← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
74431: Šarḥ Maṣbuta Rbtia

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

0001 ࡊࡅࡔࡈࡀ ࡀࡎࡉࡍࡊࡅࡍ ࡌࡔࡀࡁࡀ ࡌࡀࡓࡀࡉ
0002 ࡀ ࡁ ࡂ ࡃ ࡄ ࡅ ࡆ ࡇ ࡈ ࡉ ࡊ ࡋ ࡌ ࡍ ࡎ ࡏ ࡐ ࡑ ࡒ ࡓ ࡔ ࡕ ࡖ ࡀ
0003 ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡍࡅࡊࡓࡀࡉࡉࡀ ࡌࡍ
0004 ࡀࡋࡌࡉࡀ ࡖࡍࡄࡅࡓࡀ ࡉࡀࡕࡉࡓࡉࡀ ࡖࡏࡋࡀࡅࡉࡀ ࡊࡅࡋࡄࡅࡍ ࡏࡅࡁࡀࡃࡉࡀ ࡀࡎࡅࡕࡀ
0005 ࡅࡆࡀࡊࡅࡕࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ ࡋࡃࡉࡋࡉࡀ ࡓࡀࡌ
0006 ࡆࡉࡄࡓࡅࡍ ࡁࡓ ࡄࡀࡅࡀ ࡎࡉࡌࡀࡕ . ࡅࡋࡀࡁ ࡌࡄࡀࡕࡀࡌ ࡁࡓ
0007 ࡀࡍࡄࡀࡓ . ࡅࡋࡏࡌ ࡄࡀࡅࡀ ࡎࡉࡌࡀࡕ ࡐࡕ ࡎࡉࡌࡀࡕ . ࡅࡋࡆࡀࡅࡀࡉ
0008 ࡔࡀࡓࡀࡕ ࡎࡉࡌࡀࡕ ࡐࡕ ࡌࡀࡋࡉࡄࡀ . ࡅࡋࡔࡉࡕࡋࡀࡉ ࡀࡍࡄࡀࡓ ࡅࡀࡍࡄࡀࡓ
0009 ࡅࡉࡀࡄࡉࡀ ࡆࡉࡄࡓࡅࡍ ࡅࡀࡍࡄࡀࡓ ࡁࡍࡉࡀ ࡔࡀࡓࡀࡕ ࡎࡉࡌࡀࡕ . ࡅࡏࡋ
0010 ࡀࡄࡀࡉ ࡌࡀࡋࡉࡄࡉࡀ ࡅࡌࡀࡋࡉࡄࡉࡀ ࡅࡉࡀࡎࡌࡉࡍ ࡄࡀࡅࡀ ࡌࡀࡌࡍࡉࡀ ࡅࡎࡀࡌ
0011 ࡅࡀࡃࡀࡌࡉࡅࡄࡀࡍࡀ ࡅࡀࡃࡀࡌࡉࡅࡄࡀࡍࡀ ࡅࡁࡉࡄࡓࡀࡌ ࡁࡍࡉࡀ ࡄࡀࡅࡀ ࡎࡉࡌࡀࡕ
0012 ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ ࡁࡄࡀࡆࡉࡍ ࡂࡉࡍࡆࡀ ࡅࡔࡀࡓࡄÖµ
0013 ࡅࡕࡀࡐࡎࡉࡓ ࡖࡌࡀࡑࡁࡅࡕࡀ ࡓࡀࡁࡕࡉࡀ ࡖࡄࡉࡁࡉࡋࡆࡉࡅࡀ ࡁࡂࡀࡅࡇ
0014 ࡏࡑࡈࡁࡀ ࡅࡏࡕࡐࡀࡓࡀࡒ ࡌࡍ ࡊࡅࡋ ࡈࡍࡅࡐࡉࡀ ࡖࡄࡔࡅࡊࡀ ࡁࡄࡀࡉࡋࡇ
0015 ࡖࡉࡀࡅࡀࡓ ࡆࡉࡅࡀ ࡅࡎࡉࡌࡀࡕ ࡄࡉࡉࡀ ~~~
0016 ࡔࡀࡓࡄ ࡖࡓࡀࡄࡌࡉࡀ ࡖࡌࡀࡑࡁࡅࡕࡀ ࡓࡀࡁࡕࡉࡀ ࡖࡄࡏ ࡕࡋࡀࡕࡌࡀ
0017 ࡅࡔࡉࡕࡉࡍ ࡌࡀࡑࡁࡅࡕࡉࡀࡕࡀ ࡀࡕࡅࡍ ࡕࡓࡉࡍ ࡂࡀࡍࡆࡉࡁࡓࡉࡀ ࡅࡄࡀࡌࡔࡀ
0018 ࡕࡀࡓࡌࡉࡃࡉࡀ ࡏࡅ ࡕࡓࡉࡍ ࡂࡀࡍࡆࡉࡁࡓࡉࡀ ࡋࡀࡉࡉࡕ ࡄࡀࡃ ࡂࡀࡍࡆࡉࡁࡓࡀ
0019 ࡅࡔࡉࡕࡀ ࡕࡀࡓࡌࡉࡃࡉࡀ ࡅࡀࡉࡕࡅࡍ ࡕࡓࡉࡍ ࡃࡓࡀࡁࡔࡉࡀ ࡂࡀࡍࡆࡉࡁࡓࡀ
0020 ࡅࡕࡋࡀࡕࡀ ࡕࡀࡓࡌࡉࡃࡉࡀ ࡋࡄࡀࡃ ࡃࡓࡀࡁࡔࡀ ࡅࡕࡋࡀࡕࡀ ࡕࡀࡓࡌࡉࡃࡉࡀ
0021 ࡏࡅ ࡂࡀࡍࡆࡉࡁࡓࡀ ࡅࡕࡓࡉࡍ ࡕࡀࡓࡌࡉࡃࡉࡀ ࡀࡁࡉࡄࡃࡇ ࡖࡋࡄࡀࡊ ࡃࡓࡀࡁࡔࡀ
0022 ࡄࡅࡓࡉࡍࡀ ࡖࡁࡓࡉࡔࡀ ࡍࡉࡄࡅࡉࡀ ࡅࡁࡅࡍ ࡓࡀࡄࡌࡉࡀ ࡁࡆࡀࡄࡓࡅࡕࡀ
0023 ࡅࡕࡓࡉࡑࡅࡕࡀ ࡋࡁࡅࡔ ࡌࡀࡍࡀࡉࡊࡅࡍ ࡅࡏࡎࡕࡀࡒࡀࡌࡉࡅࡍ ࡁࡔࡅࡁࡀ ࡋࡁࡅࡔࡉࡀ
0024 ࡅࡁࡄࡅࡓࡉࡅࡍ ࡋࡁࡅࡔࡀࡉࡊࡅࡍ ࡅࡕࡀࡂࡀࡉࡊࡅࡍ ࡁࡉࡀࡌࡉࡍࡀࡉࡊࡅࡍ ࡅࡌࡀࡓࡂࡍࡀࡉࡊࡅࡍ
0025 ࡁࡎࡌࡀࡋࡀࡉࡊࡅࡍ ࡄࡀࡋࡉࡋࡉࡅࡍ ࡏࡃࡀࡉࡊࡅࡍ ࡅࡃࡀࡊࡅࡍ ࡀࡍࡐࡀࡉࡊࡅࡍ ࡗ ࡎࡁࡉࡓࡋࡀࡊࡅࡍ
0026 ࡁࡄࡀࡋࡀࡋࡕࡀ ࡊࡅࡋࡀࡉࡊࡅࡍ ࡔࡅࡁࡀ ࡅࡀࡕࡅࡍ ࡒࡅࡃࡀࡌ ࡊࡉࡍࡕࡀ ࡅࡃࡓࡀࡁࡔࡀ
0027 ࡀࡓࡁࡀ ࡋࡄࡀࡃ ࡅࡕࡋࡀࡕࡀ ࡋࡄࡀࡃ ࡃࡓࡀࡁࡔࡀ ࡅࡋࡂࡅࡈࡉࡅࡍ ࡕࡀࡂࡀࡉࡊࡅࡍ
0028 ࡁࡏࡃࡀࡉࡊࡅࡍ ࡅࡒࡓࡅࡍ ࡀࡎࡅࡕࡀ ࡋࡁࡀࡁࡀ ࡖࡓࡀࡄࡌࡉࡀ ࡅࡋࡌࡀࡋࡊࡉࡀ
0029 ࡅࡄࡀࡉࡆࡀࡊ ࡒࡓࡅࡍ ࡒࡅࡌ ࡒࡅࡌ ࡁࡄࡉࡓࡉࡀ ࡆࡉࡃࡒࡀ ࡅࡔࡂࡀࡍࡃࡀࡉ
0030 ࡈࡀࡁࡀ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡋࡄࡉࡉࡀ ࡎࡀࡂࡉࡃࡍࡀ ࡄࡀࡋࡉࡍ ࡕࡋࡀࡕ
0031 ࡁࡀࡅࡀࡕࡀ ࡐࡕࡀࡄࡀ ࡖࡓࡀࡄࡌࡀࡉࡊࡅࡍ ࡄࡉࡍࡅࡍ ࡅࡒࡓࡅࡍ ࡁࡔࡅࡌࡀࡉࡄࡅࡍ
0032 ࡖࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡍࡅࡊࡓࡀࡉࡉࡀ ࡌࡍ ࡀࡋࡌࡉࡀ ࡖࡍࡄࡅࡓࡀ
0033 ࡉࡀࡕࡉࡓࡉࡀ ࡖࡏࡋࡀࡅࡉࡀ ࡊࡅࡋࡄࡅࡍ ࡏࡅࡁࡀࡃࡉࡀ ࡅࡃࡓࡅࡍ ࡆࡄࡀࡓࡀ ࡋࡍࡀࡐࡔࡀࡉࡊࡅࡍ
0034 ࡖࡄࡅ ࡆࡄࡀࡓࡀ ࡔࡅࡌࡀࡉࡊࡅࡍ ࡄࡅ ࡅࡀࡌࡅࡓࡉࡅࡍ ࡁࡄࡀࡆࡉࡍ ࡂࡉࡍࡆࡀ
0035 ࡅࡓࡀࡄࡌࡉࡀ ࡅࡌࡀࡑࡁࡅࡕࡀ ࡅࡆࡉࡃࡒࡀ ࡁࡓࡉࡊࡀ ࡖࡄࡉࡁࡉࡋ ࡆࡉࡅࡀ
0036 ࡁࡓࡇ ࡖࡌࡀࡍࡃࡀ ࡖࡄࡉࡉࡀ ࡐࡋࡀࡍ ࡁࡓ ࡐࡋࡀࡍ ࡌࡉࡕࡋࡀࡁࡔࡉࡍࡉࡍ
0037 ࡁࡂࡀࡅࡇ ࡅࡌࡉࡕࡒࡀࡉࡌࡉࡍࡉࡍ ࡅࡊࡅࡋ ࡃࡅࡊࡕࡀ ࡃࡓࡅࡍ ࡆࡄࡀࡓࡀ ࡗ ࡃࡉࡋࡇ
0038 ࡁࡄࡀࡉࡋࡇ ࡖࡉࡀࡅࡀࡓ ࡆࡉࡅࡀ ࡅࡎࡉࡌࡀࡕ ࡄࡉࡉࡀ ࡅࡒࡓࡅࡍ ࡁࡔࡅࡌࡀ
0039 ࡖࡄࡀࡄࡅ ࡂࡀࡁࡓࡀ ࡒࡀࡃࡌࡀࡉࡀ ࡅࡕࡓࡅࡑ ࡕࡀࡂࡀࡉࡊࡅࡍ ࡁࡓࡉࡔࡀࡉࡊࡅࡍ
0040 ࡅࡎࡀࡉࡊࡀ ࡅࡒࡓࡅࡍ ࡄࡉࡉࡀ ࡒࡉࡓࡉࡅࡉࡀ ࡋࡉࡀࡅࡀࡓ ࡆࡉࡅࡀ ࡅࡍࡄࡅࡓ
0041 ࡍࡄࡅࡓࡀ ࡅࡌࡀࡍࡃࡀ ࡒࡓࡀࡍ ࡋࡀࡂࡀࡍࡁࡉࡀ ࡕࡀࡂࡀࡊ ࡁࡄࡀࡋࡉࡍ ࡀࡓࡁࡉࡀ
0042 ࡁࡀࡅࡀࡕࡀ ࡖࡕࡀࡂࡀ ࡄࡉࡍࡅࡍ ࡅࡃࡓࡅࡍ ࡓࡉࡄࡀ ࡅࡒࡓࡅࡍ ࡓࡉࡄࡀ ࡖ
0043 ࡁࡀࡎࡉࡌ ࡄࡀࡋ ࡄࡉࡉࡀ ࡒࡀࡃࡌࡀࡉࡉࡀ ࡅࡓࡌࡅࡍ ࡋࡍࡅࡓࡀ ࡅࡊࡅࡋࡃࡅࡊࡕࡀ
0044 ࡖࡏࡊࡀ ࡔࡅࡌࡀ ࡀࡌࡅࡓࡉࡅࡍ ࡁࡄࡀࡆࡉࡍ ࡂࡉࡍࡆࡀ ࡅࡓࡀࡄࡌࡉࡀ ࡅࡌࡀࡑࡁࡅࡕࡀ
0045 ࡅࡆࡉࡃࡒࡀ ࡁࡓࡉࡊࡀ ࡖࡄࡉࡁࡉࡋࡆࡉࡅࡀ ࡁࡓࡇ ࡖࡌࡀࡍࡃࡀ ^ࡖࡄࡉࡉࡀ^ \ࡐࡋࡀࡍ ࡁࡓ ࡐࡋࡀࡍ#1#/ ࡌࡉࡕࡋࡀࡁࡔࡉࡍࡉࡍ /ࡁࡂࡀࡅࡇ#1#/
0046 ࡌࡉࡕࡒࡀࡉࡌࡉࡍࡉࡍ . ࡅࡄࡀࡉࡆࡀࡊ ࡒࡓࡅࡍ ࡏࡍࡉࡀࡍࡉࡀ ࡖࡃࡓࡀࡁࡔࡀ ࡔࡅࡁࡀ
0047 ࡊࡅࡋࡀࡉࡊࡅࡍ ࡀࡓࡁࡀ ࡋࡄࡀࡃ ࡅࡕࡋࡀࡕࡀ ࡋࡄࡀࡃ ࡅࡏࡕࡊࡀࡓࡀࡊࡉࡅࡍ ࡁࡂࡀࡅࡇ
0048 ࡅࡍࡅࡔࡒࡅࡉࡀ ࡔࡉࡕࡉࡍ ࡅࡄࡃࡀ ࡆࡉࡁࡍࡀ ࡅࡁࡆࡉࡅࡀࡉࡄࡅࡍ ࡍࡀࡄࡓࡉࡕࡅࡍ
0049 ࡕࡅࡌ ࡒࡓࡅࡍ ࡁࡅࡕࡀ ࡖࡄࡀࡁࡔࡀࡁࡀ ࡅࡌࡍ ࡔࡉࡍࡕࡀࡉ ࡒࡀࡃࡌࡉࡕ
0050 ࡅࡒࡀࡌࡉࡕ ࡄࡀࡋࡉࡋࡍࡉࡍ ࡏࡃࡀࡍ ࡁࡊࡅࡔࡈࡀ ࡅࡕࡊࡀࡓࡀࡊࡉࡅࡍ ࡁࡓࡉࡄࡀ
0051 ࡅࡓࡌࡅࡍ ࡋࡍࡅࡓࡀ ࡅࡀࡌࡅࡓࡉࡅࡍ ࡁࡓࡉࡊ ࡔࡅࡌࡀࡊ ࡅࡌࡔࡀࡁࡀ ࡔࡅࡌࡀࡊ
0052 ࡅࡄࡀࡉࡆࡀࡊ ࡒࡓࡅࡍ ࡀࡅࡃࡉࡍ ࡅࡕࡅࡔࡁࡉࡄࡀࡍ ࡅࡏࡋࡊࡅࡍ ࡃࡉࡋࡊࡅࡍ ࡅࡃࡓࡅࡍ ࡆࡄࡀࡓࡀ
0053 ࡁࡓࡉࡔ ࡄࡀࡋࡉࡍ ࡁࡀࡅࡀࡕࡀ ࡓࡅࡓࡁࡀࡕࡀ ࡅࡃࡓࡅࡍ ࡆࡄࡀࡓࡀ ࡅࡀࡌࡅࡓࡉࡅࡍ
0054 ࡌࡉࡔࡒࡀࡋ ࡀࡉࡍࡉࡀ ࡅࡀࡓࡉࡌࡉࡅࡍ ࡀࡉࡍࡀࡉࡊࡅࡍ ࡏࡋ ࡏࡉࡉࡋ ࡅࡎࡀࡉࡊࡀ . ࡅࡏࡕࡉ
0055 ࡁࡉࡅࡍ ࡅࡓࡌࡅࡍ ࡏࡃࡀࡉࡊࡅࡍ ࡋࡓࡉࡔࡀࡉࡊࡅࡍ ࡕࡉࡄࡅࡉࡀ ࡅࡒࡓࡅࡍ ࡁࡉࡕ
0056 ࡌࡉࡔࡒࡀࡋ ࡀࡉࡍࡉࡀ ࡅࡏࡎࡉࡓ ࡉࡀࡌࡀ ࡅࡂࡉࡌࡓࡀ ࡀࡍࡀ ࡂࡌࡉࡓࡀ ࡅࡏࡆࡄࡀ
0057 ࡅࡏࡕࡀࡆࡄࡀ ࡅࡀࡎࡅࡕࡀ ࡅࡆࡀࡄࡀࡓ ࡃࡓࡅࡍ ࡅࡒࡓࡅࡍ ࡗ ࡏࡄࡀࡁࡋࡇ ࡅࡏࡎࡉࡓࡀ
0058 ࡄࡕࡉࡌࡀ ࡅࡁࡅࡑࡀࡓ ࡄࡉࡉࡀ ࡅࡏࡎࡉࡓࡀ ࡅࡄࡕࡉࡌࡀ ࡓࡀࡁࡕࡉࡀ . ࡅࡒࡅࡌ
0059 ࡋࡋࡉࡂࡓࡀࡉࡊࡅࡍ ࡅࡒࡓࡅࡍ ࡌࡔࡀࡁࡉࡍ ࡄࡉࡉࡀ ࡒࡀࡃࡌࡀࡉࡉࡀ ࡅࡁࡃࡉࡍࡁࡀ
0060 ࡓࡌࡅࡍ ࡓࡉࡄࡀ ࡋࡍࡅࡓࡀ ࡅࡒࡓࡅࡍ ࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ
0061 ࡅࡊࡅࡋ ࡃࡅࡊࡕࡀ ࡖࡏࡊࡀ ࡔࡅࡌࡀ ࡅࡆࡄࡀࡓࡀ ࡀࡌࡅࡓࡉࡅࡍ ࡁࡄࡀࡆࡉࡍ ࡂࡉࡍࡆࡀ
0062 ࡅࡓࡀࡄࡌࡉࡀ ࡅࡌࡀࡑࡁࡅࡕࡀ ࡅࡆࡉࡃࡒࡀ ࡅࡁࡓࡉࡊࡀ ࡖࡄࡉࡁࡉࡋ ࡆࡉࡅࡀ ࡁࡓࡇ
0063 ࡖࡌࡀࡍࡃࡀ ࡖࡄࡉࡉࡀ ࡌࡉࡕࡋࡀࡁࡔࡉࡍࡉࡍ ࡅࡁࡂࡀࡅࡇ ࡌࡉࡕࡒࡀࡉࡌࡉࡍࡉࡍ
0064 ࡌࡍ ࡓࡉࡔ ࡅࡀࡋࡌࡀ ࡋࡎࡀࡉࡀࡊࡕࡀ . ࡀࡌࡅࡓࡉࡅࡍ ࡅࡒࡓࡅࡍ
0065 ࡏࡍࡉࡀࡍࡉࡀ ࡅࡃࡓࡀࡔࡉࡀ ࡖࡉࡅࡌࡀ ࡅࡒࡓࡅࡍ ࡀࡍࡉࡀ ࡀࡍࡀ ࡌࡍ ࡐࡉࡓࡉࡀ
0066 ࡅࡏࡅࡕࡓࡉࡀ ࡁࡂࡉࡍࡆࡀ ࡄࡀࡃࡉࡍ ࡅࡀࡍࡀࡋࡀࡊ ࡌࡀࡓࡀࡉ ࡎࡀࡂࡃࡉࡍࡀࡋࡀࡊ
0067 ࡅࡋࡓࡉࡔ ࡀࡉࡀࡓ ࡅࡔࡅࡌࡉࡊ ࡀࡓࡒࡀ ࡖࡍࡄࡅࡓࡀ ࡅࡁࡓࡉࡊࡉࡀ ࡅࡌࡔࡀࡁࡉࡀ
0068 ࡄࡉࡉࡀ ࡓࡀࡁࡕࡉࡀ ࡖࡁࡔࡅࡌ ࡁࡓࡍࡅ . ࡅࡀࡌࡅࡓࡉࡅࡍ ࡆࡄࡀࡓࡀ ࡗ
0069 ࡀࡌࡓࡉࡕࡅࡍ ࡁࡓࡉࡔ . ࡅࡏࡕࡉࡁࡉࡅࡍ ࡅࡒࡓࡅࡍ ࡈࡀࡁ ࡈࡀࡁࡀ ࡋࡈࡀࡁࡉࡀ/ࡋࡈࡀࡁࡇ#1#/
0070 ࡅࡕࡓࡉࡑ ࡊࡉࡍࡉࡀࡍࡀ ࡋࡓࡀࡄࡌࡉࡀ ࡔࡅࡌࡇ ࡍࡉࡁࡉࡀ ࡅࡍࡀࡔࡊࡀ ࡅࡍࡉࡌࡀࡓ
0071 ࡅࡍࡉࡔࡕࡌࡀ ࡁࡉࡍ ࡅࡀࡔࡊࡀࡍࡉࡍ ࡅࡀࡌࡀࡓࡍࡉࡍ ࡅࡔࡕࡌࡀࡍࡉࡍ ࡌࡍ
0072 ࡒࡅࡃࡀࡌࡀࡊ ࡃࡉࡋࡀࡊ ࡌࡀࡓࡀࡉ ࡌࡀࡍࡃࡀ ࡖࡄࡉࡉࡀ ࡌࡀࡓࡀࡉࡄࡅࡍ ࡖ
0073 ࡀࡎࡀࡅࡀࡕࡀ ࡔࡁࡉࡒࡅࡋࡇ/ࡔࡁࡅࡒࡅࡋࡇ#1#/ ࡄࡀࡈࡀࡉࡉࡇ ࡅࡄࡀࡅࡁࡇ ࡅࡀࡎࡊࡋࡀࡕࡇ
0074 ࡅࡕࡉࡒࡋࡀࡕࡇ ࡅࡔࡀࡁࡀࡔࡀࡕࡇ ࡋࡌࡀࡍ ࡖࡄࡀࡆࡉࡍ {{ࡋࡄࡀࡆ}} ࡁࡅࡕࡀ ࡅࡓࡀࡄࡌࡉࡀ
0075 ࡁࡀ ࡀࡁࡀࡃ ࡄࡀࡈࡀࡉࡉࡇ ࡅࡄࡀࡅࡁࡇ ࡅࡎࡊࡋࡀࡕࡇ ࡅࡕࡉࡒࡋࡀࡕࡇ ࡅࡔࡀࡁࡀ
0076 ࡔࡀࡕࡇ ࡍࡉࡔࡁࡅࡒࡅࡋࡇ ࡌࡀࡓࡀࡉ ࡌࡀࡍࡃࡀ ࡖࡄࡉࡉࡀ ࡅࡄࡉࡉࡀ ࡓࡁࡉࡀ
0077 ࡒࡀࡃࡌࡀࡉࡉࡀ ࡋࡌࡀࡓࡇ ࡖࡀࡂࡓࡀ ࡅࡆࡉࡃࡒࡀ ࡅࡋࡄࡀࡆࡀ ࡍࡉࡔࡉࡌࡕࡀࡉ
0078 ࡃࡉࡋࡉࡀ ࡉࡀࡄࡉࡀ ࡓࡀࡌ ࡆࡉࡄࡓࡅࡍ ࡁࡓ ࡌࡄࡀࡕࡀࡌ ࡔࡀࡁࡉࡒ
0079 ࡄࡀࡈࡀࡉࡉࡀ ࡍࡉࡄࡅࡉࡋࡉࡇ ࡁࡄࡀࡆࡉࡍ ࡂࡉࡍࡆࡀ ࡅࡓࡀࡄࡌࡉࡀ ࡅࡌࡀࡑࡁࡅࡕࡀ
0080 ࡅࡆࡉࡃࡒࡀ ࡁࡓࡉࡊࡀ ࡖࡄࡉࡁࡉࡋࡆࡉࡅࡀ ࡁࡓࡇ ࡖࡌࡀࡍࡃࡀ ࡖࡄࡉࡉࡀ
0081 ࡌࡉࡕࡋࡀࡁࡔࡉࡍࡉࡍ ࡅࡁࡄࡀࡆࡉࡍ ࡏࡍࡉࡀࡍࡉࡀ ࡅࡆࡄࡀࡓࡉࡀ ࡅࡌࡀࡑࡁࡅࡕࡀ
0082 ࡌࡉࡕࡒࡀࡉࡌࡉࡍࡉࡍ ࡅࡊࡅࡋࡀࡉࡊࡅࡍ ࡃࡓࡅࡍ ࡆࡄࡀࡓࡀ ࡅࡔࡅࡌࡀ ࡗ ࡄࡀࡆࡉࡍ
0083 . ࡅࡀࡌࡅࡓࡉࡅࡍ ࡀࡁࡀࡄࡀࡕࡀࡍ ࡒࡀࡃࡌࡀࡉࡉࡀ ࡔࡀࡁࡉࡒ ࡄࡀࡈࡀࡉࡉࡇ
0084 ࡍࡉࡄࡅࡉࡋࡅࡍ . ࡉࡅࡔࡀࡌࡉࡍ ࡁࡓ ࡎࡄࡀࡒ ࡓࡁࡀ ࡔࡀࡁࡉࡒ ࡄࡀࡈࡀࡉࡉࡇ
0085 ࡍࡉࡄࡅࡉࡋࡇ . ࡀࡁࡀࡕࡅࡓ ࡁࡓ ࡁࡉࡄࡓࡀࡌ ࡓࡁࡀ ࡔࡀࡁࡉࡒ
0086 ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡄࡀࡁࡔࡀࡁࡀ ࡅࡊࡀࡍࡀ ࡆࡉࡃࡒࡀ ࡓࡁࡀ ࡁࡓ
0087 ࡉࡀࡅࡀࡓ ࡓࡁࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡎࡓࡉࡍ ࡅࡀࡓࡁࡀ
0088 ࡏࡅࡕࡓࡉࡀ ࡁࡍࡉࡀ ࡍࡄࡅࡓࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡐࡕࡀࡄࡉࡋ
0089 ࡁࡓ ࡆࡀࡄࡓࡏࡉࡉࡋ ࡆࡉࡅࡀ ࡓࡁࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ
0090 . ࡔࡉࡕࡉࡋ ࡁࡓ ࡀࡃࡀࡌ ࡓࡁࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ
0091 . ࡀࡃࡀࡌ ࡓࡁࡀ ࡁࡓ ࡄࡉࡁࡉࡋࡆࡉࡅࡀ ࡓࡁࡀ ࡔࡀࡁࡉࡒ ࡄࡀࡈࡀࡉࡉࡀ
0092 ࡍࡉࡄࡅࡉࡋࡇ . ࡄࡀࡅࡀ ࡆࡀࡅࡇ ࡁࡓ ࡔࡀࡓࡄࡀࡁࡏࡉࡉࡋ ࡆࡉࡅࡀ ࡓࡁࡀ ࡔࡀࡁࡉ
0093 ࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡓࡀࡌ ࡁࡓ ࡄࡀࡔ ࡊࡀࡍࡀ ࡔࡀࡁࡉࡒ
0094 ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡓࡅࡃ ࡁࡓ ࡆࡉࡅࡀ ࡂࡀࡍࡆࡉࡁࡓࡀ ࡔࡀࡁࡉࡒ
0095 ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡔࡅࡓࡁࡀࡉ
0096 ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡔࡀࡓࡄࡀࡁࡏࡉࡋ
0097 ࡁࡓ ࡄࡀࡔ ࡊࡀࡍࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ .
0098 ࡔࡅࡌ ࡉࡀࡅࡀࡓ ࡓࡁࡀ ࡁࡓ ࡍࡁࡀࡈ ࡓࡁࡀ . ࡅࡍࡅࡓࡀࡉࡕࡀ
0099 ࡅࡍࡅࡓࡀࡉࡕࡀ ࡆࡀࡅࡇ ࡁࡓ ࡌࡀࡍࡀ ࡉࡀࡒࡓࡀ ࡔࡀࡁࡉࡒ ࡄࡀࡈࡀࡉࡉࡀ
0100 ࡍࡉࡄࡅࡉࡋࡅࡍ . ࡉࡀࡄࡉࡀ ࡉࡅࡄࡀࡍࡀ ࡁࡓ ࡀࡍࡅࡔ ࡓࡁࡀ . ࡅࡀࡍࡄࡀࡓ
0101 ࡆࡀࡅࡇ ࡁࡓ ࡌࡀࡍࡀ ࡉࡀࡒࡓࡀ ࡔࡀࡁࡉࡒ ࡄࡀࡈࡀࡉࡉࡀ
0102 ࡍࡉࡄࡅࡉࡋࡅࡍ . ࡄࡀࡋࡉࡍ ࡕࡋࡀࡕࡌࡀ ࡅࡔࡉࡕࡉࡍ ࡅࡄࡀࡌࡔࡀ
0103 ࡕࡀࡓࡌࡉࡃࡉࡀ ࡖࡐࡓࡉࡔࡉࡅࡍ ࡌࡍ ࡌࡀࡕࡀ ࡖࡏࡅࡓࡀࡔࡋࡀࡌ
0104 ࡌࡃࡉࡍࡕࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡅࡋࡄࡀࡆࡀ
0105 ࡍࡉࡔࡉࡌࡕࡀࡉ ࡃࡉࡋࡉࡀ ࡉࡀࡄࡉࡀ ࡉࡅࡄࡀࡍࡀ ࡁࡓ ࡀࡃࡀࡌ
0106 ࡆࡉࡄࡓࡅࡍ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . {{ࡅࡋࡄࡀࡆࡀ}}
0107 ࡍࡉࡔࡉࡌࡕࡀ ࡖࡓࡁࡀࡉ ࡉࡀࡄࡉࡀ ࡁࡉࡄࡓࡀࡌ ࡁࡓ ࡀࡃࡀࡌ
0108 ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡍࡉࡔࡉࡌࡕࡀ ࡖࡀࡁ
0109 ࡀࡃࡀࡌ ࡆࡉࡄࡓࡅࡍ ࡁࡓ ࡆࡉࡄࡓࡅࡍ ࡔࡀࡁࡉࡒ ࡄࡀࡈࡀࡉࡉࡀ
0110 ࡍࡉࡄࡅࡉࡋࡉࡀ . ࡍࡉࡔࡉࡌࡕࡀ ࡖࡏࡌ ࡄࡀࡅࡀ ࡎࡉࡌࡀࡕ ࡐࡕ
0111 ࡉࡀࡄࡉࡀ ࡉࡅࡄࡀࡍࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡍࡉࡔࡉࡌࡕࡀ
0112 ࡖࡓࡁࡀࡉ ࡉࡀࡄࡉࡀ ࡁࡉࡄࡓࡀࡌ ࡁࡓ ࡀࡃࡀࡌ ࡔࡀࡁࡉࡒ
0113 ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡍࡉࡔࡉࡌࡕࡀ ࡖࡆࡀࡅࡀࡉ ࡎࡉࡌࡀࡕ ࡐࡕ
0114 ࡐࡕ ࡉࡀࡄࡉࡀ ࡉࡅࡄࡀࡍࡀ ࡔࡀࡁࡉࡒ ࡄࡀࡈ[ࡀࡉࡉ]ࡀ ࡍࡉࡄࡅࡉࡋࡇ
0115 . ࡍࡉࡔࡌࡀࡕࡀ ࡖࡔࡉࡕࡋࡀࡉ ࡆࡉࡄࡓࡅࡍ ࡅࡌࡅࡃ̊ࡀࡋࡀ ࡅࡀࡍࡄࡀࡓ
0116 ࡅࡄࡀࡅࡀ ࡎࡉࡌࡀࡕ ࡅࡌࡅࡓࡅࡀࡓࡉࡀ ࡅࡉࡀࡎࡌࡉࡍ ࡅࡄࡀࡅࡀ ࡎࡉࡌࡀࡕ
0117 ࡅࡀࡍࡄࡀࡓ ࡅࡎࡀࡌ ࡁࡉࡄࡓࡀࡌ ࡁࡍࡉࡀ {{ࡎࡉࡌࡀࡕ}} ^ࡉࡀࡄࡉࡀ ࡉࡅࡄࡀࡍࡀ^ ࡔࡀࡁࡉࡒ
0118 ࡄࡀࡈࡀࡉࡉࡀ ࡍࡉࡄࡅࡉࡋࡅࡍ . ࡍࡉࡔࡌࡀࡕࡀ ࡖࡀࡄࡀࡉ ࡉࡀࡄࡉࡀ ࡀࡍࡅࡔ
0119 ࡅࡓࡀࡌ ࡅࡎࡉࡌࡀࡕ ࡅࡌࡀࡋࡉࡄࡀ ࡁࡍࡉࡀ ࡀࡃࡀࡌ ࡆࡉࡄࡓࡅࡍ
0120 ࡀࡄࡀࡉ ࡄࡅࡓࡉࡍࡉࡀ ࡉࡀࡄࡉࡀ ࡉࡅࡄࡀࡍࡀ ࡅࡉࡀࡄࡉࡀ ࡅࡌࡅࡃࡀࡋࡀࡋ
0121 ࡁࡍࡉࡀ ࡀࡃࡀࡌ ࡆࡉࡄࡓࡅࡍ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ
0122 . ࡕࡅࡌ ࡃࡓࡅࡍ ࡍࡉࡔ{{ࡀ}}ࡌࡀࡕࡀ ࡖࡌࡀࡍࡃࡀࡉࡉࡀ ࡅࡕࡀࡓࡌࡉࡃࡉࡀ
0123 ࡅࡂࡀࡍࡆࡉࡁࡓࡉࡀ ࡅࡂࡉࡍࡆࡀࡉࡉࡀ ࡅࡓࡉࡔࡀࡌࡉࡀ ࡅࡊࡅࡋ ࡌࡀࡄࡅ
0124 ࡖࡌࡑࡉࡀ ࡄࡀࡉࡋࡀࡉࡊࡅࡍ ࡁࡔࡅࡌࡇ ࡖࡀࡁࡀ ࡅࡀࡌࡅࡓࡉࡅࡍ
0125 ࡀࡃࡀࡌ ࡀࡁࡅࡋ ࡐࡀࡓࡀࡆ ࡁࡓ ࡁࡉࡄࡓࡀࡌ ࡔࡉࡕࡉࡋ
0126 ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ . ࡀࡍࡅࡔ ࡌࡅعࡉࡋࡉࡀ
0127 ࡁࡓ ࡀࡍࡅࡔ ࡁࡉࡄࡃࡀࡃ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡉࡀ
0128 . ࡉࡀࡄࡉࡀ ࡀࡃࡀࡌ ࡁࡓ ࡎࡀࡌ ࡎࡀࡉࡅࡉࡀ ࡔࡀࡁࡉࡒ ࡄࡀࡈࡀࡉࡉࡀ
0129 ࡍࡉࡄࡅࡉࡋࡇ . ࡁࡉࡄࡃࡀࡃ ࡁࡓ ࡆࡉࡄࡓࡅࡍ ࡔࡀࡁࡉࡒ ࡄࡀࡈࡀࡉࡉࡀ
0130 ࡍࡉࡄࡅࡉࡋࡇ . ࡁࡀࡉࡍࡀࡉ ࡁࡓ ࡆࡀࡊࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ
0131 . ࡄࡀࡉࡅࡍࡀ ࡁࡓ ࡉࡀࡄࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ .
0132 ࡉࡀࡄࡉࡀ ࡓࡀࡌࡅࡉࡀ ࡁࡓ ࡓࡀࡌࡅࡉࡀ ࡔࡀࡁࡉࡒ ࡄࡀࡈࡀࡉࡉࡀ
0133 ࡍࡉࡄࡅࡉࡋࡇ . ࡓࡀࡌࡅࡉࡀ ࡁࡓ ࡆࡉࡄࡓࡅࡍ ࡍࡀࡈࡀࡓ ࡔࡀࡁࡉࡒ
0134 ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡔࡂࡀࡍࡃࡀ ࡁࡓ ࡉࡀࡄࡉࡀ ࡉࡅࡄࡀࡍࡀ
0135 ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡔࡀࡁࡅࡓ ࡁࡓ
0136 ࡆࡀࡆࡅࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ . ࡆࡀࡆࡅࡉࡀ ࡖ
0137 ࡂࡀࡅࡀࡆࡕࡀ ࡁࡓ ࡌࡀࡍࡃࡀ ࡖࡄࡉࡉࡀ ࡔࡀࡁࡉࡒ ࡄࡀࡈࡀࡉࡉࡀ
0138 ࡍࡉࡄࡅࡉࡋࡇ . ࡅࡀࡌࡅࡓࡉࡅࡍ ࡀࡌࡀ ࡖࡊࡅࡋ ࡄࡅࡍ ࡍࡀࡑࡅࡓࡀࡉࡉࡀ
0139 ࡅࡌࡀࡍࡃࡀࡉࡉࡀ ࡅࡕࡀࡓࡌࡉࡃࡉࡀ ࡅࡂࡀࡍࡆࡉࡁࡓࡉࡀ ࡅࡂࡉࡍࡆࡀࡉࡉࡀ
0140 ࡅࡓࡉࡔࡀࡌࡉࡀ ࡌࡍ ࡃࡀࡓࡀ ࡖࡀࡃࡀࡌ ࡂࡀࡁࡓࡀ ࡒࡀࡃࡌࡀࡉࡀ
0141 ࡅࡀࡋࡌࡀ ࡋࡊࡉࡌࡑࡀࡕ ࡀࡋࡌࡉࡀ ࡊࡅࡋࡌࡀࡍ ࡖࡍࡄࡉࡕ ࡋࡉࡀࡓࡃࡍࡀ^ࡀ^
0142 ࡅࡏࡑࡈࡁࡀ ࡅࡒࡀࡁࡉࡋ ࡃࡀࡊࡉࡀ ࡓࡅࡔࡅࡌࡀ ࡖࡋࡀࡐࡀࡊࡉࡅࡍ ࡌࡍ
0143 ࡓࡅࡔࡅࡌࡀࡉࡄࡅࡍ ࡅࡋࡀࡔࡀࡍࡅࡍ ࡌࡍ ࡌࡀࡑࡁࡅࡕࡀࡉࡄࡅࡍ ࡔࡀࡁࡉ
0144 ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ ࡋࡃࡉࡋࡅࡍ ࡅࡆࡀࡅࡀࡉࡄࡅࡍ ࡅࡔࡉࡕ
0145 ࡋࡀࡉࡄࡅࡍ ࡅࡋࡕࡀࡓࡌࡉࡃࡀࡉࡄࡅࡍ ࡅࡋࡃࡉࡋࡊࡅࡍ ࡀࡁࡀࡄࡀࡕࡀࡉ
0146 ࡅࡓࡀࡁࡀࡍࡀࡉ ࡅࡌࡀࡋࡐࡀࡍࡀࡉ ࡅࡌࡉࡎࡁࡉࡓࡀࡍࡀࡉ ࡅࡆࡀࡅࡀࡉ ࡅࡔࡉࡕࡋࡀࡉ
0147 ࡅࡀࡄࡀࡉ ࡅࡀࡄࡅࡀࡕࡀࡉ ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡏࡋ
0148 ࡖࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ ࡔࡀࡁࡉࡒ ࡄࡀࡈࡀࡉࡉࡀ
0149 ࡍࡉࡄࡅࡉࡋࡅࡍ ࡅࡕࡉࡌࡓࡅࡍ ࡅࡒࡀࡉࡀࡌࡉࡍ ࡄࡉࡉࡀ ࡁࡔࡊࡉࡍࡀࡕࡅࡍ
0150 ࡅࡌࡔࡀࡁࡉࡍ ࡄࡉࡉࡀ ࡅࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ
0151 ࡎ ࡀ
0152 ࡄࡀࡉࡆࡀࡊ ࡒࡅࡌࡉࡅࡍ ࡏࡋ ࡋࡉࡂࡓࡀࡉࡊࡅࡍ ࡅࡍࡎࡅࡁࡉࡅࡍ ࡐࡉࡄࡕࡀ ࡅࡌࡀࡌ
0153 ࡁࡅࡄࡀ ࡅࡒࡓࡅࡍ ࡕࡌࡀࡍࡉࡀ ࡁࡀࡅࡀࡕࡀ ࡖࡐࡉࡄࡕࡀ ࡋࡐࡉࡄࡕࡀ
0154 ࡅࡕࡀࡓࡕࡉࡍ ࡁࡀࡅࡀࡕࡀ ࡖࡌࡀࡌࡁࡅࡄࡀ ࡋࡌࡀࡌࡁࡅࡄࡀ
0155 ࡀࡊࡅࡋ ࡐࡉࡄࡕࡀࡉࡊࡅࡍ ࡅࡔࡕࡅࡍ ࡌࡀࡌࡁࡅࡄࡀࡉࡊࡅࡍ ࡅࡃࡓࡅࡍ
0156 ࡄࡀࡋࡀࡋࡕࡀ ࡅࡒࡓࡅࡍ ࡏࡕࡉࡌࡋࡅࡍ ࡄࡉࡉࡀ ࡅࡔࡊࡉࡍࡉࡀ
0157 ࡄࡉࡉࡀ ࡅࡁࡀࡃࡀࡓ ࡀࡕࡅࡕࡉࡀ ࡌࡀࡓࡂࡀࡍࡀࡉࡊࡅࡍ ࡅࡒࡓࡅࡍ ࡈࡀࡁ
0158 ࡈࡀࡁࡀ ࡋࡈࡀࡁࡇ ࡅࡌࡔࡀࡁࡀ ࡆࡉࡅࡀ ࡓࡁࡀ ࡒࡀࡃࡌࡀࡉࡀ
0159 ࡅࡒࡀࡉࡉࡌࡉࡅࡍ ࡔࡉࡕࡉࡍ ࡅࡄࡃࡀ ࡆࡉࡁࡍࡀ ࡅࡔࡀࡉࡉࡋࡅࡍ ࡔࡅࡋࡕࡀ
0160 ࡅࡏࡕࡓࡀࡄࡀࡌ ࡋࡍࡀࡐࡔࡀࡉࡊࡅࡍ ࡅࡐࡔࡅࡈࡉࡅࡍ ࡊࡅࡔࡈࡀ ࡌࡍ
0161 ࡔࡂࡀࡍࡃࡀ ࡅࡋࡀࡕࡉࡌࡓࡅࡍ ࡌࡉࡍࡃࡀࡌ ࡌࡍ ࡔࡉࡓࡉࡀࡕࡀ
0162 ࡋࡕࡀࡂࡀࡉࡊࡅࡍ . ࡅࡄࡀࡉࡆࡀࡊ ࡀࡕࡍࡅࡍ ࡈࡀࡓࡉࡀࡍࡀ ࡅࡕࡓࡅࡑ ࡏࡋ
0163 ࡒࡅࡃࡀࡌ ࡊࡉࡍࡕࡀࡉࡊࡅࡍ ࡅࡃࡓࡀࡁࡔࡀ ࡅࡎࡀࡃࡓࡅ ࡁࡌࡉࡄࡋࡀ
0164 ࡅࡈࡀࡁࡅࡕࡀ ࡅࡉࡅࡓࡒࡀ ࡅࡊࡀࡅࡀࡓࡀ ࡅࡎࡉࡍࡃࡉࡓࡊࡀ ࡅࡓࡅࡌࡀࡍࡀ
0165 ࡅࡎࡐࡉࡓࡂࡋࡀ ࡅࡀࡎࡀ ࡅࡄࡀࡌࡓࡀ ࡅࡍࡉࡀࡓࡀ ࡎࡀࡃࡓࡅ ࡁࡀࡓࡁࡀ
0166 ࡓࡀࡆࡉࡀ . ࡅࡌࡕࡅࡍ ࡍࡉࡀࡓࡀ ࡅࡀࡎࡀ ࡅࡄࡀࡌࡓࡀ ࡖࡁࡒࡀࡍࡉࡍࡀ
0167 ࡌࡀࡕࡍࡀ ࡁࡏࡃࡀࡉࡊࡅࡍ ࡅࡋࡂࡅࡈࡉࡅࡍ ࡑࡀ ࡖࡄࡀࡅࡉࡀ ࡕࡓࡉࡍ ࡐࡀࡈࡉࡓࡉࡀ
0168 ࡌࡋࡀࡁࡔࡉࡍ ࡁࡉࡄࡃࡀࡃࡉࡀ ࡅࡀࡁࡉࡄࡃࡉࡀ ࡄࡀࡊ ࡎࡀࡃࡀࡓࡕࡀ
0169 ࡖࡁࡈࡀࡓࡉࡀࡍࡀ ࡁࡃࡅࡒࡉࡅࡍ ࡊࡅࡋ ࡌࡀࡄࡅ ࡖࡌࡑࡉࡀ {{ࡄࡀ}}
0170 ࡁࡏࡃࡀࡉࡊࡅࡍ ࡌࡍ ࡌࡉࡅࡉࡀ ࡅࡏࡕࡊࡀࡍࡀࡐࡉࡅࡍ ࡔࡅࡁࡀ ࡊࡅࡋࡀࡉࡊࡅࡍ
0171 ࡂࡀࡍࡆࡉࡁࡓࡉࡀ ࡅࡕࡀࡓࡌࡉࡃࡉࡀ ࡅࡋࡀࡂࡉࡈ ࡂࡀࡍࡆࡉࡁࡓࡀ ࡑࡀ
0172 ࡅࡀࡌࡅࡓࡉࡅࡍ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡋࡀࡅࡐࡀ
0173 ࡅࡓࡅࡀࡄࡀ ࡖࡄࡉࡉࡀ ࡅࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ ࡏࡋ
0174 ࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ ࡁࡓ ࡐࡋࡀࡍ ࡄࡀࡊࡀ ࡖࡁࡀࡉࡉࡕࡅࡍ
0175 ࡑࡀࡁࡕࡅࡋࡇ ࡅࡐࡓࡅࡕࡉࡅࡍ ࡅࡀࡌࡅࡓࡉࡅࡍ ࡁࡄࡀࡆࡉࡍ ࡂࡉࡍࡆࡀ ࡅࡓࡀ
0176 ࡄࡌࡉࡀ ࡅࡌࡀࡑࡁࡅࡕࡀ ࡅࡆࡉࡃࡒࡀ ࡁࡓࡉࡊࡀ ࡅࡁࡄࡀࡆࡉࡍ ࡎࡉࡍࡃࡉ
0177 ࡓࡊࡀ ࡓࡁࡀ ࡒࡀࡃࡌࡀࡉࡀ ࡅࡌࡉࡕࡋࡉࡐ ࡅࡁࡄࡀࡋࡉࡍ ࡌࡉࡅࡉࡀ ࡈࡀࡁࡉࡀ
0178 ࡖࡄࡀࡆࡀ ࡌࡀࡎࡉࡒࡕࡀ ࡅࡋࡅࡐࡉࡅࡍ ࡊࡅࡋࡀࡉࡊࡅࡍ ࡌࡀࡕࡉࡓࡀ ࡏࡅ
0179 ࡂࡀࡍࡆࡉࡁࡓࡀ ࡏࡅ ࡕࡀࡓࡌࡉࡃࡀ ࡖࡆࡓࡉࡆ ࡅࡌࡂࡀࡁࡀࡓ ࡄࡀࡅࡉࡀ
0180 ࡄࡀࡕࡌࡀ ࡖࡋࡀࡅࡐࡀ ࡅࡄࡀࡉࡆࡀࡊ ࡏࡅࡌࡑࡉࡀ ࡁࡏࡃࡀࡉࡊࡅࡍ ࡅࡀࡕࡍࡅࡍ
0181 ࡍࡉࡀࡓࡀ ࡖࡌࡎࡀࡃࡀࡓ ࡅࡀࡌࡅࡓࡉࡅࡍ ࡗ ࡄࡀࡊ ࡋࡀࡅࡐࡀ ࡅࡀࡌࡅࡓࡉࡅࡍ
0182 ࡍࡉࡔࡉࡌࡕࡀ ࡖࡐࡋࡀࡍ ࡖࡕࡋࡉࡐ ࡁࡄࡀࡋࡉࡍ ࡌࡉࡅࡉࡀ ࡈࡀࡁࡉࡀ ࡅࡍࡉࡔ
0183 ࡅࡍࡉࡔࡌࡀࡕࡀ ࡖࡀࡁࡀࡄࡀࡕࡀࡍ ࡅࡓࡅࡁࡀࡍࡀࡍ ࡅࡃࡀࡄࡀࡍ ࡅࡃࡀࡄࡅࡀࡕࡀࡍ
0184 ࡖࡍࡐࡀࡒ ࡌࡍ ࡐࡀࡂࡓࡀࡉࡄࡅࡍ ࡅࡋࡃࡒࡀࡉࡌࡉࡀ ࡁࡐࡀࡂࡓࡀࡉࡄࡅࡍ
0185 ࡅࡋࡌࡀࡓࡇ ࡖࡀࡂࡓࡀ ࡅࡆࡉࡃࡒࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡇ
0186 ࡅࡋࡄࡀࡆࡀ ࡍࡉࡔࡉࡌࡕࡀ ࡖࡐࡋࡀࡍ ࡁࡓ ࡐࡋࡀࡍ ࡅࡊࡅࡋࡄࡅࡍ ࡍࡉࡔࡌࡀࡕࡀ
0187 ࡖࡀࡁࡀࡄࡀࡕࡀࡍ ࡈࡀࡁࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ
0188 . ࡅࡏࡈࡀࡉࡀࡁࡉࡅࡍ ࡕࡋࡀࡕࡀ ࡏࡅࡌࡑࡉࡀ {{ࡖࡋࡀࡋࡉࡐ}} ࡁࡌࡉࡄࡋࡀ ࡅࡀࡊࡅࡋࡉࡅࡍ
0189 ࡅࡏࡈࡀࡉࡀࡁ ࡌࡉࡀ ࡅࡀࡉࡕࡅࡍ ࡕࡋࡀࡕ ࡏࡅࡌࡑࡉࡀ ࡖࡋࡀࡋࡉࡐ
0190 ࡏࡋࡀࡅࡀࡉࡄࡅࡍ ࡅࡀࡕࡍࡅࡍ ࡁࡈࡀࡓࡉࡀࡍࡀ ࡅࡀࡕࡍࡅࡍ ࡏࡃࡀࡉࡊࡅࡍ
0191 ࡏࡋࡀࡅࡀࡉࡄࡅࡍ ࡅࡒࡓࡅࡍ . ࡁࡔࡅࡌࡀ ࡖࡄࡉࡉࡀ ࡅࡁࡔࡅࡌࡇ
0192 ࡖ ࡌࡀࡍࡃࡀ ࡖࡄࡉࡉࡀ ࡕࡉࡕࡒࡀࡁࡀࡋ ࡈࡀࡁࡅࡕ ࡄࡉࡉࡀ
0193 ࡅࡈࡀࡁࡅࡕࡀ ࡖࡄࡉࡉࡀ ࡅࡌࡀࡍࡃࡀ ࡖࡄࡉࡉࡀ ࡅࡀࡌࡅࡓ ࡈࡀࡁ
0194 ࡈࡀࡁࡀ ࡋࡈࡀࡁࡇ ࡅࡀࡌࡅࡓ ࡀࡁࡀࡄࡀࡕࡀࡍ ࡒࡀࡃࡌࡀࡉࡉࡀ
0195 ࡅࡃࡊࡅࡓࡉࡅࡍ ࡌࡀࡍࡃࡀࡉࡉࡀ ࡅࡕࡀࡓࡌࡉࡃࡉࡀ ࡅࡂࡀࡍࡆࡉࡁࡓࡉࡀ
0196 ࡅࡂࡉࡍࡆࡀࡉࡉࡀ ࡅࡓࡉࡔࡌࡉࡀ ࡅࡎࡀࡉࡉࡊ^ࡉ^ࡅࡍ ࡋࡀࡅࡐࡀࡉࡊࡅࡍ ࡅࡀࡅࡒࡀࡓ
0197 ࡕࡀࡂࡀࡉࡊࡅࡍ . ࡅࡄࡀࡉࡆࡀࡊ ࡗ ࡌࡀࡕࡍࡉࡕࡅࡋࡇ ࡏࡋ ࡀࡎࡀ ࡁࡈࡀࡓࡉࡀࡍࡀ
0198 ࡅࡋࡒࡅࡃࡀࡌ ࡊࡉࡍࡕࡀ ࡀࡕࡍࡅࡍ ࡌࡉࡍࡇ ࡌࡍ ࡒࡅࡃࡀࡌ ࡖࡋࡀࡉࡐࡉࡕࡅࡍ
0199 ࡓࡌࡅࡋࡇ ࡄࡀࡆࡉࡍ ࡏࡍࡉࡀࡍࡀ ࡋࡄࡉࡁࡉࡋ ࡆࡉࡅࡀ ࡅࡐࡋࡀࡍ ࡅࡀࡕࡍࡅࡍ
0200 ࡏࡃࡀࡉࡊࡅࡍ ࡁࡈࡀࡓࡉࡀࡍࡀ ࡅࡋࡅࡐࡉࡅࡍ ࡅࡎࡀࡃࡉࡓࡉࡅࡍ ࡔࡀࡁࡀ ࡊࡉࡍࡀࡕࡀ
0201 ࡋࡉࡀࡓࡃࡍࡀ ࡎ ࡀ
0202 . ࡊࡍࡀࡐ ࡅࡏࡕࡊࡀࡍࡀࡐ ࡅࡊࡍࡀࡐ ࡔࡊࡉࡍࡀࡕࡀ ࡅࡊࡅࡓࡎࡉࡀ ࡋࡉࡀࡅࡀࡓ
0203 ࡆࡉࡅࡀ ࡕࡓࡀࡑࡋࡇ ࡋࡄࡉࡁࡉࡋ ࡆࡉࡅࡀ ࡅࡐࡋࡀࡍ ࡅࡊࡋࡉࡋࡀ ࡂࡃࡀࡋࡇ ࡗ
0204 ࡖࡍࡀࡄࡉࡕ ࡋࡉࡀࡓࡃࡍࡀ ࡁࡓࡉࡔࡉࡇ ࡕࡓࡀࡑࡋࡇ ࡋࡄࡉࡁࡉࡋ ࡆࡉࡅࡀ
0205 ࡅࡐࡋࡀࡍ ࡊࡌࡀ ࡉࡀࡉࡉࡋࡅࡍ ࡋࡏࡅࡕࡓࡉࡀ ࡅࡊࡌࡀ ࡉࡀࡉࡉࡋࡅࡍ ࡋࡃࡌࡀࡅࡀࡕࡅࡍ
0206 ࡗ ࡊࡋࡉࡋࡀ ࡖࡉࡀࡅࡀࡓ ࡁࡓࡉࡔࡀࡉࡄࡅࡍ ࡌࡉࡕࡓࡉࡑ ࡌࡍ ࡓࡉࡔ
0207 ࡁࡓࡉࡔ ࡎ ࡀ
0208 . ࡗ ࡓࡀࡌࡉࡕࡅࡋࡇ ࡋࡄࡀࡆࡉࡍ ࡏࡍࡉࡀࡍࡀ ࡖࡀࡎࡀ ࡍࡅࡐࡔࡀ ࡁࡏࡃࡀࡉ
0209 ࡊࡅࡍ ࡍࡉࡄࡅࡉࡀ ࡅࡓࡅࡌࡉࡅࡉࡀ ࡋࡄࡀࡆࡉࡍ ࡏࡍࡉࡀࡍࡀ ࡅࡀࡕࡍࡅࡍ ࡌࡉࡍࡇ
0210 ࡁࡈࡀࡓࡉࡀࡍࡀ ࡅࡌࡉࡍࡇ ࡀࡕࡍࡅࡍ ࡏࡋ ࡀࡒࡀࡌࡇ ࡖࡁࡉࡓࡉࡄࡉࡀ
0211 ࡅࡊࡉࡍࡕࡀ ࡅࡃࡓࡀࡁࡔࡀ ࡅࡋࡅࡐࡉࡅࡍ ࡅࡀࡅࡒࡀࡓ ࡕࡀࡂࡀࡉࡊࡅࡍ . ࡅࡄࡀࡉࡆࡀࡊ
0212 ࡕࡀࡓࡌࡉࡃࡉࡀ ࡀࡕࡅࡍ ࡋࡊࡉࡐࡇ ࡖࡉࡀࡓࡃࡍࡀ ࡅࡀࡌࡀࡓࡋࡅࡍ ࡀࡉࡀࡓ
0213 ࡖࡄࡅ ࡂࡀࡍࡆࡉࡁࡓࡀ ࡁࡄࡅࡓࡉࡅࡍ ࡋࡁࡅࡔࡀࡉࡊࡅࡍ ࡀࡌࡉࡍࡈࡅࡋ
0214 ࡖࡄࡀࡆࡉࡍ ࡌࡀࡑࡁࡅࡕࡀ ࡄࡀࡉࡋࡀ ࡍࡐࡉࡔ ࡅࡕࡀࡒࡍࡀ ࡅࡌࡕࡀࡒࡍࡀ
0215 ࡌࡍ ࡊࡅࡋࡄࡅࡍ ࡂࡉࡍࡆࡉࡀ ࡅࡌࡐࡀࡓࡒࡀࡋࡅࡍ ࡋࡊࡅࡋࡄࡉࡍ ࡌࡉࡄࡉࡀࡕࡀ
0216 ࡅࡌࡃࡀࡊࡉࡀࡋࡅࡍ ࡌࡍ ࡈࡍࡅࡐࡉࡀ ࡖࡄࡔࡅࡊࡀ ࡖࡀࡁࡀࡓ ࡏࡋࡀࡅࡀࡉࡄࡅࡍ
0217 . ࡅࡄࡀࡉࡆࡀࡊ ^ࡄࡀࡊ^ ࡂࡀࡍࡆࡉࡁࡓࡀ ࡖࡁࡓࡉࡔ ࡒࡀࡉࡉࡌ ࡁࡀࡃࡌࡅ
0218 ࡀࡉࡀࡓ ࡓࡀࡌࡉࡋࡇ ࡄࡀࡆࡉࡍ ࡏࡍࡉࡀࡍࡀ ࡋࡄࡉࡁࡉࡋ ࡆࡉࡅࡀ ࡅࡋࡐࡋࡀࡍ
0219 ࡅࡌࡀࡓࡉࡀ ࡃࡓࡀࡁࡔࡀ ࡖࡄࡅ ࡂࡀࡍࡆࡉࡁࡓࡀ ࡖࡁࡃࡉࡍࡁࡀ ࡒࡀࡉࡉࡌ
0220 ࡁࡀࡃࡌࡅ ࡌࡀࡍࡃࡀ ࡖࡄࡉࡉࡀ ࡅࡀࡌࡀࡓࡋࡇ . ࡉࡀ ࡁࡓ ࡍࡀࡅࡓࡀ
0221 ࡃࡀࡊࡉࡀ ࡖࡌࡍ ࡊࡅࡋࡄࡅࡍ ࡌࡀࡋࡊࡉࡀ ࡖࡀࡓࡒࡀ ࡖࡀࡉࡀࡓ
0222 ࡃࡌࡅࡕࡀࡊ ࡃࡉࡋࡀࡊ ࡌࡉࡍࡉࡄࡓࡀ ࡅࡆࡉࡅࡀࡊ ࡋࡏࡅࡕࡓࡉࡀ ࡍࡉࡃࡓࡀ
0223 ࡅࡏࡅࡕࡓࡉࡀ ࡊࡅࡋࡄࡅࡍ ࡁࡌࡀࡑࡁࡅࡕࡀࡊ ࡊࡅࡋࡄࡅࡍ ࡌࡀࡋࡊࡉࡀ
0224 ࡌࡉࡕࡒࡀࡉࡌࡉࡀ ࡌࡍ ࡓࡉࡔ ࡁࡓࡉࡔ ࡎ ࡀ
0225 . ࡅࡄࡀࡉࡆࡀࡊ ࡀࡉࡀࡓ ࡓࡁࡀ ࡄࡀࡊ ࡖࡁࡓࡉࡔࡀ ࡎࡀࡃࡓࡅࡍࡅࡍ
0226 ࡋࡊࡉࡍࡀࡕࡀ ࡅࡋࡁࡉࡕ ࡓࡉࡄࡉࡀ ࡅࡁࡉࡄࡓࡅࡉࡀ ࡏࡋ ࡋࡁࡅࡔࡀࡉࡄࡅࡍ ࡖ
0227 ࡊࡅࡋࡄࡅࡍ ࡌࡀࡋࡊࡉࡀ ࡅࡕࡀࡓࡌࡉࡃࡉࡀ ࡊࡅࡋ ࡄࡀࡃ ࡁࡃࡅࡊࡕࡀ ࡖࡍࡀࡐࡔࡉࡇ
0228 ࡖࡄࡅࡀ ࡁࡓࡀࡄࡌࡉࡀ ࡅࡋ^ࡀ^ࡅࡐࡀ ࡅࡍࡀࡈࡓࡉࡀ ࡅࡕࡀࡂࡀࡉࡅࡍ ࡁࡏࡃࡀࡉࡅࡍ
0229 ࡍࡉࡄࡅࡉࡀ ࡀࡋࡌࡀ ࡖࡀࡕࡀ ࡄࡀࡊ ࡂࡀࡍࡆࡉࡁࡓࡀ ࡖࡃࡉࡍࡁࡀ ࡁࡀࡃࡌࡅ
0230 ࡌࡀࡍࡃࡀ ࡖ ࡄࡉࡉࡀ ࡅࡏࡍࡉࡀࡍࡀ ࡓࡌࡀࡋࡅࡍ ࡋࡃࡓࡀࡁࡔࡉࡀ ࡗ ࡃࡉࡑࡀ
0231 ࡋࡊࡉࡐࡇ ࡖࡉࡀࡓࡃࡍࡀ ࡎ ࡀ
0232 . ࡅࡀࡌࡀࡓ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡌࡍ ࡉࡅࡌࡀ ࡖࡀࡕࡉࡍ
0233 ࡃࡓࡀࡁࡔࡉࡀ ࡋࡊࡉࡐࡇ ࡖࡉࡀࡓࡃࡍࡀ ࡉࡀࡓࡃࡍࡉࡀ ࡌࡉࡈࡀࡋࡀࡋࡉࡀ ࡁࡉࡄࡃࡀࡃࡉࡀ
0234 ࡅࡌࡉࡕࡊࡀࡓࡊࡉࡀ ࡅࡋࡀࡊࡀࡉࡍࡉࡀ ࡅࡋࡀࡎࡀࡄࡒࡉࡀ ࡅࡀࡌࡓࡉࡀ ࡁࡓ ࡄࡀࡋࡉࡍ
0235 ࡃࡓࡀࡁࡔࡉࡀ ࡖࡏࡔࡕࡀࡋࡈࡅࡍ ࡋࡌࡀࡑࡁࡅࡕࡀ ࡖࡄࡉࡁࡉࡋ ࡆࡉࡅࡀ
0236 ࡁࡓࡀ ࡖࡌࡀࡍࡃࡀ ࡖࡄࡉࡉࡀ ࡅࡐࡋࡀࡍ ࡖࡊࡀࡁࡔࡉࡀ ࡊࡅࡋࡄࡅࡍ ࡀࡋࡌࡉࡀ
0237 ࡖࡄࡔࡅࡊࡀ ࡅࡀࡄࡃࡉࡍࡅࡍ ࡋࡁࡀࡁࡉࡀ ࡌࡍ ࡓࡉࡔ ࡁࡓࡉࡔ ࡎ ࡀ
0238 . ࡀࡕࡍࡀ ࡓࡌࡀ ࡏࡍࡉࡀࡍࡀ ࡄࡅࡓࡉࡍࡀ ࡅࡀࡌࡀࡓ . ࡁࡔࡅࡌࡀ ࡖࡄࡉࡉࡀ
0239 ࡓࡁࡉࡀ ࡉࡅࡌࡀ ࡖࡏࡕࡉࡍࡂࡉࡃࡉࡅࡍ ࡃࡓࡀࡁࡔࡉࡀ ࡊࡅࡋࡄࡅࡍ ࡋࡊࡉࡐࡇ
0240 ࡖ ࡉࡀࡓࡃࡍࡀ ࡕࡋࡀࡕࡌࡀ ࡅࡔࡉࡕࡉࡍ ࡀࡋࡌࡉࡀ ࡖࡍࡄࡅࡓࡀ ࡋࡅࡀࡕࡀࡉࡅࡍ
0241 ࡊࡀࡍࡐࡉࡀ ࡅࡊࡅࡋࡄࡅࡍ ࡁࡉࡓࡊࡕࡀ ࡁࡃࡓࡀࡁࡔࡉࡀ ࡁࡀࡓࡊࡉࡀ ࡅࡀࡌࡓࡉࡀ
0242 ࡁࡓࡉࡊࡉࡀ ࡄࡀࡆࡉࡍ ࡃࡓࡀࡁࡔ^ࡉ^ࡀ ࡖࡌࡉࡍࡉࡄࡓࡉࡀ ࡏࡅࡕࡓࡉࡀ
0243 ࡅࡌࡀࡋࡊࡉࡀ ࡁࡆࡉࡅࡀࡉࡄࡅࡍ ࡅࡌࡀࡍࡄࡉࡓࡋࡇ ࡋࡉࡀࡓࡃࡍࡀ ࡅࡌࡐࡀࡓࡒࡉࡋࡇ
0244 ࡋࡄࡉࡁࡉࡋ ࡆࡉࡅࡀ ࡅࡐࡋࡀࡍ ࡌࡍ ࡊࡅࡋࡄࡅࡍ ࡀࡅࡃࡉࡀ ࡎ ࡀ
0245 . ࡕࡅࡌ ࡀࡕࡍࡀ ࡓࡌࡀࡋࡅࡍ ࡏࡍࡉࡀࡍࡀ ࡋࡏࡅࡕࡓࡉࡀ ࡌࡀࡍࡃࡀ ࡖࡄࡉࡉࡀ
0246 ࡄࡀࡊ ࡂࡀࡍࡆࡉࡁࡓࡀ ࡖࡁࡃࡉࡍࡁࡀ ࡅࡀࡌࡀࡓ . ࡀࡍࡀࡕࡅࡍ ࡁࡍࡉࡀ
0247 ࡌࡀࡋࡊࡉࡀ ࡖࡋࡊࡉࡐࡇ ࡖࡉࡀࡓࡃࡍࡀ ࡒࡀࡉࡌࡉࡕࡅࡍ ࡓࡌࡅࡋࡇ ࡏࡍࡉࡀࡍࡀ
0248 ࡋࡀࡁࡅࡊࡅࡍ ࡖࡃࡍࡉࡍࡊࡅࡍ ࡒࡓࡀࡋࡇ ࡅࡏࡍࡉࡍࡊࡅࡍ ࡉࡀࡓࡃࡍࡀ ࡐࡀࡓࡒࡇ
0249 ࡋࡄࡉࡁࡉࡋ ࡆࡉࡅࡀ ࡅࡐࡋࡀࡍ ࡌࡍ ࡊࡅࡋࡄࡉࡍ ࡌࡉࡄࡉࡀࡕࡀ ࡅࡈࡍࡅࡐࡉࡀ
