← Back
The Comprehensive Aramaic Lexicon
← Return to the Text Browser
click on the file description for more information
74428: Šarḥ Dṭabahata ...

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

3.115 . ࡔࡀࡓࡄ̤ ࡖࡈࡀࡁࡀࡄࡀࡕࡀ ࡒࡓࡉࡀ ࡁࡔࡅࡌࡀ ࡖࡂࡀࡁࡓࡀ ࡅࡏࡍࡕࡀ ࡅࡂࡀࡍࡆࡉࡁࡓࡀ ࡏࡅ ࡕࡀࡓࡌࡉࡃࡀ ࡅࡏࡍࡕࡀ
3.116 ࡎࡀࡃࡀࡓ ࡈࡀࡓࡉࡀࡍࡀ ࡁࡀࡓࡁࡀࡎࡀࡓ ࡒࡉࡍࡉࡀ ࡅࡔࡃࡉࡀ ࡁࡇ ࡖࡀࡎࡀ {ࡅࡀࡕࡍࡀ} ࡅࡀࡌࡅࡆࡀ ࡅࡀࡓࡁࡉࡀ ࡏࡍࡁࡉࡀ
3.117 ࡅࡀࡓࡁࡉࡀ ࡑࡉࡍࡃࡉࡀ ࡖࡓࡅࡌࡀࡍࡀ ࡅࡎࡐࡀࡓࡂࡋࡀ ࡅࡈࡀࡂࡀ ࡖࡀࡎࡀ ࡀࡕࡍࡀ ࡋࡒࡉࡍࡀ ࡅࡀࡓࡁࡉࡀ ࡏࡍࡁࡉࡀ ࡁࡉࡍࡉࡀࡓࡀ
3.118 ࡅࡀࡓࡉࡁ ࡌࡉࡀ ࡁࡉࡍࡉࡀࡓࡀ ࡌࡍ ࡒࡀࡍࡉࡍࡀ ࡂࡀࡅࡀࡉࡀ ࡅࡋࡂࡅࡈ ࡕࡀࡂࡀࡊ ࡁࡏࡃࡀࡊ ࡅࡒࡓࡉࡀ
3.119 ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡍࡅࡊࡓࡀࡉࡉࡀ ࡌࡍ ࡀࡋࡌࡉࡀ ࡖࡍࡄࡅࡓࡀ ࡅࡃࡓࡀ ࡆࡄࡀࡓࡀ
3.120 ࡋࡍࡀࡐࡔࡀࡊ ࡅࡀࡌࡅࡓ ࡕࡅࡌ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ
3.121 ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡈࡀࡁࡀࡄࡀࡕࡀ ࡅࡃࡀࡁࡀࡄࡀࡕࡀࡍ ࡅࡓࡁࡀࡍࡀࡍ
3.122 ࡅࡃࡀࡄࡀࡍ ࡅࡃࡀࡄࡅࡀࡕࡀࡍ ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡋࡃࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ ࡁࡄࡀࡉࡋࡇ
3.123 ࡖࡉࡀࡅࡀࡓ ࡆࡉࡅࡀ ࡅࡎࡉࡌࡀࡕ ࡄࡉࡉࡀ ࡅࡕࡓࡅࡑ ࡕࡀࡂࡀ ࡁࡓࡉࡔࡀࡊ ࡁࡀࡓࡁࡉࡀ ࡁࡀࡅࡀࡕࡀ
3.124 . ࡅࡄࡀࡉࡆࡀࡊ ࡋࡂࡅࡈ ࡒࡅࡓࡍࡀ ࡖࡍࡀࡑࡉࡐࡀࡊ ࡅࡀࡌࡅࡓ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ
3.125 ࡍࡀࡄࡅࡉࡋࡇ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀࡍ ࡅࡋࡀࡁࡀࡄࡀࡕࡀࡍ ࡅࡓࡁࡀࡍࡀࡍ
3.126 ࡅࡋࡀࡄࡀࡍ ࡅࡋࡀࡄࡅࡀࡕࡀࡍ ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡏࡋ ࡃࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ ࡁࡔࡅࡌࡀࡉࡄࡅࡍ
3.127 ࡖࡄࡉࡉࡀ ࡓࡁࡉࡀ ࡄࡀࡉࡀࡋ ࡊࡁࡀࡋ/ࡊࡁࡀࡓ#1##2#/ ࡅࡀࡊࡓࡉࡊ ࡐࡀࡍࡃࡀࡌࡀࡊ ࡋࡐࡅࡌࡀࡊ ࡅࡎࡀࡉࡊࡀ ࡅࡃࡓࡀ ࡒࡀࡍࡉࡍࡀ
3.128 ࡂࡀࡅࡀࡉࡀ ࡌࡍ ࡈࡀࡓࡉࡀࡍࡀ ࡅࡒࡓࡉࡀ ࡁࡔࡅࡌࡀ ࡖࡄࡉࡉࡀ ࡌࡉࡀ ࡀࡍࡀࡕࡅࡍ ࡄࡉࡉࡀ ࡅࡁࡃࡉࡍࡁࡀ ࡀࡌࡅࡓ
3.129 ࡋࡓࡀࡄࡌࡇ ࡅࡋࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡈࡀࡁࡀࡄࡀࡕࡀ ࡅࡋࡀࡁࡀࡄࡕࡀࡍ ࡅࡓࡁࡀࡍࡀࡍ
3.130 ࡅࡋࡀࡄࡀࡍ ࡅࡋࡀࡄࡅࡀࡕࡀࡍ ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡏࡋ ࡃࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ ࡅࡕࡉࡌࡓࡅࡍ
3.131 ࡒࡀࡉࡀࡌࡉࡍ ࡄࡉࡉࡀ ࡁࡔࡊࡉࡍࡀࡕࡅࡍ ࡅࡄࡉࡉࡀ ࡆࡀࡊࡉࡍ . ࡅࡃࡓࡀ ࡓࡉࡄࡀ ࡅࡒࡓࡉࡀ ࡄࡀࡋ ࡄࡉࡉࡀ ࡒࡀࡃࡌࡀ̊ࡉࡉࡀ
3.132 ࡅࡁࡃࡉࡍࡁࡀ ࡀࡌࡅࡓ ࡕࡉࡎࡀࡒ ࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡈࡀࡁࡀࡄࡀࡕࡀ ࡕࡉࡄࡉࡆࡉࡇ
3.133 ࡋࡀࡕࡓࡀ ࡖࡍࡄࡅࡓࡀ ࡅࡋࡃࡀࡅࡓࡀ ࡕࡀࡒࡍࡀ ࡅࡌࡔࡀࡁࡉࡍ ࡄࡉࡉࡀ ࡅࡓࡌࡉࡀ ࡓࡉࡄࡀ ࡋࡍࡅࡓࡀ . ࡅࡃࡓࡀ
3.134 ࡈࡀࡂࡀ ࡖࡀࡎࡀ ࡅࡂࡃࡅࡋ ࡊࡋࡉࡋࡀ ࡖࡀࡎࡀ ࡅࡀࡌࡅࡓ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ
3.135 ࡍࡉࡄࡅࡉࡋࡇ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡁࡔࡅࡌࡀࡉࡄࡅࡍ
3.136 ࡖࡄࡉࡉࡀ ࡓࡁࡉࡀ ࡍࡅࡊࡓࡀࡉࡉࡀ ࡌࡍ ࡄࡉࡉࡀ ࡀࡅࡃࡉࡍ ࡅࡕࡅࡔࡁࡉࡄࡀࡍ ࡅࡃࡅࡊࡕࡀ ࡖࡀࡌࡀࡓ ࡌࡋࡀࡊࡉࡀ
3.137 ࡖࡓࡅࡂࡆࡀ ࡅࡁࡀࡓࡃࡀ ࡅࡂࡋࡀࡋࡀ ࡌࡍ ࡀࡓࡒࡇ ࡅࡁࡀࡉࡕࡇ ࡖࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ
3.138 ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡋࡌࡉࡓࡐࡀࡎ ࡀࡉࡍࡀ ࡅࡁࡃࡉࡍࡁࡀ ࡀࡌࡅࡓ ࡆࡀࡊࡉࡀ ࡅࡒࡀࡉࡌࡀ ࡋࡄࡀࡆࡀ
3.139 ࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡅࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡅࡒࡓࡉࡀ
