← Back
The Comprehensive Aramaic Lexicon
← Return to the Text Browser
click on the file description for more information
74701: NLI94429

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

1:01 ࡁࡔࡅࡌࡀࡉࡅࡍ ࡖࡄࡉࡉࡀ
1:02 ࡀࡎࡅࡕࡀ ࡅࡆࡓࡆࡕࡀ ࡅࡄࡕࡌࡕࡀ ࡅࡆࡀࡊࡅࡕࡀ
1:03 ࡕࡄࡅࡉࡋࡇ ࡋࡁࡉࡕࡇ ࡅࡃࡅࡓࡇ ࡅࡄࡉࡊࡋࡇ ࡅࡁࡉࡍࡉࡀࡍࡇ ࡅࡆࡅࡇ ࡅࡁࡍࡇ
1:04 ࡅࡁࡍࡀࡕࡇ ࡖࡃࡀࡃࡌࡍࡃࡀ ࡁࡓ ࡏࡁࡅࡉࡀ ࡏࡎࡉࡓࡉࡀ ࡃࡉࡅࡉࡀ ࡆࡉࡊࡓࡉࡀ ࡅࡏࡎࡉࡓࡉࡀ
1:05 ࡃࡉࡅࡉࡀ ࡍࡅࡒࡁࡀࡕࡀ ࡏࡎࡉࡓࡉࡀ ࡄࡉࡋࡌࡉࡀ ࡁࡉࡔࡉࡀ ࡅࡓࡀࡆࡉࡀ ࡁࡉࡔࡉࡀ ࡖࡄࡉࡔࡅࡊࡀ
1:06 ࡏࡎࡉࡓࡉࡀ ࡉࡄࡓࡉࡀ ࡁࡉࡔࡉࡀ ࡅࡏࡎࡉࡓࡉࡀ ࡏࡃࡀࡍࡉࡀ ࡄࡀࡔࡊࡉࡀ ࡏࡎࡉࡓࡉࡀ ࡊࡅࡊࡁࡉࡀ ࡖࡓࡅࡂࡆࡀ
1:07 ࡅࡌࡋࡀࡊࡉࡀ ࡖࡒࡉࡓࡉࡀ ࡏࡎࡉࡓࡀ ࡃࡌࡅࡌࡀࡕࡀ ࡖࡄࡉࡔࡅࡊࡀ ࡋࡁࡀࡓ ࡌࡍ ࡁࡉࡕࡇ ࡅࡃࡅࡓࡇ ࡅࡄࡉࡊࡋࡇ ࡅࡁࡉࡍࡉࡀࡍࡇ ࡅࡁࡍࡇ
1:08 ࡅࡁࡍࡀࡕࡇ ࡖࡃࡀࡃࡌࡍࡃࡀ ࡁࡓ ࡏࡁࡅࡉࡀ ࡁࡁࡄࡀࡒ ࡁࡄࡀࡒ ࡄࡉࡋࡀ ࡅࡓࡀࡆࡀ ࡅࡓࡅࡂࡆࡀ ࡓࡁࡀ ࡖࡄࡆࡀࡕ ࡓࡅࡄࡀ
1:09 ࡏࡌࡀࡉࡊࡅࡍ ࡅࡄࡀࡒࡀࡕ ࡅࡆࡀࡄࡀࡕ ࡅࡏࡕࡆࡉࡄࡀࡕ ࡏࡎࡉࡓࡀ ࡅࡎࡃࡉࡌࡀ ࡉࡀࡆࡃࡀࡍࡃࡅࡊ ࡋࡉࡋࡉࡕࡀ ࡏࡎࡉࡓࡀ ࡔࡉࡐࡀࡉ ࡅࡏࡎࡉࡓࡀ ࡔࡀࡐࡀࡐࡕࡀ
