← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
74701: VA 2984

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

1:01 ࡀࡎࡅࡕࡀ ࡅࡆࡓࡆࡕࡀ ࡅࡄࡕࡌࡕࡀ ࡕࡄࡅࡉࡋࡇ
1:02 ࡋࡁ̊ࡉ̊ࡕ̊ࡇ̊ ࡅࡃࡅࡓࡇ ࡅࡄࡉࡊࡋࡇ ࡅࡁࡉࡍࡉࡀࡍࡇ ࡖࡈࡉࡌࡀࡕࡀࡉࡅࡆ
1:03 ࡁࡓ ࡌࡀࡌࡀࡉ ࡂࡁࡓࡀ ࡅࡋࡆࡅࡇ ࡊࡅࡓࡉࡍࡉࡒ ࡐࡕ ࡀࡄࡀࡕ ࡏࡕࡕࡀ
1:04 ࡅࡋࡁࡍࡇ [...]ࡃࡀࡉ ࡁࡍࡉࡀ ࡊࡅࡓࡉࡍࡉࡒ ࡒࡀࡋ ࡒࡀࡋࡀ ࡔࡅࡌࡉࡕ
1:05 ࡅࡒࡀࡋ ࡄࡀࡋࡔࡉࡀ [ࡖ]ࡌࡉࡕࡀࡁࡓࡉࡀ ࡅࡒࡀࡋ ࡂࡁࡀࡓࡉࡀ ࡖࡍࡀࡑࡉࡀ ࡁࡒࡓࡀࡁࡀ ࡅࡒࡀࡋ ࡏࡍࡔࡉࡀ
1:06 ࡆࡉࡃࡍࡉࡀࡕࡀ ࡖࡋࡉࡈࡀࡍ ࡅࡌࡊࡔࡐࡀࡍ ࡅࡌࡀࡊࡏࡁࡀࡍ ࡁࡓࡅࡄࡉࡀ ࡅࡍࡏࡔࡌࡀࡕࡀ ࡍࡄࡉࡕ ࡏࡋࡅࡉࡍ ࡀࡆࡓࡀࡉ
1:07 ࡅࡉࡆࡓࡅࡍ ࡅࡉࡒࡓࡅࡍ ࡅࡐࡓࡏࡉࡋ ࡓࡁࡀ ࡅࡏࡅࡓࡐࡀࡉࡋ ࡅࡎࡄࡈࡏࡉࡋ ࡎࡄࡈࡉࡍࡅࡍ ࡁࡏࡓࡒࡋࡉࡀ ࡖࡓࡉࡔࡀࡉࡍ ࡅࡕࡀࡁࡀࡓ
1:08 ࡒࡀࡓࡍࡀࡉࡍ ࡖࡓࡀࡌࡀ ࡅࡌࡑ̊ࡓࡉࡍࡉࡍ ࡁࡏࡃࡒࡉࡀ ࡖࡂࡉࡃࡅࡋࡉࡀࡕࡉࡍ ࡅࡀࡌࡓࡋࡉࡍ ࡁࡓࡅࡊ ࡖࡋࡀࡈࡕࡉࡍ ࡅࡀࡌࡓࡋࡇ ࡖࡌࡍ ࡊࡏࡁࡀ
1:09 ࡖࡋࡏࡁࡀࡍ ࡋࡈࡍࡉࡍ ࡅࡌࡍ ࡌࡓࡀࡓࡀ ࡖࡄࡉࡍࡊࡀࡍ ࡂࡆࡓࡍࡉࡍ ࡅࡋࡈࡍࡉࡍ ࡅࡀࡌࡓࡍࡋࡉࡍ ࡀࡔࡁࡉࡕ ࡀࡋࡉࡊࡉࡍ ࡅࡌࡅࡌࡉࡍࡋࡊࡉࡍ ࡁࡀࡆࡓࡀࡉ ࡅࡉࡆࡓࡅࡍ ࡅࡉࡒࡓࡅࡍ
