← Back
The Comprehensive Aramaic Lexicon
← Return to the Text Browser
click on the file description for more information
74701: YBC 2364

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

1:01 ࡁࡔࡅࡌࡀ ࡖࡄࡉࡉࡀ ࡓࡁࡉࡀ ࡍࡅࡊࡓࡀࡉࡉࡇ ࡌࡍ ࡀࡋࡌࡉࡀ ࡖࡍࡄࡅࡓࡀ ࡉࡀࡕࡉࡓࡉࡀ
1:02 ࡖࡏࡋࡅࡀࡉࡀ ࡊࡅࡋࡄࡅࡍ ࡏࡅࡁࡃࡉࡀ ࡀࡎࡅࡕࡀ ࡅࡄࡕࡌࡕࡀ ࡅࡆࡀࡓࡆࡕࡀ ࡖࡊࡅࡔࡈࡀ ࡅࡍࡈࡓࡀ ࡓࡁࡀ ࡖ
1:03 ࡔࡓࡀࡓࡀ ࡍࡏࡄࡅࡉࡋࡇ ࡋࡁࡉࡕࡇ ࡃࡀࡅࡓࡇ ࡄࡉࡊࡋࡇ ࡅࡁࡉࡍࡀࡉࡍࡇ ࡅࡄࡉࡅࡍࡕࡇ ࡅࡒࡉࡍࡀࡉࡍࡇ ࡖࡐࡓࡅࡊࡆࡀࡃ ࡁࡓ ࡊࡅࡌࡀࡉ
1:04 ࡀࡍࡀࡄࡅ ࡁࡀࡁࡂࡅࡍ ࡀࡁࡅࡂࡃࡀࡍࡀ ࡖ̊ࡄࡉࡋࡐࡉࡕ ࡏࡋ ࡁࡀࡁ ࡒࡅࡁࡓࡉࡀ ࡅࡏࡋ ࡒ̊ࡀࡓࡒ̊ࡐ̊ࡕࡅࡍ ࡖࡂࡈࡉࡋࡉࡀ ࡌࡉࡍࡃࡀࡌ ࡂࡈࡉࡋࡉࡀ ࡁࡏࡉࡃࡀࡉ
1:05 ࡋࡂࡉࡈࡍࡀ ࡏࡕࡉࡕ ࡅࡀࡔࡊࡕࡀ ࡋࡁࡅࡆࡍࡀࡉ ࡐࡕ ࡆࡀࡍࡀࡉ ࡋࡉࡋࡉࡕࡀ ࡊ̊ࡖ̊ ࡉࡀࡕࡁࡀ ࡁࡁࡉ[ࡕ]ࡀ ࡖࡄࡏࡓࡁࡀࡕ ࡖࡏࡕࡂࡌࡓࡀࡕ ࡏࡄࡉࡀ ࡅࡕࡋࡀࡕࡌࡀ ࡅࡔࡉࡕࡉࡍ ࡔࡅࡓࡁࡀࡕࡀ
