࡀࡉ ࡋࡀࡐ ࡋࡀࡅࡐࡀ
160	ࡖࡄࡉࡉࡀ ࡗ ࡋࡀࡉࡐࡉࡀ ࡏࡅࡕࡓࡉࡀ ࡁࡔࡊࡉࡍࡀࡕࡅࡍ ࡏࡅࡕࡓࡉࡀ ࡀࡄࡀࡉ ࡁࡀࡎࡉࡌ ࡓࡉࡄࡀࡉࡊࡅࡍ ࡁࡂࡀࡅࡀࡉࡊࡅࡍ ࡊࡅࡋࡇ ࡆࡉࡅࡀ ࡌࡋࡉࡀ ࡅࡌࡆࡀࡄࡓࡉࡕࡅࡋࡇ
161	ࡋࡐࡅࡂࡃࡀࡌࡀ ࡊࡅࡋࡄࡅࡍ ࡖࡀࡌࡓࡉࡕ ࡋࡁࡉࡍࡉࡀࡍࡀ ࡊࡅࡋࡇ . ࡅࡗ ࡒࡀࡓࡉ^ࡁ^ࡕࡇ ࡋࡅࡀࡕ ࡄࡃࡀࡃࡉࡀ ࡄࡀࡃ ࡄࡀࡃ ࡄࡀࡕࡌࡀ ࡀࡕࡍࡉࡕ ࡏࡋࡇ . ࡅࡗ
162	ࡌࡆ^ࡀ^ࡄࡓࡀࡕࡋࡇ ࡋࡄࡀࡁࡔࡀࡁࡀ ࡔࡁࡉࡄࡀ ࡍࡀࡈࡓࡀ ࡖࡍࡄࡅࡓࡀ ࡅࡌࡉࡍࡇ ࡀࡋࡅࡀࡕࡇ ࡖࡍࡉࡄࡅࡉࡋࡇ ࡌࡐࡀࡓࡒࡀࡍࡀ ࡌࡍ ࡌࡀࡈࡀࡓࡀࡕࡀ ࡖࡔࡅࡁࡀ
163	ࡅࡗ ࡁࡅࡕࡀ ࡋࡍࡀࡐࡔࡀ^ࡉ^ࡊࡅࡍ ࡁࡀࡉࡉࡕࡅࡍ ࡅࡗ ࡐࡀࡍࡃࡀࡌࡀ ࡓࡉࡐࡋࡊࡅࡍ ࡀࡊࡀࡍࡃࡉࡕ ࡁࡓࡀࡆࡉࡀ ࡖࡌࡀࡑࡁࡅࡕࡀ ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ
164	ࡒࡀࡉࡌࡉࡕࡅࡍ ࡀࡋࡌࡀ ࡖࡐࡉࡄࡕࡀ ࡅࡌࡀࡌࡁࡅࡄࡀ ࡅࡌࡔࡀࡅࡉࡕࡅࡍ ࡅࡀࡊࡋࡉࡕࡅࡍ ࡅࡔࡀࡕࡉࡕࡅࡍ ࡅࡗ ࡒࡀࡓࡉࡕࡅࡍ ࡏࡕࡉࡌࡋࡅࡍ ࡄࡉࡉࡀ ࡅࡔࡊࡉࡍ
165	ࡄࡉࡉࡀ ࡏࡋ {{ࡓࡅࡄࡑࡀࡍࡀ}} ࡓࡅࡄࡀࡊ ࡅࡏࡋ ࡍࡉࡔࡉࡌࡕࡀࡊ ࡏࡋ ࡃࡅࡊࡕࡀ ࡏࡕࡍࡀࡈࡓࡀࡕ . ࡅࡗ ࡆࡉࡅࡀ ࡋࡀࡕࡓࡇ ࡎࡀࡋࡉࡒ ࡅࡓࡉࡄࡀ ࡁࡀࡎࡉࡌࡀ ࡀࡌࡓࡉࡕࡅࡍ
166	ࡓࡀࡆࡀ ࡓࡀࡆࡀ ࡋࡌࡀࡓࡇ ࡉࡀࡄࡁࡉࡕࡅࡋࡇ ࡅࡌࡀࡋࡊࡀ ࡌࡀࡋࡊࡀ ࡋࡃࡅࡊࡕࡇ ࡅࡁࡉࡔࡊࡉࡍࡕࡇ ࡏࡕࡉࡁ . ࡅࡗ ࡀࡌࡓࡉࡕࡅࡍ ࡈࡀࡁ ࡈࡀࡁࡀ ࡋࡈࡀࡁࡇ ࡒࡀࡓࡉࡕࡅࡍ
167	ࡋࡍࡀࡐࡔࡀࡉࡊࡅࡍ ࡅࡌࡔࡀࡁࡉࡕࡅࡍ ࡅࡀࡌࡓࡉࡕࡅࡍ ࡌࡒࡀࡉࡌࡉࡕࡅࡍ ࡒࡀࡉࡀࡌࡕࡀ ࡔࡉࡕࡉࡍ ࡅࡄࡃࡀ ࡆࡉࡁࡍࡀ ^ࡌࡍ^ ࡒࡅࡃࡀࡌ ࡌࡔࡀࡁࡀ ࡆࡉࡅࡀ ࡓࡁࡀ
168	ࡒࡀࡃࡌࡀࡉࡀ . ࡅࡗ ࡔࡀࡉࡋࡉࡕࡅࡍ ࡔࡅࡋࡕࡀ ࡋࡍࡀࡐࡔࡀࡉࡊࡅࡍ ࡅࡗ ࡊࡅࡔࡈࡀ ࡐࡀࡔࡈࡉࡕࡅࡍ ࡌࡍ ࡀࡔࡂࡀࡍࡃࡀ ࡗ ࡁࡄࡀࡌࡔࡀ ࡓࡀࡆࡉࡀ ࡌࡎࡀࡃࡀࡓ
169	ࡅࡀࡉࡍࡀࡉ ࡃࡉࡋࡀࡉ ࡌࡉࡕࡉࡓࡑࡀ ࡏࡋࡀࡅࡀࡉࡊࡅࡍ ࡅࡗ ࡁࡆࡉࡅ ࡖࡍࡐࡉࡔ ࡑࡁࡉࡍࡀ ࡀࡌࡓࡉࡕࡅࡍ ࡀࡋࡁࡅࡔࡀࡉࡊࡅࡍ ࡊࡅࡋࡄࡅࡍ ࡖࡋࡁࡉࡔࡉࡕࡅࡍ ࡍࡄࡀࡓࡉࡅࡍ .
170	ࡅࡗ ࡀࡌࡓࡉࡕࡅࡍ ࡍࡉࡄࡅࡔࡕࡀ ࡅࡔࡀࡓࡉࡕ ࡔࡉࡓࡉࡀࡕࡀ ࡅࡗ ࡕࡀࡂࡀࡉࡊࡅࡍ ࡌࡀࡅࡒࡓࡉࡕࡅࡍ ࡋࡂࡉࡍࡆࡀࡉࡊࡅࡍ ࡊࡅࡋࡇ ࡁࡎࡀࡐࡈࡉࡀ ࡀࡕࡍࡀࡕࡇ ࡅࡄࡀࡕࡌࡀ
171	ࡖࡓࡁࡉࡀ ࡏࡕࡀࡕࡍࡀ ࡏࡋࡇ ࡅࡄࡀࡉࡆࡀࡊ ࡒࡀࡉࡉࡌ ࡄࡀࡍࡀࡕࡇ ࡌࡀࡋࡊࡀ ࡖࡀࡎࡂࡉࡀ ࡋࡉࡃࡓࡀࡁࡔࡀ ࡑࡁࡀࡋࡇ ࡕࡀࡓࡕࡉࡍ ࡌࡀࡑࡁࡅࡕࡀࡕࡀ ࡄࡀࡃ
172	ࡆࡄࡀࡓࡀࡉࡕࡀ ࡅࡄࡀࡃ ࡔࡅࡌࡀࡉࡕࡀ ࡖࡀࡉࡀࡓ ࡔࡉࡌࡀࡉࡕࡀ ࡅࡗ ࡌࡎࡀࡉࡉࡊ ࡌࡀࡑࡁࡅࡕࡀ ࡀࡕࡉࡇ ࡋࡄࡀࡍࡀࡕࡇ ࡃࡓࡀࡁࡔࡀ ࡋࡔࡊࡉࡍࡕࡀ ࡖ
173	ࡖࡊࡀࡍࡀ ࡖࡆࡉࡃࡒࡀ ࡅࡐࡀࡕࡅࡓࡀ ࡅࡄࡉࡉࡀ ࡆࡀࡊࡉࡍ ࡎ ࡀ
173a	ࡎ ࡀ
174	ࡄࡀࡆࡉࡍ ࡄࡏ ࡌࡀࡑࡁࡅࡕࡀ ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡄࡅ ࡅࡔࡅࡁࡀ ࡀࡄࡇ ࡖࡏࡕࡉࡀࡄࡁࡀࡕ ࡋࡄࡉࡁࡉࡋ ࡆࡉࡅࡀ ࡌࡀࡍࡄࡉࡕࡋࡇ ࡋࡀࡓࡒࡀ ࡕࡉࡁࡉࡋ
175	ࡖࡌࡐࡀࡓࡒࡉࡋࡅࡍ ࡋࡁࡄࡉࡓࡉࡀ ࡆࡉࡃࡒࡀ ࡌࡍ ࡌࡄࡉࡕࡀ ^ࡖ^ࡄࡉࡅࡉࡀ ࡅࡄࡉࡅࡕࡀ ࡅࡃࡅࡌ ࡃࡅࡌ ࡅࡐࡀࡓࡒࡉࡕࡀ ࡖࡊࡅࡋࡄࡅࡍ ࡓࡉ^ࡄ^ࡔࡉࡀ ࡌࡃࡀࡊࡉࡀࡋࡅࡍ
176	ࡅࡌࡕࡀࡒࡍࡀࡋࡅࡍ . ࡅࡌࡀࡎࡒࡀࡋࡅࡍ ࡋࡀࡕࡀࡓ ࡍࡄࡅࡓ . ࡖࡀࡍࡎࡉࡕ ࡋࡍࡀࡐࡔࡀࡉ ࡀࡍࡀ ࡀࡍࡉࡀ ࡅࡃࡀࡍࡉࡀ ࡅࡌࡓࡀࡃࡐࡀ ࡖࡓࡉࡃࡐࡅࡉࡀ ࡎࡀࡍࡀࡉࡉࡀ ࡖࡌࡍ ࡔࡉࡓࡔࡀ
177	ࡃࡉࡋࡇ ࡄࡉࡍࡅࡍ ࡀࡁࡃࡀ ࡖࡊࡅࡋࡇ ࡄࡀࡈࡀࡉࡉࡀ ࡆࡅࡈࡀ ࡖࡀࡄࡀࡉ ࡕࡀࡓࡌࡉࡃࡉࡀ ࡌࡍࡀࡔࡉࡒ ࡌࡎࡀࡍࡉࡀ {{ ࡋࡉࡂࡓࡀࡉࡄࡅࡍ ࡖࡍࡀࡑࡀࡊࡉࡀ ࡅࡀࡒࡀࡐࡓࡀ ࡀࡕࡅࡕࡉࡀ ࡋࡉࡂࡓࡀࡉࡄࡅࡍ
178	ࡖࡂࡀࡍࡆࡉࡁࡓࡉࡀ ࡆࡅࡈࡀ ࡖࡀࡄࡀࡉ ࡕࡀࡓࡌࡉࡃࡉࡀ ࡀࡍࡀ ࡆࡉࡄࡓࡅࡍ ࡁࡓ ࡓࡁࡀࡉ ࡉࡀࡄࡉࡀ ࡌࡄࡀࡕࡀࡌ ࡁࡓ ࡀࡃࡀࡌ ࡁࡓ ࡀࡃࡀࡌ ࡉࡅࡄࡀࡍࡀ ࡁࡓ ^ࡁࡉࡄࡓࡀࡌ ࡁࡓ^ ࡂࡀࡍࡉࡌ ࡁࡓ ࡔࡀࡌࡎ
179	ࡁࡓ ࡓࡁࡀࡉ ࡀࡃࡀࡌ ࡁࡓ ࡓࡁࡀࡉ ࡉࡀࡄࡉࡀ ࡁࡉࡄࡃࡀࡃ عࡀࡆࡉࡆ ࡔࡁࡉࡒࡋࡇ ࡌࡀࡍࡃࡀ ࡖࡄࡉࡉࡀ ࡄࡀࡈࡀࡉࡉࡀ ࡀࡍࡎࡉࡁ ࡌࡍ ࡃࡉࡅࡀࡍ ࡁࡉࡄࡓࡀࡌ ࡁࡓࡄࡉࡉࡀ ࡁࡓ ࡓࡁࡀࡉ
180	ࡀࡃࡀࡌ ࡆࡀࡊࡉࡀ ࡁࡓ ࡓࡁࡀࡉ ࡁࡓࡄࡉࡉࡀ ࡁࡓ ࡓࡁࡀࡉ ࡁࡀࡊࡕࡉࡀࡓ ࡁࡓ ࡓࡁࡀࡉ ࡀࡃࡀࡌ ࡁࡉࡄࡓࡀࡌ ࡊࡉࡍࡉࡀࡍࡇ {{عࡀ}} ࡊࡅࡄࡀࡉࡋࡉࡀ . ࡀࡍࡎࡀ ࡌࡍ ࡃࡉࡅࡀࡍ ࡖ{{.}}ࡓࡁࡀ ࡅࡓࡀࡌࡀ
181	ࡅࡉࡀࡒࡉࡓࡀ ࡓࡁࡀࡉ ࡁࡉࡄࡃࡀࡃ ࡁࡉࡀࡍ ࡁࡓ ࡀࡃࡀࡌ ࡉࡅࡄࡀࡍࡀ ࡁࡓ ࡆࡉࡄࡓࡅࡍ ࡁࡓ ࡁࡉࡄࡓࡀࡍ ࡀࡃࡀࡌ ࡁࡅࡋࡐࡀࡓࡀࡆ ࡊࡉࡍࡉࡀࡍࡇ ࡓࡉࡔ ࡃࡓࡀࡆ ࡔࡁࡉࡒࡋࡇ ࡌࡀࡍࡃࡀ
182	ࡖࡄࡉࡉࡀ ࡄࡀࡈࡀࡉࡉࡀ ࡖࡀࡍࡎࡀ ࡌࡍ ࡃࡉࡅࡀࡍ ࡖࡀࡍࡎࡀ ࡋࡍࡀࡐࡔࡉࡇ ࡓࡁࡀࡉ ࡆࡉࡄࡓࡅࡍ ࡄࡀࡉࡅࡍ ࡖࡀࡍࡎࡀ ࡌࡍ ࡃࡉࡅࡀࡍ ࡖࡓࡁࡀࡉ ࡀࡃࡀࡌ ࡁࡓ ࡎࡀࡓࡅࡀࡍ ࡁࡓ ࡉࡀࡄࡉࡀ
183	ࡁࡓ ࡎࡀࡓࡅࡀࡍ ࡁࡓ ࡀࡃࡀࡌ ࡁࡓ ࡎࡀࡓࡅࡀࡍ ࡁࡓ ࡉࡀࡄࡉࡀ ࡎࡀࡌ ࡁࡓ ࡎࡀࡌ ࡆࡀࡊࡉࡀ ࡁࡓ ࡉࡀࡄࡉࡀ ࡁࡉࡄࡃࡀࡃ ࡁࡓ ࡓࡀࡌ ࡁࡓ ࡀࡃࡀࡌ ࡖࡍࡉࡁࡀࡃ ࡅࡍࡉࡊࡔࡀࡓ
184	ࡁࡂࡀࡅࡇ ࡖࡀࡍࡎࡀ ࡌࡍ ࡃࡉࡅࡀࡍ ࡖࡓࡁࡀࡉ ࡀࡃࡀࡌ ࡊࡉࡍࡉࡀࡍࡇ ࡏࡊࡅࡌࡀ ࡖࡀࡍࡎࡀࡋࡇ ࡓࡁࡀࡉ ࡆࡉࡄࡓࡅࡍ ࡁࡓ ࡀࡃࡀࡌ ࡈࡓࡅࡔࡀ ࡖࡀࡍࡎࡀ ࡌࡍ ࡃࡉࡅࡀࡍ ࡖࡁࡉࡄࡓࡀࡌ ࡁࡓ
185	ࡉࡅࡄࡀࡍࡀ ࡓࡅࡆࡁࡉࡀ ࡁࡀ^ࡉࡉ^ࡍࡂࡀࡍࡉࡀ ࡖࡀࡍࡎࡀ ࡌࡍ ࡃࡉࡅࡀࡍ ࡖࡓࡁࡀࡉ ࡄࡉࡁࡉࡋ ࡁࡓ ࡓࡁࡀࡉ ࡁࡀࡊࡕࡉࡀࡓ عࡀࡎࡉࡊࡉࡓ ࡖࡀࡍࡎࡀ ࡓࡁࡀࡉ ࡄࡉࡁࡉࡋ ࡌࡍ ࡃࡉࡅࡀࡍ ࡖࡔ^ࡕ^ࡊࡉࡍ ࡌࡍ
186	ࡊࡕࡀࡁ ࡏࡃࡇ ࡖࡁࡉࡄࡃࡀࡃ ࡁࡓ ࡆࡉࡄࡓࡅࡍ ࡖࡀࡍࡎࡀ ࡌࡍ ࡔࡀࡁࡕࡀ ࡅࡈࡅࡐࡎࡀ ࡖࡀࡍࡎࡀ ࡁࡀࡉࡍࡀࡉ ࡁࡓ ࡆࡀࡊࡉࡀ ࡌࡍ ࡂࡉࡍࡆࡀ ࡖࡔࡕࡊࡉࡍ ࡌࡍ ࡋࡅࡀࡕࡇ ࡖࡓࡀࡌࡅࡉࡀ
187	ࡁࡓ ࡏࡒࡀࡉࡌࡀࡕ ࡅࡓࡀࡌࡅࡉࡀ ࡀࡍࡎࡀ ࡌࡍ ࡂࡉࡍࡆࡀ ࡖ^ࡀ^ࡔࡂࡀࡍࡃࡀ ࡁࡓ ࡉࡀࡎࡌࡉࡍ ࡅࡀࡔࡂࡀࡍࡃࡀ ࡀࡍࡎࡀ ࡌࡍ ࡂࡉࡍࡆࡀ ࡖࡆࡀࡆࡀࡉ ࡁࡓ ࡍࡀࡈࡀࡓ ࡅࡆࡀࡆࡀࡉ ࡀࡍࡎࡀ ࡌࡍ ࡃࡉࡅࡀࡍ
188	ࡖࡄࡉࡁࡉࡋ ࡆࡉࡅࡀ ࡄࡉࡁࡉࡋ ࡆࡉࡅࡀ ࡀࡍࡎࡀ ࡌࡍ ࡃࡉࡅࡀࡍ ࡖࡀࡁࡀࡕࡅࡓ ࡅࡀࡁࡀࡕࡅࡓ ࡀࡍࡎࡀ ࡌࡍ ࡃࡉࡅࡀࡍ ࡖࡄࡀࡉࡀࡔࡅࡌ ࡅࡄࡀࡉࡀࡔࡅࡌ ࡀࡍࡎࡀ ࡌࡍ ࡃࡉࡅࡀࡍ ࡖࡁࡉࡄࡓࡀࡌ
189	ࡓࡁࡀ ࡅࡁࡉࡄࡓࡀࡌ ࡓࡁࡀ ࡀࡍࡎࡀ ࡌࡍ ࡃࡉࡅࡀࡍ ࡖࡉࡅࡊࡀࡁࡀࡓ ࡓࡁࡀ ࡅࡉࡅࡊࡀࡁࡀࡓ ࡓࡁࡀ ࡀࡍࡎࡀ ࡌࡍ ࡃࡉࡅࡀࡍ ࡖࡉࡀࡅࡀࡓ ࡓࡁࡀ ࡅࡉࡀࡅࡀࡓ ࡓࡁࡀ ࡀࡍࡎࡀ ࡌࡍ ࡂࡉࡍࡆࡀ ࡖࡊࡅࡔࡈࡀ
190	ࡉࡀࡒࡓࡀ ࡅࡊࡅࡔࡈࡀ ࡉࡀࡒࡓࡀ ࡖࡀࡍࡎࡀ ࡌࡍ ࡋࡁࡅࡔࡀ ࡖࡄࡅࡀࡁࡇ ࡅࡓࡁࡀࡁࡇ ࡅࡄࡉࡉࡀ ࡆࡀࡊࡏࡉࡍ
190a	ࡎ ࡀ
191	ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡍࡅࡊࡓࡀ^ࡉ^ࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡅࡄࡀࡉࡋࡀ ࡅࡔࡓࡀࡓࡀ ࡅࡏࡌࡓࡀ ࡅࡔࡉࡌࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ
192	ࡆࡉࡄࡓࡅࡍ ࡁࡓ ࡌࡅࡃࡀࡋࡀࡋ ࡁࡄࡀࡉࡋࡇ ࡖࡀࡁࡀ ࡓࡁࡀ ࡅࡏࡒࡀࡓࡀ ࡅࡋࡀࡁࡀࡄࡀࡕࡀࡍ ࡅࡓࡁࡀࡍࡀࡍ ࡅࡋࡀࡄࡀࡍ ࡅࡋࡀࡄࡅࡀࡕࡀࡍ ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡏࡋ
193	ࡖࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ ࡖࡁࡄࡉࡉࡀ ࡎࡀࡄࡃࡉࡍ . ࡅࡄࡀࡉࡆࡀࡊ ࡌࡀࡋࡉࡋ ࡌࡀࡓࡀ ࡖࡓࡀࡁࡅࡕࡀ ࡅࡋࡄࡉࡁࡉࡋ ࡆࡉࡅࡀ ࡖࡍࡉࡌࡀࡓࡋࡇ ࡒࡅࡌ ࡌࡀࡄࡅ ࡉࡀࡕࡁࡉࡕ
194	ࡏࡆࡉࡋ ࡋࡀࡋࡌࡀ ࡕࡌࡀࡍࡀࡉࡀ ࡖࡄࡅࡎࡓࡀࡍࡀ ࡅࡊࡀࡃࡁࡀ ࡌࡋࡉࡀ ࡄࡅ ࡖࡐࡕࡀࡄࡉࡋ ࡅࡀࡁࡀࡕࡅࡓ ࡐࡀࡒࡃࡇ ࡅࡋࡀࡕࡀࡒࡍࡇ ࡖࡒࡉࡓࡉࡇ ࡐࡕࡀࡄࡉࡋ ࡅࡋࡀࡕࡀࡒࡍࡇ ࡀࡌࡉࡍࡈࡅࡋ
195	ࡖࡎࡉࡍࡀ ࡒࡉࡍࡀ ࡅࡐࡋࡅࡂࡉࡀ ࡏࡕࡁࡇ . ࡅࡄࡀࡉࡆࡀࡊ ࡀࡐࡓࡉࡔ ࡏࡋࡀࡅࡀࡉࡅࡍ ࡅࡀࡌࡀࡓ ࡖࡄࡀࡋࡉࡍ ࡐࡀࡋࡀࡂࡀࡕࡀ ࡌࡍ ࡄࡃࡀ ࡀࡉࡍࡀ ࡊࡅࡋࡄࡅࡍ ࡄࡀࡅࡉࡍ ࡅࡌࡍ ࡄࡃࡀ ࡓࡀࡆࡀ
196	ࡕࡓࡉࡍ ࡓࡀࡆࡉࡀ ࡄࡀࡅࡉࡍ ࡅࡌࡍ ࡕࡓࡉࡍ ࡓࡀࡆࡉࡀ ࡓࡀࡆࡀ ࡕࡋࡀࡕࡀࡉࡀ ࡄࡀࡅࡉࡀ ࡖࡓࡀࡊࡉࡊ ࡌࡍ ࡕࡉࡓࡁࡀ ࡅࡐࡀࡎࡉࡒ ࡌࡍ ࡄࡉࡓࡁࡀ ࡖࡄࡏ ࡁ ࡉ ࡕ ࡀ ࡁࡉࡔࡕࡀ
197	ࡖࡄࡉࡅࡉࡀ ࡌࡉࡍࡇ ࡍࡐࡀࡒ ࡅࡋࡉࡔࡀࡍࡀ ࡕࡋࡉࡕࡀࡉࡀ ࡄࡅ ࡀࡋࡌࡉࡀ ࡅࡃࡀࡓࡉࡀ ࡒࡀࡓࡉࡋࡇ ࡅࡋࡀࡉࡀࡃࡉࡍ ࡌࡀࡄࡅ ࡖࡀࡌࡓࡉࡍ ࡀࡌࡉࡍࡈࡅࡋ ࡖࡄࡀࡃࡀࡓ ࡅࡁࡀࡄࡉࡔ ࡀࡊࡅࡀࡕ
198	ࡋࡉࡔࡀࡍࡀ ࡖࡏࡃࡉࡀ ࡅࡋࡉࡂࡓࡉࡀ ࡋࡉࡕࡋࡇ . ࡅࡓࡀࡆࡀ ࡄࡅ ࡕࡋࡀࡕࡀࡉࡀ ࡀࡌࡉࡍࡈࡅࡋ ࡖࡌࡍ ࡄࡉࡅࡓࡀ ࡅࡎࡅࡌࡒࡀ ࡅࡒࡋࡀࡐࡕࡀ ࡖࡁࡉࡕࡀ ࡄࡅࡀ ࡖࡌࡍ ࡄࡀࡋࡉࡍ ࡕࡋࡀࡕࡀ
199	ࡓࡀࡆࡉࡀ ࡏࡕࡉࡂࡁࡉࡋ ࡅࡕࡋࡀࡕࡀ ࡓࡀࡆࡉࡀ ࡏࡕࡒࡓࡉࡀ ࡀࡍࡉࡍ ࡔࡀࡅࡉࡍࡉࡍ ࡕࡋࡀࡕࡀ ࡓࡅࡔࡌࡉࡀ ࡋࡍࡉࡔࡉࡌࡕࡀ ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡖࡍࡉࡐࡀࡓࡒࡇ
200	ࡌࡍ ࡕࡋࡀࡕࡀ ࡓࡀࡆࡉࡀ ࡒࡀࡓࡉࡔࡉࡀ ࡄࡀࡔࡊࡉࡀ ࡅࡄࡀࡉࡆࡀࡊ ࡄࡅࡀ ࡓࡀࡆࡀ ࡀࡓࡁࡉࡀࡉࡀ ࡖࡌࡉࡕࡒࡓࡉࡀ ࡆࡌࡀ ࡆࡉࡅࡀ ࡖࡁࡊࡅࡋ ࡌࡉࡍࡃࡀࡌ ࡆࡓࡉࡀ
201	ࡅࡓࡅࡄࡀ ࡅࡍࡉࡔࡉࡌࡕࡀ ࡀࡃࡉࡍࡒࡉࡀ ࡃࡉࡋࡇ ^ࡁ^ࡏࡑࡈࡅࡍࡀ ࡋࡀࡃࡀࡉࡓࡉࡀ ࡖࡄࡅ ࡅࡕࡋࡀࡕࡀ{ࡉࡀ} ࡀࡄࡇ ࡀࡓࡁࡀ ࡊࡉࡀࡍࡉࡀ ࡏࡕࡒࡓࡅࡍ ࡅࡌࡍ ࡀࡓࡁࡀ ࡔࡅࡁࡀ
202	ࡓࡀࡆࡉࡀ ࡅࡊࡉࡀࡍࡉࡀ ࡄࡅࡍ ࡖࡄࡉࡍࡅࡍ ࡔࡅࡁࡀ ࡊࡅࡊࡁࡉࡀ ࡅࡔࡅࡁࡀ ࡋࡁࡅࡔࡉࡀ ࡖࡄࡉࡍࡅࡍ ࡌࡍ ࡔࡅࡁࡀ ࡄࡅࡍ ࡕࡌࡀࡍࡉࡀ ࡅࡕࡌࡀࡍࡉࡀ ࡓࡀࡆࡉࡀ ࡖࡌࡅࡕࡀ
203	ࡅࡄࡀࡌࡁࡀࡋࡕࡀ ࡌࡍ ࡕࡌࡀࡍࡉࡀ ࡅࡕࡌࡀࡍࡉࡀ ࡌࡍࡀࡅࡀࡕࡀ ࡖࡔࡉࡃࡕࡀ ࡄࡀࡅࡉࡀ ࡖࡊࡅࡋ ࡌࡉࡍࡃࡀࡌ ࡖࡏࡊࡀ ࡁࡕࡉࡁࡉࡋ ࡌࡅࡕࡀ ࡅࡕࡉࡍࡉࡀࡍࡀ ࡋࡃࡅࡊࡕࡇ ࡌࡀࡉࡉࡕ
204	ࡀࡋࡌࡀ ࡖࡀࡕࡉࡕ ࡍࡉࡔࡉࡌࡕࡀ ࡅࡃࡅࡊࡓࡀࡍ{{ࡉ}}<<ࡀ>> ࡖࡀࡄࡇ ࡋࡀࡌ{{ࡀ}}<<ࡉ>>ࡍࡉࡔࡉࡇ ࡁࡌࡉࡍࡉࡀࡍ ࡓࡀࡆࡉࡀ ࡋࡀࡌࡉࡕࡉࡌࡍࡉࡀ ࡅࡁࡄࡅࡔࡁࡀࡍ ࡌࡍࡀࡅࡀࡕࡀ ࡕࡌࡀࡍࡉࡀ ࡋࡀࡏࡒࡁࡉࡀࡕ
205	ࡖࡄࡏ ࡕࡔࡉࡀࡉࡕࡇ ࡖࡄࡏ ࡀࡕࡀࡕ ࡅࡒࡓࡀࡋࡅࡍ ࡋࡓࡀࡆࡉࡀ ࡅࡀࡒࡌࡕࡉࡍࡅࡍ ࡌࡍ ࡃࡅࡊࡕࡀࡉࡅࡍ ࡖࡋࡀࡍࡉࡔࡉࡊࡁࡅࡍ . ࡅࡄࡀࡉࡆࡀࡊ ࡕࡉࡁࡉࡋ ࡁࡔࡉࡕ ࡌࡍࡀࡅࡀࡕࡀ
206	ࡒࡀࡉࡌࡀ . ࡅࡀࡌࡀࡓ ࡓࡀࡆࡀ ࡀࡎࡓࡉࡀࡉࡀ ࡖࡄࡅ ࡓࡅࡔࡌࡀ ࡖࡉࡀࡓࡃࡍࡀ ࡅࡄࡅ ࡌࡀࡐࡓࡀࡔ ࡓࡀࡆࡉࡀ ࡕࡀࡒࡍࡀ ࡖࡌࡍ ࡓࡀࡆࡉࡀ ࡖࡄࡔࡅࡊࡀ ࡖࡄࡅ
207	ࡃࡓࡀࡁࡔࡀ ^ࡄࡉࡅࡀࡓࡀ^ ࡖࡌࡉࡕࡉࡒࡓࡉࡀ ࡁࡓࡀࡆࡉࡇ ࡖࡁࡀࡄࡓࡉࡋ{{ࡅࡍ}}<<ࡇ>> ࡋࡍࡉࡔࡉࡌࡕࡀ ࡁࡂࡉࡍࡆࡇ ࡀࡎࡓࡉࡀࡉࡀ ࡖࡓࡀࡆࡉࡀ ࡄࡉࡍࡅࡍ ࡕࡌࡀࡍ{{ࡉ}}<<ࡀ>>ࡉࡀ ࡓࡀࡆࡉࡀ ࡖࡌࡀࡎࡉࡒࡕࡀ
208	ࡅࡄࡀࡍࡀࡕࡇ ࡍࡉࡔࡉࡌࡕࡀ ࡖࡒࡀࡓࡉࡋࡇ ࡄࡉࡍࡅࡍ ࡁࡂࡀࡅࡇ ࡌࡋࡀࡁࡔࡉࡇ ࡋࡁࡅࡔࡉࡀ ࡀࡎࡓࡉࡀࡉࡀ ࡄࡀࡍࡀࡕࡇ ࡉࡅࡊࡀࡁࡀࡓ ࡊࡅࡔࡈࡀ ࡅࡉࡀࡄࡉࡁ ࡁࡌࡀࡎࡉࡒࡕࡀ
209	ࡖࡄࡅ ^ࡀ^ࡔࡂࡀࡍࡃࡀ ࡖࡁࡌࡀࡋࡀࡋࡀ ࡖࡄࡉࡉࡀ ࡌࡀࡋࡉࡋ ࡁࡄࡉࡓࡉࡀ ࡆࡉࡃࡒࡀ ࡒࡀࡃࡌࡀࡉࡀ ࡄࡅ ࡐࡀࡎࡉࡌࡕࡀ ࡅࡌࡉࡀ ࡍࡈࡉࡓ ࡅࡋࡀࡉࡉࡕ ࡌࡀࡎࡉࡒࡕࡀ ࡅࡏࡍࡂࡉࡓࡕࡀ
210	ࡅࡌࡀࡑࡁࡅࡕࡀ ࡅࡓࡀࡄࡌࡉࡀ ࡅࡃࡅࡊࡓࡀࡍࡉࡀ ࡅࡔࡀࡁࡀࡃࡀࡕࡀ ࡅࡕࡓࡀࡑࡀ ࡖࡕࡀࡂࡀ ࡅࡒࡀࡁࡉࡍ ࡀࡃࡉࡍࡒࡉࡀ ࡀࡔࡂࡀࡍࡃࡀ ࡍࡉࡄࡅࡉࡀ ࡋࡀࡍࡉࡎࡀࡒ ࡋࡓࡉࡔ . ࡀࡌࡉࡍࡈࡅࡋ
211	ࡖࡀࡔࡂࡀࡍࡃࡀ ࡖࡄࡅ ࡊࡅࡔࡈࡀࡉࡉࡀ ࡊࡅࡋࡄࡅࡍ ࡁࡂࡀࡅࡇ ࡍࡈࡉࡓࡉࡀ . ࡅࡄࡀࡉࡆࡀࡊ ࡌࡀࡋࡉࡋ ࡌࡀࡓࡀ ࡖࡓࡀࡁࡅࡕࡀ ࡅࡋࡄࡉࡁࡉࡋ ࡆࡉࡅࡀ ࡍࡉࡌࡀࡓࡋࡇ ࡋࡀࡍࡉࡄࡉࡓࡁࡅࡍ
212	ࡕࡀࡓࡕࡉࡍ ࡀࡉࡍࡉࡀ ࡖࡁࡂࡀࡅࡀࡉࡄࡅࡍ ࡑࡉࡓࡀࡍ ࡖࡄࡀࡃ ࡀࡉࡍࡀ ^ࡖ^ࡓࡅࡄࡀ ࡅࡄࡀࡃ ࡀࡉࡍࡀ ࡖࡍࡉࡔࡉࡌࡕࡀ ࡄࡏ ࡄࡀࡍࡀࡕ{{ࡇ}}<<ࡉࡍ>> ࡀࡉࡍࡉࡀ ࡄࡅࡓࡉࡍࡉࡀࡕࡀ ^ࡖ^ࡁࡉࡍࡀࡕࡀࡉࡀࡍ ࡑࡉࡓࡀࡍ
213	ࡖࡔࡅࡁࡀ ࡁࡀࡁࡉࡀ ࡖࡌࡅࡒࡓࡀ ࡔࡓࡉࡀ ࡀࡉࡕࡉࡍࡉࡍ . ࡅࡄࡀࡉࡆࡀࡊ ࡌࡀࡋࡉࡋ ࡌࡀࡓࡀ ࡖࡓࡀࡁࡅࡕࡀ ࡀࡌࡉࡍࡈࡅࡋ ࡖࡌࡀࡑࡁࡅࡕࡀ ࡅࡌࡀࡎࡉࡒࡕࡀ ࡁࡀࡃࡌࡅ
214	ࡕࡓࡉࡍ ࡌࡀࡋࡊࡉࡀ ࡖࡄࡉࡍࡅࡍ ࡀࡎࡉࡒࡋࡅࡍ ࡍࡀࡄࡓࡉࡀ ࡅࡌࡀࡍࡉࡄࡓࡉࡀ ࡄࡃࡀࡃࡉࡀ ࡁࡆࡉࡅࡀ ࡖࡉࡀࡓࡃࡍࡀ ࡍࡉࡕࡂࡀࡃࡋࡅࡍ ࡒࡀࡓࡉࡋࡇ ࡋࡌࡀࡑࡁࡅࡕࡀ ࡍࡀࡅࡓࡀ ࡓࡁࡀ ࡖࡏࡅࡕࡓࡉࡀ
215	ࡍࡀࡄࡓࡉࡁࡇ ࡅࡒࡀࡓࡉࡋࡇ ࡋࡌࡀࡎࡉࡒࡕࡀ ࡅࡄࡀࡕࡀࡌ ࡔࡀࡓࡉࡀ ࡏࡎࡉࡓࡉࡀ ࡖࡏࡎࡉࡓࡉࡀ ࡄࡀࡋࡉࡍ ࡏࡁࡉࡃࡀࡕࡀ ࡖࡀࡁࡀ ࡖࡏࡅࡕࡓࡉࡀ ࡒࡓࡉࡍࡅࡍ ࡋࡉࡁࡄࡉࡓࡉࡀ ࡆࡉࡃࡒࡀ
