← Back
The Comprehensive Aramaic Lexicon
← Return to the Text Browser
click on the file description for more information
74429: Diuan uTafsir DRaza DAbahata

Click on a word for lexical analysis.
Click on a red-colored coordinate for comments and/or translations of the line
Ask AI about a passage
Hide manuscript variants

000a marai mšaba
000b kušṭa asinkun
001 bšumaihun ḏhiia rbia qadmaiia nukraiia mn almia ḏnhura iatiria ḏˁlauia kulhun ˁubadia asuta uzakuta uhaila ušrara
002 uˁmra ušima uhaduat liba ušabiq haṭaiia nihuilia ldilia baian brhauatum iaditun ia ahan ḏatitun mn abatran kḏ
003 ansaitẖ lhazin diuan mn diuan ḏiahia iuhana br šarat mamania {{uhia}}uiahia iuhana ansa mn diuan ḏrbai mhatam briahia
004 uaška ḏkdablẖ bgauẖ uamar ḏhazin diuan lahualẖ riša udinba ktab amud ḏhzat ainai ulahua lbr mn hazin diuan bšarša
005 ḏhiia bhalin dukta uana ansit mn ansatẖ uhiia malaiia hinun bhailẖ ḏiauar ziua usimat hiia
006 hazin ˁtibiun hanatun ˁutria luatẖ ḏhanatẖ niṭubta ˁmaihun ḏmalkia ˁštaiun mina šuta braita ḏtaqna mn
007 kulhun mimria ulibaiun haqilun usahaqlun lhazin parṣupa šbiha hazin⊚ uhaizak malil uamarlẖ mitia atina umasguiia
008 saginin lšaba šaiia atin lmihzia ziuia šaliia uˁlai dilia lšaminin ḏˁudnaian lašuma ubaiinin mamlalia iahbatlan
009 ḏlabahatan kulhun masqata udukrania mapraš ḏˁuṣraian mistmik ulibaian hadia uhailaian ṭapia lhad trin
010 uˁniš mn ˁutria paršigna lanitilan {{urazak}} urazak kasia naṭarlẖ lhad mn ruban iahbinalẖ hanatẖ ḏmšalam ulaiit
011 bgauẖ hargta iahbalan hazin raza ḏmasguiia baiinin ˁuhran rahiqa kḏ ḏglilak uanin bšgandia luguṭainin mahu
012 paršigna lanitilan iahbatlan kḏ haizin amar trin ˁutria nihia ḏhinun šurba rba mitqiriia malalat uamralun
013 ia bnai bukraiia šitlia ^ḏ^biaminai šitlit ziuaikun luatai iaqir unhuraikun luatai laˁstaiak hazin šuiala ḏanatun
014 šaialtun ˁlẖ ana laiadana ubsipria lˁdai ladar hinila qum asgun ˁzil lalma hazin ḏliaminai ḏhu almia ḏiauar
015 rba malkaihun ḏnaṣuraiia maria ˁumqia ḏkulẖ naṣiruta ˁul ˁzil baba ḏˁndruna luat naṭra ḏalma ˁul atutia
016 sradqa uazal mizlẖ ḏˁutria sqilia uˁštaiun luat hanatẖ malka malalia šbihia unṭiria usgudlẖ ḏrba udnulẖ
017 umraurab anat hibilziua kadpak ušul šulta ltrin draiak šabẖ anat iaqrẖ uqaimẖ lhazin iauar ziua ubziuẖ nilgaṭ
018 atutia margnia nitkarak ḏhu iahablkun malalia usamiklẖ lˁuṣraikun mn riš briš ⊚uhaizak qam hibil ziua
019 uiauar ziua {{ḏ}} mn qudamẖ ḏniṭupta rabtia kasita qadmaita luat iauar rba mizlun atun ual luat hanatẖ alma uˁl
020 hilbuna kasia asgun ukbiš qumtaihun usigudta sgid qumtaihun ušabatẖ umidnilia dnuta rabtia uhu rba luataihun
021 lamalil ḏalma ḏsaiik šanin rahmẖ kušṭa pšaṭ uˁštaṭia luat abahatẖ uhaizak karsauata traṣlun lˁutria atutaiun
022 uˁuṣṭlia ḏziua albišinun uaṭpilun bˁqara kul had minaiun alip ruban kḏ ḏˁtlẖ uamarlun malil ˁutria umamlalkun bˁqara
023 nitirṣun ukul mahu ḏbaiitun taškun ukul ḏšailitun nitnulkun anatun ainan dilan uiaqir minaikun luatan lanitaška uhaizak kḏ
024 amar iauar rba hazin mimra stahap ˁutria ˁl anpaihun npal uˁštaṭin uamrin anat malka ḏˁutria aba ḏmalkia
025 kulhun anat mida iadit ukasiata kulhin lqudamak mgalala glilan anin mahu ḏnimar ukḏ anat ṣarit zimta uiadit mahu
026 ḏbẖ hinila anin amarnin ḏšulta dilan hauia uanat bmaṭut ˁlauaian tihuia⊚ uhaizak malil hibilziua uliauar rba ḏnimarlẖ
027 atinin luatak malka ḏtaga utaprišinan lhalin ḏabahata ḏmasiqta uldukrania kulhun ˁu amrit ldilan anin arabigar dilak anˁn
028 uhaizak mihdar uhazia lˁiil uhazia unazia ltit uamar hazin raza lahzilẖ uhinila naṭar almia usipria ḏ naṣiruta saiarna
029 uhaizak qam uasgia lhilbuna gauaia ḏsabar bgauẖ nṭiria uarbin ušuba {{sa}} ṣapṭia pta uhazibun usipria hadtia
030 umindam ḏˁutria šaiil ˁlẖ pšaṭ ṭupsia hadtia uhatiqia uraza hanatẖ lahza uhaizak qam uata luataiun ḏtrin
031 ˁutria uamarlun ia bnai ušitlai rbuta bdaria latinisbun ˁumqia ḏnaṣiruta napša usaka litlun kulman ḏrbuta
032 bnaṣiruta nasib mnata lnhura bgauẖ litlẖ uhaizak asgia iauar {{zuṭa}} ziua ulgaṭ bˁuṣṭlia ḏiauar rba uhibil ziua
033 šaiil ˁlẖ uamarlẖ hapas mahu nibad ˁutria ḏalmia lamahpia ˁlan iadia ḏatainia luataikun ušaialia šalnin aiak
034 rba uašualania mahu paršigna nihuia luataikun {{ḏain}} ḏainan mn ˁutria lasaipin šgandia anin masguiia baiinin ˁuhran
035 glilak mahu damia uhaizak malil uamarlun lˁutria ḏana ˁiaprišinkun ˁu anin raza nitilkun ˁzil luat šahrat
036 anana ˁmẖ ḏnhura qadmaita ḏhˁ zaua ḏmara ḏrabuta mitqiria ˁzil luata bsigudta udnuta hazin raza kasia
037 amarulẖ ḏmn luat adinqia [] ugauaia lmihdiritun uhazak npaq ˁutria mn qudamẖ ḏmalka kḏ abda umarẖ
038 qurqlẖ damin lgabra qribaia ḏˁtbẖ ḏmn atutia habrẖ uzainẖ minẖ šiqlẖ uatun umṭun alma ḏšahrat anana
039 naṭria ušlihia alanpaihun npaq ulgaṭunun biaminun uziuia unhurẖ ltrin draiia d{q}<r>un uhaizak ailinun lqudamẖ ḏhanatẖ
040 anana kḏ hzun hanatẖ ziua lašar ligraihun lmiqam stuarun naqšia lhandamun ulakainia npal ˁutria ˁl anpaihun
041 uhaizak amrabun uamria ṭabia uˁda asimat ˁlauaihun urtitia unqišia minaihun zhun uqam lligraihun usagdia
042 umištaṭia kḏ abda lmarẖ ukḏ šualia ṭaba lrbẖ uamarlun lau bnia bnaian kaš{u}<i>ria bnata ḏniṭupta ḏanania hziuia
043 balmia hanik ḏpalugnin uhaizak malil hibil ziua uamarlẖ ˁin anin ḏhalin ḏanat šumaiin dkart uamarlun lmahu
044 damia manda ḏhiia uhaizak lziua ḏˁlẖ šria hazin gabra ḏšumẖ luatan triṣ uhanatẖ anania damian ḏiušamin