1:06 ࡃࡉࡋࡀ ࡅࡃࡕࡋࡕࡌࡀ ࡅࡔࡉࡕࡉࡍ ࡄࡀࡁࡓࡕࡀ ࡄࡏࡉࡀ ࡖࡏࡕࡂࡌࡓࡀࡕ ࡄࡏࡉࡀ ࡅࡕࡋࡕࡌࡀ ࡅࡔ̊ࡉ̊ࡕࡉࡍ ࡔࡅࡓࡁࡕࡀ ࡄࡏࡉࡀ ࡖࡏࡕࡂࡌࡓࡀࡕ ࡀࡋࡅࡉࡄࡉࡍ ࡖࡊࡅࡋࡄࡉࡍ
1:07 ࡄࡀࡁࡓࡀࡕࡀ ࡖࡄࡏࡉࡀ ࡁࡅࡆࡍࡀࡉ ࡔࡓࡕࡁࡇ ࡅࡀࡆࡋࡀࡕ ࡅࡃࡉࡌࡊࡀࡕ ࡋࡅࡕ ࡌࡀࡓࡇ ࡖࡁࡉࡕࡀ ࡅࡈࡅࡄࡌࡀ ࡔࡉࡒࡋࡀࡕ ࡌࡉࡍࡇ ࡄࡏࡉࡀ ࡅࡕࡋࡕࡌࡀ ࡅࡔࡉࡕࡉࡍ ࡄࡀࡁࡓࡕࡀ ࡅࡉࡕࡁࡀࡕ
1:08 ࡀࡁࡃࡋࡅࡍ ࡄࡀࡓࡔࡉࡀ ࡌࡍ ࡄࡀࡊ ࡈࡅࡄࡌࡀ ࡖࡔࡉࡒࡋࡀࡕ ࡌࡉࡍࡇ ࡄࡀࡓࡔࡉࡀ ࡀࡁࡃࡋࡅࡍ ࡀࡌࡉࡍࡈࡅࡋ ࡖࡃࡌࡅࡕࡀ ࡄࡀࡋࡐࡀࡕ ࡁࡏࡅࡁࡃࡉࡀ ࡅࡀࡌࡓࡀ ࡏࡐࡋࡀࡓ ࡂࡁࡓࡀ
1:09 ࡌࡍ ࡏࡕࡀࡕࡇ ࡅࡀࡍࡀ ࡁࡏࡅࡁࡃࡉࡀ ࡏࡐࡊࡓࡀ ࡅࡁࡏࡁࡉࡃࡀࡕࡀ ࡖࡏࡅࡄࡓࡀࡕࡀ ࡋࡍࡏࡎࡂࡉࡀ ࡁࡄࡀࡓࡔࡉࡀ ࡅࡏࡅࡁࡃࡉࡀ ࡅࡁࡍࡇ ࡖࡂࡁࡓࡀ ࡏࡂࡈࡅࡋ ࡅࡁࡍࡀࡕࡀ ࡖࡏࡕࡀࡕࡀ ࡁࡄࡉࡉࡀ ࡋࡏࡔࡁࡅࡒ
1:10 ࡀࡋࡌࡀ ࡖࡕࡏࡐࡅ̊ࡒ̊ ࡏࡕࡀࡕ̊ࡀ̊ ࡌࡍ ࡁࡉࡕࡀ ࡗ ࡌ[.]ࡅࡂࡓ ࡂࡆࡋࡀ ࡌࡍࡆࡉࡀ ࡅࡊࡁࡉࡍࡀ ࡎࡃࡉࡒࡋࡀ ࡅࡁࡉࡔࡀࡕ̊ࡀ ࡌࡂࡋ̊ࡉ̊ࡋ̊ࡀ̊ ࡅ̊ࡏ̊ࡉࡃ̊ࡀ ࡕࡀࡓࡕࡉ̊ࡄࡉࡍ ࡏࡋ ࡓࡉࡔࡀ ࡌࡀࡕࡍࡋࡀ ࡏࡐࡅࡒ ࡋࡃࡉࡁࡓࡀ ࡂࡁࡓࡀ ࡏࡂࡈࡅࡋ
1:11 ࡁࡔࡏࡄࡀ ࡅࡐࡅࡓࡀ ࡏࡌࡉࡋࡇ ࡕࡉࡐࡊࡓࡀ ࡏࡋ [ࡁࡍࡀࡕࡀ] ࡅࡕࡉࡕࡀࡁࡀ ࡏࡋ ࡁࡍࡀ ࡅࡕࡏࡌࡋࡉࡋ ࡅࡕࡉࡒࡓࡀ ࡅ{ࡕࡀࡁ}ࡕࡀࡑࡉࡕࡀࡋࡇ ࡁ[ࡄ]ࡀࡃࡇ ࡀࡍ[...]ࡁࡅࡍ ࡖࡁࡍࡀ ࡅࡃࡁࡍࡀࡕࡀ ࡅࡃࡂࡁࡓࡀ ࡖࡌࡍ ࡃࡉࡁࡓࡀ ࡏࡕࡂࡈࡉࡋ ࡅࡀࡆࡋࡀࡕ ࡋࡅࡀࡕ ࡂࡁࡓࡀ