216	ࡖ^ࡁ^ࡌࡅࡌࡀ ࡌࡋࡀࡁࡔࡉࡀ . ࡅࡐࡀࡓࡒࡉࡍࡅࡍ ࡌࡍ ࡕࡉࡒࡋࡀࡕࡀ ࡖࡔࡅࡁࡀ ࡔࡀࡋࡉࡈ . ࡅࡄࡀࡉࡆࡀࡊ ࡌࡀࡋࡉࡋ ࡅࡀࡌࡀࡓ ࡀࡁࡀ ࡖࡏࡅࡕࡓࡉࡀ ࡗ ࡒࡀࡓࡉࡋࡅࡍ ࡌࡀࡎࡉࡒࡕࡀ
217	ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡁࡓ ࡄࡉࡌࡀࡕ ࡓࡀࡆࡉࡀ ࡄࡀࡁࡔࡀࡁࡀ ࡀࡕࡉࡀ ࡁࡌࡀࡓࡊࡉࡁࡕࡀ ࡖࡆࡉࡅࡀ ࡅࡀࡋࡉࡐ ࡀࡋࡉࡐ ࡔࡀࡌࡁࡉࡁࡉࡀ ࡁࡂࡀࡅࡇ ࡉࡀࡕࡉࡁ
218	ࡒࡅࡃࡀࡌࡀࡉ{{ࡄࡅࡍ}}^ࡊࡅࡍ^ ࡖࡊࡅࡋ ࡌࡀࡍ ࡖࡍࡉࡔࡕࡀࡓࡂࡉࡀ ࡁࡐࡅࡂࡃࡀࡌࡉࡀ ࡅࡆࡄࡀࡓࡉࡀ ࡅࡁࡀࡋࡌࡀ ࡖࡄࡉࡁࡉࡋ ^ࡏࡅࡕࡓࡀ^ ࡀࡌࡀࡓࡋࡇ ࡔࡕࡀࡓࡂࡉࡕ ࡋࡀࡌࡒࡀࡁࡉࡋࡇ ࡏࡅ
219	ࡋࡀࡌࡉࡔࡕࡀࡓࡂࡉࡀ ࡌࡒࡀࡁࡉࡋࡇ ࡅࡃࡀࡓࡉࡋࡇ ࡊࡅࡋ ࡄࡀࡃ ࡄࡀࡃ ࡌࡀࡎࡉࡒࡕࡀ ࡁࡔࡉࡕࡉࡍ ࡄࡀࡔࡉࡁࡋࡇ ࡅࡃࡀࡓࡉࡋࡇ ࡅࡊࡀࡎࡉࡋࡇ ࡁࡎࡀࡐࡈࡉࡀ ࡖࡆࡉࡅࡀ ࡅࡉࡀࡄࡉࡁࡋࡇ
220	ࡋࡀࡁࡀࡕࡅࡓ ࡅࡀࡁࡀࡕࡅࡓ ࡉࡀࡄࡉࡁࡋࡇ ࡋࡄࡉࡁࡉࡋ ࡆࡉࡅࡀ ࡅࡄࡉࡁࡉࡋ ࡆࡉࡅࡀ ࡉࡀࡄࡉࡁࡋࡇ ࡋࡌࡀࡍࡃࡀ ࡖࡄࡉࡉࡀ ࡅࡌࡀࡍࡃࡀ ࡖࡄࡉࡉࡀ ࡉࡀࡄࡉࡁࡋࡇ ࡋࡌࡀࡍࡀ ࡓࡁࡀ ࡊࡀࡁࡉࡓࡀ
221	ࡅࡌࡀࡍࡀ ࡓࡁࡀ ࡊࡀࡁࡉࡓࡀ ࡉࡀࡄࡉࡁࡋࡇ ࡋࡉࡀࡅࡀࡓ ࡓࡁࡀ ࡅࡉࡀࡅࡀࡓ ࡓࡁࡀ ࡉࡀࡄࡉࡁࡋࡇ ࡋࡔࡉࡔࡋࡀࡌ ࡓࡁࡀ ࡅࡔࡉࡔࡋࡀࡌ ࡓࡁࡀ ࡉࡀࡄࡉࡁࡋࡇ ࡋࡀࡃࡀࡕࡀࡕࡀ^ࡍ^ ࡅࡉࡀࡃࡀࡕࡀࡍ
222	ࡅࡀࡃࡀࡕࡀࡍ ࡅࡉࡀࡃࡀࡕࡀ^ࡍ^ ࡉࡀࡄࡉࡁࡋࡇ ࡋࡎࡀࡓ ࡅࡎࡀࡓࡅࡀࡍ ࡅࡎࡀࡓ ࡅࡎࡀࡓࡅࡀࡍ ࡉࡀࡄࡉࡁࡋࡇ ࡋࡕࡀࡍࡀ ࡉࡀࡒࡓࡀ ࡅࡕࡀࡍࡀ ࡉࡀࡒࡓࡀ ࡉࡀࡄࡉࡁࡋࡇ {{ࡋࡃࡉࡓࡊࡉ}} ࡋࡃࡉࡊࡓࡀ ࡅࡃࡉࡊࡓࡀ
223	ࡉࡀࡄࡉࡁࡋࡇ {ࡅ}<ࡋ>ࡏࡑࡈࡅࡍ ࡆࡉࡅࡀ ࡅࡏࡑࡈࡅࡍ ࡆࡉࡅࡀ ࡉࡀࡄࡉࡁࡋࡇ ࡋࡌࡀࡓࡀ ࡖࡓࡀࡁࡅࡕࡀ ࡕࡅࡌ ࡌࡀࡑࡁࡅࡕࡀ ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡅࡔࡅࡁࡀ ࡊࡀࡎࡉࡉࡀ ࡀࡄࡇ
224	ࡗ ࡄࡀࡆࡉࡍ ࡌࡀࡎࡉࡒࡕࡀ ࡌࡉࡕࡁࡉࡄࡓࡀ ࡅࡄࡀࡉࡆࡉࡍ ࡓࡀࡆࡀ ࡄࡀࡕࡌࡀ ࡖࡌࡂࡀࡁࡉࡋࡅࡍ ࡋࡊࡅࡋࡄࡅࡍ ࡓࡀࡆࡉࡀ ࡕࡀࡒࡍࡉࡀ . ࡅࡄࡀࡉࡆࡀࡊ ࡗ ࡒࡀࡓࡉࡕࡅࡍ ࡌࡀࡎࡉࡒࡕࡀ
225	ࡍࡉࡔࡌࡀࡕࡀ ࡁࡌࡀࡈࡀࡓࡀࡕࡀ ࡀࡆࡉࡋ ࡔࡋࡉ{{ࡕࡀ}}^ࡄࡀ^ ࡌࡍ ࡀࡁࡀ ࡅࡏࡌࡀ ࡅࡀࡉࡀࡓ ࡅࡉࡀࡓࡃࡍࡀ ࡌࡃࡀࡊࡉࡋࡇ ࡅࡌࡀࡎࡉࡒࡋࡇ ࡋࡀࡕࡀࡓ ࡍࡄࡅࡓ ^.^ ࡅࡗ ࡉࡀࡄࡉࡁ^ࡕࡅ^ࡋࡇ ࡏࡅࡑࡈࡋࡉࡀ
226	{{ࡌ}} ࡌࡉࡔࡕࡀࡋࡀࡋࡁࡇ ࡔࡅࡁࡀ ࡏࡑࡈࡋࡉࡀ ࡖࡌࡍ ࡓࡁࡀ ࡒࡀࡃࡌࡀࡉࡀ . ࡅࡗ ࡉࡀࡄࡁࡉࡕࡅࡍ ࡆࡉࡃࡒࡀ ࡄࡀࡁࡔࡀࡁࡀ ࡎࡀࡄࡉࡃ ࡏࡋࡇ ࡄࡀࡊࡀ ࡉࡅࡌࡀ ࡖࡃࡉࡍࡀ
227	ࡉࡀࡄࡉࡁࡋࡇ ࡔࡅࡁࡀ ࡋࡁࡅࡔࡉࡀ ࡖࡆࡉࡅࡀ ࡅࡍࡄࡅࡓࡀ ^.^ ࡅࡗ ࡎࡀࡌࡊࡉࡕࡅࡍ ࡀ{{ࡀ}}ࡍࡉ^ࡉ^ࡀ ࡀࡍࡀ ࡀࡁࡀ ࡏࡍࡉࡍࡊࡅࡍ ࡅࡉࡀࡌࡉࡍࡀࡉ ࡐࡔࡀࡈࡉࡋࡅࡍ ࡉࡀࡁࡄࡉࡓࡉࡀ {{ࡆࡉࡃࡒࡀ}} ࡅࡔࡀࡋࡌࡀࡍࡉࡀ
228	ࡁࡑࡀࡋࡀࡉࡉࡕ ࡅࡍࡉࡄࡀࡉࡉࡕ ࡒࡓࡅࡍ ࡌࡀࡎࡉࡒࡕࡀ ࡅࡓࡄࡅࡌࡉࡅࡍ ࡁࡏࡁࡀࡃࡀࡕࡀ . ࡋࡀࡕࡉࡁࡃ^ࡅ^ࡍ ࡏࡁࡉࡃࡀࡕࡀ ࡖࡉࡅࡔࡀࡌࡉࡍ ࡀࡁࡀࡃ ࡀࡔࡂࡀࡍࡃࡀ {{ࡍࡉࡌࡀࡋࡉࡋ ࡄࡀࡍࡀࡕࡇ}}
229	ࡋࡒࡅࡃࡀࡌࡇ ࡋࡀࡄࡅࡀ . ࡀࡌࡉࡍࡈࡅࡋ ࡀࡔࡂࡀࡍࡃࡀ ࡍࡉࡌࡀࡋࡉࡋ ࡄࡀࡍࡀࡕࡇ ࡔࡓࡉࡕࡀ ࡖࡊࡅࡋࡄࡅࡍ ࡂࡉࡍࡆࡉࡀ ࡄࡏ ࡄࡉࡍࡅࡍ ࡌࡀࡋࡊࡉࡀ ࡖࡍࡄࡅࡓࡀ ࡌࡐࡀࡓࡒࡉࡋࡊࡅࡍ
230	ࡅࡌࡔࡀࡅࡆࡁࡉࡋࡊࡅࡍ ࡌࡍ ࡏࡃࡀࡉࡅࡍ ࡖࡔࡅࡁࡀ ࡉࡀ ࡁࡄࡉࡓࡉࡀ ࡅࡔࡀࡋࡌࡀࡍࡉࡀ ࡓࡄࡅࡌ ࡏࡁࡉࡃࡀࡕࡀ ࡓࡅࡄࡑࡀࡍࡀ ࡋࡕࡉࡁࡉࡋ ࡋࡀࡍࡉࡄࡅࡉࡋࡊࡅࡍ ࡀࡌࡉࡍࡈࡅࡋ ࡖࡔࡉࡋࡌࡀࡉ
231	ࡅࡍࡉࡃࡁࡀࡉ ࡁࡀࡋࡌࡀ ࡖࡎࡄࡀࡒ ࡆࡉࡅࡀ ࡄࡉࡍࡅࡍ ࡅࡄࡉࡉࡀ ࡆࡀࡊࡏࡉࡍ ࡎ ࡀ
231aa	ࡎࡐࡀࡓࡂࡋࡀ ࡄࡅ
231ab	ࡀࡌࡅࡆࡀ ࡄࡅ
231ac	ࡂࡅࡈࡀࡉࡐࡀ ࡄࡅ
231ad	ࡔࡅࡔࡌࡉࡀ ࡄࡉࡍࡉࡍ
231ba	ࡓࡉࡄࡀ ࡄࡅ
231bb	ࡎࡉࡍࡃࡉࡓࡊࡀ ࡄࡅ
231ca	ࡏࡋࡀࡍࡀ ࡄࡅ
231cb	ࡄࡉࡈࡉࡀ ࡄࡉࡍࡉࡍ
231cc	ࡆࡀ^ࡉ^ࡕࡀ ࡄࡅ
231cd	ࡕࡉࡍࡕࡀ ࡄࡅ
231ce	ࡀࡎࡀ ࡄࡅ
231da	ࡔࡀࡓࡄ̤ ࡖࡒࡍࡀࡎࡀ ࡖࡉࡅࡍࡀ ࡅࡀࡌࡀࡓ ࡁࡔࡅࡌࡇ ࡖࡄࡉࡉࡀ
231db	ࡅࡁࡔࡅࡌࡇ ࡖࡌࡀࡍࡃࡀ ࡖࡄࡉࡉࡀ ࡌࡀࡃࡊࡀࡓ ࡏࡋࡀࡊ ࡐࡕࡀࡄࡉࡋ
231dc	ࡖࡒࡓࡉࡀࡊ ࡄࡉࡁࡉࡋ ࡆࡉࡅࡀ ࡐࡀࡒࡉࡃ ࡏࡋࡀࡊ ࡌࡉࡍࡉࡊࡎࡀࡊ
231dd	ࡁࡉࡎࡓࡀࡊ ࡃࡀࡊࡉࡀ ࡍࡉࡄࡅࡉࡀ ࡅࡀࡕࡍࡀ ࡋࡎࡉࡊࡉࡍࡀ ࡖࡐࡀࡓࡆࡋࡀ
231de	ࡋ ^ࡓࡀࡆࡀ ࡖ^ࡑࡀࡅࡓࡇ {{ࡅࡗ}} ࡅࡍࡅࡊࡎࡇ ࡅࡀࡌࡅࡓ ࡍࡉࡔࡌࡀࡕࡀ
231df	ࡖࡄࡀࡋࡉࡍ ࡌࡀࡎࡒࡀࡕࡀ ࡖࡌࡉࡕࡒࡓࡉࡀࡍ ࡁࡂࡀࡅࡀࡊ ࡋࡉࡍࡄࡅࡓࡀ
231dg	ࡍࡉࡎࡒࡀ ࡅࡊࡅࡋ ࡌࡀࡍ ࡖࡀࡊࡉࡋ ࡌࡉࡍࡀࡊ ࡍࡉࡄࡉࡉࡀ ࡅࡍࡉࡕࡀࡎࡉࡀ
231dh	ࡅࡍࡉࡕࡒࡀࡉࡀࡌ ࡅࡔࡅࡌࡇ ࡖࡄࡉࡉࡀ
231di	ࡅࡔࡅࡌࡇ ࡖࡌࡀࡍࡃࡀ ࡖࡄࡉࡉࡀ
231dj	ࡌࡀࡃࡊࡀࡓ ࡏࡋࡀࡊ
231ea	ࡄࡀࡉࡆࡀࡊ ࡀࡉࡕࡅࡍ ࡄࡉࡈࡉࡀ ࡅࡔࡅࡔࡌࡉࡀ ࡅࡀࡉࡉࡋࡉࡅࡍ ࡋࡁࡉࡌࡀࡍࡃࡀ ࡗ â€¨ࡈࡌࡉࡔ ࡕࡋࡀࡕࡀ ࡏࡅࡌࡅࡔࡉࡀࡕࡀ ࡖࡄࡉࡍࡉࡍ ࡕࡋࡀࡕࡀ ࡆࡉࡁࡍࡉࡀ ࡅࡀࡑࡀࡓࡉࡅࡍ
231eb	ࡌࡉࡔࡀ ࡅࡈࡄࡀࡍࡉࡅࡍ ࡄࡉࡈࡉࡀ ࡅࡀࡐࡅࡍ ࡋࡄࡀࡌࡀ ࡁࡕࡅࡔࡁࡉࡄࡕࡀ ࡖࡊࡋࡉࡋࡀ . ࡅࡄࡀࡉࡆࡀࡊ
231ec	ࡌࡀࡋࡉࡋ ࡌࡀࡓࡀ ࡖࡓࡀࡁࡅࡕࡀ ࡅࡋࡄࡉࡁࡉࡋ ࡆࡉࡅࡀ ࡖࡍࡉࡌࡀࡓࡋࡇ ࡊࡅࡋ ࡌࡉࡍࡃࡀࡌ
231ed	ࡖࡏࡁࡉࡃ ࡅࡌࡀࡁࡀࡃ ࡋࡁࡉࡌࡀࡍࡃࡀ ࡋࡀࡌࡀࡉࡉࡋ ࡏࡋࡇ ࡊࡅࡋ ࡌࡉࡍࡃࡀࡌ ࡁࡑࡀࡓࡀࡓࡕࡇ
231ee	ࡍࡉࡄࡅࡉࡀ
231fa	ࡁࡉࡄࡓࡀࡌ ࡃࡓࡀࡁࡔࡀ ࡄࡅ ࡖࡌࡀࡍࡄࡀࡓࡋࡇ ࡋࡍࡉࡔࡉࡌࡕࡀ
231fb	ࡔࡉࡔࡋࡀࡌࡏࡉࡋ ࡃࡓࡀࡁࡔࡀ ࡄࡅ
231fc	ࡈࡉࡓࡉࡀࡍࡀ ࡁࡁࡀࡁࡀ ࡖࡓࡀࡆࡉࡀ ࡒࡀࡉࡉࡌ ࡉࡀࡅࡀࡓ ࡓࡁࡀ ࡄࡅ
231ga	ࡒࡀࡍࡉࡍࡀ
231gb	ࡁࡉࡕ ࡓࡉࡄࡉࡀ
231gc	ࡁࡉࡕ ࡓࡉࡄ{{ࡉ}}<ࡀ>{{ࡀ}}
231gd	ࡔࡉࡋࡌࡀࡉ ࡓࡁࡀ ࡄࡅ
231ge	ࡍࡉࡃࡁࡀࡉ ࡓࡁࡀ ࡄࡅ
231gf	ࡓࡉࡄࡀ ࡄࡅ
231gg	ࡀࡃࡀࡕࡀࡍ ࡓࡁࡀ ࡄࡅ
231gh	ࡅࡉࡀࡃࡉࡕࡀࡍ ࡓࡁࡀ ࡄࡅ
231gi	ࡄࡉࡁࡉࡋ ࡆࡉࡅࡀ ࡄࡅ
231gj	ࡀࡔࡂࡀࡍࡃࡀ ࡄࡅ
231gk	ࡌࡀࡓࡀ ࡖࡓࡀࡁࡅࡕࡀ ࡄࡅ
231gl	ࡀࡍࡅࡔ ࡓࡁࡀ ࡄࡅ
231ha	ࡐࡀࡈࡉࡓࡀ ࡏࡍࡁࡉࡀ ࡓࡅࡌࡀࡍࡀ ࡎࡐࡀࡓࡂࡋࡀ ࡀࡌࡅࡆࡀ ࡕࡉࡍࡕࡀ
231hb	{{ }}ࡉࡀࡅࡀࡓ ࡓࡁࡀ ࡀࡁࡉࡄࡃࡉࡀ ࡀࡄࡇ ࡐࡀࡔࡉࡈ ࡄࡅ ࡋࡍࡉࡔࡉࡌࡕࡀ ࡃࡉࡋࡇ
231hc	ࡌࡂࡀࡁࡉࡀࡋࡅࡍ ࡋࡓࡀࡆࡉࡀ ࡃࡉࡋࡇ ࡄࡀࡕࡌࡉࡋࡇ ࡖࡄࡉࡍࡅࡍ ࡋࡀࡁࡀ ࡄࡀࡋࡉࡍ ࡕࡓࡉࡍ
231hd	ࡌࡀࡋࡊࡉࡀ ࡄࡉࡍࡅࡍ ࡌࡀࡑࡁࡅࡕࡀ ࡅࡌࡀࡎࡉࡒࡕࡀ ࡄࡉࡍࡅࡍ ࡍࡀࡄࡓࡉࡀ ࡅࡌࡀࡍࡉࡄࡓࡉࡀ
231he	ࡄࡃࡀࡃࡉࡀ ࡀࡌࡉࡍࡈࡅࡋ ࡖࡄࡀࡃ ࡏࡑࡈࡅࡍࡀ ࡄࡉࡍࡅࡍ ࡏࡅ
231hf	ࡈࡀࡐࡉࡀ ࡓࡀࡆࡉࡀ ࡖࡓࡅࡄࡀ ࡋࡍࡉࡔࡉࡌࡕࡀ ࡏࡑࡈࡅࡍࡀ
231hg	ࡕࡄࡀࡌࡁࡀࡋ ࡏࡅ ࡈࡀࡐࡉࡀ ࡓࡀࡆࡉࡀ ࡖࡍࡉࡔࡉࡌࡕࡀ
231hh	ࡋࡓࡅࡄࡀ ࡏࡑࡈࡅࡍࡀ ࡊࡅࡋ ࡏࡕࡄࡀࡌࡁࡀࡋ ࡀࡌࡉࡍࡈࡅࡋ
231hi	ࡊࡅࡋ ࡓࡀࡆࡀ ࡖ^ࡁࡀ^ ࡌࡀࡎࡉࡒࡕࡀ ࡋࡄࡀࡃ ࡓࡀࡆࡀ
231hj	ࡌࡃࡀࡊࡉࡀࡋࡇ
231ia	ࡅࡄࡀࡉࡆࡀࡊ ࡀࡐࡓࡉࡔ ࡄࡉࡁࡉࡋ ࡆࡉࡅࡀ ࡋࡄࡀࡍࡀࡕࡅࡍ
231ib	ࡕࡓࡉࡍ ࡊࡅࡔࡈࡉࡀ ࡖࡌࡀࡎࡉࡒࡕࡀ ࡖࡌࡉࡐࡉࡔࡈࡉࡀ
231ic	ࡀࡌࡉࡍࡈࡅࡋ ࡖࡕࡓࡉࡍ ࡌࡀࡋࡊࡉࡀ ࡄࡉࡍࡅࡍ ࡄࡀࡃ ࡋࡓࡅࡄࡀ
231id	ࡅࡄࡀࡃ ࡋࡍࡉࡔࡉࡌࡕࡀ ࡄࡀࡋࡉࡍ ࡕࡓࡉࡍ ࡌࡀࡋࡊࡉࡀ ࡌࡉࡑࡓࡉࡀ
231ie	ࡁࡉࡍࡀࡕࡀࡉࡄࡅࡍ ࡌࡑࡉࡓ ࡖࡄࡅ ࡄࡉࡌࡉࡍࡀ ࡂࡉࡈࡓࡀ {{ࡃࡉࡋࡀ}}
231if	ࡃࡉࡋࡇ ࡂࡈࡀࡓ ࡄࡀࡋࡉࡍ ࡀࡓࡁࡀ ࡁࡀࡍࡉࡍ ࡓࡉࡔࡀ ࡅࡄࡀࡋࡉࡍ
231ig	ࡀࡓࡁࡀ ࡖࡁࡀࡍࡉࡍ ࡁࡉࡍࡉࡀࡍࡀ ࡀࡌࡉࡍࡈࡅࡋ ࡖ ࡖ
231ih	ࡌࡀࡎࡉࡒࡕࡀ ࡕࡓࡉࡍ ࡓࡉࡔࡅࡀࡕࡀ ࡏࡕࡋࡇ ࡄࡀࡋࡉࡍ
231ii	ࡕࡓࡉࡍ ࡊࡅࡔࡈࡉࡀ ࡖࡌࡉࡕࡐࡉࡔࡈࡉࡀ
231ij	ࡁࡌࡉࡑࡀࡕ ࡁࡓࡉࡔࡀ ࡋࡓࡅࡄࡀ
231ik	^ࡖ^ࡄࡏ ࡌࡂࡀࡁࡉࡋࡅࡍ ࡓࡀࡆࡉࡀ ࡖࡏࡋࡇ
231il	ࡄࡀࡕࡉࡌࡋࡅࡍ ࡖࡄࡅ ࡋࡏࡌࡀ
231im	. ࡅࡄࡀࡉࡆࡀࡊ ࡊࡅࡔࡈࡀ
231in	ࡖࡀࡁࡀࡄࡀࡕࡀ ࡖࡁࡌࡉࡑࡀࡕ
231io	ࡀࡋࡌࡉࡀ ࡌࡉࡐࡉࡔࡈࡉࡀ
231ip	ࡖࡄࡅ ࡕࡀࡒࡉࡋ ࡏࡅࡁࡀࡃࡉࡀ
231iq	ࡅࡄࡀࡉࡆࡀࡊ ࡎࡀࡃࡀࡓࡉࡅࡍ ࡊࡅࡋ ࡌࡉࡍࡃࡀࡌ
231ir	ࡅࡋࡁࡀࡔࡉࡅࡍ ࡅࡕࡊࡀࡎࡅࡍ ࡊࡎࡅࡉࡀ ࡅࡊࡅࡋ ࡄࡀࡃ
231is	ࡐࡀࡈࡉࡓࡀ ࡕࡓࡀࡑ ࡋࡒࡅࡃࡀࡌࡇ ࡅࡀࡉࡕࡅࡍ ࡁࡇ
231it	ࡌࡍ ࡉ^ࡀ^ࡅࡍࡀ ࡅࡓࡀࡅࡈࡀ ࡖࡀࡎࡀ ࡌࡍ ࡂࡉࡍࡕࡀ ࡖࡏࡋࡀࡍࡉࡀ
231iu	ࡅࡌࡋࡅࡍ ࡒࡀࡍࡉࡍࡀ ࡖࡌࡉࡀ ࡅࡀࡕࡍࡅࡍ ࡋࡒࡅࡃࡀࡌࡀࡉࡅࡍ
231iv	ࡁࡈࡉࡓࡉࡀࡍࡀ ࡅࡌࡉࡔࡀ ࡁࡊࡀࡐࡕࡀ ࡅࡀࡋࡂࡉࡈ ࡁࡉࡃࡉࡄࡉࡀ
231iw	ࡀࡔࡂࡀࡍࡃࡀ ࡅࡀࡕࡍࡀ ࡏࡋ ࡒࡅࡃࡀࡌࡀࡉࡅࡍ
231ja	ࡅࡄࡀࡉࡆࡀࡊ ࡎࡀࡃࡀࡓ ࡀࡉࡀࡓ
231jb	ࡓࡁࡀ ࡊࡅࡋࡄࡉࡍ ࡏࡁࡉࡃࡀࡕࡀ
231jc	ࡅࡋࡁࡀࡔࡅࡍࡅࡍ ࡋࡔࡅࡁࡀ ࡌࡉࡌࡓࡉࡀ
231jd	ࡖࡏࡌࡓࡀ ࡅࡔࡉࡌࡀ ࡁࡂࡀࡅࡀࡉࡄࡅࡍ
231je	ࡍࡈࡉࡓ ࡖࡄࡉࡍࡅࡍ ࡋࡁࡅࡔࡉࡀ ࡅࡊࡎࡅࡉࡉࡀ ࡖ
231jf	ࡈࡀࡓࡉࡀࡍࡀ ࡖࡗ ࡐࡀࡈࡉࡓࡀ ࡁࡂࡀࡅࡇ
231jg	ࡌࡀࡕࡍࡀ ࡁࡈࡉࡓࡉࡀࡍࡀ ࡖࡁࡉࡋࡀࡅࡓ ࡁࡇ ࡅࡀࡎࡀ
231jh	ࡌࡉࡑࡓࡀࡉࡀ
232	ࡅࡄࡀࡉࡆࡀࡊ ࡊࡅࡋࡄࡅࡍ ࡁࡉࡄࡃࡀ ࡒࡀࡋࡀ ࡒࡀࡌ ࡏࡋ ࡋࡉࡂࡓࡀࡉࡄࡅࡍ ࡅࡀࡌࡀࡓࡉࡅࡍ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡅࡄࡀࡉࡋࡀ
233	ࡅࡔࡓࡀࡓࡀ ࡅࡏࡌࡓࡀ ࡅࡔࡉࡌࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋ{{ࡇ}<<ࡉ>>^ࡀ^ ࡋࡃࡉࡋࡉࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡀࡌࡀࡓࡉࡅࡍ ࡋࡍࡀࡐࡔࡀࡉࡄࡅࡍ ࡖࡗ
234	ࡕࡀࡂࡀࡉࡅࡍ ࡁࡉࡃࡀࡉࡅࡍ ࡋࡂࡉࡈࡉࡀ . ࡅࡀࡌࡀࡓࡉࡅࡍ ࡕࡅࡌ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ ࡋࡍࡉࡔࡉࡌࡕࡇ ࡖࡆࡉࡄࡓࡅࡍ
235	ࡓࡀࡆࡀ ࡊࡀࡎࡉࡀ ࡁࡓ ࡄࡉࡌࡀࡕ ࡓࡀࡆࡉࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡒࡓࡅࡍ ࡁࡔࡅࡌࡇ ࡖࡄࡀࡄࡅ ࡂࡀࡁࡓࡀ ࡒࡀࡃࡌࡀࡉࡀ ࡋࡕࡀࡂࡀࡉࡅࡍ
236	ࡅࡕࡓࡀࡑࡉࡅࡍ ࡁ^ࡓࡉ^ࡔࡀࡉࡄࡅࡍ . ࡅࡒࡓࡅࡍ ࡁࡔࡅࡌࡇ ࡖࡄࡉࡉࡀ ࡄࡉࡉࡀ ࡒࡉࡓࡉࡅࡉࡀ ࡋࡉࡀࡅࡀࡓ ࡆࡉࡅࡀ ࡅࡍࡄࡅࡓ ࡍࡄࡅࡓࡀ ࡅࡌࡀࡍࡃࡀ ࡒࡓࡀࡍ ࡏࡋ
237	ࡕࡀࡂࡀࡉࡅࡍ ࡄࡀࡋࡉࡍ ࡀࡓࡁࡉࡀ ࡁࡀࡅࡀࡕࡀ ࡏࡑࡈࡅࡍࡀ ࡖࡓࡅࡄࡀ ࡅࡍࡉࡔࡉࡌࡕࡀ ࡁࡂࡀࡅࡀࡉࡅࡍ ࡌࡍࡀࡈࡓࡀ ࡁࡅࡕࡀ ࡒࡀࡃࡌࡀࡉࡕࡀ ࡍࡉࡈࡅࡁࡕࡀ ࡖࡌࡉࡍࡇ
238	ࡃࡉࡋࡇ ࡊࡅࡋ ࡌࡀࡍࡃࡀࡌ ࡐࡓ^ࡀ^ࡔ ࡁࡅࡕࡀ ࡄࡅࡓࡉࡍࡕࡉࡀ ࡉࡀࡓࡃࡍࡀ ࡖࡌࡉࡍࡇ ࡃࡉࡋࡇ ࡄࡅࡀࡕ ࡁࡅࡕࡀ ࡄࡅࡓࡉࡍࡕࡉࡀ ࡌࡀࡄࡆࡉࡕࡀ ࡖࡁࡊࡅࡋࡄࡅࡍ ࡓࡀࡆࡉࡀ
239	ࡕࡉࡒࡍࡀࡕ ࡁࡅࡕࡀ ࡖࡌࡀࡍࡃࡀ ࡒࡓࡀࡍ ࡓࡀࡆ ࡆࡌࡀ ^ࡖ^ࡁࡃࡉࡋࡇ ࡐࡀࡂࡓࡀ ࡌࡉࡑࡈࡀࡓࡀࡓ ࡖࡍࡉࡔࡉࡌࡕࡀ ࡁࡂࡀࡅࡇ ࡌࡀࡋࡀࡋࡀࡕ ࡖࡄࡏ ࡁࡓࡀࡆࡀ
240	ࡌࡀࡍࡃࡀ ࡒࡓࡀࡍ . ࡀࡌࡉࡍࡈࡅࡋ ࡖࡊࡅࡋ ࡓࡉࡄࡔࡉࡀ ࡁࡃࡉࡋࡇ ࡎࡄࡉࡈ . ࡅࡄࡀࡉࡆࡀࡊ ࡀࡌࡓࡉࡀ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ
241	ࡄࡀࡈࡀࡉࡉࡀ ࡍࡉࡄࡅࡉࡋࡇ ࡋࡄࡀࡆࡀ ࡍࡉࡔࡉࡌࡕࡇ ࡖࡆࡉࡄࡓࡅࡍ ࡓࡀࡆࡀ ࡊࡉࡎࡉࡀ ࡁࡓ ࡄࡉࡌࡀࡕ ࡓࡀࡆࡉࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡀࡌࡀࡓࡉࡅࡍ
242	ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡄࡀࡉࡀࡋ ࡊࡁࡀࡓ ࡓࡀࡆࡀ ࡖࡆࡉࡅࡀ ࡅࡍࡄࡅࡓࡀ ࡅࡏࡒࡀࡓࡀ ࡖࡔࡓࡉࡀ ࡏࡋ ࡐࡅࡌࡀࡉࡄࡅࡍ ࡖࡄࡉࡉࡀ
243	ࡒࡀࡃࡌࡀࡉࡉࡀ ࡅࡀࡊࡓࡉࡊࡉࡅࡍ ࡐࡀࡍࡃࡀࡌࡀ ࡋࡐࡅࡌࡀࡉࡄࡅࡍ . ࡅࡍࡎࡉࡁ ࡒࡀࡍࡉࡍࡀ ࡖࡌࡉࡀ ࡖࡁࡅࡕࡀ ࡁࡉࡃࡇ ࡅࡋࡂࡀࡈࡉࡅࡍ ࡏࡅࡕࡓࡉࡀ ࡀࡄࡇ ࡅࡒࡓࡅࡍ ࡏࡋࡇ
244	ࡁࡔࡅࡌࡇ ࡖࡄࡉࡉࡀ ࡌࡉࡀ ࡀࡍࡀࡕࡅࡍ ࡄࡉࡉࡀ ࡅࡔࡀࡋࡌࡅ ࡅࡒࡓࡅ ࡋࡁࡅࡕࡀ ࡖࡍࡉࡈࡅࡁࡕࡀ ࡖࡄࡏ ࡋࡓࡀࡆࡉࡀ ࡊࡅࡋࡄࡅࡍ ࡌࡀࡄࡌ{ࡉ}<ࡀ>ࡋࡅࡍ ࡖࡄࡏ ࡄࡀࡋࡄࡉࡉࡀ
245	ࡒࡀࡃࡌࡀ^ࡉ^ࡉࡀ ࡐࡀࡓࡅࡀࡍࡒࡀ ࡄࡏ ࡓࡌࡅࡍ ࡋࡍࡅࡓࡀ . ࡅࡄࡀࡉࡆࡀࡊ ࡀࡌࡀࡓࡉࡅࡍ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ ࡋࡄࡀࡆࡀ ࡍࡉࡔࡉࡌࡕࡇ
246	ࡖࡆࡉࡄ^ࡓ^ࡅࡍ ࡓࡀࡆࡀ ࡊࡀࡎࡉࡀ ࡁࡓ ࡄࡉࡌࡀࡕ ࡓࡀࡆࡉࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡒࡓࡅࡍ . ࡀࡅࡃࡉࡍ ࡅࡕࡅࡔࡁࡉࡄࡀࡍ ࡋࡄࡉࡉࡀ ࡅࡃࡅࡊࡕࡀ ࡖࡀࡌࡀࡓ ࡊࡓࡅࡊ
