← Back
The Comprehensive Aramaic Lexicon
← Return to the Text Browser
click on the file description for more information
74428: Šarh Ddukrana ...

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

4.390 ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡍࡅࡊࡓࡀࡉࡉࡀ ࡌࡍ ࡀࡋࡌࡉࡀ ࡖࡍࡄࡅࡓࡀ
4.391 ࡉࡀࡕࡉࡓࡉࡀ ࡖࡏࡋࡀࡅࡉࡀ ࡅࡊࡅࡋࡄࡅࡍ ࡏࡅࡁࡀࡃࡉࡀ ࡀࡎࡅࡕࡀ ࡅࡆࡀࡊࡅࡕࡀ ࡅࡄࡀࡉࡋࡀ ࡅࡔࡓࡀࡓࡀ
4.392 ࡅࡏࡌࡓࡀ ࡅࡔࡉࡌࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡓࡀࡌࡉࡅࡄࡀࡍࡀ ࡁࡓ ࡌࡅࡃࡀࡋࡀࡋ
4.393 ࡁࡄࡀࡉࡋࡇ ࡖࡉࡀࡅࡀࡓ ࡆࡉࡅࡀ ࡅࡎࡉࡌࡀࡕ ࡄࡉࡉࡀ . ࡔࡀࡓࡄ̤ {ࡖࡁࡅࡊ} ࡖࡃࡅࡊࡓࡀࡍࡀ
4.394 ࡖࡔࡅࡌࡀࡉࡉࡀ ࡎࡀࡃࡀࡓࡉࡅࡍ ࡕࡋࡀࡕࡀ ࡈࡀࡓࡉࡀࡍࡀ ࡂࡀࡍࡆࡉࡁࡓࡀ ࡖࡒࡉࡓࡉࡇ ࡋࡐࡕࡀࡄࡇ
4.395 ࡖࡁࡉࡌࡀࡍࡃࡀ ࡖࡄࡅ ࡃࡅࡊࡓࡀࡍࡀ ࡓࡁࡀ ࡋࡉࡄࡃࡀࡉࡀ ࡓࡁࡀ ࡆࡀࡃࡉࡒࡀ ࡔࡅࡌࡇ ࡅࡀࡃࡉࡀࡅࡓࡇ
4.396 ࡕࡓࡉࡍ ࡕࡀࡓࡌࡉࡃࡉࡀ ࡊࡅࡋ ࡄࡀࡃ ࡌࡎࡀࡃࡀࡓࡋࡇ ࡋࡈࡀࡓࡉࡀࡍࡀ ࡁࡀࡋࡄࡅࡃࡇ ࡌࡎࡀࡃࡀࡓ
4.397 ࡊࡅࡋ ࡄࡀࡃ ࡌࡉࡍࡀࡉࡄࡅࡍ ࡀࡓࡁࡀࡎࡀࡓ ࡒࡉࡍࡉࡀ ࡅࡌࡀࡕࡍࡀ ࡋࡒࡉࡍࡀ ࡁࡇ ࡅࡀࡌࡅࡆࡀ ࡅࡀࡓࡁࡉࡀ
4.398 ࡏࡍࡁࡉࡀ ࡅࡀࡓࡁࡉࡀ ࡑࡉࡍࡃࡉࡀ ࡖࡓࡅࡌࡀࡍࡀ ࡅࡏࡎࡐࡀࡓࡂࡋࡀ ࡋࡒࡉࡍࡀ ࡅࡌࡉࡔࡀ ࡁࡊࡀࡐࡕࡀ
4.399 ࡅࡀࡓࡁࡉࡀ ࡏࡍࡁࡉࡀ ࡁࡉࡍࡉࡀࡓࡀ . ࡅࡄࡀࡉࡆࡀࡊ ࡁࡄࡅࡓࡉࡅࡍ ࡌࡀࡍࡀࡉࡊࡅࡍ ࡅࡃࡓࡅࡍ ࡕࡀࡂࡀࡉࡊࡅࡍ
4.400 ࡅࡌࡀࡓࡂࡍࡀࡉࡊࡅࡍ ࡁࡏࡃࡀࡉࡊࡅࡍ ࡂࡀࡍࡆࡉࡁࡓࡀ ࡃࡀࡓࡀ ࡕࡓࡉࡍ ࡒࡀࡍࡉࡍࡉࡀ ࡅࡕࡀࡓࡌࡉࡃࡉࡀ
4.401 ࡍࡉࡃࡓࡅࡍ ࡊࡅࡋ ࡄࡀࡃ ࡕࡀࡓࡌࡉࡃࡀ ࡄࡀࡃ ࡒࡀࡍࡉࡍࡀ ࡅࡌࡀࡋࡉࡍ ࡒࡀࡍࡉࡍࡅࡍ ࡌࡍ ࡉࡀࡓࡃࡍࡀ
4.402 ࡅࡀࡉࡋࡉࡍ ࡋࡁࡉࡌࡀࡍࡃࡀ ࡅࡌࡀࡓࡁࡉࡀ ࡌࡉࡀ ࡏࡋ ࡀࡓࡁࡉࡀ ࡏࡍࡁࡉࡀ ࡖࡁࡉࡍࡉࡀࡓࡀ
4.403 ࡌࡀࡕࡍࡀࡍ ࡅࡄࡀࡉࡆࡀࡊ ࡍࡉࡃࡓࡅࡍ ࡕࡀࡂࡀࡉࡅࡍ ࡁࡉࡃࡀࡉࡅࡍ ࡅࡍࡉࡌࡓࡅࡍ ࡁࡔࡅࡌࡀࡉࡄࡅࡍ
4.404 ࡖࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡍࡅࡊࡓࡀࡉࡉࡀ ࡌࡍ ࡀࡋࡌࡉࡀ ࡖࡍࡄࡅࡓࡀ ࡉࡀࡕࡉࡓࡉࡀ
4.405 ࡖࡏࡋࡀࡅࡉࡀ ࡅࡊࡅࡋࡄࡅࡍ ࡏࡅࡁࡀࡃࡉࡀ ࡅࡍࡉࡃࡓࡅࡍ ࡆࡄࡀࡓࡀ ࡋࡍࡀࡐࡔࡀࡉࡄࡅࡍ ࡅࡍࡉࡌࡓࡅࡍ
4.406 ࡕࡅࡌ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ ࡋࡄࡀࡋࡉࡍ ࡍࡉࡔࡌࡀࡕࡀ
4.407 ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡅࡃࡀࡁࡀࡄࡀࡕࡀࡍ ࡅࡓࡁࡀࡍࡀࡍ ࡅࡃࡀࡄࡀࡍ ࡅࡃࡀࡄࡅࡀࡕࡀࡍ
4.408 ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡏࡋ ࡃࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ ࡁࡄࡀࡉࡋࡇ
4.409 ࡖࡉࡀࡅࡀࡓ ࡆࡉࡅࡀ ࡅࡎࡉࡌࡀࡕ ࡄࡉࡉࡀ ࡅࡒࡓࡅࡍ ࡁࡔࡅࡌࡀ ࡖࡄࡀࡄࡅ ࡂࡀࡁࡓࡀ
4.410 ࡒࡀࡃࡌࡀࡉࡀ ࡅࡕࡓࡅࡑࡉࡅࡍ ࡕࡀࡂࡀࡉࡊࡅࡍ ࡁࡓࡉࡔࡀࡉࡊࡅࡍ ࡁࡀࡓࡁࡉࡀ ࡁࡀࡅࡀࡕࡀ
4.411 . ࡅ[ࡄࡀ]ࡉࡆࡀࡊ ࡋࡀࡂࡈࡉࡍ ࡒࡅࡓࡍࡀ ࡖࡍࡀࡑࡉࡐࡀ ࡅࡍࡉࡌࡓࡅࡍ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ
4.412 ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ ࡋࡄࡀࡆࡀ ࡍࡉࡔࡉࡌࡕࡀ ࡖࡄࡀࡋࡉࡍ ࡌࡀࡎࡒࡀࡕ{{ࡉ}}ࡀ ࡅࡃࡅࡊࡓࡀࡍࡉࡀ
4.413 ࡅࡋࡀࡁࡀࡄࡀࡕࡀࡍ ࡅࡓࡁࡀࡍࡀࡍ ࡅࡋࡀࡄࡀࡍ ࡅࡋࡀࡄࡅࡀࡕࡀࡍ ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡋࡃࡒࡀࡉࡌࡉࡀ
4.414 ࡁࡐࡀࡂࡓࡀࡉࡄࡅࡍ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡄࡀࡉࡀࡋ ࡊࡁࡀࡓ ࡓࡀࡆࡀ ࡓࡁࡀ
4.415 ࡅࡍࡀࡊࡓࡉࡊࡉࡍ ࡐࡀࡍࡃࡀࡌࡀ ࡋࡐࡅࡌࡀࡉࡄࡅࡍ ࡅࡄࡀࡉࡆࡀࡊ ࡍࡉࡃࡓࡅࡍ ࡒࡀࡍࡉࡍࡀ ࡅࡍࡉࡒࡓࡅࡍ
4.416 ࡌࡉࡀ ࡀࡍࡀࡕࡅࡍ ࡄࡉࡉࡀ ࡅࡁࡃࡉࡍࡁࡀ ࡍࡉࡌࡓࡅࡍ ࡋࡓࡀࡄࡌࡉࡀ ࡔࡅࡌࡇ
4.417 ࡅࡋࡄࡀࡋࡉࡍ ࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡅࡋࡀࡁࡀࡄࡀࡕࡀࡍ
4.418 ࡅࡓࡁࡀࡍࡀࡍ ࡅࡋࡀࡄࡀࡍ ࡅࡋࡀࡄࡅࡀࡕࡀࡍ ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡋࡃࡒࡀࡉࡌࡉࡀ