0250 ࡖࡄࡔࡅࡊࡀ ࡖࡔࡅࡁࡀ ࡀࡋࡌࡉࡀ ࡅࡀࡎࡉࡒ ࡌࡀࡑࡁࡅࡕࡇ ࡋࡓࡉࡔ
0251 ࡎ ࡀ
0252 ࡅࡄࡀࡉࡆࡀࡊ ࡀࡉࡀࡓ ࡓࡁࡀ ࡄࡀࡊ ࡂࡀࡍࡆࡉࡁࡓࡀ ࡓࡉࡔࡀࡉࡀ ࡅࡊࡅࡋࡄࡅࡍ
0253 ࡕࡀࡓࡌࡉࡃࡉࡀ ࡁࡄࡀࡃ ࡒࡀࡋࡀ ࡓࡌࡅࡋࡇ ࡏࡍࡉࡀࡍࡀ ࡋࡉࡀࡓࡃࡍࡀ
0254 ࡅࡒࡓࡅࡍ ࡗ ࡀࡎࡀ ࡀࡎࡀ ࡁࡂࡍࡉࡍࡉࡀ ࡄࡉࡁࡉࡋ ࡓࡀࡅࡅࡆ {{ࡅࡎࡀࡊ}}
0255 ࡅࡎࡀࡉࡊࡅ ࡅࡒࡓࡅࡍ ࡏࡅࡍࡉࡀࡍ ࡀࡁ ࡏࡅࡍࡉࡀࡍ ࡀࡍࡀ ࡁࡄࡀࡉࡋࡇ
0256 ࡖࡀࡁ ࡉࡀࡅࡀࡓ ࡋࡉࡀࡓࡃࡍࡀ ࡀࡎࡂࡉࡕ ࡅࡏࡅࡍࡉࡀࡍ ࡀࡁ
0257 ࡏࡅࡍࡉࡀࡍ ࡆࡅࡈࡀ ࡅࡎࡀࡉࡊࡅ ࡎ ࡀ
0258 . ࡅࡄࡀࡉࡆࡀࡊ ࡀࡕࡀ ࡌࡀࡍࡃࡀ ࡖࡄࡉࡉࡀ ࡄࡀࡊ ࡂࡀࡍࡆࡉࡁࡓࡀ ࡖࡃࡉࡍࡁࡀ
0259 ࡅࡓࡌࡀࡋࡅࡍ ࡏࡍࡉࡀࡍࡀ ࡋࡌࡀࡋࡊࡉࡀ ࡅࡀࡌࡀࡓ . ࡁࡓࡉࡊࡀ ࡒࡉࡍࡕࡀࡉࡊࡅࡍ
0260 ࡄࡉࡋࡉࡕࡀ ࡋࡊࡉࡐࡇ ࡖࡉࡀࡓࡃࡍࡀ ࡖࡌࡍ ࡐࡅࡌࡀࡉࡊࡅࡍ ࡍࡐࡀࡒ ࡅࡋࡌࡀࡑࡁࡅࡕࡀ
0261 ࡖࡄࡉࡁࡉࡋ ࡆࡉࡅࡀ ࡓࡁࡀ ࡅࡐࡋࡀࡍ ࡏࡔࡕࡀࡋࡈࡀࡕ ࡌࡍ ࡓࡉࡔ
0262 ࡁࡓࡉࡔ ࡎ ࡀ
0263 . ࡅࡄࡀࡉࡆࡀࡊ ࡊࡅࡋࡄࡅࡍ ࡂࡀࡍࡆࡉࡁࡓࡉࡀ ࡅࡕࡀࡓࡌࡉࡃࡉࡀ ࡀࡌࡓࡉࡍ ࡁࡔࡅࡌࡀࡉࡄࡅࡍ
0264 ࡖࡄࡉࡉࡀ ࡓࡁࡉࡀ ࡒࡀࡃࡌࡀࡉࡉࡀ ࡍࡅࡊࡓࡀࡉࡉࡀ ࡅࡃࡓࡅࡍ ࡆࡄࡀࡓࡀ ࡅࡔࡅࡌࡇ
0265 ࡖࡍࡀࡐࡔࡀࡉࡊࡅࡍ ࡀࡕࡍࡀ ࡀࡌࡅࡓࡉࡅࡍ ࡀࡎࡅࡕࡀ ࡅࡆࡀࡊࡅࡕࡀ ࡅࡔࡀࡁࡉࡒ
0266 ࡄࡀࡈࡀࡉࡉࡀ ࡍࡉࡄࡅࡉࡋࡇ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡁࡓ ࡐࡋࡀࡍ
0267 ࡖࡍࡀࡄࡉࡕ ࡋࡉࡀࡓࡃࡍࡀ ࡅࡌࡉࡑࡈࡁࡀ ࡅࡌࡒࡀࡁࡉࡋ ࡃࡀࡊࡉࡀ ࡓࡅࡔࡅࡌࡀ
0268 ࡁࡄࡀࡉࡋࡇ ࡖࡉࡀࡅࡀࡓ ࡆࡉࡅࡀ ࡅࡎࡉࡌࡀࡕ ࡄࡉࡉࡀ
0269 ࡎ ࡀ ࡅࡒࡓࡅࡍ ࡁࡔࡅࡌࡀ ࡖࡄࡀࡄࡅ ࡂࡀࡁࡓࡀ ࡒࡀࡃࡌࡀࡉࡀ ࡅࡕࡓࡅࡑࡉࡅࡍ
0270 ࡕࡀࡂࡀࡉࡊࡅࡍ ࡁࡓࡉࡔࡀࡉࡊࡅࡍ ࡅࡒࡓࡅࡍ ࡏࡋ ࡀࡂࡀࡍࡁࡉࡀ ࡕࡀࡂࡀࡊ . ࡄࡉࡉࡀ
0271 ࡒࡉࡓࡉࡅࡉࡀ ࡋࡉࡀࡅࡀࡓ ࡆࡉࡅࡀ ࡅࡍࡄࡅࡓ ࡍࡄࡅࡓࡀ ࡗ ࡀࡌࡓࡉࡕࡅࡍ ࡄࡅࡀ
0272 ࡀࡕࡉࡉࡇ ࡅࡕࡉࡓࡑࡇ ࡕࡓࡅࡑ ࡊࡋࡉࡋࡀ ࡁࡓࡉࡔࡀࡉࡊࡅࡍ ࡏࡋ ࡀࡂࡀࡍࡁࡉࡀ
0273 ࡕࡀࡂࡀࡉࡊࡅࡍ ࡅࡎࡀࡉࡊࡅ ࡅࡒࡓࡅࡍ ࡌࡀࡍࡃࡀ ࡒࡓࡀࡍ ࡅࡎࡀࡉࡊࡅ
0274 ࡅࡒࡓࡅࡍ ࡄࡀࡉࡀࡋ ࡊࡁࡀࡓ ࡓࡀࡆࡀ ࡓࡁࡀ ࡁࡓࡉࡔ ࡃࡓࡅࡍ ࡆࡄࡀࡓࡀ
0275 ࡋࡐࡋࡀࡍ ࡅࡄࡅࡕࡅࡌࡉࡅࡍ ࡐࡀࡍࡃࡀࡌࡀ ࡋࡐࡅࡌࡀࡉࡊࡅࡍ . ࡅࡀࡌࡅࡓࡉࡅࡍ ࡕࡀࡂࡀ
0276 ࡅࡊࡋࡉࡋࡀ ࡁࡓࡉࡔࡀࡉ ࡕࡉࡓࡑࡉࡕ ࡅࡐࡀࡍࡃࡀࡌࡀ ࡋࡉࡂࡈࡉࡕ . ࡅࡄࡀࡉࡆࡀࡊ
0277 ࡃࡓࡅࡍ ࡓࡉࡄࡀ ࡅࡒࡓࡅࡍ ࡓࡉࡄࡀ ࡖࡁࡀࡎࡉࡌ ࡅࡄࡀࡋ ࡄࡉࡉࡀ
0278 ࡒࡀࡃࡌࡀࡉࡉࡀ ࡅࡋࡀࡓࡀࡌࡉࡕࡅࡍ ࡀࡋࡌࡀ ࡖࡀࡕࡉࡀ ࡄࡀࡊ ࡂࡀࡍࡆࡉࡁࡓࡀ
0279 ࡖࡃࡉࡍࡁࡀ ࡅࡓࡀࡌࡉࡀ ࡏࡍࡉࡀࡍࡀ ࡋࡓࡉࡄࡀ ࡅࡎࡉࡍࡃࡋࡅࡎ ࡎ ࡀ
0280 . ࡅࡀࡌࡀࡓ ࡁࡔࡅࡌࡀ ࡖࡄࡉࡉࡀ ࡓࡉࡄࡀ ࡀࡉࡕࡅࡍ ࡋࡌࡀࡋࡊࡉࡀ ࡌࡍ
0281 ࡔࡊࡉࡍࡕࡀ ࡓࡀࡁࡕࡉࡀ ࡖࡌࡀࡋࡊࡀ ࡁࡂࡀࡅࡇ ࡉࡀࡕࡉࡁ ࡓࡉࡄࡀ ࡀࡕࡀ
0282 ࡅࡌࡍࡀࡈࡀࡓࡋࡇ ࡋࡄࡉࡁࡉࡋ ࡆࡉࡅࡀ ࡅࡐࡋࡀࡍ ࡗ ࡁࡆࡉࡅࡀ ࡖࡃࡓࡀࡁࡔࡀ
0283 ࡉࡀࡕࡉࡁ ࡅࡌࡀࡍࡄࡉࡓࡋࡇ ࡋࡌࡀࡑࡁࡅࡕࡇ ࡅࡌࡐࡀࡓࡉࡒࡋࡇ ࡌࡍ ࡀࡅࡃࡉࡀ
0284 ࡌࡍ ࡓࡉࡔ ࡁࡓࡉࡔ ࡎ ࡀ
0285 . ࡅࡓࡌࡅࡍ ࡓࡉࡄࡀ ࡋࡍࡅࡓࡀ . ࡅࡒࡓࡅࡍ ࡀࡅࡃࡉࡍ ࡅࡕࡅࡔࡁࡉࡄࡀࡍ ࡅࡏࡋࡊࡅࡍ
0286 ࡃࡉࡋࡊࡅࡍ ࡁࡓࡉࡔ ࡁࡀࡅࡀࡕࡀ ࡃࡓࡅࡍ {{ࡋࡍࡅࡓࡀ}} ࡀࡎࡅࡕࡀ ࡅࡆࡀࡊࡅࡕࡀ ࡅࡆࡄࡀࡓࡀ
0287 ࡅࡔࡅࡌࡀ ࡖࡌࡀࡓࡉࡀ ࡌࡀࡑࡁࡅࡕࡀ ࡅࡊࡅࡋ ࡃࡅࡊࡕࡀ ࡖࡏࡊࡀ ࡔࡅࡌࡀ
0288 ࡀࡌࡅࡓࡉࡅࡍ ࡐࡋࡀࡍ ࡖࡍࡀࡄࡉࡕ ࡋࡉࡀࡓࡃࡍࡀ ࡅࡌࡉࡑࡈࡁࡀ ࡅࡌࡒࡀࡁࡉࡋ
0289 ࡃࡀࡊࡉࡀ ࡓࡅࡔࡅࡌࡀ ࡅࡎࡀࡉࡊࡅࡍࡉࡍ . ࡅࡒࡓࡅࡍ ࡁࡉࡕ ࡌࡉࡔࡒࡀࡋ
0290 ࡀࡉࡍࡉࡀ ࡅࡃࡓࡅࡍ ࡆࡄࡀࡓࡀ ࡖࡌࡍ ࡆࡉࡅࡀࡊ ࡕࡉࡀࡋࡁࡔࡉࡇ ࡅࡊࡅࡋࡀ
0291 ࡌࡀࡑࡁࡅࡕࡀࡉࡊࡅࡍ ࡆࡄࡓࡀࡉࡕࡀ ࡕࡉࡄࡅࡉࡀ . . ࡅࡊࡀࡍࡉࡐࡉࡅࡍ ࡔࡉࡐࡅࡋࡀࡉࡊࡅࡍ
0292 ࡅࡃࡓࡅࡍ ࡀࡎࡅࡕࡀ ࡅࡆࡀࡊࡅࡕࡀ ࡋࡐࡋࡀࡍ ࡖࡍࡀࡄࡉࡕ ࡋࡉࡀࡓࡃࡍࡀ ࡅࡌࡉࡑࡈࡁࡀ
0293 ࡅࡌࡒࡀࡁࡉࡋ ࡃࡀࡊࡉࡀ ࡓࡅࡔࡅࡌࡀ ࡌࡉࡔࡒࡀࡋ ࡀࡉࡍࡉࡀ ࡅࡔࡒࡅࡋࡉࡅࡍ
0294 ࡀࡉࡍࡀࡉࡊࡅࡍ ࡋࡏࡉࡋ . ࡅࡒࡓࡅࡍ ࡁࡉࡅࡌࡀ ࡖࡉࡀࡓࡃࡍࡀ ࡏࡄࡀࡁࡋࡇ
0295 ࡋࡎࡀࡌ ࡎࡌࡉࡓ ࡅࡎࡉࡂࡃࡉࡕ ࡅࡔࡀࡁࡀࡕࡇ ࡋࡄࡀࡊ ࡉࡀࡅࡀࡓ
0296 ࡆࡉࡅࡀ . ࡅࡀࡌࡅࡓ ࡀࡍࡀ ࡄࡅ ࡉࡅࡓ ࡁࡓ ࡁࡀࡓࡉࡕ ࡅࡂࡈࡅࡓࡉࡅࡍ
0297 ࡊࡀࡍࡆࡀࡋࡀ ࡉࡅࡓࡁࡀ ࡂࡀࡍࡆࡉࡁࡓࡀ ࡁࡀࡄࡉࡓࡋࡇ ࡋࡂࡉࡍࡆࡀࡉࡊࡅࡍ
0298 . ࡅࡒࡓࡅࡍ ࡋࡉࡀࡓࡃࡍࡀ ࡀࡎࡂࡉࡕ ࡅࡃࡅࡊࡕࡀ ࡖࡀࡌࡀࡓ ࡒࡅࡌࡀࡕ
0299 ࡏࡄࡅࡕ ࡍࡄࡅࡕࡉࡅࡍ ࡋࡉࡀࡓࡃࡍࡀ ࡅࡎࡀࡉࡊࡅࡍ ࡅࡒࡓࡅࡍ ࡁࡔࡅࡌࡇ
0300 ࡖࡉࡅࡎࡌࡉࡓ ࡂࡅࡐࡍࡀ ࡒࡀࡃࡌࡀࡉࡀ ࡏࡅࡌࡔࡅࡉࡀ ࡋࡌࡀࡓࡂࡍࡀࡉࡊࡅࡍ
0301 ࡅࡃࡅࡑࡅࡉࡀ ࡁࡉࡀࡓࡃࡍࡀ ࡅࡀࡋࡁࡉࡔࡅࡉࡀ ࡊࡋࡉࡋࡀ ࡋࡌࡀࡓࡂࡀࡍࡀࡉࡊࡅࡍ
0302 ࡅࡀࡋࡁࡉࡔࡅࡉࡀ ࡁࡊࡀࡍࡆࡀࡋࡊࡅࡍ ࡅࡎࡀࡉࡊࡅ ࡅࡒࡓࡅࡍ ࡏࡎࡉࡓ ࡉࡀࡌࡀ
0303 ࡅࡑࡅࡓࡉࡅࡍ ࡕࡋࡀࡕ ࡑࡅࡓࡀࡕࡀ ࡋࡍࡀࡐࡔࡀࡉࡊࡅࡍ . ࡅࡒࡓࡅࡍ ࡂࡉࡌࡓࡀ
0304 ࡀࡍࡀ ࡂࡌࡉࡓࡀ ࡅࡏࡆࡄࡀ ࡅࡕࡀࡆࡄࡀ ࡅࡀࡆࡉࡋࡉࡅࡍ ࡕࡋࡀࡕࡀ ࡀࡆࡉࡄࡀࡕࡀ
0305 ࡖࡌࡉࡀ ࡅࡎࡀࡉࡊࡅ . ࡅࡒࡓࡅࡍ ࡁࡔࡅࡌࡀ ࡖࡄࡉࡉࡀ ࡐࡉࡓࡉࡀࡅࡉࡎ
0306 ࡉࡀࡓࡃࡍࡀ ࡓࡁࡀ ࡖࡌࡉࡀ ࡄࡉࡉࡀ ࡅࡀࡌࡅࡓࡉࡅࡍ ࡄࡀࡆࡀ ࡍࡉࡔࡉࡌࡕࡀ
0307 ࡖࡐࡋࡀࡍ ࡁࡓ ࡐࡋࡀࡍ ࡖࡍࡀࡄࡉࡕ ࡋࡉࡀࡓࡃࡍࡀ ࡅࡌࡉࡑࡈࡁࡀ
0308 ࡅࡌࡒࡀࡁࡉࡋ ࡃࡀࡊࡉࡀ ࡓࡅࡔࡅࡌࡀ ࡖࡍࡀࡐࡒࡀ ࡌࡍ ࡄࡁࡉࡋࡀ
0309 ࡋࡁࡉࡍࡉࡀࡍࡀ ࡅࡌࡍ ࡈࡏࡉࡀ ࡋࡔࡓࡀࡓࡀ ࡅࡎࡀࡉࡊࡅ ࡅࡊࡅࡋ ࡃࡅࡊࡕࡀ
0310 ࡖࡏࡊࡀ ࡔࡅࡌࡀ ࡃࡓࡅࡍ ࡁࡔࡅࡌࡀ ࡖࡀࡁࡀ ࡉࡀࡌࡉࡍࡀ ࡄࡅ
0311 ࡅࡆࡀࡄࡓࡀࡉࡕࡀ ࡊࡅࡋࡀ ࡌࡀࡑࡁࡅࡕࡀࡉࡊࡅࡍ . ࡅࡒࡓࡅࡍ ࡁࡔࡅࡌࡀ ࡖ
0312 ࡄࡉࡉࡀ ࡓࡁࡉࡀ ࡊࡅࡋ ࡌࡀࡍ ࡖࡏࡕࡁࡇ ࡄࡀࡉࡋࡀ ࡅࡓࡀࡄࡌࡇ
0313 ࡍࡀࡐࡔࡀ ࡅࡎࡀࡉࡊࡅ ࡔࡅࡁࡀ ࡊࡅࡋࡀࡉࡊࡅࡍ . ࡅࡄࡀࡉࡆࡀࡊ ࡋࡀࡁࡉࡔ
0314 ࡄࡀࡊ ࡖࡁࡇ ࡌࡉࡑࡈࡁࡀ ࡊࡅࡋࡄࡅࡍ ࡋࡁࡅࡔࡉࡇ ࡅࡊࡋࡉࡋࡇ
0315 ࡁࡑࡁࡅࡕࡇ ࡖࡉࡀࡌࡉࡍࡇ ࡍࡉࡄࡅࡉࡀ ࡏࡅ ࡌࡀࡓࡉࡀ ࡕࡀࡂࡀ ࡕࡀࡂࡀ
0316 ࡍࡉࡕࡓࡀࡑ ࡅࡀࡕࡉࡀ ࡋࡒࡅࡃࡀࡌࡇ ࡖࡂࡀࡍࡆࡉࡁࡓࡀ ࡖࡁࡀࡃࡌࡅ
0317 ࡖࡌࡀࡍࡃࡀ ࡖࡄࡉࡉࡀ ࡅࡓࡀࡌࡉࡋࡇ ࡂࡀࡍࡆࡉࡁࡓࡀ ࡄࡀࡆࡉࡍ ࡏࡍࡉࡀࡍࡀ
0318 ࡎ ࡀ
0319 . ࡌࡀࡍ ࡄࡉࡆࡉࡇ ࡋࡆࡉࡅࡀ ࡖࡌࡀࡋࡊࡀ ࡅࡌࡀࡍ ࡐࡉࡓࡔࡉࡇ ࡋࡍࡄࡅࡓࡀ
0320 ࡉࡀࡒࡓࡀ ࡌࡀࡍ ࡄࡉࡆࡉࡇ ࡋࡆࡉࡅࡀ ࡖࡌࡀࡋࡊࡀ ࡖࡏࡅࡕࡓࡉࡀ ࡄࡉࡁࡉࡋ
0321 ࡆࡉࡅࡀ ࡅࡐࡋࡀࡍ ࡗ ࡀࡕࡀ ࡋࡃࡀࡅࡓࡀ ࡕࡀࡒࡍࡀ ࡗ ࡋࡌࡉࡀ ࡄࡉࡉࡀ
0322 ࡃࡍࡀ ࡗ ࡃࡍࡀ ࡋࡌࡉࡀ ࡄࡉࡉࡀ ࡁࡆࡉࡅࡇ ࡓࡅࡀࡆ ࡁࡌࡀࡑࡁࡅࡕࡇ
0323 ࡖࡌࡀࡋࡊࡉࡀ ࡎࡉࡋࡒࡀࡕ ࡌࡀࡑࡁࡅࡕࡀ ࡋࡃࡀࡅࡓࡀ ࡕࡀࡒࡍࡀ
0324 ࡎ ࡀ
0325 ࡅࡄࡀࡉࡆࡀࡊ ࡓࡀࡌࡉࡀ ࡆࡉࡃࡒࡀ ࡋࡊࡉࡍࡕࡀ ࡌࡀࡄࡅ ࡖࡌࡑࡉࡀ ࡁࡄࡀࡉࡋࡇ
0326 ࡅࡒࡀࡓࡉࡀ ࡏࡍࡉࡀࡍࡀ ࡖࡀࡍࡀ ࡏࡕࡁࡉࡍ ࡄࡀࡉࡋࡀ ࡅࡀࡕࡉࡀ ࡅࡍࡀࡄࡉࡕ ࡏࡋ
0327 ࡉࡀࡓࡃࡍࡀ ࡅࡈࡀࡌࡉࡔ ࡕࡋࡀࡕ ࡈࡅࡌࡅࡔࡉࡀࡕࡀ ࡁࡔࡅࡌࡀ ࡖࡄࡉࡉࡀ
0328 ࡅࡁࡔࡅࡌࡇ ࡖࡌࡀࡍࡃࡀ ࡖࡄࡉࡉࡀ ࡅࡀࡕࡉࡀ ࡋࡒࡅࡃࡀࡌࡇ ࡅࡉࡀࡄࡉࡁ
0329 ࡏࡃࡀ ࡖࡉࡀࡌࡉࡍࡇ ࡁࡏࡃࡀ ࡖࡎࡌࡀࡋࡇ ࡖࡌࡀࡑࡁࡀࡍࡀ ࡅࡄࡀࡉࡆࡀࡊ
0330 ࡌࡍ ࡏࡃࡇ ࡖࡎࡌࡀࡋࡇ ࡍࡀࡔࡋࡉࡌࡇ ࡋࡏࡃࡇ ࡖࡉࡀࡌࡉࡍࡇ ࡅࡌࡀࡉࡕࡉࡋࡇ
0331 ࡋࡒࡅࡃࡀࡌࡇ ࡀࡁࡉࡍࡉࡀ ࡃࡉࡋࡇ ࡋࡌࡀࡓࡂࡍ{{ࡉࡀ}}<<ࡇ>> ࡅࡈࡀࡌࡉࡔࡋࡇ ࡕࡋࡀࡕ
0332 ࡈࡅࡌࡅࡔࡉࡀࡕࡀ ࡅࡌ{ࡉ}<ࡀ#2#>ࡅࡕࡉࡁࡋࡇ ࡋࡒࡅࡃࡀࡌࡇ ࡅࡍࡉࡓࡉࡔࡌࡇ ࡕࡋࡀࡕࡀ
0333 ࡓ^ࡅ^ࡔࡅࡌࡉࡀ ࡋࡐࡅࡕࡇ ࡌࡍ ࡏࡅࡃࡍࡇ ࡖࡉࡀࡌࡉࡍࡇ ࡋࡏࡅࡃࡍࡀ
0334 ࡖࡎࡌࡀࡋࡇ ࡁࡑࡁࡉࡕࡇ ࡖࡀࡁࡉࡄࡃࡇ ࡏࡋࡉࡀࡍࡇ ࡅࡕࡋࡀࡕࡀ
0335 ࡄࡅࡐࡍࡉࡀ ࡖࡌࡉࡀ ࡌࡀࡔࡉࡒࡋࡇ ࡅࡀࡌࡀࡓࡋࡇ ࡑࡁࡉࡏࡉࡕ
0336 ࡁࡌࡀࡑࡁࡅࡕࡀ ࡖࡁࡉࡄࡓࡀࡌ ࡓࡁࡀ ࡅࡃࡄࡉࡁࡉࡋ ࡆࡉࡅࡀ
0337 ࡌࡀࡑࡁࡅࡕࡀࡊ ࡕࡉࡍࡀࡈࡓࡀࡊ ࡅࡕࡉࡎࡀࡒ ࡋࡓࡉࡔ . ࡏࡅ
0338 ࡌࡀࡓࡉࡀ ࡕࡀࡂࡀ ࡄࡅ ࡁࡍࡄࡅࡓ ࡍࡄࡅࡓࡀ ࡕࡓࡅࡑࡋࡇ ࡊࡋࡉࡋࡀ
0339 ࡏࡅ ࡌࡀࡍࡃࡀࡉࡀ ࡄࡅ ࡁࡌࡀࡍࡃࡀ {{ࡖ}}ࡒࡓࡀࡍ ࡕࡓࡅࡑࡋࡇ ࡅࡄࡀࡉࡆࡀࡊ
0340 ࡀࡃࡊࡀࡓ ࡏࡋࡇ ࡔࡅࡌࡄࡀࡕࡀ ࡊࡀࡎࡉࡀࡕࡀ ࡅࡎࡀࡉࡊࡅࡍ ࡅࡋࡅࡂࡈࡇ ࡏࡋ
0341 ࡏࡃࡇ ࡅࡀࡒࡌࡇ ࡏࡋ ࡋࡉࡂࡓࡇ ࡅࡀࡌࡀࡓࡋࡇ ࡊࡅࡔࡈࡀ ࡀࡎࡉࡀࡊ
0342 ࡅࡒࡀࡉࡌࡀࡊ ࡅࡄࡀࡊ ࡖࡏࡑࡈࡁࡀ ࡍࡉࡌࡀࡓ ࡁࡏ ࡅࡀࡔࡊࡀ
0343 ࡅࡀࡌࡀࡓ ࡅࡏࡔࡕࡌࡀ ࡅࡄࡀࡉࡆࡀࡊ ࡗ ࡋࡂࡉࡈࡉࡀ ࡏࡃࡀ ࡁࡏࡃࡀ
0344 ࡀࡕࡍࡀ ࡌࡀࡑࡁࡀࡍࡀ ࡍࡉࡌࡀࡓࡋࡇ . ^ࡊࡅࡔࡈࡀࡊ ࡍࡉࡄࡅࡉࡀ ࡎࡀࡄࡃࡀࡊ ࡅࡌࡀࡑࡁࡅࡕࡀࡊ ࡌࡉࡕࡒࡀࡉࡌࡀ ࡅࡋࡀࡁࡀࡈࡋࡀ^ ࡊࡅࡔࡈࡀ ࡖࡍࡎࡀࡁࡕࡇ
0345 ࡌࡍ ࡔࡅࡁࡀ ࡕࡀࡓࡌࡉࡃࡉࡀ ࡅࡌࡀࡋࡊࡏ ࡅࡀࡉࡀࡓ ࡓࡁࡀ ࡄࡅ
0346 ࡍࡉࡐࡀࡓࡒࡀࡊ ࡌࡍ ࡊࡅࡋࡄࡅࡍ ࡌࡉࡄࡉࡀࡕࡀ ࡅࡈࡍࡅࡐࡉࡀ ࡖ
0347 ࡄࡔࡅࡊࡀ ࡖࡄࡅࡀ ࡁࡃࡀࡅࡓࡀ ࡁࡀࡈࡋࡀ ࡅࡍࡀࡔࡒࡉࡍ ࡏࡃࡀࡉࡄࡅࡍ
0348 . ࡅࡄࡀࡉࡆࡀࡊ ࡊࡅࡋࡄࡅࡍ ࡈࡅࡌࡔࡅࡉࡀ ࡑࡉࡁࡅࡉࡀ ࡗ ࡃࡉࡋࡇ
0349 ࡑࡁࡀ ࡒࡀࡍࡉࡍࡀ ࡅࡌࡉࡋࡉࡇ{{ࡀ}} ࡌࡉࡀ ࡅࡏࡄࡀࡁࡋࡇ ࡋࡔࡂࡀࡍࡃࡀ
0350 ࡅࡑࡁࡀ ࡍࡉࡀࡓࡉࡀ ࡅࡒࡓࡅࡍ ࡁࡓࡉࡔ ࡌࡉࡀ ࡍࡉࡐࡒࡉࡕ
0351 ࡅࡁࡓࡉࡊࡉࡕ ࡕࡉࡓࡀ ࡁࡀࡓࡀࡉࡀ ࡅࡀࡍࡄࡇ ࡋࡉࡀࡓࡃࡍࡀ ࡅࡄࡅࡕࡌࡇ
0352 ࡅࡐࡀࡋࡉࡈ ࡌࡀࡓࡂࡍࡀࡊ ࡌࡍ ࡊࡀࡍࡆࡀࡋࡀࡊ . ࡅࡎࡋࡉࡒ ࡀࡉࡀࡓ
0353 ࡓࡁࡀ ࡅࡎࡋࡉࡒ ࡀࡄࡇ ࡌࡉࡍࡇ ࡅࡀࡌࡅࡓ ࡌࡍ ࡉࡀࡓࡃࡍࡀ
0354 ࡎࡉࡋࡒࡉࡕ ࡅࡓࡌࡅࡍ ࡓࡉࡄࡀ ࡋࡍࡅࡓࡀ ࡅࡎࡀࡉࡊࡀ ࡅࡃࡓࡅࡍ
0355 ࡌࡉࡔࡀ ࡅࡒࡓࡅࡍ ࡀࡅࡃࡉࡍ ࡁࡇ ࡅࡌࡉࡔࡀ ࡀࡍࡀࡕ ࡔࡉࡄࡀ
0356 ࡅࡏࡕࡒࡀࡉࡀࡌࡕࡅࡍ ࡄࡉࡉࡀ ࡒࡀࡃࡌࡀࡉࡉࡀ ࡅࡎࡀࡉࡊࡀ ࡅࡓࡅࡔࡅࡌࡅࡉࡀ
0357 ࡌࡍ ࡏࡅࡃࡍࡇ ࡖࡉࡀࡌࡉࡍࡇ ࡋࡏࡅࡃࡍࡀ ࡖࡎࡌࡀࡋࡇ ࡁࡑࡁࡉࡕࡀࡊ
0358 ࡀࡁࡉࡄࡃࡇ ࡋࡉࡀࡍࡀࡊ ࡅࡀࡌࡀࡓࡋࡇ ࡓࡔࡉࡌࡉࡕ ࡁࡓࡅࡔࡅࡌࡀ
0359 ࡖࡄࡉࡉࡀ ࡅࡔࡅࡌࡀ ࡖࡄࡉࡉࡀ ࡅࡔࡅࡌࡀ ࡖࡌࡀࡍࡃࡀ ࡖࡄࡉࡉࡀ
0360 ࡌࡀࡃࡊࡀࡓ ࡏࡋࡀࡊ ࡗ ࡑࡁࡉࡕ ࡄࡀࡊ ࡖࡀࡌࡀࡓࡕ
0361 ࡁࡉࡀࡓࡃࡍࡀ ࡅࡀࡃࡊࡀࡓ ࡄࡀࡍࡉࡊ ࡔࡅࡌࡄࡀࡕࡀ ࡊࡀࡎࡉࡀࡕࡀ
0362 ࡏࡋࡇ ࡅࡐࡔࡅࡈࡉࡅࡍ ࡊࡅࡔࡈࡀ ࡌࡉࡍࡇ . ࡅࡀࡌࡀࡓࡋࡇ ࡃࡀࡊࡉࡀ
0363 ࡏࡃࡀࡊ ࡅࡔࡉࡃࡒࡀ ࡍࡈࡅࡓ ࡅࡀࡍࡐࡀࡊ ࡋࡁࡀࡁࡀ ࡖࡁࡅࡕࡀ
0364 ࡍࡉࡄࡅࡍ ࡅࡍࡎࡅࡁࡉࡅࡍ ࡐࡉࡄࡕࡀ ࡅࡌࡀࡌࡁࡅࡄࡀ ࡅࡒࡓࡅࡍ ࡕࡌࡀࡍࡉࡀ
0365 ࡁࡀࡅࡀࡕࡀ ࡖ ࡐࡉࡄࡕࡀ ࡋࡐࡉࡄࡕࡀ ࡅࡕࡀࡓࡕࡉࡍ ࡁࡀࡅࡀࡕࡀ ࡖ
0366 ࡌࡀࡌࡁࡅࡄࡀ ࡋࡌࡀࡌࡁࡅࡄࡀ ࡅࡀࡄࡁࡀࡋࡇ ࡐࡉࡄࡕࡀ ࡖࡍࡉࡊࡅࡋ
0367 ࡅࡀࡄࡁࡀࡋࡇ ࡌࡀࡌࡁࡅࡄࡀ ࡖࡍࡉࡔࡕࡉࡀ ࡅࡍࡉࡔࡕࡉࡀ ࡄࡀࡋࡀࡋࡕࡀ
0368 ࡌࡍ ࡉࡀࡓࡃࡍࡀ ࡅࡍࡉࡃࡀࡊࡉࡀ ࡏࡃࡇ ࡅࡍࡉࡆࡀࡋ ࡌࡉࡀ ࡋࡎࡌࡀࡋࡇ
0369 ࡅࡋࡂࡅࡈ ࡏࡃࡀ ࡁࡏࡃࡇ . ࡅࡄࡀࡊ ࡖࡏࡑࡈࡁࡀ ࡍࡉࡌࡀࡓ ࡊࡅࡔࡈࡀ
0370 ࡀࡎࡉࡀࡊ ࡅࡒࡀࡉࡌࡀࡊ ࡅࡌࡀࡑࡁࡀࡍࡀ ࡍࡉࡌࡀࡓ ࡁࡏ ࡅࡀࡔࡊࡀ
0371 ࡅࡀࡌࡀࡓ ࡅࡏࡔࡕࡌࡀ ࡅࡍࡀࡔࡒࡉࡍ ࡏࡃࡀࡉࡄࡅࡍ ࡅࡊࡅࡋࡄࡅࡍ
0372 ࡕࡀࡓࡌࡉࡃࡉࡀ ࡌࡎࡀࡉࡊࡉࡀ ࡊࡅࡔࡈࡀ ࡅࡄࡀࡉࡆࡀࡊ ࡉࡀࡕࡉࡁ
0373 ࡋࡊࡅࡓࡎࡉࡀ ࡅࡊࡅࡋࡄࡅࡍ ࡕࡀࡓࡌࡉࡃࡉࡀ ࡅࡂࡀࡍࡆࡉࡁࡓࡉࡀ ࡊࡀࡍࡐࡉࡀ
0374 ࡏࡋࡇ ࡅࡒࡀࡓࡉࡍ ࡋࡓࡉࡔࡉࡇ ࡄࡀࡕࡀࡌࡀࡕࡀ ࡗ ࡏࡄࡀࡁࡋࡇ
0375 ࡅࡏࡎࡉࡓࡀ ࡅࡄࡕࡉࡌࡀ {{ࡅࡁࡓ}} ࡅࡁࡅࡑࡀࡓ ࡄࡉࡉࡀ ࡅࡏࡎࡉࡓࡀ