045 šaria hazin damian nbaṭ ziua ˁlai hu ḏhauia dauraian uhaizak malil iauar ziua unbaṭ ziua gabra ḏšaiil hazin
046 {{šuiala}} ˁutra ḏliaminai šitlẖ ḏmanda ḏhiia hu ana hu ^ḏ^ iauar uhaizak brẖ ḏmanda ḏhiia hu hibil ziua nbaṭ ziua
047 šumẖ uhaizak qamat lligra uhbaqtinun bhbaqa lˁutria uanhitinun bkanpa umnašqalun udima bˁumba {{natran}} ašdan
048 uamralun anatun šitlai ubnai bukrai dilia ḏšumaikun bkulhun almia zria kulman ḏmn šumaikun ladakar butẖ utušbihtẖ
049 latitqabal uhaizak {{qam}} atun patura ulahua ṣaiṭa uakal mn birkta ḏiardna hinun uštun hamra ṭaba ḏlahua
050 mn riuta ˁtiqria ḏhˁ ruha bišta bgauẖ ˁtkabšat ltlata malil ˁutria uamrilẖ baiinin lmizal lalman
051 hinila šulta minik nišaiil baiinin raza ḏṭabahata udukrania ḏhiia šauun uzuharia šauun masqata udukrania
052 halin šuba qinia ḏrabata kḏ klila lmasiqta tarṣit baiinin ḏnibašqar hazin raza uanat minẖ latagzar ˁlan
053 ⊚ uhaizak malalat šahrat anana lˁutria ḏtimarlun bhaiaikun malkia ḏalmia ṭabia ḏhazin raza ḏšaiiltun ˁlẖ ana
054 laiadana hinila {{bˁuṣrai}} npilia bˁuṣrai ḏnišailẖ lˁmaian kanat rabtia ḏkulhun bziua ḏlbuša lamašria hašta ḏanatun
055 bitulẖ lhazin šulta ˁzil luata ḏdmuta zgigta ḏkul mahu ḏšailitun minẖ lamagzrẖ ˁlauaikun ulibaikun hadilkun
056 bgiuat aminṭul ḏbˁumqa ḏnaṣiruta kulẖ atutia hiṣra ḏiaminẖ nṭir uhaizak qam ˁutria umasgin luat kanat rabtia
057 ḏkulhun almia ḏnhura uhšuka minẖ praš ual uazal luatẖ kbar ziua ḏhanata dmuta ˁlauaihun alma ḏlanida ḏnimalalun
058 luatẖ ušlama uṭabuta laiahbia unṭar unpal qudamẖ alma ḏmia ḏiardnia hiuaria rmun ˁlauaihun uaqmunun lligraihun
059 uhaizak dmun lqaina rsisa alma lṣṭipra uhaizak atun luatẖ ḏdmuta uiahbulẖ sigudta ušabata uamrilẖ atinin ḏnihuiẖ
060 {{arqa}} ^ra^bigar ḏmalkia uabu ḏanania ukušṭa atin lhazin dmuta ḏmišal minaikun šulta lika ḏiahbilun ḏlibun bṭapia rmia
061 ḏlaiadinin ˁlia azlinin uˁlia hu hauia mizlan hinila huin luat šahrat anana uanat hˁ luatik šadirtinan ḏnitrapraš mn
062 luatik ulibaian nitab lsamkia mahu paršigna iahbatlan ṭubẖ lman ḏlibẖ galilẖ ḏmahu ḏmn ṣṭipra ṣṭarar umahu
063 ḏhiia iahbilẖ umahu ḏlibẖ samik ˁlẖ⊚ kḏ haza šimat ˁmaihun ḏˁutria ˁtbasmat uhdat uˁtgaiat uamra lika
064 ṭura gzira ulika ḏmarẖ agzar ˁlẖ ulika abda kšira ḏmarẖ bzida ragiz ˁlẖ ulika ḏbaiia dahba uhadar ukaspa maška
065 ia bnai lbušaikun dra ṭuna ḏkabir hašta sumkia anatun haslẖ ḏniqum bplugta haslinan ldilan ulatihasrinan šultaikun
066 hinila kulmahu ḏbaiitun luatan triṣ uqaiim unaṭarlkun mn qudam ḏabahatkun nihuilkun uhaizak qarialẖ lšahariala zuṭa
067 ḏqaiim lqudamẖ ḏiusmir ˁutra ulšilmai ṭaba ulbhaq uhanaiil usamandarˁil sdira urbẖ šinglan ˁutra ahuia ḏ
068 šinglan ulhaiašum qašiša ulzihrun ginzaia ulguhran madrana uamralun nsibunun lhalin ˁutria bnihuta ubˁqara uaqmunun
069 qudam abahatan umalkaian umaran umqablana ḏbutan utušbihtan ḏkulium anin midninalẖ ḏhu mara ḏrabuta šumẖ ḏziuẖ
070 dilẖ mrabilan aiak pira ḏbšamša ḏšulta lhalin ˁutria nitilun ḏlibaiun lˁtib ulahadar aminṭul ḏbnaian iaqiria
071 hinun ⊚ uhaizak nsabunun uazal lqudamẖ ḏmalka rama ḏnhura bkulhin bar^a^kata ḏnapša usaka litlaiin ⊚ ukulhun naṭria ˁutria
072 sgid ušaba uˁštaṭia lmaraihun ukḏ sa^ii^kiun rahmaiun malil malka ḏnhura ḏnimarlun ltrin ˁutria anat hu hibil ziua
073 msadrana brẖ ḏmanda ḏhiia uhaizak hu iauar ziua br nbaṭ ziua gabra ḏṣautẖ šrˁia ˁlan anatun trin msadrania
074 ⊚ baiitun ḏtisadrun kulhun almia ḏhšuka unhura lˁdaikun dilkun nistadar hazin šulta ḏbaiitun minaian iamitun ḏkasitun razaian
075 laiahbitun lˁutria blilia ḏrbuta sriqta nasbin umaprišnalkun ḏhauia ˁuṣraikun ḏlhad mn alpa iahbitulẖ uhaizak iamun ˁutria
076 mumata ḏkahua ukadra uˁqara lamgalalinin ˁlẖ lhad mn alpa iahbinalẖ ultrin mn ruban gubria kšiṭia umhaimnia ḏsina qina
077 uplugia binataihun lahauia⊚ uhaizak malil mara ḏrabuta lˁutria nihia ḏnimarlun baiitun ḏtidun hazin raza lˁutria ḏriša
078 malala baraiia galil lsrin uarba iahria arhunun uaqmunun mn libaikun lraza dilkun kasia uṭabuta dilkun mqablin uminilkun kḏ
079 abda lmarẖ ukḏ rabigar niha lmartẖ natnun ḏrazaikun blibaikun aminṭul ḏlbušaikun aiak mia bhamra ˁtarab ˁu razaikun
080 baraiia lakasin gauaiia dilkun lguṭ latatnun ˁdulun aminṭul ḏrabuta nasib baiin ḏ^la^ˁdinun lˁutria ḏginzaia ḏmalka anin šuhba
081 abdia ˁl anpaihun lhanatun lnhura lasalqia ⊚ uhaiman ˁutria mimrẖ ḏmalka bkul mindam ḏšminun hzun kḏ haizin hua malil
082 mara ḏrabuta ḏnimarlun uˁniana rmalun uamarlun ⊚ kma šanai ziuaikun malkia ukma dmutaikun taqna ainia ḏˁutria pahtitun
083 umdabrana ḏmalkia kulhun qlidia ḏziua bˁdaikun ulṣapṭia ḏziua gamritun ˁsiqtan urušuman ukušṭan blibaikun dilkun nitnaṭar
084 tana ḏiaqid bziua upasimka ḏbẖ pihta nṭir dmutaikun ukulhun almia umalkia uniṭupiata lmimra dilkun našrun mn riš briš⊚ uhaizak
085 pašiqtẖ kanat rabtia lhazin ˁniana iaqira ḏrmalun mara ḏrabuta lˁutria uamar ⊚ hazin ḏamar malkaian kma šainai
086 ziuaikun malkia kma dma hu šanai mirta hˁ ziuaikun balgam hu malkia ziua hu ⊚ kma dmutaikun taqna ruha unišimta upagra
087 hinun ⊚ ainia ḏˁutria pahtitun maṣbuta hˁ umamla ḏnṭar blišana hu ḏlapahtan ainia ḏrazia ˁlẖ bmamla hu maṣbuta šumẖ
088 umdabra<<na>> ḏlkulhun malkia hu ḏlˁṣṭuna kulẖ mdabarlẖ hu trin razia ḏminẖ iaqiria ḏhu zma ḏtartin ainia šumẖ aqlidia
089 ḏziua bˁdaikun tlata rušumia hinun sapṭia ginzia gamritun dilkun ˁuṣra utirata uandašata hinun ˁsiqta urušuma ukušṭa