4.419 ࡁࡐࡀࡂࡓࡀࡉࡄࡅࡍ ࡅࡕࡉࡌࡓࡅࡍ ࡒࡀࡉࡀࡌࡉࡍ ࡄࡉࡉࡀ ࡁࡔࡊࡉࡍࡀࡕࡅࡍ ࡅࡄࡉࡉࡀ ࡆࡀࡊࡏࡉࡍ
4.420 . ࡅࡍࡉࡃࡓࡅࡍ ࡓࡉࡄࡀ ࡅࡍࡉࡒࡓࡅࡍ ࡄࡀࡋ ࡄࡉࡉࡀ ࡒࡀࡃࡌࡀࡉࡉࡀ ࡅࡁࡃࡉࡍࡁࡀ
4.421 ࡍࡉࡌࡓࡅࡍ ࡍࡉࡎࡒࡀ ࡄࡀࡋࡉࡍ ࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ
4.422 ࡍࡉࡄࡆࡅࡍࡀ/ࡍࡉࡄࡆࡅࡍࡇ#2#/ ࡋࡀࡕࡓࡀ ࡓࡁࡀ ࡖࡍࡄࡅࡓࡀ ࡅࡋࡃࡀࡅࡓࡀ ࡕࡀࡒࡍࡀ ࡅࡌࡔࡀࡁࡉࡍ ࡄࡉࡉࡀ
4.423 . ࡅࡄࡀࡉࡆࡀࡊ ࡍࡉࡃࡓࡅࡍ ࡓࡀࡅࡈࡀ ࡖࡀࡎࡀ ࡁࡉࡃࡀࡉࡄࡅࡍ ࡅࡍࡉࡌࡓࡅࡍ ࡋࡀࡅࡐࡀ ࡅࡓࡅࡀࡄࡀ
4.424 ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ ࡋࡄࡀࡋࡉࡍ ࡍࡉࡔࡌࡀࡕࡀ ࡖࡄࡀࡋࡉࡍ
4.425 ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡅࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡍࡅࡊࡓࡀࡉࡉࡀ
4.426 ࡌࡍ ^ࡄࡉࡉࡀ^ ࡀࡅࡃࡉࡍ ࡅࡕࡅࡔࡁࡉࡄࡀࡍ ࡋࡄࡉࡉࡀ ࡓࡅࡓࡁࡉࡀ ࡍࡅࡊࡓࡀࡉࡉࡀ ࡒࡀࡃࡌࡀࡉࡉࡀ ࡅࡍࡉࡂࡀࡃࡋࡅࡍ
4.427 ࡊࡋࡉࡋࡀ ࡅࡍࡀࡕࡍࡅࡍ ࡋࡂࡉࡍࡆࡀࡉࡄࡅࡍ ࡅࡁࡊࡅࡋ ࡃࡅࡊࡕࡀ ࡖࡏࡊࡀ ࡔࡅࡌࡀ ࡍࡉࡌࡓࡅࡍ
4.428 ࡋࡄࡀࡋࡉࡍ ࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡅࡍࡉࡒࡓࡅࡍ ࡁࡔࡅࡌࡀࡉࡄࡅࡍ
4.429 ࡖࡄࡉࡉࡀ ࡕࡅࡔࡁࡉࡄࡀࡍ ࡅࡐࡀࡉࡔࡉࡍ ࡏࡍࡁࡉࡀ ࡖࡀࡍࡉࡀࡓࡀ ࡅࡍࡉࡒࡓࡅࡍ ࡏࡋࡊࡅࡍ
4.430 ࡃࡉࡋࡊࡅࡍ ࡄࡉࡉࡀ ࡅࡍࡉࡌࡓࡅࡍ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ
4.431 ࡋࡄࡀࡋࡉࡍ ࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡌࡉࡔࡒࡀࡋ ࡀࡉࡍࡏ
4.432 ࡅࡁࡉࡕ ࡌࡉࡔࡒࡀࡋ ࡀࡉࡍࡉࡀ ࡅࡊࡀࡃࡐࡉࡀ ࡅࡃࡓࡀࡉࡉࡀ ࡅࡎࡀࡉࡊࡀ ࡄࡉࡍࡏࡋࡀ ࡆࡄࡀࡓࡀ
4.433 ࡖࡌࡍ ࡆࡉࡅࡀࡊ {{̊}} ࡕࡉࡀࡋࡁࡔࡉࡇ ࡋࡀࡍࡉࡃࡓࡅࡍ {{ࡁࡃࡅ}} ࡁࡃࡅࡊࡓࡀࡍࡀ
4.434 ࡖࡔࡅࡌࡀࡉࡉࡀ . ࡅࡄࡀࡉࡆࡀࡊ ࡃࡓࡅࡍ ࡐࡉࡄࡕࡀ ࡅࡒࡓࡅࡍ ࡕࡌࡀࡍࡉࡀ ࡁࡀࡅࡀࡕࡀ
4.435 ࡖࡐࡉࡄࡕࡀ ࡋࡐࡉࡄࡕࡀ ࡅࡀࡕࡍࡀ ࡋࡂࡉࡍࡆࡀࡉࡊࡅࡍ ࡅࡃࡀࡓࡅࡍ ࡍࡉࡀࡓࡀ ࡖࡌࡀࡌࡁࡅࡄࡀ
4.436 ࡅࡒࡓࡅࡍ ࡕࡀࡓࡕࡉࡍ ࡁࡀࡅࡀࡕࡀ ࡖࡌࡀࡌࡁࡅࡄࡀ ࡋࡌࡀࡌࡁࡅࡄࡀ ࡅࡀࡕࡍࡀ
4.437 ࡁࡈࡀࡓࡉࡀࡍࡊࡅࡍ ࡅࡄࡀࡉࡆࡀࡊ ࡍࡉࡒࡓࡅࡍ ࡅࡊࡋࡉࡋࡀ ࡖࡀࡎࡀ ࡍࡄࡀࡓ ࡍࡄࡅࡓࡀ
4.438 ࡅࡆࡄࡉࡓࡀ ࡅࡌࡆࡀࡄࡓࡀ ࡌࡉࡍࡉࡋࡉࡀ ࡖࡍࡄࡅࡓࡀ ࡋࡍࡉࡔࡌࡀࡕࡀ ࡖࡄࡀࡆࡉࡍ ࡌࡀࡎࡒࡀࡕࡀ
4.439 ࡅࡃࡅࡊࡓࡀࡍࡉࡀ ࡆࡄࡉࡓࡀ ࡅࡌࡆࡀࡄࡓࡀ ࡆࡓࡉࡆࡀ ࡅࡌࡆࡀࡓࡆࡀ ࡅࡌࡂࡀࡉࡀ ࡅࡉࡀࡉࡀ ࡗ ࡊࡋࡉࡋࡀ
4.440 ࡁࡓࡀࡆࡉࡀ ࡕࡓࡉࡑ ࡁࡓࡉࡔࡀࡉࡉࡍ ࡖࡄࡀࡋࡉࡍ ࡍࡉࡔࡌࡀࡕࡀ ࡖࡄࡀࡋࡉࡍ
4.441 ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡀࡋࡌࡀ ࡋࡁࡀࡁࡀ ࡓࡁࡀ ࡖࡁࡉࡕ ࡀࡁࡀࡕࡅࡓ ࡅࡎࡀࡉࡊࡀ
4.442 . ࡅࡍࡀࡕࡍࡅࡍ ࡑࡁࡉࡕࡅࡍ ࡓࡉࡔࡀࡉࡕࡀ ࡁࡊࡀࡐࡕࡀ ࡖࡌࡉࡔࡀ ࡅࡍࡉࡃࡓࡅࡍ ࡏࡋࡇ
4.443 ࡁࡔࡅࡌࡀ ࡖࡄࡉࡉࡀ ࡀࡎࡂࡉࡀ ࡌࡀࡍࡃࡀ ࡖࡄࡉࡉࡀ ࡋࡊࡅࡊࡁࡉࡀ ࡅࡁࡃࡉࡍࡁࡀ
4.444 ࡍࡉࡌࡓࡅࡍ ࡋࡓࡀࡄࡌࡉࡀ ࡔࡅࡌࡇ ࡄࡀࡋࡉࡍ ࡅࡋࡍࡉࡔࡌࡀࡕࡀ ࡖࡄࡀࡋࡉࡍ
4.445 ࡅࡃࡅࡊࡓࡀࡍࡉࡀ ࡍࡉࡄࡅࡉࡀ ࡔࡅࡌࡇ ࡅࡄࡉࡉࡀ ࡆࡀࡊࡉࡍ . ࡅࡄࡀࡉࡆࡀࡊ ࡂࡀࡍࡆࡉࡁࡓࡀ
4.446 ࡅࡕࡀࡓࡌࡉࡃࡉࡀ ࡒࡀࡓࡉࡍ ࡊࡅࡋ ࡄࡀࡃ ࡋࡒࡉࡍࡇ ࡒࡀࡃࡌࡀࡉࡕࡀ ࡁࡔࡅࡌࡀ ࡖࡄࡀࡃ
4.447 ࡂࡀࡍࡆࡉࡁࡓࡀ ࡖࡌࡓࡀࡅࡓࡀࡁ ࡔࡅࡌࡇ . ࡅࡀࡌࡓࡉࡍ ࡁࡔࡅࡌࡀࡉࡄࡅࡍ ࡖࡄࡉࡉࡀ
4.448 ࡓࡁࡉࡀ ࡋࡀࡅࡐࡀ ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ ࡋࡄࡀࡆࡀ ࡍࡉࡔࡉࡌࡕࡇ
4.449 ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡅࡊࡓࡀࡍࡀ ࡁࡔࡅࡌࡀ ࡖࡄࡉࡉࡀ ࡍࡅࡊࡓࡀࡉࡉࡀ ࡄࡀࡆࡉࡍ ࡆࡉࡅࡀ
4.450 ࡅࡍࡄࡅࡓ ࡄࡉࡉࡀ ࡅࡓࡔࡅࡌࡉࡅࡍ ࡕࡋࡀࡕࡀ ࡓࡅࡔࡅࡌࡉࡀ ࡋࡒࡉࡍࡀ ࡅࡀࡌࡅࡓࡉࡅࡍ ࡌࡉࡐࡀࡒ
4.451 ࡓࡅࡄࡀ ࡅࡍࡉࡔࡉࡌࡕࡀ ࡌࡍ ࡐࡀࡂࡓࡀ ࡅࡏࡕࡋࡀࡁࡅࡔࡉࡀ ࡀࡋࡁࡉࡔࡉࡅࡍ ࡐࡉࡄࡕࡀ
4.452 ࡁࡊࡋࡉࡋࡀ ࡅࡀࡌࡅࡓࡉࡅࡍ ࡍࡉࡔࡌࡀࡕ ࡄࡉࡉࡀ ࡅࡗ ࡌࡀࡈࡉࡕࡅࡍ ࡅࡀࡕࡉࡀ ࡑࡀࡅࡓࡏࡉࡋ
4.453 ࡔࡀࡓࡅࡉࡀ ࡖࡔࡀࡓࡉࡀ ࡓࡅࡄࡀ ࡅࡍࡉࡔࡉࡌࡕࡀ ࡌࡍ ࡐࡀࡂࡓࡀ ࡅࡗ ࡌࡀࡈࡉࡕࡅࡍ
4.454 ࡌࡀ ࡖࡁࡇ ࡀࡌࡅࡓࡉࡅࡍ ࡐࡋࡀࡍ ࡓࡔࡉࡌ ࡁࡓࡅࡔࡅࡌࡀ ࡖࡄࡉࡉࡀ ࡅࡏࡕࡋࡀࡁࡀࡔ