1:12 ࡄࡉࡈࡀࡕ ࡁࡁࡉࡕࡇ ࡅ̊ࡀ̊ࡎࡊࡋࡀࡕ ࡁ̊ࡏ̊[ࡎࡊࡅࡐࡕ]ࡇ̊ ࡔࡉ̊ࡊࡁࡀࡕ ࡋࡅࡕࡀ ࡖࡏࡕࡀࡕࡀ ࡅࡃࡉ̊ࡌࡊࡀࡕ ࡋࡅࡀࡕ ࡂࡁࡓࡀ ࡋࡁࡍࡇ ࡖࡂࡁࡓࡀ ࡄࡀࡓࡔࡉࡀ ࡀࡁࡃࡋࡅࡍ ࡋࡁࡍࡀࡕࡀ ࡖࡏࡕࡀࡕࡀ ࡌࡀࡁࡃࡉࡀ ࡁࡍࡇ ࡖࡂࡁࡓࡀ ࡂࡉࡈࡋࡀࡕ ࡅࡁࡍࡀࡕࡀ ࡖࡏࡕࡀࡕࡀ
1:13 ࡁࡄࡉࡀ ࡋࡔࡉ̊ࡁ̊ࡒࡀࡕ̊ ࡅࡌࡑࡅࡕࡀ ࡅࡌ̊ࡍ̊[ࡂ]ࡓ̊[ࡅࡕࡀ ...]ࡄࡅࡍ ࡌࡍ ࡄࡃࡀࡃࡉࡀ ࡅ[ࡀ]ࡌ<ࡓ>ࡕࡋࡄࡅࡍ ࡀࡐࡉࡒࡕࡀ ࡋࡏࡕࡀࡕࡀ ࡌࡍ ࡁࡉࡕࡀ ࡁࡄࡓࡔࡉࡀ ࡅࡏࡅࡁࡃࡉࡀ ࡗ ࡌࡀࡍࡆࡉࡀ ࡂࡉࡆࡋࡀ ࡅࡊࡁࡉࡍࡀ ࡎࡃࡉࡒࡋࡀ ࡅࡁࡉࡔࡀࡕࡀ ࡌࡂࡋࡉࡋࡀ ࡅࡀࡉࡃࡀ
1:14 ࡕࡀࡓࡕࡄࡍ ࡏ̊ࡋ [ࡓࡉ]ࡔ̊ࡀ ࡌࡀࡕࡍࡋࡀ ࡁࡀࡊࡉࡀ ࡂࡁࡓࡀ̊ [ࡏࡋ ࡁࡍࡇ ࡅࡏࡕࡀࡕࡀ ...] ࡏࡋ ࡁࡍࡀࡕࡀ ࡖ̊{ࡁ̊ࡍࡀࡕࡀ} ࡁࡍࡀ̊ࡉࡄࡅࡍ ࡖࡏࡕࡂ̊ࡈ̊ࡋ̊ࡄࡅࡍ [ࡅ]ࡃࡁࡍࡀࡕࡉࡍ ࡁࡄࡉࡉࡀ ࡋࡔࡁࡒࡋࡅࡍ ࡅࡀࡆࡋࡀࡕ ࡅࡍࡉࡐࡋࡀࡕ ࡒࡅࡃࡌࡇ ࡖࡁࡅࡆࡍࡀࡉ ࡌࡋࡀࡊࡀ ࡅࡀࡌࡓࡋࡇ ࡄࡅࡆࡉࡀࡍ ࡅࡐࡅࡓࡒࡀࡍ ࡌࡍ