3.140 ࡁࡔࡅࡌࡀࡉࡄࡅࡍ ࡖࡄࡉࡉࡀ ࡕࡅࡔࡁࡉࡄࡀࡍ {{ࡅࡔ}} ࡅࡐࡅࡔ ࡏࡍࡁࡉࡀ ࡖࡍࡉࡀࡓࡀࡊ ࡅࡃࡅࡊࡕࡀ ࡖࡀࡌࡀࡓ
3.141 ࡌࡀࡄࡉࡒࡀࡍࡉࡀ ࡋࡀࡍࡀࡄࡉࡒࡅࡍࡀ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡕࡀ
3.142 ࡅࡌࡀࡂࡆࡉࡓࡀࡍࡉࡀ ࡋࡀࡍࡀࡂࡆࡓࡅࡍ ࡋࡍࡉࡔࡌࡀࡕࡀ ࡖࡍࡉࡄࡆࡅࡍ ࡈࡀࡁࡉࡀ ࡅࡍࡉࡈࡀࡉࡁࡅࡍ ࡅࡎࡀࡉࡊࡀ
3.143 . ࡅࡒࡓࡉࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡏࡋࡊࡅࡍ ࡃࡉࡋࡊࡅࡍ ࡄࡉࡉࡀ ࡅࡁࡃࡉࡍࡁࡀ ࡀࡌࡅࡓ ࡆࡀࡊࡉࡀ
3.144 ࡅࡒࡀࡉࡌࡀ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡅࡄࡉࡉࡀ ࡆࡀࡊࡉࡍ
3.145 ࡏࡋ ࡊࡅࡋࡄࡅࡍ ࡏࡅࡁࡀࡃࡉࡀ . ࡅࡀࡌࡅࡓ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ
3.146 ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡌࡉࡔࡒࡀࡋ ࡀࡉࡍࡉࡀ ࡅࡒࡓࡉࡀ
3.147 ࡁࡉࡕ ࡌࡉࡔࡒࡀࡋ ࡀࡉࡍࡉࡀ ࡊࡀࡃࡐࡉࡀ ࡅࡃࡓࡀࡉࡉࡀ ࡅࡃࡅࡊࡕࡀ ࡖࡀࡌࡀࡓ ࡎࡄࡀࡃ ࡍࡉࡎࡕࡊࡀࡓ ࡌࡍ ࡄࡀࡆࡀ
3.148 ࡍࡉࡔࡉࡌࡕࡀ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡄࡀࡁࡀࡕࡀ ࡁࡀࡁࡀ ࡖࡄࡀࡈࡀࡉࡉࡀ ࡅࡃࡅࡊࡕࡀ ࡖࡀࡌࡀࡓ
3.149 ࡕࡉࡊࡐࡀࡓ ࡅࡕࡉࡔࡒࡀࡋ ࡌࡍ ࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ
3.150 ࡄࡀࡈࡀࡉࡉࡇ ࡅࡄࡀࡅࡁࡇ ࡅࡎࡊࡋࡀࡕࡇ ࡅࡔࡀࡁࡀࡔࡀࡕࡇ ࡄࡉࡍࡏࡋࡀ ࡆࡅ̊ࡄࡀࡓࡀ ࡖࡌࡍ ࡆࡉࡅࡀࡊ ࡕࡉࡀࡋࡁࡔࡇ
3.151 ࡋࡀࡃࡀࡒࡉࡕࡅࡋࡇ ࡁࡈࡀࡁࡀࡄࡀࡕࡀ ࡅࡁࡃࡉࡍࡁࡀ ࡀࡌࡅࡓ ࡖࡀࡍࡀࡔࡉࡀ ࡈࡀࡁࡉࡀ ࡕࡉࡄࡅࡉࡀ ࡀࡎࡅࡕࡀ ࡖࡄࡉࡉࡀ
3.152 ࡋࡄࡀࡆࡀ {{ࡍࡔ}} ࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡅࡒࡀࡉࡀࡌࡉࡍ ࡄࡉࡉࡀ ࡁࡔࡊࡉࡍࡀࡕࡅࡍ
3.153 ࡅࡄࡉࡉࡀ ࡆࡀࡊࡉࡍ ࡅࡃࡓࡀ ࡐࡀࡈࡉࡓࡀ ࡖࡐࡉࡄࡕࡀ ࡅࡒࡓࡉࡀ ࡕࡌࡀࡍࡉࡀ ࡁࡀࡅࡀࡕࡀ ࡖࡐࡉࡄࡕࡀ ࡋࡐࡉࡄࡕࡀ ࡅࡀࡕࡍࡀ
3.154 ࡋࡂࡉࡍࡆࡀࡊ ࡅࡃࡓࡀ ࡍࡉࡀࡓࡀ ࡖࡌࡀࡌࡁࡅࡄࡀ ࡅࡒࡓࡉࡀ ࡁࡉࡓࡉࡀࡅࡉࡔ ࡊࡀࡍࡀ ࡖࡌࡉࡀ ࡄࡉࡉࡀ ࡅࡁࡃࡉࡍࡁࡀ
3.155 ࡀࡌࡅࡓ ࡉࡀࡕࡉࡓࡉࡀ ࡄࡉࡉࡀ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀࡍ
3.156 ࡅࡌࡔࡀࡁࡉࡍ ࡄࡉࡉࡀ . ࡅࡒࡓࡉࡀ ࡔࡅࡌࡀ^ࡊ^ ࡉࡀࡕࡉࡓ ࡄࡉࡉࡀ ࡅࡁࡃࡉࡍࡁࡀ ࡀࡌࡅࡓ ࡋࡄࡀࡆࡀ ࡍࡉࡔࡉࡌࡕࡀ
3.157 ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡅࡌࡔࡀࡁࡉࡍ ࡄࡉࡉࡀ . ࡅࡃࡓࡀ ࡊࡋࡉࡋࡀ ࡖࡀࡎࡀ ࡅࡒࡓࡉࡀ
3.158 ࡏࡋࡇ ࡍࡄࡀࡓ ࡍࡄࡅࡓࡀ ࡅࡆࡄࡉࡓࡀ ࡅࡌࡆࡀࡄࡓࡀ ࡌࡉࡍࡉࡋࡉࡀ ࡖࡍࡄࡅࡓࡀ ࡋࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ
3.159 ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡅࡁࡃࡉࡍࡁࡀ ࡀࡌࡅࡓ ࡕࡓࡉࡑ ࡁࡓࡉࡔࡀ ࡖࡄࡀࡆࡀ ࡍࡉࡔࡉࡌࡕࡀ
3.160 ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡀࡋࡌࡀ ࡋࡁࡀࡁࡀ ࡓࡁࡀ ࡖࡁࡉࡕ ࡀࡁࡀࡕࡅࡓ ࡅࡎࡀࡉࡊࡀ
3.161 ࡅࡃࡓࡀ ࡊࡀࡐࡕࡀ ࡖࡌࡉࡔࡀ ࡅࡒࡓࡉࡀ ࡏࡋࡇ ࡀࡎࡂࡉࡀ ࡌࡀࡍࡃࡀ ࡖࡄࡉࡉࡀ ࡋࡊࡅࡊࡁࡉࡀ ࡅࡁࡃࡉࡍࡁࡀ
3.162 ࡀࡌࡅࡓ ࡅࡓࡀࡄࡌࡉࡀ ࡔࡅࡌࡇ ࡍࡉࡄࡅࡉࡀ ࡔࡅࡌࡇ ࡅࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ
3.163 ࡅࡃࡀࡁࡀࡄࡀࡕࡀ ࡍࡉࡄࡅࡉࡀ ࡔࡅࡌࡇ ࡅࡄࡉࡉࡀ ࡆࡀࡊࡉࡍ . ࡅࡄࡀࡉࡆࡀࡊ ࡀࡕࡍࡀ ࡏࡋ ࡑࡁࡉࡕࡀࡊ ࡓࡉࡔࡀࡉࡕࡀ
3.164 ࡁࡊࡀࡐࡕࡀ ࡖࡌࡉࡔࡀ ࡅࡀࡌࡅࡓ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ
3.165 ࡋࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀࡍ ࡁࡔࡅࡌࡀ ࡖ
3.166 ࡄࡉࡉࡀ ࡍࡅࡊࡓࡀࡉࡉࡀ ࡄࡀࡆࡉࡍ ࡆࡉࡅࡀ ࡅࡍࡄࡅࡓ ࡅࡓࡔࡅࡌ ࡕࡋࡀࡕࡀ ࡓࡅࡔࡅࡌࡉࡀ ࡅࡀࡌࡅࡓ
3.167 ࡌࡉࡐࡀࡒ ࡓࡅࡄࡀ ࡅࡍࡉࡔࡉࡌࡕࡀ ࡌࡍ ࡐࡀࡂࡓࡀ ࡅࡏࡕࡋࡀࡁࡅࡔࡉࡀ ࡅࡀࡋࡁࡉࡔ ࡐࡉࡄࡕࡀ
3.168 ࡁࡊࡋࡉࡋࡀ ࡅࡀࡕࡉࡀ ࡑࡀࡅࡓࡏࡉࡋ ࡔࡀࡓࡅࡉࡀ ࡖࡔࡀࡓࡉࡀ ࡓࡅࡄࡀ ࡅࡍࡉࡔࡉࡌࡕࡀ ࡌࡍ
3.169 ࡐࡀࡂࡓࡀ . ࡅࡗ ࡌࡀࡈࡉࡕ ࡌࡀ ࡖࡁࡇ ࡖࡐࡀࡂࡓࡀ ࡀࡌࡅࡓ ࡐࡋࡀࡍ ࡁࡓ ࡐࡋࡀࡍࡉࡕࡀ
3.170 ࡓࡔࡉࡌ ࡁࡓࡅࡔࡅࡌࡀ ࡖࡄࡉࡉࡀ ࡅࡓࡔࡅࡌ ࡅࡀࡌࡅࡓ ࡐࡋࡀࡍ ࡁࡓ ࡐࡋࡀࡍࡉࡕࡀ ࡓࡔࡉࡌ
3.171 ࡁࡓࡅࡔࡅࡌࡀ ࡖࡄࡉࡉࡀ ࡅࡓࡔࡅࡌ {{ࡅࡀࡅࡅࡓ}} {{ࡀ}}<<ࡅ>>ࡀࡌࡅࡓ ࡐࡋࡀࡍ ࡁࡓ ࡐࡋࡀࡍࡉࡕࡀ ࡓࡔࡉࡌ