090 riša uhalṣa ḏˁuṣṭuna hinun ḏlˁdaikun dilkun nitnaṭrun urušuma ḏšuba rušumia ḏiahṭaṭa urušuma ḏˁlaia ḏriša ḏhinun
091 tlata gaunia mitrišmia bisiqta had bparzla bmiša tana ḏiaqid bziua balgma ḏbzma rmia ⊚ pasimka ḏbpihta
092 nṭir ainia ḏbriša iaqda niniṭrun dmauatkun iamina usmala hinun almia umalkia uniṭupiata kabda uhašaša ukuliata hinun
093 ḏhinun malkia ḏbiniania kulhun lmimra dilkun našrun nišimta ugirmia hinun ⊚ mn riš briš ḏmn riša uligrẖ hu⊚ kḏ rmalun
094 hazin ˁniana lˁutria lahualun pasuk ḏnatunun lbr mn mahu qam hibilziua ulgaṭ ligrẖ ḏiaminẖ ḏmara ḏrabuta umnašiqlẖ
095 umbaraklẖ uhu iauar ziua laṭmẖ ḏmara ḏrabuta uligṭẖ bˁdẖ umnašiqlẖ uainẖ bdimihta ˁṣṭararat umbarkilẖ
096 umraurbilẖ umqaimilẖ lmara ḏrabuta uamarlẖ bmaṭut tihuia ˁlauaian uhaizak aṭpilun ziua lˁutria unhura rama ˁlauaihun
097 pras⊚ uhaizak malil mara ḏrabuta lˁutria msadrania ḏnimarlun ia bnai ušitlai hzun ubašqar napšaikun
098 utidun ḏhšuka ˁtbẖ haila bˁnpiš unhura ˁmra ušima bgaua nṭir ukḏ nhura ramin bhšuka uhšuka
099 banhura ˁtimlia hazin ˁuṣṭuna kulẖ uhšuka haška hu ruha qarilẖ almia udaria hazin nhura nišimta
100 hu ukḏ ˁṣṭarar almia ḏhšuka nhura bgauaihun lahua lbr mn rpilia ḏhˁ taga ḏnapiq mn hauma
101 uiaqdana ˁu napiq mn ˁuṣṭuna ḏhauma iatba kḏ hala hšuka prašbẖ malka uarqahatun huat hpariun
102 arqa ḏmn ˁlauaiun udalunun lhilbunun ḏlaniṭbun kḏ hazin abadiun hanatun dukta hua bira uˁtniqbat uazlat
103 uniplat bṣihiun paqata unihtat ltit šabima uarbin parsia hazin arqa ḏtibil bira ḏmia sariia
104 huat uana ukanat ˁmaikun hatam luataiun huainin kḏ parišnin lˁbidatun braza ḏnišimta lgaṭnin araqnin
105 mn hak dukta ḏanin kḏ dilun lanihuia sliqnin mn hak bira uatinin lhazin dukta aminṭul ḏbtibil iarqia
106 duktai ḏligrai lˁška kḏ lhaka atinin hašibiun hšukaiia ḏmalkuta dilun tihuia anin iadinin ḏmahu ḏhauia
107 minaiun iadinin kḏ mia dilan azlia luatun rihaiun zapra basum hinila šurbata dilan lanapša aminṭul ḏkulman ḏ
108 ˁˁṣṭarar bhanik almia mn atutia arqa ḏtibil lbit hiia lasaliq qamnin ukdabnin prudqa upilṭat ḏnihuia
109 iuma ḏˁl ˁdẖ ḏhibil ziua anat tista^da^rbun hašta maṭia zibna uˁdana ḏanat lhak dukta tiasgia utisadar
110 ḏanin mparqinalak uanat bzaraztak mahu ḏmpaqdit ˁbid usadar ḏanin nihuilak adiaura hinila ˁka hauilak
111 alma ḏmasiqtak qarinalak uluatan salqit umitqaimit⊚ uhaizak amarlẖ halin masqata kulhin ḏmitqiriia
112 ḏhˁ ṭabahata hˁ aminṭul ḏmasiqta dilak hibilziua ḏrabata dilẖ šaba qini{{ni}}a hua kul qina paṭiria tlata hinun
113 {{kul}} masiqta ḏmitqiria šaba qininia hinun ⊚ tum dukrania ḏanat šaiilt ˁlauaihun hda qina hinun hinila rihbata
114 dilun kḏ ṭabahata hinun⊚ ia šitlai halin ḏ^rah^abahata raza taqna hinun ḏlmasqata mtarṣilẖ hzun ubašqar ḏˁl
115 paṭira ˁtšaia iatba hin hinun asria uhatmia kul raza hzun ˁtša iahria šakub ianqa ubiahra asriaia lami
116 tqaiam hatam hauilẖ rihbata ḏniparquia mn kul dmu ḏˁtlẖ miša uasa uamuza uriha udupša ḏhu badmu
117 hamra hu ˁtlẖ ṣatra uṣita ukulẖ ḏšahba bainia ḏˁtlẖ tartin ainia ḏhalba ˁtlẖ had mia uhad halalta
118 hinun ˁtlẖ ṭnaza lhalṣẖ badmu himiana hu ˁtlẖ šapinza lhudẖ ḏhu badmu ḏmanda hu ḏˁniš laiit ˁlẖ ˁtlẖ
119 lbr mn ˁmẖ ˁtlẖ pasimka ḏladaiik ˁtlẖ ṣurta ḏnailia lanilun ˁlẖ ulaništalṭun ˁtlẖ zanga mqarqša{{a}} ḏnišimta
120 bpagra lašahra uladauia⊚ ia šitlai masqata ḏ^a^rabata ḏabahata dilan umaṣbuta bukarta damia ḏabahata
121 ḏmitqirian lhudaiin maṣbutata huriniata damian aminṭul ḏhalin abahata ruha unišimta upagra hinin hzun ḏhinun
122 tlata hinun hda minaiun hanatẖ titai pagra hu utiniana ruha hu utlitaia nišimta hu ˁu paṭira hauia lhudẖ hazin
123 šuma laˁtasaqlun hinun hinun tlata paṭiria ušaba qinia hinun qina qadmaita qurqbana hu ḏnasib ˁkilta mn qudam
124 ˁuṣṭuna akil ⊚ qina tiniantia kabda hu ḏnasib umpalgla lˁkiltẖ bkulẖ pagra ⊚ qina tlitaita ṭahala hu ⊚ qina arbiaita
125 kabadia hinun ⊚ qina hamšaiaita kuliata hinun ⊚ qina šitaita liba hu ⊚ qina šubaita ḏrušumia triṣia bgaua
126 usadarata upuma uprata bgaua hu triṣ riša hˁ aminṭul ḏˁkilta umašqita upihta uprata upalga ḏbisra
127 mitinsib bhanatẖ pagra blaita⊚ ia bnai bisra kulẖ lamitkil bhanatẖ pihta aminṭul ḏabahata anin hinun palga
128 ḏbisra laba upalga hurina naṭar bduktẖ lˁmẖ hu hzun ḏbisra hak ḏiauna tartin kinianẖ hu alma ḏmn kulhun
129 ṣipria tartin iaunia utartin bˁiia ramia lagṭa uzrazia bium bium bmanian ṣipria lahauia hzun ḏˁmbra br
130 tata ḏtrin rišia ˁtlẖ ḏladamia dibrẖ lqiriata huriniata ḏminda mn bisraiun lamitkil hzun ḏriša ḏtata
131 ḏaba hu ualitẖ ḏˁma hˁ pruš alma sqila ˁlita aminṭul ḏamarnin ḏrušuma ldilia uhak lˁnta uhaizak ˁtasaqlia
132 ˁlita ḏamamia utaumia kulhun ladamia ulaiadia mahu ḏamria⊚ ia šitlai ṭabia kḏ qaritun ḏabahata tidun ḏṭabahata
133 anin hu hzun ḏkḏ ṣabitun maṣbuta uamritun trin agia ḏasa ḏhinun klilia ḏiardna urazia kulhun mlabšibun anin hinun
134 hzun ḏhimiankun hlil trin aṭirpia hu had ldilia uhad lˁmaikun hazin ˁmaikun ḏkulhun hazin tagaikun trin ˁpia
135 had ldilia uhad lˁma rabtia uhu hzun ḏkulmindam ḏnapiq mn ṭabahata lamitqaiam hzun ḏtrin trin kulmindam
136 ulabaṭil ⊚ šumẖ ana hu uarqa ˁmẖ hˁ ⊚ ˁumama ana hu ulilia ˁma hˁ ⊚ ukul mahu ḏbarqa qahda trin gaunia
137 hauia bmalalkun⊚ ukḏ qaritun ṭabahata ḏhinun ˁu masiqta qaritun latimrun ḏqrainia hda aminṭul ḏšitin
138 hda traṣa lhudẖ ušaba hda traṣa lhudẖ hu šitin hu lˁmẖ ušaba ldilia hinun aminṭul ḏšitin arqa ušaba ˁ