247	ࡅࡃࡄࡉࡀ ࡅࡓࡀࡄࡉࡒ ࡅࡁࡀࡈࡉࡋ ࡌࡀࡋࡀࡊࡉࡀ ࡖࡓࡅࡂࡆࡀ ࡁࡀࡓࡃࡀ ࡅࡂࡋࡀࡋࡀ ࡌࡍ ࡀࡓࡒࡀ{{ࡉ}} ࡅࡁࡀࡉࡕࡀ{{ࡉ}} ࡖࡄࡀࡆࡀ {{ࡌࡀ}} ࡍࡉࡔࡉࡌࡕࡀ ࡖࡐࡋࡀࡍ ࡁࡓ ࡐࡋࡀࡍࡉࡕࡀ
248	ࡅࡗ ࡒࡀࡓࡉࡕࡅࡍ ࡕࡀࡓࡌࡉࡃࡉࡀ ࡌࡍ ࡀࡓࡒࡀࡉ ࡅࡁࡀࡉࡕࡀࡉ ࡀࡌࡉࡍࡈࡅࡋ ࡌࡍ ࡓࡅࡄࡀࡉ ࡅࡍࡉࡔࡉࡌࡕࡀࡉ . ࡅࡁࡃࡉࡍࡁࡀ ࡍࡉࡌࡀࡓ ࡆࡀࡊࡉࡇ ࡅࡒࡀࡉࡌࡇ ࡋࡄࡀࡆࡀ
249	ࡍࡉࡔࡉࡌࡕࡇ ࡖࡐࡋࡀࡍ ࡅࡄࡉࡉࡀ ࡆࡀࡊࡉࡍ ࡏࡋ ࡊࡅࡋࡄࡅࡍ ࡏࡅࡁࡀࡃࡉࡀ ࡅࡍࡉࡒࡓࡅࡍ ࡕࡅࡔࡁࡉࡄࡀࡍ ࡋࡄࡉࡉࡀ ࡁࡀࡓࡀࡉࡉࡀ ࡀࡋࡌࡀ ࡋࡃࡅࡊࡕࡀ ࡀࡌࡀࡓ ࡁࡉࡀࡃ
250	ࡌࡀࡄࡉࡒࡀࡍࡉࡀ ࡅࡊࡀࡃࡀࡁࡉࡀ ࡅࡄࡅࡐࡀࡍࡉࡀ ࡅࡌࡀࡂࡆࡉࡓࡀࡍࡉࡀ ࡋࡀࡕࡉࡔࡃࡉࡍࡀࡍ ࡅࡌࡀࡄࡉࡒࡀࡍࡉࡀ ࡋࡀࡍࡉࡒࡅࡍࡇ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ
251	ࡅࡌࡀࡂࡆࡉࡓࡀࡍࡉࡀ ࡋࡀࡍࡉࡂࡆ^ࡓ^ࡅࡍ ࡏࡋࡇ ࡅࡔࡀࡋࡌࡅ ࡅࡒࡓࡅࡍ ࡏࡋࡊࡅࡍ ࡃࡉࡋࡊࡅࡍ ࡅࡁࡃࡉࡍ<ࡁ>ࡀ ࡍࡉࡌࡓࡅࡍ ࡆࡀࡊࡉࡀ ࡅࡒࡀࡉࡌࡇ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡖ
252	ࡄࡀࡆࡀ^ ࡌࡀࡎࡉࡒࡕࡀ ࡅࡄࡉࡉࡀ ࡆࡀࡊࡉࡍ ࡏࡋ ࡊࡅࡋࡄࡅࡍ ࡏࡅࡁࡀࡃࡉࡀ ^.^ ࡅࡀࡌࡀࡓࡉࡅࡍ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ ࡋࡄࡀࡆࡀ ࡍࡉࡔࡉࡌࡕࡇ
253	ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡌࡉࡔࡒࡀࡋ ࡀࡉࡍࡉࡀ ࡀࡓࡅࡌࡉࡀ ࡂࡉࡋࡉࡀ ࡐࡀࡓࡑࡅࡐ{{ࡀ}}<<ࡉ>>ࡀ ࡋࡀࡕࡓࡀ ࡖࡊࡅࡋࡇ ࡕࡉࡓࡉࡀ ࡖࡆࡉࡅࡀ ࡀࡌࡉࡍࡈࡅࡋ ࡖࡄࡀࡍࡀࡕࡇ
254	ࡏࡃࡀࡍࡀ ࡖࡄࡀࡆࡉࡀࡋࡇ ࡍࡉࡔࡉࡌࡕࡀ ࡋࡊࡉࡌࡑࡀ ࡓࡀࡄࡔࡀ ࡍࡉࡔࡉࡌࡕࡀ ࡖࡆࡉࡅࡀ ࡅࡁࡓࡅࡄࡀ ࡌࡉࡕࡀ ࡓࡁࡀ . ࡍࡉࡒࡓࡅࡍ ࡁࡉࡕ ࡌࡉࡔࡀࡒࡀࡋ
255	ࡀࡉࡍࡉࡀ ࡓࡀࡁࡕࡉࡀ ࡅࡃࡅࡊࡕࡀ ࡖࡀࡌࡀࡓ ࡕࡉࡊࡐࡀࡓ ࡅࡕࡉࡔࡀࡒࡀࡋ ࡌࡉࡍࡀࡉࡀࡍ ࡄࡀࡈࡀࡉࡀ ࡅࡄࡀࡅࡁࡀࡍ ࡅ^ࡀ^ࡎࡊࡋࡀࡕࡀࡍ ࡅࡕࡉࡒࡋࡀࡕࡀࡍ ࡅࡔࡀࡁࡀࡔࡀࡕࡀࡍ
256	ࡕࡉࡓࡌࡉࡀ ࡁࡕࡀࡎࡍࡉࡒࡉࡀ ࡖࡀࡓࡒࡀ ࡅࡁࡏࡁࡃࡅࡍࡉࡀ ࡕࡀࡕࡀࡉࡉࡀ ࡖࡄࡔࡅࡊࡀ ࡅࡕࡀࡒࡌࡇ ࡁࡆࡀࡊࡀࡉࡉࡀ ࡖࡋࡀࡅ ࡁࡄࡀࡉࡀࡁࡉࡀ ࡅࡁࡉࡀࡕࡉࡓࡉࡀ ࡖࡋࡀࡅ
257	ࡁࡄࡀࡎࡉࡓࡉࡀ ࡒࡅࡃࡀࡌࡀࡊ ࡌࡀࡍࡃࡀ ࡖࡄࡉࡉࡀ ࡌࡍ ࡆࡉࡅࡀࡊ ࡕࡀࡋࡁࡔࡉࡇ ࡅࡌࡍ ࡍࡄࡅࡓࡀࡊ ࡕࡉࡊࡀࡎࡉࡇ ࡅࡌࡍ ࡊࡋࡉࡋࡀࡊ ࡓࡀࡅࡆࡉࡇ ࡕࡉࡕࡓࡅࡑࡋࡇ ࡁࡓࡉࡔࡉࡇ ࡖ
258	ࡄࡀࡆࡀ ࡍࡉࡔࡉࡌࡕࡇ ࡖ{{}}ࡐࡋࡀࡍ ࡅࡁࡃࡉࡍࡁࡀ ࡀࡌࡀࡓࡉࡅࡍ ࡀࡎࡅࡕࡀ ࡖࡄࡉࡉࡀ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡅࡔࡀࡋࡌࡅ . ࡅࡍࡎࡀࡁࡉࡅࡍ ࡐࡉࡄࡕࡀ ࡁࡉࡃࡀࡉࡄࡅࡍ
259	ࡅࡒࡓࡅࡍ ࡕࡌࡀࡍࡉࡀ ࡁࡀࡅࡀࡕࡀ ࡖࡐࡉࡄࡕࡀ ࡋࡐࡉࡄࡕࡀ ࡅࡀࡕࡍࡅࡍ ࡋࡐࡀࡈࡉࡓࡀ ࡅࡍࡎࡀࡁࡉࡅࡍ ࡄࡀࡌࡓࡀࡉࡅࡍ ࡅࡒࡓࡅࡍ ࡕࡀࡓࡕࡉࡍ ࡁࡀࡅࡀࡕࡀ ࡖࡌࡀࡌࡁࡅࡄࡀ
260	{{ ^ࡋࡄࡀࡌࡓࡀࡉࡅࡍ^ ࡅࡀࡕࡍࡅࡍ ࡋࡒࡅࡃࡀࡌࡀࡉࡊࡅࡍ ࡄࡀࡋࡉࡍ ࡀࡎࡀࡓ ࡁࡀࡅࡀࡕࡀ ࡏࡋ ࡀࡎࡀࡓࡀ ࡓࡀࡆࡉࡀ ࡌࡉࡕࡒࡉࡓࡉࡀࡍ ࡖࡄࡉࡍࡅࡍ ࡀࡎࡓࡀ ࡐࡀࡈࡉࡓࡉࡀ ࡁࡊࡅࡋ
261	ࡐࡀࡈࡉࡓࡉࡀ . ࡅࡄࡀࡉࡆࡀࡊ ࡌࡉࡎࡕࡀࡒࡌࡉࡍ ࡏࡌࡇ ࡀࡌࡉࡍࡈࡅࡋ ࡁࡀࡌࡀࡔࡊࡅࡍࡀ ࡖࡍࡉࡔࡉࡌࡕࡀ ࡄࡏ ࡅࡁࡉࡓࡊࡕࡀ ࡓࡀࡁࡕࡉࡀ ࡀࡁࡉࡍࡏ
262	ࡏࡅࡕࡓࡉࡀ ࡆࡓࡉࡉࡀ ࡅࡄࡀࡉࡆࡀࡊ ࡍࡎࡀࡁࡉࡅࡍ ࡊࡋࡉࡋࡀ ࡅࡒࡓࡅࡍ ࡍࡄࡀࡓ ࡍࡄࡅࡓࡀ ࡅࡆࡄࡉࡓࡀ ࡅࡌࡆࡄࡓࡀ ࡅࡀࡋࡁࡉࡔࡉࡅࡍ ࡐࡉࡄࡕࡀ ࡁࡆࡄࡉࡓࡀ
263	ࡅࡌࡆࡀࡄࡓࡀ ࡖࡄࡉࡍࡅࡍ ࡋࡀࡉࡀࡓ ࡖࡄࡀࡋࡉࡍ ࡕࡓࡉࡍ ࡌࡉࡑࡓࡉࡀ ࡖࡍࡄࡅࡓࡀ ࡖࡍࡉࡔࡉࡌࡕࡀ ࡎࡀࡌࡊࡀ ࡏࡋࡀࡅࡀࡉࡄࡅࡍ . ࡅࡄࡀࡉࡆࡀࡊ ࡍࡉࡒࡓࡅࡍ
264	ࡊࡅࡋࡄࡅࡍ ࡕࡀࡓࡌࡉࡃࡉࡀ ࡏࡋ ࡊࡀࡐࡕࡀ ࡖࡌࡉࡔ^ࡀ^ ࡑࡁࡉࡕࡀ ࡓࡉࡔ^ࡀࡉ^ࡕࡀ ࡖࡊࡅࡋࡄࡅࡍ ࡌࡀࡕࡍࡉࡀ ࡁࡂࡀࡅࡇ . ࡅࡒࡓࡅࡍ ࡀࡎࡂࡉࡀ ࡌࡀࡍࡃࡀ ࡖ
265	ࡄࡉࡉࡀ ࡏࡋ ࡊࡅࡊࡁࡉࡀ ࡋࡌࡉࡔࡀ ࡀࡌࡉࡍࡈࡅࡋ ࡖࡌࡀࡄࡆࡉࡕࡀ ࡖࡍࡉࡔࡉࡌࡕࡀ ࡄࡀࡕࡀࡌ ࡍࡀࡄࡓࡀ ࡁࡂࡀࡅࡇ ࡅࡐࡀࡓࡔࡀ ࡅࡔࡀࡋࡌࡅ . ࡅࡏࡕࡉࡁࡉࡅࡍ
266	ࡏࡋ ࡊࡀࡓࡎࡀࡅࡀࡕࡀ ࡊࡅࡋ ࡄࡀࡃ ࡋࡐࡀࡈࡉࡓࡀ ࡅࡀࡌࡀࡓࡉࡅࡍ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀ^ࡉ^ࡉࡀ ࡍࡉࡄࡅࡉࡋࡇ ࡋࡄࡀࡆࡀ ࡍࡉࡔࡉࡌࡕࡇ
267	ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡁࡓ ࡄࡉࡌࡀࡕ ࡓࡀࡆࡉࡀ ࡖࡄࡀࡆࡀ ࡌࡀࡎࡉࡒࡕࡀ ࡁࡔࡅࡌࡀ ࡖࡄࡉࡉࡀ ࡍࡅࡊࡓࡀࡉࡉࡀ ࡄࡀࡆࡉࡍ ࡆࡉࡅࡀ ࡅࡍࡄࡅࡓ
268	ࡄࡉࡉࡀ ࡅࡀࡃࡅࡍ ࡕࡋࡀࡕ ࡀࡃࡀࡉࡀࡕࡀ ࡋࡓࡉࡔࡀ ࡖࡐࡀࡈࡉࡓࡀ ࡖࡒࡅࡃࡀࡌࡀ ࡅࡀࡋࡌࡀ ࡋࡃࡅࡊࡕࡀ ࡖࡀࡌࡀࡓ ࡏࡕࡋࡀࡁࡅࡔࡉࡀ ࡍࡉࡔࡌࡀࡕ ࡄࡉࡉࡀ ࡄࡀࡓࡊࡅ
269	ࡅࡌࡀࡃࡁࡇ ࡀࡌࡀࡓ ࡐࡋࡀࡍ ࡓࡔࡉࡌ ࡁ^ࡓࡅ^ࡔࡌࡀ ࡖࡄࡉࡉࡀ ࡕࡋࡀࡕࡀ ࡆࡉࡁࡍࡉࡀ ࡏࡃࡀࡉࡅࡍ ࡀࡋࡌࡀ ࡖࡌࡀࡈࡉࡕࡅࡍ ࡋࡁࡉࡕ ࡀࡁࡀࡕࡅࡓ ࡀࡌࡀࡓࡉࡅࡍ ࡐࡋࡀࡍ
270	ࡁࡓ ࡐࡋࡀࡍࡉࡕࡀ ࡖࡓࡔࡉࡌ ࡁࡓࡅࡔࡌࡀ ࡖࡄࡉࡉࡀ ࡕࡓࡉࡍ ࡆࡉࡁࡍࡉࡀ ࡅࡁࡕࡋࡀࡕࡀ ࡆࡉࡁࡍࡉࡀ ࡀࡌࡅࡓࡉࡅࡍ ࡍࡉࡔࡉࡌࡕࡇ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡓࡔࡉࡌ
271	ࡁࡓࡅࡔࡌࡀ ࡖࡄࡉࡉࡀ ࡀࡌࡉࡍࡈࡅࡋ ࡖࡌࡀࡃࡁࡇ ࡐࡅࡌࡀ ࡒࡀࡃࡌࡀࡉࡀ ࡄࡅ . ࡅࡄࡀࡌࡁࡅࡓࡀ ࡖࡄࡉࡕࡌࡅࡉࡀ ࡁࡓࡀࡆࡉࡀ ࡅࡁࡉࡕ ࡀࡁࡀࡕࡅࡓ ࡓࡅࡔࡅࡌࡀ
272	ࡖࡓࡉࡔࡀ ࡄࡅ ࡅࡐࡅࡌࡀ ࡁࡀࡕࡓࡀࡉࡀ ࡄࡅ ࡅࡀࡋࡌࡀ ࡖࡌࡀࡈࡉࡕࡅࡍ ࡃࡉࡍࡁࡀ . ࡅࡗ ࡀࡌࡓࡉࡕࡅࡍ ࡀࡆࡋࡀࡕ ࡓࡅࡄࡀ ࡖࡐࡋࡀࡍ ࡄࡅࡀࡕ ࡗ ࡆࡀࡍ ࡍࡉࡔࡉࡌࡕࡇ
273	ࡅࡏࡕࡒࡀࡉࡌࡀࡕ ࡁࡉࡕ ࡄࡉࡉࡀ ࡅࡄࡉࡉࡀ ࡆࡀࡊࡉࡍ . ࡅࡀࡃࡅࡍ ࡕࡋࡀࡕ ࡀࡃࡉࡀࡕࡀ ࡅࡀࡌࡅࡓࡉࡅࡍ ࡀࡔࡀࡓ ࡑࡁࡀ ࡑࡀࡁࡅࡄࡀ ࡀࡌࡉࡍࡈࡅࡋ ࡖࡄࡀࡋࡉࡍ ࡕࡋࡀࡕ
274	ࡀࡃࡉࡀࡕࡀ ࡀࡎࡀࡓࡀ ࡅࡎࡀࡄࡃࡀ ࡖࡄࡀࡍࡀࡕࡅࡍ ࡓࡅࡔࡌࡉࡀ ࡖࡌࡀࡑࡁࡅࡕࡀ ࡄࡉࡍࡅࡍ ࡅࡔࡀࡋࡌࡅ . ࡅࡒࡓࡅࡍ ࡁࡔࡅࡌࡀ ࡖࡄࡉࡉࡀ ࡑࡁࡉࡍࡀ ࡅࡃࡅࡊࡕࡀ
275	ࡖࡀࡌࡀࡓ ࡗ ࡔࡀࡄࡋࡀࡋࡇ ࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡋࡉࡋࡁࡅࡔ ࡐࡀࡂࡓࡉࡀ ࡅࡀࡃࡅࡍ ࡕࡋࡀࡕ ࡀࡃࡀࡉࡀࡕࡀ ࡅࡀࡌࡓࡉࡅࡍ ࡋࡀࡁࡔࡀ
276	ࡋࡁࡅࡔࡀ ࡖࡄࡉࡉࡀ ࡀࡌࡉࡍࡈࡅࡋ ࡃࡅࡊࡕࡀ ࡖࡀࡌࡀࡓ ࡀࡋࡁࡉࡔࡕࡇ ࡐࡀࡂࡓࡀ ࡄࡅ ࡅࡁࡀࡉࡉࡍ ࡖࡍࡉࡐࡒࡅࡍࡇ ࡅࡍࡀࡉࡋࡅࡍࡇ ࡋࡌࡅࡆࡀࡍࡉࡀ ࡄࡅࡓࡉࡍࡀ ࡖࡄࡅ
277	ࡋࡁࡅࡔࡀ ࡖࡉࡅࡆࡀࡈࡀࡒ ࡌࡀࡍࡃࡀ ࡖࡄࡉࡉࡀ ࡖࡍࡉࡔࡌࡀࡕࡀ ࡊࡅࡋࡄࡉࡍ ࡁࡆࡉࡅࡇ ࡌࡉࡎࡕࡉࡄࡈࡀ . ࡅࡍࡉࡒࡓࡅࡍ ࡁࡓࡇ ࡀࡍࡀ ࡖࡌࡀࡍ ࡌࡀࡍࡀ ࡎࡌࡉࡓࡀ
278	ࡅࡏࡆࡃࡀࡄࡀࡓࡉࡅࡍ ࡅࡋࡀࡓࡀࡔࡌࡉࡕࡅࡍ ࡅࡔࡀࡋࡌࡅ . ࡅࡒࡓࡅࡍ ࡏࡍࡂࡉࡓࡕࡀ ࡅࡋࡀࡅࡐࡀ ࡅࡆࡀࡊࡅࡕࡀ ࡀࡕࡀࡋࡇ ࡋࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ ࡁࡓ ࡐࡋࡀࡍࡉࡕࡀ
279	ࡖࡄࡀࡆࡀ ࡌࡀࡎࡉࡒࡕࡀ ࡌࡍ ࡁࡉࡕ ࡄࡉࡉࡀ ࡅࡔࡀࡋࡌࡅ ࡅࡀࡃࡅࡍ ࡕࡋࡀࡕ ࡀࡃࡀࡉࡀࡕࡀ ࡖࡄࡉࡍࡅࡍ ࡐࡓࡅࡃࡒࡉࡀ ࡓࡅࡓࡁࡉࡀ ࡖࡌࡐࡀࡓࡒࡉࡋࡇ ࡋࡍࡉࡔࡉࡌࡕࡀ
280	ࡌࡍ ࡕࡉࡒࡋࡀࡕࡀ ࡖࡔࡅࡁࡀ . ࡅࡄࡀࡉࡆࡀࡊ ࡐࡀࡋࡉࡈࡉࡅࡍ ࡐࡉࡄࡕࡀ ࡌࡍ ࡊࡋࡉࡋࡀ ࡅࡐࡓࡀࡕ ࡏࡅࡌࡑࡀ ࡌࡍ ࡄࡀࡃ ࡐࡀࡈࡉࡓࡀ ࡏࡋࡀࡉࡀ ࡖࡄࡅ
281	ࡐࡅࡌࡀ ࡖࡍࡉࡔࡉࡌࡕࡀ ࡅࡍࡎࡉࡁ ࡐࡀࡋࡂࡀ ࡖࡁࡇ ࡖࡄࡅ ࡓࡀࡆࡀ ࡓࡁࡀ ࡖࡌࡒࡀࡓࡉࡁ ࡓࡀࡆࡉࡀ ࡔࡅࡌࡇ ࡅࡀࡕࡍࡇ ࡁࡐࡉࡄࡕࡀ ࡅࡍࡉࡎࡁࡇ ࡌࡀࡓࡇ
282	ࡖࡓࡀࡁࡅࡕࡀ ࡋࡒࡀࡍࡉࡍࡀ ࡖࡌࡉࡀ ࡖࡁࡅࡕࡀ ࡅࡀࡓࡉࡁ ࡁࡄࡀࡌࡓࡀ ࡃࡉࡋࡇ ࡅࡄࡀࡌࡔࡀ ࡀࡄࡇ ࡋࡁࡀࡓ ࡌࡍ ࡒࡀࡃࡄࡀ ࡖࡄࡉࡁࡉࡋ ࡆࡉࡅࡀ
283	ࡖࡋࡀࡓࡉࡁ ࡌࡍ ࡈࡀࡓࡉࡀࡍࡀ ࡄࡅࡀ ࡉࡀࡕࡉࡁ ࡅࡌࡎࡀࡊࡉࡀ ࡀࡋࡌࡀ ࡖࡍࡉࡔࡉࡌࡕࡀ ࡀࡕࡀ ࡅࡄࡀࡉࡆࡀࡊ ࡀࡕࡍࡅࡍ ࡐࡉࡄࡕࡀ ࡁࡄࡀࡍࡀࡕࡅࡍ ࡌࡉࡀ
284	ࡅࡄࡀࡌࡓࡀ ࡖࡄࡉࡍࡅࡍ ࡕࡓࡉࡍ ࡓࡀࡆࡉࡀ ࡖࡓࡅࡄࡀ ࡅࡍࡉࡔࡉࡌࡕࡀ ࡌࡉࡍࡀࡉࡄࡅࡍ ࡌࡉࡑࡈࡀࡓࡀࡓࡀ ࡖࡄࡀࡃ ࡆࡌࡀ ࡅࡄࡀࡃ ࡌࡀࡆࡓࡅࡕࡀ ࡌࡉࡕࡒࡓࡉࡀ
285	ࡅࡀࡌࡀࡓࡉࡅࡍ ࡁࡉࡄࡓࡇ {ࡖ}ࡉࡅࡊࡔࡀࡓ ࡋࡉࡁࡓࡀࡉࡀ ࡅࡀࡌࡀࡓࡉࡅࡍ ࡍࡉࡕࡉ^ࡀ^ࡉࡓࡀ ࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡖࡄࡀࡆࡀ ࡌࡀࡎࡉࡒࡕࡀ
286	ࡅࡔࡀࡋࡌࡅ ࡅࡀࡌࡀࡓࡉࡅࡍ ࡌࡀࡋࡉࡋ ࡅࡐࡕࡀ ࡄࡉࡉࡀ ࡓࡁࡉࡀ ࡐࡅࡌࡀࡉࡄࡅࡍ ࡅࡐࡀࡋࡉࡈࡉࡅࡍ ࡐࡀࡍࡃࡀࡌࡅࡍ ࡅࡀࡊࡀࡋࡉࡅࡍ ࡐࡉࡄࡕࡅࡍ ࡅࡔࡕࡅࡍ ࡌࡀࡌࡁࡅࡄࡅࡍ
287	ࡖࡄࡅ ࡔࡅࡁࡀ ࡖࡓࡀࡆࡉࡀ ࡔࡅࡌࡇ ࡅࡀࡄࡀࡁࡋࡅࡍ ࡄࡀࡋࡀࡋࡕࡀ ࡌࡍ ࡒࡀࡍࡉࡍࡀ ࡁࡀࡓࡀ^ࡉ^ࡀ ࡅࡔࡕࡅࡍ ࡄࡀࡋࡀࡋࡕࡀ ࡅࡔࡕࡅࡍ
287a	ࡅࡒࡀࡌࡉࡅࡍ ࡏࡋ ࡋࡉࡂࡓࡀࡉࡄࡅࡍ
288	ࡅࡒࡓࡅࡍ ࡏࡕࡉࡀࡓ ࡌࡉࡀ ࡄࡉࡉࡀ ࡋࡉࡔࡊࡉࡍࡀࡕࡅࡍ ࡀࡌࡉࡍࡈࡅࡋ ࡖࡍࡉࡔࡉࡌࡕࡀ ࡏࡕࡉࡀࡉࡓࡀࡕ ࡌࡉࡍࡇ ࡖࡓࡅࡄࡀ ࡅࡌࡍ ࡄࡃࡀࡃࡉࡀ ࡏࡕࡀࡓࡀࡁࡉࡅࡍ
289	ࡅࡀࡄࡀࡁࡅࡋࡇ ࡒࡀࡃࡄࡉࡀ ࡋࡉࡔࡂࡀࡍࡃࡀ ࡖ{{ }} ^ࡍࡉࡃࡀࡊࡉࡍࡅࡍ^ ࡅࡒࡓࡅࡍ ࡓࡉࡄࡀ ࡖࡁࡀࡎࡉࡌ ࡋࡀࡕࡓࡀ ࡍࡉࡎࡀࡒ ࡀࡌࡉࡍࡈࡅࡋ ࡖࡔࡓࡉࡕࡀ ࡖࡓࡀࡆࡉࡀ ࡄࡅ
290	. ࡅࡄࡀࡉࡆࡀࡊ ࡒࡓࡅࡍ ࡌࡔࡀࡁࡉࡍ ࡄࡉࡉࡀ ࡒࡀࡃࡌࡀࡉࡉࡀ ࡂࡋࡅࡑࡈࡌࡀ ࡁࡀࡓࡀࡉࡀ ࡖࡓࡀࡆࡉࡀ ࡂࡀ^ࡅࡀ^ࡉࡉࡀ ࡁࡂࡀࡅࡇ ࡌࡉࡕࡋࡀࡁࡔࡉࡍ . ࡅࡄࡀࡉࡆࡀࡊ
291	ࡐࡀࡓࡉࡍ ࡅࡌࡉࡕࡐࡀࡓࡉࡍ . ࡅࡗ ࡀࡌࡀࡓࡉࡅࡍ ࡏࡕࡌࡋࡅࡍ ࡄࡉࡉࡀ ࡌࡋࡀࡕ ࡍࡉࡔࡉࡌࡕࡀ ࡅࡎࡉࡁࡀࡕ ࡌࡍ ࡓࡀࡆࡉࡀ ࡅࡂࡎࡀࡕ ࡅࡈࡀࡁࡅࡕࡀ ࡖࡀࡄࡇ
292	ࡅࡒࡀࡁࡋࡀࡕ . ࡅࡗ ࡀࡌࡀࡓࡉ^ࡕ^ࡅࡍ ࡔࡊࡉࡍࡉࡀ ࡄࡉࡉࡀ ࡏࡕࡉࡀࡄࡓࡀࡕ ࡁࡀࡋࡁࡅࡔࡉࡀ ࡅࡊࡎࡅࡉࡉࡀ ࡅࡁࡀࡔࡊࡉࡍࡀࡕ ࡊࡀࡁࡉࡓࡉࡀ ࡕࡓࡀࡑࡋࡇ ࡀࡉࡍࡇ
293	ࡖࡀࡉࡀࡓ ࡌࡋࡀࡕ . ࡅࡗ ࡊࡋࡉࡋ ࡀࡋࡌࡉࡀ ࡔࡀࡄࡉࡀ ࡀࡌࡓࡉࡕࡅࡍ ࡓࡀࡆࡉࡀ ࡊࡅࡋࡄࡅࡍ ^ࡖ^ࡏࡕࡄࡀࡌࡁࡀࡋ ࡄࡃࡀࡓ ࡅࡍࡀࡃ ࡅࡕࡍࡀࡅࡀࡃ ࡔࡅࡁࡀ
294	ࡂࡉࡓࡂࡋࡉࡀ ࡋࡉࡄࡃࡀࡃࡉࡀ ࡄࡁࡀࡈ ࡁࡀࡋࡁࡅࡔࡀ ࡖࡍࡉࡔࡉࡌࡕࡀ ࡒࡀࡉࡌࡉࡍ ࡓࡀࡆࡉࡀ ࡋࡉࡁࡀ ࡖࡍࡉࡔࡉࡌࡕࡀ ࡁࡂࡀࡅࡀࡉࡄࡅࡍ ࡎࡄࡀࡒ . ࡅࡗ ࡀࡌࡓࡉࡕࡅࡍ
295	ࡀࡋࡌ<ࡉ>ࡀ ࡖࡁࡌࡉࡔࡀ ࡔࡉࡄࡉࡀ ࡅࡍࡀࡑࡅࡓࡀࡉࡉࡀ ࡁࡆࡉࡅࡀ ࡖࡄࡉࡉࡀ ࡍࡀࡄࡓࡉࡀ ࡕࡀࡓࡌࡉࡃࡉࡀ ࡃࡍࡀ ࡆࡉࡅࡀࡉࡄࡅࡍ ࡁࡉࡄࡃࡀࡃࡉࡀ ࡀࡌࡉࡍࡈࡅࡋ
296	ࡖࡄࡀࡍࡀࡕࡅࡍ ࡕࡀࡓࡌࡉࡃࡉࡀ ࡏࡑࡈࡅࡍࡉࡀ ࡖ^ࡃࡀ^ࡓࡉࡍ ࡈࡅࡍࡀ ࡖࡍࡉࡔࡉࡌࡕࡀ ࡁࡂࡀࡅࡀࡉࡄࡅࡍ ࡅࡍࡀࡑࡅࡓࡀࡉࡉࡀ ࡄࡏ ࡅࡍࡉࡔࡉࡌࡕࡀ ^ࡖ^ࡀࡁࡉࡍࡉࡀ ࡏࡑࡈࡅࡍࡉࡀ
297	ࡀࡉࡕࡇ . ࡅࡗ ࡀࡌࡓࡉࡕࡅࡍ ࡁࡆࡉࡅ ࡖࡍࡐࡉࡔ ࡑࡁࡉࡍࡀ ࡐࡀࡓࡅࡀࡍࡒࡀ ࡀࡕࡀࡋࡇ ࡋࡍࡉࡔࡉࡌࡕࡀ ࡅࡌࡉࡕࡊࡀࡓࡊࡀࡁࡇ . ࡅࡗ ࡀࡌࡓࡉࡕࡅࡍ
298	ࡔࡊࡉࡍࡉࡀ ࡄࡉࡉࡀ ࡁࡆࡉࡅࡀࡉࡄࡅࡍ ࡅࡍࡄࡅࡓࡀࡉࡄࡅࡍ ࡎࡓࡀࡃࡒࡉࡀ ࡖࡆࡉࡅࡀ ࡏࡕࡉࡍࡂࡉࡃࡋࡇ ࡀࡁࡉࡍࡉࡀ ࡃࡉࡋࡇ ࡋࡔࡉࡁࡉࡀࡄࡉࡀ . ࡅࡗ
299	ࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡀࡌࡓࡉࡕࡅࡍ ࡐࡀࡕࡅࡓࡀ ࡌࡍ ࡄࡉࡉࡀ ࡒࡀࡃࡌࡀࡉࡉࡀ ࡌࡉࡕࡓࡉࡑࡋࡇ ࡀࡌࡉࡍࡈࡅࡋ ࡖࡌࡀࡌࡋࡀ ࡀࡕࡀࡋࡇ
300	ࡋࡍࡉࡔࡉࡌࡕࡀ ࡖࡏࡕࡒࡓࡉࡀ ࡅࡏࡕࡒࡀࡉࡀࡌ ࡅࡏࡕࡉࡓࡔࡉࡌ ࡓࡅࡄࡀ ࡅࡍࡉࡔࡉࡌࡕࡀ ࡕࡀࡓࡌࡉࡃࡉࡀ ࡄࡉࡍࡅࡍ . ࡅࡗ ࡃࡓࡀࡔࡉࡀ ࡕࡀࡓࡑࡉࡀ
301	ࡅࡀࡌࡓࡉࡀ ࡌࡊࡀࡋࡀࡋࡍࡀ ࡅࡔࡀࡊࡉࡁࡍࡀ ࡌࡉࡕࡒࡀࡓࡁࡇ ࡓࡅࡄࡀ ࡋࡅࡀࡕ ࡍࡉࡔࡉࡌࡕࡀ ࡅࡕࡀࡓࡕࡉࡍࡉࡍ ࡁࡉࡄࡃࡀ ࡀࡍࡀࡍࡀ ࡎࡀࡉࡓࡀࡍ . ࡅࡗ
302	ࡌࡉࡍࡇ ࡅࡌࡍ ࡔࡀࡓࡅࡉࡀ ࡀࡌࡓࡉࡕࡅࡍ ࡊࡅࡔࡈࡀ ࡌࡍ ࡌࡀࡌࡋࡀ ࡌࡉࡕࡋࡉࡐ ࡅࡌࡍ ࡉࡀࡌࡉࡍࡀ ࡖࡍࡉࡔࡉࡌࡕࡀ ࡌࡉࡑࡈࡀࡓࡀࡓ ࡆࡉࡒࡀ ࡓࡁࡀ
303	ࡌࡍ ࡎࡌࡀࡋࡀ ࡌࡀࡌࡋࡉࡊ . ࡅࡗ ࡁࡉࡍࡉࡀ ࡊࡉࡎࡉࡀ ࡋࡆࡉࡅࡀ ࡀࡌࡓࡉࡕࡅࡍ ࡍࡀࡈࡓࡉࡀ ࡋࡄࡀࡐࡉࡒࡉࡀ ࡌࡉࡀ ࡌࡔࡀࡉࡋࡉࡋࡇ ࡅࡀࡌࡓࡉࡋࡇ ࡌࡀࡄࡅ
304	ࡖࡀࡌࡀࡓࡕࡋࡇ ࡋࡍࡀࡑࡁࡀࡊ ࡅࡌࡀࡄࡅ ࡐࡀࡓࡔࡉࡂࡍࡀ ࡁࡊࡅࡔࡈࡀ ࡀࡕࡍࡉࡕ ࡅࡄࡀࡉࡆࡀࡊ ࡌࡉࡕࡊࡀࡍࡀࡐ ࡅࡁࡑࡀࡅࡕࡀ ࡖࡀࡉࡀࡓ ࡁࡓࡉࡄࡀ ࡃࡉࡋࡇ
305	ࡌࡉࡕࡁࡀࡎࡌࡉࡀ . ࡅࡗ ࡍࡉࡀࡄࡀ ࡅࡔࡀࡋࡌࡀ ࡍࡉࡄࡅࡉࡀ ࡀࡌࡓࡉࡕࡅࡍ ࡓࡅࡔࡅࡌࡉࡀ ࡅࡊࡅࡔࡈࡉࡀ ࡖࡏࡕࡉࡁࡄࡉࡓࡁࡇ ࡀࡋࡀࡍࡐࡇ ࡍࡀࡐࡒࡉࡀ .