1:15 ࡎࡄࡓࡉࡀ ࡅࡃࡉ[ࡅ]ࡉࡀ ࡅࡄࡅࡌࡓࡉࡀ ࡅࡋࡉࡋࡉࡀࡕࡀ ࡖࡏࡔࡕࡋࡄࡌ ࡏ̊ࡋࡅࡀ̊ࡉ̊ࡀ ࡖࡁࡍࡀࡉ [ࡂࡈࡉࡋ]ࡉࡀ ࡅࡁࡍࡀࡕࡀࡉ ࡁࡄࡉ̊ࡉ̊ࡀ̊ ࡋ̊ࡔࡁࡒࡉࡀ ࡒࡀࡁࡋࡀࡕ ࡒࡅࡃࡌࡇ ࡖࡁࡅࡆࡍࡀࡉ ࡌࡋࡀࡊࡀ ࡖࡊࡅࡋࡄࡅࡍ ࡖࡄࡅ ࡀࡌࡓࡁࡅࡍ ࡀࡌࡀࡓࡀ ࡁࡎࡄࡓࡉࡀ ࡃࡉࡅࡉࡀ ࡅࡄࡅࡌࡓࡉࡀ ࡅࡋࡉࡋࡉࡀࡕࡀ ࡊࡅࡋࡄࡅࡍ ࡌࡍ ࡌࡋࡀࡋࡇ ࡋࡍࡐࡒࡉࡀ
1:16 ࡅࡑࡀࡕࡀ ࡅࡔࡉࡌࡀ ࡋ̊ࡏࡕࡀࡕࡀ ࡖࡁࡍࡀ ࡏࡕࡂࡈࡉࡋ ࡅࡁࡍࡀࡕࡀ ࡁࡄࡉࡉࡀ ࡋ̊ࡔࡁࡒࡋࡀ [...]ࡇ ࡅ̊ࡌ̊ࡐࡒࡉࡃࡋࡇ ࡅࡌࡔࡃࡓࡋࡇ ࡋࡂࡅࡓࡀࡒ ࡃࡉࡅࡀ [ࡅࡋ]ࡂࡅࡁ[ࡀ]ࡒ ࡀࡄࡅࡉࡇ ࡅࡀࡌࡓࡋࡄࡅࡍ ࡏࡆࡉࡋ ࡅࡀࡐࡉࡒࡋࡀ ࡋࡏࡕࡀࡕࡀ ࡅࡋࡂࡁࡓࡀ ࡖࡁࡍࡀࡉࡄࡅࡍ ࡏࡕࡂࡈࡋࡄࡅࡍ ࡅࡁࡍࡀࡕࡅࡍ ࡁࡄࡉࡉࡀ ࡋࡔࡁࡒࡋࡅࡍ ࡖࡂࡈࡋࡋࡅࡍ
1:17 ࡌࡉࡍࡀࡉࡅࡍ ࡁࡅࡆࡍࡀࡉ ࡐࡕ̊ ࡆࡀࡍࡀࡉ ࡋࡉࡋࡉࡕࡀ ࡖࡔࡓࡉࡀ ࡁࡁࡕࡀࡉࡅࡍ ࡅࡌࡉࡕࡒࡓ[ࡉࡀ ...] ࡀࡒࡓࡉࡕࡀ ࡅࡌࡉࡎࡊࡍࡅࡕࡀ ࡅࡂࡃࡀ ࡔࡀࡐࡋࡀ ࡖࡁࡁࡕࡀࡅࡍ ࡔࡓࡉࡋࡅࡍ ࡖࡁࡏࡁࡋࡉࡀ ࡅࡌࡀࡋࡉࡀ ࡅࡕࡊࡀࡋࡉࡀ ࡉࡀࡕࡁࡉࡀ ࡁࡕࡊࡋࡉࡀ
1:18 ࡖࡁࡍࡀࡉࡅࡍ {ࡌࡉࡈࡅࡋ ࡖࡄࡏࡉࡀ} ࡀࡌࡉࡈࡅࡋ ࡖࡁࡍࡀࡉࡅࡍ ࡅࡁࡍࡀࡕࡅࡍ ࡁࡁࡕࡀࡉࡅࡍ ࡏࡕ̊[ࡂࡈࡉࡋ ࡁࡃࡉࡍࡀ] ࡖࡃ̊ࡍ̊ࡀ̊ࡕ ࡌࡉࡍࡇ ࡏࡕࡂ̊ࡌ̊ࡀࡓ̊ [...]ࡂ̊ࡅࡁࡀࡒ̊ ࡃࡉࡅࡀ ࡓࡉ̊ࡔ̊ࡀࡉࡄࡅࡍ ࡖࡊࡅࡋࡄࡅࡍ ࡅࡀࡕࡉࡀ ࡅࡌࡔࡊࡋࡀ ࡋࡋࡉࡕࡀ ࡆࡍࡀࡉ ࡐࡕ ࡁࡂࡋࡅࡌ ࡁࡓࡀࡕࡇ ࡖࡌࡓࡉࡀ ࡂࡁࡀࡓࡀ ࡗ ࡉࡀࡕࡁࡀ ࡄࡏࡉࡀ ࡅࡕࡋࡕࡌࡀ ࡅࡔࡉࡕࡉࡍ