3.172 ࡁࡓࡅࡔࡅࡌࡀ ࡖࡄࡉࡉࡀ ࡅࡓࡔࡅࡌ ࡅࡀࡌࡅࡓ ࡏࡕࡋࡀࡁࡀࡔ ࡁࡀࡋࡁࡅࡔࡀ ࡖࡉࡅࡆࡀࡈࡀࡒ
3.173 ࡌࡀࡍࡃࡀ ࡖࡄࡉࡉࡀ . ࡅࡗ ࡌࡀࡈࡉࡕ ࡀࡋࡀࡕ ࡍࡀࡔࡉࡌࡕࡀ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ
3.174 ࡅࡃࡀࡁࡀࡄࡀࡕࡀࡍ ࡋࡁࡉࡕ ࡀࡁࡀࡕࡅࡓ ࡉࡀࡄࡁࡀࡕ ࡔࡅࡌࡀ ࡅࡓࡅࡔࡅࡌࡀ ࡅࡁࡉࡓࡊࡕࡀ ࡅࡌࡀࡑࡁࡅࡕࡀ
3.175 ࡌࡉࡍࡃࡀࡌ ࡖࡁࡇ ࡐࡋࡀࡍ ࡁࡓ ࡐࡋࡀࡍࡉࡕࡀ ࡓࡔࡉࡌ ࡁࡓࡅࡔࡅࡌࡀ ࡖࡄࡉࡉࡀ
3.176 ࡐࡋࡀࡍ ࡁࡓ ࡐࡋࡀࡍࡉࡕࡀ ࡓࡔࡉࡌ ࡁࡓࡅࡔࡅࡌࡀ ࡖࡄࡉࡉࡀ ࡍࡉࡔࡉࡌࡕࡀ ࡖࡐࡋࡀࡍ ࡁࡓ
3.177 ࡐࡋࡀࡍࡉࡕࡀ ࡅࡓࡔࡉࡌ ࡁࡓࡅࡔࡅࡌࡀ ࡖࡄࡉࡉࡀ ࡅࡔࡅࡌࡀ ࡖࡄࡉࡉࡀ ࡅࡔࡅࡌࡀ
3.178 ࡖࡌࡀࡍࡃࡀ ࡖࡄࡉࡉࡀ ࡌࡀࡃࡊࡀࡓ ࡏࡋࡀࡅࡀࡉࡉࡍ ࡅࡗ ࡌࡀࡈࡉࡕ ࡀࡕࡅࡕࡉࡀ ࡊࡅࡓࡎࡉࡀ
3.179 ࡖࡀࡁࡀࡕࡅࡓ ࡀࡕࡉࡒࡀ ࡍࡀࡐࡉࡒ ࡅࡀࡕࡉࡀ ࡀࡋࡀࡍࡐࡀ ࡖࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ ࡖ
3.180 ࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀࡍ ࡑࡅࡓࡉࡊ ࡄࡅ ࡆࡉࡅࡀ ࡓࡁࡀ ࡖࡄࡉࡉࡀ ࡅࡁࡃࡉࡍࡁࡀ
3.181 ࡀࡌࡅࡓ ࡀࡆࡋࡀࡕ ࡓࡅࡄࡀ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡄࡅࡀࡕ
3.182 ࡗ ࡆࡀࡍ ࡍࡉࡔࡉࡌࡕࡀ ࡅࡏࡕࡒࡀࡉࡌࡀࡕ ࡁࡉࡕ ࡄࡉࡉࡀ ࡅࡄࡉࡉࡀ ࡆࡀࡊࡏࡉࡍ
3.183 ࡅࡓࡔࡅࡌ ࡕࡋࡀࡕࡀ ࡓࡅࡔࡅࡌࡉࡀ . ࡅࡒࡓࡉࡀ ࡀࡔࡀࡓ ࡑࡁࡀࡍ ࡑࡀࡁࡅࡄࡀ
3.184 ࡅࡁࡔࡅࡌࡀ ࡖࡄࡉࡉࡀ ࡑࡁࡉࡍࡀ ࡅࡗ ࡌࡀࡈࡉࡕ ࡗ ࡔࡀࡄࡋࡀࡋࡀ ࡄࡀࡆࡀ ࡍࡉࡔࡉࡌࡕ̊[ࡀ
3.185 ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀࡍ ࡅࡓࡔࡅࡌ ࡕࡋࡀࡕࡀ ࡓࡅࡔࡅࡌࡉࡀ ࡅࡀࡌࡅࡓ
3.186 ࡋࡉࡋࡁࡅࡔ ࡐࡀࡂࡓࡉࡀ ࡋࡀࡁࡔࡀ ࡅࡎࡀࡉࡊࡀ ࡅࡒࡓࡇ ࡁࡓࡇ ࡀࡍࡀ ࡖࡌࡀࡍ ࡌࡀࡍࡀ
3.187 ࡎࡌࡉࡓࡀ ࡅࡁࡃࡉࡍࡁࡀ ࡓࡔࡅࡌ ࡕࡋࡀࡕࡀ ࡓࡅࡔࡅࡌࡉࡀ . ࡅࡒࡓࡉࡀ ࡒࡉࡍࡀ
3.188 ࡀࡁࡀࡕࡀࡓ ࡒࡉࡍࡀ ࡔࡉࡕ ࡒࡉࡍࡉࡀ ࡀࡉࡀࡊ ࡒࡉࡍࡀ ࡒࡀࡃࡌࡀࡉࡕࡀ . ࡅࡄࡀࡉࡆࡀࡊ ࡀࡕࡉࡇ
3.189 ࡋࡒࡉࡍࡀ ࡁࡀࡕࡓࡀࡉࡕࡀ ࡒࡅࡃࡀࡌࡀࡊ ࡅࡀࡕࡍࡀ ࡋࡑࡁࡉࡕࡀࡊ ࡁࡊࡀࡐࡕࡀ ࡖࡌࡉࡔࡀ ࡅࡀࡌࡅࡓ ࡋࡀࡅࡐࡀ
3.190 ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ ࡋࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ ࡅࡍࡉࡔࡌࡀࡕࡀ
3.191 ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀࡍ ࡅࡒࡓࡉࡀ ࡁࡔࡅࡌࡀ ࡖࡄࡉࡉࡀ ࡍࡅࡊࡓࡀࡉࡉࡀ ࡅࡓࡔࡅࡌ
3.192 ࡕࡋࡀࡕࡀ ࡓࡅࡔࡅࡌࡉࡀ ࡅࡍࡈࡅࡓ ࡏࡃࡀࡊ ࡅࡃࡓࡀ ࡊࡅࡋࡄࡅࡍ ࡆࡅࡄࡀࡓࡉࡀ ࡖࡒࡓࡉࡕ ࡁࡄࡀࡍࡉࡊ
3.193 ࡔࡉࡕ ࡒࡉࡍࡉࡀ ࡄࡉࡍࡏࡋࡀ ࡏࡆࡃࡀࡄࡀࡓ ࡅࡏࡆࡃࡀ^ࡄࡀ^ࡓ ࡖࡋࡀࡓࡀࡔࡌࡉࡕ ࡁࡓࡅࡔࡅࡌࡀ ࡖࡌࡀ
3.194 ࡖࡁࡇ ࡅࡗ ࡔࡀࡄࡋࡀࡋࡀ ࡅࡃࡉࡍࡁࡀ ࡖࡁࡓࡇ ࡀࡍࡀ ࡄࡉࡍࡉࡋࡀ ࡗ ࡌࡀࡈࡉࡕ ࡀࡋࡅࡀࡕ
3.195 ࡍࡉࡔࡉࡌࡕࡀ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡋࡁࡉࡕ ࡀࡁࡀࡕࡅࡓ ࡉࡀࡄࡁࡀࡕ
3.196 ࡔࡅࡌࡀ {{ࡅࡓࡅࡔ}} ࡅࡓࡅࡔࡅࡌࡀ ࡅࡁࡉࡓࡊࡕࡀ ࡅࡌࡀࡑࡁࡅࡕࡀ ࡌࡉࡍࡃࡀࡌ ࡖࡁࡇ ࡐࡋࡀࡍ
3.197 ࡓࡔࡉࡌ ࡁࡓࡅࡔࡅࡌࡀ ࡖࡄࡉࡉࡀ ࡐࡋࡀࡍ ࡓࡔࡉࡌ ࡁࡓࡅࡔࡅࡌࡀ ࡖࡄࡉࡉࡀ ࡍࡉࡔࡉࡌࡕࡀ
3.198 ࡖࡐࡋࡀࡍ ࡓࡔࡉࡌࡀ ࡁࡓࡅࡔࡅࡌࡀ ࡖࡄࡉࡉࡀ ࡅࡊࡅࡋࡄࡉࡍ ࡍࡉࡔࡌࡀࡕࡀ ࡖࡀࡁࡀࡄࡀࡕࡀࡍ ࡈࡀࡁࡉࡀ
3.199 ࡓࡔࡉࡌࡉࡀ ࡁࡓࡅࡔࡅࡌࡀ ࡖࡄࡉࡉࡀ . ࡅࡄࡀࡉࡆࡀࡊ ࡓࡔࡅࡌ ࡊࡌࡀ ࡖࡌࡑࡉࡀ ࡄࡀࡉࡋࡀࡊ ࡌࡍ
3.200 ࡍࡉࡔࡌࡀࡕࡀ ࡖࡌࡀࡍࡃࡀࡉࡉࡀ ࡅࡕࡀࡓࡌࡉࡃࡉࡀ ࡅࡂࡀࡍࡆࡉࡁࡓࡉࡀ ࡅࡂࡉࡍࡆࡀࡉࡉࡀ ࡅࡓࡉࡔࡀࡉࡉࡀ ࡅࡓࡉࡔࡀࡌࡉࡀ
3.201 ࡅࡁࡃࡉࡍࡁࡀ ࡓࡔࡅࡌ ࡕࡋࡀࡕࡀ ࡓࡅࡔࡅࡌࡉࡀ ࡅࡀࡌࡅࡓ ࡄࡅࡀࡕ ࡗ ࡆࡀࡍ ࡍࡉࡔࡉࡌࡕࡀ
3.202 ࡅࡏࡕࡒࡀࡉࡌࡀࡕ ࡁࡉࡕ ࡄࡉࡉࡀ ࡅࡄࡉࡉࡀ ࡆࡀࡊࡉࡍ . ࡅࡍࡈࡅࡓ ࡏࡃࡀࡊ ࡅࡒࡓࡉࡀ
3.203 ࡀࡔࡀࡓ ࡑࡁࡀࡍ }}ࡑࡀ{{ ࡑࡀࡁࡅࡄࡀ ࡅࡁࡔࡅࡌࡀ ࡖࡄࡉࡉࡀ ࡑࡁࡉࡍࡀ ࡅࡏࡆࡃࡀࡄࡀࡓ
3.204 ࡖࡋࡀࡓࡀࡔࡌࡉࡕ ࡓࡅࡔࡅࡌࡀ ࡖࡗ ࡔࡀࡄࡋࡀࡋࡀ ࡅࡃࡉࡍࡁࡀ ࡖࡁࡓࡇ ࡀࡍࡀ ࡅࡒࡓࡉࡀ
3.205 ࡁࡓࡇ ࡀࡍࡀ ࡅࡋࡀࡓࡀࡔࡌࡉࡕ ࡁࡃࡉࡍࡁࡀ ࡅࡀࡌࡅࡓ ࡐࡉࡎࡒࡉࡕ ࡕࡋࡀࡕࡀ ࡓࡅࡔࡅࡌࡉࡀ
3.206 ࡌࡀ ࡖࡁࡇ ࡅࡗ ࡔࡀࡄࡋࡀࡋࡀ ࡅࡁࡃࡉࡍࡁࡀ ࡖࡁࡓࡇ ࡀࡍࡀ . ࡅࡄࡀࡉࡆࡀࡊ ࡀࡕࡍࡀ
3.207 ࡏࡃࡀࡊ ࡋࡂࡉࡍࡆࡀࡊ . ࡅࡒࡓࡉࡀ ࡏࡍࡂࡉࡓࡕࡀ ࡋࡀࡅࡐࡀ ࡅࡆࡀࡊࡅࡕࡀ }}ࡀࡋ{{ ࡀࡕࡀࡋࡀ ࡋࡄࡀࡆࡀ ࡍࡉࡔࡉࡌࡕࡀ
3.208 ࡖࡐࡋࡀࡍ ࡅࡍࡉࡔࡌࡀࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡌࡍ ࡁࡉࡕ ࡄࡉࡉࡀ ࡅࡎࡀࡉࡊࡀ