306	ࡁࡓࡉࡊࡉࡀ ࡅࡌࡔࡀࡁࡉࡍ ࡄࡉࡉࡀ ࡑࡈࡀࡓࡕࡉࡀ ࡀࡌࡓࡉࡕࡅࡍ ࡌࡉࡕࡊࡀࡓࡊࡉࡍ ࡁࡀࡍࡀࡍ ࡅࡏࡅࡕࡓࡉࡀ ࡅࡋࡁࡅࡔࡉࡀ ࡌࡀࡍࡀࡄࡓࡀࡍ ࡏࡋ ࡀࡓࡒࡀ ࡖ
307	ࡖࡁࡉࡕ ࡁࡉࡄࡓࡅࡍ ࡁࡀࡎࡕࡀࡓࡒࡉࡀ ࡌࡉࡓࡌࡉࡋࡇ . ࡅࡗ ࡁࡓࡉࡊࡉࡀ ࡅࡌࡔࡀࡁࡉ^ࡀ^{{ࡍ}} ࡄࡉࡉࡀ ࡔࡅࡌ ࡁࡓ ࡍࡅ ࡀࡌࡓࡉࡕࡅࡍ ࡌࡉࡑࡓࡀ
308	ࡌࡉࡑࡓࡀ ࡏࡕࡉࡁࡄࡉࡓ ࡅࡊࡅࡔࡈࡀ ࡊࡅࡔࡈࡀ ࡋࡌࡀࡓࡇ ࡏࡕࡄࡉࡁࡋࡇ ࡅࡀࡍࡃࡀࡔࡀࡕࡀ ࡅࡄࡀࡅࡒࡀ ࡌࡍ ࡋࡉࡁࡀ ࡖࡍࡉࡔࡉࡌࡕࡀ ࡏࡕࡓࡀࡄࡀࡒ
309	ࡅࡗ ࡌࡀࡓࡁࡉࡊࡉࡕࡅࡍ ࡄࡀࡍࡀࡕࡇ ࡏࡃࡀࡍࡀ ࡍࡉࡔࡉࡌࡕࡀ ࡋࡄࡉࡉࡀ ࡌࡀࡓࡁࡉࡊࡀ ࡏࡃࡀࡍࡀ ࡖࡓࡀࡄࡌࡉࡀ ࡃࡉࡋࡇ ࡄࡅ . ࡅࡗ ࡏࡃࡀࡉࡄࡅࡍ ࡋࡐࡀࡈࡉࡓࡀ
310	ࡌࡀࡕࡍࡉࡀ ࡅࡀࡌࡓࡉࡀ ࡈࡀࡁ ࡈࡀࡁࡀ ࡋࡈࡀࡁࡇ ࡏࡕࡁࡉࡄࡓࡀࡕ ࡅࡏࡕࡉࡁࡍࡅࡋࡇ ࡔࡊࡉࡍࡕࡀ ࡔࡕࡊࡉࡍࡀࡋࡇ ࡅࡀࡓࡁࡀ ࡐࡅࡂࡃࡀࡌࡉࡀ ࡁࡀࡓࡀࡉࡉࡀ ࡁࡉࡕࡌࡀࡍࡉࡀ
311	ࡂࡀࡅࡀࡉࡉࡀ ࡌࡉࡕࡋࡀࡁࡔࡉࡍ ࡅࡏࡊࡉࡋࡕࡀ ࡅࡌࡀࡔࡒࡉࡕࡀ ࡅࡋࡁࡅࡔࡀ ࡅࡓࡉࡄࡀ ࡁࡀࡎࡉࡌࡀ ࡃࡀࡉࡓࡉࡍ ࡅࡄࡀࡈࡀࡉࡉࡀ ࡌࡉࡔࡕࡁࡉࡒࡋࡇ ࡋࡍࡉࡔࡉࡌࡕࡀ
312	ࡅࡓࡅࡄࡀ ࡖࡌࡍ ࡀࡓࡒࡀ ࡌࡀࡐࡒࡀ ࡋࡎࡉࡁࡀ ࡖࡌࡍ ࡏࡊࡉࡋࡕࡀ ࡌࡉࡈࡀࡉࡁࡀ ࡀࡌࡉࡍࡈࡅࡋ ࡄࡀࡆࡀ ࡁࡅࡕࡀ ࡖࡐࡉࡄࡕࡀ ࡖࡊࡅࡋࡄࡅࡍ ࡓࡀࡆࡉࡀ ࡌࡉࡍࡇ ࡃࡉࡋࡇ
313	ࡌࡉࡈࡀࡉࡁࡉࡀ . ࡅࡗ ࡔࡀࡉࡋࡉࡕࡅࡍ ࡔࡅࡋࡕࡀ ࡅࡐࡀࡔࡈࡉࡕࡅࡍ ࡊࡅࡔࡈࡀ ࡖࡌࡍ ࡄࡃࡀࡃࡉࡀ ࡏࡕࡉࡓࡀࡕ ࡍࡉࡔࡉࡌࡕࡀ ࡖࡕࡀࡓࡌࡉࡃࡉࡀ ࡁࡉࡄࡃࡀࡃࡉࡀ
314	ࡅࡗ ࡄࡃࡀ ࡓࡅࡄࡀ ࡅࡍࡉࡔࡉࡌࡕࡀ ࡄࡀࡍࡀࡕࡅࡍ ࡖࡒࡓࡅࡍ ࡁࡂࡀࡅࡀࡉࡄࡅࡍ ࡏࡕࡋࡀࡁࡔࡕ ࡅࡆࡉࡓࡀ ࡒࡀࡃࡌࡀࡉࡀ ࡁࡂࡀࡅࡇ ࡏࡕࡉࡁࡄࡀࡓ ࡅࡑࡈࡀࡓࡀࡓࡋࡇ
315	ࡄࡀࡉࡋࡀ ࡓࡀࡌࡀ ࡖࡊࡅࡋࡄࡅࡍ ࡄࡀࡉࡋࡉࡀ ࡌࡉࡍࡇ ࡐࡓࡀࡔ ࡀࡌࡉࡍࡈࡅࡋ ࡖࡌࡅࡒࡓࡀ ࡖࡂࡉࡓࡌࡉࡀ ࡄࡅ ࡄࡅ ࡄࡅ ࡖࡌࡍ ࡓࡀࡆࡉࡀ ࡊࡅࡋࡄࡅࡍ
316	ࡏࡑࡈࡀࡓࡀࡓ ࡅࡄࡀࡉࡆࡀࡊ ࡔࡅࡁࡀ ࡄࡅࡓࡉࡍࡉࡀ ࡀࡕࡉࡍ ࡀࡁࡀࡕࡀࡓ ࡂࡉࡓࡌࡀ ࡅࡁࡉࡎࡓࡀ ࡅࡂࡉࡀࡃࡀ ࡅࡔࡓࡉࡀࡍࡉࡀ ࡅࡌࡉࡔࡊࡀ ࡅࡌࡀࡍࡆࡉࡀ ࡖ
317	ࡄࡀࡋࡉࡍ ࡔࡅࡁࡀ ࡄࡉࡍࡅࡍ ࡐࡀࡈࡉࡓࡉࡀ ࡄࡉࡍࡅࡍ ࡔࡅࡁࡀ ࡕࡀࡓࡌࡉࡃࡉࡀ ࡏࡕࡒࡓࡅࡍ ࡅࡄࡀࡍࡀࡕࡅࡍ ࡕࡓࡉࡍ ࡄࡅࡓࡉࡍࡉࡀ ࡍࡉࡔࡉࡌࡕࡀ ࡄࡉࡍࡅࡍ ࡅࡕࡌࡀࡍࡀࡉࡀ
318	ࡓࡅࡄࡀ ࡄࡅ ࡅࡕࡔࡉࡀࡉࡀ ࡍࡉࡔࡉࡌࡕࡀ ࡄࡏ ࡖࡄࡅ ࡈࡀࡁࡀࡄࡀࡕࡀ ࡏࡕࡒࡓࡉࡀ ࡅࡔࡅࡁࡀ ࡁࡀࡁࡉࡀ ࡐࡕࡉࡄࡀࡁࡇ ࡅࡍࡀࡄࡓࡉࡁࡇ ࡖࡄࡀࡉࡋࡀ
319	ࡊࡅࡋࡇ ࡌࡉࡕࡉࡀ ࡄࡀࡃࡀࡓࡁࡇ ࡅࡍ^ࡀ^ࡈࡀࡓࡕࡀ ࡊࡅࡋࡇ ࡁࡃࡉࡋࡇ ࡋࡂࡉࡈࡀ ࡅࡌࡀࡓࡇ ࡖࡓࡀࡁࡅࡕࡀ ࡀࡎࡉࡒ ࡋࡍࡀࡐࡔࡉࡇ ࡖࡄࡅ ࡓࡉࡔࡀ ࡅࡓࡅࡔࡌࡀ
320	ࡅࡕࡀࡂࡀ ࡅࡊࡋࡉࡋࡀ ࡅࡌࡀࡌࡋࡀ ࡁࡂࡀࡅࡇ ࡔࡊࡉࡍ ࡅࡌࡀࡄࡆࡉࡕࡀ ࡅࡓࡉࡄࡀ ࡁࡀࡎࡉࡌࡀ ࡏࡅࡃࡍࡉࡀ ࡖࡔࡅࡌࡇ ࡊࡅࡋ ࡌࡉࡍࡃࡀࡌ . ࡅࡄࡀࡉࡆࡀࡊ ࡗ
321	ࡏࡑࡈࡀࡓࡀࡓ ࡌࡅࡒࡓࡀ ࡖࡂࡉࡓࡌࡉࡀ ࡖࡄࡅ ࡋࡀࡅࡐࡀ ࡒࡀࡃࡌࡀࡉࡀ ࡗ ࡌࡎࡀ ࡁࡂࡉࡓࡌࡀ ࡏࡎࡕࡀࡃࡀࡓ ࡁࡋࡀࡅࡐ{{ࡀ}}<<ࡉ>>ࡀ ࡅࡍࡄࡀࡓࡁࡇ
322	ࡐࡉࡄࡕࡀ ࡄࡉࡌࡁࡅࡍ ࡋࡓࡀࡆࡉࡀ ࡅࡌࡓࡀࡍࡃࡉࡃࡋࡅࡍ ࡅࡁࡀࡉࡉࡀ ࡖࡍࡉࡐࡅࡒ ࡌࡍ ࡌࡀࡋࡁࡅࡔࡀ ࡁࡀࡋࡁࡅࡔ . ࡅࡄࡀࡉࡆࡀࡊ ࡒࡓࡅࡍ ࡕࡓࡉࡍ ࡐࡀࡈࡉࡓࡉࡀ
323	ࡀࡊࡅࡀࡕ ࡄࡀࡆࡉࡍ ࡐࡀࡈࡉࡓࡀ ࡒࡀࡃࡌࡀࡉࡀ ࡄࡀࡐࡀࡎ ࡌࡍ ࡄࡀࡊࡀ ࡋࡕࡉࡕ ࡀࡅࡃࡉࡍ ࡅࡕࡅࡔࡁࡉࡄࡀࡍ ࡅࡏࡋࡊࡅࡍ ࡅࡃࡉࡋࡊࡅࡍ ࡁࡊࡅࡋࡄࡅࡍ ࡐࡀࡈࡉࡓࡉࡀ
324	ࡒࡓࡉࡍࡅࡍ ࡅࡒࡀࡌ ࡄࡉࡁࡉࡋ ࡆࡉࡅࡀ ࡏࡋ ࡋࡉࡂࡓࡇ ࡅࡀࡄࡇ ࡅࡀࡌࡀࡓࡉࡅࡍ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ
325	ࡋࡃࡉࡋࡇ ࡐࡋࡀࡍ ࡁࡓ ࡐࡋࡀࡍࡉࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡄࡀࡉࡀࡋ ࡊࡁࡀࡓ ࡅࡀࡊࡓࡉࡊࡉࡅࡍ ࡐࡀࡍࡃࡀࡌࡀ ࡗ ࡒࡀࡓࡉࡕࡅࡍ ࡌࡉࡀ ࡀࡍࡀࡕࡅࡍ ࡄࡉࡉࡀ
326	ࡋࡒࡀࡍࡉࡍࡀ ࡅࡀࡍࡄࡀ . ࡅࡗ ࡒࡀࡓࡉࡕࡅࡍ ࡄࡀࡋࡄࡉࡉࡀ ࡒࡀࡃࡌࡀࡉࡉࡀ ࡋࡓࡉࡄࡀ ࡅࡓࡀࡌࡉࡕࡅࡍ ࡋࡍࡅࡓࡀ . ࡅࡀࡌࡓࡉࡕࡅࡍ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ
327	ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡀࡌࡓࡉࡕࡅࡍ ࡀࡅࡃࡉࡍ
328	ࡅࡕࡅࡔࡁࡉࡄࡀࡍ ࡋࡄࡉࡉࡀ ࡓࡅࡓࡁࡉࡀ ࡍࡅࡊࡓࡀࡉࡉࡀ ࡅࡔࡀࡋࡌࡅ . ࡅࡗ ࡒࡀࡓࡉࡕࡅࡍ ࡕࡅࡔࡁࡉࡄࡀࡍ ࡋࡄࡉࡉࡀ ࡁࡀࡓࡀࡉࡉࡀ ࡅࡔࡀࡋࡌࡅ .
328a	ࡅࡒࡓࡅࡍ
329	ࡏࡋࡊࡅࡍ ࡃࡉࡋࡊࡅࡍ ࡄࡉࡉࡀ ࡅࡔࡀࡋࡌࡅ ࡊࡅࡋ ࡃࡅࡊࡕࡀ ࡖࡏࡊࡀ ࡆࡄࡀࡓࡉࡀ ࡁࡄࡀࡋࡉࡍ ࡕࡋࡀࡕ ࡁࡀࡅࡀࡕࡀ ࡒࡓࡅࡍࡅࡍ ࡋࡆࡄࡀࡓࡉࡀ ࡅࡗ ࡒࡀࡓࡉࡕࡅࡍ
330	ࡁࡀࡅࡃࡉࡍ ࡅࡀࡌࡓࡉࡕࡅࡍ ࡊࡓࡅࡊ ࡅࡃࡄࡉࡀ ࡅࡓࡀࡄࡉࡒ ࡅࡁࡀࡈࡉࡋ ࡌࡀࡋࡀࡊࡉࡀ ࡖࡓࡅࡂࡆࡀ ࡁࡀࡓࡃࡀ ࡅࡂࡋࡀࡋࡀ ࡎࡉࡍࡀ ࡒࡉࡍࡀ ࡅࡐࡋࡅࡂࡉࡀ ࡅࡄࡀࡔࡀࡁࡕࡀ
331	ࡁࡉࡔࡕࡀ ࡌࡍ ࡓࡅࡄࡀ ࡅࡍࡉࡔࡉࡌࡕࡇ ࡏࡕࡊࡉࡁࡔࡀࡕ ࡅࡁࡃࡉࡍࡁࡀ ࡀࡌࡓࡉࡕࡅࡍ ࡆࡀࡊࡉࡇ ࡅࡒࡀࡉࡌࡇ ࡋࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ ࡁࡓ ࡐࡋࡀࡍࡉࡕࡀ
332	ࡖࡄࡀࡆࡀ ࡌࡀࡎࡉࡒࡕࡀ ࡓࡅࡄࡀ ࡅࡍࡉࡔࡉࡌࡕࡀ ࡉࡀࡃ ࡄࡃࡀࡃࡉࡀ ࡋࡀࡂࡈࡉࡍ ࡅࡌࡉࡕࡄࡀࡉࡋࡉࡍ . ࡅࡗ ࡕࡅࡔࡁࡉࡄࡀࡍ ࡀࡌࡓࡉࡕࡅࡍ ࡅࡀࡌࡓࡉࡕࡅࡍ ࡁࡉࡀࡃ
333	ࡌࡀࡄࡉࡒࡀࡍࡉࡀ ࡅࡊࡀࡃࡀࡁࡉࡀ ࡅࡄࡅࡐࡀࡍࡉࡀ ࡅࡌࡀࡂࡆࡉࡓࡀࡍࡉࡀ ࡋࡀࡕࡉࡔࡃࡉࡍࡀࡍ ࡌࡀࡄࡒࡀࡍࡉࡀ ࡋࡀࡍࡀࡄࡉࡒࡍࡇ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡁࡓ ࡐࡋࡀࡍࡉࡕࡀ
334	ࡖࡄࡀࡆࡀ ࡌࡀࡎࡉࡒࡕࡀ ࡅࡌࡀࡂࡆࡉࡓࡀࡍࡉࡀ ࡋࡀࡍࡀࡂࡆࡓࡅࡍ ࡏࡋࡀࡅࡀࡉࡄࡅࡍ {{}} ࡋࡄࡀࡍࡀࡕࡅࡍ ࡀࡓࡁࡀ ࡌ^ࡀ^ࡋࡀࡊࡉࡀ ࡖࡄࡔࡅࡊࡀ ^ࡖ^ࡔࡅࡌࡀࡉࡄࡅࡍ ࡀࡌࡓࡉࡕࡅࡍ
335	ࡊࡁࡀࡔࡕࡉࡍࡅࡍ ࡖࡓࡅࡄࡀ ࡅࡍࡉࡔࡉࡌࡕࡀ ࡋࡀࡄࡀࡉࡒࡀࡍ . ࡅࡗ ࡏࡋࡊࡅࡍ ࡃࡉࡋࡊࡅࡍ ࡀࡌࡓࡉࡕࡅࡍ ࡔࡀࡁࡀࡕࡀ ࡅࡓࡅࡄࡀ ࡅࡍࡉࡔࡉࡌࡕࡀ . ࡋࡀࡅࡐࡀ
336	ࡅࡓࡅࡀࡄࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ ࡋࡐࡋࡀࡍ ࡉࡀࡄࡁࡉࡕࡅࡍ ࡋࡂࡉࡍࡆࡀࡉࡊࡅࡍ ࡍࡀࡄࡓࡉࡕࡅࡍ . ࡅࡗ ࡅࡀࡌࡓࡉࡕࡅࡍ ࡌࡉࡔࡀࡒࡀࡋ ࡀࡉࡍࡉࡀ ࡅࡗ
337	^ࡀ^ࡌࡓࡉࡕࡅࡍ ࡁࡉࡕ ࡌࡉࡔࡒࡀࡋ ࡀࡉࡍࡉࡀ ࡅࡊࡀࡃࡐࡉࡀ ࡅࡃࡓࡀࡉࡉࡀ ࡅࡀࡌࡓࡉ^ࡕ^{{ࡕࡅࡍ}} ࡕࡉࡊࡐࡀࡓ ࡅࡕࡉࡔࡒࡀࡋ ࡌࡍ ࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡁࡓ
338	ࡐࡋࡀࡍࡉࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡀࡌࡓࡉࡕࡅࡍ ࡒࡅࡃࡀࡌࡀࡊ ࡌࡀࡍࡃࡀ ࡖࡄࡉࡉࡀ ࡌࡍ ࡆࡉࡅࡀࡊ ࡕ{{ࡉ}}^ࡀ^ࡋࡁࡔࡉࡇ ࡅࡌࡍ ࡍࡄࡅࡓࡀࡊ ࡕࡉࡊࡀࡎࡉࡇ ࡅࡌࡍ
339	ࡊࡋࡉࡋࡀࡊ ࡓࡀࡅࡆࡉࡀ ࡕࡉࡕࡓࡅࡑࡋࡇ ࡁࡓࡉࡔࡉࡇ ࡖࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡁࡃࡉࡍࡁࡀ ࡀࡌࡅࡓࡉࡅࡍ ࡀࡎࡅࡕࡀ ࡖࡄࡉࡉࡀ
340	ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡒࡀࡉࡀࡌࡉࡍ ࡄࡉࡉࡀ ࡁࡔࡊࡉࡍࡀࡕࡅࡍ ࡅࡄࡉࡉࡀ ࡆࡀࡊࡉࡍ . ࡅࡍࡉࡒࡓࡅࡍ ࡕࡌࡀࡍࡉࡀ ࡁࡀࡅࡀࡕࡀ
341	ࡖࡐࡉࡄࡕࡀ ࡖࡍࡀࡎࡁࡉࡕࡅࡍ ࡅࡀࡌࡓࡉࡕࡅࡍ ࡁࡔࡅࡌࡉࡀ ࡖࡄࡉࡉࡀ ࡎࡀࡂࡉࡃࡍࡀ ࡔࡀࡄࡀࡁࡀࡍࡀ ࡅࡌࡔࡀࡁࡀࡍࡀ ࡋࡄࡀࡊ ࡌࡀࡍࡀ ࡓࡁࡀ ࡕࡌࡀࡍࡉࡀ ࡁࡀࡅࡀࡕࡀ
342	ࡖࡐࡉࡄࡕࡀ ࡅࡕࡀࡓࡕࡉࡍ ࡁࡀࡅࡀࡕࡀ ࡖࡌࡀࡌࡁࡅࡄࡀ ࡖࡁࡉࡓࡉࡀࡅࡉࡔ ࡅࡔࡅࡌࡀࡊ ࡉࡀࡕࡉࡓ ࡄࡉࡉࡀ ࡋࡄࡀࡌࡓࡀ . ࡅࡗ ࡒࡀࡓࡉࡕࡅࡍ ࡍࡄࡀࡓ ࡍࡄࡅࡓࡀ
343	ࡅࡆࡉࡄࡉࡓࡀ ࡅࡌࡆࡀࡄࡓࡀ ࡋࡊࡋࡉࡋࡀ ࡖࡀࡎࡀ ࡒࡀࡓࡉࡕࡅࡍ . ࡅࡗ ࡌࡉࡔࡀ ࡍࡀࡎࡁࡉࡕࡅࡍ ࡅࡌࡀࡕࡍࡉࡕࡅࡍ ࡑࡉࡁࡉࡕࡀࡉࡊࡅࡍ ࡓࡉࡔࡀࡉࡕࡀ ࡖࡄࡉࡉࡀ
344	ࡅࡎࡉࡌࡀࡕࡄࡉࡉࡀ ࡔࡅࡌࡇ ࡅࡗ ࡀࡎࡂࡉࡀ ࡌࡀࡍࡃࡀ ࡖࡄࡉࡉࡀ ࡋࡊࡅࡊࡁࡉࡀ ࡀࡌࡓࡉࡕࡅࡍ ࡅࡗ ࡉࡀࡄࡁࡉࡕࡅࡍ ࡅࡌࡉࡔࡀ ࡁࡉࡑࡁ{{ࡉ}}<<ࡀ>>ࡕࡀ ࡓࡉࡔࡀࡉࡕࡀ
345	ࡅࡀࡌࡓࡉࡕࡅࡍ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡖࡄࡀࡆࡀ
346	ࡌࡀࡎࡉࡒࡕࡀ ࡁࡔࡅࡌࡀ ࡖࡄࡉࡉࡀ ࡍࡅࡊࡓࡀࡉࡉࡀ ࡄࡀࡆࡉࡍ ࡆࡉࡅࡀ ࡅࡍࡄࡅࡓ ࡄࡉࡉࡀ ࡅࡓࡅࡔࡅࡌࡉࡅࡍ ࡕࡋࡀࡕࡀ ࡓࡅࡔࡌࡉࡀ ^ࡀࡊࡅࡀࡕ^ ࡄࡀࡍࡉࡊ ࡎࡀࡊࡉࡀ
347	ࡒࡀࡃࡌࡀࡉࡉࡀ ࡒࡓࡅࡍ ࡀࡋࡌࡀ ࡋࡄࡀࡆࡉࡍ ࡐࡀࡈࡉࡓࡀ ࡕࡌࡉࡍࡀࡉࡀ ࡎࡀࡃࡀࡓࡋࡇ ࡓࡀࡆࡀ ࡓࡀࡆࡀ ࡁࡀࡔࡊࡉࡍࡕࡇ ࡔࡀࡊࡉࡁ ࡖࡉࡀࡕࡁࡀ ࡍࡉࡔࡉࡌࡕࡀ
348	ࡅࡌࡎࡀࡊࡉࡀࡋࡇ ࡅࡍࡀࡈࡓࡀ ࡅࡌࡎࡀࡊࡉࡀࡋࡇ ࡋࡐࡀࡈࡉࡓࡀ ࡕࡔࡉࡀࡉࡀ ࡓࡀࡆࡀ ࡓࡁࡀ ࡌࡍ ࡀࡒࡀ ࡋࡉࡓࡅࡀࡄࡀ ࡌࡀࡐࡒࡋࡅࡍ ࡋࡓࡅࡄࡀ ࡅࡍࡉࡔࡉࡌࡕࡀ
349	. ࡀࡌࡉࡍࡈࡅࡋ ࡖࡄࡀࡆࡀ ࡐࡀࡈࡉࡓࡀ ࡕࡔ{{ࡀ}}<<ࡉ>>ࡀࡉࡀ ࡊࡅࡓࡎࡉࡀ ࡓࡀࡌࡀ ࡖࡏࡋ ࡖࡀࡁࡀࡄࡀࡕࡀ ࡖࡄࡉࡍࡅࡍ ࡀࡓࡀࡁࡀࡕࡀ ࡌࡉࡕࡒࡉࡓࡉࡀࡍ
350	ࡅࡌࡉࡕࡓࡉࡑࡋࡉࡍ ࡖࡀࡕࡉࡍ ࡅࡏࡋࡇ ࡉࡀࡕࡁ{{ࡀ}}<<ࡉ>>ࡍ ࡀࡌࡉࡍࡈࡅࡋ ࡖࡐࡀࡈࡉࡓࡀ ࡕࡔࡉࡀࡉࡀ ࡁࡀࡉࡕࡀ ࡄࡅ ࡖࡀࡁࡀࡄࡀࡕࡇ ࡖࡀࡕࡉࡍ ࡅࡉࡀࡕࡁࡉࡍ ࡏࡋࡇ
351	ࡅࡌࡀࡓࡇ ࡅࡌࡀࡓࡕࡇ ࡄࡉࡍࡅࡍ ࡖࡁࡀࡉࡕࡀ ࡁࡃࡉࡋࡇ ࡋࡌࡀࡓࡇ ࡅࡋࡌࡀࡓࡕࡇ ࡋࡉࡔࡐࡉࡍࡆࡀ ࡄࡀࡍࡀࡕࡇ ࡁࡀࡉࡉࡀ ࡖࡊࡅࡋࡄࡅࡍ ࡌࡍ ࡄࡃࡀࡃࡉࡀ
352	ࡅࡍࡀࡐࡔࡀࡉࡄࡅࡍ ࡁࡀࡉࡉࡍ ࡌࡃࡅࡓࡕࡀ ࡁࡄࡀࡋࡉࡍ ࡔࡀࡁࡉࡌࡀ ࡅࡎࡓࡉࡍ ࡔࡀࡉࡉࡀ ࡕࡔࡉࡉࡀࡉࡕࡀ ࡖࡄࡉࡍࡅࡍ ࡉࡀࡍࡒࡉࡀ ࡁࡂࡀࡅࡀࡉࡄࡅࡍ ࡓࡀࡁࡉࡀ
353	ࡅࡌࡉࡕࡒࡀࡉ^ࡀࡌ^{{ࡌࡉ}} ࡀࡌࡉࡍࡈࡅࡋ ࡖࡄࡀࡆࡉࡍ ࡉࡀࡄࡓࡀ ࡕࡔࡉࡉࡀࡉ^ࡀ^{{ ࡕࡋࡀࡕࡉࡍ ࡉࡅࡌࡉࡀ ࡄࡅ ࡅࡕࡋࡀࡕࡌࡀ ࡔࡀࡉࡉࡀ ࡄࡅ ࡄࡅ ࡄࡀࡋࡉࡍ ࡔࡀࡁࡉࡌࡀ
354	ࡅࡎࡓࡉࡍ ࡏࡑࡈࡅࡍࡉࡀ ࡄࡉࡍࡅࡍ ࡖࡏࡋ ࡖࡀࡁࡀࡄࡀࡕࡀࡍ ࡖࡄࡕࡉࡌࡁࡅࡍ ࡖࡀࡕࡉࡍ ࡅࡎࡀࡌࡊࡉࡍ ࡏࡋࡀࡅࡀࡉࡅࡍ ࡀࡌࡉࡍࡈࡅࡋ ࡖࡄࡀࡍࡀࡕࡇ ࡉࡀࡄࡓࡀ ࡀࡎࡓࡉ^ࡉ^ࡀࡉࡀ
355	ࡖࡌࡀࡐࡉࡒࡕࡀ ࡖࡓࡅࡄࡀ ࡅࡍࡉࡔࡉࡌࡕࡀ ࡌࡍ ࡊࡓࡀࡎ ࡏࡌࡇ ࡍࡀࡐࡒࡀ ࡁࡑࡅࡓࡕࡀ ࡉࡀࡕࡁ̊ࡀ ࡀࡌࡉࡍࡈࡅࡋ ࡖࡑࡅࡓࡕࡀ ࡄࡀࡊ ࡁࡉࡓࡉࡀࡅࡉࡔ ࡄࡏ
356	. ࡌࡉࡍࡈࡅࡋ ࡖࡍࡁࡀࡈ ࡍࡉࡁࡈࡀ ࡒࡀࡃࡌࡀࡉࡀ ࡄࡀࡍࡀࡕࡇ ࡓࡀࡆࡀ ࡖࡍࡁࡀࡈ ࡌࡍ ࡊࡓࡀࡎ ࡏࡌࡇ ࡅࡀࡕࡀ ࡋࡕࡉࡁࡉࡋ ࡅࡔࡅࡌࡀ ࡏࡕࡀࡎࡀࡒࡋࡇ
357	ࡀࡌࡉࡍࡈࡅࡋ ࡖࡆࡄࡀࡓࡀ{{}} ࡁࡄࡀࡆࡀ ࡁࡅࡕࡀ ࡏࡕࡄࡉࡁࡋࡇ ࡖࡄࡅ ࡔࡅࡌࡇ ࡖࡄࡀࡍࡀࡕࡇ ࡉࡀࡍࡒࡀ ࡅࡋࡌࡀࡓࡀ ࡖࡌࡀࡎࡉࡒࡕࡀ ࡄࡀࡊ ࡔࡅࡌࡇ ࡖࡏࡋ
358	ࡈࡀࡅࡐࡉࡀ ࡌࡉࡀ ࡏࡕࡉࡊࡕࡉࡁ ࡅࡁࡉࡀࡄࡓࡀ ࡄࡅࡓࡉࡍࡀ ࡄࡅ ࡃࡓࡀࡁࡔࡀ ࡅࡓࡅࡔࡌࡀ ࡄࡀࡅࡉࡁࡇ ࡅࡄࡅ ࡉࡀࡄࡓࡀ ࡖࡍࡉࡔࡉࡌࡕࡀ ࡏࡕࡒࡓࡉࡀ