1:10 ࡏࡎࡉࡓࡀ ࡀࡌࡔࡀࡌࡉࡔ ࡏࡎࡉࡓࡀ ࡀࡁࡂࡅࡆࡍࡀࡉ ࡅࡏࡎࡉࡓࡀ ࡆࡀࡍࡀࡉ ࡅࡏࡎࡉࡓࡀ ࡏࡌࡎࡕࡀࡓ ࡐࡕ ࡑࡉࡐࡀࡓ ࡊࡏࡋࡉࡕࡀ ࡏࡎࡉࡓࡀ ࡔࡄࡓࡉࡑ ࡋࡂࡉࡈ ࡏࡎࡉࡓࡀ
1:11 ࡆࡀࡍ {ࡅ}ࡒࡓࡃࡅࡍ ࡌࡔࡀࡁࡉࡀ ࡄࡉࡉࡀ ࡅࡀࡎࡅࡕࡀ {ࡅࡆࡓࡆ^ࡕࡀ^} ࡅࡆࡓࡆࡕࡀ ࡅࡆࡀࡊࡅࡕࡀ ࡕࡄࡅࡉࡋࡇ ࡋࡁࡉࡕࡇ ࡅࡃࡅࡓࡇ ࡅࡄࡉࡊࡋࡇ ࡅࡁࡉࡍࡉࡀࡍࡇ ࡖࡃࡀࡃࡌࡍࡃࡀ ࡁࡓ ࡏࡁࡅࡉࡀ
1:12 ࡆࡄࡀ ࡅࡏࡕࡀࡆࡀ ࡀࡉࡍࡀ ࡁࡉࡔࡕࡀ ࡖࡄࡉࡎࡌࡀࡕ ࡅࡓࡉࡁࡀࡕ ࡄࡉࡎࡌࡀࡕ ࡖࡄࡀࡎࡌࡉࡀ ࡀࡋࡀࡄࡉࡀ ࡅࡓࡉࡁࡀࡕ ࡖࡓࡀࡉࡁࡀࡋࡅࡍ ࡋࡁࡍࡇ ࡖࡀࡃࡀࡌ ࡅࡄࡅࡀ
1:13 ࡀࡔࡁࡉࡕࡀࡋࡉࡊ ࡀࡉࡍࡀ ࡁࡉࡔࡕࡀ ࡅࡌࡅࡌࡉࡍࡀࡋࡉࡊ ࡁࡁࡉࡋ ࡅࡍࡁࡅ ࡅࡍࡏࡓࡉࡂ ࡖࡕࡉࡐࡔࡓࡀࡉ ࡅࡕࡉࡐࡒࡀࡉ ࡌࡍ ࡄࡀࡆࡉࡍ ࡍࡉࡔࡉࡌࡕࡀ ࡅࡁࡉࡕࡀ ࡖࡃࡀࡃࡌࡍࡃࡀ ࡁࡓ ࡏࡁࡅࡉࡀ
1:14 ࡁࡔࡅࡌࡀࡉࡄࡅࡍ ࡖࡄࡋࡉࡍ ࡕࡋࡀࡕࡀ ࡌࡋࡀࡊࡉࡀ ࡖࡏࡕࡐࡒࡀࡃ ࡀࡋࡉࡊ ࡎࡃࡉࡌࡉࡕ ࡅࡄࡓࡉࡌࡉࡕ ࡅࡌࡊࡎࡉࡕ ࡅࡌࡁࡀࡈࡋࡉࡕ ࡅࡌࡀࡆࡉࡄࡉࡕ ࡀࡍࡀࡕ ࡀࡉࡍࡀ ࡁࡉࡔࡕࡀ ࡅࡊࡉࡅࡄࡕࡀ ࡌࡍ ࡄࡀࡆࡉࡍ
1:15 ࡁࡉࡕࡀ ࡅࡃࡅࡓࡀ ࡅࡄࡉࡊࡋࡀ ࡅࡁࡉࡍࡉࡀࡍࡀ ࡅࡒࡉࡍࡉࡀࡍࡇ ࡅࡄࡉࡅࡍࡉࡀࡕࡇ ࡖࡃࡀࡃࡌࡍࡃࡀ ࡁࡓ ࡏࡁࡅࡉࡀ ࡌࡔࡀࡁࡉࡀ ࡄࡉࡉࡀ ࡓࡁࡉࡀ ࡁࡍࡄࡅࡓࡀ ࡖࡍࡐࡔࡀࡉࡅࡍ ࡅࡄࡉࡉࡀ ࡆ̊ࡀࡊ̊ࡉࡀ