139 arabata šuma tum kḏ qaritun ṭabahata lhudẖ latiqrun lihdaita urahmẖ ˁlẖ tibun lihdaita pasqitun ruha
140 mn nišimta ḏla^la^uian mn hdadia uruha lmuzania laqarba kulman ḏṭabahata niqria lhudẖ umia uhamra pasiq
141 mn hdadia limalia ḏnidra palgi^a^ ḏbisra kḏ ḏhu had raza sadar limalia lmia ḏnihalil kḏ libẖ mnata lahab
142 ulimalia ḏmimar bzuharia ḏṭabahatan urubanan kḏ lhudẖ aba šuma dkar ⊚ kḏ haizin raza hazitun bainaikun
143 ušamitun bˁudnaikun anatun ḏsalqitun umasqitun nišmatkun ˁu pasuhiatkun ulau midritun uailinin lnišmata ḏ
144 ˁbhiia lasahdin had minaihun lnhura lasaliq ⊚uhaizak malil hibilziua lmara ḏrabuta ḏnimarlẖ ia maran dilan
145 umaraihun ḏmalkia kulhun ahbalan pušqa ḏqarinin uhad had raza uminilia ltrin baiin lraza uˁl ḏkḏ hazilẖ tarmidia
146 umistmik libaiun lsamkia aminṭul ḏanat iadit ḏdinba ḏdara batraia mahu minaiun ḏtarmidia margnaiun abid
147 uminaiun ḏtagaiun akum ˁl talia uginzaikun hašuk blibaiun ukḏ {{masgia}} masqia ginza utaqun ḏnisaq lriš umzahria
148 uhdadia uhdadia bkušṭa larahmia umalpia hdadia ginza ulahazin hdadia ubarkia umidamin bdumaiia ḏaumaiia ḏhinun
149 hdadia gaṭlia ḏnasbin rbuta riqantia lhdadia uhad lhudẖ lhurina mganilẖ ulitbaiun ˁniš ḏmšalam hadrin
150 uhauilẖ ridpa amrilẖ qum puq {{ridpa}} mn binataiun ḏmalalak mkadbia umšaqria kḏ haizin hin ldaura ṭaba
151 lanihzuna anat ahbalia kulmindam ḏbaiina ḏˁhbilun ˁdilma minaihun salqia lhaka uhaimanuta bhazin miṣra hauilun
152 ulamasgin ˁbidatun bhambalta mnata ḏnaṣiruta laˁtqiriat abidlẖ šaia uˁqara kḏ had mn habrẖ ˁiasgia
153 ašualia ṣalia mn rbẖ amarlẖ ḏuailan ḏanat hauit⊚ uhaizak malil mara ḏrabuta lhibilziua ḏnimarlẖ ia malka
154 ḏalmia ḏnhura ukḏ qaritun masqata umaṭitun paṭira tmanaia razia kulhun piria lhdadia šakbia alma ḏmaṭitun
155 paṭira tšaiaia uamritun ˁniana ˁlẖ umsakitulẖ kulhun razia ˁtar mn muta šinta ḏkidrat ˁlauaiun ukḏ ˁniana
156 amritun ˁrutai utušbihtai mabraiai mabar hilpa laptun ruha {{mn}} unišimta bihdadia uabartunin mn plugta
157 lhaimanuta aminṭul ḏˁrutai ruha utušbihtai nišimta hinun sa sa
158 uhaizak kḏ qaimitun lligraikun uamritun laupa uruaha ḏhiia ušabiq haṭaiia nihuilẖ lhaza nišimtẖ ḏplan
159 br planita ḏhaza masiqta udabahatan urubanan udahan udahuatan ḏnpaq mn pagraihun uldqaimia bpagra
160 ˁihun tidun ḏpaṭira udabahatan kulẖ hinun aminṭul ḏsrin uhda paṭira ⊚ ukḏ amritun laupa paṭira qadmaia
161 hu ⊚ uruaha paṭira tiniana hu ⊚ ḏhiia paṭira tlitaia hu ⊚ šabiq paṭira arbaiaia hu ⊚ haṭaiia paṭira
162 hamšiaia hu ⊚ nihuilẖ paṭira šitaia hu ⊚ lnišimta paṭira šubaia hu ⊚ ḏplan paṭira tmanaia hu ⊚ br
163 paṭira ḏtšaiaia hu ⊚ planita paṭira asriaia hu ⊚ ḏhaza paṭira hdisaraia hu ⊚ masiqta paṭira trisaraia
164 hu ⊚ uṭabahatan paṭira ḏtlasaraia hu ⊚ urubanan paṭira arbasaraia hu ⊚ udahan paṭira hamisar
165 hu ⊚ udahuatan paṭira ḏšitasar hu ⊚ ḏnpaq paṭira ḏšubasar hu ⊚ mn paṭira ḏtminasar
166 hu ⊚ pagraihun paṭira ḏtšasar hu ⊚ uldqaimia paṭira ḏsrin hu ⊚ bpagraihun paṭira ḏsrin uhda hu ⊚
167 ukḏ amritun bšumaihun ḏhiia rbia haial kbar raza rba ḏziua unhura uˁqara ḏšria lpumaihun ḏhiia qadmaiia
168 ˁtatna hatma rba lkulhun razia ḏhad mn hurina lanitpaqad aminṭul ḏhaial kbar rba ḏgabaruta rišaihun ḏ
169 ˁgiadia lširiania ugaṭinata ukulhun handamẖ bgauẖ lgiṭia kḏ mia ḏbuta qaritun raza ḏmazaruta ḏnapla bmarba
170 hˁ⊚ kḏ amritun labahatan urubanan ulahan ulahuatan ḏnpaq mn pagraihun uldqaimia bpagraihun halin ˁtša pugdamia
171 ˁtša iahria ḏmrabilẖ lniṭupta ḏmazaruta hinun badmu hanatẖ ˁtša iahria ḏianqa bgau^ai^hun rabia hinun kḏ
172 amritun hal ^uhiia^ qadmaiia amritun ^uriha^ uamritun lbr mn riha ḏmanda ḏhiia ḏlasaiip ulabaṭil {{ˁudnia hinun dkadba
173 laiit bmamlalia}} riha ḏmanda ḏhiia rušuma hu ḏnhura nasib umabṭilun lrazia kulhun ḏlasai^i^p ulabaṭil ˁudnia
174 hinun ḏkadba laiit bmamlalia ⊚ ukḏ audin utušbihan qaritun uamritun kruk udhia urahiq ubaṭil zma umirta
175 uziqa ubalgam ḏhinun arba razia ḏhinun biniana bdilun uhambalta bˁdaiun nṭir umalakia ḏrugza ubarda uglala kupna
176 uṣihia udahalta uṭnupia hinun ⊚ ukḏ tušbihan lhiia baraiia arqa ušumia uaiar hinun tušbihan arqa lhiia šumia
177 baraiia aiar dakia hu hinun pagra uruha unišimta mitqiria ⊚ ukḏ amritun biad mahiqania kadabia hunpania ˁ
178 umagzirania latišdinan mn aria uhiuia unura uarqba pariqtuna lhanatẖ nišimta aminṭul ḏhauma ḏhaiim
179 uakila lˁuṣṭuna aria šumẖ ubarda taqipa mkarkislẖ lˁuṣṭuna hiuia šumẖ uhunpania hupnia andašata uplugia uhušbia
180 bišia hinun umagzirania raza ḏparzla hu ukadaba hu kulman ḏnapil ˁlẖ lbit hiia lamitakšar ḏhu ṭnupia rba
181 qadiša ḏiaqid blilbia ḏbnia anašia ḏhu raza rata šumẖ uraza ḏmarba mitiqria kulman ḏṭarib minẖ
182 mitagzar uˁtagzar aminṭul ḏagzarta gzurta hˁ kulman ḏadinqia ḏniqria agzarta bhabara mn nhura šania
183 nitagzar aminṭul ḏagzarta gzurta hˁ ⊚ tum amritun ˁlkun udilkun hiia bimanda uṭariana upasimka amritun
184 hinun ˁuṣṭuna hinun uligria uˁdia ulišana ˁlkun ligria hinun udilkun ˁdia uhiia lišana hu aminṭul ḏḏkulman ḏmamlala
185 litlẖ lau mn hiia mitlip ḏlšabuhia liaquria lrarubia lbarukia arbia zauiata hinun ˁudnia ḏkabda ḏhad
186 mašqilẖ zma liaminẖ uhad mašqilẖ mirta lsmalẖ uhad mašqilẖ mia lkuliata uhad mašqilẖ mia
187 ṭaba lmuqra ukḏ qaritun umaṭitun uamritun ltaurˁil ˁutra ḏšria lkisia ḏmia ḏmn hiṣra ḏiaminẖ
188 gṭa unpal ḏhua btibil hua akla balmia ḏšiqra taurˁil hanatẖ naura ḏatutia iardna mitahuia ḏhu iardna