359	ࡅࡄࡅ ࡓࡅࡔࡌࡀ ࡁࡂࡀࡅࡇ ࡍࡎࡉࡁ ࡀࡌࡉࡍࡈࡅࡋ ࡖࡌࡍ ࡄࡔࡅࡊࡀ ࡋࡉࡍࡄࡅࡓࡀ ࡍࡐࡀࡒ ࡅࡌࡍ ࡁࡉࡔࡀ ࡋࡈࡀࡁࡀ ࡅࡌࡍ ࡌࡅࡕࡀ ࡋࡄࡉࡉࡀ ࡅࡄࡀࡕࡀࡌ
360	ࡅࡌࡉࡀ ࡅࡄࡀࡌࡓࡀ ࡌࡉࡕࡒࡀࡓࡀࡁ ࡖࡄࡉࡍࡅࡍ ࡓࡅࡄࡀ ࡅࡍࡉࡔࡉࡌࡕࡀ ࡄࡉࡍࡉࡍ ࡅࡓࡅࡄࡀ ࡅࡍࡉࡔࡉࡌࡕࡀ ࡖࡑࡅࡓࡕࡀ ࡖࡓࡅࡄࡀ ࡄࡅ ࡉࡀࡄࡓࡀ
361	ࡖࡌࡀࡑࡁࡅࡕࡀ ࡁࡂࡀࡅࡇ ࡄࡀࡅࡉࡀ ࡖࡍࡉࡔࡉࡌࡕࡀ ࡄࡏ . ࡄࡀࡋࡉࡍ ࡀࡎࡓࡀ ࡐࡀࡈࡉࡓࡉࡀ ࡀࡎࡓࡀ ࡉࡀࡄࡓࡉࡀ ࡖࡔࡉࡃࡕࡀ ࡄࡉࡍࡅࡍ ࡌࡍ
362	ࡉࡅࡌࡀ ࡖࡍࡀࡅࡓࡅࡆ ࡓࡁࡀ ࡅࡀࡋࡌࡀ ࡋࡉࡅࡌࡀ ࡖࡌࡀࡑࡁࡅࡕࡀ ࡖࡃࡀࡉࡌࡀ ࡕࡋࡀࡕࡌࡀ ࡉࡅࡌࡉࡀ ࡄࡅ ࡅࡕࡋࡀࡕࡌࡀ ࡋࡉࡋࡀࡅࡀࡕࡀ ࡄࡉࡍࡅ^ࡉ^ࡍ ࡄࡀࡋࡉࡍ
363	ࡌࡀ ࡅࡎࡓࡉࡍ ࡀࡋࡐࡉࡀ ࡔࡀࡉࡉࡀ ࡅࡔࡅࡔࡉࡀ ࡅࡓࡉࡐࡎࡉࡀ ࡖࡋࡉࡀࡍࡒࡀ ࡌࡓࡀࡁࡉࡋࡇ ࡅࡄࡀࡊࡀ ࡌࡀࡎࡉࡒࡕࡀ ࡅࡔࡉࡓࡉࡀࡍࡉࡀ ࡅࡂࡀࡈࡉࡍࡀࡕࡀ
364	ࡅࡆࡉࡓࡐࡅࡍࡉࡀ ࡅࡂࡉࡓࡌࡉࡀ ࡖࡔࡓࡉࡍ ࡁࡐࡀࡂࡓࡀ ࡄࡉࡍࡅࡍ . ࡅࡄࡀࡍࡀࡕࡅࡍ ࡔࡉࡕࡉࡍ ࡉࡅࡌࡉࡀ ࡖࡌࡍ ࡃࡀࡉࡌࡀ ࡅࡀࡋࡌࡀ ࡋࡍࡀࡅࡓࡅࡆ ࡄࡉࡍࡅࡍ ࡄࡀࡕࡌࡀ
365	ࡖࡔࡉ^ࡃ^ࡕࡀ ࡏࡑࡈࡅࡍࡉࡀ ࡄࡉࡍࡅࡍ ࡄࡀࡋࡉࡍ ࡕࡓࡉࡍ ࡉࡀࡄࡓࡉࡀ ࡖࡀࡍࡉࡍ ࡔࡅࡌࡀࡉࡅࡍ ࡋࡀࡃࡊࡀࡓࡍࡉࡍ ࡖࡄࡉࡍࡅࡍ ࡕࡓࡉࡍ ࡐࡀࡈࡉࡓࡉࡀ ࡕࡔ^ࡉ^ࡀࡉࡉࡀ ࡅࡀࡎࡓࡉࡀࡉࡉࡀ
366	ࡄࡉࡍࡅࡍ ࡄࡀࡃ ࡄࡀࡕࡌࡀ ࡋࡌࡀࡎࡉࡒࡕࡀ ࡄࡅࡓࡉࡍࡀ ࡖࡀࡁࡀࡄࡀࡕࡀ{ࡍ} ࡄࡅ ࡁࡂࡀࡅࡇ ࡊࡅࡋ ࡌࡉࡍࡃࡀࡌ ࡌࡉࡕࡒࡀࡉࡀࡌ ࡅࡎࡀࡋࡉࡒ
367	ࡋࡓࡉࡔ ࡅࡌࡀࡎࡒࡀࡕࡀ ࡊࡅࡋࡄࡉࡍ {{ࡂࡉࡍࡆࡉࡀ}} ࡓࡅࡓࡁࡀࡕࡀ ࡅࡃࡀࡓࡃࡉࡒࡀࡕࡀ ࡅࡌࡀࡑࡁࡅࡕࡀࡕࡀ ࡅࡊࡅࡋࡄࡅࡍ ࡂࡉࡍࡆࡀ ࡖࡎࡀࡋࡒࡉࡀ ࡋࡉࡍࡄࡅࡓࡀ ࡀࡃࡉࡍࡒࡉࡀ
368	ࡓࡀࡆࡀ ࡖࡀࡁࡀࡄࡀࡕࡀ ࡋࡀࡎࡀࡋࡒࡉࡀ ࡀࡌࡉࡍࡈࡅࡋ ࡖࡈࡀࡁࡀࡄࡀࡕࡀ ࡌࡉࡀ ࡄࡉࡍࡅࡍ ࡖࡄࡉࡍࡅࡍ ࡀࡁࡀ ࡅࡀࡓࡒࡀ ࡏࡌࡀࡉࡄࡅࡍ ࡖࡊࡅࡋࡄࡅࡍ
369	ࡓࡀࡆࡉࡀ ࡗ ࡀࡓࡒࡀ ࡅࡌࡉࡀ ࡁࡓࡀࡆࡉࡀ ࡋࡀࡌࡉࡕࡍࡀࡈࡓࡉࡀ ࡏࡁࡉࡃࡀࡕࡀ ࡊࡅࡋࡄࡉࡍ ࡌࡉࡕࡄࡀࡌࡁࡋࡀࡍ . ࡄࡆࡅࡍ ࡖࡀࡓࡒࡀ ࡖࡊࡅࡋ ࡌࡉࡍࡃࡀࡌ
370	ࡁࡂࡀࡅࡇ ࡔࡉࡈࡀ ࡅࡌࡉࡍࡇ ࡍࡀࡐ^ࡉ^ࡒ ࡁࡂࡀࡅࡇ ࡌࡉࡕࡍࡀࡈࡀࡓ ࡅࡋࡀࡉࡉࡕ ࡌࡉࡍࡃࡀࡌ ࡖࡌࡉࡍࡇ ࡍࡉࡐࡅࡒ ࡋࡁࡀࡓ ࡌࡍ ࡓࡅࡄࡀ ࡅࡍࡉࡔࡉࡌࡕࡀ
371	ࡖࡉࡀࡓࡃࡍࡀ ࡌࡐࡀࡓࡉࡒࡋࡅࡍ ࡌࡍ ࡒࡅࡋࡀࡋࡉࡀ ࡅࡐࡉࡓࡅࡍࡉࡀ ࡖࡌࡐࡀࡓࡒࡉࡋࡉࡍ . ࡀࡌࡉࡍࡈࡅࡋ ࡖࡀࡓࡒࡀ ࡓࡅࡄࡀ ࡖࡊࡅࡋࡄࡅࡍ ࡓࡀࡆࡉࡀ ࡋࡂࡉࡈࡋࡅࡍ ࡅࡎࡀࡊࡉࡊࡉࡋࡅࡍ
372	ࡅࡏࡍࡉࡔ ࡋࡀࡁࡀࡉࡉࡀ ࡖࡍࡉࡐࡅࡒ ࡌࡉࡍࡇ ࡄࡆࡅࡍ ࡖࡄࡀࡆࡉࡍ ࡏࡑࡈࡅࡍࡀ ࡔࡀࡐࡅࡓࡀ ࡖࡌࡉࡍࡇ ࡃࡉࡋࡇ ࡕࡓࡀࡁࡉࡁࡇ ࡅࡄࡏ ࡄࡀࡃࡓࡀ ࡅࡀࡊࡋࡀࡋࡇ
373	ࡅࡌࡔࡀࡅࡉࡀࡋࡇ ࡗ ࡆࡀࡍ ࡖࡋࡀࡄࡅࡀ ࡄࡆࡅࡍ ࡄࡏ ࡀࡓࡒࡀ ࡖࡀࡁࡀࡄࡀࡕࡀ ࡀࡎࡒࡀࡕ ࡋࡍࡀࡐࡔࡀ ࡅࡏࡌࡀ ࡓࡀࡁࡕࡉࡀ ࡄࡏ ࡖࡊࡅࡋࡄࡅࡍ
374	ࡓࡉࡄࡔࡉࡀ ࡅࡒࡀࡃࡀࡄࡉࡀ ࡎࡂࡉࡀ ࡌࡉࡍࡇ ࡃࡉࡋࡇ ࡐࡓࡀࡔ ࡄࡀࡐࡀࡎ ࡗ ࡒࡀࡓࡉࡍ ࡕࡀࡓࡌࡉࡃࡉࡀ ࡖࡀࡁࡀࡄࡀࡕࡀ ࡍࡉࡆࡃࡀࡄࡓࡅࡍ ࡅࡍࡉࡆࡃࡀࡄࡓࡅࡍ
375	ࡌࡀࡄࡅ ࡖࡁࡂࡀࡅࡇ ࡀࡉࡕࡉࡍࡅࡍ ࡀࡌࡉࡍࡈࡅࡋ ࡖࡋࡉࡂࡓࡀࡉࡄࡅࡍ ࡀࡕࡍࡅࡍ ࡁࡌࡉࡀ ࡅࡏࡃࡀࡉࡄࡅࡍ ࡁࡍࡅࡓࡀ ࡗ ^ࡉࡀࡒࡃࡀ ࡊࡅࡋ ࡌࡀࡍ^ <ࡖ>ࡒࡀࡓࡉ{{ࡍ}} <<ࡀ>> ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ
376	ࡋࡀࡌࡁࡀࡔࡒࡀࡓ ࡌࡉࡍࡃࡀࡌ ࡖࡋࡀࡅ ࡌࡉࡍࡃࡀࡌ ࡀࡁࡀࡃ . ࡄࡆࡅࡍ ^ࡖ^ࡗ ࡀࡌࡓࡉࡕࡅࡍ ࡏࡓࡅࡕࡀࡉ ࡅࡕࡅࡔࡁࡉࡄࡕࡀࡉ ࡌࡀࡁࡓࡀࡉ^ࡉࡀࡉ^ ࡌࡀࡁࡀࡓ
377	ࡄࡉࡋࡐࡀ ࡅࡍࡀࡎࡁࡉࡕࡅࡍ ࡋࡒࡀࡍࡀ{{}}^ࡉࡊࡅࡍ^ ࡄࡆࡅࡍ ࡖࡓࡀࡆࡀ ࡖࡁࡇ ࡅࡀࡌࡅࡆࡀ ࡅࡏࡍࡁࡉࡀ ࡅࡓࡅࡌࡀࡍࡀ ࡅࡎࡐࡀࡓࡂࡋࡀ ࡅࡓࡀࡆ ࡕࡉࡍࡕࡀ ࡋࡒࡉࡍࡀ ࡅࡒࡓࡅࡍ ࡖ
378	ࡖࡀࡁࡀࡄࡀࡕࡀ ࡗ ࡌࡎࡀࡃࡓࡉࡕࡅࡍ ࡕࡔࡀ ࡐࡀࡈࡉࡓࡉࡀ ࡍࡉࡔࡉࡌࡕࡀ ࡄࡀࡊࡀ ࡖࡌࡀࡎࡉࡒࡕࡀ ࡒࡀࡓࡉࡕࡅࡋࡇ ࡓࡉࡔࡀ ࡌࡍ ࡌࡀࡓࡁࡀ
379	ࡀࡐࡒࡀࡕ ࡖࡕࡉࡁࡉࡋ ࡅࡁࡀࡉࡉࡀ ࡖࡋࡁࡔࡀ ࡅࡊࡎࡅࡉࡀ ࡅࡔࡀࡐࡉࡍࡆࡀ ࡖࡍࡄࡅࡓࡀ ࡖࡄࡉࡆࡉࡅࡉࡀ ࡖࡊࡅࡋࡇ ࡖࡀࡁࡀࡄࡀࡕࡀ ࡍࡈࡉࡓ ࡖࡄࡉࡍࡅࡍ
380	ࡓࡉࡔࡀ ࡖࡏࡑࡈࡅࡍࡀ ࡄࡉࡍࡅࡍ . ࡅࡄࡀࡍࡀࡕࡅࡍ ࡔࡉࡕࡉࡍ ࡐࡀࡈࡉࡓࡉࡀ ࡀࡉࡀࡊ ࡏࡑࡈࡅࡍࡀ ^ࡖ^ࡀࡃࡉࡍࡒࡉࡀ ࡓࡉࡔࡀ ࡄࡅ . ࡄࡆࡅࡍ ࡖࡗ ࡀࡌࡓࡉࡕࡅࡍ ࡏࡅࡓࡅࡕࡀࡉ
381	ࡅࡕࡅࡔࡁࡉࡄࡕࡀࡉ ࡌࡀࡁࡓࡀࡉࡀࡉ ࡌࡀࡁࡀࡓ ࡄࡉࡋࡐࡀ ࡅࡍࡀࡎࡁࡉࡕࡅࡍ ࡒࡉࡍࡀ ࡖࡄࡏ ࡕࡋࡀࡕࡀ ࡐࡀࡈࡉࡓࡉࡀ ࡌࡉࡕࡒࡓࡉࡍ ࡄࡉࡍࡅࡍ ࡆࡉࡒࡀ ࡅࡍࡅࡓࡀ
382	ࡅࡌࡉࡀ ࡖࡏࡌࡀࡉࡄࡅࡍ ࡀࡓࡒࡀ ࡄࡏ ࡅࡀࡍࡀࡕࡅࡍ ࡋࡌࡀࡎࡉࡒࡕࡀ ࡁࡓࡉࡔࡀ ࡖࡄࡀࡊࡀ ࡍࡉࡔࡉࡌࡕࡀ ࡖࡌࡀࡎࡉࡒࡕࡀ ࡒࡀࡓࡉࡕࡅࡋࡇ ࡊࡋࡉࡋࡀ ࡖࡍࡄࡅࡓࡀ
383	ࡏࡕࡀࡄࡃࡀࡓࡋࡇ ࡀࡉࡍࡇ ࡄࡅ ࡍࡄࡀࡓࡉࡀࡍ ࡅࡄࡀࡉࡆࡀ^ࡉ^ࡀ{{ࡊ}} ࡅࡍࡀࡐࡔࡀ ࡁࡊࡅࡋࡄࡅࡍ ࡓࡀࡆࡉࡀ . ࡅࡗ ࡒࡀࡉࡌࡉࡕࡅࡍ ࡏࡋ ࡋࡉࡂࡓࡀࡉ{{ࡄࡅࡍ}}^ࡊࡅࡍ^ ࡅࡀࡌࡓࡉࡕࡅࡍ
384	ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ ࡋࡄࡀࡆࡀ ࡍࡉࡔࡉࡌࡕࡇ ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡁࡓ ࡄࡉࡌࡀࡕ
385	ࡓࡀࡆࡉࡀ ࡅࡋࡍࡉࡔ{{ࡀ}}ࡌ^ࡀ^ࡕࡇ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀࡍ ࡅࡓࡁࡀࡍࡀࡍ ࡅࡃࡀࡄࡀࡍ ࡅࡃࡀࡄࡅࡀࡕࡀࡍ ࡖࡍࡐࡀࡒ ࡌࡍ
386	ࡐࡀࡂࡓࡀࡉࡄࡅࡍ ࡅࡏࡋ ࡖࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ ࡅࡄࡀࡍࡀࡕࡇ ࡌࡀࡓࡉࡀ ࡌࡀࡎࡉࡒࡕࡀ ࡖࡏࡋ ࡀࡃࡉࡀࡅࡓࡀ ࡉࡀࡕࡉࡁ ࡀࡌࡓࡉࡕࡅࡍ
387	ࡋࡅࡀࡕ ࡄࡃࡀࡃࡉࡀ ࡕࡀࡓࡕࡉࡍ ࡀࡁࡀࡄࡀࡕࡀ ࡁࡄࡀࡆࡀ ࡌࡀࡎࡉࡒࡕࡀ ࡏࡕࡒࡓࡉࡀ ࡋࡄࡀࡊ ࡍࡉࡔࡉࡌࡕࡀ ࡖࡓࡅࡄࡀ ࡌࡉࡍࡇ ࡀࡋࡅࡉࡅࡉࡀ
388	ࡅࡋࡀࡌࡉࡕࡐࡀࡎࡒࡀ ࡀࡌࡉࡍࡈࡅࡋ ^ࡖ^ࡀࡁࡀࡄࡀࡕࡇ ࡖࡀࡍࡀࡕࡅࡍ ࡋࡌࡀࡎࡉࡒࡀࡕࡀ ࡒࡀࡓࡉࡕࡅࡍ ࡓࡉࡔࡀ ࡋࡓࡅࡄࡀ ࡄࡏ ࡅࡄࡀࡊࡀ ࡌࡀࡎࡉࡒࡕࡀ
389	ࡖࡀࡁࡀࡄࡀࡕࡀ ࡖࡕࡀࡓࡌࡉࡃࡀ{{ࡀ}} ࡄࡅࡓࡉࡍࡀ ࡒࡀࡓࡉࡀ ࡓࡉࡔࡀ ࡋࡍࡉࡔࡉࡌࡕࡀ ࡀࡌࡉࡍࡈࡅࡋ ࡖࡄࡅ ࡀࡉࡀࡓ ࡁࡀࡓࡀࡉࡀ ࡁࡀࡋࡌࡉࡀ ࡖ
390	ࡍࡄࡅࡓࡀ ࡌࡁࡀࡔࡒࡀࡓ ࡖࡄࡅ ࡖࡋࡒࡅࡃࡀࡌ ࡀࡄࡇ ࡊࡅࡋࡄࡅࡍ ࡓࡅࡔࡌࡉࡀ ࡖࡌࡀࡎࡉࡒࡕࡀ ࡏࡋ ࡏࡃࡇ ࡌࡉࡕࡍࡀࡈࡓࡉࡀ
391	ࡄࡆࡅࡍ ࡖࡄࡏ ࡖࡓࡁࡀࡉࡄࡅࡍ ࡖࡂࡀࡍࡆࡉࡁࡓࡉࡀ ࡅࡃࡓࡀࡁࡔࡉࡀ ࡉࡀࡒࡓࡉࡀ ࡖࡀࡍࡀࡕࡅࡍ ࡁࡂࡀࡅࡇ ࡍࡀࡄࡓࡉࡕࡅࡍ ࡅࡕࡓࡉࡑ ࡋࡌࡀࡎࡉࡒࡕࡀࡉࡊࡅࡍ
392	ࡁࡄࡀࡃ ࡕࡓࡀࡑࡀ ࡖࡓࡀࡆࡀ{{ࡀ}} ࡖࡌࡍ ࡄࡀࡁࡓࡇ ࡋࡀࡍࡉࡐࡅࡒ ࡅࡋࡀࡍࡉࡅࡋ ࡏࡋࡇ ࡁࡑࡀࡓࡀࡓࡕࡀ ࡖࡄࡀࡅࡉࡀ ࡗ ࡆࡀࡍ ࡄࡀࡃࡀ ࡈࡅࡁࡀ ࡋࡄࡀࡍࡀࡕࡇ
393	ࡍࡉࡔࡉࡌࡕࡀ ࡖࡄࡀࡆࡉࡍ ࡓࡀࡆࡀ ࡕࡉࡎࡀࡁ ࡁࡉࡔࡋࡀࡌ ࡕࡉࡕࡋࡀࡁࡔࡀ ࡅࡕࡉࡔࡕࡀࡋࡀࡌ ࡁࡂࡀࡅࡇ . ࡅࡄࡀࡉࡆࡀࡊ ࡀࡌࡓࡉࡕࡅࡍ ࡏࡋ ࡐࡀࡍࡃࡀࡌࡀࡉࡊࡅࡍ
394	ࡄࡀࡉࡀࡋ ࡊࡁࡀࡓ ࡅࡌࡀࡊࡓࡉࡊࡉࡕࡅࡍ ࡋࡐࡀࡍࡃࡀࡌࡀࡉࡊࡅࡍ ࡋࡊࡅࡋࡄࡅࡍ ࡓࡀࡆࡉࡀ ࡌࡈࡀࡍࡐࡉࡀ ࡖࡏࡊࡀ ࡁࡏࡑࡈࡅࡍࡀ ࡁࡀࡎࡀࡓࡀ ࡖ^ࡃ^ࡌࡀࡎࡀ
395	ࡃࡀࡊࡉࡀ ࡀࡎࡀࡓࡕࡉࡍࡅࡍ ࡋࡔࡉࡁࡉࡀࡄࡉࡀ ࡖࡋࡀࡍࡉࡄࡀࡌࡁࡋࡅࡍ ࡌࡀࡎࡒࡕࡀࡉࡊࡅࡍ ࡀࡌࡉࡍࡈࡅࡋ ࡖࡐࡀࡍࡃࡀࡌࡀ ࡄࡀࡕࡌࡀ ࡖࡄࡀࡋࡉࡍ ࡀࡓࡁࡀ
396	ࡉࡀࡌࡀࡌࡉࡀ ࡀࡊࡋࡉࡀ ࡄࡉࡍࡅࡍ . ࡅࡗ ࡌࡉࡀ ࡍࡀࡎࡁࡉࡕࡅࡍ ࡅࡀࡌࡓࡉࡕࡅࡍ ࡁࡔࡅࡌࡀ ࡖࡄࡉࡉࡀ ࡌࡉࡀ ࡀࡍࡀࡕࡅࡍ ࡄࡉࡉࡀ ࡓࡀࡆࡀ ࡖࡌࡀࡆࡓࡅࡕࡀ ࡄࡀࡉ{ࡆ}<ࡕ>ࡀ
397	ࡀࡋࡁࡉࡔࡕࡅࡍ ࡗ ࡔࡀࡌࡉࡔ . ࡅࡗ ࡓࡉࡄࡀ ࡍࡀࡎࡁࡉࡕࡅࡍ ࡅࡀࡌࡓࡉࡕࡅࡍ ࡄࡀࡋ ࡄࡉࡉࡀ ࡒࡀࡃࡌࡀࡉࡉࡀ ࡋࡓࡀࡆࡀ ࡖࡌࡀࡓࡅࡁࡉࡀ ࡏࡃࡀࡊࡉࡕࡅࡉࡀ
398	ࡁࡓࡀࡆࡀ ࡖࡌࡉࡀ ࡃࡉࡋࡇ ࡅࡁࡄࡀࡍࡀࡕࡇ ࡕࡔࡀ ࡓࡀࡆࡉࡀ ࡖࡌࡍ ࡀࡕࡅࡕࡇ . ࡌࡋࡀࡁࡔࡉࡀ ࡖࡄࡉࡍࡅࡍ ࡌࡉࡀ ࡀࡍࡀࡕࡅࡍ ࡄࡉࡍࡅࡍ ࡋࡀࡁࡀࡄࡀࡕࡀࡍ
399	ࡅࡓࡁࡀࡍࡀࡍ ࡅࡋࡀࡄࡀࡍ ࡅࡋࡀࡄࡅࡀࡕࡀࡍ . ࡅࡗ ࡓࡀࡌࡉࡕࡅࡍ ࡓࡉࡄࡀ ࡋࡍࡅࡓࡀ ࡅࡀࡌࡓࡉࡕࡅࡍ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ
400	ࡍࡉࡄࡅࡉࡋࡇ ࡋࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡍࡉࡔࡌࡀࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡀࡅࡃࡉࡍ ࡅࡕࡅࡔࡁࡉࡄࡀࡍ ࡋࡄࡉࡉࡀ
401	ࡅࡀࡌࡓࡉࡕࡅࡍ ࡊࡓࡅࡊ ࡅࡃࡄࡉࡀ{{ࡀ}} ࡅࡓࡀࡄࡉࡒ ࡅࡁࡀࡈࡀࡋ ࡌࡀࡋࡀࡊࡉࡀ ࡓࡅࡂࡆࡀ ࡁࡀࡓࡃࡀ ࡅࡂࡋࡀࡋࡀ ࡎࡉࡍࡀ ࡅࡒࡉࡍࡀ ࡋࡄࡀࡔࡀࡁࡕࡀ ࡁࡉࡔࡕࡀ
402	ࡋࡓࡅࡄࡀ ࡅࡍࡉࡔࡉࡌࡕࡀ ࡊࡉࡁࡔࡀࡕ . ࡅࡁࡃࡉࡍࡁࡀ ࡗ ࡀࡌࡓࡉࡕࡅࡍ ࡆࡀࡊࡉࡀ ࡅࡒࡀࡉࡌࡀ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡁࡓ ࡐࡋࡀࡍࡉࡕࡀ
403	ࡅࡍࡉࡔࡌࡀࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ . ࡅࡗ ࡀࡌࡓࡉࡕࡅࡍ ࡕࡅࡔࡁࡉࡄࡀࡍ ࡋࡄࡉࡉࡀ ࡁࡀࡓࡀࡉࡉࡀ
404	ࡅࡀࡌࡓࡉࡕࡅࡍ ࡌࡀࡄࡉࡒࡀࡍࡉࡀ ࡋࡀࡍࡀࡄࡉࡒࡅࡍࡇ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡍࡉࡔࡌࡀࡕࡀ ࡖࡄࡀࡆࡀ ࡌࡀࡎࡉࡒࡕࡀ
405	ࡅࡌࡀࡂࡆࡉࡓࡀࡍࡉࡀ ࡋࡀࡍ^ࡀ^ࡂࡆࡓࡅࡍ ࡏࡋࡀࡅࡀࡉࡄࡅࡍ ࡀࡓࡁࡀ ࡌࡋࡀࡊࡉࡀ ࡖࡄࡔࡅࡊࡀ ࡖࡔࡅࡌࡀࡉࡄࡅࡍ ࡀࡌࡓࡉࡍࡉࡍ ࡊࡁࡉࡔࡉࡕࡅࡍ . ࡅࡗ
406	ࡏࡋࡊࡅࡍ ࡃࡉࡋࡊࡅࡍ ࡀࡌࡓࡉࡕࡅࡍ ࡋࡂࡉࡍࡆࡀࡉࡊࡅࡍ ࡀࡌࡓࡉࡕࡅࡍ ࡋࡂࡉࡍࡆࡀࡉࡊࡅࡍ ࡀࡍࡄࡀࡓࡕࡅࡉࡀ . ࡅࡗ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ
407	ࡄࡀࡈࡀࡉࡉࡀ ࡁࡓࡉࡔ ࡖࡌࡉࡔࡒࡀࡋ ࡀࡉࡍࡉࡀ ࡀࡌࡓࡉࡕࡅࡍ ࡋࡓࡅࡄࡀ ࡅࡍࡉࡔࡉࡌࡕࡀ ࡁࡋࡅࡒࡉࡀ ࡌࡍ ࡀࡉࡍࡇ ࡏࡔࡕࡒࡀࡋ ࡅࡏࡔࡁࡉࡒ
408	. ࡅࡗ ࡁࡉࡕ ࡌࡉࡔࡒࡀࡋ ࡀࡉࡍࡉࡀ ࡊࡀࡃࡐࡉࡀ ࡅࡃࡓࡀࡉࡉࡀ ࡀࡌࡓࡉࡕࡅࡍ ࡅࡀࡌࡓࡉࡕࡅࡍ ࡕࡉࡊࡐࡀࡓ ࡅࡕࡉࡔࡒࡀࡋ ࡌࡍ ࡄࡀࡆࡀ
409	ࡍࡉࡔࡉࡌࡕࡇ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡍࡉࡔࡌࡀࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡄࡀࡈࡀࡉࡀࡍ ࡅࡄࡀࡅࡁࡀࡍ ࡅࡀࡎࡊࡋࡀࡕࡀࡍ ࡅࡕࡉࡒࡋࡀࡕࡀࡍ
410	ࡅࡔࡀࡁࡀ ࡔࡀࡕࡀࡍ ࡕࡉࡓࡌࡉࡀ ࡁࡕࡀࡎࡍࡉࡒࡉࡀ ࡖࡀࡓࡒࡀ ࡅࡁࡏࡃࡅࡍࡉࡀ ࡕࡀࡕࡀࡉࡉࡀ ࡖࡄࡔࡅࡊࡀ ࡅࡕࡀࡒࡌࡉࡍࡀࡍ ࡁࡆࡀࡊࡀࡉࡉࡀ