4.455 ࡁࡀࡋࡁࡅࡔࡉࡇ ࡖࡉࡅࡆࡀࡈࡀࡒ ࡌࡀࡍ̊ࡃࡀ ࡖࡄࡉࡉࡀ ࡅࡗ ࡌࡀࡈࡉࡕࡅࡍ ࡀࡋࡀࡕ ࡍࡉࡔࡉࡌࡕࡀ
4.456 ࡖࡄࡀࡆࡀ ࡌࡀࡎࡉࡒࡕࡀ ࡅࡃࡅࡊ[ࡓࡀ]ࡍࡀ ࡋࡁࡉࡕ ࡀࡁࡀࡕࡅࡓ ࡉࡀࡄࡁࡀࡕ ࡔࡅࡌࡀ
4.457 ࡅࡓࡅࡔࡅࡌࡀ ࡅࡁࡉࡓࡉࡊࡕࡀ ࡌࡀ!ࡍ!ࡁࡅࡕࡀ/ࡌࡀࡑࡁࡅࡕࡀ#1##2#/ ࡌࡉࡍࡃࡀ/ࡅࡌࡉࡍࡃࡀࡌ#1#/ ࡖࡁࡇ ࡐࡋࡀࡍ ^ࡁࡓ^ ࡐࡋࡀࡍࡉࡕࡀ ࡓࡔࡉࡌ
4.458 ࡁࡓࡅࡔࡅࡌࡀ ࡖࡄࡉࡉࡀ ࡐࡋࡀࡍ ࡁࡓ ࡐࡋࡀࡍࡉࡕࡀ ࡓࡔࡉࡌ ࡁࡓࡅࡔࡅࡌࡀ ࡖࡄࡉࡉࡀ
4.459 ࡍࡉࡔࡉࡌࡕࡀ ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡓࡔࡉࡌࡀ ࡁࡓࡅࡔࡅࡌࡀ ࡖࡄࡉࡉࡀ ࡅࡔࡅࡌࡀ
4.460 ࡖࡄࡉࡉࡀ ࡅࡔࡅࡌࡀ ࡖࡌࡀࡍࡃࡀ ࡖࡄࡉࡉࡀ ࡌࡀࡃࡊࡀࡓ ࡏࡋࡇ ࡅࡗ ࡌࡀࡈࡉࡕ ࡅࡀࡕࡉࡀ
4.461 ࡀࡋࡀࡍࡐࡀ ࡖࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡅࡊࡓࡀࡍࡀ ࡑࡅࡓࡉࡊ
4.462 ࡄࡅ ࡆࡉࡅࡀ ࡓࡁࡀ ࡖࡄࡉࡉࡀ ࡅࡁࡃࡉࡍࡁࡀ ࡀࡌࡅࡓ ࡀࡆࡋࡀࡕ ࡓࡅࡄࡇ ࡖࡐࡋࡀࡍ
4.463 ࡖࡄࡀࡆࡀ ࡌࡀࡎࡉࡒࡕࡀ ࡅࡃࡅࡊࡓࡀࡍࡀ ࡅࡄࡅࡀࡕ {{ࡆ}} ࡗ ࡆࡀࡍ ࡍࡉࡔࡉࡌࡕࡀ ࡅࡏࡕࡒࡀࡉࡌࡀࡕ
4.464 {{ࡖ}} ࡁࡉࡕ ࡄࡉࡉࡀ ࡅࡄࡉࡉࡀ ࡆࡀࡊࡉࡍ ࡅࡓࡔࡉࡌࡉࡅࡍ ࡕࡋࡀࡕࡀ ࡓࡅࡔࡅࡌࡉࡀ . ࡅࡒࡓࡅࡍ
4.465 ࡀࡔࡀࡓ ࡑࡁࡀࡍ ࡑࡀࡁࡅࡄࡀ ࡅࡁࡔࡅࡌࡀ ࡖࡄࡉࡉࡀ ࡑࡁࡉࡍࡀ ࡅࡗ ࡌࡀࡈࡉࡕࡅࡍ
4.466 ࡗ ࡔࡀࡄࡋࡀࡋࡀ ࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡅࡊࡓࡀࡍࡀ
4.467 ࡋࡉࡋࡁࡅࡔ ࡐࡀࡂࡓࡉࡀ ࡅࡓࡔࡅࡌ ࡕࡋࡀࡕࡀ ࡓࡅࡔࡅࡌࡉࡀ ࡅࡎࡀࡉࡊࡀ ࡅࡒࡓࡅࡍ
4.468 ࡁࡓࡇ ࡀࡍࡀ ࡖࡌࡀࡍ ࡌࡀࡍࡀ ࡎࡌࡉࡓࡀ ࡅࡁࡃࡉࡍࡁࡀ ࡓࡔࡅࡌࡉࡅࡍ ࡕࡋࡀࡕࡀ
4.469 ࡓࡅࡔࡅࡌࡉࡀ . ࡄࡀࡉࡆࡀࡊ ࡒࡉࡍࡀ ࡀࡁࡀࡕࡀࡓ ࡒࡉࡍࡀ {{ࡒࡓࡅࡍ}} ࡒࡓࡅࡍ ࡀࡉࡀࡊ
4.470 ࡒࡉࡍࡀ ࡒࡀࡃࡌࡀࡉࡕࡀ ࡁࡔࡅࡌࡀ ࡖࡊࡅࡋࡄࡉࡍ ࡍࡉࡔࡌࡀࡕࡀ ࡖࡁࡀࡉࡉࡕࡅࡍ ࡌࡉࡒࡓࡉࡀ
4.471 ࡌࡀࡍࡃࡀࡉࡉࡀ ࡅࡕࡀࡓࡌࡉࡃࡉࡀ ࡅࡂࡀࡍࡆࡉࡁࡓࡉࡀ ࡅࡂࡉࡍࡆࡀࡉࡉࡀ ࡅࡓࡉࡔࡀࡉࡉࡀ ࡅࡓࡉࡔࡀࡌࡉࡀ
4.472 ࡒࡓࡅࡍ ࡅࡓࡔࡅࡌࡉࡅࡍ . ࡕࡅࡌ ࡄࡀࡆࡉࡍ ࡔࡀࡓࡄ̤ ࡖࡒࡉࡍࡀ ࡁࡀࡕࡓࡀࡉࡕࡀ ࡀࡕࡍࡀ
4.473 ࡋࡂࡉࡍࡆࡀࡉࡊࡅࡍ ࡅࡀࡕࡍࡅࡍ ࡑࡁࡉࡕࡀ ࡁࡊࡀࡐࡕࡀ ࡖࡌࡉࡔࡀ ࡅࡀࡌࡅࡓࡉࡅࡍ ࡋࡀࡅࡐࡀ
4.474 ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ ࡋࡄࡀࡆࡀ ࡍࡉࡔࡉࡌࡕࡀ
4.475 ࡖࡐࡋࡀࡍ ࡅࡋࡄࡀࡋࡉࡍ ࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡁࡔࡅࡌࡀ
4.476 ࡖࡄࡉࡉࡀ ࡍࡅࡊࡓࡀࡉࡉࡀ ࡄࡀࡆࡉࡍ ࡆࡉࡅࡀ ࡅࡍࡄࡅࡓ ࡄࡉࡉࡀ ࡅࡓࡔࡅࡌࡉࡅࡍ ࡕࡋࡀࡕࡀ ࡓࡅࡔࡅࡌࡉࡀ
4.477 ࡅࡍࡈࡅࡓࡉࡅࡍ ࡏࡃࡀࡉࡊࡅࡍ ࡅࡏࡆࡃࡀࡄࡀࡓࡉࡅࡍ ࡖࡋࡀࡕࡉࡓࡉࡔࡌࡅࡍ ࡁࡓࡅࡔࡅࡌࡀ ࡖࡌࡀ
4.478 ࡖࡁࡇ ࡅࡗ ࡔࡀࡄࡋࡀࡋࡀ ࡅࡃࡉࡍࡁࡀ ࡖࡁࡓࡇ ࡀࡍࡀ ࡅࡗ ࡌࡀࡈࡉࡕࡅࡍ ࡅࡀࡕࡉࡀ
4.479 ࡑࡀࡅࡓࡏࡉࡋ ࡔࡀࡓࡅࡉࡀ ࡖࡔࡀࡓࡉࡀ ࡓࡅࡄࡀ ࡅࡍࡉࡔࡉࡌࡕࡀ ࡌࡍ ࡐࡀࡂࡓࡀ
4.480 ࡋࡏࡉ^ࡉ^ࡋ ࡌࡍ ࡏࡅࡁࡀࡃࡉࡀ ࡏࡋࡉࡊ ࡒࡀࡉࡉࡌ ࡁࡀࡋࡁࡅࡔࡉࡀ ࡖࡉࡅࡆࡀࡈࡀࡒ ࡌࡀࡍࡃࡀ
4.481 ࡖࡄࡉࡉࡀ ࡖࡔࡀࡓࡉࡀ ࡅࡍࡀࡎࡉࡁ ࡌࡉࡍࡀ ࡄࡀࡅࡓࡀࡓࡀࡍ ࡅࡊࡀࡓࡊࡀࡅࡀࡍ ࡆࡉࡅࡀ ࡌࡀࡃࡁࡇ
4.482 ࡖࡐࡀࡂࡓࡇ ࡋࡀࡕࡉࡓࡉࡔࡌࡅࡍ ࡅࡏࡕࡋࡀࡁࡀࡔ ࡁࡀࡋࡁࡅࡔࡉࡀ ࡖࡉࡅࡆࡀࡈࡀࡒ ࡌࡀࡍࡃࡀ
4.483 ࡖࡄࡉࡉࡀ ࡅࡗ ࡌࡀࡈࡉࡕ ࡀࡋࡀࡕ ࡍࡉࡔࡉࡌࡕࡀ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡅࡊࡓࡀࡍࡀ
4.484 ࡋࡁࡉࡕ ࡀࡁࡀࡕࡅࡓ ࡉࡀࡄࡁࡀࡕ ࡔࡅࡌࡀ ࡅࡓࡅࡔࡅࡌࡀ ࡅࡁࡉࡓࡉࡊࡕࡀ ࡅࡌࡀࡑࡁࡅࡕࡀ
4.485 ࡌࡉࡍࡃࡀࡌ ࡖࡁࡇ ࡐࡋࡀࡍ ࡓࡔࡉࡌ ࡁࡓࡅࡔࡅࡌࡀ ࡖࡄࡉࡉࡀ ࡐࡋࡀࡍ ࡓࡔࡉࡌ
4.486 ࡁࡓࡅࡔࡅࡌࡀ ࡖࡄࡉࡉࡀ ࡍࡉࡔࡉࡌࡕࡇ ࡖࡐࡋࡀࡍ ࡓࡔࡉࡌࡀ ࡁࡓࡅࡔࡅࡌࡀ ࡖࡄࡉࡉࡀ
4.487 ࡅࡊࡅࡋࡄࡉࡍ ࡍࡉࡔࡌࡀࡕࡀ ࡖࡀࡁࡀ^ࡄࡀ^ࡕࡀࡍ ࡈࡀࡁࡉࡀ ࡓࡔࡉࡌࡉࡀ ࡁࡓࡅࡔࡅࡌࡀ ࡖࡄࡉࡉࡀ
4.488 ࡅࡄࡀࡉࡆࡀࡊ ࡓࡔࡅࡌࡉࡅࡍ ࡁࡔࡅࡌࡀ ࡖࡍࡉࡔࡌࡀࡕࡀ ࡖࡌࡀࡍࡃࡀࡉࡉࡀ ࡆࡉࡊࡓࡉࡀ ࡅࡍࡅࡒࡁࡀࡕࡀ
4.489 ࡍࡉࡔࡌࡀࡕࡀ ࡖࡕࡀࡓࡌࡉࡃࡉࡀ ࡅࡂࡀࡍࡆࡉࡁࡓࡉࡀ ࡅࡂࡉࡍࡆࡀࡉࡉࡀ ࡅࡓࡉࡔࡀࡉࡉࡀ ࡅࡓࡉࡔࡀࡌࡉࡀ
4.490 ࡅࡗ ࡀࡌࡓࡉࡕࡅࡍ ࡆࡀࡆࡀࡉ ࡖࡂࡀࡅࡀࡆࡕࡇ ࡓࡔࡉࡌ ࡁࡓࡅࡔࡅࡌࡀ ࡖࡄࡉࡉࡀ ࡅࡔࡅࡌࡀ
4.491 ࡖࡄࡉࡉࡀ ࡅࡔࡅࡌࡀ ࡖࡌࡀࡍࡃࡀ ࡖࡄࡉࡉࡀ ࡏࡋࡀࡅࡀࡉࡉࡍ ࡅࡗ ࡌࡀࡈࡉࡕࡅࡍ ࡌࡍ ࡀࡕࡅࡕࡉࡀ