0376 ࡅࡄࡕࡉࡌࡀ ࡓࡀࡁࡕࡉࡀ ࡎ ࡀ
0377 . ࡅࡄࡀࡉࡆࡀࡊ ࡒࡓࡅࡍࡅࡍ ࡋࡄࡀࡋࡉࡍ ࡏࡍࡉࡀࡍࡉࡀ ࡋࡓࡉࡔࡉࡇ ࡊࡅࡋࡀࡉࡊࡅࡍ
0378 ࡀࡁࡀࡕࡀࡓ ࡄࡀࡕࡀࡌࡀࡕࡀ ࡅࡀࡌࡅࡓࡉࡅࡍ . ࡁࡔࡅࡌࡀࡉࡄࡅࡍ ࡖ
0379 ࡄࡉࡉࡀ ࡓࡁࡉࡀ ࡖࡋࡀࡁࡀࡈࡋࡉࡀ ࡅࡄࡀࡉࡆࡀࡊ ࡏࡃࡀ ࡉࡀࡄࡀࡁࡋࡇ
0380 ࡄࡉࡁࡉࡋ ࡆࡉࡅࡀ ࡅࡁࡀࡁࡅࡉࡀ ࡏࡕࡊࡀࡓࡀࡊ ࡅࡄࡀࡉࡆࡀࡊ ࡄࡉࡆࡉࡅࡉ{{ࡀ}}^ࡀ^
0381 ࡏࡅࡕࡓࡉࡀ ࡋࡌࡀࡍࡃࡀ ࡖࡄࡉࡉࡀ ࡅࡕࡊࡀࡓࡀࡊ ࡄࡉࡁࡉࡋ ࡆࡉࡅࡀ
0382 ࡅࡊࡅࡋࡄࡅࡍ ࡏࡅࡕࡓࡉࡀ ࡌࡍ ࡊࡀࡓࡎࡀࡅࡀࡕࡅࡍ ࡒࡀࡌ ࡅࡏࡍࡉࡀࡍࡉࡀ
0383 ࡓࡌࡅࡋࡇ ࡄࡉࡁࡉࡋ ࡆࡉࡅࡀ ࡏࡋ {{ࡀࡄࡇ}} ࡏࡅࡕࡓࡉࡀ ࡀࡄࡇ
0384 ࡏࡅࡕࡓࡉࡀ ࡁࡔࡊࡉࡍࡀࡕࡀ ࡉࡀࡕࡁࡉࡀ ࡒࡅࡌ ࡊࡅࡋࡀࡉࡊࡅࡍ
0385 ࡁࡄࡀࡃ ࡒࡉࡍࡕࡀ ࡍࡉࡁࡉࡓࡊࡇ ࡋࡄࡉࡁࡉࡋ ࡆࡉࡅࡀ ࡓࡁࡀ ࡖ
0386 ࡁࡓࡉࡔࡀࡉࡄࡅࡍ ࡕࡓࡉࡑ ࡅࡏࡎࡉࡒࡕࡀ ࡁࡏࡃࡀࡉࡄࡅࡍ ࡌࡀࡕࡍࡀ
0387 ࡎ ࡀ
0388 . ࡅࡀࡌࡀࡓ ࡀࡁࡅࡍ ࡍࡉࡍࡐࡅࡔ ࡆࡉࡅࡀࡊ ࡌࡍ ࡆࡉࡅࡉࡀ ࡅࡊࡅࡋࡄࡅࡍ
0389 ࡕࡀࡂࡉࡀ ࡅࡊࡁࡀࡓ ࡍࡄࡅࡓࡀࡊ ࡏࡋ ࡀࡋࡌࡉࡀ ࡍࡀࡐࡔࡉࡀ
0390 ࡔࡂࡀࡍࡃࡀࡊ ࡈࡀࡁࡀ ࡅࡄࡉࡉࡀ ࡄࡀࡅࡉࡋࡀࡊ ࡍࡀࡑࡁࡀ ࡀࡍࡏࡍ
0391 ࡄࡀࡃࡉࡍࡉࡍ ࡁࡃࡌࡅࡕࡀࡊ ࡅࡏࡃࡀࡍ ࡖࡊࡅࡔࡈࡀ ࡍࡀࡎࡉࡌ
0392 ࡏࡋࡀࡊ ࡍࡉࡁࡉࡓࡊࡀࡊ ࡁࡁࡉࡓࡉࡊࡕࡀࡊ ࡓࡀࡁࡕࡉࡀ ࡖࡍࡀࡐࡔࡀ
0393 ࡅࡊࡀࡁࡉࡓࡀ ࡎ ࡀ
0394 . ࡅࡄࡀࡉࡆࡀࡊ ࡊࡅࡋࡄࡅࡍ ࡏࡅࡕࡓࡉࡀ ࡕࡊࡀࡓࡊࡅࡁࡇ ࡁࡄࡉࡁࡉࡋ
0395 ࡆࡉࡅࡀ ࡅࡍࡉࡔࡒࡅࡉࡀ ࡁࡐࡅࡌࡀ ࡃࡀࡊࡉࡀ ࡅࡋࡊࡅࡓࡎࡉࡀ ࡖࡍࡀࡐࡔࡉࡇ {{ࡍࡀࡅࡕ}}
0396 ࡍࡀࡅࡕࡁࡅࡉࡀ ࡅࡀࡌࡀࡓࡋࡇ . ࡄࡃࡉࡀ ࡀࡁࡅࡍ ࡅࡄࡃࡉࡁࡇ ࡁࡊࡅࡋࡇ
0397 ࡂࡉࡍࡆࡀࡊ ࡅࡏࡕࡍࡀࡈࡀࡓ ࡁࡊࡅࡋࡀ ࡌࡀࡋࡊࡅࡕࡀࡊ ࡀࡍࡀࡕ ࡐࡋࡀࡍ ࡀࡍࡀࡕ
0398 ࡕࡉࡕࡒࡀࡉࡀࡌ ࡁࡀࡋࡌࡉࡀ ࡖࡍࡄࡅࡓࡀ ࡅࡏࡋ ࡖࡏࡑࡈࡁࡀ ࡁࡌࡀ
0399 ࡑࡁࡅࡕࡀࡊ ࡄࡉࡁࡉࡋ ࡆࡉࡅࡀ ࡅࡊࡅࡋࡄࡅࡍ ࡁࡄࡉࡓࡉࡀ ࡆࡉࡃࡒࡀ
0400 ࡁࡁࡅࡕࡀ ࡅࡕࡅࡔࡁࡉࡄࡕࡀ ࡍࡉࡁࡉࡓࡊࡀࡊ ࡋࡃࡉࡋࡀࡊ ࡌࡍ ࡓࡉࡔ
0401 ࡁࡓࡉࡔ ࡎ ࡀ
0402 . ࡌࡀࡋࡉࡋ ࡉࡀࡅࡀࡓ ࡓࡁࡀ ࡅࡍࡉࡀࡍࡀ ࡓࡌࡀࡋࡇ ࡅࡀࡌࡀࡓ ࡆࡉࡅࡀࡊ
0403 ࡔࡀࡍࡉࡀ ࡅࡔࡀࡍࡀࡉ ࡎࡉࡂࡉࡉࡀ ࡖࡋࡉࡂࡓࡀࡊ ࡅࡀࡔࡀࡓ ࡆࡉࡅࡀ
0404 ࡅࡍࡄࡅࡓࡀ ࡅࡏࡕࡍࡀࡈࡀࡓ ࡏࡋࡀࡊ ࡌࡍ ࡓࡉࡔ ࡁࡓࡉࡔ
0405 ࡎ ࡀ
0406 ࡌࡀࡋࡉࡋ ࡉࡅࡊࡀࡁࡀࡓ ࡓࡁࡀ ࡅࡏࡍࡉࡀࡍࡀ ࡓࡌࡀࡋࡇ ࡅࡀࡌࡀࡓ
0407 . ࡉࡀ ࡂࡀࡁࡓࡀ ࡁࡄࡉࡓࡀ ࡄࡃࡉࡀ ࡅࡄࡃࡉࡁࡅࡍ ࡁࡔࡉ{{ࡕࡋࡉࡀ}}
0408 ࡕࡋࡉࡀ ࡈࡀࡁࡉࡀ ࡖࡄࡉࡉࡀ ࡓࡁࡉࡀ ࡄࡀࡅࡉࡋࡀࡊ ࡀࡃࡉࡀࡅࡓࡀ
0409 ࡅࡕࡉࡍࡄࡀࡓ ࡃࡌࡅࡕࡀࡊ ࡀࡊࡅࡀࡕ ࡆࡉࡅࡀ ࡖࡏࡕࡉࡍࡑࡉࡁ
0410 ࡌࡍ ࡁࡉࡕ ࡓࡅࡓࡁࡉࡀ ࡌࡉࡀ ࡌࡍ ࡓࡉࡔ ࡁࡓࡉࡔ
0411 ࡎ ࡀ
0412 ࡌࡀࡋࡉࡋ ࡍࡑࡀࡁ ࡓࡁࡀ ࡅࡍࡉࡀࡍࡀ ࡓࡌࡀࡋࡇ ࡅࡀࡌࡀࡓ .
0413 ࡁࡉࡓࡊࡅࡊ ࡕࡓࡉࡎࡉࡓ ࡏࡅࡕࡓࡉࡀ ࡖࡁࡉࡔࡊࡉࡍࡀࡕ ࡏࡅࡕࡓࡉࡀ
0414 ࡉࡀࡕࡁࡉࡀ ࡁࡑࡀࡅࡕࡀ ࡖࡄࡃࡀࡃࡉࡀ ࡅࡁࡀࡉࡓࡀ ࡃࡌࡅࡕࡀࡉࡄࡅࡍ
0415 ࡗ ࡏࡅࡕࡓࡉࡀ ࡔࡀࡍࡉࡉࡀ ࡀࡍࡄࡉࡓࡅࡋࡇ ࡃࡌࡅࡕࡀࡉࡄࡅࡍ
0416 ࡈࡀࡁࡉࡀ ࡄࡅ ࡄࡉࡉࡀ ࡓࡁࡉࡀ ࡄࡀࡅࡉࡋࡀࡊ ࡍࡄࡅࡓࡀ ࡌࡍ
0417 ࡓࡉࡔ ࡁࡓࡉࡔ ࡎ ࡀ
0418 ࡌࡀࡋࡉࡋ ࡉࡀࡅࡀࡓ ࡓࡁࡀ ࡅࡏࡍࡉࡀࡍࡀ ࡓࡌࡀࡋࡇ . ࡀࡁࡅࡍ
0419 ࡓࡉࡔࡀ ࡖࡌࡀࡋࡊࡅࡕࡀ ࡔࡀࡅࡉࡅࡊ ࡅࡕࡀࡂࡀ ࡕࡓࡀࡑࡋࡀࡊ ࡁࡉࡕ
0420 ࡓࡅࡓࡁࡉࡀ ࡁࡀࡃࡌࡅ ࡕࡀࡂࡀ ࡖࡕࡀࡂࡀ ࡕࡓࡀࡑࡋࡀࡊ ࡀࡕࡉࡀ
0421 ࡁࡀࡃࡌࡅ ࡓࡁࡉࡀ ࡌࡍࡀࡈࡀࡓࡋࡀࡊ ࡌࡍ ࡓࡉࡔ ࡁࡓࡉࡔ
0422 ࡎ ࡀ
0423 ࡌࡀࡋࡉࡋ ࡉࡅࡊࡀࡁࡀࡓ ࡓࡁࡀ ࡅࡏࡍࡉࡀࡍࡀ ࡓࡌࡀࡋࡇ . ࡅࡀࡌࡀࡓ
0424 ࡊࡅࡔࡈࡀ ࡉࡀࡒࡓࡀ ࡁࡀࡉࡀࡓ ࡌࡍ ࡍࡀࡐࡔࡉࡇ ࡖࡃࡀࡅࡓࡀ
0425 ࡕࡀࡒࡍࡀ ࡌࡀࡍࡄࡉࡓࡀࡍࡀ ࡀࡍࡀࡍࡀ ࡖࡀࡅࡃࡉࡕࡅࡁࡇ ࡅࡀࡕࡉࡀ
0426 ࡄࡉࡁࡉࡋ ࡆࡉࡅࡀ ࡋࡀࡕࡓࡇ ࡅࡐࡋࡀࡍ ࡖࡌࡉࡑࡈࡁࡀ ࡁࡌࡀࡑࡁࡅࡕࡀࡊ
0427 ࡄࡉࡁࡉࡋ ࡆࡉࡅࡀ ࡅࡔࡀࡓࡉࡀ ࡁࡀࡋࡌࡀ ࡌࡍ ࡓࡉࡔ ࡁࡓࡉࡔ
0428 ࡎ ࡀ
0429 ࡌࡀࡋࡉࡋ ࡌࡀࡍࡀ ࡓࡁࡀ ࡊࡀࡁࡉࡓࡀ ࡅࡍࡉࡀࡍࡀ ࡓࡌࡀࡋࡇ
0430 ࡅࡀࡌࡀࡓ ࡍࡄࡀࡓ ࡋࡁࡅࡔࡀࡊ ࡅࡕࡉࡒࡍࡀࡕ ࡃࡌࡅࡕࡀࡊ
0431 ࡋࡅࡀࡕ ࡀࡁࡀࡄࡀࡕࡀࡊ ࡀࡕࡉࡕ ࡍࡉࡁࡈࡀ ࡖࡌࡍ ࡍࡀࡐࡔࡉࡇ
0432 ࡐࡓࡀࡔ ࡌࡍ ࡓࡉࡔ ࡁࡓࡉࡔ ࡎ ࡀ
0433 . ࡌࡀࡋࡉࡋ ࡁࡉࡄࡓࡀࡌ ࡓࡁࡀ ࡅࡀࡌࡀࡓ ࡄࡉࡉࡀ ࡔࡊࡀ
0434 ࡍࡅࡋࡀࡊ ࡔࡊࡉࡍࡕࡀ ࡖࡌࡀࡍࡄࡉࡓࡉࡁࡇ ࡏࡅࡕࡓࡉࡀ ࡊࡅࡋࡄࡅࡍ
0435 ࡋࡅࡀࡕࡀࡊ ࡊࡀࡍࡐࡉࡀ ࡅࡁࡉࡀࡌࡉࡍࡅࡍ ࡃࡀࡊࡉࡀ ࡌࡀࡎࡉࡌࡉࡀ
0436 ࡏࡋࡀࡊ ࡅࡌࡁࡀࡓࡊࡉࡋࡀࡊ ࡌࡍ ࡓࡉࡔ ࡁࡓࡉࡔ
0437 ࡎ ࡀ
0438 ࡌࡀࡋࡉࡋ ࡁࡉࡄࡓࡅࡍ ࡓࡁࡀ ࡅࡍࡉࡀࡍࡀ ࡓࡌࡀࡋࡇ ࡅࡀࡌࡀࡓ . ࡉࡀ
0439 ࡏࡅࡕࡓࡀ ࡓࡄࡉࡌࡀ ࡖࡋࡐࡉࡓࡉࡀ ࡖࡌࡉࡀ ࡀࡒࡌࡅࡊ ࡅࡍࡉࡑࡅࡁࡕࡀ
0440 ࡍࡑࡀࡁࡋࡀࡊ ࡋࡀࡄࡀࡊ ࡅࡋࡀࡁ^ࡀ^ࡄࡀࡕࡀࡊ ࡁࡊࡉࡎࡉࡀ ࡁࡀࡓࡊࡀࡕࡋࡅࡍ
0441 ࡋࡄࡉࡋ ࡕࡀࡒࡍࡉࡀ ࡌࡉࡀ ࡕࡀࡒࡍࡀ ࡌࡀࡑࡁࡅࡕࡀࡊ ࡌࡉࡕࡒࡀࡉࡌࡀ
0442 ࡅࡃࡌࡅࡕࡀࡊ ࡌࡉࡍࡉࡄࡓࡀ ࡓࡉࡔ ࡁࡓࡉࡔ ࡎ ࡀ
0443 . ࡌࡀࡋࡉࡋ ࡔࡉࡔࡋࡀࡌ ࡓࡁࡀ ࡁࡓ ࡍࡁࡀࡈ ࡓࡁࡀ ࡅࡍࡉࡀࡍࡀ
0444 ࡓࡌࡀࡋࡇ ࡅࡀࡌࡀࡓ . ࡌࡀࡑࡁࡅࡕࡀࡊ ࡌࡉࡕࡒࡀࡉࡌࡀ ࡁࡉࡕ
0445 ࡀࡁࡅࡊ ࡍࡄࡅࡓࡀ ࡖࡄࡉࡉࡀ ࡔࡀࡃࡀࡓࡋࡀࡊ ࡍࡄࡀࡓ ࡅࡍࡀࡄࡓࡀ
0446 ࡃࡌࡅࡕࡀࡊ ࡅࡎࡀࡒ ࡁࡆࡀࡊࡅ ࡋࡀࡕࡀࡓ ࡍࡄࡅࡓ ࡌࡍ ࡓࡉࡔ
0447 ࡁࡓࡉࡔ ࡎ ࡀ
0448 ࡌࡀࡋࡉࡋ ࡀࡍࡅࡔ ࡓࡁࡀ ࡅࡍࡉࡀࡍࡀ ࡓࡌࡀࡋࡇ ࡅࡀࡌࡀࡓ . ࡊࡅࡔࡈࡀ
0449 ࡖࡀࡁࡅࡊ ࡎࡀࡄࡃࡉࡍࡀࡁࡇ ࡂࡀࡁࡓࡀ ࡖࡁࡍࡀࡋࡀࡊ ࡁࡉࡍࡕࡀ
0450 ࡏࡋࡀࡊ ࡌࡎࡀࡊࡉࡍࡀࡋࡀࡊ ࡀࡉࡍࡀࡉ ࡅࡁࡄࡉࡓࡀ ࡈࡀࡁࡀ ࡖࡁࡀࡎࡉࡌ
0451 ࡔࡅࡌࡇ ࡌࡍ ࡓࡉࡔ ࡁࡓࡉࡔ ࡎ ࡀ
0452 . ࡌࡀࡋࡉࡋ ࡔࡉࡔࡋࡀࡌ ࡓࡁࡀ ࡁࡓࡇ ࡖࡎࡄࡀࡒ ࡓࡁࡀ
0453 ࡅࡏࡍࡉࡀࡍࡀ ࡓࡌࡀࡋࡇ ࡅࡀࡌࡀࡓ . ࡉࡀ ࡏࡅࡕࡓࡀ ࡖࡁࡆࡉࡅࡇ
0454 ࡖࡕࡀࡂࡇ ࡍࡀࡄࡓࡉࡀ ࡏࡅࡕࡓࡉࡀ ࡅࡐࡀࡎࡉࡌࡊࡉࡀ ࡁࡆࡉࡅࡇ
0455 ࡌࡉࡍࡉࡄࡓࡉࡀ ࡀࡁࡅࡍ ࡓࡉࡔࡀ ࡖࡆࡉࡅࡀ ࡓࡉࡄࡀ ࡖࡊࡋࡉࡋࡀࡊ
0456 ࡖࡏࡑࡈࡉࡁࡕ ࡁࡔࡉࡕࡉࡍ ࡌࡀࡋࡊࡉࡀ ࡀࡕࡉࡀ ࡓࡉࡄࡇ ࡅࡌࡀࡆࡉࡆ
0457 ࡏࡋࡀࡍ ࡌࡍ ࡓࡉࡔ ࡁࡓࡉࡔ ࡎ ࡀ
0458 ࡌࡀࡋࡉࡋ ࡎࡀࡌ ࡓࡁࡀ ࡖࡂࡅࡐࡍࡀ ࡔࡅࡁࡀ ࡕࡓࡉࡑ ࡅࡌࡀࡍࡄࡀࡓ
0459 ࡂࡅࡐࡍࡉࡀ ࡔࡀࡍࡉࡉࡀ ࡕࡓࡉࡑ ࡅࡌࡀࡍࡄࡀࡓ ࡖࡀࡕࡉࡀ ࡌࡉࡍࡇ ࡄࡀࡉࡋࡀ
0460 ࡅࡆࡉࡅࡀ ࡅࡕࡅࡔࡁࡉࡄࡕࡀ ࡀࡍࡀ ࡅࡏࡅࡕࡓࡉࡀ ࡊࡀࡎࡉࡉࡀ ࡀࡄࡀࡉ
0461 ࡁࡌࡀࡑࡁࡅࡕࡀࡉࡄࡅࡍ ࡎࡉࡋࡒࡉࡕ ࡋࡀࡕࡀࡓ ࡍࡄࡅࡓ ࡌࡍ
0462 ࡓࡉࡔ ࡁࡓࡉࡔ ࡎ ࡀ
0463 . ࡌࡀࡋࡉࡋ ࡎࡀࡌ ࡓࡁࡀ ࡅࡂࡅࡐࡍࡉࡀ ࡔࡀࡍࡉࡉࡀ ࡕࡓࡉࡑ ࡅࡌࡀࡍࡄࡀࡓ
0464 ࡌࡉࡍࡇ ࡀࡕࡉࡀ ࡄࡀࡉࡋࡀ ࡅࡆࡉࡅࡀ ࡅࡕࡅࡔࡁࡉࡄࡕࡀ ࡀࡍࡀ ࡅࡏࡅࡕࡓࡉࡀ
0465 ࡊࡀࡎࡉࡉࡀ ࡀࡄࡀࡉ ࡁࡌࡀࡑࡁࡅࡕࡅࡍ ࡎࡉࡋࡒࡉࡕ ࡋࡀࡕࡀࡓ ࡍࡄࡅࡓ
0466 ࡌࡍ ࡓࡉࡔ ࡁࡓࡉࡔ ࡎ ࡀ
0467 . ࡌࡀࡋࡉࡋ ࡎࡀࡓࡅࡀࡍ ࡓࡁࡀ ࡖࡁࡀࡎࡉࡌ ࡔࡅࡌࡇ ࡅࡏࡍࡉࡀࡍࡀ
0468 ࡓࡌࡉࡋࡇ ࡅࡀࡌࡀࡓ . ࡁࡀࡎࡉࡌ ࡓࡉࡄࡇ ࡖࡌࡀࡍࡀ ࡉࡀࡒࡓࡀ
0469 ࡄࡉࡁࡉࡋ ࡆࡉࡅࡀ ࡊࡌࡀ ࡖࡁࡀࡎࡉࡌ ࡓࡉࡄࡇ ࡖࡌࡀࡍࡀ ࡉࡀࡒࡓࡀ
0470 ࡓࡉࡄࡀ ࡖࡀࡎࡀ ࡄࡀࡃࡕࡀ ࡅࡓࡉࡄࡀ ࡖࡌࡀࡓࡅࡀ ࡉࡀࡍࡒࡀ
0471 ࡓࡉࡄࡀ ࡖࡌࡀࡋࡊࡀ ࡖࡏࡅࡕࡓࡉࡀ ࡖࡉࡀࡅࡀࡓ ࡓࡁࡀ ࡀࡕࡀ ࡑࡁࡀ
0472 ࡁࡌࡀࡑࡁࡅࡕࡀ ࡖࡁࡄࡀࡉࡋࡇ ࡎࡀࡒ ࡄࡉࡁࡉࡋ ࡆࡉࡅࡀ ࡅࡐࡋࡀࡍ
0473 ࡋࡃࡀࡅࡓࡀ ࡕࡀࡒࡍࡀ ࡌࡍ ࡓࡉࡔ ࡁࡓࡉࡔ
0474 ࡎ ࡀ
0475 ࡅࡄࡀࡉࡆࡀࡊ ࡌࡀࡋࡉࡋ ࡏࡅࡕࡓࡉࡀ ࡊࡅࡋࡄࡅࡍ ࡅࡏࡍࡉࡀࡍࡀ ࡓࡀࡌࡉࡍ
0476 ࡅࡀࡌࡓࡉࡀ ࡅࡌࡀࡕࡍࡉࡀ ࡏࡃࡀࡉࡄࡅࡍ ࡋࡓࡉࡔࡉࡇ ࡅࡀࡌࡓࡉࡀ .
0477 ࡍࡉࡍࡀࡈࡓࡅࡍࡀࡊ ࡍࡀࡈࡓࡉࡀ ࡃࡀࡊࡉࡉࡀ ࡅࡍࡉࡕࡂࡀࡃࡀࡋ ࡔࡀࡓࡔࡀࡊ
0478 ࡅࡍࡉࡎࡀࡒ ࡋࡓࡉࡔ ࡍࡉࡕࡀࡒࡍࡅࡋࡀࡊ ࡏࡁࡉࡃࡀࡕࡀࡊ ࡕࡉࡎࡀࡒ
0479 ࡕࡉࡄ^ࡉ^ࡆࡉࡇ ࡋࡀࡕࡀࡓ ࡍࡄࡅࡓ ࡌࡍ ࡓࡉࡔ ࡁࡓࡉࡔ
0480 ࡎ ࡀ
0481 ࡅࡄࡀࡉࡆࡀࡊ ࡗ ࡌࡎࡀࡉࡊࡉࡕࡅࡍ ࡄࡀࡋࡉࡍ ࡏࡍࡉࡀࡍࡉࡀ ࡋࡓࡉࡔࡉࡇ ࡀࡁࡀࡕࡀ[ࡓ
0482 ࡀࡁࡀࡕࡀࡓ {{ࡄࡀ}} ࡄࡀࡕࡌࡀࡕࡀ . ࡒࡓࡅࡍ ࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ
0483 ࡅࡌࡀࡄࡅ ࡀࡁࡀࡃࡋࡀࡊ ࡀࡁࡅࡊ ࡍࡉࡔࡌࡀ ࡅࡊࡌࡀ ࡔࡀࡐࡉࡓࡉࡀ
0484 ࡔࡉࡕࡋࡉࡀ ࡅࡀࡔࡀࡓ ࡑࡁࡀࡍ ࡑࡀࡁࡅࡉࡀࡉ ࡅࡔࡉࡋࡌࡀࡉ ࡑࡁࡉࡍࡀࡍ
0485 ࡁࡌࡀࡑࡁࡅࡕࡇ ࡅࡉࡀࡓࡃࡍࡀ ࡖࡏࡑࡈࡉࡁࡍࡀࡁࡇ ࡏࡋࡀࡅࡀࡉࡀࡍ
0486 ࡍࡉࡄࡅࡉࡀ ࡁࡎࡀࡄࡃࡉࡀ ࡅࡀࡍࡀ ࡁࡕࡀࡓࡌࡉࡃࡀࡉ ࡄࡀࡃࡉࡍࡀ ࡅࡈࡀࡁ
0487 ࡏࡋࡊࡅࡍ ࡀࡌࡀࡓࡍࡀ ࡅࡏࡋࡊࡅࡍ ࡒࡀࡓࡉࡍࡀ ࡅࡕࡀࡓࡌࡉࡃࡀ ࡀࡍࡀ ࡄࡀࡃࡕࡀ
0488 ࡅࡁࡓࡉࡊࡉࡀ ࡅࡌࡔࡀࡁࡉࡀ ࡄࡉࡉࡀ ࡖࡔࡅࡌ ࡁࡓ ࡍࡅ
0489 ࡅࡏࡕࡉࡁࡉࡅࡍ ࡅࡒࡓࡅࡍ ࡈࡀࡁ ࡈࡀࡁࡀ ࡋࡈࡀࡁࡇ ࡅࡔࡅࡋࡉࡅࡍ ࡔࡅࡋࡕࡀ
0490 ࡏࡋࡇ ࡊࡅࡋࡀࡉࡊࡅࡍ ࡅࡔࡁࡅࡒࡅࡋࡇ ࡄࡀࡈࡀࡉࡉࡇ ࡅࡄࡀࡅࡁࡇ ࡖࡄࡈࡀ
0491 ࡅࡐࡔࡅࡈࡉࡅࡍ ࡊࡅࡔࡈࡀ ࡀࡁࡉࡄࡃࡇ ࡅࡀࡌࡅࡓࡉࡅࡍ ࡊࡅࡔࡈࡀ ࡀࡎࡉࡍࡊࡅࡍ
0492 ࡏࡅࡕࡓࡉࡀ ࡀࡄࡀࡉ ࡁࡀࡎࡉࡌ ࡓࡉࡄࡀࡉࡊࡅࡍ ࡅࡄࡀࡃ ࡄࡀࡃ
0493 ࡌࡉࡍࡀࡉࡊࡅࡍ ࡐࡀࡔࡈࡉࡕ ࡊࡅࡔࡈࡀ ࡅࡀࡊࡀࡍࡃࡉࡕ ࡏࡃࡀࡉࡄࡅࡍ
0494 ࡋࡀࡌࡐࡀࡋࡈࡉࡀ ࡀࡁࡀࡕࡀ^ࡓ^ ࡖࡒࡀࡓࡉࡀ ࡏࡍࡉࡀࡍࡀ ࡖࡏࡅࡕࡓࡉࡀ ࡀࡄࡀࡉ
0495 ࡀࡊࡀࡍࡃࡉࡕ ࡋࡂࡉࡈࡉࡀ ࡏࡃࡀࡉࡄࡅࡍ ࡁࡉࡄࡃࡀࡃࡉࡀ ࡍࡉࡌࡀࡓࡅࡋࡇ
0496 . ࡊࡅࡔࡈࡀࡊ ࡍࡉࡄࡅࡉࡀ ࡎࡀࡄࡃࡀࡊ ࡌࡀࡑࡁࡅࡕࡀࡊ ࡌࡉࡕࡒࡀࡉࡌࡀ
0497 ࡅࡋࡀࡁࡀࡈࡋࡀ ࡊࡅࡔࡈࡀ ࡖࡍࡎ{{ࡀ}}<<ࡉ>>ࡁࡕ ࡌࡍ ࡄࡉࡁࡉࡋ ࡆࡉࡅࡀ ࡄࡅ
0498 ࡍࡉࡐࡀࡓࡒࡀࡊ ࡌࡍ ࡌࡉࡄࡉࡀࡕࡀ ࡊࡅࡋࡄࡅࡍ ࡅࡈࡍࡅࡐࡉࡀ ࡅࡄࡔࡅࡊࡀ
0499 ࡅࡓࡅࡄࡀ ࡖࡄࡀࡅࡉࡀ ࡁࡃࡀࡅࡓࡀ ࡁࡀࡈࡋࡀ ࡍࡀࡔࡒࡉࡍ ࡏࡃࡀࡉࡄࡅࡍ
0500 ࡖࡊࡅࡋࡄࡅࡍ ࡕࡀࡓࡌࡉࡃࡉࡀ ࡖࡐࡀࡔࡈࡉࡍ ࡊࡅࡔࡈࡀ ࡄࡀࡆࡉࡍ ࡏࡍࡉࡀࡍࡀ
0501 ࡓࡀࡌࡉࡍ ࡋࡄࡀࡊ ࡖࡏࡑࡈࡁࡀ ࡅࡄࡀࡉࡆࡀࡊ ࡍࡀࡔࡒࡉࡍ ࡏࡃࡀࡉࡄࡅࡍ
0502 ࡅࡄࡀࡉࡆࡀࡊ ࡊࡅࡋࡄࡅࡍ ࡗ ࡌࡎࡀࡒࡌࡉࡍ ࡊࡅࡔࡈࡀࡉࡄࡅࡍ ࡅࡀࡌࡓࡉࡍ
0503 ࡁࡄࡀࡃ ࡒࡀࡋࡇ ࡊࡅࡔࡈࡀࡊ ࡍࡉࡄࡅࡉࡀ ࡎࡀࡄࡃࡀࡊ ࡅࡆࡉࡃࡒࡀࡊ
0504 ࡍࡉࡄࡅࡉࡀ ࡐࡀࡓࡅࡀࡍࡒࡀࡊ ࡁࡅࡕࡀࡊ ࡅࡕࡅࡔࡁࡉࡄࡕࡀࡊ ࡕࡉࡒࡅࡌ
0505 ࡁࡌࡀࡈࡅࡕ ࡏࡋࡀࡊ . ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡀࡁࡀࡃࡍࡀ
0506 ࡋࡈࡀࡁࡅࡕ ࡓࡁࡉࡀ ࡅࡎࡀࡃ{{ࡀ}}<<ࡉ>>ࡓࡍࡀ ࡋࡓࡀࡄࡌࡅࡕࡊࡅࡍ ࡌࡍ ࡓࡉࡔ
0507 ࡁࡓࡉࡔ ࡅࡒࡓࡀࡉࡍ{{ࡀ}}<<ࡇ>> ࡋࡉࡀࡓࡃࡍࡀ ࡖࡌࡉࡀ ࡄࡉࡉࡀ ࡅࡕࡋࡀࡕࡌࡀ
0508 ࡅࡔࡉࡕࡉࡍ ࡉࡀࡓࡃࡍࡉࡀ ࡖࡄࡅ ࡄࡉࡁࡉࡋ ࡆࡉࡅࡀ ࡁࡂࡀࡅࡀࡉࡄࡅࡍ
0509 ࡏࡑࡈࡁࡀ ࡅࡀࡌࡀࡓ ࡐࡀࡓࡒࡅࡉࡀ ࡅࡔ^ࡀ^ࡅࡆࡁࡅࡉࡀ ࡅࡆࡀࡄࡓࡅࡉࡀ
0510 ࡅࡍࡀࡈࡓࡅࡉࡀ ࡋࡄࡀࡆࡀ ࡍࡉࡔࡉࡌࡕࡇ ࡖࡐࡋࡀࡍ ࡁࡓ ࡐࡋࡀࡍ ࡌࡍ
0511 ࡂࡀࡅࡓࡀ ࡅࡌࡍ ࡂࡅࡍࡁࡀ ࡅࡌࡍ ࡄࡀࡓࡔࡉࡀ ࡁࡉࡔࡉࡀ ࡅࡌࡍ ࡌࡉࡆࡀࡋ
0512 ࡋࡏࡊࡅࡓࡉࡀ ࡅࡌࡍ ࡌࡉࡎࡂࡀࡃ ࡋࡏࡊࡅࡓࡉࡀ ࡅࡌࡍ ࡌࡉࡊࡀࡋ ࡖࡏࡊࡅࡓࡉࡀ
0513 ࡅࡃࡂࡀࡈࡉࡋ ࡀࡓࡉࡀ ࡅࡃࡉࡁࡀ ࡅࡂࡀࡉࡎࡀ ࡅࡌࡀࡉࡕࡀ ࡋࡀࡕࡉࡊࡋࡅࡍ
0514 ࡄࡉࡍࡉࡋࡀ ࡒࡓࡅࡍ ࡅࡃࡀࡊࡅࡍ ࡍࡀࡐࡔࡀࡉࡊࡅࡍ ࡖࡌࡀࡍࡃࡀ ࡖࡄࡉࡉࡀ
0515 ࡄࡀࡅࡉࡋࡊࡅࡍ ࡀࡃࡉࡀࡅࡓࡀ ࡅࡎࡀࡋࡒࡀ ࡌࡀࡑࡁࡅࡕࡀࡉࡊࡅࡍ ࡋࡓࡉࡔ .