411	ࡖࡋࡀࡅ ࡁࡄࡀࡉࡀࡁࡉࡀ ࡅࡁࡉࡀࡕࡉࡓࡉࡀ ࡖࡋࡀࡅ ࡁࡄࡀࡎࡉࡓࡉࡀ ࡒࡅࡃࡀࡌࡀࡊ ࡌࡀࡍࡃࡀ ࡖࡄࡉࡉࡀ ࡍࡉࡄࡆࡅࡍ ^ࡈࡀࡁࡉࡀ^ ࡅࡍࡉࡈࡀࡉࡁࡅࡍ ࡅࡀࡉࡍࡉࡀ ࡅࡏࡅࡃࡍࡉࡀ
412	ࡄࡀࡉࡋࡀ ࡓࡀࡌࡀ ࡉࡀࡄࡁࡉࡕࡅࡋࡅࡍ ࡅࡁࡃࡉࡍࡁࡀ ࡍࡉࡌࡀࡓ ࡀࡎࡅࡕࡀ ࡖࡄࡉࡉࡀ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡅࡍࡉࡔࡌࡀࡕࡀ ࡖࡄࡀࡆࡀ
413	ࡌࡀࡎࡉࡒࡕࡀ ࡅࡒࡀࡉࡀࡌࡉࡍ ࡄࡉࡉࡀ ࡁࡀࡔࡊࡉࡍࡀࡕࡅࡍ ࡅࡄࡉࡉࡀ ࡆࡀࡊࡉࡍ . ࡌࡍ ࡊࡅࡋࡄࡅࡍ ࡏࡅࡁࡀࡃࡉࡀ ࡋࡓࡅࡄࡀ ࡅࡍࡉࡔࡉࡌࡕࡀ
414	ࡀࡍࡄࡀࡓࡕࡉࡍࡅࡍ . ࡅࡗ ࡐࡉࡄࡕࡀ ࡍࡀࡎࡁࡉࡕࡅࡍ ࡅࡀࡌࡓࡉࡕࡅࡍ ࡁࡔࡅࡌࡀ ࡖࡄࡉࡉࡀ ࡎࡀࡂࡉࡃࡍࡀ ࡔࡀࡄࡀࡁࡀࡍࡀ ࡅࡌࡔࡀࡁࡀࡍࡀ ࡋࡄࡀࡊ ࡌࡀࡍࡀ
415	ࡓࡁࡀ ࡊࡀࡎࡉࡀ ࡁࡀࡁࡀ ࡓࡁࡀ ࡋࡊࡉࡋࡕࡀ ࡋࡓࡅࡄࡀ ࡅࡍࡉࡔࡉࡌࡕࡀ ࡐࡕࡀࡄࡕࡋࡅࡍ . ࡅࡗ ࡁࡅࡕࡀ ࡖࡀࡍࡀࡍࡀ ࡌࡉࡀ ࡁࡉࡀࡓࡃࡍࡀ ࡋࡒࡅࡃࡀࡌࡀࡉࡄࡅࡍ
416	ࡐࡀࡋࡉࡂࡕࡉࡍࡅࡍ . ࡅࡗ ࡎࡉࡂࡃࡉࡕ ࡅࡔࡀࡁࡀࡕࡇ ࡋࡉࡀࡅࡀࡓ ࡆࡉࡅࡀ ࡀࡌࡓࡉࡕࡅࡍ ࡋࡂࡉࡓࡌࡉࡀ ࡖࡓࡉࡔࡀ ࡖࡌࡅࡒࡓࡀ ࡔࡀ^ࡓࡉ^ࡓࡕࡉࡍࡅࡍ . ࡖࡄࡉࡍࡅࡍ
417	ࡕࡋࡀࡕࡀ ࡓࡅࡔࡅࡌࡉࡀ . ࡅࡗ ࡔࡅࡕࡀ ࡑࡈࡀࡓࡕࡉࡀ ࡀࡌࡓࡉࡕࡅࡍ ࡔࡉࡕࡉࡍ ࡅࡀࡓࡁࡀ ࡄࡀࡈࡀࡉࡉࡀ ࡌࡍ ࡓࡅࡄࡀ ࡅࡍࡉࡔࡉࡌࡕࡀ ࡂࡀࡌࡀࡓࡉࡕࡅࡍ
418	. ࡅࡗ ࡀࡌࡓࡉࡕࡅࡍ ࡎࡉࡂࡃࡉࡕ ࡅࡔࡀࡁࡀࡕࡇ ࡋࡏࡅࡑࡀࡓ ࡖࡐࡕࡀ ࡐࡉࡄࡕࡀ ࡀࡌࡓࡉࡕࡅࡍ ࡏࡅࡑࡓࡉࡀ ࡖࡆࡉࡅࡀ ࡁࡐࡉࡄࡕࡀ ࡍࡄࡀࡓ ^.^ ࡅࡗ
419	ࡎࡉࡂࡃࡉࡕ ࡅࡔࡀࡁࡀࡕࡇ ࡋࡏࡅࡑࡀࡓ ࡍࡄࡅࡓ ࡉࡀࡅࡀࡓ ࡖࡐࡕࡀ ࡐࡉࡄࡕࡀ ࡀࡌࡓࡉࡕࡅࡍ ࡔࡉࡕࡀ ࡕࡀࡓࡌࡉࡃࡉࡀ ࡖࡒࡓࡅࡍ ࡕࡋࡀࡕࡀ ࡐࡀࡈࡉࡓࡉࡀ ࡖ
420	ࡌࡀࡎࡉࡒࡕࡀ ࡄࡀࡍࡀࡕࡅࡍ ࡕࡓࡉࡍ ࡄࡅࡓࡉࡍࡉࡀ ࡕࡀࡓࡌࡉࡃࡉࡀ ࡖࡄࡀࡃ ࡌࡉࡍࡀࡉࡄࡅࡍ ࡕࡋࡀࡕࡀ ࡐࡀࡈࡉࡓࡉࡀ ࡉࡀࡕࡉࡁ ࡅࡄࡀࡃ ࡌࡉࡍࡀࡉࡄࡅࡍ ࡄࡅࡓࡉࡍࡏ
421	ࡖࡏࡋ ࡀࡃࡉࡀࡅࡓࡀ ࡖࡌࡀࡎࡉࡒࡕࡀ ࡄࡅࡓࡉࡍࡕࡉࡀ ࡉࡀࡕࡉࡁ ࡅࡁࡉࡍࡕࡀ ࡓࡀࡁࡕࡉࡀ ࡒࡀࡁࡀࡍࡉࡍ . ࡅࡗ ࡔࡅࡕࡀ ࡓࡀࡁࡕࡉࡀ ࡒࡀࡓࡉࡕࡅࡍ ࡅࡀࡌࡓࡉࡕࡅࡍ
422	ࡔࡅࡁࡀ ࡆࡉࡁࡍࡉࡀ ࡁࡉࡅࡌࡀ ࡅࡔࡅࡁࡀ ࡄࡀࡈࡀࡉࡉࡀ ࡍࡉࡔࡁࡉࡒࡅࡋࡇ ࡔࡀࡁࡀ ࡒࡉࡍࡉࡀ ࡖࡀࡁࡀࡄࡀࡕࡇ ࡖࡋࡌࡀࡎࡉࡒࡕࡀ ࡃࡉࡋࡊࡅࡍ ࡉࡀࡕࡁࡀ ࡔࡀࡁࡀ
423	ࡔࡊࡉࡍࡀࡕࡀ ࡋࡓࡅࡄࡀ ࡅࡍࡉࡔࡉࡌࡕࡀ ࡏࡔࡊࡉࡍࡀࡋࡅࡍ ࡅࡔࡀࡁࡀ ࡒࡉࡍࡉࡀ ࡖࡌࡀࡎࡉࡒࡕࡀ ࡖࡕࡌࡀࡍࡉࡀ ࡕࡀࡓࡌࡉࡃࡉࡀ ࡏ^ࡕ^ࡒࡓ{{ࡅࡍ}}^ࡉࡀ^ ࡔࡀࡁࡀ ࡁࡉࡍࡀࡕࡀ ࡏࡕࡉࡁࡍࡉࡋࡅࡍ
424	ࡅࡔࡅࡁࡀ ࡉࡀࡓࡃࡍࡉࡀ ࡁࡂࡀࡅࡀࡉࡄࡅࡍ ࡓࡀࡃࡉࡍ . ࡅࡗ ࡌࡒࡀࡉࡌࡉࡕࡅࡍ ࡄࡉࡉࡀ ࡒࡀࡃࡌࡀࡉࡉࡀ ࡀࡌࡓࡉࡕࡅࡍ ࡖࡍࡎࡉࡁ ࡌࡉࡍࡇ ࡌࡍ ࡄࡀࡆࡉࡍ
425	ࡐࡉࡄࡕࡀ ࡅࡁࡓࡉࡕࡀ ࡄࡀࡍࡀࡕࡅࡍ ࡌࡀࡎࡉࡒࡕࡀ ࡓࡀࡁࡕࡉࡀ ࡅࡌࡀࡎࡉࡒࡕࡀ ࡑࡈࡉࡓࡕࡉࡀ ࡄࡉࡍࡅࡍ ࡕࡀࡓࡕࡉࡍ ࡖࡀࡁࡀࡄࡀࡕࡀ ࡅࡐࡉࡄࡕࡀ ࡅࡌࡀࡌࡁࡅࡄࡀ
426	ࡄࡉࡍࡅࡍ . ࡅࡗ ࡍࡀࡎࡁࡉࡕࡅࡍ ࡄࡀࡌࡓࡀ ࡅࡀࡌࡓࡉࡕࡅࡍ ࡁࡉࡓࡉࡀࡅࡉࡔ ࡊࡀࡍࡀ ࡖࡌࡉࡀ ࡄࡉࡉࡀ ࡍࡁࡀࡈ ࡍࡉࡁࡈࡀ ࡒࡀࡃࡌࡀࡉࡀ ࡌࡉࡀ ࡒࡀࡃࡌࡀ^ࡉ^ࡉࡀ
427	ࡖࡍࡉࡔࡉࡌࡕࡀ ࡌࡉࡍࡀࡉࡄࡅࡍ ࡏࡑࡈࡀࡓࡀࡓࡀࡕ ࡍࡀࡄࡓࡉࡀ ࡁࡊࡅࡋࡄࡅࡍ ࡓࡅࡔࡌࡉࡀ ࡅࡏࡋ ࡈࡀࡅࡐࡉࡀ ࡖࡌࡉࡀ ࡌࡉࡕࡁࡉࡄࡓࡉࡀ . ࡅࡗ ࡔࡅࡌࡀࡊ
428	ࡉࡀࡕࡉࡓ ࡄࡉࡉࡀ ࡀࡌࡓࡉࡕࡅࡍ ࡎࡂࡉࡀ ࡏࡒࡀࡓࡀ ࡍࡐࡉࡔ ࡍࡄࡅࡓࡀ ࡅࡍࡉࡕࡒࡀࡓࡀࡁ ࡊࡅࡔࡈࡀࡊ ࡅࡆࡉࡃࡒࡀࡊ ࡅࡄࡀࡉࡌࡀࡍࡅࡕࡀ ࡖࡄࡉࡍࡅࡍ ࡌࡀࡑࡁࡅࡕࡀ
429	ࡅࡌࡀࡎࡉࡒࡕࡀ ࡄࡉࡍࡅࡍ . ࡅࡗ ࡁࡔࡅࡌࡀ ࡖࡄࡉࡉࡀ ࡍࡄࡀࡓ ࡍࡄࡅࡓࡀ ࡅࡆࡄࡉࡓࡀ ࡅࡌࡆࡀࡄࡓࡀ ࡋࡊࡋࡉ<<ࡋࡀ>>^ࡕࡀ^ ࡖࡀࡎࡀ ࡒࡀࡓࡉࡕࡅࡍ ࡋࡓࡅࡄࡀ ࡅࡍࡉࡔࡉࡌࡕࡀ
430	ࡁࡉࡄࡃࡀࡃࡉࡀ ࡂࡃࡀࡋࡕࡉࡍࡅࡍ . ࡅࡗ ࡌࡉࡔࡀ ࡍࡀࡎࡁࡉࡕࡅࡍ ࡅࡒࡀࡓࡉࡕࡅࡍ ࡏࡋࡇ ࡁࡔࡅࡌࡀ ࡖࡄࡉࡉࡀ ࡀࡎࡂࡉࡀ ࡌࡀࡍࡃࡀ ࡖࡄࡉࡉࡀ ࡋࡊࡅࡊࡁࡉࡀ
431	ࡄࡉࡆࡅࡀ ࡅࡌࡀࡄࡆࡉࡕࡀ ࡖࡍࡉࡔࡉࡌࡕࡀ ࡄࡀࡊࡀ ࡍࡀࡄࡓࡀ ࡅࡋࡀࡋࡌࡉࡀ ࡖࡍࡄࡅࡓࡀ ࡄࡀࡆࡉࡀࡋࡅࡍ . ࡅࡗ ࡉࡀࡕࡁࡉࡕࡅࡍ ࡅࡌࡉࡔࡀ ࡁࡉࡑࡁࡉࡕࡀ ࡓࡉࡔࡀࡉࡕࡀ
432	ࡖࡄࡏ ࡎࡉࡌࡀࡕࡄࡉࡉࡀ ࡔࡅࡌࡇ ࡍࡀࡎࡁࡉࡕࡅࡍ ࡅࡀࡌࡓࡉࡕࡅࡍ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ ࡋࡄࡀࡆࡀ
433	ࡍࡉࡔࡉࡌࡕࡇ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡅࡋࡍࡉࡔࡌࡀࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡁ ࡔࡅࡌࡀ ࡖࡄࡉࡉࡀ ࡍࡅࡊࡓࡀࡉࡉࡀ ࡄࡀࡆࡉࡍ ࡆࡉࡅࡀ
434	ࡅࡍࡄࡅࡓ ࡄࡉࡉࡀ ࡌࡉࡐࡒࡀࡒ ࡓࡅࡄࡀ ࡅࡍࡉࡔࡉࡌࡕࡀ ࡌࡍ ࡐࡀࡂࡓࡀ ࡅࡏࡕࡋࡀࡁࡅࡔࡉࡀ ࡍࡉࡔࡉࡌࡀࡕ ࡄࡉࡉࡀ ࡅࡌࡀࡃࡉࡕࡅࡍ ࡔࡅࡁࡀ ࡊࡅࡋࡀࡉࡊࡅࡍ
435	ࡕࡋࡀࡕ ࡀࡃࡀࡉࡀࡕࡀ ࡅࡌࡀࡋࡁࡉࡔࡉࡕࡅࡍ ࡐࡉࡄࡕࡀࡉࡊࡅࡍ ࡅࡌࡀࡓࡉࡀ ࡀࡃࡉࡀࡅࡓࡀ ࡀࡁࡉࡄࡃࡀࡉࡊࡅࡍ ࡁࡄࡀࡍࡀࡕࡇ ࡒࡉࡍࡀ ࡔࡅࡁࡀࡉࡕࡀ ࡀࡌࡉࡍࡈࡅࡋ
436	ࡖࡗ ࡎࡀࡉࡉࡊ ࡔࡉࡕࡉࡍ ࡐࡀࡈࡉࡓࡉࡀ ࡋࡄࡅࡃࡇ ࡅࡐࡓࡀࡕ ࡅࡌࡀࡁࡀࡓ ࡋࡁࡉࡍࡉࡀࡍࡀ ࡒࡀࡃࡌࡀࡉࡀ ࡁࡏࡑࡈࡅࡍࡀ ࡖࡆࡉࡅࡀ ࡅࡔࡓࡀࡓࡀ ࡏࡅ ࡄࡀࡃ
437	ࡌࡉࡍࡀࡉࡊࡅࡍ ࡄࡀࡃ ࡌࡍ ࡄࡀࡁࡓࡇ ࡋࡀࡍࡀࡐࡉࡒ ࡀࡋࡌࡀ ࡖࡌࡀࡁࡀࡓ ࡀࡉࡀࡓ ࡅࡗ ࡌࡀࡈࡉࡕࡅࡍ ࡓࡅࡔࡌࡀ ࡖࡌࡀ ࡖࡁࡇ ࡏࡃࡀࡉࡊࡅࡍ
438	ࡍࡈࡅࡓࡉࡅࡍ ࡅࡋࡀࡓࡀࡔࡌࡉࡕࡅࡍ ࡀࡋࡌࡀ ࡖࡁࡉࡕ ࡀࡁࡀࡕࡅࡓ ࡌࡀࡈࡉࡕࡅࡍ ࡅࡀࡌࡓࡉࡕࡅࡍ ࡀࡋࡀࡕ ࡍࡉࡔࡉࡌࡕࡇ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡖࡄࡀࡆࡀ
439	ࡌࡀࡎࡉࡒࡕࡀ ࡋࡁࡉࡕ ࡀࡁࡀࡕࡅࡓ ࡅࡉࡀࡄࡁࡀࡕ ࡔࡅࡌࡀ ࡅࡓࡅࡔࡌࡀ ࡅࡁࡉࡓࡊࡕࡀ ࡅࡌࡀࡑࡁࡅࡕࡀ ࡅࡌࡉࡍࡃࡀࡌ ࡖࡁࡇ ࡔࡅࡌࡇ ࡌࡀࡑࡁࡅࡕࡀ
440	ࡅࡓࡅࡔࡌࡀ ࡌࡀࡎࡉࡒࡕࡀ ࡄࡏ ࡅࡁࡉࡓࡊࡕࡀ ࡏࡍࡂࡉࡓࡕࡀ ࡄࡏ ࡌࡀࡑࡁࡅࡕࡀ ࡃࡀࡊࡉࡕࡀ ࡄࡏ ࡅࡆࡄࡀࡓࡀ ࡁࡂࡀࡅࡇ ࡎࡀࡋࡉࡒ ࡄࡏ
441	ࡌࡉࡍࡃࡀࡌ ࡖࡁࡇ ࡓࡀࡄࡌࡉࡀ ࡄࡉࡍࡅࡍ . ࡅࡗ ࡀࡌࡓࡉࡕࡅࡍ ࡐࡋࡀࡍ ࡁࡓ ࡐࡋࡀࡍࡉࡕࡀ ࡓࡔࡉࡌ ࡁࡓࡅࡔࡌࡀ ࡖࡄࡉࡉࡀ ࡉࡀࡓࡃࡍࡀ
442	ࡋࡒࡅࡃࡀࡌࡇ ࡏࡑࡈࡀࡓࡀࡓ . ࡅࡗ ࡀࡌࡓࡉࡕࡅࡍ ࡕࡉࡍࡉࡀࡍࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡓࡔࡉࡌ ࡁࡓࡅࡔࡌࡀ ࡖࡄࡉࡉࡀ ࡀࡉࡍࡇ ࡁࡉࡅࡆࡀࡈࡀࡒ
443	ࡌࡀࡍࡃࡀ ࡖࡄࡉࡉࡀ ࡌࡋࡀ . ࡅࡗ ࡁࡓࡅࡔࡌࡀ ࡕࡋࡀࡕࡀࡉࡀ ࡀࡌࡓࡉࡕࡅࡍ ࡍࡉࡔࡉࡌࡕࡇ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡓࡔࡉࡌ ࡁࡓࡅࡔࡌࡀ
444	ࡄࡀࡍࡀࡕࡇ ࡍࡉࡔࡉࡌࡕࡀ ࡌࡍ ࡃࡅࡊࡕࡀ ࡒࡉࡓࡁࡀࡕ ࡅࡋࡉࡔࡊࡉࡍࡕࡀ ࡄࡅࡓࡉࡍࡕࡉࡀ ࡀࡋࡀࡕ ࡅࡌࡀࡑࡁࡀࡍࡀ ࡄࡀࡊࡀ ࡖࡁࡀࡉࡉࡀ ࡌࡉࡑࡉࡁࡇ
445	ࡅࡌࡉࡃࡀࡊࡉࡇ ࡄࡀࡆࡉࡋࡇ . ࡅࡗ ࡀࡌࡓࡉࡕࡅࡍ ࡊࡅࡋࡄࡉࡍ ࡍࡉࡔࡌࡀࡕࡀ ࡖࡀࡁࡀࡄࡀࡕࡀࡍ ࡈࡀࡁࡉࡀ ࡓࡔࡉࡌࡀ ࡁࡓࡅࡔࡌࡀ ࡖࡄࡉࡉࡀ
446	ࡊࡅࡋࡄࡉࡍ ࡂࡉࡍࡆࡉࡀ ࡖࡏࡕࡋࡇ ࡋࡍࡉࡔࡉࡌࡕࡀ ࡅࡋࡃࡉࡋࡊࡅࡍ ࡁࡉࡄࡃࡀࡃࡉࡀ ࡋࡀࡐࡕࡉࡍࡅࡍ ࡅࡄࡀࡃ ࡓࡅࡔࡌࡀ ࡏࡕࡀࡕࡍࡀ ࡏࡋࡀࡅࡀࡉࡄࡅࡍ . ࡅࡗ
447	ࡄࡀࡃ ࡄࡀࡃ ࡍࡉࡔࡉࡌࡕࡀ ࡓࡀࡔࡌࡉࡕࡅࡍ ࡅࡄࡀࡃ ࡄࡀࡃ ࡓࡀࡆࡀ ࡀࡌࡓࡉࡕࡅࡍ ࡋࡌࡀࡓࡇ ࡀࡎࡐࡀࡓࡕࡅࡍ . ࡅࡗ ࡀࡌࡓࡉࡕࡅࡍ ࡋࡁࡀࡕࡓࡀ^ࡉ^ࡉࡀ
448	ࡅࡔࡅࡌࡀ ࡖࡄࡉࡉࡀ ࡅࡔࡅࡌࡀ ࡖࡌࡀࡍࡃࡀ ࡖࡄࡉࡉࡀ ࡌࡀࡃࡊࡀࡓ ࡏࡋࡀࡅࡀࡉࡉࡍ ࡉࡀࡅࡀࡓ ࡆࡉࡅࡀ ࡄࡀࡍࡀࡕࡇ ࡏࡎࡒࡕࡀ ࡖࡌࡀࡎࡒࡀࡋࡇ ࡌࡍ
449	ࡄࡉࡑࡉࡓࡇ ^ࡅࡁ^ࡕࡋࡀࡕࡀ ࡓࡅࡔࡌࡉࡀ {{ࡄࡀࡊࡀ ࡄࡀ^ࡌࡉࡁࡉ^ ࡌࡉࡕࡁࡉࡄࡓࡉࡍ}} ࡉࡀࡒࡓࡉࡀ ࡓࡀࡔ^ࡉ^ࡌࡋࡅࡍ ࡀࡌࡉࡍࡈࡅࡋ ࡖࡊࡅࡋࡄࡅࡍ ࡓࡅࡔࡌࡉࡀ ࡄࡀࡊࡀ ࡌࡉࡕࡁࡉࡄࡓࡉࡍ
450	ࡅࡌࡉࡕࡄࡉࡕࡌࡉࡍ . ࡅࡗ ࡕࡋࡀࡕࡀ ࡓࡅࡔࡌࡉࡀ ࡖࡋࡓࡉࡔࡀ ࡖࡏࡍࡂࡉࡓࡕࡀ ࡄࡕࡉࡌ ࡄࡉࡍࡅࡍ ࡑࡉࡋࡌࡉࡀ ࡓࡅࡓࡁࡉࡀ ࡖࡆࡉࡅࡀ ࡖࡏࡋ ࡏࡎࡒࡕࡀ
451	ࡄࡀࡊࡀ ࡉࡀࡒࡉࡓࡕࡀ ࡊࡕࡉࡁࡀ ࡅࡕࡋࡀࡕࡀ ࡊࡅࡋࡄࡉࡍ ࡁࡉࡕࡋࡀࡕ ࡑࡁࡀࡕࡀ ࡄࡀࡕࡌࡀ ࡖࡁࡈࡉࡍࡀ ࡃࡀࡊࡉࡀ ࡖࡏࡋ ࡓࡉࡔࡀ ࡖࡔࡉࡔࡀ ࡖ
452	ࡌࡉࡔࡀ ࡃࡀࡊࡉࡀ ࡌࡉࡕࡄࡉࡕࡌࡉࡀ ࡀࡌࡉࡍࡈࡅࡋ ࡖࡌࡀࡎࡉࡒࡕࡀࡉࡊࡅࡍ ࡏࡍࡂࡉࡓࡕࡀ ࡄࡏ ࡅࡏࡍࡂࡉࡓࡕࡀࡉࡊࡅࡍ ࡌࡀࡎࡉࡒࡕࡀ ࡄࡏ ࡅࡌࡀࡑࡁࡅࡕࡀ
453	ࡅࡓࡀࡄࡌࡉࡀ ࡅࡊࡅࡋࡄࡅࡍ ࡂࡉࡍࡆࡉࡀ ࡏࡍࡂࡉࡓࡕࡀ ࡄࡏ ࡖࡋࡀࡉࡉࡕ ࡌࡉࡍࡇ ࡂࡀࡁࡉࡓ ࡅࡌࡀࡈࡀࡓࡀࡉࡉࡀ ࡊࡅࡋࡄࡉࡍ ࡃࡀࡄࡋࡉࡋࡇ . ࡅࡗ ࡀࡓࡁࡀ
454	ࡂࡅࡁࡓࡉࡀ ࡁࡍࡉࡀ ࡔࡋࡀࡌࡀ ࡀࡌࡓࡉࡕࡅࡍ ࡀࡓࡁࡀ ࡊࡅࡔࡈࡉࡀ ࡋࡀࡁࡀࡕࡅࡓ ࡍࡉࡔࡉࡌࡕࡀ ࡉࡀࡄࡉࡁࡋࡇ ࡖࡄࡉࡍࡅࡍ ࡌࡀࡐࡓࡀࡔ ࡏࡋࡀࡅࡀࡉࡄࡅࡍ
455	ࡁࡄࡀࡃ ࡃࡅࡊࡕࡀ ࡁࡃࡉࡍࡁࡀ ࡖࡗ ࡀࡌࡓࡉࡕࡅࡍ ࡀࡔࡀࡓ ࡑࡁࡀ ࡑࡀࡁࡅࡄࡀ ࡁࡉࡀࡋࡅࡆࡀ ࡉࡀࡋࡅࡆ ࡀࡉࡍࡀࡉࡄࡅࡍ ࡄࡀࡌࡀࡌࡅࡋࡀࡉ ࡄࡀࡋࡉࡍ
456	ࡔࡅࡁࡀ ࡐࡅࡂࡃࡀࡌࡉࡀ ࡖࡀࡍࡀࡕࡅࡍ ࡔࡅࡁࡀ ࡕࡀࡓࡌࡉࡃࡉࡀ ࡖࡌࡀࡎࡉࡒࡕࡀ ࡄࡀࡆࡉࡍ ࡖࡒࡀࡓࡉࡕࡅࡍ ࡖࡄࡉࡍࡅࡍ ࡖࡄࡉࡍࡅࡍ ࡔࡀࡁࡀ ࡌࡀࡍࡏ
457	ࡖࡀࡁࡀࡄࡀࡕࡀࡍ ࡄࡉࡍࡅࡍ ࡅࡀࡄࡊࡀ ࡓࡀ<ࡅ>ࡆࡀ ࡍࡉࡔࡉࡌࡕࡀ ࡁࡂࡀࡅࡀࡉࡊࡅࡍ ࡃࡉࡋࡊࡅࡍ ࡌࡉࡕࡋࡀࡁࡔࡀ ࡅࡀࡌࡓࡀࡋࡊࡅࡍ ࡀࡍࡀ ࡌࡍ ࡃࡉࡋࡊࡅࡍ ࡋࡀࡏࡐࡅࡒ
458	. ࡅࡗ ࡑࡁࡉࡍࡀ ࡁࡔࡅࡌࡀ ࡖࡄࡉࡉࡀ ࡀࡌࡓࡉࡕࡅࡍ ࡗ ࡔࡀࡄࡋࡀࡋࡀ ࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡋࡉࡋࡁࡅࡔ ࡐࡀࡂࡓࡉࡀ
459	ࡋࡀࡁࡔࡀ ࡋࡁࡅࡔࡀ ࡖࡄࡉࡉࡀ ࡅࡌࡉࡃࡀࡌࡉࡀ ࡁࡀࡃࡌࡅ ࡄࡉࡉࡀ ࡓࡁࡉࡀ ࡁࡀࡍࡄࡅࡓࡀ ࡏࡃࡀࡉࡊࡅࡍ ࡄࡀࡊࡀ ࡋࡌࡀࡃࡁࡇ ࡍࡀࡈࡓࡉࡕࡅࡍ ࡖ
460	ࡀࡊࡅࡀࡕ ࡓࡅࡄࡀ ࡁࡓࡅࡄࡀ ࡄࡅࡀࡉࡕࡅࡍ . ࡀࡌࡉࡍࡈࡅࡋ ^ࡖ^ࡌࡀࡃࡁࡇ ࡓࡅࡄࡀ ࡅࡀࡃࡀࡉࡀࡕࡀ ࡖࡑࡁࡉࡍࡀ ࡁࡔࡅࡌࡀ ࡖࡄࡉࡉࡀ ࡖࡍࡉࡔࡉࡌࡕࡀ
461	ࡄࡅ ࡏࡅ ࡀࡌࡓࡉࡕ ࡁࡌࡀ ࡃࡁࡇ ࡓࡅࡄࡀ ࡄࡅ ࡅࡀࡃࡉࡀࡕࡀ ࡑࡁࡉࡍࡀ ࡁࡔࡅࡌࡀ ࡖࡄࡉࡉࡀ ^ࡖ^ࡍࡉࡔࡉࡌࡕࡀ ࡄࡅ ࡏࡅ ࡀࡌࡓࡉࡕ ࡁࡌࡀࡃࡁࡇ
462	ࡄࡀࡊࡀ ࡋࡍࡉࡔࡉࡌࡕࡀ ࡀࡃࡉࡕࡅࡍ ࡅࡍࡀࡈࡓࡉࡕ ࡏࡃࡀࡊ ࡁࡌࡀࡃࡁࡇ ࡄࡀࡊࡀ ࡁࡀࡉࡉࡕ ࡖࡕࡉࡍࡈࡀࡓ ࡖࡋࡁࡅࡔࡀࡉ^ࡀࡍ^{{ࡄࡅࡍ}} ࡗ ࡄࡃࡀࡃࡉࡀ
463	ࡍࡀࡈࡓࡉࡀ ࡅࡌࡀࡒࡀࡉࡌࡉࡋࡉࡍ ࡄࡉࡍࡅࡍ ࡁࡂࡀࡅࡇ ࡍࡀࡄࡓࡉࡍ . ࡅࡗ ࡌࡉࡔࡕࡀࡕࡀ ࡁࡁࡀࡅࡀࡕࡊࡅࡍ ࡅࡁࡓࡇ ࡀࡍࡀ ࡖࡌࡍ ࡌࡀࡍࡀ
464	ࡎࡌࡉࡓࡀ ࡀࡌࡓࡉࡕࡅࡍ ࡅࡍࡀࡈࡓࡉࡕࡅࡍ ࡁࡃࡉࡍࡁࡀ ࡖࡁࡅࡕࡀ ࡄࡀࡆࡉࡍ ࡏࡃࡀࡉࡊࡅࡍ ࡅࡋࡀࡌࡓࡉࡕࡅࡍ ࡀࡃࡀࡉࡀࡕࡀ ࡄࡀࡆࡉࡍ ࡄࡀࡍࡀࡕ{{ࡇ}}^ࡀ^ ࡋࡁࡅࡔࡀ
465	ࡖࡋࡀࡁࡔࡀࡍ ࡋࡍࡉࡔࡉࡌࡕࡀ ࡄࡀࡊࡀ ࡈࡀࡐࡉࡋࡇ ࡆࡉࡅࡀ ࡋࡄࡀࡃ ࡕࡓࡉࡍ ࡅࡌࡅࡌࡀ ࡁࡂࡀࡅࡇ ࡋࡀࡑࡀࡉࡀࡓ ࡏࡅ ࡌࡀࡃࡉࡕࡅࡍ ࡁࡂࡀࡅࡇ ࡌࡅࡌࡀ