189 gauaia hu ukḏ madiq ˁniš biardna lkul mindam hazilẖ ḏšria lkisia ḏmia rušuma ḏškib biardna hu
190 bˁuṣṭuna uhaimanuta hu mn hiṣra ḏiaminẖ ḏmn ˁsiqta ḏšum iauar hˁ bˁuṣṭuna tlat ṭupria ḏˁliana
191 ˁsiqta rišaita hiṣra hinun gṭa npal hua btibil gṭa ˁš hu npal mirta hˁ tihua aṭapa ḏaṭip ˁuṣṭuna
192 raza ḏminẖ šagia hu btibil ˁuṣṭuna hu uhua akla hua qnasa hu hu muta ⊚ balma ḏšiqra daura ḏšibiahia
193 ḏlanišlun nišmata ḏsipa umuta nitiqria uništalam ⊚ ukḏ ṣihiun upardun ukanpun amritun ltlata almia ḏhabara
194 lanisiblun ˁdkartun ḏhinun rušuma ḏatutia margna hinun šura uhadia ḏiamina uhadia ḏsmala hinun aminṭul ḏ
195 ṣihiun šura hu umindam bgaua lamaškit lˁkilta umašqita upardun hadia ḏiamina hu ḏianqa ˁkilta minẖ akil
196 ukanpun hadia ḏsmala ḏmia mašqilun uminẖ lanahit lsmala lamarbik alma⊚ ukḏ bligria uzakia uqaima amritun
197 lhama umia lruha unišimta iahabtun asia ⊚ ukḏ laupa ḏhiia amritun ḏmišqal ainia udha nsabtunẖ uminẖ ḏnišimta
198 asartuna ⊚ ukḏ bit mišqal ainia kadpia udraiia amritun lhamša g{{ua}}adia ḏbnišimta traṣtunun ḏhinun arqa
199 uˁšumia uziqa unura umia uˁuṣṭuna ukarsa uganba uguara urišiẖ udinbẖ hinun ganba arqa hˁ urqiha karsa hˁ
200 bguara ziqa hu riša mia umia hinun dinba nura hˁ braza bgungia škina ḏmatralun lrazia ḏgabaruta mahmalun
201 ⊚ ukḏ tikpar utišqal amritun uamritun maṣbuta umasiqta bruha unišimta ušalimtun ⊚ ukḏ tihuilun asuta ḏhiia
202 klila rauza lnišimta traṣlẖ ˁtasiat mn mihiata ḏšuba mihiu ⊚ ukḏ nasbit uamrit sagidna ušahabana
203 umšabana lhak mana rba kasia qadmaia dnuta ldilia mara ḏrabuta iahabtun upihta ḏliaminak kulhun razia umalkia
204 bgauẖ ušabatẖ liauar ziua iukabar hu ⊚ sagidna šahabana lhak šuta kasita šarat anana hˁ ⊚ sigdit
205 ušabatẖ lˁuṣar ḏpta pihta bkisia manda ḏhiia hu ⊚ [
206 sigdit ušabatẖ lˁuṣar nhur iauar rba ḏhiia hu iušamin dakia usam smir hu ⊚ sagidna ušahabana umšabana
207 lhak šuta kasita qadmaita aina rabtia qadmaita almia minẖ ˁṣṭarar hˁ ⊚ mqaimitun hiia qadmaiia
208 ḏˁniš qudamaikun lahua ziua unhura hinun utartin ainia ḏmazruta hinun ⊚ halin tmania bauata tmania tarmidia
209 hinun ⊚ tmania babia ḏmadnia hinun ḏhinin tabria tmania mbaklauata ḏhšuka hinun ⊚ kḏ amritun biriauiš kana
210 ḏmia hiia nbaṭ nibṭa qadmaia himta ḏšrun raza ḏlhdadia lhurina ˁstarikbẖ ubašqrẖ {{⊚}} lšumẖ ulnapšiẖ
211 asiq aminṭul ḏzhara ḏbiriauiš kana ḏmia hiia šumẖ hu ⊚ ukḏ amritun šumak iatir hiia nišimta tlata
212 rušumia ˁtrišmat aminṭul ḏnipqat mn hšuka lnhura umn biša lṭaba umn muta lhiia hinun uhinun ḏm^it^rišmia
213 abatar šuma aminṭul ḏˁtarab mia bhamra mazaruta uzma ḏhdadia trib hinun ⊚ ukḏ matnitulẖ lhalin razia
214 uklila nasbitun uamritun bšuma ḏhiia nhar nhura nhar nhura nhar nhura halin tmania pugdamia naṭria ḏhalin
215 tmania nibzia hinun ⊚ ukḏ zhira umzahra hatam amritun unaṭria trin ḏmn biriauiš ušumak iatir hiia luatun
216 ḏhinun ukḏ klila brazia hinun ruha unišimta luatun lškinata ḏabatur pagra hinun uˁuṣṭuna haka bgauẖ ailẖ
217 abatar ḏmn haka napqa ⊚ ukḏ miša nasbitun uasgia manda ḏhiia lkukbia uhizuẖ ainia umahzita ˁukma uzapia [
218 utimria uhiura hinun manda ḏhiia hanatẖ šušma hiuara ḏbgauaiun iaqid⊚ ukḏ iatbitun uamritun laupa
219 uruaha ḏhiia ušabiq haṭaiia nihuilia lhaza nišimta ḏplan br planita ḏhaza masiqta bšuma ḏhiia
220 nukraiia hazin ziua unhur hiia mipaq ruha unišimta mn pagra srin uarba razia ḏpagra aitinun dkartinun
221 ḏhinun trisar giṭria ušuba babia uhamša hatmia hinun zurpinia ḏpquta laupa ḏlqina qadmaita [
222 madkar šuma hu ⊚ uruaha zurpinia ḏgbẖ ḏmasa utlitaia iaṣila uarbiaia upasaniata ḏˁdia hu uhamšiaia
223 ˁgba ḏṣbata ušitaia giṭria ḏpalga ḏṣbata hu ušubaia giṭria ḏriša ḏṣbata hinun ⊚ utmanaia giṭria
224 ukaupa ḏpquta hu ⊚ tšaiaia kaupia ḏburkia hu ⊚ uasriaia giṭria ḏmuza ḏligria hu ḏkaiip ligria upašiṭ ⊚
225 uhdisaraia giṭria ḏgbẖ ḏṣbata ḏligria ⊚ utrisaraia giṭria rišaiia ḏligria hinun⊚ halin šuba hurinia
226 šuba babia ḏbriša šrin ḏhinun bma rba hˁ ubaina ḏiamina ubia rba aina ḏsmala hu ⊚ ubaz rba ˁudna ḏ
227 iamina hˁ ubaziz rba ˁudna ḏsmala ubas rba baba ḏnhira ḏiamina hˁ ubasin rba baba ḏnhira ḏ
228 smala hˁ ubas iama puma hu uhu iama ḏkšaša umšaša litbẖ hu ⊚ uhalin hamša hurinia hanatẖ šumaiin
229 dkarnin hinun ⊚ ukḏ tlat adiata madit uamrit lhalin tlata paṭiria šauitinun kḏ ˁṣṭbun kḏ bma ḏbẖ
230 ršamtun lpmẖ qadmaia htamtun urabaita lkulhun šauitun ukḏ lbit abatur rašmitun lšabima usrin razia
231 ḏˁuṣṭuna kulhun ršamtinun tlatma ušitin ḏnhura utlatma ušitin ḏhšuka ulbuša ḏziua albištu lnišimta {{unhura}}
232 unhura iaqra lruha prastu ukḏ amritun azlat {{ruha}} umaṭat maṭarta ḏarba gubria bnia šlama arba kušṭia
233 ḏˁštalambẖ lruha unišimta kušṭa ḏiardna ukušṭa ḏmiša ukušṭa ḏpihta ukušṭa ḏsaiakta ḏlaiit lbr
234 minaihun ⊚ ukḏ amrit azlat ruha ḏplan uhuat kḏ zan nišimta mia uhamra luat hdadia aribt hanatẖ
235 ṭabahata ḏmn masiqta ˁštalmat ⊚ kḏ madit tlat adiata lpaṭira ulhanatun tlata paṭiria ṣbitinun udakitinun
236 ⊚ ukḏ ašar ṣban ṣabuha amrit qaiimtinun uqaiamta lmaṣbutaihun ⊚ {{ukḏ ṣbina bšuma ḏhiia amritun rušuma}}
237 ^ukḏ amrit hu šum uršum nisbit mn gilia mia hibil ušitil uanuš iaminun misa mia lhanatẖ nišimta ⊚ kḏ ṣbina bšuma ḏhiia amritun rušuma^
238 ḏgida ḏiardna atirtun ubruha unišimta ziua unhura uˁqara albištuna lnišimta ⊚ ukḏ brẖ ana ḏman mana
239 usmira amritun lhanatẖ ziua ḏiaqid bgu mana ḏhu liba uhu iusmir ziua qadmaia šumẖ ḏanhartẖ lkulhun
