← Back
The Comprehensive Aramaic Lexicon
← Return to the Text Browser
click on the file description for more information
60101: ADiatess1990 p.74

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


074:001 ܒܚܛܿܝܬܐ ܕܡܚܫܟܢܝܬܐ ܗܝ ‍[‍܂‍]‍ ܓܘܪܐ ܓܝܪ ܘܓܘܕܦܐ ܚܕ
074:002 ܓܒܐ ܐܝܬ ܠܗܘܢ܂ ܕܡܚ̈ܛܝܢܐ ܐܢܘܢ܂ ܙܕܩܬܐ ܕܝܢ ܬܪܝܢ ܓܒ̈ܝܢ܂
074:003 ܐܢ ܐܬܝܗܒܬ ܒܫܘܒܗܪ ܐܢܫܘܬܐ ܐܚܛܝܬ ܠܗܿ܂ ܐܢ ܕܝܢ ܐܝܕܗ
074:004 ܕܝܗܘܒܐ ܠܘܬ ܒܪ ܐܢܫܐ ܣܢܝܩܐ ܡܬܦܫܛܐ܂ ܬܪܥܝܬܗ ܕܝܢ
074:005 ܠܘܬ ܐܠܗܐ ܦܪܘܥܐ ܡܬܡܬܚܐ܂ ܗܕܐ ܗܿܝ ܗܝ ܕܐܬܪ
074:006 ܕܣܝܡܬܟܘܢ ܐܦ ܠܒܟܘܢ ܬܡܢ ܢܗܘܐ܂܀
074:007 ‍[‍18ܲ܂‍]‍ ܬܘܒ ܐܡܪ ܕܠܐ ܠܡ ܬܐܨܦܘܢ ܠܢܦܫܟܘܢ ܡܐ
074:008 ܕܬܐܟܠܘܢ܂ ܘܠܐ ܠܦܓܪ̈ܝܟܘܢ ܡܐ ܕܬܠܒܫܘܢ܂ ܘܐܢ ܐܢܫ
074:009 ܢܐܡܪ ܕܗܐ ܐܦ ܗܢܝܢ ܦܓܪ̈ܢܝܬܐ ܚܫܚܢ ܐܢܝܢ ܠܕܚ̈ܠܝ ܐܠܗܐ܂
074:010 ܠܐ ܓܝܪ ܡܫܟܚܐ ܕܢܚܐ ܕܠܐ ܗܠܝܢ܂ ܡܛܠ ܗܕܐ ܦܪܘܩܢ ܠܘܩܒܠ
074:011 ܗܠܝܢ ܚܘܫ̈ܒܐ ܐܡܪ܂ ܕܠܐ ܬܐܨܦܘܢ ܠܢܦܫܟܘܢ ܡܐ
074:012 ܕܬܐܟܠܘܢ܂ ܘܠܐ ܠܦܓܪ̈ܝܟܘܢ ܡܐ ܕܬܠܒܫܘܢ܂ ܢܦܫܐ ܓܝܪ
074:013 ܝܬܝܪܐ ܗܝ ܡܢ ܣܝܒܪܬܐ܂ ܘܦܓܪܐ ܡܢ ܠܒܘܫܐ܂ ܠܐ ܗܟܝܠ ܢܝܩܪ
074:014 ܣܝܒܪܬܐ ܘܠܒܘܫܐ ܡܢ ܗܠܝܢ ܪ̈ܘܚܢܝܬܐ܂ ܨܦܬܐ ܓܝܪ ܡܫܢܩܐ