4.492 ࡊࡅࡓࡎࡉࡀ ࡖࡀࡁࡀࡕࡅࡓ ࡀࡕࡉࡒࡀ ࡍࡀࡐࡉࡒ ࡅࡀࡕࡉࡀ ࡀࡋࡀࡍࡐࡀ ࡖࡄࡀࡆࡀ ࡍࡉࡔࡉࡌࡕࡀ
4.493 ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡅࡊࡓࡀࡍࡀ ࡑࡅࡓࡉࡊ ࡄࡅ ࡆࡉࡅࡀ ࡓࡁࡀ ࡖࡄࡉࡉࡀ
4.494 . ࡅࡁࡃࡉࡍࡁࡀ ࡀࡌࡅࡓ ࡀࡆࡋࡀࡕ ࡓࡅࡄࡇ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ
4.495 ࡅࡃࡅࡊࡓࡀࡍࡀ ࡅࡄࡅࡀࡕ ࡗ ࡆࡀࡍ ࡍࡉࡔࡉࡌࡕࡀ ࡅࡏࡕࡒࡀࡉࡌࡀࡕ ࡁࡉࡕ ࡄࡉࡉࡀ
4.496 ࡅࡄࡉࡉࡀ ࡆࡀࡊࡉࡍ ࡅࡓࡔࡅࡌ ࡕࡋࡀࡕࡀ ࡓࡅࡔࡅࡌࡉࡀ ࡅࡍࡈࡅࡓࡉࡅࡍ ࡏࡃࡀࡉࡊࡅࡍ ࡅࡄࡀࡉࡆࡀࡊ
4.497 ࡒࡓࡅࡍ ࡀࡔࡀࡓ ࡑࡁࡀࡍ ࡑࡀࡁࡅࡄࡀ ࡅࡁࡔࡅࡌࡀ ࡖࡄࡉࡉࡀ ࡑࡁࡉࡍࡀ ࡅࡗ ࡌࡀࡈࡉࡕࡅࡍ
4.498 ࡗ ࡔࡀࡄࡋࡀࡋࡀ ࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ ࡖࡄࡀࡆࡀ ࡌࡀࡎࡉࡒࡕࡀ ࡅࡃࡅࡊࡓࡀࡍࡀ
4.499 ࡋࡉࡋࡁࡅࡔ ࡐࡀࡂࡓࡉࡀ ࡅࡋࡀࡕࡉࡓࡉࡔࡌࡅࡍ ࡅࡎࡀࡉࡊࡀ . ࡅࡒࡓࡅࡍ ࡁࡓࡇ ࡀࡍࡀ ࡖࡌࡀࡍ
4.500 ࡌࡀࡍࡀ ࡎࡌࡉࡓࡀ ࡅࡋࡀࡕࡉࡓࡉࡔࡌࡅࡍ ࡅࡎࡀࡉࡊࡀ ࡅࡀࡌࡅࡓࡉࡅࡍ ࡐࡎࡀࡒࡍࡉࡀ ࡕࡋࡀࡕࡀ ࡓࡅࡔࡅࡌࡉࡀ
4.501 ࡌࡀ ࡖࡁࡇ ࡅࡗ ࡔࡀࡄࡋࡀࡋࡀ ࡅࡃࡉࡍࡁࡀ ࡖࡁࡓࡇ ࡀࡍࡀ . ࡅࡄࡀࡉࡆࡀࡊ ࡀࡕࡍࡅࡍ
4.502 ࡏࡃࡀࡉࡊࡅࡍ ࡋࡂࡉࡍࡆࡀࡉࡊࡅࡍ ࡅࡀࡌࡅࡓࡉࡅࡍ ࡏࡍࡂࡉࡓࡕࡀ ࡋࡀࡅࡐࡀ ࡅࡆࡀࡊࡅࡕࡀ ࡀࡕࡀࡋࡇ
4.503 ࡋࡄࡀࡋࡉࡍ ࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡌࡍ ࡁࡉࡕ ࡄࡉࡉࡀ
4.504 ࡅࡎࡀࡉࡊࡀ ࡅࡓࡔࡅࡌࡉࡅࡍ ࡕࡋࡀࡕࡀ ࡓࡅࡔࡅࡌࡉࡀ ࡅࡀࡌࡅࡓࡉࡅࡍ ࡄࡃࡀ ࡅࡕࡓࡉࡍ ࡅࡕࡋࡀࡕࡀ
4.505 ࡐࡉࡄࡕࡀ ࡌࡍ ࡊࡋࡉࡋࡀ ࡁࡏࡅࡄࡓࡇ ࡅࡏࡅࡌࡑࡀ ࡌࡍ ࡄࡀࡃ ࡐࡀࡈࡉࡓࡀ ࡏࡋࡀࡉࡀ ࡅࡁࡀࡕࡓࡀࡉࡀ
4.506 ࡃࡅࡓࡇ ࡋࡐࡀࡋࡂࡀ ࡖࡁࡇ ࡅࡀࡌࡅࡓ ࡐࡀࡋࡈࡉࡕ ࡅࡐࡉࡓࡕࡉࡕ ࡅࡁࡀࡕࡓࡀࡉࡀ ࡃࡉࡓࡉࡕ
4.507 ࡐࡀࡋࡂࡀ ࡖࡁࡇ ࡅࡀࡌࡅࡓࡉࡅࡍ ࡊࡅࡔࡈࡀ ࡀࡎࡉࡍࡊࡅࡍ ࡌࡉࡀ ࡁࡄࡀࡌࡓࡀ . ࡅࡄࡀࡉࡆࡀࡊ
4.508 ࡌࡍ ࡒࡀࡍࡉࡍࡀ ࡂࡀࡅࡀࡉࡀ ࡀࡓࡉࡒࡉࡅࡍ ࡁࡉࡍࡉࡀࡓࡀ ࡅࡋࡅࡂࡅࡈࡉࡅࡍ ࡋࡉࡍࡉࡀࡓࡀ ࡁࡏࡃࡀࡉࡊࡅࡍ
4.509 ࡅࡒࡓࡅࡍ ࡁࡉࡄࡓࡉࡀ ࡉࡅࡊࡀࡔࡀࡓ ࡋࡉࡁࡓࡀࡉࡀ ࡅࡗ ࡌࡀࡈࡉࡕࡅࡍ ࡍࡉࡕࡉࡀࡉࡓࡀ
4.510 ࡄࡀࡋࡉࡍ ࡍࡉࡔࡌࡀ ࡖࡏࡕࡉࡒࡓࡉࡀ ࡅࡏࡕࡒࡀࡉࡀࡌ ࡅࡏࡕࡉࡓࡔࡉࡌ ࡁࡄࡀࡋࡉࡍ ࡌࡀࡎࡒࡀࡕࡀ
4.511 ࡅࡃࡅࡊࡓࡀࡍࡉࡀ ࡅࡃࡀࡁࡀࡄࡀࡕࡀࡍ ࡅࡓࡁࡀࡍࡀࡍ ࡅࡃࡀࡄࡀࡍ ࡅࡃࡀࡄࡅࡀࡕࡀࡍ ࡖࡍࡐࡀࡒ ࡌࡍ
4.512 ࡐࡀࡂࡓࡀࡉࡄࡅࡍ ࡅࡋࡃࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ ࡅࡎࡀࡉࡊࡀ . ࡅࡒࡓࡅࡍ ࡌࡀࡋࡉࡋ
4.513 ࡐࡕࡀ ࡄࡉࡉࡀ ࡓࡁࡉࡀ ࡁࡐࡅࡌࡀࡉࡄࡅࡍ ࡅࡐࡀࡋࡈࡅࡉࡀ ࡋࡐࡀࡍࡃࡀࡌࡀ ࡌࡍ ࡐࡅࡌࡀࡉࡊࡅࡍ
4.514 ࡑࡁࡅࡍ ࡐࡉࡄࡕࡀ ࡁࡄࡀࡌࡓࡀ ࡅࡀࡊࡅࡋࡉࡅࡍ ࡅࡔࡕࡅࡍ ࡌࡀࡌࡁࡅࡄࡀࡉࡊࡅࡍ ࡅࡁࡓࡉࡔ
4.515 ࡀࡔࡂࡀࡍࡃࡀ ࡉࡀࡄࡉࡁࡋࡇ ࡄࡀࡋࡀࡋࡕࡀ ࡋࡂࡀࡍࡆࡉࡁࡓࡀ ࡖࡔࡀࡕࡉࡀ ࡅࡀࡁࡀࡕࡓࡇ
4.516 ࡉࡀࡄࡉࡁࡋࡇ ࡄࡀࡋࡀࡋࡕࡀ ࡋࡄࡅࡓࡉࡍࡉࡀ ࡖࡁࡄࡀࡊ ࡓࡉࡔࡀ ࡀࡉࡕࡇ ࡖࡔࡀࡕࡉࡀ
4.517 ࡅࡁࡀࡕࡓࡀࡉࡀ ࡉࡀࡄࡉࡁࡋࡇ ࡄࡀࡋࡀࡋࡕࡀ ࡋࡌࡉࡑࡀࡉࡀ ࡖࡔࡀࡕࡉࡀ . ࡅࡄࡀࡉࡆࡀࡊ ࡍࡉࡓࡌࡅࡍ
4.518 ࡓࡉࡄࡀ ࡋࡍࡅࡓࡀ ࡅࡍࡉࡒࡓࡅࡍ ࡏࡕࡉࡀࡓ ࡌࡉࡀ ࡄࡉࡉࡀ ࡏࡋ ࡔࡊࡉࡍࡀࡕࡅࡍ ࡅࡁࡃࡉࡍࡁࡀ
4.519 ࡀࡌࡅࡓࡉࡅࡍ ࡍࡉࡕࡉࡀࡉࡓࡀ ࡄࡀࡋࡉࡍ ࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ
4.520 ࡄࡀࡉࡀࡕࡀ ࡏࡓࡀࡕࡀ ࡕࡀࡒࡅࡍࡀࡕࡀ ࡓࡀࡅࡀࡆࡀࡕࡀ ࡅࡎࡀࡉࡊࡀ ࡅࡒࡓࡅࡍ ࡓࡉࡄࡀ ࡁࡀࡎࡉࡌࡀ
4.521 ࡋࡀࡕࡓࡇ ࡍࡉࡎࡀࡒ ࡅࡁࡃࡉࡍࡁࡀ ࡀࡌࡅࡓࡉࡅࡍ ࡍࡉࡔࡁࡅࡒࡋࡅࡍ ࡋࡓࡀࡄࡌࡉࡀ ࡔࡅࡌࡇ ࡖ
4.522 ࡊࡅࡔࡈࡀ ࡅࡋࡄࡀࡋࡉࡍ ࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡅࡄࡉࡉࡀ ࡆࡀࡊࡏࡉࡍ
4.523 . ࡒࡅࡌࡉࡅࡍ ࡏࡋ ࡋࡉࡂࡓࡀࡉࡊࡅࡍ ࡅࡒࡓࡅࡍ ࡁࡔࡅࡌࡀ ࡖࡄࡉࡉࡀ ࡌࡔࡀࡁࡉࡍ ࡄࡉࡉࡀ
4.524 ࡒࡀࡃࡌࡀࡉࡉࡀ ࡅࡁࡃࡉࡍࡁࡀ ࡀࡌࡅࡓࡉࡅࡍ ࡄࡉࡉࡀ ࡒࡀࡃࡌࡀࡉࡉࡀ ࡕࡓࡅࡑ ࡀࡉࡍࡀࡉࡊࡅࡍ
4.525 ࡋࡄࡀࡋࡉࡍ ࡍࡉࡔࡌࡀࡕࡀ ࡖࡏࡕࡉࡒࡓࡉࡀ ࡅࡏࡕࡉࡓࡔࡉࡌ ࡁࡄࡀࡋࡉࡍ ࡌࡀࡎࡒࡀࡕࡀ
4.526 ࡅࡃࡅࡊࡓࡀࡍࡉࡀ ࡅࡃࡀࡁࡀࡄࡀࡕࡀࡍ ࡅࡓࡁࡀࡍࡀࡍ ࡅࡃࡀࡄࡀࡍ ࡅࡃࡀࡄࡅࡀࡕࡀ ࡖࡍࡐࡀࡒ
4.527 ࡌࡍ ࡐࡀࡂࡓࡀࡉࡄࡅࡍ ࡅࡋࡃࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ ࡅࡎࡀࡉࡊࡀ . ࡅࡒࡓࡅࡍ