0516 ࡅࡄࡀࡉࡆࡀࡊ ࡁࡅࡍ ࡓࡀࡄࡌࡉࡀ ࡋࡍࡀࡐࡔࡀࡉࡊࡅࡍ ࡀࡍࡀ ࡋࡄࡉࡉࡀ ࡒࡀࡃࡌࡀࡉࡉࡀ
0517 ࡎࡀࡂࡉࡃࡍࡀ ࡐࡕࡀࡄࡀ ࡖࡓࡀࡄࡌࡀࡉ{{ࡄ}}<<ࡊ>>ࡅࡍ ࡄࡏ ࡒࡓࡅࡍ ࡌࡔࡀࡁࡉࡍ
0518 ࡄࡉࡉࡀ ࡒࡀࡃࡌࡀࡉࡉࡀ ࡅࡏࡕࡓࡉࡑࡕࡅࡍ ࡅࡏࡕࡒࡀࡉࡀࡌࡕࡅࡍ
0519 ࡅࡋࡓࡉࡔ ࡀࡉࡀࡓ ࡅࡋࡔࡅࡌࡉࡊ ࡀࡓࡒࡀ ࡖࡍࡄࡅࡓࡀ ࡅࡁࡓࡉࡊࡉࡀ
0520 ࡅࡌࡔࡀࡁࡉࡀ ࡄࡉࡉࡀ ࡓࡀࡁࡕࡉࡀ ࡅࡎࡀࡉࡊࡅ ࡅࡏࡕࡉࡁࡉࡅࡍ
0521 ࡅࡀࡌࡅࡓࡉࡅࡍ ࡈࡀࡁ ࡈࡀࡁࡀ ࡋࡈࡀࡁࡇ ࡅࡔࡃࡅࡍ ࡀࡁࡀࡄࡀࡕࡀࡍ
0522 ࡒࡀࡃࡌࡀࡉࡉࡀ ࡁࡔࡀࡁࡉࡒ ࡄࡀࡈࡀࡉࡉࡀ ࡅࡍࡉࡔࡌࡀࡕࡀ ࡖࡌࡀࡍࡃࡀࡉࡉࡀ
0523 ࡅࡕࡀࡓࡌࡉࡃࡉ{{ࡀ}}ࡀ ࡅࡂࡀࡍࡆࡉࡁࡓࡉࡀ ࡅࡂࡉࡍࡆࡀࡉࡉࡀ ࡅࡓࡉࡔ ࡀࡌࡉࡀ
0524 ࡅࡎࡀࡉࡊࡅ ࡅࡃࡓࡅࡍ ࡐࡉࡄࡕࡀ ࡅࡌࡀࡌࡁࡅࡄࡀ ࡅࡒࡓࡅࡍ ࡕࡌࡀࡍࡉࡀ
0525 ࡁࡀࡅࡀࡕࡀ ࡖࡐࡉࡄࡕࡀ ࡋࡐࡉࡄࡕࡀ ࡅࡕࡀࡓࡕࡉࡍ ࡁࡀࡅࡀࡕࡀ ࡖࡌࡀࡌࡁࡅࡄࡀ
0526 ࡋࡌࡀࡌࡁࡅࡄࡀ ࡅࡀࡌࡅࡓࡉࡅࡍ ࡌࡀࡋࡉࡋ ࡅࡐࡕࡀ ࡅࡀࡊࡅࡋ ࡐࡉࡄࡕࡀ
0527 ࡅࡔࡕࡅࡍ ࡌࡀࡌࡁࡅࡄࡀ ࡅࡔࡕࡅࡍ ࡄࡀࡋࡀࡋࡕࡀ ࡅࡃࡓࡅࡍ ࡀࡔࡀࡂࡕࡀ
0528 ࡕࡉࡍࡉࡀࡍࡕࡉࡀ ࡅࡒࡓࡅࡍ ࡏࡕࡉࡌࡋࡅࡍ ࡄࡉࡉࡀ ࡅࡔࡊࡉࡍࡉࡀ ࡄࡉࡉࡀ
0529 ࡅࡆࡉࡅࡀ ࡋࡀࡕࡓࡇ ࡎࡀࡋࡉࡒ ࡅࡓࡉࡄࡀ ࡁࡀࡎࡉࡌࡀ ࡅࡓࡌࡅࡍ
0530 ࡀࡔࡀࡂࡕࡀ ࡀࡕࡅࡕࡉࡀ ࡌࡀࡓࡂࡍࡀࡉࡊࡅࡍ ࡅࡒࡓࡅࡍ ࡈࡀࡁ ࡈࡀࡁࡀ
0531 ࡋࡈࡀࡁࡇ ࡅࡌࡔࡀࡁࡀ ࡆࡉࡅࡀ ࡓࡁࡀ ࡒࡀࡃࡌࡀࡉࡀ ࡅࡒࡀࡉࡉࡌࡉࡅࡍ
0532 ࡔࡉࡕࡉࡍ ࡆࡉࡁࡍࡉࡀ ࡅࡄࡃࡀ ࡆࡉࡁࡍࡀ ࡅࡔࡅࡋࡉࡅࡍ ࡔࡅࡋࡕࡀ ࡋࡍࡀࡐࡔࡀࡉࡊࡅࡍ
0533 ࡊࡅࡋࡀࡉࡊࡅࡍ ࡔࡅࡁࡀ ࡕࡀࡓࡌࡉࡃࡉࡀ ࡅࡃࡓࡅࡍ ࡊࡅࡔࡈࡀ ࡌࡍ ࡔࡂࡀࡍࡃࡀ
0534 ࡗ ࡂࡀࡍࡆࡉࡁࡓࡀ ࡁࡓࡉࡔ ࡍࡀࡎࡉࡁ ࡊࡅࡔࡈࡀ ࡌࡍ ࡔࡂࡀࡍࡃࡀ
0535 ࡅࡍࡉࡌࡀࡓࡋࡇ ࡊࡅࡔࡈࡀ ࡀࡎࡉࡀࡊ ࡅࡒࡀࡉࡌࡀࡊ ࡅࡔࡂࡀࡍࡃࡀ
0536 ࡍࡉࡌࡀࡓࡋࡇ ࡁࡏ ࡅࡀࡔࡊࡀ ࡅࡀࡌࡀࡓ ࡅࡏࡔࡕࡌࡀ ࡏࡅࡕࡓࡉࡀ
0537 ࡖࡎࡂࡉࡃࡕ ࡅࡔࡀࡁࡉࡕࡉࡍࡅࡍ ࡍࡉࡄࡅࡀࡋࡀࡊ ࡀࡃࡉࡀࡅࡓࡀ ࡅࡎࡉࡌࡀࡊࡀ
0538 ࡅࡌࡐࡀࡓࡒࡀࡍࡀ ࡅࡌࡔࡅࡆࡁࡀࡍࡀ ࡋࡀࡕࡓࡀ ࡓࡁࡀ ࡖࡍࡄࡅࡓࡀ
0539 ࡅࡃࡀࡅࡓࡀ ࡕࡀࡒࡍࡀ ࡅࡌࡔࡀࡁࡉࡍ ࡄࡉࡀ ࡅࡋࡀࡌࡐࡀࡋࡈࡉࡀ ࡏࡃࡀࡉࡄࡅࡍ
0540 ࡀࡋࡌࡀ{{ࡀ}} ࡖࡀࡕࡉࡀ ࡄࡀࡊ ࡂࡀࡍࡆࡉࡁࡓࡀ ࡁࡓࡉࡔ ࡅࡍࡉࡓࡌࡉࡋࡇ ࡏࡍࡉࡀࡍࡀ
0541 ࡅࡍࡉࡌࡀࡓࡋࡇ . ࡏࡅࡕࡓࡉࡀ ࡁࡆࡉࡅࡀࡊ ࡍࡀࡄࡓࡉࡀ ࡅࡕࡀࡓࡌࡉࡃࡉࡀ
0542 ࡁࡆࡉࡈࡀࡍࡅࡍ ࡕࡉࡕࡒࡀࡁࡀࡋ ࡌࡀࡑࡁࡅࡕࡀࡊ ࡄࡀࡆࡉࡍ ࡌࡀࡑࡁࡅࡕࡀ{{ࡉࡊࡅࡍ}}
0543 ࡉࡊࡅࡍ ࡕࡉࡎࡀࡒ ࡕࡉࡄࡆࡅࡍࡇ ࡋࡃࡀࡅࡓࡀ ࡕࡀࡒࡍࡀ ࡎ ࡀ
0544 . ࡅࡄࡀࡉࡆࡀࡊ ࡂࡀࡍࡆࡉࡁࡓࡀ ࡅࡔࡂࡀࡍࡃࡀ ࡍࡀࡔࡒࡉࡍ ࡏࡃࡀࡉࡄࡅࡍ
0545 ࡅࡄࡀࡉࡆࡀࡊ ࡊࡅࡋࡄࡅࡍ ࡕࡀࡓࡌࡉࡃࡉࡀ ࡐࡀࡔࡈࡉࡍ ࡊࡅࡔࡈࡀ ࡌࡍ
0546 ࡔࡂࡀࡍࡃࡀ ࡅࡀࡕࡉࡀ ࡄࡀࡊ ࡂࡀࡍࡆࡉࡁࡓࡀ ࡍࡉࡓࡌࡉࡋࡅࡍ ࡄࡀࡆࡉࡍ
0547 ࡏࡍࡉࡀࡍࡀ ^ࡗ ࡃࡓࡀࡁࡔࡀ ࡍࡉࡄࡅࡉࡀ ࡁࡏࡃࡇ ࡍࡉࡓࡌࡉࡋࡅࡍ^ /ࡏࡍࡉࡀࡍࡀ#2#/ ࡋࡄࡀࡃ ࡄࡀࡃ ࡅࡍࡀࡔࡒࡉࡍ ࡏࡃࡀࡉࡄࡅࡍ ࡅࡄࡉࡍࡅࡍ
0548 ࡍࡉࡓࡌࡅࡋࡇ ࡄࡀࡆࡉࡍ ࡏࡍࡉࡀࡍࡀ ࡋࡄࡀࡊ ࡂࡀࡍࡆࡉࡁࡓࡀ ࡖࡓࡌࡀࡋࡅࡍ
0549 ࡄࡀࡆࡉࡍ ࡏࡍࡉࡀࡍࡀ ࡗ ࡃࡀࡓࡀ ࡊࡅࡔࡈࡀ ࡌࡍ ࡔࡂࡀ ࡍࡃࡀ ࡅࡍࡀࡔࡒࡉࡍ
0550 ࡏࡃࡀࡉࡄࡅࡍ ࡅࡊࡅࡋࡄࡅࡍ ࡓࡀࡌࡉࡍ ࡏࡃࡀࡉࡄࡅࡍ ࡋࡓࡉࡔࡀࡉࡄࡅࡍ
0551 ࡅࡍࡉࡌࡓࡅࡍ ࡍࡉࡄࡅࡔࡕࡀ ࡀࡁࡀࡕࡀࡓ ࡖࡀࡌࡓࡉࡀ ࡁࡆࡉࡅ ࡖࡍࡐࡉࡔ
0552 ࡑࡁࡉࡍࡀ ࡅࡌࡐࡀࡋࡈࡉࡀ ࡊࡀࡍࡆࡀࡋࡀ ࡅࡌࡀࡅࡒࡓࡉࡀ ࡕࡀࡂࡀࡉࡄࡅࡍ ࡅࡄࡉࡉࡀ
0553 ࡆࡀࡊࡉࡍ ࡎ ࡀ
0554 . ࡅࡄࡀࡉࡆࡀࡊ ࡀࡕࡉࡀ ࡄࡀࡊ ࡅࡂࡀࡍࡆࡉࡁࡓࡀ ࡖࡁࡀࡃࡌࡅ ࡌࡀࡍࡃࡀ ࡖ ࡄࡉࡉࡀ
0555 ࡅࡍࡉࡑࡉࡁࡇ ࡌࡀࡑࡁࡅࡕࡀ ࡔࡅࡌࡀࡉࡕࡀ ࡁࡀࡉࡀࡓ ࡗ ࡁࡐࡀࡈࡉࡋࡀ
0556 ࡄࡀࡅࡉࡀ ࡅࡍࡉࡎࡀࡉࡉࡊ ࡌࡀࡑࡁࡅࡕࡇ ࡅࡍࡉࡃࡓࡀ ࡊࡅࡔࡈࡀ ࡌࡍ
0557 ࡔࡂࡀࡍࡃࡀ ࡅࡋࡀࡍࡉࡐࡀࡋࡉࡈ ࡏࡃࡇ ࡌࡍ ࡏࡃࡀ ࡖࡔࡂࡀࡍࡃࡀ
0558 ࡀࡋࡌࡀ ࡖࡀࡕࡉࡍ ࡊࡅࡋࡄࡅࡍ ࡕࡀࡓࡌࡉࡃࡉࡀ ࡅࡂࡀࡍࡆࡉࡁࡓࡀ ࡄࡀࡊ
0559 ࡄࡅࡓࡉࡍࡀ ࡁࡀࡃࡌࡅ ࡀࡉࡀࡓ ࡓࡁࡀ ࡅࡍࡉࡓࡌࡅࡋࡇ ࡄࡀࡆࡉࡍ ࡏࡍࡉࡀࡍࡀ
0560 . ࡏࡅࡕࡓࡉࡀ ࡁࡆࡉࡅࡀࡊ ࡍࡀࡄࡓࡉࡀ ࡅࡕࡀࡓࡌࡉࡃࡉࡀ ࡁࡓࡉࡄࡀࡊ ࡁࡀࡎࡌࡉࡀ
0561 ࡕࡉࡕࡒࡀࡁࡀࡋ ࡌࡀࡑࡁࡅࡕࡀࡊ ࡄࡉࡁࡉࡋ ࡆࡉࡅࡀ ࡅࡐࡋࡀࡍ ࡋࡅࡀࡕ ࡀࡁࡅࡊ
0562 ࡌࡀࡍࡃࡀ ࡖࡄࡉࡉࡀ ࡅࡌࡀࡍࡃࡀ ࡖࡄࡉࡉࡀ ࡍࡉࡌࡀࡓ ࡄࡉࡁࡉࡋ
0563 ࡆࡉࡅࡀ ࡓࡁࡀ ࡅࡐࡋࡀࡍ ࡁࡓ ࡐࡋࡀࡍ ࡀࡕࡀ ࡋࡃࡀࡅࡓࡀ ࡕࡀࡒࡍࡀ ࡋࡀࡕࡓࡀ
0564 ࡖࡋࡀࡓࡁࡀ ࡔࡀࡌࡔࡉࡇ ࡅࡔࡓࡀࡂࡉࡀ ࡖࡍࡄࡅࡓࡀ ࡋࡀࡄࡀࡔࡊࡉࡀ
0565 ࡅࡍࡀࡔࡒࡉࡍ ࡏࡃࡀࡉࡄࡅࡍ ࡅࡍࡀࡅࡒࡀࡓ ࡕࡀࡂࡇ ࡅࡄࡉࡉࡀ ࡆࡀࡊࡏࡉࡍ
0566 ࡎ ࡀ
0567 ࡅࡄࡀࡉࡆࡀࡊ ࡀࡋࡌࡀ ࡖࡌࡎࡀࡉࡊࡉࡕࡅࡍ ࡕࡋࡀࡕࡌࡀ ࡅࡔࡉࡕࡉࡍ
0568 ࡌࡀࡑࡁࡅࡕࡉࡀࡕࡀ ࡌࡍ ࡄࡀࡁࡔࡀࡁࡀ ࡋࡄࡀࡁࡔࡀࡁࡀ ࡊࡅࡋ ࡉࡅࡌࡀ
0569 ࡔࡀࡁࡀ ࡌࡀࡑࡁࡅࡕࡉࡀࡕࡀ ࡗ ࡌࡀࡕࡉࡓࡀ ࡄࡀࡅࡉࡍ ࡂࡀࡍࡆࡉࡁࡓࡉࡀ
0570 ࡅࡕࡀࡓࡌࡉࡃࡉࡀ ࡔࡅࡁࡀ ࡋࡁࡓ ࡌࡍ ࡌࡉࡔࡕࡌࡀࡍࡉࡀ ࡖࡄࡀࡅࡉࡀ
0571 ࡄࡃࡀ ࡏࡅ ࡕࡓࡉࡍ ࡕࡀࡓࡌࡉࡃࡉࡀ ࡕࡀࡐࡅࡉࡉࡀ ࡖࡌࡎࡀࡃࡓࡉࡀ
0572 ࡒࡅࡃࡀࡌࡀࡉࡄࡅࡍ ࡄࡉࡍࡅࡍ ࡅࡌࡀࡑࡁࡀࡍࡉࡀ ࡋࡀࡁࡀࡈࡋࡉࡀ ࡌࡍ {{ࡒࡀࡃࡅࡌ }}
0573 ࡒࡀࡃࡅࡌࡉࡀ ࡅࡁࡀࡉࡉࡍ ࡊࡅࡋ ࡉࡅࡌࡀ ࡗ ࡖࡌࡀࡐࡓࡀࡔ ࡁࡓࡉࡔࡀ
0574 ࡖࡔࡀࡓÖµࡄ ࡑࡀࡁࡉࡍ ࡗ ࡌࡀࡐࡓࡉࡔ ࡌࡀࡑࡁࡅࡕࡀ ࡖ
0575 ࡏࡆࡄࡀࡓࡀࡉࡕࡀ ࡁࡍࡉࡄࡅࡕࡀ ࡅࡆࡀࡄࡓࡅࡕࡀ ࡑࡁࡅࡍ . ࡅࡄࡀࡉࡆࡀࡊ ࡊࡅࡋ
0576 ࡉࡅࡌࡀ ࡄࡀࡃ ࡌࡀࡑࡁࡅࡕࡀ ࡔࡅࡌࡀࡉࡕࡀ ࡑࡀࡁࡀࡋࡇ ࡄࡀࡊ
0577 ࡂࡀࡍࡆࡉࡁࡓࡀ ࡖࡁࡀࡃࡌࡅ ࡌࡀࡍࡃࡀ ࡖࡄࡉࡉࡀ ࡁࡐࡀࡈࡉࡋࡀ
0578 ࡑࡀࡁࡀࡋࡇ ࡖࡄࡀࡅࡉࡀ ࡄࡀࡌࡔࡉࡍ ࡌࡀࡑࡁࡅࡕࡉࡀࡕࡀ ࡁࡔࡅࡁࡀ
0579 ࡉࡅࡌࡉࡀ ࡖࡄࡀࡅࡉࡀ ࡕࡋࡀࡕࡌࡀ {{ࡅࡔࡉࡕࡉࡍ}} ࡅࡄࡀࡌࡔࡉࡍ ࡌࡀࡑࡁࡅࡕࡉࡀࡕࡀ
0580 ࡅࡉࡅࡌࡀ ࡖࡄࡀࡁࡔࡀࡁࡀ ࡑࡅࡁࡅࡉࡀ ࡕࡀࡓࡕࡉࡍ ࡌࡀࡑࡁࡅࡕࡉࡀࡕࡀ
0581 ࡌࡀࡕࡉࡓࡀ ࡖࡄࡀࡅࡉࡀ ࡀࡓࡁࡀࡎࡀࡓ ࡌࡀࡑࡁࡅࡕࡉࡀࡕࡀ ࡅࡕࡓࡉࡍ
0582 ࡕࡀࡓࡌࡉࡃࡉࡀ ࡑࡀࡁࡉࡋࡇ ࡏࡅ ࡄࡀࡃ ࡂࡀࡍࡆࡉࡁࡓࡀ ࡅࡄࡀࡃ
0583 ࡕࡀࡓࡌࡉࡃࡀ ࡑࡀࡁࡉࡋࡇ ࡕࡀࡓࡕࡉࡍ ࡌࡀࡑࡁࡅࡕࡉࡀࡕࡀ
0584 ࡖࡄࡀࡅࡉࡀ ࡔࡉࡕࡀࡎࡀࡓ ࡌࡀࡑࡁࡅࡕࡉࡀࡕࡀ ࡉࡅࡌࡀ ࡖࡄࡀࡁࡔࡀࡁࡀ
0585 ࡖࡄࡀࡅࡉࡀ ࡕࡋࡀࡕࡌࡀ ࡅࡔࡉࡕࡉࡍ ࡅࡔࡉࡕࡀ ࡌࡀࡑࡁࡅࡕࡉࡀࡕࡀ
0586 ࡖࡄࡉࡁࡉࡋ ࡆࡉࡅࡀ ࡏࡑࡈࡁࡀ ࡅࡏࡕࡐࡀࡓࡀࡒ ࡌࡍ ࡊࡅࡋ ࡈࡍࡅࡐࡉࡀ
0587 ࡖࡄࡔࡅࡊࡀ ࡎ ࡀ
0588 . ࡅࡄࡀ^ࡉ^ࡆࡀࡊ ࡄࡅࡕࡌࡅࡉࡀ ࡁࡆࡉࡃࡒࡀ ࡁࡓࡉࡊࡀ ࡀࡉࡕࡅࡍ ࡈࡀࡓࡉࡀࡍࡀ
0589 ࡓࡁࡀ ࡅࡎࡀࡃࡓࡅࡉࡀ ࡁࡊࡅࡋࡄࡅࡍ ࡓࡀࡆࡉࡀ ࡅࡍࡂࡅࡃࡅࡍࡅࡍ ࡋࡃࡓࡀࡁࡔࡉࡀ
0590 ࡅࡕࡓࡅࡑࡉࡅࡍ ࡕࡀࡂࡀࡉࡊࡅࡍ ࡅࡕࡊࡀࡍࡀࡐࡉࡅࡍ ࡋࡈࡀࡓࡉࡀࡍࡀ ࡅࡋࡂࡅࡈࡉࡅࡍ ࡑࡀ
0591 ࡅࡋࡅࡐࡉࡅࡍ ࡗ ࡖࡋࡀࡐࡕࡅࡍ ࡌࡍ ࡒࡃࡉࡌ ࡁࡔࡅࡌࡀ ࡖࡄࡀࡊ ࡖ
0592 ࡏࡑࡈࡁࡀ ࡌࡍ ࡒࡃࡉࡌ ࡅࡀࡌࡅࡓࡉࡅࡍ ࡋࡍࡉࡀࡓࡀ ࡖࡌࡎࡀࡃࡀࡓ
0593 ࡅࡏࡈࡀࡉࡀࡁࡉࡅࡍ ࡕࡋࡀࡕࡀ ࡏࡅࡌࡑࡉࡀ ࡁࡌࡉࡄࡋࡀ ࡅࡏࡈࡀࡉࡀࡁࡉࡅࡍ
0594 ࡐࡀࡕࡅࡓࡀ ࡅࡈࡀࡉࡁࡉࡍࡅࡍ ࡋࡍࡉࡔࡌࡀࡕࡀ ࡖࡄࡀࡅࡉࡍ ࡋࡒࡅࡃࡀࡌࡀࡉࡊࡅࡍ
0595 . ࡅࡄࡀࡉࡆࡀࡊ ࡀࡎࡀ ࡅࡒࡀࡍࡉࡍࡀ ࡂࡀࡍࡆࡉࡁࡓࡀ ࡉࡀࡄࡉࡁࡋࡇ ࡏࡋ
0596 ࡔࡂࡀࡍࡃࡀ ࡅࡍࡉࡌࡀࡓࡋࡇ ࡄࡀࡊ ࡏࡍࡉࡀࡍࡀ ࡎ ࡀ
0597 . ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡌࡍ ࡉࡅࡌࡀ ࡖࡀࡉࡅࡀࡓ
0598 ࡐࡓࡀࡔ ࡌࡍ ࡀࡉࡍࡀ ࡌࡉࡀ ࡋࡄࡀࡊࡀ ࡓࡃࡅࡍ ࡓࡃࡅࡍ ࡌࡉࡀ ࡋࡄࡀࡊࡀ
0599 ࡅࡆࡉࡅࡀ ࡁࡉࡀࡓࡃࡍࡀ ࡐࡓࡀࡔ ࡀࡎࡀ ࡎࡀࡓࡎࡉࡍ ࡔࡀࡄࡐ{{ࡉࡀ}}<<ࡇ>> ࡌࡀࡓࡃࡅࡕࡀ
0600 ࡋࡐࡀࡕࡅࡓࡀ ࡄࡅࡀ ࡀࡍࡉࡍ ࡔࡂࡀࡍࡃࡉࡀ ࡁࡔࡂࡀࡍࡃࡉࡀ ࡄࡅࡀࡉࡍࡏࡍ
0601 ࡅࡈࡐࡀࡉࡍࡉࡍ ࡁࡆࡉࡅࡀ ࡖࡓࡅࡓࡁࡉࡀ ࡁࡆࡉࡅࡀ ࡖࡓࡅࡓࡁࡉࡀ ࡈࡐࡀࡉࡍࡉࡍ
0602 ࡅࡏࡕࡒࡀࡉࡀࡌ ࡊࡋࡉࡋࡀ ࡁࡕࡀࡂࡉࡀ ࡏࡕࡂࡀࡃࡀࡋ ࡏࡕࡂࡀࡃࡀࡋ
0603 ࡁࡀࡅࡐࡉࡀ ࡀࡎࡀ ࡏࡋࡀࡍࡉࡀ ࡈࡅࡍࡀࡉࡅࡍ ࡃࡓࡀ ࡌࡀࡋࡉࡋࡉࡁࡅࡍ ࡍࡀࡑࡉࡓࡅࡕࡀ
0604 ࡁࡉࡀࡓࡃࡍࡀ ࡌࡀࡋࡉࡀ ࡅࡏࡕࡍࡀࡐࡀࡔ ࡁࡉࡀࡓࡃࡍࡀ ࡌࡀࡋࡉࡀ
0605 ࡋࡒࡅࡃࡀࡌࡀࡉࡊࡅࡍ ࡏࡅࡕࡓࡉࡀ ࡀࡄࡀࡉ ࡌࡍ ࡓࡉࡔ ࡁࡓࡉࡔ
0606 ࡎ ࡀ
0607 ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡀࡕࡀ ࡀࡕࡀ ࡔࡂࡀࡍࡃࡀ ࡓࡀࡌࡀ
0608 ࡀࡕࡀ ࡌࡍ ࡁࡉࡕ ࡀࡁ ࡀࡕࡀ ࡁࡆࡉࡅࡀ ࡖࡄࡉࡉࡀ ࡀࡍࡄࡀࡓࡋࡀࡍ
0609 ࡀࡍࡄࡀࡓࡋࡀࡍ ࡁࡆࡉࡅࡀ ࡖࡄࡉࡉࡀ ࡅࡈࡀࡉࡁࡉࡍࡀࡍ ࡌࡍ ࡈࡀࡁࡅࡕࡀ
0610 ࡖࡔࡓࡉࡀ ࡏࡋࡇ ࡀࡌࡉࡍࡈࡅࡋ ࡖࡌࡈࡀࡉࡁࡀࡍࡀ ࡖࡏࡅࡕࡓࡉࡀ
0611 ࡏࡕࡉࡒࡓࡉࡕ ࡌࡍ ࡓࡉࡔ ࡁࡓࡉࡔ ࡎ ࡀ
0612 . ࡄࡀࡆࡉࡍ ࡏࡍࡉࡀࡍࡀ ࡓࡀࡌࡉࡋࡇ ࡂࡀࡍࡆࡉࡁࡓࡀ ࡍࡀࡎࡉࡁ ࡒࡀࡍࡉࡍࡀ ࡅࡀࡎࡀ
0613 ࡌࡍ ࡔࡂࡀࡍࡃࡀ ࡎ ࡀ
0614 . ࡕࡅࡌ ࡂࡀࡍࡆࡉࡁࡓࡀ ࡍࡉࡓࡌࡉࡋࡇ ࡋࡀࡎࡀ ࡅࡄࡀࡌࡓࡀ ࡄࡀࡆࡉࡍ ࡏࡍࡉࡀࡍࡀ
0615 ࡄࡅࡓࡉࡍࡀ . ࡁࡔࡅࡌࡀ ࡖࡄࡉࡉࡀ ࡀࡕࡀ ࡀࡕࡀ ࡔࡂࡀࡍࡃࡀ ࡓࡀࡌࡀ
0616 ࡋࡔࡊࡉࡍࡕࡀ ࡖࡌࡀࡋࡊࡉࡀ ࡁࡂࡀࡅࡇ ࡉࡀࡕࡁࡉࡀ ࡀࡕࡉࡇ ࡋࡄࡀࡌࡀࡓ ࡊࡀࡍࡀ
0617 ࡅࡋࡀࡎࡀ ࡉࡀࡍࡒࡀ ࡀࡕࡉࡇ ࡅࡋࡔࡊࡉࡍࡕࡀ ࡖࡌࡀࡋࡊࡉࡀ ࡀࡎࡒࡇ ࡓࡁࡀ
0618 ࡖࡏࡅࡕࡓࡉࡀ ࡋࡉࡀࡌࡉࡍࡇ ࡅࡋࡎࡌࡀࡋࡇ ࡀࡅࡕࡁࡇ ࡊࡀࡁࡉࡓࡀ ࡊࡅࡋࡄࡅࡍ
0619 ࡀࡋࡌࡉࡀ ࡖࡒࡀࡉࡌࡉࡀ ࡋࡉࡀࡌࡉࡍࡇ ࡖࡌࡀࡋࡊࡀ ࡅࡋࡎࡌࡀࡋࡇ ࡁࡉࡓࡉࡊࡕࡀ ࡁࡀࡓࡊࡉࡀ
0620 ࡅࡀࡌࡓࡉࡀ ࡁࡓࡉࡊ ࡆࡉࡅࡀ ࡖࡃࡍࡉࡀ ࡋࡊࡅࡋࡄࡅࡍ ࡌࡀࡋࡊࡉࡀ ࡖࡁࡄࡀࡆࡉࡍ
0621 ࡔࡊࡉࡍࡕࡀ ࡉࡀࡕࡁࡉࡀ ࡌࡍ ࡓࡉࡔ ࡁࡓࡉࡔ
0622 ࡎ ࡀ
0623 ࡁࡓࡉࡊ ࡄࡀࡌࡀࡓ ࡊࡀࡍࡀ ࡅࡀࡎࡀ ࡉࡀࡍࡒࡀ ࡖࡏࡋࡀࡊ ࡃࡉࡋࡀࡊ
0624 ࡍࡑࡀࡁ ࡉࡀࡓࡃࡍࡀ ࡅࡀࡕࡍࡀ ࡋࡒࡅࡃࡀࡌࡀࡊ ࡏࡅࡕࡓࡉࡀ ࡀࡄࡀࡉ
0625 ࡅࡌࡀࡍࡄࡉࡓࡀࡍࡀ ࡖࡊࡅࡋࡄࡅࡍ ࡈࡀࡁࡀࡅࡀࡕࡀ ࡌࡍ ࡓࡉࡔ ࡁࡓࡉࡔ
0626 ࡎ ࡀ
0627 ࡅࡄࡀࡉࡆࡀࡊ ࡕࡀࡓࡌࡉࡃࡉࡀ ࡊࡅࡋࡄࡅࡍ ࡏࡍࡉࡀࡍࡀ ࡋࡀࡎࡀ ࡅࡄࡀࡌࡓࡀ
0628 ࡓࡌࡅࡋࡇ ࡅࡀࡌࡓࡉࡀ . ࡁࡔࡅࡌࡀ ࡖࡄࡉࡉࡀ ࡓࡁࡉࡀ . ࡁࡓࡉࡊ
0629 ࡍࡑࡀࡁ ࡉࡀࡓࡃࡍࡀ ࡖࡌࡍ ࡏࡒࡀࡓࡀ ࡖࡎࡉࡍࡃࡉࡓࡊࡀ ࡓࡁࡀ
0630 ࡒࡀࡃࡌࡀࡉࡀ ࡄࡅࡀ ࡅࡌࡉࡍࡇ ࡄࡀࡌࡀࡓ ࡊࡀࡍࡀ ࡄࡅࡀ ࡄࡉࡉࡀ ࡒࡉࡓࡉࡅࡊ
0631 ࡅࡏࡅࡕࡓࡉࡀ ࡒࡀࡉࡌࡅࡊ ࡖࡁࡄࡀࡍࡀࡕࡇ ࡃࡅࡊࡕࡀ ࡖࡒࡀࡉࡌࡉࡀ
0632 ࡌࡀࡋࡊࡉࡀ ࡏࡋ ࡋࡉࡂࡓࡀࡉࡄࡅࡍ ࡅࡁࡉࡓࡉࡊࡕࡀ ࡁࡀࡓࡊࡉࡀ ࡌࡍ
0633 ࡓࡉࡔ ࡁࡓࡉࡔ ࡎ ࡀ
0634 ࡅࡄࡀࡉࡆࡀࡊ ࡀࡕࡍࡀ ࡒࡓࡅࡍ ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡌࡀࡋࡉࡋ
0635 ࡉࡀࡓࡃࡍࡀ ࡃࡀࡊࡉࡀ ࡖࡋࡄࡀࡌࡀࡓ ࡊࡀࡍࡀ ࡖࡍࡉࡌࡀࡓࡋࡇ ࡄࡀࡆࡉࡍ
0636 ࡌࡀࡍ ࡄࡅ ࡖࡀࡍࡉࡍ ࡁࡄࡃࡀࡃࡉࡀ ࡎࡀࡄࡃࡉࡍࡉࡍ ࡅࡀࡌࡀࡓࡅࡋࡇ ࡄࡀࡆࡉࡍ
0637 ࡌࡀࡋࡊࡀ ࡎࡄࡀࡒ ࡓࡁࡀ ࡁࡓࡉࡔ ࡔࡊࡉࡍࡕࡀ ࡉࡀࡕࡉࡁ
0638 ࡅࡏࡅࡕࡓࡉࡀ ࡋࡉࡀࡌࡉࡍࡇ ࡅࡋࡎࡌࡀࡋࡇ ࡉࡀࡕࡁࡉࡀ ࡌࡀࡋࡉࡋ ࡉࡀࡓࡃࡍࡀ
0639 ࡃࡀࡊࡉࡀ ࡅࡋࡄࡀࡌࡀࡓ ࡀࡎࡀ ࡅࡎࡉࡍࡃࡉࡓࡊࡀ ࡌࡁࡀࡓࡊࡉࡋࡇ
0640 ࡅࡌࡒࡀࡉࡌࡉࡋࡇ ࡋࡌࡀࡋࡊࡀ ࡖࡏࡅࡕࡓࡉࡀ ࡌࡍ ࡓࡉࡔ ࡁࡓࡉࡔ
0641 ࡎ ࡀ
0642 . ࡅࡀࡌࡓࡉࡀ ࡋࡍࡁࡀࡈ ࡓࡁࡀ ࡏࡅࡕࡓࡉࡀ ࡒࡀࡌ ࡏࡋ ࡋࡉࡂࡓࡀࡉࡄࡅࡍ
