← Back
The Comprehensive Aramaic Lexicon
← Return to the Text Browser
click on the file description for more information
74701: BM 91731

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

1:01 ࡀࡎࡅࡕࡀ ࡅࡆࡓࡆࡕࡀ ࡅࡄࡀࡕࡌࡕࡀ
1:02 ࡕࡄࡅࡉࡋࡇ ࡋࡁࡉࡕࡇ ࡅࡐࡂࡓࡀ ࡖࡊࡎࡓࡅࡀ ࡁࡓ
1:03 ࡀࡐࡓࡀ ࡄࡅࡓࡌࡉࡆ ࡂࡁࡓࡀ ࡅࡋࡆࡅࡇ ࡀࡄࡀࡕ ࡐࡕ ࡍࡅࡍࡕࡀࡉ
1:04 ࡅࡋࡃࡅࡃࡀࡉࡀ ࡁࡓ ࡀࡄࡀࡕ ࡏࡎࡉࡓ ࡅࡋࡂࡉࡈ ࡐࡅࡌࡀ ࡅࡋࡂࡉࡈ ࡋࡏࡔࡀࡍࡀ
1:05 ࡖࡋࡅࡈࡀࡕࡀ ࡍࡉࡃࡓࡉࡀ ࡅࡀࡒࡓࡉࡀࡕࡀ ࡖࡀࡋࡀࡄࡉࡀ ࡅࡐࡕࡉࡊࡓࡉࡀ ࡆࡉࡊࡓࡉࡀ ࡅࡃࡏࡎࡕࡓࡀࡕࡀ
1:06 ࡍࡅࡒࡁࡀࡕࡀ ࡖࡄࡀࡓࡔࡉࡀ ࡁࡏࡉࡔࡉࡀ ࡅࡃࡏࡅࡁࡀࡃࡉࡀ ࡁࡉࡔࡉࡀ ࡌࡍ ࡊࡎࡓࡅࡀ ࡁࡓ ࡀࡐࡓࡀ ࡄࡅࡓࡌࡉࡆ
1:07 ࡅࡌࡍ ࡃࡅࡓࡇ ࡄࡉࡊࡋࡇ ࡅࡁࡉࡍࡉࡀࡍࡇ ࡅࡌࡍ ࡁࡍࡇ ࡅࡌࡍ ࡁࡍࡀࡕࡇ ࡏࡎࡉࡓ ࡋࡏࡔࡀࡍࡅࡍ ࡁࡐࡅࡌࡀࡉࡅࡍ ࡋࡂࡉࡈࡀ ࡎࡉࡐࡕࡀࡕࡅࡍ
1:08 ࡓࡂࡉࡐࡉࡀ ࡅࡓࡂࡉࡋࡉࡀ ࡅࡌࡔࡌࡕࡉࡀ ࡊࡀࡊࡀࡉࡅࡍ ࡅࡌࡈࡓࡔࡀ ࡏࡅࡃࡍࡀࡉࡅࡍ ࡖࡋࡅࡈࡀࡕࡀ ࡅࡀࡒࡓࡉࡀࡕࡀ ࡏࡐࡉࡊࡀ ࡌࡍ ࡁࡉࡕࡇ
1:09 ࡅࡐࡂࡓࡇ ࡖࡊࡎࡓࡅࡀ ࡁࡓ ࡀࡐࡓࡀ ࡄࡅࡓࡌࡉࡆ ࡅࡌࡍ ࡊࡅࡋ ࡖࡏࡊࡀ ࡁࡁࡉࡕࡇ ࡏࡉࡍ ࡏࡍࡉࡔ ࡔࡅࡃࡀ ࡅࡒࡅࡓࡁࡀࡍࡀ ࡍࡎࡉࡁ ࡅࡌࡐࡒࡃࡉࡋࡇ
1:10 ࡅࡌࡀࡔࡋࡉࡌࡉࡋࡇ ࡋࡌࡀࡓࡇ ࡋࡋࡀࡉࡈࡀࡉ ࡖࡋࡀࡈࡀࡍ ࡋࡃࡉࡋࡉࡀ ࡊࡎࡓࡅࡀ ࡁࡓ ࡀࡐࡓࡀ ࡄࡅࡓࡌࡉࡆ ࡕࡉࡃࡀࡁࡒࡁࡇ ࡁࡁࡀࡁࡇ ࡖࡋࡀࡉࡈࡀࡉ ࡖࡋࡀࡈࡀࡍ ࡋࡃࡉࡋࡉࡀ ࡊࡎࡓࡅࡀ ࡏࡐࡉࡊࡀ ࡅࡌࡓࡀࡄࡒࡀ