4.528 ࡏࡕࡉࡌࡋࡅࡍ ࡄࡉࡉࡀ ࡅࡔࡊࡉࡍࡉࡀ ࡄࡉࡉࡀ ࡅࡊࡋࡉࡋ ࡀࡋࡌࡉࡀ ࡔࡀࡄࡉࡀ ࡅࡁࡃࡉࡍࡁࡀ
4.529 ࡀࡌࡅࡓࡉࡅࡍ ࡕࡓࡉࡑ ࡅࡌࡀࡍࡄࡀࡓ ࡁࡓࡉࡔࡀࡉࡉࡍ ࡖࡄࡀࡋࡉࡍ ࡍࡉࡔࡌࡀࡕࡀ ࡖࡄࡀࡋࡉࡍ
4.530 ࡌࡀࡎࡒࡀࡕࡀ {{ࡅࡃࡅࡊ}} ࡅࡃࡅࡊࡓࡀࡍࡉࡀ ࡅࡎࡀࡉࡊࡀ . ࡅࡒࡓࡅࡍ ࡀࡋࡌࡉࡀ ࡁࡌࡉࡔࡀ ࡔࡉࡄࡉࡀ
4.531 ࡅࡁࡆࡉࡅ ࡖࡍࡐࡉࡔ ࡑࡁࡉࡍࡀ ࡅࡔࡊࡉࡍࡉࡀ ࡄࡉࡉࡀ ࡁࡆࡉࡅࡀࡉࡄࡅࡍ ࡄࡃࡀࡓࡉࡅࡍ ࡌࡀࡓࡂࡍࡀࡉࡊࡅࡍ
4.532 ࡋࡉࡀࡌࡉࡍࡀࡉࡊࡅࡍ ࡅࡌࡅࡓࡉࡅࡍ ࡊࡅࡔࡈࡀ ࡀࡎࡉࡍࡊࡅࡍ ࡀࡎࡉࡍࡉࡍࡊࡅࡍ ࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ
4.533 ࡁࡀࡕࡓࡀ ࡖࡈࡀࡁࡉࡀ ࡌࡉࡕࡒࡀࡉࡌࡉࡀ ࡁࡉࡍࡉࡀ ࡌࡀࡍࡉࡀ ࡖࡍࡄࡅࡓࡀ ࡋࡄࡀࡋࡉࡍ ࡍࡉࡔࡌࡀࡕࡀ
4.534 ࡖࡏࡕࡉࡒࡓࡉࡀ ࡅࡏࡕࡒࡀࡉࡀࡌ ࡁࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡅࡃࡀࡁࡀࡄࡀࡕࡀࡍ
4.535 ࡅࡓࡁࡀࡍࡀࡍ ࡅࡃࡀࡄࡀࡍ ࡅࡃࡀࡄࡅࡀࡕࡀࡍ ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡋࡃࡒࡀࡉࡌࡉࡀ
4.536 ࡁࡐࡀࡂࡓࡀࡉࡄࡅࡍ ࡅࡎࡀࡉࡊࡀ ࡁࡊࡅࡋ ࡃࡅࡊࡕࡀ ࡖࡌࡀࡈࡉࡕࡅࡍ ࡆࡀࡅࡀࡃࡀࡕࡀ ࡆࡀࡅࡉࡃ ࡁࡒࡀࡋࡀ
4.537 ࡄࡀࡉࡋࡀ ࡅࡊࡀࡋࡅࡆࡀ ࡅࡒࡓࡅࡍ ࡁࡔࡅࡌࡀ ࡖࡄࡉࡉࡀ ࡌࡊࡀࡋࡀࡋࡍࡀ ࡅࡔࡀࡊࡉࡁࡍࡀ ࡅࡁࡃࡉࡍࡁࡀ
4.538 ࡀࡌࡅࡓࡉࡅࡍ ࡍࡉࡕࡒࡀࡓࡁࡀ ࡄࡀࡋࡉࡍ ࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡋࡅࡀࡕ
4.539 ࡀࡍࡀࡍࡀ ࡖࡍࡄࡅࡓࡀ ࡅࡎࡀࡉࡊࡀ . ࡅࡒࡓࡉࡀ ࡌࡉࡍࡇ ࡅࡌࡍ ࡔࡀࡓࡅࡉࡀ ࡍࡉࡎࡒࡀ ࡄࡀࡋࡉࡍ
4.540 ࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡍࡉࡄࡆࡅࡍࡇ ࡋࡀࡕࡓࡀ ࡓࡁࡀ ࡖࡍࡄࡅࡓࡀ
4.541 ࡅࡋࡃࡀࡅࡓࡀ ࡕࡀࡒࡍࡀ ࡅࡌࡔࡀࡁࡉࡍ ࡖࡄࡉࡉࡀ ࡅࡎࡀࡉࡊࡀ . ࡅࡒࡓࡅࡍ ࡁࡉࡍࡉࡀ ࡊࡉࡎࡉࡀ
4.542 ࡋࡆࡉࡅࡀ ࡅࡁࡃࡉࡍࡁࡀ ࡀࡌࡅࡓࡉࡅࡍ ࡋࡇ ࡋࡄࡀࡍࡀࡕࡇ ࡀࡕࡓࡀ ࡒࡓࡏࡉࡀ ࡅࡌࡆࡀࡌࡍࡀ
4.543 ࡍࡉࡔࡌࡀࡕࡀ ࡖࡏࡕࡉࡒࡓࡉࡀ ࡁࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡅࡏࡕࡉࡓࡔࡉࡌ
4.544 ࡁࡄࡀࡆࡀ ࡓࡅࡔࡅࡌࡀ ࡍࡉࡄࡆࡅࡍࡇ ࡋࡀࡕࡓࡀ ࡓࡁࡀ ࡖࡍࡄࡅࡓࡀ ࡅࡋࡃࡀࡅࡓࡀ ࡕࡀࡒࡍࡀ
4.545 ࡅࡌࡔࡀࡁࡉࡍ ࡄࡉࡉࡀ ࡅࡒࡓࡅࡍ ࡍࡉࡀࡄࡀ ࡅࡔࡀࡋࡌࡀ ࡍࡉࡄࡅࡉࡀ ࡁࡏࡅࡄࡓࡀ ࡖࡀࡃࡀࡌ ࡊࡉࡔࡓࡀ
4.546 ࡅࡍࡉࡀࡄࡀ ࡅࡔࡀࡋࡌࡀ ࡍࡉࡄࡅࡉࡀ ࡋࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡀࡆࡋࡀ
4.547 ࡔࡓࡀࡕࡀ ࡍࡉࡔࡉࡌࡕࡀ ࡋࡔࡅࡔࡉࡋࡕࡀ ࡅࡕࡀࡁࡉࡓࡕࡉࡍࡅࡍ ࡋࡑࡅࡑࡈࡌࡌࡉࡀ ࡅࡎࡀࡉࡊࡀ .
4.548 ࡅࡒࡓࡉࡀ ࡏࡓࡅࡕࡀࡉ ࡅࡕࡅࡔࡁࡉࡄࡕࡀࡉ ࡅࡁࡔࡅࡌࡀ ࡖࡄࡉࡉࡀ ࡏࡆࡉࡋ ࡁࡔࡋࡀࡌ ࡅࡌࡀࡍࡉࡀ
4.549 ࡁࡂࡉࡍࡆࡀ ࡄࡀࡃࡉࡀ ࡅࡈࡅࡁࡀࡊ ࡈࡅࡁࡀࡊ ࡍࡉࡔࡌࡀ ࡅࡄࡀࡁࡔࡀࡁࡀ ࡅࡊࡅࡔࡈࡀ ࡅࡆࡉࡃࡒࡀ
4.550 ࡅࡆࡉࡃࡀࡍࡀ ࡅࡌࡆࡀࡅࡃࡀࡍࡀ ࡅࡁࡃࡉࡍࡁࡀ ࡀࡌࡅࡓࡉࡅࡍ ࡄࡉࡉࡀ ࡀࡔࡊࡀ ࡃࡉࡋࡅࡍ ࡅࡀࡔࡊࡀࡕ ࡋࡄࡀࡋࡉࡍ
4.551 ࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡌࡎࡀࡊࡉࡀ ࡌࡉࡔࡕࡀࡉࡉࡍ ࡄࡉࡉࡀ
4.552 ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ ࡖࡀࡎࡂࡉࡀ ࡋࡊࡀ ࡅࡎࡋࡉࡒ ࡅࡀࡎࡒࡀࡍ ࡌࡉࡍࡇ ࡅࡉࡅࡌࡀ ࡖࡍࡀࡐࡉࡒ
4.553 ࡍࡉࡔࡌࡀ ࡅࡁࡃࡉࡍࡁࡀ ࡀࡌࡅࡓࡉࡅࡍ ࡄࡉࡉࡀ ࡀࡔࡊࡀࡃࡉࡋࡅࡍ ࡅࡀࡔࡊࡀࡕ ࡋࡍࡉࡔࡌࡀࡕࡀ
4.554 ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡌࡎࡀࡊࡉࡀ ࡌࡉࡔࡕࡀࡉࡉࡍ ࡄࡉࡉࡀ ࡆࡀࡊࡉࡍ ࡅࡆࡀࡊࡉࡀ ࡂࡀࡁࡓࡀ
4.555 ࡖࡀࡎࡂࡉࡀ ࡋࡊࡀ ࡅࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡁࡄࡉࡓࡀࡉ . ࡅࡄࡀࡉࡆࡀࡊ ࡒࡓࡅࡍ
4.556 ࡁࡓࡉࡊࡉࡀ ࡅࡌࡔࡀࡁࡉ{{ࡀ}}<<ࡍ>> ࡄࡉࡉࡀ ࡋࡄࡀࡋࡉࡍ ࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ
4.557 ࡁࡓࡀࡄࡌࡉࡀ ࡏࡕࡉࡌࡋࡅࡍ ࡌࡔࡀࡁࡉࡕ ࡌࡀࡓࡀࡉ ࡌࡀࡍࡃࡀ ࡖࡄࡉࡉࡀ ࡀࡍࡀࡕ ࡀࡎࡒࡉࡍࡅࡍ ࡋࡄࡀࡋࡉࡍ
4.558 ࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡅࡋࡀࡕࡀࡂࡆࡀࡓ ࡏࡋࡀࡅࡀࡉࡄࡉࡍ ࡅࡎࡀࡉࡊࡀ
4.559 ࡅࡀࡄࡃࡀࡓࡉࡅࡍ ࡌࡀࡓࡂࡍࡀ ࡋࡎࡌࡀࡋࡊࡅࡍ ࡅࡒࡓࡅࡍ . ࡁࡉࡍࡕࡀ ࡖࡁࡀࡉࡍࡉࡀ ࡄࡉࡉࡀ ࡏࡋࡀࡍࡉࡀ .