0643 ࡅࡁࡉࡓࡉࡊࡕࡀ ࡁࡔࡊࡉࡍࡕࡀ ࡖࡌࡀࡋࡊࡉࡀ ࡅࡁࡀࡓࡊࡉࡀ ࡌࡍ ࡓࡉࡔ
0644 ࡁࡓࡉࡔ ࡎ ࡀ
0645 . ࡅࡄࡀࡉࡆࡀࡊ ࡂࡀࡍࡆࡉࡁࡓࡀ ࡍࡉࡒࡓࡉࡀ ࡄࡀࡆࡉࡍ ࡏࡍࡉࡀࡍࡀ ࡅࡌࡐࡀࡋࡉࡂ
0646 ࡀࡎࡀ ࡋࡕࡀࡓࡌࡉࡃࡉࡀ ࡅࡍࡉࡌࡀࡓ . ࡁࡔࡅࡌࡀ ࡖࡄࡉࡉࡀ ࡓࡁࡉࡀ
0647 ࡁࡉࡅࡌࡀ ࡖࡔࡉࡓࡔࡀ ࡖࡀࡎࡀ ࡄࡀࡃࡕࡀ ࡒࡅࡃࡀࡌ ࡌࡀࡋࡊࡀ
0648 ࡕࡓࡉࡑ ࡌࡀࡋࡊࡀ ࡉࡀࡌࡉࡍࡇ ࡐࡔࡀࡈ ࡏࡋࡇ ࡅࡋࡏࡅࡕࡓࡉࡀ ࡅࡔࡂࡀࡍࡃࡉࡀ
0649 ࡏࡄࡀࡁࡋࡅࡍ ࡅࡀࡌࡀࡓࡋࡅࡍ ࡍࡎࡅࡁ ࡌࡉࡍࡀࡉ ࡀࡎࡀ ࡄࡀࡃࡕࡀ
0650 ࡅࡁࡉࡓࡉࡊࡕࡀ ࡁࡔࡊࡉࡍ^ࡀ^ࡕࡀ ࡁࡓࡅࡊ ࡁࡉࡓࡉࡊࡕࡀ ࡁࡓࡅࡊ
0651 ࡁࡔࡊࡉࡍࡀࡕࡀ ࡅࡀࡍࡄࡀࡓ ࡅࡕࡀࡒࡉࡍ ࡏࡅࡕࡓࡉࡀ ࡅࡔࡊࡉࡍࡀࡕࡀ
0652 ࡖࡋࡉࡀࡌࡉࡍࡀࡊ ࡅࡋࡎࡌࡀࡋࡀࡊ ࡉࡀࡕࡁࡉࡀ ࡌࡍ ࡓࡉࡔ ࡁࡓࡉࡔ
0653 ࡎ ࡀ
0654 ࡅࡄࡀࡉࡆࡀࡊ ࡒࡓࡅࡍ ࡄࡀࡕࡀࡌࡀࡕࡀ ࡋࡓࡉࡔࡉࡇ ࡁࡉࡕ ࡌࡉࡔࡒࡀࡋ
0655 ࡀࡉࡍࡉࡀ ࡅࡀࡎࡅࡕࡀ ࡅࡆࡀࡊࡅࡕࡀ ࡅࡆࡄࡀࡓࡀ ࡃࡓࡅࡍ ࡅࡒࡓࡅࡍ ࡌࡉࡔࡒࡀࡋ
0656 ࡀࡉࡍࡉࡀ ࡅࡔࡒࡅࡋ ࡀࡉࡍࡀࡉࡊࡅࡍ ࡋࡏࡉࡉࡋ ࡅࡒࡓࡅࡍ ࡏࡎࡉࡓ ࡉࡀࡌࡀ
0657 ࡅࡂࡉࡌࡓࡀ ࡀࡍࡀ ࡂࡌࡉࡓࡀ ࡅࡏࡆࡄࡀ ࡅࡏࡕࡀࡆࡄࡀ ࡅࡀࡎࡅࡕࡀ
0658 ࡅࡆࡀࡊࡅࡕࡀ ࡅࡗ ࡏࡄࡀࡁࡋࡇ ࡅࡏࡎࡉࡓࡀ ࡅࡄࡕࡉࡌࡀ ࡅࡁࡅࡑࡀࡓ
0659 ࡄࡉࡉࡀ ࡅࡏࡎࡉࡓࡀ ࡅࡄࡕࡉࡌࡀ ࡓࡀࡁࡕࡉࡀ . ࡅࡗ ࡌࡎࡀࡉࡊࡉࡕࡅࡍ
0660 ࡄࡀࡋࡉࡍ ࡏࡕࡔࡀ ࡁࡀࡅࡀࡕࡀ ࡖࡄࡉࡍࡅࡍ ࡏࡕࡔࡀ ࡄࡀࡕࡌࡉࡀ
0661 ࡅࡄࡀࡉࡆࡀࡊ ࡂࡀࡍࡆࡉࡁࡓࡀ ࡅࡁࡀࡓࡅࡊࡀࡉࡉࡀ ࡓࡀࡌࡉࡋࡇ ࡄࡀࡆࡉࡍ
0662 ࡏࡍࡉࡀࡍࡀ ࡅࡀࡌࡓࡉࡀ . ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡉࡀࡍࡀࡅࡓࡀ ࡃࡀࡊࡉࡀ
0663 ࡌࡀࡋࡊࡀ ࡌࡉࡕࡉࡒࡓࡉࡕ ࡁࡊࡅࡋࡄࡅࡍ ࡀࡋࡌࡉࡀ ࡀࡍࡀࡕ ࡀࡍࡄࡉࡓࡉࡍࡀࡍ
0664 ࡁࡆࡉࡅࡀࡊ ࡖࡍࡀࡐࡔࡀ ࡅࡀࡍࡉࡍ ࡋࡃࡌࡅࡕࡀࡊ ࡍࡉࡓࡀࡅࡓࡁࡇ
0665 ࡅࡍࡉࡒࡀࡉࡌࡀࡊ ࡅࡍࡉࡁࡉࡓࡊࡀࡊ ࡀࡌࡉࡍࡈࡅࡋ ࡖࡌࡀࡋࡊࡀ ࡀࡍࡀࡕ
0666 ࡁࡆࡉࡅࡀࡊ ࡍࡀࡄࡓࡉࡍࡅࡍ ࡋࡊࡅࡋࡄࡅࡍ ࡀࡋࡌࡉࡀ ࡌࡍ ࡓࡉࡔ ࡁࡓࡉࡔ
0667 ࡎ ࡀ
0668 ࡅࡄࡀࡉࡆࡀࡊ ࡒࡓࡅࡍ ࡏࡍࡉࡀࡍࡀ ࡅࡁࡀࡅࡀࡕࡀ ࡖࡆࡉࡃࡒࡀ ࡁࡓࡉࡊࡀ .
0669 ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡄࡀࡆࡉࡍ ࡆࡉࡃࡒࡀ ࡁࡓࡉࡊࡀ ࡊࡅࡔࡈࡀ
0670 ࡌࡈࡀࡉࡀࡁ ࡓࡀࡄࡌࡇ ࡊࡅࡔࡈࡀ ࡋࡓࡀࡄࡌࡇ ࡌࡈࡀࡉࡉࡁࡋࡅࡍ
0671 ࡏࡕࡉࡕࡀ ࡅࡁࡓࡉࡊࡀ ࡁࡓࡉࡊࡕࡇ . ࡎࡀࡄࡃࡉࡍࡀࡁࡇ ࡁࡉࡀࡅࡀࡓ
0672 ࡖࡈࡀࡉࡁࡉࡍࡀࡍ ࡌࡍ ࡈࡀࡁࡇ ࡎ ࡀ
0673 ࡅࡒࡓࡅࡍ ࡄࡀࡃ ࡀࡁࡀࡕࡀࡓ ࡄࡀࡃ ࡀࡋࡌࡀ ࡖࡁࡀࡋࡁࡅࡔ
0674 ࡃࡀࡊࡉࡀ ࡒࡀࡉࡉࡌࡍࡀ ࡅࡁࡓࡉࡊࡉࡕ ࡌࡀࡓࡀࡉ ࡋࡊࡅࡋࡄࡉࡍ ࡈࡀࡁࡀࡅࡀࡕࡀ
0675 ࡅࡃࡅࡊࡕࡀ ࡖࡀࡌࡀࡓ ࡉࡀࡌࡉࡍࡀ ࡖࡏࡅࡕࡓࡉࡀ ࡕࡉࡕࡓࡉࡑ ࡏࡋࡀࡊ
0676 ࡀࡎࡉࡌ ࡉࡀࡌࡉࡍࡀࡉࡊࡅࡍ ࡏࡋࡇ ࡅࡋࡊࡅࡋࡄࡅࡍ ࡕࡀࡓࡌࡉࡃࡉࡀ ࡅࡌࡀࡍࡃࡀࡉࡉࡀ
0677 ࡆࡉࡊࡓࡉࡀ ࡅࡍࡅࡒࡁࡀࡕࡀ ࡖࡋࡅࡀࡕࡀࡉࡊࡅࡍ ࡅࡁࡓࡅࡊࡅࡍࡅࡍ ࡋࡍࡉࡔࡌࡀࡕࡀ
0678 ࡖࡄࡉࡀࡍࡉࡀ ࡁࡄࡀࡍࡀࡕࡀ ࡁࡅࡕࡀ ࡖࡏࡋ ࡔࡅࡌࡀࡊ ࡏࡕࡉࡕࡀ ࡅࡗ
0679 ࡌࡎࡀࡉࡊࡉࡕࡅࡍ ࡄࡀࡋࡉࡍ ࡏࡍࡉࡀࡍࡉࡀ ࡅࡁࡀࡅࡀࡕࡀ . ࡅࡄࡀࡉࡆࡀࡊ ࡒࡓࡅࡍ
0680 ࡁࡀࡓࡀࡊࡀࡕࡀ ࡀࡓࡁࡀ ࡓࡀࡆࡉࡀ ࡏࡋࡇ ࡎ ࡀ
0681 . ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡅࡁࡔࡅࡌࡀ ࡖࡌࡀࡍࡃࡀ ࡖࡄࡉࡉࡀ
0682 ࡓࡁࡉࡀ ࡌࡀࡋࡉࡋ ࡀࡓࡁࡀ ࡓࡀࡆࡉࡀ ࡋࡀࡁࡀ ࡓࡌࡅࡋࡇ ࡏࡍࡉࡀࡍࡀ
0683 ࡅࡀࡌࡀࡓࡋࡇ . ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡁࡉࡅࡌࡀ ࡖࡊࡅࡔࡈࡀ
0684 ࡌࡀࡋࡉࡋ ࡆࡉࡅࡀ ࡏࡋ ࡀࡓࡁࡀ ࡓࡀࡆࡉࡀ ࡃࡍࡀ ࡅࡄࡀࡉࡋࡀ ࡋࡉࡀࡓࡃࡍࡀ
0685 ࡍࡁࡀࡈ ࡅࡆࡉࡅࡀ ࡋࡌࡀࡋࡊ{{̊}}^ࡀ^ ࡔࡓࡉࡀ ࡅࡀࡌࡀࡓࡋࡇ ࡄࡃࡉࡀ ࡁࡉࡍࡉࡀ
0686 ࡌࡀࡋࡊࡉࡀ ࡅࡄࡃࡉࡁࡇ ࡁࡕࡀࡂࡀࡊ ࡊࡀࡎࡉࡀ ࡖࡌࡉࡍࡀࡊ ࡐࡓࡀࡔ
0687 ࡄࡃࡉࡁࡅࡍ ࡏࡋ ࡀࡓࡁࡀ ࡓࡀࡆࡉࡀ ࡅࡄࡃࡉࡁࡅࡍ ࡋࡕࡓࡉࡍ ࡂࡅࡐࡍࡉࡀ
0688 ࡀࡁࡅࡍ ࡄࡃࡉࡀ ࡅࡄࡃࡉࡀ ࡅࡄࡃࡉࡁࡇ ࡋࡉࡀࡓࡃࡍࡀ ࡅࡌࡀࡋࡊࡅࡕࡀࡊ ࡌࡍ
0689 ࡓࡉࡔ ࡁࡓࡉࡔ ࡎ ࡀ
0690 . ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡅࡁࡔࡅࡌࡀ ࡖࡀࡓࡁࡀ ࡓࡀࡆࡉࡀ ࡕࡅࡌ
0691 ࡁࡓࡉࡊࡉࡕ ࡀࡍࡀࡕ ࡉࡀࡄࡉࡀ ࡉࡅࡄࡀࡍࡀ ࡁࡓ ^ࡓࡁࡀࡉ^ ࡀࡃࡀࡌ ࡆࡉࡄࡓࡅࡍ ࡁࡄࡀࡍࡀࡕࡀ
0692 ࡁࡓࡉࡊࡕࡀ ࡖࡏࡕࡁࡉࡓࡊࡀࡕ ࡀࡉࡍࡀ ࡅࡎࡉࡍࡃࡉࡓࡊࡀ ࡅࡊࡅࡔࡈࡀ ࡏࡕࡉ{{ࡍࡑࡉ}}ࡍࡑࡉࡁ
0693 ࡌࡍ ࡁࡄࡀ ࡅࡉࡀࡓࡃࡍࡀ ࡅࡄࡀࡌ ࡆࡉࡅࡀ ࡁࡂࡅ ࡉࡀࡓࡃࡍࡀ ࡍࡉࡁࡈࡀࡕ
0694 ࡁࡀࡋࡁࡅࡔ ࡊࡀࡎࡉࡀ ࡅࡍࡁࡀࡈࡉࡅࡍ ࡁࡉࡍࡉࡀ ࡓࡀࡆࡉࡀ ࡖࡕࡀࡓࡕࡉࡍ ࡈࡅࡓࡉࡀ
0695 ࡕࡉࡕࡉࡒࡓࡉࡀ . ࡕࡅࡌ ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ ࡉࡀࡄࡉࡀ ࡉࡅࡄࡀࡍࡀ
0696 ࡁࡓ ࡀࡃࡀࡌ ࡆࡉࡄࡓࡅࡍ ࡁࡄࡀࡆࡉࡍ ࡁࡉࡓࡊࡕࡀ ࡖࡏࡕࡉࡁࡓࡉࡊࡁࡀ
0697 ࡕࡓࡉࡍ ࡂࡅࡐࡍࡉࡀ ࡊࡀࡎࡉࡉࡀ ࡉࡀࡒࡓࡉࡀ ࡖࡌࡉࡕࡉࡒࡓࡉࡍ ࡖࡄࡅࡍ
0698 ࡀࡓࡁࡀ ࡓࡀࡆࡉ ࡖࡀࡁࡀࡄࡀࡕࡅࡍ ࡁࡁࡉࡓࡉࡊࡕࡀ ࡁࡓࡀࡊࡅࡍࡅࡍ ࡅࡄࡀࡉࡋࡀ
0699 ࡏࡄࡀࡁࡋࡅࡍ ࡅࡆࡉࡅࡀ ࡊࡀࡎࡉࡀ ࡍࡀࡈࡓࡉࡍࡅࡍ ࡁࡂࡅ ࡄࡉࡌࡀࡕ ࡀࡉࡍࡀ
0700 ࡄࡅࡀࡕ ࡅࡏࡆࡋࡀࡕ ࡌࡉࡕࡒࡉࡓࡉࡀ ࡅࡄࡀࡌ ࡆࡉࡅࡀ ࡅࡁࡁࡉࡓࡉࡊࡕࡀ
0701 ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ ࡉࡀࡄࡉࡀ ࡉࡅࡄࡀࡍࡀ ࡁࡓ ࡀࡃࡀࡌ
0702 ࡆࡉࡄࡓࡅࡍ ࡁࡄࡀࡍࡀࡕࡇ ࡁࡉࡓࡉࡊࡕࡀ ࡖࡏࡕࡉࡁࡓࡉࡊࡉࡁࡇ ࡄࡀࡊ ࡀࡉࡍࡀ
0703 ࡅࡎࡉࡍࡃࡉࡓࡊࡀ ࡖࡀࡋࡌࡉࡀ ࡌࡉࡍࡇ {{ࡍࡀ}} ࡐࡓࡀࡔ ࡅࡑࡀࡓࡀࡓࡕࡀ ࡌࡉࡍࡇ
0704 ࡐࡉࡓࡔࡀࡕ ࡅࡄࡀࡉࡋࡀ ࡋࡌࡀࡋࡊࡉࡀ ࡔࡓࡉࡀ ࡅࡌࡎࡅࡕࡀ ࡁࡉࡆࡋࡀࡕ
0705 ࡌࡀࡎࡉࡀ ࡅࡌࡀࡆࡓࡅࡕࡀ ࡁࡉࡀࡓࡃࡍࡀ ࡔࡀࡓࡏࡉࡉࡀ ࡅࡉࡀࡓࡃࡍࡀ ࡁࡂࡀࡅࡇ
0706 ࡌࡉࡕࡒࡀࡉࡀࡌ ࡅࡏࡓࡅࡕࡀ ࡁࡂࡀࡅࡇ ࡓࡀࡃࡉࡀ ࡌࡍ ࡓࡉࡔ ࡁࡓࡉࡔ
0707 . ࡕࡅࡌ ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ ࡉࡀࡄࡉࡀ ࡉࡅࡄࡀࡍࡀ ࡁࡓ
0708 ࡀࡃࡀࡌ ࡆࡉࡄࡓࡅࡍ ࡁࡄࡀࡍࡀࡕࡀ ࡁࡉࡓࡉࡊࡕࡀ ࡖࡏࡕࡉࡁࡓࡉࡊࡉࡁࡀ
0709 ࡏࡔࡀࡕࡀ ࡄࡀࡉࡕࡀ ࡅࡏࡊࡉࡋࡕࡀ ࡖࡄࡏ ࡎࡉࡄࡈࡀࡕ ࡌࡍ ࡀࡓࡒࡀ
0710 ࡏࡋ ࡀࡓࡒࡀ ࡅࡋࡀࡎࡉࡋࡒࡀࡕ ࡋࡏࡔࡅࡌࡉࡀ ࡖࡌࡆࡀࡓࡆࡉࡋࡅࡍ ࡏࡋ
0711 ࡔࡉࡕࡋࡉࡀ ࡊࡀࡎࡉࡉࡀ ࡖࡄࡀࡌ ࡆࡉࡅࡀ ࡅࡍࡉࡁࡈࡀࡕ ࡅࡎࡉࡋࡒࡀࡕ
0712 ࡌࡍ ࡓࡉࡔ ࡁࡓࡉࡔ ࡎ ࡀ
0713 ࡎ ࡀ
0714 . ࡌࡍ ࡀࡓࡁࡀ ࡓࡀࡆࡉࡀ ࡅࡀࡓࡁࡀ ࡓࡀࡆࡉࡀ ࡄࡀࡉࡋࡀ ࡁࡏࡍࡐࡉࡔ
0715 ࡏࡄࡀࡁࡋࡇ ࡅࡌࡉࡕࡒࡀࡉࡌࡉࡋࡇ ࡋࡆࡉࡅࡀ ࡁࡀࡉࡀࡓ ࡔࡀࡍࡉࡀ ࡕࡅࡌ
0716 ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ ࡉࡀࡄࡉࡀ ࡉࡅࡄࡀࡍࡀ ࡁࡓ ࡀࡃࡀࡌ
0717 ࡆࡉࡄࡓࡅࡍ ࡁࡄࡀࡍࡀࡕࡀ ࡁࡉࡓࡉࡊࡕࡀ ࡖࡏࡕࡉࡁࡓࡉࡊࡁࡀ ࡏࡔࡀࡕࡀ
0718 ࡄࡀࡉࡕࡀ ࡖࡄࡅࡀࡕ ࡌࡍ ࡏࡔࡀࡕࡀ ࡏࡊࡉࡋࡕࡀ ࡖࡄࡏ ࡄࡀࡌ
0719 ࡆࡉࡅࡀ ࡅࡐࡔࡀࡓ ࡕࡀࡍࡀ ࡁࡂࡅ ࡉࡀࡓࡃࡍࡀ ࡅࡀࡁࡀࡓ ࡁࡂࡅ
0720 ࡉࡀࡓࡃࡍࡀ ࡅࡋࡁࡅࡔࡀ ࡉࡀࡒࡓࡀ ࡐࡉࡓࡔࡀࡕ ࡅࡍࡉࡐࡒࡀࡕ ࡅࡏࡕࡒࡀࡉࡌࡀࡕ
0721 ࡌࡍ ࡓࡉࡔ ࡁࡓࡉࡔ ࡎ ࡀ
0722 . ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ
0723 ࡉࡀࡄࡉࡀ ࡉࡅࡄࡀࡍࡀ ࡁࡓ ࡀࡃࡀࡌ ࡆࡉࡄࡓࡅࡍ ࡁࡄࡀࡍࡀࡕࡀ
0724 ࡁࡉࡓࡉࡊࡕࡀ ࡖࡏࡕࡉࡁࡓࡉࡊࡁࡀ ࡀࡓࡁࡀ ࡓࡀࡆࡉࡀ ࡊࡀࡎࡉࡉࡀ
0725 ࡅࡁࡉࡓࡉࡊࡕࡀ ࡁࡀࡁࡀ ࡁࡓࡀࡊ ࡅࡄࡀࡉࡋࡀ{#2#}ࡋࡀ ࡏࡄࡀࡁࡋࡅࡍ
0726 ࡅࡄࡀࡉࡆࡀࡊ ࡄࡀࡌ ࡆࡉࡅࡀ ࡀࡁࡀ ࡅࡁࡉࡓࡊࡕࡀ ࡅࡄࡀࡉࡋࡀ
0727 ࡖࡌࡍ ࡀࡓࡁࡀ ࡓࡀࡆࡉࡀ ࡐࡓࡀࡔ ࡅࡁࡄࡀࡉࡋࡀࡉࡄࡅࡍ ࡖ
0728 ࡀࡓࡁࡀ ࡓࡀࡆࡉࡀ ࡓࡁࡀ ࡁࡆࡉࡅࡀࡉࡅࡍ ࡖࡕࡓࡉࡍ ࡂࡅࡐࡍࡉࡀ ࡏࡕࡉࡒࡓࡉࡀ
0729 ࡅࡏࡕࡓࡀࡅࡓࡀࡁ ࡅࡑࡀࡅࡕࡀ ࡋࡉࡀࡌࡉࡍࡇ ࡒࡓࡀ ࡅࡋࡎࡌࡀࡋࡇ
0730 ࡔࡉࡕࡋࡉࡀ ࡊࡀࡎࡉࡉࡀ ࡔࡕࡀࡋ ࡅࡋࡒࡅࡃࡀࡌࡇ ࡀࡋࡌࡉࡀ ࡖ
0731 ࡍࡄࡅࡓࡀ ࡒࡓࡀ ࡅࡁࡆࡉࡅࡀ ࡖࡋࡁࡅࡔࡉࡇ ࡌࡉࡀ ࡊࡉࡍࡉࡀࡍࡅࡍ
0732 ࡐࡓࡀࡔ ࡅࡄࡀࡉࡋࡀ ࡋࡁࡅࡊࡓࡀ ࡍࡈࡀࡓ ࡅࡄࡀࡉࡆࡀࡊ ࡗ ࡁࡉࡓࡊࡅࡉࡀ
0733 ࡀࡓࡁࡀ ࡓࡀࡆࡉࡀ ࡒࡀࡌ ࡅࡁࡉࡓࡊࡅࡉࡀ ࡏࡋ ࡋࡁࡅࡔࡉࡀ ࡖࡌࡉࡀ
0734 ࡄࡉࡉࡀ ࡅࡀࡋࡁࡉࡔࡉࡍࡅࡍ ࡏࡋ ࡀࡓࡁࡀ ࡓࡀࡆࡉࡀ ࡅࡁࡓࡀࡊࡉࡍࡅࡍ
0735 ࡋࡐࡉࡓࡉࡀ ࡅࡏࡌࡁࡉࡀ ࡅࡏࡋࡀࡍࡉࡀ ࡅࡍࡀࡈ{{ࡓࡉ}}^ࡓࡉ^ࡍࡅࡍ ࡋࡀࡋࡌࡉࡀ
0736 ࡅࡄࡀࡉࡋࡀ ࡔࡓࡀ ࡏࡋࡀࡅࡀࡉࡄࡅࡍ . ࡕࡅࡌ ࡕࡉࡕࡉࡁࡓࡉࡊ
0737 ࡀࡍࡀࡕ ࡀࡁࡅࡍ ࡉࡀࡄࡉࡀ ࡉࡅࡄࡀࡍࡀ ࡁࡓ ࡀࡃࡀࡌ ࡆࡉࡄࡓࡅࡍ
0738 ࡁࡄࡀࡊ ࡁࡉࡓࡉࡊࡕࡀ ࡖࡏࡕࡉࡁࡓࡉࡊࡁࡀ {{ࡔࡀࡓࡄࡀࡁ}}
0739 ࡔࡀࡌࡒࡏࡉࡋ ࡏࡎࡉࡒࡕࡀ ࡖࡀࡌࡀࡉ ࡖࡀࡌࡎࡉࡍࡅࡍ ࡋࡈࡅࡓࡉࡀ
0740 ࡀࡎࡉࡀ ࡖࡌࡎࡅࡕࡀ ࡁࡂࡀࡅࡀࡉࡄࡅࡍ ࡗ ࡋࡌࡉࡕࡓࡀࡑ ࡉࡀࡓࡃࡍࡉࡀ
0741 ࡅࡆࡉࡅࡀ ࡏࡋ ࡀࡋࡌࡉࡀ ࡔࡀࡃࡓࡅࡉࡀ ࡅࡆࡉࡅࡀ ࡋࡀࡋࡌࡉࡀ ࡍࡀࡈࡀࡓ
0742 ࡅࡄࡀࡉࡋࡀ ࡋࡉࡀࡓࡃࡍࡀ ࡔࡀࡓ . ࡕࡅࡌ ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ
0743 ࡉࡀࡄࡉࡀ ࡉࡅࡄࡀࡍࡀ ࡁࡓ ࡀࡃࡀࡌ ࡆࡉࡄࡓࡅࡍ ࡁࡄࡀࡍࡀࡕࡀ ࡁࡓࡉࡊࡕࡀ
0744 ࡖࡏࡕࡉࡁࡓࡉࡊࡁࡀ ࡌࡀࡍࡄࡀࡓࡏࡉࡋ ࡃࡓࡀࡁࡔࡀ ࡖࡑࡉࡓࡁࡇ
0745 ࡕࡋࡀࡕࡌࡀ ࡅࡔࡉࡕࡉࡍ ࡀࡋࡌࡉࡀ ࡖࡍࡄࡅࡓࡀ ࡖࡄࡀࡉࡋࡇ ࡍࡀࡐࡔࡀ
0746 ࡖࡍࡀࡅࡓࡀ ࡅࡀࡉࡀࡓ ࡅࡀࡓࡁࡀ ࡓࡀࡆࡉࡀ ࡀࡌࡉࡍࡈࡅࡋ ࡖࡃࡌࡅࡕࡀ
0747 ࡖࡀࡁࡀ ࡁࡂࡀࡅࡇ ࡔࡓࡏࡉࡀ ࡅࡌࡉࡀ ࡅࡌࡉࡔࡓࡉࡀ ࡋࡕࡋࡀࡕ
0748 ࡀࡉࡍࡀࡍࡉࡀࡕࡀ ࡍࡂࡀࡃ ࡅࡆࡉࡅࡀ ࡌࡉࡍࡇ ࡍࡀࡎࡁࡉࡍ ࡅࡌࡀࡉࡕࡉࡍ
0749 ࡋࡀࡋࡌࡉࡀ ࡕࡉࡕࡀࡉࡉࡀ . ࡕࡅࡌ ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ
0750 ࡉࡀࡄࡉࡀ ࡉࡅࡄࡀࡍࡀ ࡁࡓ ࡀࡃࡀࡌ ࡆࡉࡄࡓࡅࡍ ࡁࡄࡀࡊ ࡁࡉࡓࡊࡕࡀ
0751 ࡖࡎࡉࡍࡃࡉࡓࡊࡀ ࡓࡁࡀ ࡒࡀࡃࡌࡀࡉࡀ ࡖࡌࡍ ࡋࡀࡒࡀࡃࡌࡉࡀ ࡄࡅࡀ
0752 ࡖࡀࡁࡀ ࡁࡓࡉࡊࡕࡀ ࡁࡂࡀࡅࡇ ࡁࡓࡀࡊ ࡅࡁࡈࡅࡋࡇ ࡏࡕࡉࡁ
0753 ࡅࡁࡓࡉࡄࡇ ࡓࡅࡀࡆ ࡖࡎࡉࡌࡀࡃࡓࡀ ࡔࡀࡍࡉࡀ ࡁࡀࡈࡉࡓࡐࡉࡀ ࡖ
0754 ࡊࡋࡉࡋࡇ ࡃࡓࡀ ࡌࡍ ࡓࡉࡔ ࡁࡓࡉࡔ ࡎ ࡀ
0755 . ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡕࡉࡕࡉࡁࡓࡉࡊ ࡀࡍࡀࡕ
0756 ࡀࡁࡅࡍ ࡉࡀࡄࡉࡀ ࡉࡅࡄࡀࡍࡀ ࡁࡓ ࡀࡃࡀࡌ ࡆࡉࡄࡓࡅࡍ ࡁࡄࡀࡍࡀࡕࡀ
0757 ࡁࡉࡓࡉࡊࡕࡀ ࡖࡏࡕࡉࡁࡓࡉࡊࡁࡀ ࡓࡀࡅࡆࡉࡏࡉࡋ ࡏࡋࡀࡍࡀ ࡖࡀࡁࡀ
0758 ࡁࡉࡓࡊࡇ ࡅࡁࡓࡀࡊࡁ{ࡀ}<ࡇ#2#> ࡏࡅࡕࡓࡉࡀ ࡖࡌࡉࡍࡇ ࡊࡋࡉࡋࡉࡀ ࡂࡀࡃࡋࡉࡀ
0759 ࡅࡁࡄࡉࡋࡁࡅࡍࡅࡍ ࡂࡀࡅࡀࡉࡉࡀ ࡊࡀࡎࡉࡋࡇ ࡅࡍࡀࡈࡓࡉࡋࡇ . ࡕࡅࡌ
0760 ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ ࡁࡄࡀࡍࡀࡕࡇ ࡁࡉࡓࡊࡕࡀ ࡖࡏࡕࡉ
0761 ࡁࡓࡉࡊࡁࡀ ࡔࡀࡓࡀࡕ ࡅࡎࡉࡌࡀࡕ ࡄࡉࡉࡀ ࡖࡏࡄࡀࡁ
0762 ࡂࡉࡍࡆࡀࡉࡄࡅࡍ ࡖࡏࡅࡕࡓࡉࡀ ࡌࡉࡕࡒࡀࡉࡌࡉࡀ . ࡕࡅࡌ ࡕࡉࡕࡉࡁࡓࡉࡊ
0763 ࡀࡍࡀࡕ ࡀࡁࡅࡍ ࡉࡀࡄࡉࡀ ࡉࡅࡄࡀࡍࡀ ࡁࡓ ࡀࡃࡀࡌ ࡆࡉࡄࡓࡅࡍ ࡁࡄࡀࡊ