466	ࡊࡀࡃࡉࡓࡀ ࡁࡏࡑࡈࡅࡍࡇ ࡄࡀࡍࡀࡕࡇ ࡌࡉࡕࡀࡕࡍࡀࡋࡇ ࡅࡗ ࡀࡍࡀࡕࡅࡍ ࡅࡌࡀࡓࡉࡀ ࡀࡃࡉࡀࡅࡓࡇ ࡋࡅࡀࡕ ࡄࡃࡀࡃࡉࡀ ࡓࡀࡔࡌࡉࡕࡅࡍ ࡍࡉࡔࡌࡀࡕࡊࡅࡍ
467	ࡅࡀࡋࡌࡀ ࡋࡄࡀࡊࡀ ࡎࡀࡉࡊࡉࡕࡅࡍ ࡌࡀࡎࡉࡒࡕࡀ ࡅࡁࡀࡉࡉࡕࡅࡍ ࡌࡉࡌࡀࡓ ࡏࡍࡂࡉࡓࡕࡀ ࡋࡀࡅࡐࡀ ࡅࡆࡀࡊࡅࡕࡀ ࡀࡕࡀࡋࡇ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ
468	ࡅࡋࡍࡉࡔࡌࡀࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡓࡀࡆࡀ ࡓࡀࡆࡀ ࡋࡌࡀࡓࡇ ࡀࡎࡐࡀࡓࡕࡇ ࡗ ࡖࡍࡀࡉࡀ ࡅࡔࡀࡐࡉࡓࡀ ࡏࡋࡇ . ࡅࡗ ࡏࡍࡂࡉࡓࡕࡀ ࡌࡎࡀࡉࡊࡉࡕࡅࡍ
469	ࡅࡀࡌࡓࡉࡕࡅࡍ ࡅࡁࡃࡉࡍࡁࡀ ࡌࡀࡃࡉࡕࡅࡍ ࡕࡋࡀࡕ ࡀࡃࡀࡉࡀࡕࡀ ࡋࡓࡅࡄࡀ ࡌࡍ ࡍࡉࡔࡉࡌࡕࡀ ࡀࡎࡀࡓࡕࡅࡍ ࡅࡕࡋࡀࡕࡀ ࡄࡀࡕࡌࡉࡀ ࡈࡀࡁࡉࡀ ࡏࡋࡀࡅࡀࡉࡄࡅࡍ
470	ࡏࡕࡀࡕࡍࡀ . ࡅࡗ ࡕࡌࡀࡍࡉࡀ ࡊࡅࡋࡀࡉࡊࡅࡍ ࡌࡎࡀࡉࡊࡉࡕࡅࡍ ࡅࡌࡐࡀࡋࡈࡉࡕࡅࡍ ࡋࡐࡉࡄࡕࡀࡉࡊࡅࡍ ࡌࡍ ࡊࡋࡉࡋࡀ ࡖࡄࡏ ࡋࡉࡁࡀ ࡂࡀࡅࡀࡉࡀ ࡖࡁࡂࡅ
471	ࡄࡃࡀࡃࡉࡀ ࡕࡓࡉࡑ ࡅࡐࡀࡓࡕࡉࡕࡅࡍ ࡐࡓࡀࡕࡀ ࡌࡍ ࡐࡀࡈࡉࡓࡀࡉࡊࡅࡍ ࡏࡋࡀࡉࡉࡀ ࡖࡄࡅ ࡐࡅࡌࡀ ࡋࡍࡉࡔࡉࡌࡕࡀ ࡐࡕࡀࡄࡕࡅࡍ . ࡅࡗ ࡐࡀࡋࡂࡀ
472	ࡖࡁࡇ ࡍࡀࡎࡁࡉࡕࡅࡍ ࡅࡐࡉࡄࡕࡀ ࡁࡂࡅ ࡐࡉࡄࡕࡀ ࡌࡀࡕࡍࡉࡕࡅࡍ ࡓࡅࡄࡀ ࡅࡍࡉࡔࡉࡌࡕࡀ ࡅࡐࡀࡂࡓࡀ ࡕࡀࡒࡍࡉࡀ ࡁࡉࡄࡃࡀࡃࡉࡀ . ࡅࡗ ࡌࡉࡀ ^ࡁࡄࡀࡌࡓࡀ^ ࡌࡀࡓࡁࡉࡕࡅࡍ
473	ࡓࡀࡆࡀ ࡓࡁࡀ ࡁࡓࡀࡆࡀ ࡖࡌࡀࡓࡁࡀ ࡀࡓࡉࡁࡕࡅࡍ ࡖࡄࡏ ࡍࡉࡔࡉࡌࡕࡀ ࡌࡉࡍࡀࡉࡅࡍ ࡏࡑࡈࡀࡓࡀࡓ . ࡅࡗ ࡋࡐࡉࡄࡕࡀ ࡕࡀࡓࡕࡉࡍࡅࡍ ࡅࡁࡇ
474	ࡁࡂࡀࡅࡀࡉࡄࡅࡍ ࡖࡄࡀࡌࡓࡀ ࡅࡌࡉࡀ ࡀࡕࡍࡀࡕࡅࡍ ࡋࡄࡀࡊࡀ ࡍࡉࡔࡉࡌࡕࡀ ࡅࡌࡀࡎࡉࡒࡕࡀ ࡖࡒࡀࡓࡉࡕࡅࡍ ࡁࡂࡀࡅࡀࡉࡅࡍ ࡀࡁࡀ ࡅࡏࡌࡀ ࡖ
475	ࡄࡉࡍࡅࡍ ࡄࡀࡌࡓࡀ ࡅࡌࡉࡀ ࡏࡕࡋࡀࡁࡀࡔࡕࡅࡍ . ࡅࡗ ࡁࡉࡄࡓࡇ ࡉࡅࡊࡀࡔࡀࡓ ࡋࡉࡁࡓࡀࡉࡀ ࡀࡌࡓࡉࡕࡅࡍ ࡀࡁࡀࡕࡅࡓ ࡖࡄࡅ ࡉࡅࡊࡀࡔࡀࡓ
476	ࡋࡍࡉࡔࡉࡌࡕࡀ ࡖࡄࡏ ࡁࡓࡀࡉࡀ ࡖࡁࡀࡄࡀࡓࡋࡇ ࡌࡍ ࡄࡀࡈࡀࡉࡉࡀ . ࡅࡗ ࡌࡀࡋࡉࡋ ࡅࡐࡕࡀ ࡄࡉࡉࡀ ࡓࡁࡉࡀ ࡐࡅࡌࡀࡉࡄࡅࡍ ࡀࡌࡓࡉࡕࡅࡍ
477	ࡅࡌࡐࡀࡋࡈࡉࡕࡅࡍ ࡐࡀࡍࡃࡀࡌࡀࡉࡊࡅࡍ ࡅࡀࡊࡋࡉࡕࡅࡍ ࡐࡉࡄࡕࡀࡉࡊࡅࡍ ࡅࡔࡀࡕࡉࡕࡅࡍ ࡄࡀࡌࡓࡀࡉࡊࡅࡍ ࡅࡌࡄࡀࡋࡉࡋࡉࡕࡅࡍ ࡋࡉࡎࡌࡀࡋࡀࡉࡊࡅࡍ ࡌࡉࡔࡀ
478	ࡔࡐࡉࡍࡆࡀ ࡈࡀࡁࡀ ࡄࡀࡊࡀ ࡋࡍࡉࡔࡉࡌࡕࡀ ࡁࡉࡆࡅࡀࡃࡉࡀ ࡏࡄࡀࡁࡕࡅࡋࡇ . ࡅࡗ ࡓࡉࡄࡀ ࡋࡍࡅࡓࡀ ࡓࡀࡌࡉࡕࡅࡍ ࡅࡀࡌࡓࡉࡕࡅࡍ ࡏࡕࡉࡀࡓ ࡌࡉࡀ
479	ࡄࡉࡉࡀ ࡋࡉࡔࡊࡉࡍࡀࡕࡅࡍ ࡅࡒࡀࡉࡌࡉࡕࡅࡍ ࡏࡋ ࡋࡉࡂࡓࡀࡉࡊࡅࡍ ࡓࡅࡄࡀ ࡅࡍࡉࡔࡉࡌࡕࡀ ࡌࡀࡆࡉࡆ ࡖࡄࡏ ࡌࡉࡕࡀࡉࡓࡀ ࡅࡎࡀࡁࡀ . ࡅࡗ ࡓࡉࡄࡀ
480	ࡖࡁࡀࡎࡉࡌ ࡀࡌࡓࡉࡕࡅࡍ ࡂࡉࡍࡕࡀ ࡖࡓࡉࡄࡀࡍࡉࡀ ࡋࡉࡀࡌࡉࡍࡇ ࡖࡍࡉࡔࡉࡌࡕࡀ ࡌࡉࡑࡈࡀࡓࡀࡓࡀ . ࡗ ࡌࡔࡀࡁࡉࡍ ࡄࡉࡉࡀ ࡒࡀࡃࡌࡀࡉࡉࡀ
481	ࡀࡌࡓࡉࡕࡅࡍ ࡏࡋ ࡂࡉࡍࡆࡀࡉࡊࡅࡍ ࡊࡅࡋࡇ ࡒࡀ^ࡉ^ࡉࡌࡕࡅࡍ . ࡅࡗ ࡏࡕࡌࡋࡅࡍ ࡄࡉࡉࡀ ࡅࡔࡊࡉࡍࡉࡀ ࡄࡉࡉࡀ ࡀࡌࡓࡉࡕࡅࡍ ࡐࡀࡕࡅࡓࡀ ࡒࡅࡃࡀࡌ
482	ࡍࡉࡔࡌࡀࡕࡊࡅࡍ ࡃࡊࡀࡓࡕࡅࡍ ࡅࡕࡓࡀࡑࡕࡅࡍ . ࡅࡗ ࡊࡋࡉࡋ ࡀࡋࡌࡉࡀ ࡔࡀࡄࡉࡀ{{ࡀ}} ࡀࡌࡓࡉࡕࡅࡍ . ࡅࡗ ࡀࡋࡌࡉࡀ ࡁࡌࡉࡔࡀ ࡔࡉࡄࡉࡀ ࡀࡌࡓࡉࡕࡅࡍ
483	ࡏࡍࡂࡉࡓࡕࡀ ࡅࡌࡀࡎࡉࡒࡕࡀ ࡅࡌࡀࡑࡁࡅࡕࡀ ࡅࡊࡅࡋࡄࡅࡍ ࡓࡀࡆࡉࡀ ࡆࡉࡅࡀࡉࡄࡅࡍ ࡁࡀࡉࡀࡓ ࡃࡀࡄࡍࡀ . ࡅࡗ ࡁࡆࡉࡅ ࡖࡍࡐࡉࡔ ࡑࡁࡉࡍࡀ ࡀࡌࡓࡉࡕࡍ
484	ࡏࡅࡑࡈࡋࡉࡀ ࡖࡆࡉࡅࡀ ࡅࡍࡄࡅࡓࡀ ࡋࡄࡀࡍࡀࡕࡀ ࡍࡉࡔࡉࡌࡕࡀ ࡖࡒࡀࡓࡉࡕࡅࡋࡇ ࡅࡌࡉࡕࡋࡀࡁࡔࡉࡍ ࡋࡄࡀࡃ ^ࡀ^ࡓࡁࡉࡍ . ࡅࡗ ࡔࡊࡉࡍࡉࡀ ࡄࡉࡉࡀ ࡁࡆࡉࡅࡀࡉࡄࡅࡍ
485	ࡅࡍࡄࡅࡓࡀࡉࡄࡅࡍ ࡀࡌࡓࡉࡕࡅࡍ ࡅࡗ ࡏࡕࡓࡀࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡁࡀࡕࡓࡀ ࡖࡈࡀࡁࡉࡀ ࡌࡕࡒࡀࡉࡌࡉࡀ ࡀࡌࡓࡉࡕࡅࡍ ࡌࡀࡋࡀࡋࡀ
486	ࡋࡍࡉࡔࡉࡌࡕࡀ ࡌࡉࡕࡄࡉࡁࡋࡇ ࡁࡊࡅࡋ ࡌࡀࡄࡅ ࡖࡁࡀࡉࡀ{{ࡀ}} . ࡅࡗ ࡌࡊࡀࡋࡀࡋࡍࡀ ࡅࡔࡀࡊࡉࡁࡍࡀ ࡀࡌࡓࡉࡕࡅࡍ ࡓࡅࡄࡀ ࡅࡍࡉࡔࡉࡌࡕࡀ ࡊࡅࡔࡈࡀ
487	ࡌࡍ ࡄࡀࡃࡀࡃࡉࡀ ࡐࡀࡔࡈࡉࡀ . ࡅࡗ ࡌࡉࡍࡇ ࡅࡌࡍ ࡔࡀࡓࡅࡉࡀ ࡀࡌࡓࡉࡕࡅࡍ ࡌࡀࡈࡀࡓࡀࡉࡉࡀ ࡖࡄࡉࡍࡅࡍ ࡏࡅࡁࡀࡃࡉࡀ ࡎࡀࡉࡍࡉࡀ ࡖ
488	ࡍࡉࡔࡌࡀࡕࡀ ࡓࡅࡄࡀ ࡀࡁࡀࡃ . ࡅࡗ ࡁࡉࡍࡉࡀ ࡊࡉࡎࡉࡀ ࡋࡆࡉࡅࡀ ࡀࡌࡓࡉࡕࡅࡍ ࡏࡅࡕࡓࡉࡀ ࡖࡍࡄࡅࡓࡀ ࡌࡔࡀࡉࡋࡉࡀ ࡋࡄࡀࡍࡀࡕࡀ ࡍࡉࡔࡉࡌࡕࡀ
489	ࡖࡓࡉࡃࡐࡀ ࡌࡀࡈࡉࡋࡇ . ࡅࡗ ࡍࡉࡀࡄࡀ ࡅࡔࡀࡋࡌࡀ ࡀࡌࡓࡉࡕࡅࡍ ࡊࡅࡋࡄࡅࡍ ࡌࡀࡈࡀࡓࡀࡉࡉࡀ ࡀࡉࡋࡉࡍ ࡏࡋ ࡄࡉࡋࡁࡅࡍࡅࡍ ࡌࡍ ࡒࡅࡃࡀࡌ
490	ࡍࡉࡔࡉࡌࡕࡀ ࡄࡀࡊࡀ ࡌࡉࡎࡕࡀࡌࡓࡉࡀ . ࡅࡗ ࡏࡓࡅࡕࡀࡉ ࡅࡕࡅࡔࡁࡉࡄࡕࡀࡉ ࡀࡌࡓࡉࡕࡅࡍ ࡋࡄࡀࡐࡉࡒࡉࡀ ࡌࡉࡀ ࡋࡍࡉࡔࡉࡌࡕࡀ ࡀࡁࡀࡓࡕࡅࡍࡇ
491	. ࡅࡗ ࡏࡆࡉࡋ ࡁ^ࡉ^ࡔࡋࡀࡌ ࡁࡄࡉࡓࡀ ࡃࡀࡊࡉࡀ ࡀࡌࡓࡉࡕࡅࡍ ࡔࡉࡁࡉࡀࡄࡉࡀ}} ࡒࡀࡉࡌࡉࡀ ࡅࡀࡌࡓࡉࡀ ࡖࡀࡆࡋࡀࡕ ࡅࡀࡍࡉࡍ ࡋࡀࡉࡀࡃࡀࡍࡉࡀ ࡏࡋࡇ . ࡅࡗ
492	ࡌࡀࡍࡀ ࡁࡂࡉࡍࡆࡀ ࡄࡀࡃࡉࡀ ࡅࡈࡅࡁࡀࡊ ࡈࡅࡁࡀࡊ ࡍࡉࡔࡌࡀ ࡀࡌࡓࡉࡕࡅࡍ ࡅࡄࡀࡁࡔࡀࡁࡀ ࡅࡊࡅࡔࡈࡀ ࡅࡆࡉࡃࡒࡀ ࡀࡌࡓࡉࡕࡅࡍ ࡋࡄࡉࡁࡉࡋ
493	ࡅࡔࡉࡕࡉࡋ ࡅࡀࡍࡅࡔ ࡀࡎࡐࡀࡓࡕࡋࡅࡍ . ࡅࡗ ࡆࡉࡃࡀࡍࡀ ࡅࡌࡆࡀࡅࡃࡀࡍࡀ ࡀࡌࡓࡉࡕࡅࡍ ࡍࡉࡔࡉࡌࡕࡀ ࡁࡓࡀࡄࡌࡉࡀ ࡒࡀࡉࡌࡀ . ࡅࡗ ࡎࡋࡉࡒ
494	ࡅࡀࡎࡒࡀࡍ ࡌࡉࡍࡇ ࡀࡌࡓࡉࡕࡅࡍ ࡌࡍ ࡄࡀࡊࡀ ࡀࡋࡌࡀ ࡋࡄࡀࡊ ࡀࡋࡌࡉࡀ ࡖࡍࡄࡅࡓࡀ ࡎࡀࡋࡒࡀ . ࡅࡗ ࡉࡅࡌࡀ ࡖࡍ^ࡀ^ࡐࡉࡒ ࡍࡉࡔࡌࡀ
495	ࡀࡌࡓࡉࡕࡅࡍ ࡄࡀࡍࡀࡕࡅࡍ ࡎࡀࡄࡃࡉࡀ ࡖࡎࡀࡄࡃࡉࡍ ࡋࡍࡉࡔࡉࡌࡕࡀ ࡄࡀࡃࡓࡉࡀ ࡅࡍࡀࡐࡔࡀࡉࡄࡅࡍ ࡌࡉࡕࡊࡀࡃࡁࡉࡀ . ࡅࡗ ࡏࡕࡓࡉࡑࡕࡅࡍ
496	ࡅࡏࡕࡒࡀࡉࡀࡌࡕࡅࡍ ࡅࡗ ࡁࡓࡉࡊࡉࡀ ࡅࡌࡔࡀࡁࡉࡀ ࡄࡉࡉࡀ ࡖࡍࡉࡔࡌࡀࡕࡀ ࡀࡌࡓࡉࡕࡅࡍ ࡊࡋࡉࡋࡉࡀ ࡖࡆࡉࡅࡀ ࡋࡍࡉࡔࡉࡌࡕࡀ ࡁࡓࡉࡔࡇ ࡌࡉࡕࡓࡉࡑࡋࡇ
497	. ࡅࡗ ࡁࡉࡍࡕࡀ ࡖࡁࡀࡉࡍࡉࡀ ࡄࡉࡉࡀ ࡀࡌࡓࡉࡕࡅࡍ ࡊࡅࡋࡄࡅࡍ ࡓࡉࡄࡀࡍࡉࡀ ࡅࡏࡋࡀࡍࡉࡀ ࡈࡀࡁࡉࡀ ࡅࡈࡀࡁࡀࡅࡀࡕࡀ ࡋࡅࡀࡕࡇ ࡖࡍࡉࡔࡉࡌࡕࡀ ࡌࡉࡕࡒࡀࡓࡁࡉࡍ
498	. ࡅࡗ ࡁࡓࡉࡊࡉࡀ ࡅࡌࡔࡀࡁࡉࡀ ࡄࡉࡉࡀ ࡓࡀࡁࡕࡉࡀ ࡒࡀࡓࡉࡕࡅࡍ ࡄࡀࡉࡋࡀ ࡅࡔࡓࡀࡓࡀ ࡋࡍࡉࡔࡉࡌࡕࡀ ࡌࡉࡕࡄࡉࡁࡋࡇ ࡅࡗ ࡀࡌࡓࡉࡕࡅࡍ ࡁࡓࡉࡊ
499	ࡒࡀࡋࡀ ࡖࡄࡉࡉࡀ ࡅࡌࡀࡓࡁࡉࡊࡉࡕࡅࡍ ࡅࡀࡌࡓࡉࡕࡅࡍ ࡈࡀࡁ ࡈࡀࡁࡀ ࡋࡈࡀࡁࡇ ࡅࡄࡀࡈࡀࡉࡉࡇ ࡀࡁࡃࡉࡕࡅࡍ ࡋࡍࡉࡔࡉࡌࡕࡀ ࡄࡀࡊࡀ ࡀࡁࡀ ࡓࡁࡀ
500	ࡖࡏࡒࡀࡓࡀ ࡓࡀࡄࡌࡉࡀ ࡅࡏࡓࡅࡕࡀ ࡓࡀࡁࡕࡉࡀ ࡉࡀࡄࡉࡁࡋࡇ . ࡅࡗ ࡁࡄࡀࡆࡀ ࡌࡀࡎࡉࡒࡕࡀ ࡖࡀࡁࡀࡄࡀࡕࡀ ࡅࡃࡀࡁࡀࡄࡀࡕࡀࡍ ࡒࡀࡃࡌࡀࡉࡉࡀ
501	ࡔࡀࡁࡉࡒ ࡄࡀࡈࡀࡉࡉࡀ ࡀࡌࡓࡉࡕࡅࡍ ࡅࡗ ࡁࡀࡉࡉࡕࡅࡍ ࡓࡀࡄࡌࡉࡀ ࡎࡀࡃࡓࡉࡕࡅࡍ ࡄࡉࡍࡏࡋࡀ ࡋࡍࡉࡔࡉࡌࡕࡀ ࡄࡀࡊ ࡀࡌࡀࡓ ࡅࡀࡌࡅࡓ ࡋࡃࡉࡋࡅࡍ
502	ࡅࡋࡆࡀࡅࡀࡉࡅࡍ ࡅࡋࡔࡉࡕࡋࡀࡉࡄࡅࡍ ࡅࡋࡕࡀࡓࡌࡉࡃࡀࡉࡄࡅࡍ ࡄࡀࡆࡀ ࡌࡀࡎࡉࡒࡕࡀ ࡀࡁࡀࡃ ࡀࡌࡉࡍࡈࡅࡋ ࡖࡏࡋࡀࡍࡉࡀ . ࡅࡗ ࡒࡀࡓࡉࡕࡅࡍ ࡅࡔࡅࡋࡕࡀ
503	ࡔࡀࡉࡋࡉࡕࡅࡍ ࡊࡅࡋࡄࡅࡍ ࡄࡀࡈࡀࡉࡉࡀ ࡌࡉࡕࡂࡀࡌࡓࡉࡀ ࡏࡋࡇ . ࡅࡗ ࡊࡅࡔࡈࡀ ࡐࡀࡔࡈࡉࡕࡅࡍ ࡌࡍ ࡄࡃࡀࡃࡉࡀ ࡅࡀࡌࡓࡉࡕࡅࡍ ࡏࡅࡕࡓࡉࡀ ࡀࡄࡀࡉ
504	ࡁࡀࡎࡉࡌ ࡓࡉࡄࡀࡉࡊࡅࡍ . ࡅࡗ ࡔࡊࡀࡍ ࡄࡉࡉࡀ ࡔࡊࡉࡍࡕࡀ ࡀࡌࡓࡉࡕࡅࡍ ࡅࡗ ࡁࡉࡍࡕࡀ ࡖࡁࡀࡉࡍࡉࡀ ࡄࡉࡉࡀ ࡀࡌࡓࡉࡕࡅࡍ ࡅࡗ ࡊࡁࡉࡔ ࡄࡔࡅࡊࡀ
505	ࡁࡏࡅࡌࡇ ࡀࡌࡓࡉࡕࡅࡍ ࡏࡅࡓ ࡌࡀࡓࡇ ࡖࡄࡔࡅࡊࡀ ࡁࡎࡉࡍࡉࡀࡉࡅࡎ ࡀࡓࡒࡀ ࡕࡉࡕࡀࡉࡕࡀ ࡌࡉࡕࡉࡊࡁࡉࡔ . ࡅࡗ ࡁࡆࡉࡅ ࡖࡍࡐࡉࡔ ࡑࡁࡉࡍࡀ
506	ࡀࡌࡓࡉࡕࡅࡍ ࡄࡉࡍࡉࡋࡀ ࡒࡀࡉࡀࡌࡕࡀ ࡖࡓࡀࡄࡌࡉࡀ ࡒࡀࡓࡉࡕࡅࡍ ࡁࡄࡀࡆࡀ ࡌࡀࡎࡉࡒࡕࡀ . ࡅࡗ ࡀࡌࡓࡉࡕࡅࡍ ࡄࡉࡉࡀ ࡒࡉࡓࡉࡅࡀ ࡋࡉࡀࡅࡀࡓ ࡆࡉࡅࡀ
507	ࡃࡓࡀࡁࡔࡀ ࡄࡉࡅࡀࡓࡀ ࡌࡉࡕࡉࡍࡂࡉࡃࡋࡇ ࡋࡄࡀࡊ ࡍࡉࡔࡉࡌࡕࡀ ࡖࡌࡀࡎࡉࡒࡕࡀ ࡌࡉࡕࡉࡒࡓࡉࡋࡇ ࡖࡊࡅࡋ ࡏࡌࡀࡕ ࡖࡁࡀࡉࡉࡕࡅࡍ ࡌࡉࡒࡓࡉࡋࡇ
508	ࡌࡀࡎࡉࡒࡕࡀ ࡁࡆࡉࡅࡇ ࡖࡃࡓࡀࡁࡔࡀ ࡄࡀࡍࡀࡕࡇ ࡒࡀࡉࡌࡉࡀ ࡅࡁࡂࡀࡅࡇ ࡖࡃࡓࡀࡁࡔࡀ ࡄࡀࡃࡉࡀ ࡅࡐࡀࡓࡉࡀ ࡅࡌࡉࡕࡐࡀࡓࡐࡉࡀ ࡅࡕࡀࡓࡌࡉࡃࡉࡀ
509	ࡖࡄࡀࡆࡉࡍ ࡌࡀࡎࡉࡒࡕࡀ ࡒࡀࡓࡉࡍ ࡁࡑࡉࡋࡅࡕࡀ ࡅࡍࡉࡄࡅࡕࡀ ࡅࡆࡉࡄࡓࡅࡕࡀ ࡍࡉࡒࡓࡅࡍ ࡅࡋࡀࡍࡀࡒࡓࡅࡍ ࡕࡀࡂࡀࡉࡅࡍ ࡏࡋࡇ ࡁࡎࡀࡉࡀࡊࡕࡀ ࡖࡌࡀࡎࡉࡒࡕࡀ
510	ࡅࡍࡉࡄࡉࡃࡓࡅࡍ ࡌࡍ ࡓࡉࡔ ࡅࡋࡀࡍࡀࡅࡒࡓࡅࡍ ࡕࡀࡂࡀࡉࡅࡍ ࡀࡌࡉࡍࡈࡅࡋ ࡁࡀࡋࡁࡅࡔࡀ ࡖࡍࡉࡔࡉࡌࡕࡀ ࡌࡀࡋࡁࡉࡔࡉࡋࡇ ࡀࡋࡌࡀ ࡖࡌࡍ ࡓࡀࡄࡌࡀࡉࡊࡅࡍ
511	ࡌࡒࡀࡉࡌࡉࡕࡅࡍ . ࡅࡗ ࡀࡌࡓࡉࡕࡅࡍ ࡋࡄࡉࡉࡀ ࡎࡀࡂࡉࡃࡍࡀ ࡅࡋࡌࡀࡓࡀࡉ ࡌࡀࡍࡃࡀ ࡖࡄࡉࡉࡀ ࡌࡔࡀࡁࡉࡍࡀ ࡅࡋࡄࡀࡊ ࡐࡀࡓࡑࡅࡐࡀ ࡓࡁࡀ ࡖࡏࡒࡀࡓࡀ
512	ࡖࡌࡍ ࡍࡀࡐࡔࡉࡇ ࡐࡓࡀࡔ . ࡅࡗ ࡁࡆࡄࡀࡓࡉࡀ ࡋࡄࡉࡉࡀ ࡎࡀࡂࡉࡃࡍࡀ ࡋࡕࡀࡂࡀࡉࡊࡅࡍ ࡐࡀࡓࡒࡉࡋࡅࡍ ࡓࡀࡄࡌࡀࡉࡊࡅࡍ ࡖࡌࡍ ࡄࡀࡍࡀࡕࡀ ࡍࡉࡊࡋࡀ ࡖࡔࡉࡁࡉࡀࡄࡉࡀ
513	. ࡅࡄࡀࡉࡆࡀࡊ ࡎࡀࡃࡀࡓࡉࡅࡍ ࡓࡀࡄࡌࡀࡉࡊࡅࡍ ࡀࡋࡌࡀ ࡖࡀࡕࡉ^ࡀ^ ࡄࡀࡍࡀࡕࡀ ࡀࡔࡂࡀࡍࡃࡀ ࡖࡄࡅ ࡁࡌࡀࡋࡀࡋࡀ ࡖࡁࡄࡉࡓࡉࡀ ࡆࡉࡃࡒࡀ ࡒࡀࡃࡌࡀࡉࡉࡀ ࡄࡅ
514	ࡌࡉࡀ ࡅࡐࡀࡎࡉࡌࡊࡀ ࡍࡀࡈࡀࡓ ࡄࡀࡍࡀࡕࡀ ࡔࡓࡉࡕࡀ ࡖࡌࡀࡋࡉࡋࡅࡁࡇ ࡊࡅࡋࡄࡅࡍ ࡂࡉࡍࡆ^ࡉ^ࡀ ࡐࡔࡀࡈࡉࡅࡍ ࡅࡔ^ࡀ^ࡒࡀࡋࡅࡍ ࡄࡀࡕࡌࡀ ࡅࡂࡉࡍࡆࡀ ࡀࡌࡉࡍࡈࡅࡋ
515	ࡖࡀࡔࡂࡀࡍࡃࡀ ࡍࡀࡈࡓࡀ ࡖࡊࡅࡋࡄࡅࡍ ࡂࡉࡍࡆࡉࡀ ࡅࡔࡓࡉࡕࡀ ࡅࡄࡀࡕࡌࡀ ࡖࡂࡉࡍࡆࡉࡀ ࡀࡌࡉࡍࡈࡅࡋ ࡀࡔࡂࡀࡍࡃࡀ ࡐࡀࡔࡉࡈࡋࡅࡍ ࡊࡅࡔࡈࡀ ࡌࡍ
516	ࡄࡀࡍࡀࡕࡀ ࡀࡔࡂࡀࡍࡃࡀ ࡀࡌࡉࡍࡈࡅࡋ ࡕࡌࡀࡍࡀࡉࡀ ࡓࡀࡆࡀ ࡖࡌࡀࡎࡉࡒࡕࡀ ࡄࡀࡍࡀࡕࡇ ࡖࡍࡉࡔࡉࡌࡕࡀ ࡖࡒࡀࡓࡉࡋࡇ ࡄࡉࡍࡅࡍ ࡁࡂࡀࡅࡇ ࡌࡋࡀࡁࡔࡉࡀ
517	ࡋࡁࡅࡔࡀ ࡀࡎࡓࡉࡀࡉࡀ ࡄࡀࡍࡀࡕࡀ ࡀࡔࡂࡀࡍࡃࡀ ࡄࡅ ࡅࡀࡅࡒࡀࡓࡉࡅࡍ ࡕࡀࡂࡀࡉࡅࡍ ࡅࡄࡉࡉࡀ ࡆࡀࡊࡉࡍ ࡎ ࡀ
517a	ࡎ ࡀ
518	ࡅࡄࡀࡉࡆࡀࡊ ࡀࡉࡕࡅࡍ ࡈࡉࡓࡉࡀࡍࡀ ࡅࡐࡀࡕࡅࡓࡀ ࡄࡉࡅࡀࡓࡀ ࡖࡌࡍ ࡊࡉࡀࡍࡀ ࡖࡍࡉࡔࡉࡌࡕࡀ ࡅࡌࡉࡅࡉࡀ ࡌࡍ ࡄࡀࡍࡀࡕࡇ ࡂࡉࡍࡕࡀ ࡅࡏࡋࡀࡍࡉࡀ ࡅࡄࡀࡉࡆࡀࡊ ࡋࡀࡐࡉࡅࡍ
519	ࡅࡀࡌࡀࡓࡉࡅࡍ ࡋࡀࡅࡐࡀ ࡅࡓࡅࡀࡄࡀ ࡖ^ࡄࡉࡉࡀ ࡅࡔࡀࡁࡉࡒ^ ࡄࡀࡈࡀࡉࡉࡀ ࡍࡉࡄࡅࡉࡋࡇ ࡋࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ ࡖࡌࡉࡕࡋࡉࡐ ࡁࡄࡀࡋࡉࡍ ࡌࡉࡅࡉࡀ ࡈࡀࡁࡉࡀ
520	ࡅࡃࡀࡁࡀࡄࡀࡕࡀࡍ ࡅࡓࡁࡀࡍࡀࡍ ࡅࡃࡀࡄࡀࡍ ࡅࡃࡀࡄࡅࡀࡕࡀࡍ ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡏࡋ ࡃࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ ࡅࡍࡉࡔࡌࡀࡕࡀ ࡖࡄࡀࡆࡀ