4.560 ࡅࡁࡔࡅࡌࡀ ࡖࡄࡉࡉࡀ ࡁࡓࡉࡊࡉࡀ ࡅࡌࡔࡀࡁࡉࡀ ࡄࡉࡉࡀ ࡓࡀࡁࡕࡉࡀ ࡖࡔࡅࡌ ࡁࡓ ࡍࡅ
4.561 ࡅࡗ ࡌࡀࡈࡉࡕࡅࡍ ࡊࡅࡋࡉࡋࡀ ࡌࡍ ࡓࡅࡀࡆ ࡂࡅࡐࡍࡀ ࡍࡉࡕࡓࡅࡑࡋࡉࡍ ࡁࡓࡉࡔࡀࡉࡉࡍ ࡖࡄࡀࡋࡉࡍ
4.562 ࡍࡉࡔࡌࡀࡕࡀ ࡖࡏࡕࡉࡒࡓࡉࡀ ࡅࡏࡕࡒࡀࡉࡀࡌ ࡅࡏࡕࡉࡓࡔࡉࡌ ࡁࡄࡀࡋࡉࡍ ࡌࡀࡎࡒࡀࡕࡀ
4.563 ࡅࡃࡅࡊࡓࡀࡍࡉࡀ ࡅࡃࡀࡁࡀࡄࡀࡕࡀ ࡅࡓࡁࡀࡍࡀࡍ ࡅࡃࡀࡄࡀࡍ ࡅࡃࡀࡄࡅࡀࡕࡀࡍ ࡅࡎࡀࡉࡊࡀ ࡅࡀࡕࡍࡅࡍ
4.564 ࡏࡃࡇ ࡋࡂࡉࡍࡆࡀࡉࡊࡅࡍ ࡅࡒࡓࡅࡍ . ࡈࡀࡁ ࡈࡀࡁࡀ ࡋࡈࡀࡁࡉࡀ ࡅࡃࡅࡊࡕࡀ ࡖࡌࡀࡈࡉࡕࡅࡍ
4.565 ࡔࡁࡅࡒࡅࡋࡇ ࡄࡀࡈࡀࡉࡉࡇ ࡅࡄࡀࡅࡁࡇ ࡅࡎࡊࡋࡀࡕࡇ ࡅࡕࡉࡒࡋࡀࡕࡇ ࡅࡔࡀࡁࡀࡔࡀࡕࡇ
4.566 ࡋࡌࡀࡓࡇ ࡖࡀࡂࡓࡀ ࡅࡆࡉࡃࡒࡀ ࡅࡋࡄࡀࡋࡉࡍ ࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ
4.567 ࡅࡃࡅࡊࡓࡀࡍࡉࡀ ࡋࡃࡉࡋࡅࡍ ࡅࡆࡀࡅࡀࡉࡄࡅࡍ ࡅࡔࡉࡕࡋࡀࡉࡄࡅࡍ ࡅࡋࡕࡀࡓࡌࡉࡃࡀࡉࡄࡅࡍ ࡅࡎࡀࡉࡊࡀ
4.568 ࡅࡄࡀࡉࡆࡀࡊ ࡒࡅࡌࡉࡅࡍ ࡏࡋ ࡋࡉࡂࡓࡀࡉࡊࡅࡍ ࡅࡔࡅࡋࡉࡅࡍ ࡔࡅࡋࡕࡀ ࡅࡏࡕࡓࡀࡄࡀࡌࡉࡅࡍ ࡁࡄࡀࡋࡉࡍ
4.569 ࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡅࡎࡀࡉࡊࡀ . ࡅࡀࡌࡅࡓࡉࡅࡍ ࡖ
4.570 ࡒࡓࡉࡍࡉࡀ ࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡁࡄࡉࡓࡀࡉ ࡅࡁࡓࡉࡊࡉࡀ ࡅࡌࡔࡀࡁࡉࡀ
4.571 ࡄࡉࡉࡀ ࡑࡈࡀࡓࡕࡉࡀ ࡅࡁࡉࡍࡕࡀ ࡖࡁࡉࡍࡉࡀ ࡄࡉࡉࡀ ࡅࡁࡓࡉࡊࡉࡀ ࡅࡌࡔࡀࡁࡉࡀ ࡄࡉࡉࡀ
4.572 ࡖࡔࡅࡌ ࡁࡓ ࡍࡅ ࡅࡈࡀࡁ ࡋࡈࡀࡁࡀ ࡋࡈࡀࡁࡇ ࡅࡔࡅࡋࡉࡅࡍ ࡔࡅࡋࡕࡀ ࡁࡔࡅࡌࡀ ࡖ
4.573 ࡄࡀࡋࡉࡍ ࡍࡉࡔࡌࡀࡕࡀ ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡅࡄࡀࡉࡆࡀࡊ ࡂࡀࡍࡆࡉࡁࡓࡀ
4.574 ࡐࡀࡔࡉࡈ ࡅࡋࡀࡂࡉࡈࡋࡀ ࡋࡏࡃࡀ ࡖࡄࡀࡊ ࡕࡀࡓࡌࡉࡃࡀ ࡖࡁࡓࡉࡔࡀ ࡅࡀࡌࡀࡓ
4.575 ࡊࡅࡔࡈࡀ ࡀࡎࡉࡍࡊࡅࡍ ࡏࡅࡕࡓࡉࡀ ࡀࡄࡀࡉ ࡋࡀࡐ ࡋࡀࡅࡐࡀ ࡖࡄࡉࡉࡀ ࡗ ࡖࡋࡀࡉࡐࡏ
4.576 ࡏࡅࡕࡓࡉࡀ ࡁࡔࡊࡉࡍࡀࡕࡅࡍ ࡅࡕࡀࡓࡌࡉࡃࡀ ࡍࡉࡌࡀࡓ ࡏࡅࡕࡓࡉࡀ ࡀࡄࡀࡉ ࡁࡀࡎࡉࡌ
4.577 ࡓࡉࡄࡀࡉࡊࡅࡍ ࡅࡁࡂࡀࡅࡀࡉࡊࡅࡍ ࡊࡅࡋࡇ ࡆࡉࡅࡀ ࡌࡋࡉࡀ . ࡅࡍࡀࡔࡒࡉࡍ ࡏࡃࡀࡉࡄࡅࡍ ࡕࡅࡌ
4.578 ࡂࡀࡍࡆࡉࡁࡓࡀ ࡅࡌࡉࡑࡀࡉࡀ ࡋࡀࡂࡈࡉࡍ ࡏࡃࡀ ࡁࡏࡃࡀ ࡅࡍࡉࡌࡀࡓ ࡂࡀࡍࡆࡉࡁࡓࡀ ࡏࡅࡕࡓࡉࡀ
4.579 ࡀࡄࡀࡉ ࡁࡀࡎࡉࡌ ࡓࡉࡄࡀࡉࡊࡅࡍ ࡅࡁࡂࡀࡅࡀࡉࡊࡅࡍ ࡊࡅࡋࡇ ࡆࡉࡅࡀ ࡌࡋࡉࡀ . ࡅࡍࡉࡌࡀࡓ
4.580 ࡕࡀࡓࡌࡉࡃࡀ ࡊࡅࡔࡈࡀ ࡀࡎࡉࡍࡊࡅࡍ ࡏࡅࡕࡓࡉࡀ ࡀࡄࡀࡉ ࡋࡀࡐ ࡋࡀࡅࡐࡀ ࡖࡄࡉࡉࡀ ࡅࡗ
4.581 ࡖࡋࡀࡉࡐࡉࡀ ࡏࡅࡕࡓࡉࡀ ࡁࡔࡊࡉࡍࡀࡕࡅࡍ ࡅࡍࡀࡔࡒࡉࡍ ࡏࡃࡀࡉࡄࡅࡍ . ࡅࡕࡀࡓࡌࡉࡃࡀ ࡖࡁࡓࡉࡔࡀ
4.582 ࡒࡀࡉࡉࡌ ࡍࡉࡌࡀࡓࡋࡇ ࡋࡌࡉࡑࡀࡉࡀ ࡊࡅࡔࡈࡀ ࡀࡎࡉࡍࡊࡅࡍ ࡏࡅࡕࡓࡉࡀ ࡀࡄࡀࡉ ࡋࡀࡐ
4.583 ࡋࡀࡅࡐࡀ ࡖࡄࡉࡉࡀ ࡗ ࡖࡋࡀࡉࡐࡉࡀ ࡏࡅࡕࡓࡉࡀ ࡁࡔࡊࡉࡍࡀࡕࡅࡍ ࡅࡌࡉࡑࡀࡉࡀ ࡍࡉࡌࡀࡓ
4.584 ࡏࡅࡕࡓࡉࡀ ࡀࡄࡀࡉ ࡁࡀࡎࡉࡌ ࡓࡉࡄࡀࡉࡊࡅࡍ ࡅࡁࡂࡀࡅࡀࡉࡊࡅࡍ ࡊࡅࡋࡇ ࡆࡉࡅࡀ ࡌࡋࡉࡀ
4.585 ࡅࡍࡀࡔࡒࡉࡍ ࡏࡃࡀࡉࡄࡅࡍ . ࡅࡄࡀࡉࡆࡀࡊ ࡒࡀࡓࡉࡍ ࡔࡊࡀࡍ ࡄࡉࡉࡀ ࡔࡊࡉࡍࡕࡀ ࡅࡁࡉࡍࡕࡀ ࡖ
4.586 ࡁࡀࡉࡍࡉࡀ ࡄࡉࡉࡀ ࡋࡃࡀࡓࡃࡀࡓࡉࡀ ࡋࡀࡁࡀࡈࡋࡀ ࡅࡀࡄࡃࡀࡓࡉࡅࡍ ࡏࡃࡀ ࡋࡔࡀࡓࡀ ࡖࡎࡌࡀࡋࡀ
4.587 ࡅࡀࡌࡅࡓࡉࡅࡍ ࡊࡁࡉࡔ ࡄࡔࡅࡊࡀ ࡁࡏࡌࡇ ࡅࡀࡕࡍࡅࡍ ࡏࡃࡀ ࡋࡂࡉࡍࡆࡀࡉࡊࡅࡍ ࡅࡀࡌࡅࡓࡉࡅࡍ
4.588 ࡕࡓࡉࡑ ࡍࡄࡅࡓࡀ ࡋࡃࡅࡊࡕࡇ ࡅࡁࡃࡉࡍࡁࡀ ࡀࡌࡅࡓࡉࡅࡍ ࡔࡓࡏࡉࡀ ࡄࡀࡋࡉࡍ ࡍࡉࡔࡌࡀࡕࡀ
4.589 ࡖࡄࡀࡋࡉࡍ ࡌࡀࡎࡒࡀࡕࡀ ࡅࡃࡅࡊࡓࡀࡍࡉࡀ ࡋࡀࡕࡓࡀ ࡓࡁࡀ ࡖࡍࡄࡅࡓࡀ ࡅࡃࡀࡅࡓࡀ ࡕࡀࡒࡍࡀ
4.590 ࡅࡄࡉࡉࡀ ࡆࡀࡊࡉࡍ ࡅࡒࡓࡉࡀ ࡁࡆࡉࡅ ࡖࡍࡐࡉࡔ ࡑࡁࡉࡍࡀ ࡄࡀࡌ ࡋࡂࡉࡍࡆࡀࡉࡊࡅࡍ . ࡅࡄࡀࡉࡆࡀࡊ
4.591 ࡒࡅࡌࡉࡅࡍ ࡋࡋࡉࡂࡓࡀࡉࡊࡅࡍ ࡅࡀࡕࡍࡅࡍ ࡏࡃࡀࡉࡊࡅࡍ ࡋࡓࡉࡔࡀࡉࡊࡅࡍ . ࡅࡒࡓࡅࡍ ࡁࡔࡅࡌࡀ
4.592 ࡖࡄࡉࡉࡀ ࡒࡉࡓࡉࡅࡉࡀ ࡋࡉࡀࡅࡀࡓ ࡆࡉࡅࡀ ࡅࡁࡔࡅࡌࡀ ࡖࡄࡉࡉࡀ ࡀࡍࡀ ࡋࡄࡉࡉࡀ ࡒࡀࡃࡌࡀࡉࡉࡀ
4.593 ࡎࡀࡂࡉࡃࡍࡀ ࡄࡀࡆࡉࡍ ࡐࡕࡀࡄࡀ ࡖࡓࡀࡄࡌࡉࡀ ࡄࡅ ࡅࡄࡀࡉࡆࡀࡊ ࡒࡓࡅࡍ ࡁࡓࡀࡄࡌࡉࡀ ࡖࡍࡀࡐࡔࡀࡉࡊࡅࡍ
4.594 ࡁࡉࡕ ࡌࡉࡔࡒࡀࡋ ࡀࡉࡍࡉࡀ ࡅࡃࡓࡅࡍ ࡀࡎࡅࡕࡀ ࡅࡆࡀࡊࡅࡕࡀ ࡋࡍࡀࡐࡔࡀࡉࡊࡅࡍ ࡅࡌࡉࡔࡒࡀࡋ
4.595 ࡀࡉࡍࡉࡀ ࡒࡓࡅࡍ ࡅࡁࡔࡅࡌࡀ ࡖࡄࡉࡉࡀ ࡌࡔࡀࡁࡉࡍ ࡄࡉࡉࡀ ࡒࡀࡃࡌࡀࡉࡉࡀ ࡅࡊࡅࡔࡈࡀ