1:19 ࡄࡀࡁࡓࡀࡕࡀ ࡔࡅࡓࡁࡀࡕࡀ ࡋࡅࡕࡀ ࡀࡌࡉࡍࡈࡅࡋ ࡖࡌࡓࡁࡊࡀ ࡅࡁࡀࡉࡀ ࡋࡌ[...] ࡂࡅ̊ࡁ̊ࡀࡒ ࡃࡉࡅࡀ ࡓࡉࡔࡀࡅࡍ ࡖࡊࡅࡋࡄࡅࡍ ࡎࡄࡓࡉࡀ ࡅࡃࡉࡅࡉࡀ ࡅࡓࡅࡄࡉࡀ ࡅࡄࡅࡌࡓࡉࡀ ࡅࡋࡉࡋࡉࡀࡕࡀ ࡅࡀࡕࡉࡀ ࡅࡌࡀࡈࡉࡋࡉࡀ ࡂࡁࡀࡒ ࡃࡉࡅࡀ ࡓࡅࡆࡁࡍࡀ ࡖࡁࡅࡆࡍࡀࡉ ࡌࡋࡀࡊࡀ ࡖࡊࡅࡋࡄࡅࡍ ࡋࡂࡉࡈࡋࡀ ࡁࡏࡃࡒࡉࡀ
1:20 ࡖࡂࡉࡃࡅࡋࡉࡀࡕࡀ ࡅࡏࡋ ࡀࡍࡐࡀ ࡎࡄࡉࡐࡋࡀ ࡅࡏࡃࡒࡀ ࡌࡍ ࡌࡅࡄࡀ ࡔࡀࡋࡉࡐࡋࡀ ࡅࡏࡋ ࡐࡅࡌࡀ ࡌࡀࡄࡉࡕࡋࡀ [...] ࡓࡂࡉࡋࡀ ࡅࡍ[...]ࡀࡋࡀ ࡏࡋ ࡐࡅࡌࡀ ࡅࡓࡂࡉࡋࡅࡍ ࡁࡊࡅࡋࡄࡉࡍ ࡊࡀࡊࡀ ࡁࡐࡅࡌࡀ ࡅࡔࡀࡃࡉࡀ ࡏࡉࡃࡀ ࡏࡋ ࡌࡀ<ࡓࡕࡀ> ࡅࡏࡋ ࡊࡁࡃࡀ ࡅࡏࡋ ࡊࡅࡋࡉࡀࡕࡀ ࡄࡋࡉࡍ ࡖࡌࡀࡐࡉࡒ ࡌࡉࡍࡀ ࡂࡅࡁࡀࡒ ࡃࡉࡅࡀ ࡓࡅࡆࡁࡍࡇ ࡖࡁࡅࡆࡍࡀࡉ ࡌࡋࡀࡊࡀ ࡖࡃࡀࡉࡍ
1:21 ࡋࡄࡉࡍ ࡋࡊࡅࡋࡄࡉࡍ ࡄࡅࡌࡓࡉࡀ ࡅࡎࡄࡓࡉࡀ ࡅࡃࡉࡅࡉࡀ ࡅࡋࡉࡋࡉࡀࡕࡀ ࡖࡌࡉࡍࡀ ࡍࡐࡀࡒ ࡅࡌࡀࡆࡉࡂ ࡅࡌࡔࡒ̊[ࡉࡋࡀ ࡌࡍ] ࡊ̊ࡅ̊ࡃࡀ ࡖࡍࡐࡔࡀ ࡅࡌࡍ ࡃࡌࡀ ࡖࡍࡐࡔࡀ ࡅࡔࡅࡋࡉࡕࡀ ࡖࡍࡐࡔࡀ ࡏࡋ ࡀࡍࡐࡀ ࡐࡓࡉࡎࡋࡀ ࡅࡌࡍ ࡔࡅࡓࡀ ࡖࡁࡓࡀ ࡁࡅࡊࡓࡀ ࡁࡑࡅࡓࡀ ࡂࡈࡀ̊ࡓࡋࡀ ࡅࡌࡍ ࡕࡉࡓࡁࡇ ࡏࡋ ࡍࡅࡓࡀ ࡓࡌࡉࡋࡀ ࡅࡃࡉࡅࡀ ࡏࡕࡂࡈࡉࡋ ࡅࡎࡉࡋࡒࡕ ࡂࡈࡓࡕࡇ