3.209 ࡅࡓࡔࡅࡌ ࡕࡋࡀࡕࡀ ࡓࡅࡔࡅࡌࡉࡀ ࡅࡀࡌࡅࡓ ࡄࡃࡀ ࡅࡕࡓࡉࡍ ࡅࡕࡋࡀࡋࡀ ࡅࡐࡀࡋࡉࡈ ࡐࡉࡄࡕࡀ
3.210 ࡌࡍ ࡊࡋࡉࡋࡀ ࡅࡃࡓࡀ ࡏࡅࡌࡑࡀ ࡌࡍ ࡄࡀࡃ ࡐࡀࡈࡉࡓࡀ ࡏࡋࡀࡉࡀ ࡅࡁࡀࡕࡓࡀࡉࡀ ࡃࡅࡓࡇ ࡋࡐࡀࡋࡂࡀ
3.211 ࡖࡁࡇ ࡅࡀࡌࡅࡓ ࡐࡀࡋࡈࡉࡕ ࡅࡐࡉࡓࡕࡉࡕ ࡅࡃࡉࡓࡉࡕ ࡐࡀࡋࡂࡀ ࡖࡁࡇ . ࡊࡅࡔࡈࡀ ࡀࡎࡉࡍࡊࡅࡍ
3.212 ࡌࡉࡀ ࡁࡄࡀࡌࡓࡀ ࡌࡉࡀ ࡊࡅࡋࡄࡅࡍ ࡅࡒࡓࡉࡀ ࡁࡉࡄࡓࡇ ࡉࡅࡊࡀࡔࡀࡓ ࡋࡉࡁࡓࡀࡉࡀ ࡅࡗ
3.213 ࡌࡀࡈࡉࡕ ࡍࡉࡕࡉࡀࡉࡓࡀ ࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡅࡍࡉࡔࡌࡀࡕࡀ ࡖࡏࡕࡉࡒࡓࡉࡀ ࡅࡏࡕࡒࡀࡉࡀࡌ
3.214 ࡅࡏࡕࡉࡓࡔࡉࡌ ࡁࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀࡍ ࡅࡓࡁࡀࡍࡀࡍ ࡅࡃࡀࡄࡀࡍ ࡅࡃࡀࡄࡅࡀࡕࡀࡍ
3.215 ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡋࡃࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ ࡅࡎࡀࡉࡊࡀ ࡅࡑࡅࡁࡀ ࡋࡐࡉࡄࡕࡀ
3.216 ࡁࡄࡀࡌࡓࡀ ࡅࡒࡓࡉࡀ ࡋࡐࡀࡍࡃࡀࡌࡀࡊ ࡌࡀࡋࡉࡋ ࡅࡐࡕࡀ ࡄࡉࡉࡀ ࡓࡁࡉࡀ ࡅࡐࡀࡋࡈࡀ ࡋࡐࡀࡍࡃࡀࡌࡀࡊ
3.217 ࡌࡍ ࡐࡅࡌࡀࡊ ࡅࡀࡊࡅࡋ ࡐࡉࡄࡕࡀࡊ ࡅࡔࡕࡉࡀ ࡌࡀࡌࡁࡅࡄࡀࡊ ࡅࡉࡀࡄࡉࡁࡋࡀࡊ ࡄࡀࡋࡀࡋࡕࡀ
3.218 ࡀࡔࡂࡀࡍࡃࡀ ࡌࡍ ࡒࡀࡍࡉࡍࡀ ࡁࡀࡓࡀࡉࡀ ࡅࡔࡕࡉࡀ ࡄࡀࡋࡀࡋࡕࡀ ࡅࡄࡀࡉࡆࡀࡊ ࡓࡌࡉࡀ ࡓࡉࡄࡀ
3.219 ࡋࡍࡅࡓࡀ ࡅࡂࡀࡈࡀࡓ ࡓࡉࡄࡀ ࡅࡒࡓࡉࡀ ࡏࡕࡉࡀࡓ ࡅࡓࡉࡄࡀ ࡁࡀࡎࡉࡌࡀ ࡅࡊࡅࡋ ࡃࡅࡊࡕࡀ
3.220 ࡖࡏࡊࡀ ࡔࡅࡌࡀ ࡀࡌࡅࡓ ࡍࡉࡔࡉࡌࡕࡀ ࡖࡐࡋࡀࡍ ࡅࡍࡉࡔࡌࡀࡕࡀ ࡖࡄࡀࡆࡀ ࡌࡀࡎࡉࡒࡕࡀ
3.221 ࡅࡃࡀࡁࡀࡄࡀࡕࡀ . ࡅࡒࡓࡉࡀ ࡌࡔࡀࡁࡉࡍ ࡄࡉࡉࡀ ࡒࡀࡃࡌࡀࡉࡉࡀ ࡅࡁࡃࡉࡍࡁࡀ ࡀࡌࡅࡓ
3.222 ࡕࡓࡅࡑ ࡀࡉࡍࡀࡉࡊࡅࡍ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡅࡍࡉࡔࡌࡀࡕࡀ ࡖࡏࡕࡉࡒࡓࡉࡀ
3.223 ࡅࡏࡕࡉࡓࡔࡉࡌ ࡁࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡅࡃࡀࡁࡀࡄࡀࡕࡀࡍ ࡅࡓࡁࡀࡍࡀࡍ
3.224 ࡅࡃࡀࡄࡀࡍ ࡅࡃࡀࡄࡅࡀࡕࡀࡍ ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡋࡃࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ
3.225 ࡅࡎࡀࡉࡊࡀ . ࡅࡒࡓࡉࡀ ࡏࡕࡉࡌࡋࡅࡍ ࡄࡉࡉࡀ ࡅࡔࡊࡉࡍࡉࡀ ࡄࡉࡉࡀ ࡅࡊࡋࡉࡋ ࡀࡋࡌࡉࡀ ࡔࡀࡄࡉࡀ
3.226 ࡅࡃࡅࡊࡕࡀ ࡖࡀࡌࡀࡓ ࡕࡓࡉࡑ ࡅࡌࡀࡍࡄࡀࡓ ࡁࡓࡉࡔࡀࡉࡉࡍ ࡋࡍࡉࡔࡉࡌࡕࡀ ࡖࡐࡋࡀࡍ ࡅࡍࡉࡔࡌࡀࡕࡀ
3.227 ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡅࡄࡉࡉࡀ ࡆࡀࡊࡉࡍ . ࡅࡊࡅࡋ ࡃࡅࡊࡕࡀ ࡖࡏࡊࡀ ࡔࡅࡌࡀ
3.228 ࡍࡉࡔࡉࡌࡕࡀ ࡖࡐࡋࡀࡍ ࡅࡍࡉࡔࡌࡀࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ . ࡅࡒࡓࡉࡀ ࡀࡋࡌࡉࡀ
3.229 ࡅࡁࡌࡉࡔࡀ ࡔࡉࡄࡉࡀ ࡅࡁࡆࡉࡅ ࡖࡍࡐࡉࡔ ࡑࡁࡉࡍࡀ ࡅࡀࡓࡉࡁ ࡌࡍ ࡒࡀࡍࡉࡍࡀ ࡁࡀࡓࡀࡉࡀ ࡁࡒࡀࡍࡉࡍࡀ
3.230 ࡂࡀࡅࡀࡉࡀ ࡅࡒࡓࡉࡀ ࡔࡊࡉࡍࡉࡀ ࡄࡉࡉࡀ {{ࡔࡊࡉࡍࡉࡀ ࡅࡀࡓࡉࡁ ࡌࡉࡀ ^ࡌࡍ^ ࡒ̊ࡀࡍࡉࡍࡀ ࡁࡀࡓࡀࡉࡀ}}
3.231 {{ࡁࡒࡔ}} ࡅࡀࡓࡉࡁ ࡌࡉࡀ ࡁࡉࡍࡉࡀࡓࡀ . ࡅࡀࡄࡃࡓࡇ ࡋࡌࡀࡓࡂࡍࡀࡊ ࡋࡉࡀࡌࡉࡍࡀࡊ
3.232 ࡅࡀࡌࡅࡓ ࡊࡅࡔࡈࡀ ࡀࡎࡉࡍࡊࡅࡍ ࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡅࡆࡀࡅࡉࡃ ࡆࡀࡅࡀࡃࡀࡕࡀ
3.233 ࡁࡒࡀࡋࡀ ࡅࡄࡀࡉࡋࡀ ࡅࡊࡀࡋࡅࡆࡀ ࡅࡗ ࡌࡀࡈࡉࡕ ࡁࡀࡕࡓࡀ ࡖࡈࡀࡁࡉࡀ ࡌࡉࡕࡒࡀࡉࡌࡉࡀ ࡁࡉࡍࡉࡀ
3.234 ࡌࡀࡍࡉࡀ ࡖࡍࡄࡅࡓࡀ ࡍࡉࡔࡉࡌࡕࡀ ࡖࡐࡋࡀࡍ ࡅࡍࡉࡔࡌࡀࡕࡀ ࡖࡏࡕࡉࡒࡓࡉࡀ ࡅࡕࡒࡀࡉࡀࡌ
3.235 ࡅࡏࡕࡉࡓࡔࡉࡌ ࡁࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡅࡃࡀࡁࡀࡄࡀࡕࡀࡍ ࡅࡓࡁࡀࡍࡀࡍ
3.236 ࡅࡃࡀࡄࡅࡀ^ࡕࡀ^ࡍ ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡋࡃࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ ࡅࡎࡀࡉࡊࡀ
3.237 ࡅࡒࡓࡉࡀ ࡁࡔࡅࡌࡀ ࡖࡄࡉࡉࡀ ࡌࡊࡀࡋࡀࡋࡍࡀ ࡅࡔࡀࡊࡉࡁࡍࡀ ࡅࡃࡅࡊࡕࡀ ࡖࡀࡌࡀࡓ
3.238 ࡍࡉࡕࡒࡀࡓࡁࡀ ࡍࡉࡔࡉࡌࡕࡀ ࡖࡐࡋࡀࡍ ࡅࡍࡉࡔࡌࡀࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ
3.239 ࡋࡅࡀࡕ ࡀࡍࡀࡍࡀ ࡖࡍࡄࡅࡓࡀ ࡅࡎࡀࡉࡊࡀ ࡅࡒࡓࡉࡀ ࡌࡉࡍࡇ ࡌࡍ ࡔࡀࡓࡅࡉࡀ ࡅࡁࡊࡅࡋ ࡃࡅࡊࡕࡀ ࡖࡌࡀࡈࡉࡕ
3.240 ࡔࡅࡌࡀ ࡀࡌࡅࡓ ࡍࡉࡔࡉࡌࡕࡀ ࡖࡐࡋࡀࡍ ࡅࡍࡉࡔࡌࡀࡕࡀ ࡖࡄࡀࡆࡀ ࡌࡀࡎࡉࡒࡕࡀ