4.596 ࡀࡎࡉࡍࡊࡅࡍ ࡏ<ࡕ>ࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ ࡅࡁࡓࡉࡊࡉࡀ ࡅࡌࡔࡀࡁࡉࡀ ࡄࡉࡉࡀ ࡓࡀࡁࡕࡉࡀ
4.597 ࡅࡀࡓࡁࡉࡊ ࡅࡏࡕࡉࡁ ࡅࡒࡓࡅࡍ ࡈࡀࡁ ࡈࡀࡁࡀ ࡋࡈࡀࡁࡇ ࡅࡕࡓࡉࡑ ࡊࡉࡍࡉࡀࡍࡀ
4.598 ࡋࡓࡀࡄࡌࡉࡀ ࡔࡅࡌࡇ ࡍࡉࡁࡉࡀ ࡅࡍࡀࡔࡊࡀ ࡅࡍࡉࡌࡀࡓ ࡅࡍࡉࡔࡕࡌࡀ ࡁࡉࡍ ࡅࡀࡔࡊࡀࡍࡉࡍ ࡅࡀࡌࡀࡓࡍࡉࡍ
4.599 ࡅࡔࡕࡌࡀࡍࡉࡍ ࡌࡍ ࡒࡅࡃࡀࡌࡀࡊ ࡃࡉࡋࡀࡊ ࡌࡀࡓࡀࡉ ࡌࡀࡍࡃࡀ ࡖࡄࡉࡉࡀ ࡌࡀࡓࡀࡉࡄࡅࡍ
4.600 ࡖࡀࡎࡀࡅࡀࡕࡀ ࡔࡁࡅࡒࡅࡋࡇ ࡄࡀࡈࡀࡉࡇ ࡅࡄࡀࡅࡁࡇ ࡅࡎࡊࡋࡀࡕࡇ ࡅࡕࡉࡒࡋࡀࡕࡇ ࡅࡔࡀࡁࡀࡔࡀࡕࡇ
4.601 ࡋࡌࡀࡍ ࡖࡄࡀࡆࡉࡍ ࡁࡅࡕࡇ ࡅࡓࡀࡄࡌࡉࡀ ࡁࡀ ࡄࡀࡈࡀࡉࡉࡇ ࡅࡄࡀࡅࡁࡇ ࡅࡎࡊࡋࡀࡕࡇ ࡅࡕࡉࡒࡋࡀࡕࡇ
4.602 ࡅࡔࡀࡁࡀࡔࡀࡕࡇ ࡍࡉࡔࡁࡉࡒࡅࡋࡇ ࡌࡀࡓࡀࡉ ࡌࡀࡍࡃࡀ ࡖࡄࡉࡉࡀ ࡅࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ
4.603 ࡋࡌࡀࡓࡇ ࡖࡀࡂࡓࡀ ࡅࡋࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡓࡀࡌ ࡉࡅࡄࡀࡍࡀ ࡁࡓ ࡌࡅࡃࡀࡋࡀࡋ
4.604 ࡖࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ .
4.605 ࡀࡁࡀࡄࡀࡕࡀࡍ ࡒࡀࡃࡌࡀࡉࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡉࡅࡔࡀࡌࡉࡍ ࡁࡓ ࡃࡌࡅࡕ
4.606 ࡄࡉࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡀࡁࡀࡕࡅࡓ ࡁࡓ ࡁࡉࡄࡓࡀࡕ ࡔࡀࡁࡉࡒ
4.607 ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡄࡀࡁࡔࡀࡁࡀ ࡅࡊࡀࡍࡀ ࡆࡉࡃࡒࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ
4.608 ࡎࡓࡉࡍ ࡅࡀࡓࡁࡀ ࡏࡅࡕࡓࡉࡀ ࡁࡍࡉࡀ ࡍࡄࡅࡓࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ
4.609 ࡐࡕࡀࡄࡉࡋ ࡁࡓ ࡆࡀࡄࡓࡏࡉࡋ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡀࡃࡀࡌ
4.610 ࡁࡓ ࡒࡉࡍ ࡅࡄࡀࡅࡀ ࡆࡀࡅࡇ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡔࡉࡕࡉࡋ ࡁࡓ ࡀࡃࡀࡌ
4.611 ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡓࡀࡌ ࡅࡓࡅࡃ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ
4.612 ࡔࡅࡓࡁࡀࡉ ࡅࡔࡀࡓࡄࡀࡁࡏࡉࡋ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ ࡔࡅࡌ
4.613 ࡁࡓ ࡍࡅ ࡅࡍࡄࡅࡓࡀࡉࡕࡀ ࡆࡀࡅࡇ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡉࡀࡄࡉࡀ
4.614 ࡉࡅࡄࡀࡍࡀ ࡁࡓ ࡏࡍࡉࡔ ࡁࡀࡉ ࡒࡉࡍࡕࡀ ࡅࡀࡍࡄࡀࡓ ࡆࡀࡅࡇ ࡔࡀࡁࡉࡒ
4.615 ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡄࡀࡋࡉࡍ ࡕࡋࡀࡕࡌࡀ ࡅࡔࡉࡕࡉࡍ ࡄࡀࡌࡔࡀ ࡕࡀࡓࡌࡉࡃࡉࡀ
4.616 ࡖࡐࡓࡀࡔࡉࡅࡍ ࡌࡍ ࡌࡀࡕࡀ ࡖࡏࡅࡓࡀࡔࡋࡀࡌ ࡌࡃࡉࡍࡕࡀ ࡔࡀࡁࡉࡒ ࡄࡀࡈࡀࡉࡉࡀ
4.617 ࡍࡉࡄࡅࡉࡋࡅࡍ . ࡅࡄࡀࡆࡀ ࡍࡉࡔࡉࡌࡕࡀࡉ ࡃࡉࡋࡉࡀ ࡓࡀࡌࡉࡅࡄࡀࡍࡀ ࡁࡓ ࡌࡅࡃࡀࡋࡀࡋ
4.618 ࡖࡄࡀࡆࡀ ࡁࡅࡕࡀ ࡅࡓࡀࡄࡌࡉࡀ ࡁࡉࡕ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡅࡏࡋ
4.619 ࡀࡁࡅ ࡓࡀࡌ ࡁࡓ ࡌࡀࡄࡍࡅࡔ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡅࡋࡍࡉࡔࡉࡌࡕࡀ
4.620 ࡖࡏࡌ ࡌࡅࡃࡀࡋࡀࡋࡀ ࡐࡕ ࡌࡀࡌࡀࡍࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ . ࡅࡏࡋ
4.621 ࡖࡓࡁࡀࡉ ࡀࡃࡀࡌ ࡆࡉࡄࡓࡅࡍ ࡁࡓ ࡌࡀࡌࡀࡍࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ
4.622 ^.^ ࡅࡋࡍࡉࡔࡉࡌࡕࡀ ࡖࡆࡀࡅࡀࡉ ࡎࡉࡌࡀࡕ ࡐࡕ ࡄࡀࡅࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡀ
4.623 . ࡅࡋࡔࡉࡕࡋࡀࡉ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡅࡊࡌࡀ ࡖࡌࡑࡉࡀ ࡄࡀࡉࡋࡀࡉࡊࡅࡍ