1:22 ࡅࡀࡆࡋࡀࡕ ࡒࡅࡃࡌࡇ ࡖࡁࡅࡆࡍࡀࡉ ࡌࡋࡊࡉࡄࡅࡍ ࡖࡊࡅࡋࡄࡅࡍ ࡎࡄࡓࡉࡀ ࡅࡃࡉࡅࡉࡀ ࡅࡋࡉࡋࡉࡀࡕࡀ ࡖࡌࡉࡍࡀ [ࡍ]ࡐࡀ[ࡒ...] ࡅࡌࡀࡔࡒ[ࡉࡋࡀ] ࡅࡌࡀ ࡖࡀࡅࡊࡋࡀ ࡍࡉࡐࡒࡀࡕ ࡌ[ࡉࡍࡇ] ࡄࡉࡊ[ࡋࡇ] ࡅࡁࡉࡕࡇ ࡅࡌࡍ ࡌࡅࡊࡍࡉࡇ ࡁࡉࡍࡀࡉࡍࡇ ࡖࡐࡓࡅࡊࡆࡀࡃ ࡁࡓ ࡊࡅࡌࡀࡉ ࡂࡁࡓࡀ ࡖࡁࡍࡇ ࡏࡉࡕࡂࡈࡉࡋ ࡅࡁࡍࡀࡕࡇ ࡏࡕࡍࡊࡎࡋࡇ ࡅࡁࡕࡀࡉࡅࡍ ࡄࡀࡓࡁࡀࡕ ࡅࡃࡅࡃࡒࡀࡉࡅࡍ
1:23 ࡀࡎࡃࡒࡀࡕ ࡅࡐࡅࡓࡈࡕࡀ ࡐࡉࡓࡈࡀࡕ ࡁࡁࡕࡀࡉࡅࡍ ࡖࡂࡅࡁࡓࡉࡀ ࡅࡃࡏࡍࡔࡉࡀ ࡅࡀࡆࡋࡀࡕ ࡋࡅࡀࡕ ࡂࡁࡓ[ࡀ] ࡔ̊ࡉ̊ࡊ̊ࡁ̊ࡀ̊ࡕ̊ [...] {ࡀࡁࡃࡋࡅࡍ} ࡁࡍࡀࡉࡅࡍ ࡂࡉࡈࡋࡀࡕ ࡅࡁࡍࡀࡕࡅࡍ ࡁࡄࡉࡉࡀ ࡋࡀ ࡔࡁࡒࡀࡕࡋࡅࡍ ࡅࡁࡄࡀࡓࡔࡉࡀ ࡅࡏࡅࡁࡃࡉࡀ ࡌࡀࡎࡂࡉࡀ ࡄࡀࡓࡔࡉࡀ ࡀࡁࡃࡋࡅࡍ ࡅࡌࡑࡅࡕࡀ ࡋࡏࡕࡀࡕࡀ ࡌࡍ ࡂࡁࡓࡀ ࡖࡓࡀࡌࡉࡋࡀ ࡀࡌࡉࡍࡈࡅࡋ ࡖࡄࡏࡉࡀ ࡀࡁࡃࡋࡅࡍ ࡄࡓࡔࡉࡀ ࡅࡁࡀࡉࡀ ࡋࡐࡓࡅࡋࡉࡀ ࡏࡕࡀࡕࡀ ࡌࡍ
1:24 ࡂࡁࡓࡀ ࡅࡌࡍࡂࡓࡕࡀ ࡕࡏࡓࡉࡌࡋࡅࡍ ࡕࡅࡌ ࡄࡀࡓࡔࡉࡀ ࡀࡁࡃࡋࡅࡍ ࡅࡁࡉࡀ ࡖࡏࡕࡀࡕࡀ ࡌࡍ ࡂࡁࡓࡀ ࡕࡐ̊ࡋ̊ࡀ̊[ࡓ ...] ࡄࡀࡓࡔࡉࡀ [...]ࡍࡕࡀ ࡌࡍ ࡄࡀࡓࡔࡉࡀ ࡅࡏࡅࡁࡃࡉࡀ ࡌࡍࡂ̊ࡅ̊ࡓࡕࡀ ࡓࡀࡌࡉࡀ ࡅࡁࡀࡕࡉࡀ ࡌࡄࡓࡁࡀ ࡌࡍ ࡄࡀࡓࡔࡉࡀ ࡅࡏࡅࡁࡃࡉࡀ ࡐࡀࡎࡀࡕ ࡅࡌࡍࡂࡓࡀࡕ ࡏࡎࡊࡅࡐࡕࡀ ࡅࡌࡉࡍࡃࡀࡌ ࡁࡁࡉࡕࡀ ࡋࡔࡉࡁࡒࡀࡕ ࡗ ࡏࡕࡉࡕ ࡏࡋࡀ ࡀࡍࡀ ࡂࡅࡁࡀࡒ