3.241 ࡅࡃࡀࡁࡀࡄࡀࡕࡀ . ࡅࡒࡓࡉࡀ ࡁࡉࡍࡉࡀ ࡊࡉࡎࡉࡀ ࡋࡆࡉࡅࡀ ࡅࡍࡉࡀࡄࡀ ࡅࡔࡀࡋࡌࡀ ࡍࡉࡄࡅࡉࡀ
3.242 . ࡅࡄࡀࡉࡆࡀࡊ ࡒࡓࡉࡀ ࡏࡓࡅࡕࡀࡉ ࡅࡕࡅࡔࡁࡉࡄࡕࡀࡉ ࡅࡏࡆࡉࡋ ࡁࡔࡋࡀࡌ ࡅࡌࡀࡍࡀ
3.243 ࡁࡂࡉࡍࡆࡉࡀ ࡄࡀࡃࡉࡀ ࡅࡈࡅࡁࡀࡊ ࡈࡅࡁࡀࡊ ࡍࡉࡔࡌࡀ ࡅࡄࡀࡁࡔࡀࡁࡀ ࡅࡊࡅࡔࡈࡀ ࡅࡆࡉࡃࡒࡀ
3.244 ࡅࡆࡉࡃࡀࡍࡀ ࡅࡌࡆࡀࡅࡃࡀࡍࡀ ࡅࡎࡋࡉࡒ ࡅࡀࡎࡒࡀࡍ ࡌࡉࡍࡇ ࡅࡉࡅࡌࡀ ࡖࡍࡀࡐࡉࡒ ࡍࡉࡔࡌࡀ
3.245 ࡅࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡁࡄࡉࡓࡀࡉ . ࡅࡁࡓࡉࡊࡉࡀ ࡅࡌࡔࡀࡁࡉࡀ ࡄࡉࡉࡀ
3.246 ࡑࡈࡀࡓࡕࡉࡀ ࡅࡁࡉࡍࡕࡀ ࡖࡁࡉࡍࡉࡀ ࡄࡉࡉࡀ ࡅࡏࡋࡀࡍࡉࡀ ࡈࡀࡍࡉࡀ ࡅࡁࡓࡉࡊࡉࡀ ࡅࡌࡔࡀࡁࡉࡀ
3.247 ࡄࡉࡉࡀ ࡓࡀࡁࡕࡉࡀ ࡅࡀࡕࡍࡀ ࡏࡃࡀࡊ ࡋࡂࡉࡍࡆࡀࡊ ࡅࡒࡓࡉࡀ ࡈࡀࡁ ࡈࡀࡁࡀ ࡋࡈࡀࡁࡇ
3.248 ࡅࡔࡅࡋ ࡔࡅࡋࡕࡀ ࡅࡏࡕࡓࡀࡄࡀࡌ ࡄࡀࡌ ࡁࡔࡅࡌࡀ ࡖࡍࡉࡔࡉࡌࡕࡀ ࡅࡍࡉࡔࡌࡀࡕࡀ
3.249 ࡅࡃࡓࡀ ࡊࡅࡔࡈࡀ ࡌࡍ ࡔࡂࡀࡍࡃࡀ . ࡅࡒࡓࡉࡀ ࡔࡊࡀࡍ ࡄࡉࡉࡀ ࡔࡊࡉࡍࡕࡀ
3.250 ࡅࡁࡉࡍࡕࡀ ࡖࡁࡀࡉࡍࡉࡀ ࡄࡉࡉࡀ ࡋࡃࡀࡓࡃࡀࡓࡉࡀ ࡋࡀࡁࡀࡈࡋࡀ ࡅࡒࡓࡉࡀ ࡊࡁࡉࡔ ࡄࡔࡅࡊࡀ
3.251 ࡁࡏࡌࡇ ࡅࡕࡓࡉࡑ ࡍࡄࡅࡓࡀ ࡁࡃࡅࡊࡕࡇ . ࡅࡀࡕࡍࡀ ࡏࡃࡀࡊ ࡋࡂࡉࡍࡆࡀࡊ ࡅࡒࡓࡉࡀ
3.252 ࡁࡆࡉࡅ ࡖࡍࡐࡉࡔ ࡑࡁࡉࡍࡀ ࡅࡀࡔࡉࡐࡇ ࡋࡂࡉࡍࡆࡀࡊ ࡅࡀࡕࡉࡇ ࡋࡒࡉࡍࡀ ࡄࡅࡓࡉࡍࡕࡉࡀ ࡀࡕࡍࡀ
3.253 ࡋࡒࡅࡃࡀࡌࡀࡊ ࡖࡁࡀࡉࡉࡕ ࡌࡉࡒࡉࡓࡉࡀ ࡁࡔࡅࡌࡀ ࡖࡏࡍࡕࡀ
3.254 ࡎ ࡀ
3.255 ࡅࡀࡌࡅࡓ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ ࡋࡄࡀࡆࡀ ࡍࡉࡔࡉࡌࡕࡀ
3.256 ࡖࡐࡋࡀࡍࡉࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡅࡃࡀࡁࡀࡄࡀࡕࡀࡍ ࡅࡓࡁࡀࡍࡀࡍ ࡅࡋࡀࡄࡀࡍ
3.257 ࡅࡋࡀࡄࡅࡀࡕࡀࡍ ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡋࡃࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ ࡁࡔࡅࡌࡀࡉࡄࡅࡍ
3.258 ࡖࡄࡉࡉࡀ ࡓࡁࡉࡀ ࡄࡀࡉࡀࡋ ࡊࡁࡀࡓ ࡓࡁࡀ ࡅࡀࡊࡓࡉࡊ ࡐࡀࡍࡃࡀࡌࡀࡊ ࡋࡐࡅࡌࡀࡊ ࡅࡃࡓࡀ
3.259 ࡒࡀࡍࡉࡍࡀ ࡅࡒࡓࡉࡀ ࡌࡉࡀ ࡀࡍࡀࡕࡅࡍ ࡄࡉࡉࡀ {{ࡅࡃࡅࡊࡕࡀ}} ࡅࡃࡅࡊࡕࡀ ࡖࡀࡌࡀࡓ ࡏࡋ
3.260 ࡋࡓࡀࡄࡌࡉࡀ ࡅࡏࡋ ࡍࡉࡔࡉࡌࡕࡀ ࡖࡐࡋࡀࡍࡉࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ
3.261 ࡅࡃࡁࡀࡄࡀࡕࡀࡍ ࡅࡓࡁࡀࡍࡀࡍ ࡅࡋࡀࡄࡀࡍ ࡅࡋࡀࡄࡅࡀࡕࡀࡍ ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ
3.262 [ࡅࡋࡃ]ࡒ̊ࡀࡉࡌࡉࡀ ࡁࡐࡀࡂࡓࡀࡉࡄࡅࡍ ࡅࡎࡀࡉࡊࡀ ࡅࡃࡓࡀ ࡓࡉࡄࡀ ࡅࡒࡓࡉࡀ ࡄࡀࡋ ࡄࡉࡉࡀ
3.263 ࡒࡀࡃࡌࡀࡉࡉࡀ ࡅࡁࡃࡉࡍࡁࡀ ࡀࡌࡅࡓ ࡕࡉࡎࡀࡒ ࡍࡉࡔࡉࡌࡕࡀ ࡖࡐࡋࡀࡍࡉࡕࡀ ࡖࡄࡀࡆࡀ ࡌࡀࡎࡉࡒࡕࡀ
3.264 ࡅࡃࡀࡁࡀࡄࡀࡕࡀ ࡕࡉࡄࡉࡆࡉࡇ ࡋࡀࡕࡓࡀ ࡖࡍࡄࡅࡓࡀ ࡅࡋࡃࡀࡅࡓࡀ ࡕࡀࡒࡍࡀ ࡀࡌࡔࡀࡁࡉࡍ
3.265 ࡄࡉࡉࡀ ࡅࡍࡉࡓࡌࡉࡀ ࡋࡍࡅࡓࡀ ࡅࡃࡓࡀ ࡓࡀࡅࡈࡀ ࡖࡀࡎࡀ ࡅࡀࡌࡅࡓ ࡋࡀࡅࡐࡀ ࡅࡓࡅࡀࡄࡀ
3.266 ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ ࡋࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍࡉࡕࡀ ࡖࡄࡀࡆࡀ ࡌࡀࡎࡉࡒࡕࡀ
3.267 ࡅࡃࡀࡁࡀࡄࡀࡕࡀ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡍࡅࡊࡓࡀࡉࡉࡀ ࡌࡍ ࡄࡉࡉࡀ ࡀࡅࡃࡉࡍ ࡅࡕࡅࡔࡁࡉࡄࡀࡍ
3.268 ࡋࡄࡉࡉࡀ ࡅࡊࡅࡋ ࡃࡅࡊࡕࡀ ࡖࡏࡊࡀ ࡔࡅࡌࡀ ࡀࡌࡅࡓ ࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍࡉࡕࡀ ࡖࡄࡀࡆࡀ ࡌࡀࡎࡉࡒࡕࡀ
3.269 ࡅࡃࡀࡁࡀࡄࡀࡕࡀ . ࡅࡒࡓࡉࡀ ࡕࡅࡔࡁࡉࡄࡀࡍ ࡋࡄࡉࡉࡀ ࡁࡀࡓࡀࡉࡉࡀ ࡅࡏࡋࡊࡅࡍ ࡃࡉࡋࡊࡅࡍ ࡅࡀࡌࡅࡓ
3.270 ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ ࡋࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍࡉࡕࡀ
3.271 ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡌࡉࡔࡒࡀࡋ ࡀࡉࡍࡉࡀ ࡀࡓࡅࡌࡉࡀ ࡂࡉࡋࡉࡀ ࡅࡒࡓࡉࡀ
3.272 ࡁࡉࡕ ࡌࡉࡔࡒࡀࡋ ࡀࡉࡍࡉࡀ ࡄࡉࡍࡏࡋࡀ ࡆࡄࡀࡓࡀ ࡖࡌࡍ ࡆࡉࡅࡀࡊ ࡕࡉࡀࡋࡁࡔࡉࡇ ࡋࡀࡃࡀࡓࡉࡕ
3.273 ࡁࡈࡀࡁࡀࡄࡀࡕࡀ ࡅࡎࡀࡉࡊࡀ . ࡅࡒࡓࡉࡀ ࡕࡌࡀࡍࡉࡀ ࡁࡀࡅࡀࡕࡀ ࡖࡐࡉࡄࡕࡀ ࡋࡐࡉࡄࡕࡀ
3.274 ࡅࡀࡕࡍࡀ ࡋࡂࡉࡍࡆࡀࡊ ࡅࡃࡓࡀ ࡍࡉࡀࡓࡀ ࡅࡒࡓࡉࡀ ࡏࡋࡇ ࡁࡉࡓࡉࡀࡅࡉࡔ ࡅࡔࡅࡌࡀࡊ ࡉࡀࡕࡉࡓ
3.275 ࡄࡉࡉࡀ ࡅࡀࡕࡍࡀ ࡅࡃࡓࡀ ࡊࡋࡉࡋࡀ ࡖࡀࡎࡀ ࡅࡒࡓࡉࡀ ࡏࡋࡇ ࡍࡄࡀࡓ ࡍࡄࡅࡓࡀ ࡅࡆࡄࡉࡓࡀ