1:10 ࡅࡐࡓࡏࡉࡋ ࡓࡁࡀ ࡅࡏࡅࡓࡐࡀࡉࡋ ࡅࡎࡄࡈࡏࡉࡋ ࡕࡉࡔࡓࡔࡉࡋࡇ ࡅࡕࡏࡔࡁࡅࡒࡋࡇ ࡋࡈࡉࡌࡀࡕࡀࡉࡅࡆ ࡁࡓ ࡌࡀࡌࡀࡉ ࡌࡍ ࡊࡅࡋࡄࡉࡍ ࡋࡅࡈࡀࡕࡀ ࡖࡋࡈࡕࡉࡍ ࡌࡍ ࡋࡅࡈࡕࡀ
1:11 ࡖࡀࡁࡀ ࡅࡃࡏࡌࡀ ࡖࡋࡈࡕࡉࡍ ࡅࡌࡍ ࡋࡅࡈࡕࡀ ࡖࡆࡀࡍࡉࡕࡀ ࡅࡆࡌࡓࡕࡀ ࡅࡌࡍ ࡋࡅࡈࡕࡀ ࡖࡓࡁࡕࡀ ࡅࡔࡅࡋࡉࡕࡀ ࡅࡌࡍ ࡋࡅࡈࡕࡀ ࡖࡏࡂࡉࡓࡀ ࡅࡃࡂࡓࡀ ࡖࡀࡂࡓࡇ ࡂࡆࡉࡓࡋࡇ ࡌࡉࡍࡇ ࡅࡌࡍ
1:12 ࡋࡅࡈࡕࡀ ࡖࡀࡄࡉࡀ ࡖࡋࡐࡋࡀࡂ ࡖࡋࡐࡋࡀࡂ ࡌࡍࡀࡕࡀ ࡌࡍ ࡄࡃࡀࡃࡉࡀ ࡁࡊࡅࡔࡈࡀ ࡅࡌࡍ ࡋࡅࡈࡕࡀ ࡖࡊࡅࡋࡌࡀࡍ ࡏࡕࡕࡀ ࡏࡅ ࡂࡁࡓࡀ ࡖࡋࡀࡈ ࡁࡔࡅࡌ ࡐࡕࡉࡊࡓࡉࡀ ࡅࡀࡔࡋࡉࡌࡕࡀࡍࡅࡍ
1:13 ࡀࡎࡉࡀ ࡀࡍࡀࡕ ࡌࡀࡎࡉࡀ ࡌࡉࡄࡉࡀࡕࡀ ࡁࡌࡋࡀࡋࡉࡀ ࡊࡅࡔࡈࡉࡀ ࡀࡎࡉࡀ ࡋ̊ࡋࡅࡈࡕࡀ ࡌࡍ ࡈࡉࡌࡀࡉࡅࡆ ࡁࡓ ࡌࡀࡌࡀࡉ ࡅࡌࡍ ࡆࡅࡇ ࡏࡋ ࡂࡋࡀࡋࡀ ࡖࡋࡁࡆࡏࡉࡀ ࡏࡕࡉࡁ ࡅࡏࡊࡕࡅࡁࡉࡍࡉࡍ ࡏࡋ ࡊࡀࡎࡀ ࡄࡃࡕࡀ ࡖࡐࡄࡀࡓࡀ
1:14 ࡅࡏࡔࡃࡓࡉࡍࡉࡍ ࡋࡊࡅࡋࡄࡉࡍ ࡋࡅࡈࡀࡕࡀ ࡖࡋࡀࡈࡅࡉࡀ ࡋࡈࡉࡌࡀࡕࡀࡉࡅࡆ ࡁࡓ ࡌ̊ࡀ̊ࡌ̊ࡀ̊ࡉ̊ ࡏ̊ࡋ ࡌࡓ̊ࡀࡉࡍ ࡀࡋࡌࡀ ࡖࡄࡉࡍࡉࡍ ࡔࡀࡓࡉࡀ ࡅࡁࡓࡊࡀ̊ ࡁࡔࡅࡌ ࡐࡓࡏࡉࡋ ࡌࡋࡀࡊࡀ ࡁࡔࡅࡌ ࡁࡓࡊࡏࡉࡋ ࡌࡋࡀࡊࡀ ࡀࡕࡅࡍ ࡌࡋࡀࡊࡉࡀ ࡔࡅࡓࡉࡅࡉࡀ ࡋࡋࡅࡈࡕࡀ
1:15 ࡌࡍ ࡈࡉࡌࡀࡕࡀࡉࡅࡆ ࡁࡓ ࡌࡀࡌࡀࡉ ࡌ̊ࡉ̊ࡔࡓࡀ ࡂࡁࡓ̊ࡀ̊ ࡌ̊ࡍ̊ ࡁࡉ[ࡕ ࡏࡎࡉࡓࡉࡀ] ࡅ̊ࡌ̊ࡍ ࡁ̊ࡉࡕ ࡆ̊ࡀ̊ࡉࡍ̊ࡀ̊ ࡅ̊ࡀ̊ࡎ̊ࡅ̊ࡕ̊ࡀ ࡕࡄࡅࡉࡋࡇ ࡋࡈࡉࡌࡀࡕ̊ࡀ̊ࡉ̊ࡅ̊ࡆ̊ [ࡁ]ࡓ ࡌࡀࡌ̊ࡀ̊ࡉ̊ ࡅࡋࡆࡅࡇ ࡊࡅࡓࡉࡍࡉࡒ ࡐࡕ ࡀࡄ[ࡀ]ࡕ ࡅࡋࡁࡍࡇ ࡅࡋࡁࡍࡀࡕࡇ