074:015 ܠܢܦܫܐ܂ ܘܟܣܦܐ ܢܟܐ ܠܗܿܘ ܕܩܢܐ ܠܗ܂ ܦܓܪܐ ܕܝܢ ܡܬܟܣܐ܂
074:016 ܢܦܫܐ ܕܝܢ ܕܕܠܐ ܓܫܘܡ ܗܝ܂ ܐܝܟܢ ܚܫܚܐ ܠܗܿ ܡܐܟܘܠܬܐ܂
074:017 ܐܢ ܓܝܪ ܠܦܓܪܐ ܚܫܚܐ ܡܟܘܠܬܐ܂ ܠܢܦܫܐ ܕܝܢ ܠܐ
074:018 ܡܝܘܬܬܐ ܘܠܐ ܡܬܚܙ‍<‍ܝ‍>‍ܢܝܬܐ ܗܝ ܕܕܠܐ ܓܫܘܡ ܗܝ܂ ܐܝܟܢ
074:019 ܚܫܚܐ ܠܗܿ ܡܟܘܠܬܐ܂ ܗܐ ܓܝܪ ܐܦ ܡܐ ܕܢܦܩܬ ܢܦܫܐ ܡܢ
074:020 ܦܓܪܐ ܡܠܒܫܝܢܢ ܠܗ ܠܦܓܪܐ܂ ܣܝܒܪܬܐ ܕܝܢ ܠܢܦܫܐ ܕܠܐ ܦܓܪܐ
074:021 ܠܐ ܝܗܒܝܢܢ܂ ܐܠܐ ܐܟܙܢܐ ܕܡܪܢ ܡܬܪܕܦ ܘܟܦܢ ܘܨܗܐܿ܂
074:022 ܒܥܒܕ̈ܘܗܝ ܘܒܨܥܪܗܘܢ ܘܒܐܝܩܪܗܘܢ ܚܠܝܛ܂ ܗܟܢܐ ܐܦ
074:023 ܒܗܕܐ ܨܒܐ ܕܢܦܝܣ ܠܬܠܡܝܕ̈ܘܗܝ ܕܠܐ ܢܬܢܬܦܘܢ ܠܨܦܬܗ
074:024 ܕܥܠܡܐ܂ ܐܠܐ ܢܬܬܟܠܘܢ ܥܠ ܠܚܡܐ ܫܡܝܢܐ܂ ܘܕܠܥܠ
074:025 ܢܬܪܥܘܢ ܘܠܐ ܕܒܐܪܥܐ ܘܐܝܬܝ ܠܗܘܢ ܗܕܐ ܬܚܘܝܬܐ܂
074:026 ܕܚܘܪ ܒܥܘܦܐ ܕܫܡܝܐ ܘܐܬܒܩܘ ܒܢ̈ܥܒܐ ܕܠܐ ܙܪܥܝܢ ܘܠܐ
074:027 ܚܨܕܝܢ܂ ܘܐܢ ܠܐܝܠܝܢ ܕܒܐܐܪ ܦܪܚܝܢ܂ ܘܕܦܘܠܚܢܐ ܠܐ ܝܨܦܝܢ܂
074:028 ܡܬܝܗܒ ܬܘܪܣܝܐ ܡܢ ܐܠܗܐ܂ ܟܡܐ ܒܪ ܐܢܫܐ ܕܡܝܩܪ
074:029 ܘܡܡܿܟ ܥܠ ܟܠ ܕܒܐܪܥܐ܂ ܘܗܟܢܐ ܡܝܬܪܐ ܒܛܝܠܘܬܐ
074:030 ܕܥܼܠܘܗܝ܂ ܡܢ ܟܠ ܐܝܠܝܢ ܕܬܚܝܬ ܫܘܠܛܢܗ܂ ܘܐܢ ܬܚܘܝܬܐ
074:031 ܕܦܪܚܬܐ ܠܐ ܠܡ ܡܦܝܣܐ ܠܟܘܢ܂ ܐܝܟܢ ܠܐ ܝܨܦܝܢ ܐܢܬܘܢ
074:032 ܕܬܘܣܦܘܢ ܐܡܬܐ ܚܕܐ ܥܠ ܩܘܡܬܗ ܕܓܘܫܡܐ܂ ܘܚܘܪܘ

next