3.276 ࡅࡌࡆࡀࡄࡓࡀ ࡅࡀࡕࡍࡀ ࡋࡂࡉࡍࡆࡀࡊ ࡅࡃࡓࡀ ࡊࡀࡐࡕࡀ ࡖࡌࡉࡔࡀ ࡅࡒࡓࡉࡀ ࡏࡋࡇ ࡀࡎࡂࡉࡀ
3.277 ࡌࡀࡍࡃࡀ ࡖࡄࡉࡉࡀ ࡋࡊࡅࡊࡁࡉࡀ ࡅࡁࡃࡉࡍࡁࡀ ࡀࡌࡅࡓ ࡋࡓࡀࡄࡌࡉࡀ ࡔࡅࡌࡇ ࡍࡉࡄࡅࡉࡀ
3.278 ࡔࡅࡌࡇ ࡄࡉࡉࡀ ࡆࡀࡊࡉࡍ . ࡅࡄࡀࡉࡆࡀࡊ ࡀࡕࡍࡀ ࡑࡁࡉࡕࡀࡊ ࡓࡉࡔࡀࡉࡕࡀ ࡁࡊࡀࡐࡕࡀ ࡖࡌࡉࡔࡀ
3.279 ࡅࡀࡌࡅࡓ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡉࡉࡀ ࡄࡀࡈࡀࡉࡉࡀ ࡍࡉࡄࡅࡉࡋࡀ ࡋࡄࡀࡆࡀ
3.280 ࡍࡉࡔࡉࡌࡕࡀ ࡖࡐࡋࡀࡍࡉࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡁࡔࡅࡌࡀ ࡖࡄࡉࡉࡀ
3.281 ࡍࡅࡊࡓࡀࡉࡉࡀ ࡄࡀࡆࡉࡍ ࡆࡉࡅࡀ ࡅࡍࡄࡅࡓ ࡄࡉࡉࡀ ࡅࡓࡔࡅࡌ ࡕࡋࡀࡕࡀ ࡓࡅࡔࡅࡌࡉࡀ ࡅࡀࡌࡅࡓ
3.282 ࡌࡉࡐࡀࡒ ࡓࡅࡄࡀ ࡅࡍࡉࡔࡉࡌࡕࡀ ࡌࡍ ࡐࡀࡂࡓࡀ ࡅࡏࡕࡋࡀࡁࡅࡔࡉࡀ ࡀࡋࡁࡉࡔ ࡐࡉࡄࡕࡀ
3.283 ࡁࡊࡋࡉࡋࡀ ࡅࡒࡓࡉࡀ ࡗ ࡌࡀࡈࡉࡕ ࡅࡀࡕࡉࡀ ࡑࡀࡅࡓࡏࡉࡋ ࡔࡀࡓࡅࡉࡀ ࡖࡔࡀࡓࡉࡀ ࡓࡅࡄࡀ
3.284 ࡅࡍࡉࡔࡉࡌࡕࡀ ࡌࡍ ࡐࡀࡂࡓࡀ ࡏࡋ ࡏࡏࡉࡉࡋ ࡌࡍ ࡏࡅࡁࡀࡃࡉࡀ ࡅࡗ ࡌࡀࡈࡉࡕ ࡌࡀ ࡖࡁࡇ
3.285 ࡖࡐࡀࡂࡓࡀ ࡅࡀࡌࡅࡓ ࡐࡋࡀࡍࡉࡕࡀ ࡓࡔࡉࡌࡀ ࡁࡓࡅࡔࡅࡌࡀ ࡖࡄࡉࡉࡀ ࡅࡓࡔࡅࡌ ࡐࡋࡀࡍࡉࡕࡀ
3.286 ࡓࡔࡉࡌࡀ ࡁࡓࡅࡔࡅࡌࡀ ࡖࡄࡉࡉࡀ ࡅࡓࡔࡅࡌ ࡐࡋࡀࡍࡉࡕࡀ ࡓࡔࡉࡌࡀ ࡁࡓࡅࡔࡅࡌࡀ ࡖࡄࡉࡉࡀ
3.287 ࡅࡓࡔࡅࡌ ࡅࡏࡕࡋࡀࡁࡀࡔ ࡁࡀࡋࡁࡅࡔࡉࡀ ࡖࡉࡅࡆࡀࡈࡀࡒ ࡌࡀࡍࡃࡀ ࡖࡄࡉࡉࡀ ࡅࡗ ࡌࡀࡈࡉࡕ
3.288 ࡁࡉࡓࡉࡊࡕࡀ ࡅࡌࡀࡑࡁࡅࡕࡀ ࡌࡉࡍࡃࡀࡌ ࡖࡁࡇ ࡐࡋࡀࡍࡉࡕࡀ ࡓࡔࡉࡌࡀ ࡁࡓࡉࡔࡅࡌࡀ
3.289 ࡖࡄࡉࡉࡀ ࡐࡋࡀࡍࡉࡕࡀ ࡓࡔࡉࡌࡀ ࡁࡓࡅࡔࡅࡌࡀ ࡖࡄࡉࡉࡀ ࡅࡓࡔࡅࡌ ࡍࡉࡔࡉࡌࡕࡀ ࡖࡐࡋࡀࡍࡉࡕࡀ
3.290 ࡓࡔࡉࡌࡀ ࡁࡓࡅࡔࡅࡌࡀ ࡖࡄࡉࡉࡀ ࡅࡔࡅࡌࡀ ࡖࡄࡉࡉࡀ ࡅࡔࡅࡌࡀ ࡖࡌࡀࡍࡃࡀ ࡖࡄࡉࡉࡀ
3.291 ࡌࡀࡃࡊࡀࡓ ࡏࡋࡀ ࡅࡗ ࡌࡀࡈࡉࡕ ࡍࡀࡐࡉࡒ ࡅࡀࡕࡉࡀ ࡀࡋࡀࡍࡐࡀ ࡖࡄࡀࡆࡀ ࡍࡉࡔࡉࡌࡕࡀ
3.292 ࡖࡐࡋࡀࡍࡉࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡑࡅࡓࡉࡊ ࡄࡅ ࡆࡉࡅࡀ ࡓࡁࡀ
3.293 ࡖࡄࡉࡉࡀ ࡅࡁࡃࡉࡍࡁࡀ ࡀࡌࡅࡓ ࡀࡆࡋࡀࡕ ࡓࡅࡄࡀ ࡖࡐࡋࡀࡍࡉࡕࡀ ࡖࡄࡀࡆࡀ ࡌࡀࡎࡉࡒࡕࡀ
3.294 ࡅࡃࡀࡁࡀࡄࡀࡕࡀ ࡄࡅࡀࡕ ࡗ ࡆࡀࡍ ࡍࡉࡔࡉࡌࡕࡀ ࡅࡏࡕࡒࡀࡉࡌࡀࡕ ࡁࡉࡕ ࡄࡉࡉࡀ
3.295 ࡄࡉࡉࡀ ࡆࡀࡊࡉࡍ ࡅࡓࡔࡅࡌ ࡕࡋࡀࡕࡀ ࡓࡅࡔࡅࡌࡉࡀ . ࡅࡒࡓࡉࡀ ࡀࡔࡀࡓ ࡑࡁࡀࡍ ࡑࡀࡁࡅࡄࡀ
3.296 ࡅࡁࡔࡅࡌࡀ ࡖࡄࡉࡉࡀ ࡑࡁࡉࡍࡀ ࡅࡗ ࡌࡀࡈࡉࡕ ࡗ ࡔࡀࡄࡋࡀࡋࡀ ࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍࡉࡕࡀ
3.297 ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡋࡉࡋࡁࡅࡔ ࡐࡀࡂࡓࡉࡀ ࡋࡀࡁࡔࡀ ࡅࡓࡔࡅࡌ ࡕࡋࡀࡕࡀ
3.298 ࡓࡅࡔࡅࡌࡉࡀ ࡅࡎࡀࡉࡊࡀ ࡅࡒࡓࡉࡀ ࡁࡓࡇ ࡀࡍࡀ ࡅࡁࡃࡉࡍࡁࡀ ࡓࡔࡅࡌ ࡅࡒࡓࡉࡀ ࡒࡉࡍࡀ
3.299 ࡀࡁࡀࡕࡀࡓ ࡒࡉࡍࡀ ࡔࡉࡕ ࡒࡉࡍࡉࡀ ࡀࡉࡀࡊ ࡒࡉࡍࡀ ࡒࡀࡃࡌࡀࡉࡕࡀ ࡗ ࡄࡃࡀࡃࡉࡀ . ࡅࡄࡀࡉࡆࡀࡊ
3.300 ࡀࡕࡉࡇ ࡋࡒࡉࡍࡀ ࡔࡅࡁࡀࡉࡕࡀ ࡁࡀࡕࡓࡀࡉࡕࡀ ࡀࡕࡍࡀ ࡋࡂࡉࡍࡆࡀࡊ ࡅࡀࡕࡍࡀ ࡑࡁࡉࡕࡀࡊ ࡁࡊࡀࡐࡕࡀ
3.301 ࡖࡌࡉࡔࡀ ࡅࡀࡌࡅࡓ ࡋࡀࡅࡐࡀ ࡅࡓࡅࡀࡄࡀ ࡅࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ
3.302 ࡋࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍࡉࡕࡀ ࡅࡍࡉࡔࡉࡌࡀࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ
3.303 ࡁࡔࡅࡌࡀ ࡖࡄࡉࡉࡀ ࡍࡅࡊࡓࡀࡉࡉࡀ ࡄࡀࡆࡉࡍ ࡆࡉࡅࡀ ࡅࡍࡄࡅࡓ ࡄࡉࡉࡀ ࡅࡓࡔࡅࡌ ࡕࡋࡀࡕࡀ
3.304 ࡓࡅࡔࡅࡌ ࡅࡍࡈࡅࡓ ࡏࡃࡀࡊ ࡌࡍ ࡓࡅࡔࡅࡌࡀ/ࡓࡅࡔࡅࡌࡉࡀ#12#/ ࡖࡌࡀ ࡖࡁࡇ ࡅࡏࡆࡃࡀࡄࡀࡓ ࡅࡋࡀࡓࡀࡔࡌࡉࡕ
3.305 ࡗ ࡌࡀࡈࡉࡕ ࡁࡉࡓࡊࡕࡀ ࡅࡌࡀࡑࡁࡅࡕࡀ ࡌࡉࡍࡃࡀ ࡖࡁࡇ ࡐࡋࡀࡍࡉࡕࡀ ࡓࡔࡉࡌࡀ ࡁࡓࡅࡔࡅࡌࡀ
3.306 ࡖࡄࡉࡉࡀ ࡅࡊࡅࡋࡄࡉࡍ ࡍࡉࡔࡌࡀࡕࡀ ࡖࡀࡁࡀࡄࡀࡕࡀࡍ ࡈࡀࡁࡉࡀ ࡓࡔࡉࡌࡉࡀ ࡁࡓࡅࡔࡅࡌࡀ
3.307 ࡖࡄࡉࡉࡀ . ࡅࡄࡀࡉࡆࡀࡊ ࡓࡔࡅࡌ ࡍࡉࡔࡌࡀࡕࡀ ࡖࡌࡀࡍࡃࡀࡉࡉࡀ ࡅࡕࡀࡓࡌࡉࡃࡉࡀ ࡅࡂࡀࡍࡆࡉࡁࡓࡉࡀ
3.308 ࡅࡂࡉࡍࡆࡀࡉࡉࡀ ࡅࡓࡉࡔࡀࡉࡉࡀ ࡅࡓࡉࡔࡀࡌࡉࡀ ࡅࡀࡌࡅࡓ ࡔࡅࡌࡀ ࡖࡄࡉࡉࡀ ࡅࡔࡅࡌࡀ ࡖࡌࡀࡍࡃࡀ
3.309 ࡖࡄࡉࡉࡀ ࡌࡀࡃࡊࡀࡓ ࡏࡋࡀࡅࡀࡉࡉࡍ ࡅࡗ ࡌࡀࡈࡉࡕ ࡍࡀࡐࡉࡒ ࡅࡀࡕࡉࡀ ࡀࡋࡀࡍࡐࡀ ࡖࡐࡋࡀࡍࡉࡕࡀ
3.310 ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡑࡅࡓࡉࡊ ࡄࡅ ࡆࡉࡅࡀ ࡓࡁࡀ ࡖࡄࡉࡉࡀ ࡅࡁࡃࡉࡍࡁࡀ
3.311 ࡀࡌࡅࡓ ࡀࡆࡋࡀࡕ ࡓࡅࡄࡇ ࡖࡐࡋࡀࡍࡉࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡄࡅࡀࡕ
3.312 ࡗ ࡆࡀࡍ ࡍࡉࡔࡉࡌࡕࡀ ࡅࡏࡕࡒࡀࡉࡌࡀࡕ ࡁࡉࡕ ࡄࡉࡉࡀ ࡅࡄࡉࡉࡀ ࡆࡀࡊࡉࡍ . ࡅࡄࡉࡉࡀ {{ࡆࡀࡊ}}
3.313 ࡅࡓࡔࡅࡌ ࡕࡋࡀࡕࡀ ࡓࡅࡔࡅࡌࡉࡀ ࡅࡍࡈࡅࡓ ࡏࡃࡀࡊ ࡅࡒࡓࡉࡀ ࡀࡔࡀࡓ ࡑࡁࡀࡍ
3.314 ࡑࡀࡁࡅࡄࡀ ࡅࡁࡔࡅࡌࡀ ࡖࡄࡉࡉࡀ ࡑࡁࡉࡍࡀ ࡅࡁࡃࡉࡍࡁࡀ ࡀࡌࡅࡓ ࡗ ࡔࡀࡄࡋࡀࡋࡀ
3.315 ࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍࡉࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡋࡉࡋࡁࡅࡔ
3.316 ࡐࡀࡂࡓࡉࡀ ࡋࡀࡁࡔࡀ ࡅࡋࡀࡓࡀࡔࡌࡉࡕ ࡅࡎࡀࡉࡊࡀ . ࡅࡒࡓࡉࡀ ࡁࡓࡇ ࡀࡍࡀ
3.317 ࡖࡌࡀࡍ ࡌࡀࡍࡀ ࡎࡌࡉࡓࡀ ࡅࡋࡀࡓࡀࡔࡌࡉࡕ ࡅࡎࡀࡉࡊࡀ . ࡅࡀࡌࡅࡓ ࡐࡉࡎࡒࡉࡕ
3.318 ࡕࡋࡀࡕࡀ ࡓࡅࡔࡅࡌࡉࡀ ࡌࡀࡃࡁࡇ ࡅࡗ ࡔࡀࡄࡋࡀࡋࡀ ࡅࡃࡉࡍࡁࡀ ࡖࡁࡓࡇ ࡀࡍࡀ
3.319 . ࡅࡄࡀࡉࡆࡀࡊ ࡀࡕࡍࡀ ࡏࡃࡀࡊ ࡋࡂࡉࡍࡆࡀࡊ ࡅࡒࡓࡉࡀ ࡏࡍࡂࡉࡓࡕࡀ ࡋࡀࡅࡐࡀ ࡅࡆࡀࡊࡅࡕࡀ
3.320 ࡀࡕࡀࡋࡀ ࡋࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍࡉࡕࡀ ࡅࡍࡉࡔࡌࡀࡕࡀ ࡖࡄࡀࡆࡀ ࡌࡀࡎࡉࡒࡕࡀ
3.321 ࡅࡃࡀࡁࡀࡄࡀࡕࡀ ࡌࡍ ࡁࡉࡕ ࡄࡉࡉࡀ ࡅࡎࡀࡉࡊࡀ ࡅࡓࡔࡅࡌ ࡕࡋࡀࡕࡀ ࡓࡅࡔࡅࡌࡉࡀ
3.322 ࡅࡀࡌࡅࡓ ࡄࡃࡀ ࡕࡓࡉࡍ ࡅࡕࡋࡀࡕࡀ ࡐࡉࡄࡕࡀ ࡌࡍ ࡊࡋࡉࡋࡀ ࡁࡏࡅࡄࡓࡀ ࡏࡅࡌࡑࡀ
3.323 ࡌࡍ ࡄࡀࡃ ࡐࡀࡈࡉࡓࡀ ࡏࡋࡀࡉࡀ ࡁࡀࡕࡓࡀࡉࡀ ࡃࡉࡓࡉࡕ ࡐࡀࡋࡂࡀ ࡖࡁࡇ
3.324 ࡊࡅࡔࡈࡀ ࡀࡎࡉࡍࡊࡅࡍ ࡌࡉࡀ ࡁࡄࡀࡌࡓࡀ ࡌࡉࡀ ࡊࡅࡋࡄࡅࡍ ࡅࡒࡓࡉࡀ ࡁࡉࡄࡓࡇ
3.325 ࡉࡅࡊࡀࡔࡀࡓ ࡋࡉࡁࡓࡀࡉࡀ ࡅࡁࡃࡉࡍࡁࡀ ࡀࡌࡅࡓ ࡍࡉࡕࡉࡀࡉࡓࡀ ࡄࡀࡆࡀ ࡍࡉࡔࡉࡌࡕࡀ
3.326 ࡖࡐࡋࡀࡍࡉࡕࡀ ࡅࡍࡉࡔࡌࡀࡕࡀ ࡖࡏࡕࡉࡒࡓࡉࡀ ࡅࡏࡕࡒࡀࡉࡀࡌ ࡅࡏࡕࡉࡓࡔࡉࡌ
3.327 ࡁࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ{{ࡍ}} ࡅࡃࡀࡁࡀࡄࡀࡕࡀࡍ ࡅࡓࡁࡀࡍࡀࡍ ࡅࡃࡀࡄࡀࡍ
3.328 ࡅࡃࡀࡄࡅࡀࡕࡀࡍ ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡋࡃࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ ࡅࡎࡀࡉࡊࡀ
3.329 ࡅࡑࡁࡀ ࡐࡉࡄࡕࡀࡊ ࡁࡄࡀࡌࡓࡀ ࡅࡀࡌࡅࡓ ࡌࡀࡋࡉࡋ ࡐࡕࡀ ࡅࡐࡀࡋࡉࡈ ࡐࡀࡍࡃࡀࡌࡀࡊ
3.330 ࡅࡀࡊࡅࡋ ࡐࡉࡄࡕࡀࡊ ࡅࡔࡕࡉࡀ ࡌࡀࡌࡁࡅࡄࡀࡊ ࡅࡉࡀࡄࡉࡁࡋࡀࡊ ࡀࡔࡂࡀࡍࡃࡀ ࡄࡀࡋࡀࡋࡕࡀ
3.331 ࡌࡍ ࡒࡀࡍࡉࡍࡀ ࡁࡀࡓࡀࡉࡀ ࡅࡔࡕࡉࡀ ࡅࡓࡌࡉࡀ ࡓࡉࡄࡀ ࡋࡍࡅࡓࡀ . ࡅࡄࡀࡉࡆࡀࡊ ࡒࡓࡉࡀ
3.332 ࡏࡕࡉࡀࡓ ࡌࡉࡀ ࡄࡉࡉࡀ ࡅࡓࡉࡄࡀ ࡁࡀࡎࡉࡌࡀ ࡅࡌࡔࡀࡁࡉࡍ ࡄࡉࡉࡀ ࡒࡀࡃࡌࡀࡉࡉࡀ
3.333 ࡅࡏࡕࡉࡌࡋࡅࡍ ࡄࡉࡉࡀ ࡅࡔࡊࡉࡍࡉࡀ ࡄࡉࡉࡀ ࡅࡊࡋࡉࡋ ࡀࡋࡌࡉࡀ ࡔࡀࡄࡉࡀ ࡅࡀࡋࡌࡉࡀ ࡁࡌࡉࡔࡀ
3.334 ࡔࡉࡄࡉࡀ ࡅࡊࡅࡋ ࡃࡅࡊࡕࡀ ࡖࡌࡀࡈࡉࡕ ࡔࡅࡌࡀ ࡀࡌࡅࡓ ࡐࡋࡀࡍࡉࡕࡀ ࡅࡍࡉࡔࡌࡀࡕࡀ
3.335 ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ . ࡅࡒࡓࡉࡀ ࡁࡆࡉࡅ ࡖࡍࡐࡉࡔ ࡑࡁࡉࡍࡀ
3.336 ࡅࡔࡊࡉࡍࡉࡀ ࡄࡉࡉࡀ ࡁࡆࡉࡅࡀࡉࡄࡅࡍ . ࡅࡄࡀࡉࡆࡀࡊ ࡀࡄࡃࡀࡓ ࡌࡀࡓࡂࡍࡀࡊ ࡏࡋ ࡉࡀࡌࡉࡍࡀࡊ
3.337 ࡅࡀࡌࡅࡓ ࡊࡅࡔࡈࡀ ࡀࡎࡉࡍࡊࡅࡍ ࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡁࡀࡕࡓࡀ ࡖࡈࡀࡁࡉࡀ
3.338 ࡌࡉࡕࡒࡀࡉࡌࡉࡀ ࡁࡉࡍࡉࡀ ࡌࡀࡍࡉࡀ ࡖࡍࡄࡅࡓࡀ ࡅࡆࡀࡅࡉࡃ ࡁࡒࡀࡋࡀ ࡄࡀࡉࡋࡀ
3.339 ࡅࡊࡀࡋࡅࡆࡀ ࡍࡉࡔࡉࡌࡕࡀ ࡖࡐࡋࡀࡍࡉࡕࡀ ࡅࡍࡉࡔࡌࡀࡕࡀ ࡖࡏࡕࡉࡒࡓࡉࡀ ࡅࡏࡕࡒࡀࡉࡀࡌ
3.340 ࡅࡏࡕࡉࡓࡔࡉࡌ ࡁࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡅࡃࡀࡁࡀࡄࡀࡕࡀࡍ ࡅࡓࡁࡀࡍࡀࡍ
3.341 ࡅࡃࡀࡄࡀࡍ ࡅࡃࡀࡄࡅࡀࡕࡀࡍ ࡅࡎࡀࡉࡊࡀ ࡅࡊࡅࡋ ࡃࡅࡊࡕࡀ ࡖࡏࡊࡀ ࡏࡔࡅࡌࡀ ࡀࡌࡅࡓ
3.342 ࡐࡋࡀࡍࡉࡕࡀ ࡅࡍࡉࡔࡌࡀࡕࡀ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀࡍ ࡅࡆࡀࡅࡉࡃ ࡆࡀࡅࡀࡃࡀࡕࡀ
3.343 ࡁࡒࡀࡋࡀ ࡅࡄࡀࡉࡋࡀ ࡅࡊࡀࡋࡅࡆࡀ ࡅࡒࡓࡉࡀ ࡌࡊࡀࡋࡀࡋࡍࡀ ࡅࡔࡀࡊࡉࡁࡍࡀ ࡅࡌࡉࡍࡀ ࡅࡌࡍ
3.344 ࡔࡀࡓࡅࡉࡀ ࡅࡁࡉࡍࡉࡀ {{ࡎࡉ}} ࡊࡉࡎࡉࡀ ࡋࡆࡉࡅࡀ ࡅࡍࡉࡀࡄࡀ ࡅࡔࡀࡋࡌࡀ ࡍࡉࡄࡅࡉࡀ . ࡅࡄࡀࡉࡆࡀࡊ
3.345 ࡀࡒࡓࡉࡀ ࡏࡓࡅࡕࡀࡉ ࡅࡕࡅࡔࡁࡉࡄࡕࡀࡉ ࡅࡏࡆࡉࡋ ࡁ^ࡉ^ࡔࡋࡀࡌ ࡅࡌࡀࡍࡀ ࡁࡂࡉࡍࡆࡉࡀ
3.346 ࡄࡀࡃࡉࡀ ࡅࡈࡅࡁࡀࡊ ࡈࡅࡁࡀࡊ ࡍࡉࡔࡌࡀ ࡅࡄࡀࡁࡔࡀࡁࡀ ࡅࡊࡅࡔࡈࡀ ࡅࡆࡉࡃࡒࡀ ࡅࡆࡉࡃࡀࡍࡀ
3.347 ࡅࡌࡆࡀࡅࡃࡀࡍࡀ ࡅࡎࡋࡉࡒ ࡅࡀࡎࡒࡀࡍ ࡌࡉࡍࡇ ࡅࡉࡅࡌࡀ ࡖࡍࡀࡐࡉࡒ ࡍࡉࡔࡌࡇ
3.348 ࡅࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡁࡄࡉࡓࡀࡉ . ࡅࡁࡓࡉࡊࡉࡀ ࡅࡌࡔࡀࡁࡉࡀ ࡄࡉࡉࡀ