0764 ࡁࡉࡓࡉࡊࡕࡀ ࡖࡏࡕࡉࡁࡓࡉࡊࡁࡀ ࡔࡀࡓࡀࡕ ࡅࡎࡉࡌࡀࡕ ࡄࡉࡉࡀ
0765 . ࡕࡅࡌ ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ ࡁࡄࡀࡊ ࡁࡉࡓࡉࡊࡕࡀ
0766 ࡖࡏࡕࡉࡁࡓࡉࡊࡁࡇ ࡓࡅࡔࡅࡌࡀ ࡖࡉࡀࡌࡉࡍࡀ ࡖࡀࡁࡀ ࡆࡀࡊࡓࡉࡀ
0767 . ࡕࡅࡌ ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ ࡁࡄࡀࡊ ࡁࡉࡓࡉࡊࡕࡀ
0768 ࡖࡓࡅࡔࡅࡌࡀ ࡊࡀࡎࡉࡀ . ࡕࡅࡌ ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ
0769 ࡁࡄࡀࡊ ࡁࡉࡓࡉࡊࡕࡀ ࡖࡏࡕࡉࡁࡓࡉࡊࡁࡇ ࡕࡀࡂࡀ ࡖࡕࡓࡉࡑ
0770 ࡁࡓࡉࡔࡀࡉࡄࡅࡍ ࡖࡌࡀࡋࡊࡉࡀ ࡅࡁࡓࡀࡊࡅࡁࡇ ࡓࡀࡆࡉࡀ ࡊࡀࡎࡉࡉࡀ
0771 ࡖࡆࡓࡅࡕࡀ ࡅࡁࡓࡀࡊ ࡔࡀࡓ ࡅࡄࡀࡌ ࡆࡉࡅࡀ ࡖࡁࡀࡉࡓࡀ ࡅࡁࡀࡓ
0772 ࡁࡏࡓࡅࡕࡇ ࡅࡏࡕࡁࡉࡓࡊࡁࡇ ࡅࡎࡂࡉࡃ ࡅࡔࡀࡁࡀ ࡅࡒࡓࡀ
0773 ࡀࡋࡌࡉࡀ ࡖࡄࡂࡀࡂࡀ ࡅࡏࡕࡉࡁ ࡅࡏࡕࡒࡀࡉࡀࡌ ࡅࡏࡕࡉࡒࡓࡉࡋࡇ
0774 ࡀࡍࡀ ࡎࡉࡌࡀࡕࡄࡉࡉࡀ ࡂࡉࡍࡆࡀ ࡖࡏࡅࡕࡓࡉࡀ ࡌࡍ ࡓࡉࡔ ࡁࡓࡉࡔ
0775 ࡎ ࡀ
0776 . ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ
0777 ࡉࡀࡄࡉࡀ ࡉࡅࡄࡀࡍࡀ ࡁࡓ ࡀࡃࡀࡌ ࡆࡉࡄࡓࡅࡍ ࡁࡄࡀࡍࡀࡕࡀ
0778 ࡁࡉࡓࡉࡊࡕࡀ ࡖࡀࡁࡀ ࡄࡅࡀࡁࡇ ࡅࡓࡁࡀࡁࡇ ࡀࡓࡁࡀ ࡓࡀࡆࡉࡀ
0779 . ࡅࡄࡀࡉࡆࡀࡊ ࡁࡓࡀࡊࡉࡍࡅࡍ ࡅࡎࡀࡃࡓࡉࡍࡅࡍ ࡋࡀࡋࡌࡉࡀ ࡖ ࡍࡄࡅࡓࡀ
0780 ࡅࡏࡍࡉࡀࡍࡀ ࡓࡌࡀࡋࡅࡍ ࡏࡋ ࡀࡓࡁࡀ ࡓࡀࡆࡉࡀ ࡅࡀࡌࡀࡓࡋࡅࡍ
0781 ࡁࡓࡉࡊࡉࡕࡅࡍ ࡅࡌࡔࡀࡁࡉࡕࡅࡍ ࡅࡌࡒࡀࡉࡌࡉࡕࡅࡍ ࡅࡁࡓࡉࡊ
0782 ࡌࡉࡌࡓࡀ ࡖࡀࡁࡀ ࡅࡁࡉࡓࡉࡊࡕࡀ ࡖࡁࡓࡀࡊࡉࡍࡅࡍ ࡋࡌࡀࡋࡊࡉࡀ
0783 ࡌࡍ ࡓࡉࡔ ࡁࡓࡉࡔ ࡁࡓࡉࡊࡀ ࡅࡌࡔࡀࡁࡀ ࡍࡀࡑࡉࡓࡅࡕࡀ
0784 ࡖࡀࡓࡁࡀ ࡂࡅࡐࡍࡉࡀ ࡄࡅࡀࡕ ࡅࡏࡕࡒࡀࡉࡌࡀࡕ ࡅࡆࡀࡊࡏ/ࡅࡆࡀࡊࡉࡀ#2#/
0785 ࡍࡀࡑࡓࡅࡕࡀ ࡒࡀࡃࡌࡀࡉࡕࡀ ࡅࡆࡀࡊࡉࡍ ࡌࡀࡋࡊࡉࡀ ࡖࡍࡄࡅࡓࡀ
0786 ࡅࡄࡉࡉࡀ ࡆࡀࡊࡉࡍ ࡎ ࡀ
0787 ࡎ ࡀ
0788 . ࡅࡄࡀࡉࡆࡀࡊ ࡀࡓࡁࡀ ࡓࡀࡆࡉࡀ ࡏࡍࡉࡀࡍࡀ ࡓࡌࡅࡋࡇ ࡅࡀࡌࡀࡓࡅࡋࡇ
0789 ࡃࡍࡀ ࡆࡉࡅࡀࡊ ࡅࡐࡓࡀࡔ ࡍࡄࡅࡓࡀࡊ . ࡕࡅࡌ ࡕࡉࡕࡉࡁࡓࡉࡊ ࡀࡍࡀࡕ
0790 ࡀࡁࡅࡍ ࡁࡄࡀࡊ ࡁࡉࡓࡉࡊࡕࡀ ࡖࡏࡕࡉࡁࡓࡉࡊࡁࡀ ࡍࡑࡀࡁ
0791 ࡆࡉࡅࡀ ࡊࡀࡎࡉࡀ ࡅࡆࡉࡅࡀ ࡖࡌࡉࡕࡉ{{̊}}^ࡒ^ࡓࡉࡀ ࡄࡀࡌ ࡆࡉࡅࡀ ࡅࡕࡀࡓ
0792 ࡅࡔࡀࡓ ࡉࡀࡓࡃࡍࡀ ࡊࡀࡎࡉࡀ . ࡕࡅࡌ ࡕࡉࡕࡉࡁࡓࡉࡊ ࡀࡍࡀࡕ
0793 ࡀࡁࡅࡍ ࡉࡀࡄࡉࡀ ࡉࡅࡄࡀࡍࡀ ࡁࡓ ࡀࡃࡀࡌ ࡆࡉࡄࡓࡅࡍ ࡁࡄࡀࡊ
0794 ࡁࡉࡓࡉࡊࡕࡀ ࡖࡏࡕࡉࡁࡓࡉࡊࡁࡀ ࡕࡀࡓ ࡉࡀࡓࡃࡍࡀ ࡅࡕࡀࡓࡅࡀࡍ
0795 ࡅࡕࡀࡓ ࡓࡀࡆࡀ ࡊࡀࡎࡉࡀ ࡖࡕࡀࡓ ࡅࡕࡀࡓ ࡅࡍࡈࡀࡓ ࡅࡎࡄࡀࡒ
0796 ࡆࡉࡅࡀ ࡅࡃࡍࡀ ࡁࡀࡉࡀࡓ ࡔࡀࡍࡉࡀ . ࡕࡅࡌ ࡕࡉࡕࡉࡁࡓࡉࡊ ࡀࡍࡀࡕ
0797 ࡀࡁࡅࡍ ࡁࡄࡀࡊ ࡁࡉࡓࡉࡊࡕࡀ ࡖࡏࡕࡉࡁࡓࡉࡊࡁࡀ ࡕࡀࡍࡏࡉࡋ
0798 ࡊࡀࡎࡉࡀ ࡄࡀࡌ ࡆࡉࡅࡀ ࡏࡋ ࡀࡋࡌࡉࡀ . ࡕࡅࡌ ࡕࡉࡕࡉࡁࡓࡉࡊ
0799 ࡀࡍࡀࡕ ࡀࡁࡅࡍ ࡉࡀࡄࡉࡀ ࡉࡅࡄࡀࡍࡀ ࡁࡓ ࡀࡃࡀࡌ ࡆࡉࡄࡓࡅࡍ
0800 ࡁࡄࡀࡊ ࡁࡉࡓࡉࡊࡕࡀ ࡖࡏࡕࡉࡁࡓࡉࡊࡁࡀ ࡑࡉࡄࡌࡀࡕ ࡀࡉࡍࡀ
0801 ࡖࡌࡉࡍࡇ ࡄࡅࡀࡕ ࡄࡀࡃࡀࡍ ࡖࡄࡀࡌ ࡅࡁࡀࡓࡀࡕ ࡅࡏࡕࡓࡀࡅࡓࡁࡀࡕ
0802 ࡅࡂࡀࡍࡐࡀ ࡖࡆࡉࡅࡀ ࡑࡀࡓࡋࡀ ࡅࡄࡉࡉࡀ ࡌࡍ ࡄࡉࡉࡀ ࡋࡀࡁࡀࡈࡋࡉࡀ
0803 . ࡕࡅࡌ ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ ࡁࡄࡀ{{ࡓ}}ࡊ ࡁࡉࡓࡉࡊࡕࡀ
0804 ࡖࡏࡕࡉࡁࡓࡉࡊࡁࡀ ࡀࡉࡍࡀ ࡖࡆࡉࡅࡀ ࡖࡀࡋࡌࡉࡀ ࡅࡌࡀࡋࡊࡉࡀ ࡌࡉࡍࡇ
0805 ࡐࡓࡀࡔ ࡅࡄࡀࡉࡋࡀ ࡋࡉࡀࡓࡃࡍࡀ ࡍࡉࡓࡄࡀࡈ ࡅࡄࡉࡉࡀ ࡆࡀࡊࡏࡍ
0806 ࡎ ࡀ
0807 ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ
0808 ࡉࡀࡄࡉࡀ ࡉࡅࡄࡀࡍࡀ ࡁࡓ ࡀࡃࡀࡌ ࡆࡉࡄࡓࡅࡍ ࡅࡏࡍࡉࡀࡍࡀ
0809 ࡓࡌࡅࡋࡀࡊ ࡅࡀࡌࡀࡓࡅࡋࡀࡊ ࡀࡓࡁࡀ ࡓࡀࡆࡉࡀ ࡅࡀࡌࡀࡓࡅࡋࡀࡊ
0810 ࡃࡍࡀ ࡆࡉࡅࡀࡊ ࡅࡐࡓࡀࡔ ࡍࡄࡅࡓࡀࡊ ࡅࡎࡄࡀࡒ ࡀࡍࡀࡍࡀࡊ {{ࡅࡕࡓࡀࡅࡓࡀࡁࡕࡁ}}
0811 ࡅࡕࡓࡀࡅࡓࡁࡀࡕ ࡅࡄࡅ ࡏࡍࡉࡀࡍࡀ ࡓࡌࡀࡋࡅࡍ ࡏࡋ ࡀࡓࡁࡀ ࡓࡀࡆࡉࡀ
0812 ࡅࡀࡌࡀࡓࡋࡅࡍ ࡃࡍࡀ ࡆࡉࡅࡀࡉࡊࡅࡍ ࡖࡀࡁࡅࡄࡅࡍ ࡅࡀࡕࡀ ࡁࡄࡉࡋࡐࡀ ࡊࡀࡎࡉࡀ
0813 ࡃࡍࡀ ࡋࡄࡀࡌ ࡆࡉࡅࡀࡉࡊࡅࡍ ࡅࡕࡓࡀࡅࡓࡀࡁࡕࡅࡍ . ࡕࡅࡌ ࡕࡉࡕࡉࡁࡓࡉࡊ
0814 ࡀࡍࡀࡕ ࡀࡁࡅࡍ ࡉࡀࡄࡉࡀ ࡉࡅࡄࡀࡍࡀ ࡁࡓ ࡀࡃࡀࡌ ࡆࡉࡄࡓࡅࡍ ࡁࡄࡀࡍࡀࡕࡇ
0815 ࡏࡍࡉࡀࡍࡀ ࡖࡓࡌࡀࡋࡇ ࡍࡀࡐࡔࡉࡇ ࡅࡀࡌࡀࡓ ࡀࡍࡀ ࡄࡅ ࡍࡉࡁࡈࡀ
0816 ࡊࡀࡎࡉࡀ ࡖࡌࡍ ࡄࡉࡌࡀࡕ ࡓࡀࡆࡉࡀ ࡊࡀࡎࡉࡉࡀ ࡐࡉࡓࡔࡀࡕ ࡅࡍࡉࡁࡈࡀࡕ
0817 ࡅࡎࡉࡄࡒࡀࡕ ࡅࡎࡉࡋࡒࡀࡕ ࡀࡋࡌࡉࡀ ࡄࡉࡉࡀ ࡁࡃࡌࡅࡕࡇ ࡄࡀࡃࡉࡀ
0818 ࡌࡍ ࡓࡉࡔ ࡁࡓࡉࡔ ࡎ ࡀ
0819 . ࡅࡀࡌࡀࡓ ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡕࡅࡌ ࡕࡉࡕࡉࡁࡓࡉࡊ
0820 ࡀࡍࡀࡕ ࡀࡁࡅࡍ ࡁࡄࡀࡊ ࡁࡉࡓࡊࡕࡀ ࡖࡏࡕࡉࡁࡓࡉࡊࡁࡀ ࡀࡓࡁࡀ
0821 ࡓࡀࡆࡉࡀ ࡊࡀࡎࡉࡉࡀ ࡅࡍࡈࡀࡓ ࡁࡓ ࡎࡀࡄࡒࡉࡏࡉࡋ ࡅࡕࡀࡓ ࡓࡀࡆࡉࡀ
0822 ࡊࡀࡎࡉ^ࡉ^ࡀ . ࡕࡅࡌ ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ ࡉࡀࡄࡉࡀ ࡉࡅࡄࡀࡍࡀ
0823 ࡁࡓ ࡀࡃࡀࡌ ࡆࡉࡄࡓࡅࡍ ࡁࡄࡀࡊ ࡁࡉࡓࡉࡊࡕࡀ ࡖࡏࡕࡉࡁࡓࡉࡊࡁࡀ
0824 ࡑࡀࡅࡕࡀ ࡅࡁࡄࡀࡊ ࡆࡉࡅࡀ ࡖࡌࡍ ࡉࡀࡓࡃࡍࡀ ࡐࡓࡀࡔ ࡅࡏࡕࡊࡀࡓࡀࡊࡁࡀ
0825 ࡁࡎࡉࡍࡃࡋࡅࡎ ࡅࡓࡉࡄࡀ ࡖࡄࡅࡀ ࡌࡍ ࡈࡅࡓࡀ ࡅࡎࡄࡀࡒ ࡅࡍࡁࡀࡈ
0826 ࡁࡓࡀࡆࡉࡀ ࡊࡅࡋࡄࡅࡍ ࡖࡌࡀࡑࡁࡅࡕࡀࡕࡀ ࡖࡌࡍ ࡉࡀࡌࡉࡍࡀࡉ ࡃࡉࡋࡉࡀ
0827 ࡌࡉࡑ<ࡈࡉ#2#>ࡁࡀࡕ ࡅࡓࡀࡅࡆࡉࡁࡇ ࡂࡅࡐࡍࡀ ࡖࡄࡉࡉࡀ ࡄࡅࡀ . ࡕࡅࡌ
0828 ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ ࡁࡄࡀࡊ ࡁࡉࡓࡉࡊࡕࡀ ࡖࡏࡕࡉࡁࡓࡉࡊࡁࡀ
0829 ࡀࡉࡀࡓ ࡅࡉࡀࡓࡃࡍࡀ ࡅࡀࡎࡀ ࡅࡏࡕࡂࡀࡃࡀࡋ ࡁࡓࡉࡄࡀ ࡖࡎࡉࡌࡀࡃࡓࡀ
0830 ࡖࡌࡍ ࡀࡎࡀ ࡄࡅࡀ ࡅࡍࡁࡀࡈ . ࡅࡄࡀࡉࡆࡀࡊ ࡗ ࡁࡓࡀࡊ ࡄࡀࡆࡉࡍ
0831 ࡁࡉࡓࡉࡊࡕࡀ ࡖࡋࡍࡀࡐࡔࡉࡇ ࡅࡁࡓࡀࡊࡉࡍࡅࡍ ࡋࡊࡅࡋࡄࡅࡍ ࡌࡀࡋࡊࡏ ࡅࡀࡌࡀࡓ
0832 ࡊࡅࡋࡌࡀࡍ ࡖࡍࡉࡕࡉࡒࡓࡉࡀ ࡅࡍࡉࡕࡉࡁࡓࡉࡊ ࡁࡄࡀࡆࡉࡍ ࡁࡉࡓࡉࡊࡕࡀ
0833 ࡖࡀࡓࡁࡀ ࡓࡀࡆࡉࡀ ࡌࡍ ࡊࡅࡋࡄࡅࡍ ࡌࡅࡌࡉࡀ ࡌࡉࡕࡐࡀࡓࡀࡒ ࡅࡀࡆࡀࡋ
0834 ࡅࡏࡕࡉࡁ ࡁࡄࡉࡋࡁࡅࡍࡉࡀ ࡅࡏࡕࡉࡊࡎࡉࡀ ࡌࡍ ࡏࡅࡕࡓࡉࡀ ࡅࡋࡅࡀࡕ
0835 ࡀࡋࡌࡉࡀ ࡊࡅࡋࡄࡅࡍ ࡏࡕࡉࡁࡓࡉࡊ ࡅࡍࡉࡓࡌࡅࡋࡀࡊ ࡏࡍࡉࡀࡍࡀ ࡅࡍࡉࡌࡀࡓࡅࡋࡀࡊ
0836 ࡀࡁࡅࡍ ࡁࡀࡓ ࡅࡕࡓࡀࡅࡓࡀࡁ ࡅࡄࡉࡉࡀ ࡆࡀࡊࡏࡉࡍ
0837 ࡎ ࡀ
0838 ࡁࡔࡅࡌࡀࡉࡄࡅࡍ ࡖࡄࡉࡉࡀ ࡓࡁࡉࡀ ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ ࡁࡄࡀࡊ
0839 ࡁࡉࡓࡊࡕࡀ ࡖࡎࡉࡌࡀࡕ ࡄࡉࡉࡀ {{ࡅࡎ}} ࡅࡁࡓࡉࡊ ࡅࡌࡔࡀࡁࡀ ࡆࡉࡅࡀ
0840 ࡖࡌࡉࡍࡇ ࡐࡉࡓࡔࡀࡕ ࡅࡁࡓࡉࡊࡉࡕ ࡅࡁࡓࡉࡊ ࡄࡉࡌࡀࡕ ࡓࡀࡆࡉࡀ
0841 ࡖࡐࡉࡓࡔࡀࡕ . ࡕࡅࡌ ࡕࡉࡕࡉࡁࡓࡉࡊ ࡀࡍࡀࡕ ࡀࡁࡅࡍ ࡁࡄࡀࡊ
0842 ࡁࡉࡓࡊࡕࡀ ࡖࡌࡀࡋࡀࡋࡀࡕ ࡎࡉࡌࡀࡕࡄࡉࡉࡀ ࡖࡕࡉࡌࡀࡓࡋࡇ ࡏࡕࡉࡀࡒࡓࡉࡕ
0843 ࡅࡌࡉࡕࡉࡀࡍ ࡆࡉࡅࡀ ࡐࡓࡀࡔ ࡏࡋ ࡀࡉࡍࡀ ࡅࡌࡀࡋࡊࡅࡕࡀ ࡖࡌࡉࡍࡇ
0844 ࡐࡉࡓࡔࡀࡕ ࡀࡍࡀࡕ ࡉࡀࡅࡀࡓ ࡓࡁࡀ ࡉࡀࡌࡉࡍࡀࡊ ࡃࡀࡊࡉࡀ ࡀࡎࡉࡌ
0845 ࡋࡊࡅࡋࡄࡅࡍ ࡌࡀࡋࡊࡉࡀ ࡖࡉࡀࡕࡁࡉࡍ ࡋࡉࡀࡌࡉࡍࡀࡊ ࡅࡋࡎࡌࡀࡋࡀࡊ ࡅࡄࡉࡉࡀ
0846 ࡆࡀࡊࡉࡍ ࡎ ࡀ
0847 . ࡅࡄࡀࡉࡆࡀࡊ ࡀࡁࡀࡕࡀࡓ ࡁࡉࡓࡉࡊࡕࡀ ࡖࡀࡓࡁࡀ ࡓࡀࡆࡉࡀ
0848 ࡁࡀࡓࡊࡉࡋࡇ ࡁࡁࡀࡓࡀࡊࡀࡕࡀ ࡖࡄࡉࡋࡉࡕࡀ ࡓࡀࡁࡕࡉࡀ ࡖࡊࡅࡋ
0849 ࡌࡀࡄࡅ ࡏࡌࡑࡉࡀ ࡄࡀࡉࡋࡀࡉࡄࡅࡍ ࡁࡀࡓࡊࡉࡀ ࡅࡄࡀࡉࡆࡀࡊ
0850 ࡁࡅࡕࡀ ࡖࡎࡀࡂࡉࡃࡍࡀ ࡔࡀࡄࡀࡁࡀࡍࡀ ࡅࡌࡔࡀࡁࡀࡍࡀ ࡏࡋ ࡄࡀࡊ
0851 ࡉࡀࡓࡃࡍࡀ ࡖࡌࡉࡍࡇ ࡄࡅࡀࡕ ࡕࡅࡔࡁࡉࡄࡕࡀ ࡅࡏࡕࡍࡀࡐࡀࡔ
0852 ࡆࡉࡅࡀ ࡋࡏࡅࡕࡓࡉࡀ ࡅࡒࡓࡅࡍ ࡌࡍ ࡉࡀࡓࡃࡍࡀ ࡁࡅࡊࡓࡀ ࡅࡊࡁࡉࡔ
0853 ࡄࡔࡅࡊࡀ ࡁࡏࡅࡌࡉࡀ ࡅࡕࡓࡉࡑ ࡍࡄࡅࡓࡀ ࡁࡃࡅࡊࡕࡇ ࡅࡎࡀࡉࡊࡅࡍࡉࡍ
0854 ࡅࡄࡀࡉࡆࡀࡊ ࡒࡀࡉࡉࡌࡉࡅࡍ ࡋࡐࡀࡕࡅࡓࡀ ࡋࡈࡀࡓࡉࡀࡍࡀ ࡅࡀࡌࡅࡓࡉࡅࡍ
0855 ࡕࡉࡕࡒࡀࡁࡀࡋ ࡈࡀࡁࡅࡕ ࡄࡉࡉࡀ ࡅࡈࡀࡁࡅࡕࡀ ࡖࡄࡉࡉࡀ
0856 ࡅࡌࡀࡍࡃࡀ ࡖࡄࡉࡉࡀ ࡅࡒࡓࡅࡍ ࡈࡀࡁ ࡈࡀࡁࡀ ࡋࡈࡀࡁࡇ{{ࡀ}}
0857 ࡀࡌࡅࡓࡉࡅࡍ ࡀࡁࡀࡄࡀࡕࡀࡍ ࡒࡀࡃࡌࡀࡉࡉࡀ ࡔࡀࡁࡉࡒ ࡄࡀࡈࡀࡉࡉࡀ
0858 ࡍࡉࡄࡅࡉࡋࡅࡍ ࡅࡊࡅࡋࡇ ࡁࡀࡓࡀࡊࡀࡕࡀ ࡁࡔࡅࡌࡇ ࡖࡏࡄࡀࡁ
0859 ࡈࡀࡁࡅࡕࡀ ࡅࡔࡃࡅࡍ ࡍࡉࡔࡌࡀࡕࡀ ࡖࡌࡀࡍࡃࡀࡉࡉࡀ ࡆࡉࡊࡓࡉࡀ
0860 ࡅࡍࡅࡒࡁࡀࡕࡀ ࡅࡍࡉࡔࡌࡀࡕࡀ ࡖࡕࡀࡓࡌࡉࡃࡉࡀ ࡅࡂࡀࡍࡆࡉࡁࡓࡉࡀ
0861 ࡅࡂࡉࡍࡆࡀࡉࡉࡀ ࡅࡓࡉࡔ ࡀࡌࡉࡀ ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡅࡍ
0862 . ࡅࡄࡀࡉࡆࡀࡊ ࡒࡓࡅࡍ ࡍࡄࡀࡓ ࡂࡅࡐࡍࡉࡀ ࡁࡂࡅ ࡌࡉࡀ
0863 ࡅࡏࡄࡀࡁࡋࡅࡍ ࡊࡀࡎࡀ ࡖࡄࡀࡌࡓࡀ ࡋࡁࡀࡓࡅࡊࡀࡉࡉࡀ ࡖࡌࡍ
0864 ࡒࡅࡃࡀࡌ ࡈࡀࡁ ࡈࡀࡁࡀ ࡋࡈࡀࡁࡇ . ࡗ ࡌࡎࡀࡉࡊࡉࡕࡅࡍ
0865 ࡍࡉࡔࡌࡀࡕࡀ ࡖࡓࡉࡔ ࡀࡌࡉࡀ ࡊࡅࡋࡄࡅࡍ ࡕࡀࡓࡌࡉࡃࡉࡀ
0866 ࡅࡁࡀࡓࡅࡊࡀࡉࡉࡀ ࡓࡀࡌࡉࡍ ࡄࡀࡆࡉࡍ ࡏࡍࡉࡀࡍࡀ . ࡁࡔࡅࡌࡀ
0867 ࡖࡄࡉࡉࡀ ࡓࡁࡉࡀ ࡁࡉࡅࡌࡀ ࡖࡀࡎࡂࡉࡀ ࡄࡉࡁࡉࡋ ࡋࡅࡀࡕ ࡉࡀࡅࡀࡓ
0868 ࡅࡍࡉࡎࡀࡉࡊࡅࡍࡇ ࡅࡉࡀࡄࡁࡉࡋࡇ ࡀࡎࡀ ࡋࡂࡀࡍࡆࡉࡁࡓࡀ . ࡅࡄࡀࡉࡆࡀࡊ
0869 ࡂࡀࡍࡆࡉࡁࡓࡀ ࡓࡀࡌࡉࡋࡅࡍ ࡏࡍࡉࡀࡍࡀ ࡖࡀࡎࡀ ࡀࡎࡀ ࡌࡀࡋࡊࡀ
0870 ࡍࡉࡎࡁࡇ ࡅࡍࡀࡎࡉࡁ ࡀࡎࡀ ࡌࡍ ࡕࡀࡓࡌࡉࡃࡉࡀ ࡅࡍࡉࡎࡀࡉࡊࡇ
0871 ࡅࡍࡉࡌࡀࡓ ࡊࡅࡋ ࡌࡀࡍ ࡖࡁࡓࡉࡄࡀࡊ ࡍࡀࡓࡄࡀ ࡔࡉࡕࡉࡍ
0872 ࡄࡀࡈࡀࡉࡉࡀ ࡊࡀࡃࡓࡉࡀ ࡌࡉࡍࡇ ࡍࡀࡕࡓࡉࡍ ࡅࡍࡀࡓࡄࡀ ࡍࡀࡐࡔࡉࡇ
0873 ࡅࡄࡀࡍࡀࡕࡇ ࡖࡏࡑࡈࡁࡀ ࡌࡀࡓࡉࡀ ࡆࡉࡃࡒࡀ ࡁࡓࡉࡊࡀ
0874 ࡅࡊࡅࡋࡄࡅࡍ ࡁࡀࡓࡅࡊࡀࡉࡉࡀ ࡅࡕࡀࡓࡌࡉࡃࡉࡀ ࡅࡌࡀࡍࡃࡀࡉࡉࡀ ࡆࡉࡊࡓࡉࡀ
0875 ࡅࡍࡅࡒࡁࡀࡕࡀ ࡍࡀࡓࡄࡀࡋࡅࡍ ࡅࡍࡉࡎࡀࡉࡊࡀ . ࡅࡄࡀࡉࡆࡀࡊ ࡒࡓࡅࡍ
0876 ࡏࡍࡉࡀࡍࡀ ࡋࡃࡓࡀࡁࡔࡉࡀ ࡅࡊࡎࡉࡍࡅࡍ ࡅࡀࡅࡒࡀࡓ ࡕࡀࡂࡀࡉࡊࡅࡍ
0877 ࡅࡄࡉࡉࡀ ࡆࡀࡊࡉࡍ ࡋࡊࡅࡋࡄࡅࡍ ࡏࡅࡁࡀࡃࡉࡀ ࡎ ࡀ
0878 . ࡅࡄࡀࡉࡆࡀࡊ ࡄࡀࡍࡀࡕࡇ ࡖࡏࡑࡈࡁࡀ ࡏࡅ ࡌࡀࡍࡃࡀࡉࡀ ࡄࡅ
0879 ࡁࡀࡓࡉࡊ ࡋࡌࡀࡓࡇ ࡅࡕࡀࡉࡉࡁ ࡏࡅ ࡌࡀࡓࡇ ࡕࡀࡂࡀ ࡄࡅ
0880 ࡁࡀࡉࡉࡀ ࡓࡀࡄࡌࡉࡀ ࡕࡋࡀࡕࡀ ࡆࡉࡁࡍࡉࡀ ࡁࡉࡅࡌࡀ ࡊࡅࡋ ࡌࡀࡄࡅ
0881 ࡖࡌࡑࡉࡀ ࡄࡀࡉࡋࡇ ࡅࡄࡀࡉࡆࡀࡊ ࡁࡉࡅࡌࡀ ࡖࡄࡀࡁࡔࡀࡁࡀ
0882 ࡑࡀࡁࡉࡋࡇ ࡂࡀࡍࡆࡉࡁࡓࡀ ࡌࡀࡑࡁࡅࡕࡀ ࡋࡄࡃࡀࡉࡕࡀ ࡌࡀࡑࡁࡅࡕࡀ
0883 ࡆࡄࡀࡓࡀࡉࡕࡀ ࡕࡉࡄࡅࡉࡀ ࡅࡍࡉࡒࡀࡉࡉࡌ ࡆࡉࡃࡒࡀ ࡁࡓࡉࡊࡀ
0884 ࡅࡄࡉࡉࡀ ࡓࡁࡉࡀ ࡄࡀࡉࡀࡎࡉࡀ ࡄࡉࡍࡅࡍ
0885 ࡎ ࡀ
0886 . ࡕࡅࡌ ࡔࡀࡓࡄ ࡖࡄࡀࡌࡔࡉࡍ ࡌࡀࡑࡁࡅࡕࡉࡀࡕࡀ ࡁࡓࡉࡔ
0887 ࡉࡅࡌࡀ ࡖࡔࡀࡐࡕࡀ ࡀࡁࡅࡃࡉࡅࡍ ࡕࡋࡀࡕࡀ ࡃࡀࡓࡉࡀ ࡅࡉࡅࡌࡀ ࡖࡄࡀࡁࡔࡀࡁࡀ
0888 ࡑࡁࡅࡍ ࡂࡀࡍࡆࡉࡁࡓࡉࡀ ࡅࡕࡀࡓࡌࡉࡃࡉࡀ ࡄࡀࡅࡉࡍ ࡔࡅࡁࡀ
0889 ࡅࡑࡁࡅࡍ ࡌࡀࡕࡉࡓࡀ ࡀࡉࡀࡊ ࡌࡀࡑࡁࡅࡕࡀ ࡓࡀࡁࡕࡉࡀ ࡋࡁࡓ