1:25 ࡓࡉࡔ ࡌࡋࡀࡊࡀ ࡓࡅࡆࡁࡍࡇ ࡖࡁࡅࡆࡍࡀࡉ ࡌࡋࡀࡊࡉࡅࡍ ࡖࡊࡅࡋࡄࡉࡍ ࡄࡀ[ࡋ]ࡉࡍ ࡏࡁࡉࡃࡀࡕࡀ ࡀࡁࡃࡋࡀ ࡄࡀࡓࡔࡉࡀ ࡅࡌࡁࡃࡉࡀ ࡄࡀࡓࡔࡉࡀ ࡅࡌࡀࡁࡃࡉࡀ ࡐࡔࡀ̊ࡓ̊ࡕࡉࡍࡅࡍ ࡅࡀࡐࡉࡒࡕࡉࡍࡅࡍ ࡌࡍ ࡁࡉࡕࡇ ࡖࡐࡓࡅࡊࡆࡀࡃ ࡁࡓ ࡊࡅࡌࡀࡉ ࡀࡎࡓࡕࡇ ࡅࡄࡀࡕࡌࡕࡇ ࡋࡁࡉࡕࡀ ࡅࡃࡅࡓࡀ ࡅࡄࡉࡊࡋࡀ ࡅࡁࡉࡍࡀࡉࡍࡀ ࡖࡐࡓࡅࡊࡆࡀࡃ ࡁࡓ ࡊࡅࡌࡀࡉ ࡖࡄࡅࡌࡓࡉࡀ ࡅࡃࡉࡅࡉࡀ ࡅࡎࡄࡓࡉࡀ ࡅࡋࡉࡋࡉࡀࡕࡀ ࡅࡄࡅࡌࡓࡉࡀ
1:26 ࡖࡔࡓࡉࡀ ࡏࡋ ࡐࡓࡉࡊࡉࡀ ࡅࡌࡉࡕࡒࡉࡓࡉࡀ ࡏࡊࡅࡓࡉࡀ ࡅࡌࡀࡄࡓࡁࡉࡀ ࡁࡀࡕࡉࡀ ࡖࡀ̊ࡍࡔࡉࡀ ࡈࡀࡁࡉࡀ ࡅࡌࡉࡕࡒࡉࡓࡉࡀ ࡋࡅࡈࡕࡀ ࡅࡀࡒࡓࡉࡕࡀ [ࡅࡄࡅࡌࡓࡉࡀ] ࡁࡉࡕࡀ ࡗ ࡄࡋࡉࡍ ࡏࡁࡉࡃࡀࡕࡀ ࡊࡅࡋࡄࡉࡍ ࡀࡁࡃࡉࡋࡀ ࡁࡄࡀࡍࡕࡇ ࡔࡉࡕࡀ ࡔࡉࡅࡓࡀࡕ ࡅࡍࡉࡐࡒࡀࡕ ࡌࡍ ࡁࡉࡕࡇ ࡖࡐࡓࡅࡊࡆࡀࡃ ࡁࡓ ࡊࡅࡌࡀࡉ ࡗ ࡁࡆࡉࡀ ࡁࡉࡑࡅࡓࡀ ࡅࡗ ࡌࡂࡋࡉࡋࡀ ࡏࡔࡕࡀ ࡅࡋࡉࡔࡀࡍࡀ
1:27 ࡓࡌࡉࡋࡀ ࡏࡋ ࡄࡀࡃࡉࡀ ࡕࡅࡌ ࡋࡁࡉࡕࡇ ࡖࡐࡓࡅࡊࡆࡀࡃ ࡁࡓ ࡊࡅࡌࡀࡉ [...] ࡕࡅࡌ ࡁࡉࡕࡇ ࡖࡐࡓࡅࡊࡆࡀࡃ ࡁࡓ ࡊࡅࡌࡀࡉ ࡅࡄࡉࡉࡀ ࡆࡀࡊࡉࡍ ࡏࡋ ࡊࡅࡋࡄࡅࡍ ࡏࡅࡁࡃࡉࡀ
2:01 ࡁ[ࡀ]ࡁࡀࡂࡍ
2:02 ࡄࡅ