521	ࡌࡀࡎࡉࡒࡕࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ ࡅࡀࡊࡀࡋࡉࡅࡍ ࡅࡔࡕࡅࡍ ࡌࡉࡀ ࡅࡁࡓࡀࡊࡉࡅࡍ ࡋࡊࡀࡍࡀ ࡖࡆࡉࡃࡒࡀ ࡅࡐࡀࡕࡅࡓࡀ ࡅࡄࡕࡀࡌࡉࡅࡍ ࡄࡀࡕࡌࡀ ࡓࡁࡀ
522	ࡖࡄࡅ ࡉࡀࡅࡀࡓ ࡆࡉࡅࡀ ࡁࡅࡊࡓࡀ ࡁࡀࡃࡌࡅ ࡍࡉࡔࡉࡌࡕࡀ ࡖࡄࡅ ࡄࡉࡌࡉࡀࡍࡀ ࡊࡅࡋ ࡐࡀࡕࡅࡓࡀ ࡖࡄࡉࡌࡉࡀࡍࡀ ࡋࡀࡄࡃࡉࡓࡋࡇ ࡀࡉࡍࡇ ࡄࡀࡊࡀ ࡁࡌࡅࡒࡓࡇ ࡅࡋࡀࡉࡀࡃࡀ
523	ࡄࡅ ࡋࡉࡀ ࡌࡉࡆࡋࡇ ࡀࡌࡉࡍࡈࡅࡋ ࡖࡊࡀࡍࡀ ࡖࡆࡉࡃࡒࡀ ࡅࡐࡀࡕࡅࡓࡀ ࡄࡉࡌࡉࡀࡍࡀ ࡖࡊࡅࡋࡄࡅࡍ ࡂࡉࡍࡆࡉࡀ ࡄࡅ ࡎ ࡀ
523a	ࡎ ࡀ
524	ࡄࡀࡆࡉࡍ ࡄࡏ ࡌࡀࡎࡉࡒࡕࡀ ࡖࡁࡄࡉࡓࡉࡀ ࡆࡉࡃࡒࡀ ࡁࡂࡀࡅࡇ ࡎࡀࡋࡒࡉࡍ ࡋࡀࡕࡀࡓ ࡍࡄࡅࡓ ࡖࡊࡅࡋ ࡌࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡌࡉࡕࡒࡓࡉࡋࡇ ࡌࡍ ࡌࡄࡉࡕࡀ ࡖࡄࡉࡅࡉࡀ ࡅࡄࡀࡅࡉࡍࡉࡕࡀ
525	ࡅࡐࡀࡓࡒࡀࡕࡀ ࡅࡃࡅࡌ ࡃࡅࡌ ࡌࡉࡕࡐࡀࡓࡀࡒ ࡋࡍࡀࡐࡔࡉࡇ ࡀࡍࡎࡉࡕ ࡀࡍࡀ ࡀࡍࡉࡀ ࡅࡃࡀࡍࡉࡀ ࡅࡌࡓࡀࡃࡐࡀ ࡖࡓࡉࡃࡐࡅࡉࡀ ࡎࡀࡍࡀࡉࡉࡀ ࡖࡔࡀࡓࡔࡀ ࡀࡍࡎࡉࡕ ࡀࡍࡀ ࡀࡍࡉࡀ ࡅࡃࡀࡍࡉࡀ ࡀࡁࡃࡀ ࡀࡍࡀ ࡖࡊࡅࡋࡇ ࡄࡀࡈࡀࡉࡉࡀ
526	ࡅࡀࡓࡒࡀ ࡁࡉࡂࡀࡓ ^ࡖࡂࡀࡍࡆࡉࡁࡓࡉࡀ ࡅࡌࡍࡀࡔࡉࡒ ࡌࡎࡀࡍࡉࡀ ࡋࡉࡂࡓࡀࡉࡄࡅࡍ^ ࡖࡍࡀࡎࡀࡊࡉࡀ ࡅࡀࡒࡀࡐࡓࡀ ࡀࡕࡅࡕࡉࡀ ࡋࡉࡂࡓࡀࡉࡄࡅࡍ ࡖࡀࡄࡀࡉ ࡕࡀࡓࡌࡉࡃࡉࡀ ࡅࡆࡀࡅࡈࡀ ࡖࡀࡄࡀࡉ ࡕࡀࡓࡌࡉࡃࡉࡀ ࡀࡍࡀ ࡆࡉࡄࡓࡅࡍ ࡁࡓ ࡓࡁࡀࡉ ࡉࡀࡄࡉࡀ ࡌࡄࡀࡕࡀࡌ ࡁࡓ ࡀࡃࡀࡌ ࡁࡓ ࡀࡃࡀࡌ ࡉࡅࡄࡀࡍࡀ ࡁࡓ
527	ࡁࡉࡄࡓࡀࡌ ࡁࡓ ࡔࡀࡌࡎ ࡁࡓ عࡀࡆࡉࡆ ࡁࡓ ࡓࡁࡀ ࡀࡃࡀࡌ ࡁࡓ ࡓࡁࡀ ࡅࡓࡀࡌࡀ{ࡌ} ࡓࡁࡀࡉ ࡉࡀࡄࡉࡀ ࡊࡉࡍࡉࡀࡍࡇ عࡀࡆࡉࡆ ࡔࡁࡉࡒࡋࡇ ࡌࡀࡍࡃࡀ ࡖࡄࡉࡉࡀ ࡄࡀࡈࡀ^ࡉ^ࡉࡇ ࡀࡍࡎࡉࡕ ࡋࡍࡀࡐࡔࡀࡉ ࡄࡀࡅࡉࡋࡉࡀ ࡃࡀࡊࡀࡓ ࡔࡅࡌࡉࡀ ࡁࡀࡓࡒࡀ
528	ࡖࡕࡉࡁࡉࡋ ࡅࡎࡌࡀࡊࡀ ࡁࡀࡋࡌࡀ ࡖࡍࡄࡅࡓࡀ ࡅࡌࡐࡀࡓࡒࡀࡍࡀ ࡅࡌࡔࡅࡆࡁࡀࡍࡀ ࡁࡀࡕࡓࡀ ࡓࡁࡀ ࡅࡁࡃࡀࡅࡓࡀ ࡕࡀࡒࡍࡀ ࡁࡉࡕ ࡕࡅࡔࡋࡌࡉࡀ ࡀࡍࡎࡉࡕ ࡌࡍ ࡃࡉࡅࡀࡍ ࡖࡓࡁࡀࡉ ࡁࡉࡄࡓࡀࡌ ࡁࡓࡄࡉࡉࡀ ࡁࡓ ࡓࡁࡀࡉ ࡀࡃࡀࡌ ࡆࡀࡊࡉࡀ ࡁࡓ
529	ࡓࡁࡀࡉ ࡁࡓࡄࡉࡉࡀ ࡁࡓ ࡓࡁࡀࡉ ࡁࡀࡊࡕࡉࡀࡓ ࡁࡓ ࡓࡁࡀࡉ ࡀࡃࡀࡌ ࡁࡓ ࡁࡉࡄࡓࡀࡌ ࡁࡓ ࡉࡀࡄࡉࡀ ࡁࡓ ࡎࡀࡌ ࡁࡓ ࡓࡀࡌ ࡊࡉࡍࡉࡀࡍࡇ ࡊࡅࡄࡀࡉࡋࡉࡀ ࡀࡍࡎࡀ ࡋࡍࡀࡐࡔࡉࡇ ࡌࡍ ࡃࡉࡅࡀࡍ ࡓࡁࡀࡉ ࡁࡉࡄࡃࡀࡃ ^ࡁࡉࡀࡍ^ ࡁࡓ ࡀࡃࡀࡌ
530	ࡉࡅࡄࡀࡍࡀ ࡁࡓ ࡆࡉࡄࡓࡅࡍ ࡓࡉࡔ ࡃࡓࡀࡆ ࡋࡍࡀࡐࡔ ࡀࡍࡎࡀ ࡌࡍ ࡃࡉࡅࡀࡍ ࡖࡓࡁࡀࡉ ࡓࡀࡌ ࡆࡉࡄࡓࡅࡍ ࡁࡓ ࡎࡀࡌ ࡔࡉࡕࡉࡋ ࡁࡓ ࡉࡀࡄࡉࡀ ࡊࡉࡍࡉࡀࡍࡇ ࡄࡀࡉࡅࡍ ࡖࡀࡍࡎࡀ ࡌࡍ ࡃࡉࡅࡀࡍ ࡖࡓࡁࡀ ࡅࡓࡀࡌࡀ ࡌࡀࡋࡊࡀ ࡖࡍࡀࡑࡅࡓࡀࡉࡉࡀ
531	ࡓࡁࡀࡉ ࡎࡀࡓࡅࡀࡍ ࡁࡀࡆ ࡔࡁࡉࡒࡋࡇ ࡌࡀࡍࡃࡀ ࡖࡄࡉࡉࡀ ࡄࡀࡈࡀࡉࡉࡀ ࡖࡀࡍࡎࡀ ࡓࡁࡀࡉ ࡀࡃࡀࡌ ࡁࡓ ࡓࡁࡀࡉ ࡎࡀࡓࡅࡀࡍ ࡁࡓ ࡎࡀࡌ ࡆࡀࡊࡉࡀ ࡁࡓ ࡉࡀࡄࡉࡀ ࡁࡉࡄࡃࡀࡃ ࡊࡉࡍࡉࡀࡍࡇ ࡁࡀࡆ ࡖࡀࡍࡎࡀ ࡌࡍ ࡃࡉࡅࡀࡍ ࡖ
532	ࡓࡁࡀࡉ ࡀࡃࡀࡌ ࡁࡓ ࡀࡍࡅࡔ ࡏࡊࡅࡌࡀ ࡄࡅ ࡀࡍࡎࡀ ࡌࡍ ࡃࡉࡅࡀࡍ ࡖࡓࡁࡀࡉ ࡆࡉࡄࡓࡅࡍ ࡀࡃࡀࡌ ࡒࡀࡉࡉࡌ ࡊࡉࡍࡉࡀࡍࡇ ࡈࡓࡅࡔࡀ ࡅࡓࡁࡀࡉ ࡆࡉࡄࡓࡅࡍ ࡀࡍࡎࡀ ࡌࡍ ࡃࡉࡅࡀࡍ ࡖࡓࡁࡀࡉ ࡁࡉࡄࡓࡀࡌ ࡁࡓ ࡓࡅࡆࡁࡉࡀ
533	ࡁࡀࡉࡉࡍࡂࡀࡍࡉࡀ ࡖࡀࡍࡎࡀ ࡌࡍ ࡃࡉࡅࡀࡍ ࡖࡔࡕࡊࡉࡍ ࡋࡅࡀࡕ ࡓࡁࡀࡉ ࡄࡉࡁࡉࡋ ࡁࡓ ࡁࡀࡊࡕࡉࡀࡓ عࡀࡎࡉࡊࡉࡓ ࡌࡍ ࡊࡕࡀࡁ ࡏࡃࡇ ࡖࡁࡉࡄࡃࡀࡃ ࡁࡓ ࡆࡉࡄࡓࡅࡍ ࡖࡀࡍࡎࡀ ࡌࡍ ࡔࡅࡁࡀ ࡈࡅࡐࡎࡉࡀ ࡖࡀࡍࡎࡀ
534	ࡁࡀࡉࡍࡀࡉ ࡁࡓ ࡆࡀࡊࡉࡀ ࡅࡁࡀࡉࡍࡀࡉ ࡀࡍࡎࡀ ࡌࡍ ࡂࡉࡍࡆࡀ ࡖࡔࡕࡊࡉࡍ ࡋࡅࡀࡕ ࡓࡀࡌࡅࡉࡀ ࡁࡓ ࡏࡒࡀࡉࡌࡀࡕ ࡅࡓࡀࡌࡅࡉࡀ ࡀࡍࡎࡀ ࡌࡍ ࡀࡔࡂࡀࡍࡃࡀ ࡁࡓ ࡉࡀࡎࡌࡉࡍ ࡅࡀࡔࡂࡀࡍࡃࡀ ࡀࡍࡎࡀ ࡌࡍ
535	ࡃࡉࡅࡀࡍ ࡖࡆࡀࡆࡀࡉ ࡁࡓ ࡍࡀࡈࡀࡓ ࡅࡆࡀࡆࡀࡉ ࡀࡍࡎࡀ ࡌࡍ ࡃࡉࡅࡀࡍ ࡖࡄࡉࡁࡉࡋ ࡆࡉࡅࡀ ࡅࡄࡉࡁࡉࡋ ࡆࡉࡅࡀ ࡀࡍࡎࡀ ࡌࡍ ࡃࡉࡅࡀࡍ ࡖࡄࡀࡉࡀࡔࡅࡌ ࡅࡄࡀࡉࡀࡔࡅࡌ ࡀࡍࡎࡀ ࡌࡍ ࡃࡉࡅࡀࡍ ࡖࡀࡁࡀࡕࡅࡓ
536	ࡅࡀࡁࡀࡕࡅࡓ ࡀࡍࡎࡀ ࡌࡍ ࡃࡉࡅࡀࡍ ࡖࡌࡀࡍࡃࡀ ࡖࡄࡉࡉࡀ ࡅࡌࡀࡍࡃࡀ ࡖࡄࡉࡉࡀ ࡀࡍࡎࡀ ࡌࡍ ࡃࡉࡅࡀࡍ ࡖ^ࡀ^ࡍࡎࡀ ࡌࡍ ࡀࡁࡅࡉࡀ ࡊࡅࡔࡈࡀ ࡖࡀࡍࡎࡀ ࡌࡍ ࡃࡉࡅࡀࡍ ࡖࡁࡉࡄࡓࡀࡌ ࡓࡁࡀ ࡅࡁࡉࡄࡓࡀࡌ
537	ࡓࡁࡀ ࡀࡍࡎࡀ ࡌࡍ ࡃࡉࡅࡀࡍ ࡖࡉࡅࡊࡀࡔࡀࡓ ࡓࡁࡀ ࡅࡉࡅࡊࡀࡔ^ࡀ^ࡓ ࡓࡁࡀ ࡀࡍࡎࡀ ࡌࡍ ࡃࡉࡅࡀࡍ ࡖࡉࡀࡅࡀ^ࡓ^ ࡓࡁࡀ ࡅࡉࡀࡅࡀࡓ ࡓࡁࡀ ࡖࡀࡍࡎࡀ ࡌࡍ ࡃࡉࡅࡀࡍ ࡅࡂࡉࡍࡆࡀ ࡅࡊࡅࡔࡈࡀ ࡉࡀࡒࡓࡀ
538	ࡅࡊࡅࡔࡈࡀ ࡉࡀࡒࡓࡀ ࡀࡍࡎࡀ ࡌࡍ ࡋࡁࡅࡔࡀ ࡖࡄࡅࡀࡓࡀ ࡅࡓࡁࡀࡁࡇ ࡅࡄࡉࡉࡀ ࡆࡀࡊࡉࡍ ࡎ ࡀ
538a	ࡎ ࡀ
539	ࡕࡅࡌ ࡀࡌࡀࡓ ࡁࡉࡄࡃࡀࡃ ࡁࡓ ࡆࡉࡄࡓࡅࡍ ࡌࡍ ࡌࡀࡋࡀࡋࡇ ࡖࡁࡀࡉࡍࡀࡉ ࡁࡓ ࡆࡀࡊࡉࡀ ࡅࡗ ࡀࡕࡅࡍ ࡀࡍࡀࡔࡉࡀ ࡌࡍ ^ࡀࡓࡒࡀ^ ࡖࡁࡅࡊࡓࡀ ࡅࡌࡍ ࡀࡓࡒࡀ ࡖࡌࡔࡅࡍ ࡖࡌࡉࡄࡆࡉࡀ ࡋࡄࡀࡆࡉࡍ ࡌࡀࡎࡉࡒࡕࡀ
540	ࡅࡄࡀࡍࡀࡕࡇ ࡉࡅࡌࡀ ࡖࡀࡕࡅࡍ ࡋࡅࡀࡕࡀࡉ ࡀࡉࡕࡅࡍ ࡔࡉࡕࡉࡍ ࡏࡌࡁࡓࡉࡀ ࡆࡀࡊࡓࡉࡀ ࡅࡀࡉࡕࡅࡍ ࡔࡅࡁࡀ ࡏࡅࡔ{{ࡀ}}ࡍࡉࡀ ࡅࡌࡉࡍࡅࡍࡀ ࡗ ࡃࡉࡋࡅࡍ ࡓࡀࡌࡉࡋࡅࡍ ࡅࡕࡊࡀࡍࡀࡐࡉࡅࡍ ࡀࡍࡀࡔࡉࡀ {{ࡍࡅࡔࡀ}} ࡍࡅࡐࡔࡀ ࡅࡀࡍࡀ
541	ࡖࡌࡑࡉࡕ ࡀࡁࡃࡉࡕ ࡀࡁࡉࡄࡃࡉࡀ ࡔࡀࡋࡌࡀࡍࡉࡀ ࡅࡋࡀࡕࡉࡎࡁࡅࡍ ࡓࡁࡅࡕࡀ ࡋࡓࡀࡁࡀࡉࡉࡕ ࡖࡂࡉࡍࡆࡉ^ࡀ^ ࡖࡄࡉࡉࡀ ࡅࡄࡉࡉࡀ ࡆࡀࡊࡉࡍ ࡋࡀࡋࡀࡌ ࡀࡋࡌࡉࡀ
541a	ࡎ ࡀ
542	ࡕࡅࡌ ࡔࡀࡁࡉࡒ ࡄࡀࡈࡀࡉࡉࡀ ࡅࡄࡀࡅࡁࡉࡀ ࡅࡎࡊࡋࡀࡕࡀ ࡅࡕࡉࡒࡋࡀࡕࡀ ࡅࡔࡀࡁࡀࡔࡀࡕࡀ ࡍࡉࡄࡅࡉࡋࡅࡍ ࡋࡀࡁࡀࡄࡀࡕࡀࡍ ࡅࡓࡁࡀࡍࡀࡍ ࡅࡋࡀࡄࡀࡍ ࡅࡋࡀࡄࡅࡀࡕࡀ ^ࡈࡀࡁࡉࡀ^ ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡏࡋ ࡃࡒࡀࡉࡌࡉࡍ
543	ࡁࡐࡀࡂࡓࡀࡉࡄࡅࡍ ࡔࡀࡁࡉࡒ ࡄࡀࡈࡀࡉࡉࡀ ࡋࡃࡉࡋࡅࡍ {{ࡅࡋࡅࡀ}} ࡅࡋࡆࡅࡀࡉ ࡅࡋࡔࡉࡕࡋࡀࡉ{{ࡅࡍ}} ࡅࡋࡕࡀࡓࡌࡉࡃࡀࡉࡄࡅࡍ ࡕࡅࡌ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡋࡃࡉࡋࡉࡀ ࡆࡉࡄࡓࡅࡍ ࡁࡓ ࡌࡅࡃࡀࡋࡀࡋ . ࡅࡋࡀࡁ
544	ࡉࡀࡄࡉࡀ ࡌࡄࡀࡕࡀࡌ ࡁࡓ ࡀࡍࡄࡀࡓ ࡎࡉࡌࡀࡕ . ࡅࡋࡏࡌ ࡃࡉࡋࡉࡀ ࡌࡅࡃࡀࡋࡀࡋ ࡐࡕ ࡀࡍࡄࡀࡓ . ࡅࡋࡔࡉࡕࡋࡀࡉ ࡓࡁࡀࡉ ࡉࡀࡄࡉࡀ ࡅࡔࡀࡃࡉࡀ ࡌࡅࡃࡀࡋࡀࡋ ࡅࡎࡀࡌ ࡆࡉࡄࡓࡅࡍ ࡅࡁࡉࡄࡓࡀࡌ
545	ࡅࡓࡀࡌ ࡉࡅࡄࡀࡍࡀ ࡁࡍࡉࡀ ࡎࡉࡌࡀࡕ . ࡅࡋࡀࡄࡀࡉ ࡀࡍࡄࡀࡓ ࡅࡉࡀࡎࡌࡉࡍ ࡅࡉࡀࡄࡉࡀ ࡁࡅࡋࡁࡅࡋ ࡅࡉࡀࡄࡉࡀ ࡉࡅࡄࡀࡍࡀ ࡅࡃࡉࡄࡂࡀࡍ ࡌࡀࡌࡀࡍࡉࡀ ࡅࡁࡉࡄࡓࡀࡌ ࡀࡁࡍࡉࡀ ࡌࡅࡃࡀࡋࡀࡋ . ࡅࡋࡀࡄࡀࡉ
546	ࡄࡅࡓࡉࡍࡉࡀ ࡄࡀࡅࡀ ࡅࡄࡀࡅࡀ ࡎࡉࡌࡀࡕ ࡅࡁࡉࡄࡓࡀࡌ ࡅࡎࡀࡌ ࡉࡅࡄࡀࡍࡀ ࡅࡎࡉࡌࡀࡕࡄࡉࡉࡀ ࡁࡍࡉࡀ ^ࡅࡄࡀࡅࡀ^ ࡎࡉࡌࡀࡕ . ࡅࡋࡆࡀࡅࡀ ࡖࡀࡁ ࡌࡅࡃࡀࡋࡀࡋ ࡐࡕ ࡀࡍࡄࡀࡓ . ࡅࡋࡆࡀࡅࡀ ࡖࡀࡁ
547	ࡄࡅࡓࡉࡍࡕࡉࡀ ࡄࡀࡅࡀ ࡎࡉࡌࡀࡕ ࡐࡕ ࡔࡀࡓࡀࡕ . ࡅࡋࡆࡀࡅࡀ ࡖࡄࡏ ࡕࡋࡀࡕࡀࡉࡕࡀ ࡔࡀࡓࡀࡕ ࡐࡕ ࡌࡀࡄࡍࡅࡔ . ࡅࡋࡀࡄࡉࡀ ࡖࡀࡁ ࡆࡀࡊࡉࡀ ࡅࡔࡉࡕࡉࡋ ࡅࡌࡀࡋࡉࡄࡀ ࡅࡁࡉࡄࡓࡀࡌ
548	ࡆࡉࡄࡓࡅࡍ ࡅࡃࡀࡌ ࡉࡅࡄࡀࡍࡀ ࡅࡌࡀࡌࡀࡍࡉࡀ ࡅࡀࡍࡄࡀࡓ ࡌࡅࡃࡀࡋࡀࡋ ^ࡅࡌࡄࡀࡕࡀࡌ^ ࡅࡁࡉࡄࡓࡀࡌ ࡆࡉࡄࡓࡅࡍ ࡀࡁࡍࡉࡀ ࡀࡍࡄࡀࡓ ࡎࡉࡌࡀࡕ . ࡅࡋࡏࡌ ࡖࡀࡁ ࡀࡍࡄࡀࡓ ࡎࡉࡌࡀࡕ ࡐࡕ ࡔࡀࡓࡀࡕ ࡌࡀࡌࡀ{{ࡕ}}^ࡍࡉࡀ^
549	. ࡅࡋࡀࡁ ࡖࡀࡁ ࡀࡃࡀࡌ {{ࡅࡋࡀ}} ࡁࡓ ࡄࡀࡅࡀ ࡌࡀ^ࡌࡀ^ࡍࡉࡀ . ࡅࡋࡀࡄࡉࡀ ࡖࡀࡁ ࡀࡁ ࡀࡃࡀࡌ ࡉࡅࡄࡀࡍࡀ ࡅࡃࡀࡌ ࡆࡉࡄࡓࡅࡍ ࡅࡃࡉࡄࡂࡀࡍ ࡌࡀࡌࡀࡍࡉࡀ ࡀࡁࡍࡉࡀ ࡄࡀࡅࡀ ࡌࡀࡌࡀࡍࡉࡀ . ࡅࡄࡀࡅࡀ ࡌࡀࡌࡀࡍࡉࡀ ࡐࡕ ࡄࡀࡅࡀ
550	ࡅࡋࡀࡁ ࡖࡀࡁ ࡀࡁ ࡀࡃࡀࡌ ࡉࡅࡄࡀࡍࡀ ࡁࡓ ࡄࡀࡅࡀ . ࡅࡋࡀࡁ ࡖࡆࡀࡅࡀࡉ ࡀࡃࡀࡌ ࡉࡄࡀࡍࡀ ࡁࡓ ^ࡀࡍࡄࡀࡓ^ ࡎࡉࡌࡀࡕ . ࡅࡋࡏࡌ ࡖࡆࡀࡅࡀࡉ ࡌࡀࡌࡀࡍࡉࡀ ࡐࡕ ࡄࡀࡅࡀ . {{}} ࡅࡋࡀࡄࡉࡀ ࡖࡏࡌ ࡃࡉࡋࡉࡀ ࡎࡀࡌ ࡅࡌࡅࡃࡀࡋࡀࡋ
551	ࡅࡉࡀࡄࡉࡀ ࡁࡍࡉࡀ ࡀࡍࡄࡀࡓ . ࡀࡍࡄࡀࡓ ࡐࡕ ࡄࡀࡅࡀ . ࡅࡀࡃࡀࡌ ^ࡌࡅࡃࡀࡋࡀࡋ^ ࡁࡓ ^ࡁࡍࡉࡀ^ ࡉࡀࡎࡌࡉࡀ . ࡅࡋࡍࡉࡔࡉࡌࡕࡀ ࡖࡓࡁࡀࡉ ࡉࡀࡄࡉࡀ ࡓࡀࡌ ࡁࡓ ࡄࡀࡅࡀ . ࡅࡊࡅࡋࡄࡅࡍ ࡍࡉࡔࡌࡀࡕࡀ ࡖࡄࡀࡍ ࡈࡀࡁࡉࡀ ࡅࡄࡅࡀࡕࡀࡍ ࡌࡄࡀࡉࡌࡍࡉࡀ
552	ࡄࡉࡉࡀ ࡋࡉࡀࡃࡉࡍ ࡅࡄࡉࡉࡀ ࡅࡎࡀࡁࡓࡉࡀ ࡅࡄࡉࡉࡀ ࡂࡅࡁࡓࡉࡀ ࡌࡀ<ࡎ>ࡁࡓࡀࡍࡉࡀ ࡅࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡋࡀࡋࡀࡌ ࡀࡋࡌࡉࡀ
552a	ࡎ ࡀ
553	ࡕࡅࡌ ࡏࡎࡕࡀࡃࡓࡀࡕ ࡅࡎࡉࡋࡒࡀࡕ ࡋࡓࡉࡔ ^ࡄࡀࡆࡉࡍ ࡃࡉࡅࡀࡍ ࡖࡉࡀࡒࡉࡓࡀ ࡅࡔࡓࡀࡂࡀ ࡖࡍࡀࡄࡉࡓࡀ ࡖࡌࡀࡍࡄࡀࡓ ࡌࡍ ࡎࡌࡀࡋ ࡋࡉࡀࡌࡉࡍ ࡖࡄࡅ ࡃࡉࡅࡀࡍ ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡁࡓ ࡄࡉࡌࡀࡕ ࡓࡀࡆࡉࡀ^ ࡅࡔࡅࡌ ࡄࡉࡉࡀ ࡅࡋࡓࡅࡔࡅࡌ ࡌࡀࡍࡃࡀ ࡖࡄࡉࡉࡀ ࡅࡋࡔࡅࡌࡀࡉࡄࡅࡍ ࡖࡄࡉࡁࡉࡋ ࡅࡔࡉࡕࡉࡋ ࡅࡀࡍࡅࡔ ࡌࡔࡀࡁࡀ ࡔࡅࡌࡀࡉࡄࡅࡍ ࡁࡀࡕࡓࡀ ࡓࡁࡀ
554	ࡖࡍࡄࡅࡓࡀ ࡀࡍࡎࡉࡕ ࡄࡀࡆࡉࡍ ࡃࡉࡅࡀࡍ ࡖࡄࡀࡅࡉࡋࡉࡀ ࡃࡀࡊࡀࡓ ࡔࡅࡌࡉࡀ ࡁࡀࡓࡒࡀ ࡖࡕࡉࡁࡉࡋ ࡅࡄࡀࡅࡉࡋࡉࡀ ࡌࡐࡀࡓࡒࡀࡍࡀ ࡅࡌࡔࡅࡆࡀࡁࡀࡍࡀ ࡅࡌࡀࡎࡒࡀࡍࡀ ࡌࡍ ࡏࡃࡀࡉࡄࡅࡍ ࡁࡍࡉࡀ ࡄࡀࡌࡁࡀࡂࡀ ࡖࡄࡅ
555	ࡁࡀࡋࡌࡀ ࡖࡍࡄࡅࡓࡀ ࡁࡉࡕ ࡕࡅࡔࡋࡌࡉࡀ ^ࡀ^ࡎࡕࡀࡒ ࡄࡀࡆࡉࡍ ࡃࡉࡅࡀࡍ ࡉࡅࡌࡀ ࡕࡋࡀࡕࡀ ࡄࡀࡁࡔࡀࡁࡀ ࡅࡎࡓࡉࡍ ࡅࡀࡓࡁࡀ ࡁࡉࡀࡄࡓࡀ ࡖࡌࡉࡑࡀࡉ ࡎࡉࡕࡅࡀ ࡖࡄࡅ ࡉࡀࡄࡓࡀ ࡀࡃࡀࡓ ࡉࡀࡄࡓࡀ
556	ࡖࡍࡅࡍࡀ ࡋࡔࡍࡀࡕ ࡕࡌࡀࡍࡉࡀ ࡅࡕࡌࡀࡍࡀࡍ ࡀࡁࡀࡕࡀࡓ ࡀࡋࡐࡀ ࡒࡀࡁࡉࡋ ࡃࡀࡓࡀ ^ࡀࡓࡁࡀࡉࡉࡀ ࡀࡓࡀࡁ ࡏࡋࡅࡀࡉࡄࡅࡍ^ ࡖࡁࡀࡈࡉࡋ ࡓࡅࡂࡆࡀࡉࡄࡅࡍ ࡌࡍ ࡊࡀࡍࡀ ࡓࡁࡀ ࡖࡍࡉࡔࡌࡀࡕࡀ ࡄࡅ ࡀࡍࡎࡉࡕ ࡄࡀࡆࡉࡍ ࡃࡉࡅࡀࡍ ࡁࡀࡕࡓࡀ
557	ࡖࡔࡅࡔࡕࡀࡓ ࡁࡌࡉࡀ ࡖࡃࡅࡃࡀࡍࡒࡀ ࡁࡁࡀࡉࡕࡀࡉ ࡃࡉࡋࡉࡀ ࡄࡅࡉࡕ ࡌࡋࡀࡉ ࡃࡀࡓ^ࡀ^ࡕࡀ ࡁࡃࡒࡉࡕ ࡈࡉࡐࡉࡀ ࡏࡋࡀࡅࡉࡀ ࡓࡉࡔࡀࡉ ࡅࡀࡍࡎࡉࡕ ࡅࡃࡉࡄࡋࡉࡕ ࡌࡍ ࡃࡉࡃ^ࡉ^ࡁࡕࡀ ^ࡋࡀ^ ࡌࡋࡀࡊࡉࡀ ࡊࡀࡈࡀ
558	ࡅࡀࡍࡀ ^ࡉࡀ ࡀࡁࡃࡀ ࡖࡊࡅࡋࡇ ࡄࡀࡈࡀࡉ^ࡉ^ࡀ ࡄࡅࡉࡕ^ ࡁࡓ ࡀࡓࡁࡉࡍ ࡅࡀࡓࡁࡉࡀ ࡔࡍࡉࡀ ࡀࡍࡎࡉࡕ ࡊࡌࡀ ࡃࡉࡅࡀࡍ ࡅࡊࡅࡌࡀ ࡎࡉࡃࡓࡀࡓࡉࡀ ࡅࡃࡓࡀࡔࡉ ࡅࡊࡅࡋ ࡌࡅࡋ ࡀࡉࡍࡀࡉ ࡄࡆࡀࡕ ࡌࡍ ࡂࡉࡍࡆࡀ ࡀࡍࡎࡉࡕ ࡅࡄࡅ ࡄࡀࡉࡀࡎࡀ ࡅࡕࡀࡉࡀࡁࡀ ࡅࡌࡔࡅࡆࡁࡀࡍࡀ ࡅࡌࡐࡀࡓࡒࡀࡍࡀ
559	ࡌࡍ ࡁࡍࡉࡀ ࡄࡔࡅࡊࡀ ࡖࡄࡉࡍࡅࡍ ࡎࡀࡍࡉࡀ ࡖࡔࡀࡓࡔ ࡁࡍࡉࡀ ࡏࡅࡉࡓࡕࡉࡀ ࡅࡊࡅࡋ ࡌࡉࡍࡃࡀࡌ ^ࡂࡀࡋࡉࡋ^ ࡖࡁࡀࡎࡉࡌ ࡀࡋࡁࡀࡓ ࡌࡍ ࡂࡉࡍࡆࡀ ࡅࡍࡀࡑࡀࡓࡅࡕࡀ