3.349 ࡑࡈࡀࡓࡕࡉࡀ ࡅࡁࡉࡍࡕࡀ ࡖࡁࡀࡉࡍࡉࡀ ࡄࡉࡉࡀ ࡏࡋࡀࡍࡉࡀ . ࡅࡄࡀࡉࡆࡀࡊ ࡒࡓࡉࡀ ࡅࡁࡓࡉࡊࡉࡀ
3.350 ࡅࡌࡔࡀࡁࡉࡀ ࡄࡉࡉࡀ ࡓࡀࡁࡕࡉࡀ ࡅࡀࡕࡍࡀ ࡏࡃࡀࡊ ࡋࡂࡉࡍࡆࡀࡊ ࡅࡒࡓࡉࡀ ࡈࡀࡁ
3.351 ࡈࡀࡁࡀ ࡋࡈࡀࡁࡉࡀ ࡅࡗ ࡌࡀࡈࡉࡕ ࡔࡅࡌࡀ ࡀࡌࡅࡓ ࡔࡁࡅࡒࡅࡋࡇ ࡄࡀࡈࡀࡉࡇ
3.352 ࡅࡄࡀࡅࡁࡇ ࡅࡎࡊࡋࡀࡕࡇ ࡅࡕࡉࡒࡋࡀࡕࡇ ࡅࡔࡀࡁࡀࡔࡀࡕࡇ ࡋࡌࡀࡍ ࡖࡄࡀࡆࡀ ࡌࡀࡎࡉࡒࡕࡀ
3.353 ࡅࡃࡀࡁࡀࡄࡀࡕࡀ ࡀࡁࡀࡃ ࡄࡀࡈࡀࡉࡇ ࡅࡄࡀࡅࡁࡇ ࡅࡎࡊࡋࡀࡕࡇ ࡅࡕࡉࡒࡋࡀࡕࡇ ࡅࡔࡀࡁࡀࡔࡀࡕࡇ
3.354 ࡍࡉࡔࡁࡅࡒࡋࡇ ࡌࡀࡓࡀࡉ ࡌࡀࡍࡃࡀ ࡖࡄࡉࡉࡀ ࡅࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ
3.355 ࡅࡋࡌࡀࡓࡇ ࡖࡀࡂࡓࡀ ࡅࡆࡉࡃࡒࡀ ࡅࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍࡉࡕࡀ ࡅࡍࡉࡔࡌࡀࡕࡀ ࡖࡄࡀࡆࡀ
3.356 ࡌࡀࡎࡉࡒࡕࡀ ࡅࡃࡀࡁࡀࡄࡀࡕࡀ ࡔࡀࡁࡉࡒ ࡄࡀࡈࡀࡉࡉࡇ ࡍࡉࡄࡅࡉࡋࡅࡍ . ࡋࡃࡉࡋࡅࡍ ࡅࡆࡀࡅࡀࡉࡄࡅࡍ
3.357 ࡅࡔࡉࡕࡋࡀࡉࡄࡅࡍ ࡅࡋࡕࡀࡓࡌࡉࡃࡀࡉࡄࡅࡍ ࡅࡎࡀࡉࡊࡀ . ࡅࡔࡅࡋ ࡔࡅࡋࡕࡀ ࡅࡏࡕࡓࡀࡄࡀࡌ
3.358 ࡄࡀࡌ ࡁࡔࡅࡌࡀ ࡖࡍࡉࡔࡉࡌࡕࡀ ࡅࡍࡉࡔࡌࡀࡕࡀ ࡅࡃࡀࡁࡀࡄࡀࡕࡀ ࡅࡃࡓࡀ ࡊࡅࡔࡈࡀ
3.359 ࡌࡍ ࡔࡂࡀࡍࡃࡀ ࡅࡀࡌࡀࡓࡋࡇ ࡋࡔࡂࡀࡍࡃࡀ ࡊࡅࡔࡈࡀ ࡀࡎࡉࡍࡊࡅࡍ ࡏࡅࡕࡓࡉࡀ ࡀࡄࡀࡉ
3.360 ࡋࡀࡐ ࡋࡀࡅࡐࡀ ࡖࡄࡉࡉࡀ ࡗ ࡖࡋࡀࡉࡐࡉࡀ ࡏࡅࡕࡓࡉࡀ ࡁࡔࡊࡉࡍࡀࡕࡅࡍ ࡏࡅࡕࡓࡉࡀ
3.361 ࡀࡄࡀࡉ ࡁࡀࡎࡉࡌ ࡓࡉࡄࡀࡉࡊࡅࡍ ࡅࡁࡂࡀࡅࡀࡉࡊࡅࡍ ࡊࡅࡋࡇ ࡆࡉࡅࡀ ࡌࡋࡉࡀ ࡅࡀࡔࡂࡀࡍࡃࡀ
3.362 ࡍࡉࡌࡀࡓ ࡁࡏ ࡅࡀࡔࡊࡀ ࡅࡀࡌࡀࡓ ࡅࡔࡕࡌࡀ ࡅࡍࡀࡔࡒࡉࡀ ࡏࡃࡀࡉࡄࡅࡍ . ࡅࡄࡀࡉࡆࡀࡊ
3.363 ࡅࡄࡀࡉࡆࡀ ࡒࡓࡉࡀ ࡔࡊࡀࡍ ࡄࡉࡉࡀ ࡔࡊࡉࡍࡕࡀ ࡅࡁࡉࡍࡕࡀ ࡖࡁࡀࡉࡍࡉࡀ ࡋࡃࡀࡓࡃࡀࡓࡉࡀ
3.364 ࡋࡀࡁࡀࡈࡋࡀ ࡅࡀࡌࡅࡓ ࡊࡁࡉࡔ ࡄࡔࡅࡊࡀ ࡁࡏࡅࡌࡇ ࡅࡕࡓࡉࡑ ࡍࡄࡅࡓࡀ ࡁࡃࡅࡊࡕࡀ
3.365 ࡅࡎࡀࡉࡊࡀ ࡅࡒࡓࡉࡀ ࡁࡆࡉࡅ ࡖࡍࡐࡉࡔ ࡑࡁࡉࡍࡀ . ࡅࡒࡅࡌ ࡏࡋ ࡋࡉࡂࡓࡀࡊ ࡅࡀࡌࡅࡓ
3.366 ࡄࡀࡋࡉࡍ ࡓࡀࡄࡌࡉࡀ ࡅࡎࡀࡃࡀࡓࡀࡕࡀ ࡖࡄࡀࡋࡉࡍ ࡀࡁࡀࡄࡀࡕࡀ ࡄࡉࡍࡅࡍ . ࡅࡄࡀࡉࡆࡀࡊ
3.367 ࡀࡕࡍࡀ ࡏࡃࡀࡊ ࡋࡓࡉࡔࡀ ࡅࡒࡓࡉࡀ ࡐࡕࡀࡄࡀ ࡖࡓࡀࡄࡌࡉࡀ ࡋࡍࡀࡐࡔࡀࡊ ࡒࡓࡉࡀ
3.368 ࡄࡉࡉࡀ ࡒࡉࡓࡉࡅࡉࡀ ࡋࡉࡀࡅࡀࡓ ࡆࡉࡅࡀ ࡅࡁࡔࡅࡌࡀ ࡖࡄࡉࡉࡀ ࡀࡍࡀ ࡋࡄࡉࡉࡀ ࡒࡀࡃࡌࡀࡉࡉࡀ
3.369 ࡎࡀࡂࡉࡃࡍࡀ ࡅࡌࡍ ࡄࡀࡊࡀ ࡋࡕࡉࡕ ࡒࡓࡉࡀ ࡁࡓࡀࡄࡌࡉࡀ ࡖࡍࡀࡐࡔࡀࡊ . ࡁࡔࡅࡌࡀ
3.370 ࡖࡄࡉࡉࡀ ࡁࡉࡕ ࡌࡉࡔࡒࡀࡋ ࡀࡉࡍࡉࡀ ࡅࡀࡌࡅࡓ ࡀࡎࡅࡕࡀ ࡅࡆࡀࡊࡅࡕࡀ ࡅࡔࡀࡁࡉࡒ
3.371 ࡍࡉࡄࡅࡉࡋࡇ ࡋࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡓࡀࡓࡉࡅࡄࡀࡍࡀ ࡁࡓ ࡌࡅࡃࡀࡋࡀࡋ
3.372 ࡌࡉࡔࡒࡀࡋ ࡀࡉࡍࡉࡀ ࡀࡓࡅࡌࡉࡀ ࡂࡉࡋࡉࡀ ࡅࡌࡔࡀࡁࡉࡍ ࡄࡉࡉࡀ ࡒࡀࡃࡌࡀࡉࡉࡀ
3.373 ࡅࡊࡅࡔࡈࡀ ࡀࡎࡉࡍࡊࡅࡍ ࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡅࡁࡔࡅࡌࡀ ࡖࡄࡉࡉࡀ
3.374 ࡁࡓࡉࡊࡉࡀ ࡅࡌࡔࡀࡁࡉࡀ ࡄࡉࡉࡀ ࡖࡔࡅࡌ ࡁࡓ ࡍࡅ ࡅࡈࡀࡅ ࡅࡈࡀࡁࡀ ࡋࡈࡀࡁࡀ
3.375 ࡅࡀࡓࡁࡉࡊ ࡅࡏࡕࡉࡁ ࡅࡔࡃࡉࡀ ࡁࡔࡀࡁࡉࡒ ࡄࡀࡈࡀࡉࡉࡀ ࡀࡁࡀࡄࡀࡕࡀࡍ ࡒࡀࡃࡌࡀࡉࡉࡀ
3.376 ࡅࡍࡉࡔࡌࡀࡕࡀ ࡖࡌࡀࡍࡃࡀࡉࡉࡀ ࡅࡕࡀࡓࡌࡉࡃࡉࡀ ࡅࡂࡀࡍࡆࡉࡁࡓࡉࡀ ࡅࡂࡉࡍࡆࡀࡉࡉࡀ ࡅࡓࡉࡔࡀࡉࡉࡀ
3.377 ࡅࡓࡉࡔࡀࡌࡉࡀ ࡗ ࡖࡎࡁࡉࡓࡋࡀࡊ ࡅࡎࡀࡉࡊࡀ ࡏࡋ ࡋࡉࡂࡓࡀࡊ ࡅࡃࡓࡀ ࡐࡉࡄࡕࡀ
3.378 ࡅࡌࡀࡌࡁࡅࡄࡀ ࡁࡏࡃࡀࡊ ࡅࡒࡓࡉࡀ ࡕࡌࡀࡍࡉࡀ ࡁࡀࡅࡀࡕࡀ ࡖࡐࡉࡄࡕࡀ ࡋࡐࡉࡄࡕࡀ
3.379 ࡅࡕࡀࡓࡕࡉࡍ ࡁࡀࡅࡀࡕࡀ ࡖࡌࡀࡌࡁࡅࡄࡀ ࡋࡌࡀࡌࡁࡅࡄࡀ ࡅࡑࡅࡁࡀ ࡋࡐࡉࡄࡕࡀ ࡁࡌࡀࡌࡁࡅࡄࡀࡊ
3.380 ࡅࡀࡌࡅࡓ ࡌࡀࡋࡉࡋ ࡅࡐࡕࡀ ࡋࡐࡀࡍࡃࡀࡌࡀࡊ ࡅࡐࡀࡋࡈࡇ ࡅࡀࡊࡅࡋ ࡐࡉࡄࡕࡀࡊ ࡅࡔࡕࡉࡀ
3.381 ࡌࡀࡌࡁࡅࡄࡀࡊ ࡅࡀࡔࡂࡀࡍࡃࡀ ࡉࡀࡄࡉࡁࡋࡀࡊ ࡄࡀࡋࡀࡋࡕࡀ ࡌࡍ ࡒࡀࡍࡉࡍࡀࡊ ࡁࡀࡓࡀࡉࡀ
3.382 ࡅࡔࡕࡉࡀ ࡅࡀࡕࡍࡀ ࡉࡀࡄࡉࡁࡋࡀࡊ ࡄࡀࡋࡀࡋࡕࡀ ࡕࡉࡍࡉࡀࡍࡕࡉࡀ ࡅࡒࡓࡉࡀ ࡏࡕࡉࡌࡋࡅࡍ
3.383 ࡄࡉࡉࡀ ࡅࡔࡊࡉࡍࡉࡀ ࡄࡉࡉࡀ ࡅࡓࡌࡉࡀ ࡀࡕࡅࡕࡉࡀ ࡌࡀࡓࡂࡍࡀࡊ ࡅࡒࡓࡉࡀ ࡈࡀࡁ
3.384 ࡈࡀࡁࡀ ࡋࡈࡀࡁࡇ ࡅࡒࡀࡉࡉࡌ ࡔࡉࡕࡉࡍ ࡆࡉࡁࡍࡉࡀ ࡅࡄࡃࡀ ࡆࡉࡁࡍࡀ ࡅࡔࡅࡋ
3.385 ࡔࡅࡋࡕࡀ ࡅࡏࡕࡓࡀࡄࡀࡌ ࡋࡍࡀࡐࡔࡀࡊ ࡅࡃࡓࡀ ࡊࡅࡔࡈࡀ ࡌࡍ ࡀࡔࡂࡀࡍࡃࡀ
3.386 ࡅࡀࡅࡒࡀࡓ ࡕࡀࡂࡀࡊ ࡅࡏࡕࡉࡁ ࡅࡀࡕࡉࡀ ࡋࡂࡉࡍࡆࡀࡊ ࡖࡒࡓࡉࡕ ࡖࡀࡁࡀࡄࡀࡕࡀ
3.387 ࡁࡔࡅࡌࡀ ࡖࡂࡀࡁࡓࡀ ࡅࡏࡍࡕࡀ ࡅࡁࡄࡅࡊࡑࡀ ࡖࡃࡉࡒࡋࡀ ࡀࡎࡀࡓࡉࡍࡅࡍ ࡁࡉࡄࡃࡀࡃࡉࡀ
3.388 ࡅࡄࡉࡉࡀ ࡄࡃࡅࡍ ࡋࡀࡋࡀࡌ ࡀࡋࡌࡉࡀ ࡅࡄࡉࡉࡀ ࡆࡀࡊࡉࡍ ~~~~~~~~~~~~~~~~~~
3.389 ࡎ ࡀ