240 razia ḏˁuṣṭuna buna ušitlẖ šapitinun uanhartinun sa
241 hazin hˁ qina qadmaita ḏˁstadrat alma lbrẖ ana ḏman mana smira hˁ ḏqina šumẖ umahta sadana
242 ˁlẖ smik kulẖ ginza ˁlaia utitaia hˁ hadia ˁuṣṭuna hˁ ukulhun razia malgiṭibẖ ⊚ tum qina tiniantia mšaritun
243 uamritun laupa uruaha ḏhiia ušabiq haṭaiia nihuilia lhaza nišimta ḏplan br planita ḏhaza masiqta
244 lrazia kadiria aškibtinun mn aqa lruaha aminṭul ḏhalin šaba qinia šuba garglia ḏmn ˁlauia biniana
245 kulẖ hinun biṣṭuna šaba kabadia ḏˁkilta umašqita ruha unišimta urazia kulhun bgauaihun lgiṭia uhaizak
246 nihuia badmu kabadia ulagṭa biniana baru ḏabahata uadiaura ḏmiša ukḏ ṭabahata ḏmasiqta ḏadam
247 qaritun šaba babia ḏbriša šarin hˁ kḏ ṭabahata ḏdukrania qaritun ruha unišimta hinun aminṭul
248 ḏbkul had masiqta had had biniana hinun kḏ ziua ḏšamiš usira ḏbrqiha ḏkul had iuma bhad kinta ukḏ
249 aiar ḏnašim btibil ḏkul had iahra had riha hauilẖ ukḏ ṭabahata ḏmasiqta bhiria zidqa qaritun
250 kul had minaikun lqina sadarlẖ barauata tidun ḏqina qadmaita ḏhanatẖ tarmida ḏarauata ḏmia ḏbuta
251 lˁda mitarbia utiniana liamina hu ⊚ utlitaia hˁ alma ḏhadra uatia luatẖ⊚ ia šitlai ṭaba tidun ḏṭabahata
252 arbin utrin rušumia mitrišma utmania utmanan uarbia adiata mitqaima lbr mn nišimta bqina batraita
253 ḏbgaua amrit laupa uruaha ḏhiia ušabiq haṭaiia nihuilẖ lhaza nišimta ḏplan br planita ḏhaza masiqta ukḏ
254 amrit hak nišimta ulnišmata bkulhun razia albištẖ ukḏ bmadbẖ ˁdak naṭrit ularašmit lpuma qadmaia htamtẖ
255 ulbiniana kulẖ zaraztẖ ukḏ bit abatur amrit alat nišimta ḏplan br planita ḏhaza masiqta lbit abatur uiahbat
256 šumẖ urušumẖ ubiriktẖ umaṣbutẖ umindam ḏbẖ nišmata ḏabahatan ršima brušuma ḏhiia abahatan kḏ
257 anatun hatam amritun anin hinun ḏainan ˁlauaikun triṣa bkulmindam ⊚ halin ma usrin ušita rušumia uadaiata
258 ḏˁka bṭabahata tidun ḏkul had minaihun hda malka hu ⊚ aminṭul ḏhamša iumia ḏdukrania uhamša liliautun
259 hda iuma hinun ubhda biniana lgiṭia ma usrin šaiia hinun ⊚ šita hurinia arqa ḏbimanda hˁ tiniana ṭlala
260 utlitaia ašita uarbiaia kuṣra uhamšaiaia ašita ušitaia kuṣra ḏmarba aminṭul kulmindam šita razia qamlẖ
261 uhaizak šuba atin utmania biniana ginza aminṭul ḏmasiqta bšita tarmidia mitqiria alma ltlitaia paṭiria uhaizak
262 šuba atia luataihun utum tmania lmasiqta hurintia hu adiaura mitiqria uatia ⊚ tum halin ma usrin ušita
263 rušumia uadiata ma usrin ^ušita^ girmia uzurpinia ulupata ḏbgauaihun lgiṭa ušitin utlata minaihun biamina ušitin utlata
264 minaihun bsmala ḏhinun ma usrin ušita iumia ulilauata mn maṣbuta ḏiuma ḏdaima ualma liuma ḏnuruz zuṭa hinun
265 kulman ḏnigalil halin razia lanašia ḏlašihia mn nhura iaqra {{ni}}>>^mi^<<tagzar ⊚ tum maprišnalkun lhalin rihbata
266 ḏmitatnan lmasiqta mahu hinun ḏˁuṣraikun mistmik ulibaikun nihuia lsamkia ⊚ kḏ haizin amar mara ḏrabuta
267 malil iauar ziua ḏnimarlẖ baiin ḏtaprišinan lkul mindam ḏtarmidia qarilẖ ušuma ˁtlẖ bgauẖ mistadran
268 masqata uˁngiriata uhaizak rihbata aprišinan ⊚ kḏ haizin amar iauar ziua hu mara ḏrabuta hnatalẖ
269 malil liauar ziua ḏnimarlẖ ia br malkia kul had mindam ḏaiil lbimanda bgauẖ sidra hda malka hu
270 ⊚ ia br iardna ḏamšitun bgauẖ hu rahaṭa iaqra šumẖ ˁutra šumẖ hu tarbaṣa ḏbimanda iušamin zuṭa
271 hu patura ḏbimanda samandarˁil ˁutra hu squpta ḏbimanda šinglan ˁutra hu ašita qadmaita ḏbimanda
272 šilmai zuṭa hu ašita hurintia ahata nidbai zuṭa hu kuṣra qadmaia sar rba hu kuṣra ḏalihdẖ saruan rba hu
273 ⊚ tapala ḏbimanda bnia ḏiušamin hinun ˁu hara napil biṭlala sadar dmu šitin kulhun naplibẖ mistadar
274 umitqaiam bgauẖ ḏbimanda šamašiˁil ˁutra hu tartin kauia bsar kuṣra tartin ainia ḏanana anat hˁ ˁlauaihun
275 ḏniha tartin kauia ḏsaruan kuṣra ainia ḏdmut hiia anana ḏˁlauaikun ḏnihia sipa ḏbimanda ḏbiaminak kḏ ailit
276 lbimanda adatan zuṭa hu sipa hurina iadatan mianqa hu kalalta ḏbimanda bihram ˁutra kubaṣtania hu baba ḏ
277 bimanda zarziˁil darbata rbẖ ḏiušamin hu ⊚ tum gišar ḏglala himun ˁutra hˁ muhulta ḏnahlalẖ lgramkia
278 guhar anana ḏmiṭra hˁ takuna ḏqapia garmanka arqa ḏbit taruan hˁ ṭapqa ḏlhamaikun apia ṣarpˁil
279 ˁutra hu tlat bitpia ḏlgiṭilẖ ˁstuarid šumaihun ḏhinun ašgandia ḏšahrat anana hinun sa
280 raza ḏmapiq miša galiliaiil ˁutra hu ṣibia ḏsadria ˁbidatkun zhiliaiil hinun ḏiaqdan ˁutra ḏmiabišlun
281 uramilun btibil simaka lnišmata nihun tukana ḏlhamaikun apqandˁil ˁutra hu gupta ḏlhama apia qalai anana
282 qalilta hˁ ⊚ ia šitlai nih<i>a kḏ apitun lhama lbuš uˁtkasun urup lhimianaikun uhaizak abia ˁlẖ skultaikun napša
283 hauia hanatẖ miša ḏminẖ apitun latiqruna bmasiqtaikun uhanatẖ ḏpaiiš mn lhama bgauẖ latipun uˁlẖ ḏhauia
284 nišimta hda hˁ ḏmitiqrilẖ masiqta ukḏ napša niš^i^mta hauia ltlatin ˁlẖ hda ulhda ṭariana bbimanda
285 uknupiun ˁutra ḏhu qanina ḏbimanda ḏmia ḏbuta naṭra mahzian ˁutra hu niara ḏhamra šadkˁil ˁutra
286 hu niara ḏmiša huzˁil ˁutra hu ⊚ asa ḏbimanda simat hiia hu ⊚ bisra ḏbimanda aiar gupna dakia hu ⊚
287 amuza ḏlṭabahata iatib muqra ḏarbuta ˁutra muqra hu amuza ḏldukrania iatib hamulai uhamamulai ˁutra hu
288 ⊚ hulalita ḏrazia lgiṭabẖ ˁnbia iušamin br iušamin hu ḏhu sindirka rba qadmaia šumẖ hu ˁukma ḏainia
289 rumana ḏsiqta ḏˁtlẖ abatar riša kḏ laptia badmu riša hu ukulhun gisania uaṭupia ˁtbẖ upumẖ aiak riša hu
290 uhu kanpˁil ˁutra hu ukḏ mipta ṣindia uiatbẖ lmasiqta ltlatin utartin šinia unˁbia ukakania hinun hu ailẖ rama