1:11 ࡌࡉࡍࡀࡉ ࡅࡌࡀࡔࡋࡉࡌࡀࡋࡇ ࡋࡌࡀࡓࡇ ࡋࡋࡉࡈࡀࡉ ࡋࡃࡉࡋࡇ ࡅࡋࡆࡅࡇ ࡅࡋࡁࡍࡇ ࡅࡋࡁࡍࡀࡕࡇ ࡅࡋࡁࡉࡕࡇ ࡖࡋࡀࡉࡈࡀࡉ ࡐࡓࡉࡈࡉࡀ ࡅࡂࡆࡉࡓࡉࡀ ࡅࡄࡈࡉࡐࡉࡀ ࡅࡌࡁࡈࡋࡉࡀ ࡅࡌࡔࡀࡌࡕࡉࡀ
1:12 ࡅࡌࡓࡀࡄࡒࡉࡀ ࡌࡍ ࡃࡉࡋࡉࡀ ࡊࡎࡓࡅࡀ ࡁࡓ ࡀࡐࡓࡀࡄࡅࡓࡌࡉࡆ ࡅࡌࡍ ࡆࡅࡀࡉ ࡅࡌࡍ ࡁࡍࡀࡉ ࡅࡌࡍ ࡁࡍࡀࡕࡀࡉ ࡅࡌࡍ ࡁࡉࡕࡀࡉ ࡅࡌࡍ ࡊࡅࡋ ࡖࡏࡊࡀ ࡁࡁࡉࡕࡀࡉ ࡁࡔࡅࡌࡀࡊ ࡊࡉࡁࡔࡅࡍ
1:13 ࡅࡃࡅࡔࡅࡍ ࡁࡔࡅࡌࡇ ࡖࡌࡋࡀࡊࡀ ࡂࡁࡓࡏࡉࡋ ࡅࡃࡀࡌࡐࡕࡉࡕ ࡆࡉࡊࡓࡀ ࡅࡃࡀࡌࡐࡕࡀࡍ ࡍࡅࡒࡁࡕࡀ ࡁࡔࡅࡌ ࡔࡏࡕࡉࡍ ࡏࡊࡅࡓࡉࡀ ࡆࡉࡊࡓࡉࡀ ࡅࡕࡌࡀࡍࡀࡍ ࡏࡎࡕࡓࡀࡕࡀ ࡍࡅࡒࡁࡀࡕࡀ ࡏࡎࡉࡓࡀ
1:14 ࡅࡄࡕࡉࡌࡀ ࡅࡆࡂࡉࡓࡀ ࡅ̊ࡁ̊ࡋࡉࡌࡀ ࡅࡂࡋࡉࡌࡀ ࡅࡑࡋࡉࡐࡀ ࡅࡌࡅࡓࡀ ࡅࡎࡃࡉࡌࡀ ࡅࡌࡈࡓࡔࡀ ࡋࡅࡈࡕࡀ ࡅࡀࡒࡓࡉࡕࡀ ࡅࡀࡉࡍࡀ ࡁࡉࡔࡕࡀ ࡅࡀࡉࡍࡀ ࡄࡀࡎࡌࡕࡉࡀ ࡖࡄࡅࡎࡓࡀࡍࡀ ࡅࡊࡏࡅࡉࡄࡕࡀ ࡁࡋࡏࡌࡀ ࡅࡓࡂࡉࡌࡀ
1:15 ࡅࡌࡎࡊࡓࡉࡀ ࡊࡅࡋࡄࡅࡍ ࡐࡅࡌࡉࡀ ࡁࡉࡔࡉࡀ ࡌࡍ ࡊࡎࡓࡅࡀ ࡁࡓ ࡀࡐࡓࡀࡄࡅࡓࡌࡉࡆ ࡕࡏࡐࡅࡒ ࡀࡒࡓࡉࡕࡀ ࡀࡒࡕࡀ ࡅࡌࡉࡎࡊࡉࡍࡅࡕࡀ ࡄࡀࡓࡔࡉࡀ ࡁࡏࡉࡔࡉࡀ ࡅࡏࡅࡁࡀࡃࡉࡀ ࡁࡉࡔࡉࡀ ࡌࡍ ࡊࡎࡓࡅࡀ ࡁࡓ ࡀࡐࡓࡀ ࡄࡅࡓࡌࡉࡆ
1:16 ࡅࡎࡉࡍࡕࡉࡀ ࡅࡔࡉࡒࡅࡐࡕࡀ ࡅࡋࡅࡈࡕࡀ ࡅࡌࡉࡎࡊࡉࡍࡅࡕࡀ ࡅࡈࡉࡓࡅࡐࡕࡀ ࡅࡃࡉࡆࡅࡀࡓࡀ ࡌࡍ {ࡌࡍ} ࡁࡉࡕࡇ ࡖࡊࡎࡓࡅࡀ ࡅࡌࡍ ࡆࡅࡇ ࡀࡄࡀࡕ ࡐࡕ {ࡐ̊ } ࡍࡅࡍࡕࡀ ࡅ̊ࡃࡅࡃࡀ̊ࡉ̊ࡀ̊ ࡁ̊ࡓ̊ ࡀ̊ࡄࡀࡕ̊ ࡅࡌ̊ࡍ ࡒࡉࡍࡉࡀࡍࡇ ࡅࡀࡎࡅࡕࡀ
1:17 ࡅࡆࡓࡆࡕࡀ ࡕࡄࡅࡉࡋࡇ ࡋࡊࡎࡓࡅࡀ ࡁࡓ ࡀࡐࡓ[ࡀ] ࡄࡅࡓࡌࡉࡆ ࡅࡋࡆ̊ࡅ̊ࡇ ࡅࡋࡁ[ࡍࡇ] ࡅࡋࡁࡍࡀࡕ̊ࡇ