0890 ࡌࡍ ࡏࡍࡉࡀࡍࡉࡀ ࡄࡀࡍࡉࡊ ࡖࡒࡀࡓࡉࡍ ࡋࡓࡉࡔࡉࡇ ࡖࡄࡀࡊ
0891 ࡖࡌࡉࡑࡈࡁࡀ ࡀࡁࡀࡕࡀࡓ ࡄࡀࡕࡀࡌࡀࡕࡀ ࡖࡒࡀࡓࡉࡍ ࡋࡀࡍࡉࡒࡓࡉࡍࡅࡍ
0892 ࡄࡉࡍࡉࡋࡀ ࡌࡀࡑࡁࡅࡕࡀ ࡆࡄࡉࡓࡀࡉࡕࡀ ࡕࡉࡄࡅࡉࡀ ࡁࡊࡅࡋࡄࡅࡍ
0893 ࡆࡄࡀࡓࡉࡀ ࡗ ࡃࡊࡉࡓ ࡅࡌࡀࡐࡓࡀࡔ ࡁࡌࡀࡑࡁࡅࡕࡀ ࡓࡀࡁࡕࡉࡀ
0894 ࡅࡄࡀࡉࡆࡀࡊ ࡄࡀࡕࡌࡀ ࡖࡄࡀࡌࡔࡉࡍ ࡑࡀࡁࡀࡋࡇ ࡂࡀࡍࡆࡉࡁࡓࡀ
0895 ࡌࡀࡑࡁࡅࡕࡀ ࡔࡅࡌࡀࡉࡕࡀ ࡖࡀࡉࡀࡓ ࡅࡁࡄࡀࡊ ࡉࡅࡌࡀ ࡖ
0896 ࡄࡀࡁࡔࡀࡁࡀ ࡑࡀࡁࡉࡕࡅࡋࡇ ࡗ ࡌࡎࡀࡉࡊࡉࡕࡅࡍ ࡔࡅࡁࡀ
0897 ࡆࡉࡁࡍࡉࡀ ࡁࡔࡅࡁࡀ ࡕࡀࡓࡌࡉࡃࡉࡀ ࡅࡂࡀࡍࡆࡉࡁࡓࡉࡀ ࡖࡄࡀࡅࡉࡍ
0898 ࡀࡓࡁࡉࡍ ࡅࡕࡔࡀ ࡌࡀࡑࡁࡅࡕࡉࡀࡕࡀ ࡅࡌࡀࡑࡁࡅࡕࡀ ࡖࡀࡉࡀࡓ
0899 ࡖࡄࡀࡅࡉࡍ ࡄࡀࡌࡔࡉࡍ ࡌࡀࡑࡁࡅࡕࡉࡀࡕࡀ ࡅࡒࡀࡉࡉࡌࡉࡅࡍ ࡆࡉࡃࡒࡀ
0900 ࡁࡓࡉࡊࡀ ࡏࡋࡇ ࡅࡄࡉࡉࡀ ࡆࡀࡊࡉࡍ ࡎ ࡀ
0901 . ࡕࡅࡌ ࡔࡀࡓࡄ ࡖࡌࡀࡑࡁࡅࡕࡀ ࡖࡔࡅࡁࡀ ࡕࡀࡓࡌࡉࡃࡉࡀ ࡄࡀࡃ
0902 ࡌࡀࡑࡁࡅࡕࡀ ࡌࡀࡕࡉࡓࡀ ࡕࡉࡄࡅࡉࡀ ࡂࡀࡍࡆࡉࡁࡓࡀ ࡅࡕࡀࡓࡌࡉࡃࡉࡀ
0903 ࡔࡅࡁࡀ ࡄࡀࡅࡉࡍ ࡄࡀࡌ ࡌࡀࡑࡁࡅࡕࡅࡍ ࡆࡄࡉࡓࡀࡉࡕࡀ ࡗ ࡖࡌࡀࡐࡓࡀࡔ
0904 ࡅࡎࡀࡉࡊࡀ ࡅࡄࡕࡅࡌࡉࡅࡍ ࡏࡋࡇ ࡆࡉࡃࡒࡀ ࡁࡓࡉࡊࡀ ࡅࡌࡉࡕࡐࡀࡓࡀࡒ
0905 ࡅࡓࡀࡄࡌࡉࡀ ࡁࡀࡉࡉࡀ ࡌࡀࡄࡅ ࡏࡌࡑࡉࡀ ࡄࡀࡉࡋࡇ ࡅࡌࡉࡑࡈࡉࡁ
0906 ࡌࡀࡑࡁࡅࡕࡀ ࡋࡄࡅࡃࡀࡉࡕࡀ ࡅࡀࡁࡉࡃ ࡆࡉࡃࡒࡀ ࡁࡓࡉࡊࡀ ࡅࡄࡉࡉࡀ ࡆࡀࡊࡉࡍ
0907 ࡎ ࡀ
0908 ࡕࡅࡌ ࡔࡀࡓࡄ ࡌࡀࡑࡁࡅࡕࡀ ࡋࡄࡉࡃࡀࡉࡕࡀ ࡉࡅࡌࡀ ࡖࡔࡀࡐࡕࡀ ࡀࡁࡅࡃࡉࡅࡍ
0909 ࡕࡋࡀࡕࡀ ࡃࡀࡓࡉࡀ ࡅࡌࡉࡑࡈࡉࡁࡉࡀ ࡉࡅࡌࡀ ࡖࡄࡀࡁࡔࡀࡁࡀ ࡅࡄࡀࡉࡆࡀࡊ
0910 ࡂࡀࡍࡆࡉࡁࡓࡀ ࡑࡀࡁࡀࡋࡇ ࡄࡀࡃ ࡌࡀࡑࡁࡅࡕࡀ ࡆࡄࡀࡓࡀࡉࡕࡀ ࡕࡉࡄࡅࡉࡀ
0911 ࡄࡀࡕࡉࡌࡋࡀ ࡁࡆࡉࡃࡒࡀ ࡁࡓࡉࡊࡀ ࡅࡄࡉࡉࡀ ࡆࡀࡊࡏࡉࡍ
0912 ࡎ ࡀ
0913 . ࡕࡅࡌ ࡔࡀࡓࡄ ࡖࡌࡀࡑࡁࡅࡕࡀ ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡁࡓࡉࡔ
0914 ࡀࡁࡅࡃࡉࡅࡍ ࡕࡋࡀࡕࡀ ࡃࡀࡓࡉࡀ ࡅࡏࡑࡈࡉࡁࡉࡅࡍ ࡉࡅࡌࡀ ࡖࡔࡀࡐࡕࡀ ࡕࡅࡌ
0915 ࡉࡅࡌࡀ ࡖࡄࡀࡁࡔࡀࡁࡀ ࡁࡅࡍ ࡓࡀࡄࡌࡉࡀ ࡅࡃࡓࡅࡍ ࡊࡅࡔࡈࡀ ࡌࡍ
0916 ࡔࡂࡀࡍࡃࡀ ࡅࡋࡀࡌࡀࡅࡒࡉࡓࡉࡕࡅࡍ ࡕࡀࡂࡀࡉࡊࡅࡍ ࡅࡀࡉࡕࡅࡍ ࡈࡀࡓࡉࡀࡍࡀ
0917 ࡅࡎࡀࡃࡓࡅ ࡁࡊࡅࡋࡄࡉࡍ ࡎࡀࡃࡓࡀࡕࡀ ࡅࡊࡅࡋ ࡌࡀࡄࡅ ࡖࡏࡌࡑࡉࡀ
0918 ࡄࡀࡉࡋࡀࡉࡊࡅࡍ ࡌࡍ ࡌࡉࡅࡉࡀ ࡄࡅࡓࡉࡍࡉࡀ ࡅࡎࡀࡃࡓࡅ ࡏࡋ ࡍࡉࡀࡓࡀ
0919 ࡅࡋࡅࡐࡉࡅࡍ ࡅࡒࡀࡉࡉࡌࡉࡅࡍ ࡅࡀࡅࡒࡉࡓࡉࡅࡍ ࡕࡀࡂࡀࡉࡊࡅࡍ ࡅࡀࡎࡂࡅࡍ ࡏࡋ
0920 ࡋࡃࡓࡀࡁࡔࡀ ࡋࡊࡉࡐࡇ ࡖࡉࡀࡓࡃࡍࡀ ࡅࡂࡀࡍࡆࡉࡁࡓࡀ ࡋࡀࡂࡉࡈ ࡉࡀࡓࡃࡍࡀ
0921 ࡑࡀࡁࡀࡋࡇ ࡕࡀࡓࡕࡉࡍ ࡌࡀࡑࡁࡅࡕࡉࡀࡕࡀ ࡄࡀࡃ ࡆࡄࡀࡓࡀࡉࡕࡀ
0922 ࡄࡀࡅࡉࡀ ࡒࡃࡉࡌࡕࡀ ࡅࡄࡀࡃ ࡄࡀࡅࡉࡀ ࡔࡅࡌࡀࡉࡕࡀ ࡅࡆࡄࡉࡓࡀࡉࡕࡀ
0923 ࡗ ࡌࡀࡐࡓࡉࡔࡀ ࡁࡊࡅࡋࡄࡉࡍ ࡆࡄࡀࡓࡉࡀ ࡑࡁࡅࡍ ࡅࡔࡅࡌࡀࡉࡕࡀ
0924 ࡋࡁࡓ ࡌࡍ ࡆࡄࡀࡓࡉࡀ ࡗ ࡌࡎࡀࡉࡉࡊ ࡕࡀࡓࡕࡉࡍ ࡌࡀࡑࡁࡅࡕࡉࡀࡕࡀ
0925 ࡅࡄࡀࡉࡆࡀࡊ ࡕࡓࡅࡑࡉࡅࡍ ࡈࡀࡓࡉࡀࡍࡀ ࡅࡋࡅࡐࡉࡅࡍ ࡗ ࡖࡌࡀࡐࡓࡀࡔ
0926 ࡅࡀࡁࡅࡃࡉࡅࡍ ࡏࡋࡇ ࡆࡉࡃࡒࡀ ࡁࡓࡉࡊࡀ ࡅࡁࡅࡓࡊࡅࡉࡀ ࡅࡌࡉࡕࡐࡀࡓࡀࡒ
0927 ࡌࡍ ࡌࡉࡄࡉࡕࡀ ࡖࡄࡉࡅࡉࡀ ࡅࡄࡉࡅࡀࡕࡀ ࡅࡐࡀࡓࡒࡉࡕࡀ ࡅࡃࡅࡌࡃࡅࡌ
0928 ࡁࡊࡅࡋࡄࡉࡍ ࡁࡀࡅࡀࡕࡀ ࡅࡐࡉࡄࡕࡀࡍࡉࡀ ࡅࡁࡅࡕࡀ ࡖࡄࡉࡋࡉࡕࡀ ࡁࡄࡀࡆࡉࡍ
0929 ࡆࡉࡃࡒࡀ ࡁࡓࡉࡊࡀ ࡖ ࡊࡅࡋࡄࡉࡍ ࡌࡀࡑࡁࡅࡕࡉࡀࡕࡀ ࡁࡓࡅࡊࡉࡅࡍ
0930 ࡏࡋࡇ ࡐࡉࡄࡕࡀࡍࡉࡀ ࡅࡄࡉࡋࡉࡕࡀ ࡅࡊࡅࡋࡄࡅࡍ ࡏࡍࡉࡀࡍࡉࡀ ࡗ ࡌࡀࡐࡓࡀࡔ
0931 ࡅࡄࡉࡉࡀ ࡆࡀࡊࡉࡍ ࡎ ࡀ
0932 ࡕࡅࡌ ࡗ ࡉࡀࡃࡉࡕࡅࡍ ࡉࡀ ࡀࡄࡀࡍ ࡖࡋࡀࡅࡐࡀ ࡖࡊࡅࡋࡄࡉࡍ ࡌࡀࡑࡁࡅࡕࡉࡀࡕࡀ
0933 ࡅࡌࡀࡎࡉࡒࡀࡕࡀ ࡗ ࡄࡃࡀࡃࡉࡀ ࡄࡅࡍ ࡋࡉࡕࡁࡇ ࡄࡀࡑࡉࡓ ࡅࡁࡑࡉࡓ
0934 ࡁࡎࡀࡉࡀࡊࡕࡀ ࡖࡓࡀࡄࡌࡉࡀ ࡋࡀࡅࡐࡀ ࡋ^ࡀ^ࡅࡐࡅࡉࡀ ࡋࡄࡀࡊ ࡍࡉࡔࡉࡌࡕࡀ
0935 ࡖࡑࡀࡁࡕࡅࡋࡇ ࡅࡗ ࡌࡎࡀࡉࡊࡉࡕࡅࡍ ࡌࡀࡑࡁࡅࡕࡀࡉࡊࡅࡍ ࡄࡀࡌ
0936 ࡕࡓࡅࡑࡉࡅࡍ ࡈࡀࡓࡉࡀࡍࡀ ࡅࡋࡅࡐࡉࡅࡍ ࡅࡀࡁࡅࡃࡉࡅࡍ ࡆࡉࡃࡒࡀ ࡁࡓࡉࡊࡀ
0937 ࡄࡉࡍࡉࡋࡀ ࡏࡅ ࡋࡀࡅࡐࡀ ࡖࡌࡀࡑࡁࡅࡕࡀ ࡄࡅ ࡀࡌࡅࡓࡉࡅࡍ ࡍࡉࡔࡉࡌࡕࡇ
0938 ࡖࡐࡋࡀࡍ ࡁࡓ ࡐࡋࡀࡍࡉࡕࡀ ࡁࡄࡀࡆࡉࡍ ࡌࡀࡑࡁࡅࡕࡀ ࡅࡌࡀࡎࡉࡒࡕࡀ
0939 ࡏࡅ ࡌࡀࡎࡉࡒࡕࡀ ࡄࡏ ࡀࡌࡅࡓࡉࡅࡍ ࡄࡀࡆࡉࡍ ࡌࡀࡎࡉࡒࡕࡀ
0940 ࡏࡅ ࡌࡀࡑࡁࡅࡕࡀ ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡄࡏ ࡀࡌࡅࡓࡉࡅࡍ
0941 ࡁࡄࡀࡆࡉࡍ ࡌࡀࡑࡁࡅࡕࡀ ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ ࡖ ࡄࡀࡆࡀ
0942 ࡌࡀࡎࡉࡒࡕࡀ ࡅࡁࡍࡉࡄࡀࡉࡉࡕ ࡅࡑࡀࡋࡀࡉࡉࡕ ࡅࡆࡀࡄࡓࡅࡕࡀ
0943 ࡀࡁࡅࡃࡉࡅࡍ ࡀࡌࡉࡍࡈࡅࡋ ࡏࡅ ࡌࡕࡀࡒࡍࡀ ࡌࡀࡑࡁࡅࡕࡀࡉࡊࡅࡍ
0944 ࡔࡀࡁࡉࡒ ࡄࡀࡈࡀࡉࡉࡀ ࡍࡉࡄࡅࡉࡋࡊࡅࡍ ࡋࡃࡉࡋࡊࡅࡍ ࡅࡋࡄࡀࡊ ࡖ
0945 ࡏࡑࡈࡁࡀ ࡏࡅ ࡄࡀࡅࡉࡀ ࡔࡅࡂࡉࡀࡍࡀ ࡌࡄࡉࡕࡀ ࡄࡏ ࡏࡋ
0946 ࡕࡀࡓࡕࡉࡍࡅࡍ ࡄࡀࡊ ࡖࡑࡀࡁࡀ ࡅࡄࡀࡊ ࡖࡌࡉࡑࡁࡀ ࡀࡌࡉࡍࡈࡅࡋ
0947 ࡖࡄࡀࡃ ࡋࡉࡂࡓࡀࡉࡊࡅࡍ ࡁࡈࡅࡓࡀ ࡅࡄࡀࡃ ࡁࡉࡀࡌࡀ ࡅࡏࡃࡀࡉࡊࡅࡍ
0948 ࡁࡍࡅࡓࡀ ࡏࡆࡃࡀࡄࡀࡓࡉࡅࡍ ࡅࡏࡆࡃࡀࡄࡀࡓࡉࡅࡍ ࡅࡏࡆࡃࡀࡄࡀࡓࡉࡅࡍ
0949 ࡁࡊࡅࡋࡄࡉࡍ ࡏࡁࡉࡃࡀࡕࡊࡅࡍ ࡅࡄࡉࡉࡀ ࡆࡀࡊࡏࡉࡍ
0950 ࡎ ࡀ
0951 ࡄࡀࡆࡉࡍ ࡔࡀࡓࡄ ࡖࡌࡀࡑࡁࡅࡕࡀ ࡄࡏ ࡓࡀࡁࡕࡉࡀ ࡖࡄࡏ ࡕࡋࡀࡕࡌࡀ
0952 ࡅࡔࡉࡕࡉࡍ ࡌࡀࡑࡁࡅࡕࡉࡀࡕࡀ ࡅࡄࡀࡌࡔࡉࡍ ࡌࡀࡑࡁࡅࡕࡉࡀࡕࡀ ࡅࡔࡀࡁࡀ
0953 ࡌࡀࡑࡁࡅࡕࡉࡀࡕࡀ ࡖࡌࡀࡕࡉࡓࡀ ࡅࡌࡀࡑࡁࡅࡕࡀ ࡖࡆࡉࡄࡓࡅࡍ ࡓࡀࡆࡀ ࡊࡀࡎࡉࡀ
0954 ࡅࡌࡀࡑࡁࡅࡕࡀ ࡋࡉࡄࡃࡀࡉࡕࡀ ࡖࡀࡍࡎࡉࡕ ࡀࡍࡀ ࡀࡍࡉࡀ ࡅࡃࡀࡍࡉࡀ ࡅࡌࡉࡀࡍࡒࡀ
0955 ࡆࡅࡈࡀ ࡖࡀࡄࡀࡉ ࡕࡀࡓࡌࡉࡃࡉࡀ ࡅࡂࡀࡍࡆࡉࡁࡓࡉࡀ ࡅࡀࡒࡀࡐࡓࡀ ࡖࡀࡕࡅࡕࡉࡀ ࡋࡉࡂࡓࡀࡉ
0956 ࡄࡅࡍ ࡖࡍࡀࡎࡀࡊࡉࡀ ࡀࡍࡀ ࡉࡀࡄࡉࡀ ࡉࡅࡄࡀࡍࡀ ࡁࡓ ࡓࡁࡀࡉ ࡆࡉࡄࡓࡅࡍ ࡀࡃࡀࡌ
0957 ࡁࡓ ࡆࡉࡄࡓࡍ ࡁࡓ ࡃࡉࡆࡐࡅࡋࡉࡀ ࡁࡓ ࡔࡅࡂࡓࡉࡀ ࡁࡓ ࡍࡀࡑࡉࡓ ࡁࡓ
0958 ࡆࡀࡊࡓࡉࡀ ࡌࡍ ࡁࡍࡉࡀ {{ࡎࡀ}} ࡃࡉࡄࡃࡀࡓࡉࡀ ࡊࡉࡍࡉࡀࡍࡇ ࡎࡀࡁࡅࡓ ࡖࡀࡍࡎࡉࡕ
0959 ࡌࡍ ࡊࡕࡀࡁࡀ ࡖࡏࡃࡀ ࡖࡓࡁࡀࡉ ࡎࡀࡌ ࡉࡅࡄࡀࡍࡀ ࡁࡓ ࡉࡀࡄࡉࡀ ࡀࡃࡀࡌ
0960 ࡁࡓ ࡁࡉࡄࡓࡀࡌ ࡆࡉࡄࡓࡅࡍ ࡁࡓ ࡀࡃࡀࡌ ࡉࡅࡄࡀࡍࡀ ࡁࡓ ࡆࡉࡃ ࡁࡓ ࡎࡀࡌ
0961 ࡁࡓ ࡁࡉࡄࡓࡀࡌ ࡁࡓ ࡓࡁࡀࡉ ࡀࡃࡀࡌ ࡊࡉࡍࡉࡀ^ࡍࡇ^ ࡀࡎࡉࡊࡉࡓ ࡖࡀࡍࡎࡀ ࡌࡍ
0962 ࡊࡕࡀࡁࡀ ࡖࡏࡃࡀ ࡖࡉࡀࡄࡉࡀ ࡓࡀࡌ ࡁࡓ ࡓࡁࡀࡉ ࡁࡉࡄࡓࡀࡌ ࡆࡉࡄࡓࡅࡍ
0963 ࡁࡓ ࡓࡁࡀࡉ ࡓࡀࡌ ࡁࡓ ࡉࡀࡄࡉࡀ ࡁࡀࡊࡕࡉࡀࡓ ࡁࡓ ࡓࡁࡀࡉ ࡀࡃࡀࡌ
0964 ࡌࡄࡀࡕࡀࡌ ࡁࡓ ࡓࡁࡀࡉ ࡁࡉࡄࡓࡀࡌ ࡁࡓ ࡄࡉࡉࡀ ࡊࡉࡍࡉࡀࡍࡇ ࡊࡅࡄࡀࡉࡋࡉࡀ
0965 ࡖࡄࡀࡋࡉࡍ ࡌࡀࡐࡓࡉࡔࡀࡍ ࡁࡃࡉࡅࡀࡍࡀࡍ ࡉࡀࡒࡉࡓࡉࡀ ࡅࡏࡍࡉࡀࡍࡉࡀ ࡅࡆࡄࡀࡓࡉࡀ
0966 ࡖࡌࡀࡑࡁࡅࡕࡀ ࡓࡀࡁࡕࡉࡀ ࡖࡄࡉࡁࡉࡋ ࡆࡉࡅࡀ ࡁࡂࡀࡅࡇ ࡏࡑࡈࡁࡀ ࡅࡏࡕࡐࡀࡓࡀࡒ
0967 ࡄࡕࡀࡌࡕࡇ ࡁࡉࡅࡌࡀ ࡄࡀࡌࡔࡀ ࡄࡀࡁࡔࡀࡁࡀ ࡅࡎࡓࡉࡍ ࡁࡉࡀࡄࡓࡀ
0968 ࡖࡌࡉࡑࡀࡉ^ࡀ^ ࡎࡉࡕࡅࡀ ࡖࡀࡃࡀࡓ ࡍࡅࡍࡀ ࡁࡔࡉࡃࡕࡀ ࡖࡄࡀࡌࡔࡀ ࡄࡀࡁࡔࡀࡁࡀ
0969 ࡋࡔࡍࡀࡕ ࡌࡀ ࡅࡔࡅࡁࡉࡍ ࡅࡀࡓࡁࡀ ࡀࡁࡀࡕࡀࡓ ࡀࡋࡐࡀ ࡖࡒࡀࡁࡉࡋࡉࡅࡍ
0970 ࡀࡓࡁࡀ{{ࡀ}}ࡉࡉࡀ ࡖࡀࡓࡀࡁ ࡀࡋࡌࡀ ࡏࡋࡀࡅࡀࡉࡄࡅࡍ ࡅࡁࡀࡈࡋࡇ ࡌࡀࡍࡃࡀ ࡖࡄࡉࡉࡀ
0971 ࡋࡓࡅࡂࡆࡀࡉࡄࡅࡍ ࡅࡋࡌࡄࡀࡔࡀࡁࡀࡕࡅࡍ ࡁࡉࡔࡀࡕࡀ ࡌࡍ ࡊࡅࡋࡇ ࡊࡀࡍࡀ ^ࡓࡁࡀ^ ࡖࡍࡉࡔࡌࡀࡕࡀ
0972 ࡅࡕࡅࡌ ࡀࡍࡎࡉࡕ ࡄࡀࡆࡉࡍ ࡔࡀࡓࡄÖµ ࡁࡌࡃࡉࡍࡕࡀ ࡖࡔࡅࡔࡕࡀࡓ ࡁࡁࡀࡉࡕࡀ
0973 ࡖࡏࡅࡎࡕࡀࡃ عࡀࡆࡉࡆ ࡁࡓ ࡎࡀࡐࡀࡓ ࡅࡀࡍࡀ ࡄࡅࡉࡕ ࡌࡍ ࡁࡍࡉࡀ ࡃࡉࡆࡐࡅࡋ
0974 ࡅࡄࡅࡀࡋࡉࡍ ࡁࡀࡉࡕࡀ ࡅࡀࡔÖµࡀ ࡁࡃࡉࡆࡐࡅࡋ ࡌࡍ ࡏࡃࡀ ࡖࡄࡃࡀ ࡁࡉࡔࡀ ࡖ
0975 ࡔÖµࡂࡅࡋ ࡅࡋࡉࡔࡀࡍࡀ ࡃࡅࡌ ࡂࡅࡃ ࡁࡉࡔࡅࡕࡀ ࡄࡅࡀ ࡌࡋࡉࡊ ࡒࡅࡃࡀࡌ
0976 ࡔࡉࡁࡉࡀࡄࡉࡀ ࡅࡁࡉࡔࡅࡕࡀ ࡖࡍࡀࡐࡔࡉࡇ ࡄࡀࡅࡉࡀ ࡁࡌࡍࡀࡕࡇ ࡅࡁࡉࡔࡅࡕࡇ
0977 ࡄࡀࡅࡉࡀ ࡁࡍࡀࡈࡓࡉࡀ ࡅࡀࡍࡀ ࡄࡅࡉࡕ ࡂࡀࡁࡓࡀ ࡂࡀࡍࡆࡉࡁࡓࡀ ࡊࡉࡕࡁࡉࡕ
0978 ࡃࡉࡅࡀࡍࡀࡍ ࡅࡔࡓࡅࡄ ࡅࡒࡌࡀࡄࡉࡀ ࡅࡔࡀࡐࡀࡕࡀ ࡅࡎࡉࡃࡓࡀࡓࡉࡀ ࡅࡊࡅࡋ
0979 ࡄࡆࡀࡕ ࡀࡉࡍࡀࡉ ࡋࡀࡔࡉࡁࡒࡉࡕ ࡌࡉࡍࡃࡀ ࡖࡋࡀࡊࡉࡕࡁࡉࡕ ࡁࡔࡅࡌࡀ
0980 ࡖࡍࡀࡐࡔࡀࡉ ࡅࡂࡀࡉࡓࡀࡉ ࡅࡓࡉࡄࡈࡉࡕ ࡏࡅࡌࡀࡌࡀ ࡅࡋࡉࡋࡉࡀ ࡁࡕࡀࡔࡀࡓࡔࡀ
0981 {{ࡅࡀࡁࡀ}} ࡅࡀࡄࡀ ࡖࡁࡉࡔࡅࡕࡀ ࡄࡀࡅࡉࡀ ࡂࡅࡃ ࡌࡍࡀࡕࡇ ࡋࡀࡎࡀࡐ
0982 ࡌࡍ ࡌࡀࡓࡀࡉ ࡅࡋࡀ ࡌࡍ ࡔࡅࡐࡓࡅࡊࡕࡀ ࡖࡀࡁࡃࡉࡕ ࡏࡅࡓࡊࡇ ࡅࡋࡀ ࡌࡍ
0983 ࡍࡀࡎࡀࡁࡅࡊࡕࡀ ࡖࡄࡅࡀࡕ ࡄࡀࡕࡀࡉ ࡒࡀࡓࡉࡀ ࡅࡁࡓࡀࡕࡇ ࡄࡅࡀࡕ ࡒࡀࡓ
0984 ࡁࡓࡀࡉ ࡅࡆࡂࡀ ࡒࡅࡃࡀࡌ ࡔࡉࡁࡉࡀࡄࡉࡀ ࡅࡁࡃࡀࡒ ࡏࡋࡀࡅࡀࡉ ࡖࡃࡀࡓࡉࡋࡀ
0985 ࡋࡍࡀࡅࡓࡀ ࡎࡒࡉࡋࡀ ࡖࡄࡅ ࡔࡀࡓࡔࡀࡉ ࡅࡄࡉࡉࡀ ࡒࡀࡃࡌࡀࡉࡉࡀ ࡅࡄࡉࡁࡉࡋ
0986 ࡅࡔࡉࡕࡉࡋ ࡅࡀࡍࡅࡔ ࡁࡕࡀࡊ ࡃࡅࡌࡀ ࡊࡀࡋࡑࡉࡋ ࡁࡉࡑࡅࡓࡀࡉ ࡌࡍ
0987 ࡂࡉࡈࡓࡀ ࡅࡀࡎࡀࡓࡉࡀ ࡖࡔࡉࡁࡉࡀࡄࡉࡀ ࡅࡀࡍࡀ ࡉࡀ ࡌࡀࡎࡊࡉࡍࡀ ࡔࡁࡀࡒࡕࡉࡋ
0988 ࡁࡀࡉࡕࡀࡉ ࡅࡏࡍࡕࡀࡉ ࡅࡉࡀࡍࡒࡀࡉ ࡅࡀࡕࡉࡕ ࡁࡔࡅࡔࡕࡀࡓ ࡏࡋ ࡁࡀࡉࡕࡀ
0989 ࡖࡏࡅࡎࡕࡀࡃ عࡀࡆࡉࡆ ࡎࡀࡐࡀࡓ ࡅࡕࡐࡀࡓࡅࡀࡄࡉࡀ ࡆࡀࡄࡓࡉࡍ ࡔࡅࡁࡀ
0990 ࡉࡀࡄࡓࡀࡓࡉࡀ ࡅࡀࡁࡀࡃ ࡂࡉࡍࡆࡀ ࡏࡅࡓࡊࡀ^ࡉ^ ࡔࡐࡉࡓࡅࡊࡕࡀ ࡅࡕࡅࡌ ࡀࡍࡀ {{ࡔࡀ}}
0991 ࡔࡀࡃࡓࡉࡕ ࡖࡀࡕࡅࡍ ࡉࡀࡍࡒࡀࡉ ࡅࡁࡀࡉࡕࡀࡉ ࡅࡄࡀࡁࡋࡉࡍ ࡏࡅࡎࡕࡀࡃ
0992 عࡀࡆࡉࡆ ࡀࡔÖµ ࡅࡉࡀࡕࡉࡌࡍࡀ ࡅࡕࡉࡊࡋࡀࡉࡀࡉ ࡏࡋࡀࡅࡉࡋ ࡌࡀࡓࡀࡉ ࡅࡕࡅࡌ
0993 ࡄࡅࡀࡋࡉࡍ ࡄࡃࡀ ࡁࡓࡀࡕࡀ ࡌࡍ ࡍࡒࡀࡔࡀ ࡖࡄࡋࡉࡐ ࡏࡋࡀࡅࡀ ࡌࡍ
0994 ࡔࡀࡓࡀࡉ ࡕࡀࡌࡀࡕ ࡀࡆࡀࡓ ࡃࡀࡓ ࡋࡀࡒࡉࡉࡅࡁࡀ ࡖࡀࡕࡉࡀ ࡄࡅࡀ ࡌࡍ
0995 عࡂࡅࡁ ࡄࡃࡀ ࡔࡉࡃࡕࡀ ࡆࡂࡀࡕ ࡂࡅࡃ ࡄࡉࡉࡀ ࡀࡁࡀࡄࡀࡕࡀ ࡅࡀࡍࡀ
0996 ࡋࡀࡄࡅࡉࡕ ࡒࡀࡓࡀ ࡅࡋࡏࡌࡀ ࡄࡅࡀࡕ ࡒࡀࡓࡀ ࡁࡉࡅࡌࡀ ࡖࡃࡀࡊࡉࡀ^ࡕࡀ^
0997 ࡀࡅࡀࡋ ࡔࡉࡕࡀ ࡖࡌࡃࡀࡊࡀ^ࡉ^ ࡆࡂࡀࡕ ࡁࡓࡅࡀࡄࡀ ࡖࡄࡉࡉࡀ ࡖࡄࡏ
0998 عࡀࡁࡃࡀ {{ࡔ}}^ࡔ^ࡅࡌࡀ ࡖࡌࡒࡀࡓࡉࡋࡇ ࡌࡀࡋࡅࡀࡔ ࡍࡅࡍࡀ ࡀࡍࡄࡀࡓ ࡐࡕ
0999 ࡎࡉࡌࡀࡕ ࡅࡏࡕࡋࡉࡍ ࡌࡉࡌࡓࡀ ࡂࡉࡍࡆࡀ ࡌࡍ ࡏࡃࡀ ࡕࡇ ࡁࡉࡔࡀ ࡖ
1000 ࡄࡅ ࡔÖ¶ࡂࡅࡋ ࡅࡔࡅࡌࡇ عࡀࡆࡉࡆ ࡁࡓ عࡀࡁࡃࡅࡋࡀࡄ ࡁࡓ ࡊࡉࡃࡉࡓ
1001 ࡅࡄࡅ ࡄࡀࡅࡉࡀ ࡁࡌࡍࡀࡕࡀ ࡖࡊࡀࡓࡉࡐࡅࡍ ࡎࡀࡓࡅࡐࡀ ࡅࡀࡎࡐࡉࡓࡕࡉࡀ ࡁࡏࡃࡀ
1002 ࡖࡌࡀࡓࡀࡉ ࡅࡌࡀࡍࡃࡀ ࡖࡄࡉࡉࡀ ࡗ ࡄࡔࡅࡊࡀ ࡌࡀࡄࡉࡀ ࡍࡄࡅࡓࡀ ࡎࡀࡌࡉࡊ
1003 ࡅࡗ ࡍࡄࡅࡓࡀ {{ࡎࡀ}}ࡌࡀ{{ࡊ}}ࡄࡉࡀ^ ࡋࡀࡉࡉࡕ ࡏࡍࡉࡔ ࡖࡎࡀࡌࡉࡊࡋࡇ ࡅࡋࡉࡁࡀࡉ ࡁࡌࡀࡓࡀࡉ
1004 ࡎࡌࡉࡊ ࡅࡀࡍࡀ ࡀࡉࡍࡀࡉ ࡌࡎࡀࡊࡉࡀࡋࡉࡋ ࡏࡅࡄࡓࡀ ࡖࡉࡅࡌࡀ ࡈࡀࡁࡀ
1005 ࡄࡀࡅࡉࡀ ࡖࡀࡍࡀ ࡎࡀࡋࡉࡒࡍࡀ ࡌࡍ ࡕࡉࡁࡉࡋ ࡅࡀࡉࡍࡀ^ࡉ^ ࡋࡄࡉࡉࡀ ࡀࡁࡀࡄࡀࡕࡀࡉ
1006 ࡎࡀࡊࡉࡀ ࡊࡅࡋ ࡌࡉࡍࡃࡀࡌ ࡒࡀࡋࡉࡋ ࡅࡁࡀࡎࡉࡌ ࡋࡁࡓ ࡌࡍ ࡁࡅࡕࡀ ࡅࡕࡅࡔࡁࡉࡄࡕࡀ
1007 ࡅࡕࡅࡔࡁࡉࡄࡕࡀ ࡅࡄࡉࡉࡀ ࡄࡃࡅࡍ ࡋࡀࡋࡀࡌ ࡀࡋࡌࡉࡀ ࡅࡄࡉࡉࡀ ࡆࡀࡊࡉࡍ ࡏࡋ
1008 ࡊࡅࡋࡄࡅࡍ ࡏࡅࡁࡀࡃࡉࡀ ࡎ ࡀ