291 lˁuṣṭuna mšadrilẖ ḏhinun zarzˁil ˁutra uhinun sadania ḏmia masgia ˁuṣṭuna lanahualia umamlan nitqan umuqra našar
292 umanzia uziqna nilgaṭ uhaizak bkulhin qiriata zariztinun ḏˁkilta bga^ua^ihun niklun aminṭul ḏrazia ḏˁṣṭuna bgauaihun taqnia
293 ˁspargla iusmir ˁutra hu umn ṭama ḏnišimta raza ˁtiglia mn liba hu ˁṣṭarar ⊚ pihta ḏbklila aitẖ liba hˁ ḏ
294 kulhun razia mlagṭibẖ ⊚ miša ḏrušumia sindiriauis iardna gauaia hu uhu miša ḏgirmia ḏmuqra škan prata ḏpaṭira
295 ˁlaia ptaha ḏpuma ḏnišimta hu palga ḏbisra ḏdarit anat darit mnatak lhanik razia mnata iahbatlun aminṭul ḏpalgia
296 ḏginza bdilak ˁtiksia anat uhak nišimta bihdadia ˁtiribtun ukḏ anat bpumak hanath ldia arib mia bhamra razia kulhun
297 ḏpagra paruanqa ˁštadarlin unišimta qudam abatur qaima urahta unaqša⊚ ukḏ amrit bihrẖ iukašar
298 libraia iukašar abatur hu ḏlnišimta baharlẖ kḏ ṣirapaiia ḏzahba bahar ⊚ ukḏ amrit malil upta hiia
299 rbia bpumaihun umpalṭit pandamak uaklit pihtak ušatit mambuhak umhalalit udarit riha uramit lnura hu
300 pahrˁil ˁutra paruanqa qalila mitiqria ḏkulhun ginziẖ bgauẖ salqia latar nhur hibil ušitil uanuš ḏhinun
301 ziqa unura umia ḏluatak ˁtibiun badiauria⊚ ukḏ qarit uamrit ˁtiar mia hiia lškinatun ˁtiairat haka nišimta
302 aminṭul ḏrabia bˁkilta umašqita urauza ⊚ ukḏ riha basima amrit šadarta ḏparuanqa ḏškinta niškunlia barqa
303 dakita ḏbit taruan rba ⊚ ukḏ mšabin hiia qadmaiia qarit qaiimtinun lrazia ḏruha unišimta bhaial naṣiruta
304 aribtinun aminṭul ḏmšabin hiia qadmaiia ḏnaṣiruta kulẖ bgauẖ lgiṭa urazia baraiia ugauaiia bgauẖ praš ⊚ ukḏ
305 ˁtimlun hiia amrit lšitin hugiania dakrit šitin paṭiria ḏmasiqta hatma ˁtimlun hiia bziua ḏrbia nihiun aminṭul
306 ḏhazin ˁtimlun hiia aminṭul dkul mindam ḏhazin ˁtimlun hiia šitin iumia mn iuma ḏmaṣbuta ḏdaima ualma liuma ḏnuruz
307 rba hu ⊚ aminṭul ḏmalia šitin hinun mindam mia hdiribẖ qahda ubuṭna ubazira nasib ukḏ hazin hua uhaizak ˁtasaqlẖ
308 ˁtimlun hiia aminṭul ḏhazin ˁtimlun hiia aminṭul ḏkul mindam bhanatun bazra nasbia umalia unapṣia ununia dailia uhiuaniata
309 halba iahban umia ṭapin uatin ubirqia uziqia uanania lhad šitin ṭapin⊚ ukḏ škinia hiia bziuaihun amrit kulmindam
310 lduktẖ nṭir kin uˁtkanan uˁštadar mn riš briš ⊚ ukḏ klil almia šahia amrit kulhun razia ḏˁuṣṭuna tabrin
311 napšaihun umšahin qudamẖ ḏnišimta uiahbilẖ sigudta udnuta uhˁ nišimta mithaila lhad arbima alpia ruban
312 uamuza ruha bihda {{ura}} umrauzalẖ ⊚ ukḏ almia bmiša šihia amrit raza ḏˁngirta bkulhun razia mitlabaš utlata
313 hatmia lriša bmiša mithitmẖ ḏhinun maṣbuta umasiqta uˁngirta aiak naura sqila ḏlriša ḏhanatẖ
314 šiša dahnia ⊚ aminṭul ḏˁuṣṭuna qadmaia hu ⊚ ukḏ b{{i}}<<z>>iu ḏnpiš {{amrit}} ṣbina amrit hanatẖ ˁdana
315 nišimta parsa draiia ulruha ṣabalẖ upahta aina lkimṣia kulhun umasialun mn kulhun kibia unṭiṭia ḏˁtbun
316 ⊚ kḏ škinia hiia bziuaihun unhura^i^hun amrit raza ḏmazruta duktẖ mitnaṭar urauz umitqaiam
317 ⊚ kḏ ˁtriṣtun uˁtqaiamtun amrit šuba razia kasiia unṭiria ḏšriin bmuqra mamlilia umištaiin mn
318 lišana uhaila iahbilẖ umṭama mn kulhun mahunia mn qudama alma lsaiakta ḏkulẖ ginza⊚ ukḏ mkalalna ušakabna
319 amrit šakbia tmimia uˁtiran razia taqnia kḏ qarban luat hdadia lnhura ulhšuka umalalẖ lbuṣrana udabrilẖ
320 minẖ latar nhur⊚ ukḏ minẖ umn šaruia amrit mindam bˁuhra lruha unišimta lanitkatrunin umn hauqa uziuihta
321 ḏrazia bišia ˁlauaiun lanadia⊚ ukḏ binia kisia lziua amrit abatur rušuma matna lruha unišimta umnata ḏnhura
322 ṣaiar ˁlauaiun kul had aminṭul ḏhad mn bnia šlama ḏmnata bṭabuta lgaṭ abatur hu uhu rušuma ḏtrin malkia
323 matna ˁlẖ aminṭul ḏprudqa ḏnhura uhšuka luatẖ nṭir ⊚ ukḏ niaha ušalma nihuia amrit kulmindam mn razia lduktẖ
324 nha uˁkaian umasgia uhagia uṭabia mn škinta lškinta umn miṣra lmiṣra umn kudka lkudka alma ḏmn hiia mitlip
325 umištkin ⊚ ukḏ ˁrutai utušbihtai amrit lruha unišimta mn had gṭartinun ḏhu raza ḏhilapa šumẖ uˁngar kušṭa
326 hu ⊚ ḏmahlip hilpia kulhun maṭarata tigra ramilẖ kul zibna ⊚ ukḏ ˁzil bšlam bhira dakia amrit mn hak gisa
327 ḏhapiqia mia nišimta hilpat umitahzia ziuaikun nauria bmania ḏasgauita bainaihun ḏšibiahia aminṭul {{ḏ}} ḏˁldẖ
328 ḏˁuṣṭuna hu nahra umanhira kulhun razia ḏminẖ škinia⊚ ukḏ mana bginzia hadia amrit hˁ nišimta hadia mn kitun
329 bisra nipqat ⊚ ukḏ ṭubak ṭubak nišma amrit šuba garglia ḏšrin bˁuṣṭuna ṭubẖ ḏnišimta šailia aminṭul ḏ
330 hanatẖ dukta ḏazlalẖ nišimta umanhiralẖ mn kulhun almia uˁuṣṭuna ḏnapqa minẖ hašuk uhauia kḏ ḏlahua ⊚ ukḏ habšaba
331 ukušṭa uzidqa lnišima hulẖ sahda qarit iardna uaiar upasimka amrit ḏhinun tlata rušumia ḏminẖ napqia umasgin
332 umahlipilẖ mn bit maksia ḏhinun tlata rušumia ḏˁngirta umasiqta ukušṭa hu⊚ ukḏ zidana umzaudana amrit kulhun
333 ṭabauata urihbata ḏalmia ḏnhura qudamẖ ˁtatna⊚ ukḏ sliq uasqan minẖ amrit ˁtparqat mn razia kadria ubrazia
334 qa qalilia ligṭat ubdrabšia hiuaria mnata pilgat⊚ ukḏ iuma ḏnapiq nišma amrit klila rauza briša triṣlẖ ukul
335 ḏbat hanatẖ nišimta aškat ⊚ ukḏ ˁtriṣtun uˁtqaiamtun bhirai amrit mamla nišimta sahqa ugaia umitparpa
336 bkulhun ˁubadia⊚ ukḏ brikia umšabia hiia ḏnišmata amrit lhama umia ušpinza albuša lnišimta ulruha
337 mithiblin ubdrabšia mingidlin ḏziuaihun lahašuk aminṭul ḏlhama umia ušpinza lbuša uzma umirta
338 ubalgam ubisra ugirmia hinun ḏhinun lgaṭa ḏkulẖ hikla ⊚ ukḏ binta ḏbainia hiia ˁlania ṭabia bgauẖ