4.624 ࡔࡃࡅࡍ ࡁࡔࡀࡁࡉࡒ ࡄࡀࡈࡀࡉࡉࡀ ࡍࡉࡔࡌࡀࡕࡀ ࡖࡌࡀࡍࡃࡀࡉࡉࡀ ࡅࡕࡀࡓࡌࡉࡃࡉࡀ
4.625 ࡅࡂࡀࡍࡆࡉࡁࡓࡉࡀ . ࡄࡀࡉࡆࡀࡊ ࡊࡌࡀ ࡌࡎࡀࡉࡊࡉࡕࡅࡍ ࡍࡉ^ࡔ^ࡌࡀࡕࡀ ࡖࡌࡀࡍࡃࡀࡉࡉࡀ ࡀࡌࡅࡓࡉࡅࡍ
4.626 ࡍࡉࡔࡉࡌࡕࡀࡉ ࡃࡉࡋࡉࡀ ࡅࡍࡉࡔࡉࡌࡕࡀ ࡖࡓࡁࡀࡉ ࡅࡔࡃࡅࡍ ࡍࡉࡔࡌࡀࡕࡀ ࡖࡕࡀࡓࡌࡉࡃࡉࡀ
4.627 ࡁࡔࡀࡁࡉࡒ ࡄࡀࡈࡀࡉࡉࡀ . ࡅࡀࡌࡅࡓࡉࡅࡍ ࡗ ࡖࡊࡃࡉࡁ ࡍࡉࡔࡉࡌࡕࡀࡉ ࡃࡉࡋࡉࡀ
4.628 ࡓࡀࡌࡉࡅࡄࡀࡍࡀ ࡁࡓ ࡌࡅࡃࡀࡋࡀࡋ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡅࡍࡉࡔࡉࡌࡕࡀ
4.629 ࡖࡓࡁࡀࡉ ࡀࡃࡀࡌ ࡆࡉࡄࡓࡅࡍ ࡁࡓ ࡌࡀࡌࡀࡍࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ
4.630 ࡅࡗ ࡌࡎࡀࡉࡊࡉࡕࡅࡍ ࡍࡉࡔࡌࡀࡕࡀ ࡖࡕࡀࡓࡌࡉࡃࡉࡀ ࡄࡀࡌ ࡀࡌࡅࡓࡉࡅࡍ ࡍࡉࡔࡉࡌࡕࡀࡉ
4.631 ࡃࡉࡋࡉࡀ ࡅࡍࡉࡔࡉࡌࡕࡀ ࡖࡓࡁࡀࡉ . ࡅࡄࡀࡉࡆࡀࡊ ࡔࡃࡅࡍ ࡍࡉࡔࡌࡀࡕࡀ ࡖࡂࡀࡍࡆࡉࡁࡓࡀ
4.632 ࡊࡌࡀ ࡖࡌࡑࡉࡀ ࡄࡀࡉࡋࡀࡉࡊࡅࡍ . ࡅࡄࡀࡕࡌࡀ ࡖࡂࡀࡍࡆࡉࡁࡓࡉࡀ ࡀࡌࡅࡓࡉࡅࡍ ࡎࡀࡌ
4.633 ࡔࡉࡕࡉࡋ ࡁࡓ ࡀࡍࡄࡀࡓ . ࡅࡎࡀࡌ ࡀࡃࡀࡌ ࡁࡓ ࡁࡅࡓࡀࡍ . ࡅࡌࡄࡀࡕࡀࡌ ࡆࡉࡄࡓࡅࡍ
4.634 ࡁࡓ ࡀࡍࡄࡀࡓ ࡄࡀࡅࡀ . ࡅࡀࡃࡀࡌ ࡆࡀࡊࡉࡀ ࡁࡓ ࡌࡅࡓࡅࡀࡓࡉࡀ . ࡅࡉࡀࡄࡉࡀ ࡁࡓ ࡄࡀࡅࡀ
4.635 ࡁࡅࡓࡀࡍ . ࡅࡉࡀࡄࡉࡀ ࡎࡀࡌ ࡁࡓ ࡄࡀࡅࡀ ࡌࡀࡌࡀࡍࡉࡀ . ࡅࡀࡌࡅࡓࡉࡅࡍ ࡁࡀࡉࡀࡍ
4.636 ࡆࡀࡍࡂࡉࡀ ࡁࡓ ࡀࡍࡄࡀࡓ ࡎࡉࡌࡀࡕ . ࡎࡀࡌ ࡎࡀࡉࡅࡉࡀ ࡁࡓ ࡔࡀࡓࡀࡕ . ࡁࡉࡄࡓࡀࡌ
4.637 ࡁࡓ ࡌࡃࡉࡍࡀࡕ . ࡉࡀࡄࡉࡀ ࡁࡓ ࡀࡍࡄࡀࡓ ࡆࡉࡅࡀ . ࡓࡀࡌ ࡎࡉࡍࡃࡀࡍ ࡅࡔࡀࡃࡉࡀ ࡔࡀࡓࡀࡕ
4.638 ࡁࡍࡉࡀ ࡄࡀࡅࡀ . ࡀࡍࡅࡔ ࡁࡓ ࡁࡅࡓࡀࡍ . ࡄࡀࡅࡀ ࡐࡕ ࡃࡀࡉࡀࡓ . ࡀࡍࡄࡀࡓ ࡊࡅࡌࡓࡀࡉࡕࡀ
4.639 ࡐࡕ ࡎࡉࡌࡀࡕ . ࡉࡀࡄࡉࡀ ࡓࡀࡌࡅࡉࡀ ࡁࡓ ࡓࡀࡌࡅࡉࡀ . ࡎࡀࡌ ࡁࡉࡄࡓࡀࡌ ࡁࡓ ࡌࡅࡃࡀࡋࡀࡋ
4.640 . ࡀࡃࡀࡌ ࡁࡉࡄࡓࡀࡌ ࡁࡓ ࡃࡉࡄࡂࡀࡍ . ࡀࡃࡀࡌ ࡁࡓ ࡄࡉࡉࡀ ࡁࡓ ࡎࡉࡌࡀࡕࡄࡉࡉࡀ
4.641 . ࡁࡓࡉࡊ ࡉࡀࡅࡀࡓ ࡁࡓ ࡁࡅࡓࡀࡍ . ࡁࡉࡄࡓࡀࡌ ࡁࡅࡎࡄࡀࡒ ࡁࡓ ࡄࡀࡅࡀ . ࡔࡀࡁࡅࡓ
4.642 ࡁࡓ ࡃࡅࡊࡕ . ࡌࡄࡀࡕࡀࡌ ࡅࡔࡉࡕࡋࡀࡍ ࡁࡍࡉࡀ ࡄࡀࡉࡅࡍࡀ . ࡀࡍࡅࡔ ࡁࡓ ࡌࡉࡄࡓ^ࡀ^ࡆࡀࡃ
4.643 . ࡔࡀࡉࡀࡓ ࡆࡉࡅࡀ ࡔࡀࡁࡅࡓ ࡁࡓ ࡌࡀࡍࡀࡉ ࡊࡀࡉࡆࡀࡓࡏࡉࡋ . ࡄࡅࡓࡌࡅࡆ ࡃࡅࡊࡕ
4.644 ࡁࡓ ࡄࡀࡅࡀ ࡆࡀࡃࡉࡀ . ࡁࡄࡉࡓࡀ ࡁࡓ ࡊࡅࡔࡀࡎࡕࡀ . ࡆࡀࡊࡉࡀ ࡁࡓ ࡄࡀࡅࡀ . ࡀࡓࡃࡅࡁࡀࡍ
4.645 ࡌࡀࡋࡊࡀ ࡁࡀࡊࡕࡉࡀࡓ ࡁࡓ ࡎࡉࡌࡀࡕ . ࡅࡀࡌࡅࡓ ࡍࡉࡔࡉࡌࡕࡀࡉ ࡓࡀࡌࡉࡅࡄࡀࡍࡀ ࡁࡓ
4.646 ࡌࡅࡃࡀࡋࡀࡋ ࡔࡀࡁࡉࡒ ࡄࡀࡈࡀࡉࡉࡀ ࡍ{{ࡀ}}<<ࡉ>>ࡄࡅࡉࡋࡉࡀ . ࡅࡍࡉࡔࡉࡌࡕࡀ ࡖࡓࡁࡀࡉ ࡀࡃࡀࡌ ࡆࡉࡄࡓࡅࡍ
4.647 ࡁࡓ ࡌࡀࡌࡀࡍࡉࡀ . ࡀࡃࡀࡌ ࡁࡅࡋࡐࡀࡓࡀࡆ ࡁࡓ ࡄࡀࡅࡀ ࡌࡀࡌࡀࡍࡉࡀ . ࡀࡍࡅࡔ ࡌࡅعࡉࡋࡉࡀ ࡁࡓ
4.648 ࡄࡀࡅࡀ ࡆࡀࡃࡉࡀ . ࡉࡀࡄࡉࡀ ࡀࡃࡀࡌ ࡁࡓ ࡆࡀࡃࡉࡀ ࡀࡍࡅࡔ ࡄࡀࡅࡀ . ࡁࡉࡄࡃࡀࡃ ࡁࡓ ࡔࡀࡃࡉࡀ
4.649 ࡔࡀࡓࡀࡕ . ࡁࡀࡉࡍࡀࡉ ࡁࡓ ࡄࡀࡉࡅࡍࡀ . ࡄࡀࡉࡅࡍࡀ ࡐࡕ ࡕࡉࡄࡅࡉࡀ . ࡓࡀࡌࡅࡉࡀ ࡏࡒࡀࡉࡌࡀࡕ
4.650 . ࡀࡔࡂࡀࡍࡃࡀ ࡁࡓ ࡉࡀࡎࡌࡉࡍ . ࡆࡀࡆࡀ ࡖࡂࡀࡅࡀࡆࡕࡇ ࡁࡓ ࡄࡀࡅࡀ . {{ࡅࡀࡌࡅࡓ}} ࡔࡀࡁࡉࡒ
4.651 ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡅࡀࡌࡅࡓ ࡀࡌࡀ ࡖࡊࡅࡋࡄࡅࡍ ࡍࡀࡑࡅࡓࡀࡉࡉࡀ ࡕࡀࡓࡌࡉࡃࡉࡀ ࡅࡌࡀࡍࡃࡀࡉࡉࡀ
4.652 ࡌࡍ ࡃࡀࡓࡇ ࡖࡀࡃࡀࡌ ࡂࡀࡁࡓࡀ ࡒࡀࡃࡌࡀࡉࡀ ࡅࡀࡋࡌࡀ ࡋࡊࡉࡌࡑࡀࡕ ࡀࡋࡌࡉࡀ ࡅࡊࡅࡋ
4.653 ࡌࡀࡍ ࡖࡍࡄࡉࡕ ࡋࡉࡀࡓࡃࡍࡀ ࡅࡏࡑࡈࡁࡀ ࡅࡒࡀࡁࡉࡋ ࡃࡀࡊࡉࡀ ࡓࡅࡔࡅࡌࡀ ࡖࡋࡀࡐࡀࡊ
4.654 ࡌࡍ ࡓࡅࡔࡅࡌࡀࡉࡅࡍ ࡅࡋࡀࡔࡀࡍࡅࡍ ࡌࡍ ࡌࡀࡑࡁࡅࡕࡀࡉࡄࡅࡍ ࡋࡃࡉࡋࡅࡍ ࡅࡆࡀࡅࡀࡉࡄࡅࡍ ࡅࡔࡉ^ࡕ^ࡋࡀࡉࡄࡅࡍ
4.655 ࡅࡋࡕࡀࡓࡌࡉࡃࡀࡉࡄࡅࡍ ࡖࡓࡌࡅࡍ ࡋࡄࡀࡌࡀ ࡅࡈࡀࡁࡅࡕࡀ ࡅࡓࡌࡅࡍ ࡋࡃࡉࡋࡊࡅࡍ ࡀࡁࡀࡄࡀࡕࡀࡉ
4.656 ࡓࡁࡀࡍࡀࡉ ࡌࡀࡋࡐࡀࡍࡀࡉ ࡅࡌࡀࡎࡁࡉࡓࡀࡍࡀࡉ ࡗ ࡎࡌࡉࡊࡉࡕࡅࡍ ࡌࡍ ࡎࡌࡀࡋ ࡋࡉࡀࡌࡉࡍ
4.657 ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡊࡅࡍ ࡅࡕࡉࡌࡓࡅࡍ ࡒࡀࡉࡀࡌࡉࡍ ࡄࡉࡉࡀ ࡁࡔࡊࡉࡍࡀࡕࡅࡍ ࡄࡉࡉࡀ
4.658 ࡆࡀࡊࡏࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ~~~~~~~~~~~~~~~~~~~~~~~
4.659 ࡎ ࡀ