339 rauzia amrit pumẖ pihta ulišana ukakia ušinia ubabia ulilita hinun ⊚ ukḏ haka maṭit hazin ˁniana
340 amrit {{ainak}} mlia ainak huziia lprat ḏhaza masiqta ḏhu puma ḏnišimta hu ⊚ tum hinun rahbata
341 hazin aminṭul ḏˁlania ṭabia ḏrauziẖ bbinta ḏhiia hanatẖ hzita ḏhzitlun ḏhinun aminṭul ḏˁlania ṭabia
342 binta ḏrahbata ḏlṭabahata matnan hinun⊚ ukḏ brikia umšabia hiia rabtia amrit hanatẖ šuma
343 uriša ulišana ḏiamina usmala ubra ḏiamina usmala ugabaruta bšuba malkia ˁtlabaš ḏhinun aba
344 rba ḏˁqara uabatur rama ušilmai rba unidbai ṭaba uiušamin rba usaruan naṭra uabatur ḏmuzania
345 hinun halin šuba razia bšuba malkia ˁtlabaš uˁstadrat ruha bnišimta unišimta baiar ˁtlab^a^šat
346 uˁtiqnat⊚ ukḏ marbikit uamrit ṭab ṭaba lṭabia mzi{ṭ}<g>iun kulhun razia ḏˁuṣṭuna bkulhun malkia ḏalmia
347 ḏnhura uˁtiarab smala mn iamina udurdia tqun bduktẖ nṭir upraš uiasbar sibraiun uˁtibhariun
348 bkul ginza⊚ ukḏ mqaimit ušailit šulta iahbatlẖ ṭabauata umhadiatlẖ hˁ bnapša hadia ukulhun {{sidria}}
349 sidria daria uziua unhura mauzipia ˁlẖ⊚ ukḏ škan hiia škinta amrit raza raza škintẖ lgaṭ uˁtapraš
350 razia zikria mn razia niqubta ubkul had škinta had drabša ˁtingidlẖ ubkul razia mn ˁuṣṭuna hda rušuma
351 ˁtatna ˁlẖ⊚ ukḏ kbiš hšuka bˁumẖ amrit šdum ukrun ugiu ugap ḏhinun karsa titaita ubiniana titaia
352 uhumarta ḏšura uṭahala hinun badmu arba razia malkia hinun ḏnhura bnia šlama mitiqrin almia ḏnhura
353 samkia ˁlauaihun hinun⊚ ukḏ lrihbata maškatlẖ ubaiit ḏrahmia tibia ˁlauaian mn ṭabauatun huriniata latiqria
354 uanat napšak mn ṭabahata nsabt ˁu šalimian nišmata ˁu psiqian mn qudamak lhama ˁu mindam mn rahbata
355 anat rahmẖ ḏkulhun abahata bˁ {{usa}} usaiik kḏ had ginzak kulẖ qudamak nihuia mgalai ulamkasai uatna ˁdak ˁl
356 rišak uamur bšuma ḏhiia hiia qiriuia liauar ziua ltagak uhaizak rahmia bˁ lnapšak ulšumak ubˁṣrak uamur
357 halin rahmia usadarata ḏabahata hinun ⊚ uamur lhiia qadmaiia sagidna ulmarai malka rama rba ḏnhura mšabana
358 ulhak parṣupa rba ḏˁqara ḏmn napšiẖ praš ⊚ aminṭul ḏrahmia ḏṭabahata halin damin lpatakata ḏlrazia iatib
359 unaṭar aminṭul ḏrazak braza ḏnišimta mitnaṭar uiatib ⊚ ia šitlai bit mišqal ainia brahmia ḏṭabahata
360 ḏqarit ruhak unišimta umaria ḏṭabauata albištinun mn hdadia ubṣauta ˁtibiun balmia kḏ qarit uamrit
361 truṣ ainaikun lhaza nišimta dilia plan almia ḏhgaga ualmia ḏbit taruan kulhun bziuaihun dahnia ⊚ tidun ia ahan ḏˁhazin
362 diuan lahualẖ riša udinba ulahua lbr mn hazin diuan hiia hinun haiasa ḏmlia rahmia uhiia zakˁin sa
363 hazin diuan utapsir ḏrazia ḏabahata ḏansit ana ania udania uzuṭa ḏahai ta{{r}}rmidia uaqapra ḏatutia ligraihun ḏnasakia ana rbai iihia
364 ram zihrun br mhatam br mhatamiuhana br bihram br mašad br na}š̤mia br karam br kairia br h̤aiat kinianẖ sabur ḏ
365 ansit mn diuan ḏansit lnapšai lhad šalmana umhaimna ḏshid libẖ bhiia qadmaiia uˁtkadaš lrahmut manda ḏhiia uahab zidqa uṭabuta
366 uansalẖ diuanan usidraria ulhazin diuan ḏhauilẖ dukrana btibil uhatam balmia rurbia ˁlaiia ḏnhura ḏhu ialupa uqaruia uiaduia bhazin
367 šarša taqna uhiziiẖ lziua ubašqria ḏhu baian brhaua šabiqlẖ manda ḏhiia haṭaiia ušuma ḏmqarilẖ عaziz br ˁuṣṭaddizpulia br paizia
368 br qasum kinianẖ sabur ḏansaitlẖ mn diuan ḏansit lnapšai mn diuan ḏrba [] ḏrba urama uiaqira rbai iahia iuhana brab urbẖ rbai ram br iahia
369 baktiar br rbai adam mhatam br rbai bihram br hiia br adam zakia kinianẖ kuh̤ailia ḏansa lnapšia mn diuan ḏrba urama uiaqira
370 tarmida taqna rbai mhatam br iahia baian br iuhana šadan br zakria br hibil kinianẖ sabur ḏansa lnapšiẖ mn had diuan hatiqa ḏriša
371 udinba lahualẖ uhua mpasaq uktab amud hzat ainia ulahua dinba ḏanasata ḏiada lman hu uamar ḏlahzit lbr minẖ uhiia zakˁin sa
372 tum ˁstadar usliq lriš hazin diuan iaqira iuma ḏhamša habšaba utrin biahra ḏmiṣai gaiṭa ḏhu {{š}} ˁlul šumbulta bši>>n<<{{ta}}^dta^ ḏnuna bšidta ḏ
373 arba habšaba lšnat alpa uˁmatin utmania utlatin šnia ḏqabiliun arbaiia arab alma ˁlauaihun ubaṭlia manda ḏhiia lrugzaihun mn kana rba ḏnišmata
374 bmata ḏmuš̤ara b̊̊um̊a ḏšamšẖ miqdam šitin baitẖ kulẖ huat mandaiia bh̤ukum šaik lmuntpiš̤ h̤umud hua ˁuira ušihiana ḏbagdad
375 dauud baša uh̤ikim baṣra ka ṭum aga bmaia ḏparah bbaita ḏaba ḏzauai salum br musعid kinianẖ durakia bhak ˁdana huat bšuštar
376 uhua kaluiia lhudẖ ganzibra rbai bihram sam br ganzibra taqna rbai iahia iuhana br rbai zihrun adam kinianẖ sabur qudam dihua rba
377 basra iumia zga bruaha ḏhiia ukana ḏnišmata tamun bla ganzibra utarmidia ˁka tmania kulhad minu bhad šara marai mamṭilu qar
378 hdadia lta šarša mhaiila umarai haiasa ḏhaiis lnišmata ulibai marira mn ˁbidata ḏtarmidia tamun bla ṭama ulaiadin traṣa ḏmamla
A01 sabarmˁil drabša hu
A02 bihdad drabša hu
A03 barmˁil drabša hu
A04 bihram drabša hu
A05 šišlam drabša hu
A06 šišlamˁil drabša hu
A07 šišlamˁil drabša hu
A08 manharˁil drabša hu
A09 nurˁil drabša hu
A10 manharˁil drabša hu
A11 zihrun drabša hu
A12 sahqˁil drabša hu
A13 haiil drabša hu
A14 rˁil drabša hu
A15 manharˁil drabša halin ˁutria nahribẖ
A16
A17 bihram nbaṭ hu
A18 šilmai br shaq rba hu
A19 hibil rba hu
A20 šitil rba hu
A21 iupin rba hu
A22 iušamin rba hu
A23 naṭrˁil ˁutra hu
A24
A25 bihram br nbaṭ rba hu
A26 šilmai br shaq rba hu
A27 hibil iauar hu
A28 bihrun iusmir rba hu
A29 sam rba hu
A30 nidbai rba hu
A31 zihrun iauar hu
A32 manharˁil drabša halin ˁutria nahribẖ