← Back
The Comprehensive Aramaic Lexicon
← Return to the Text Browser
click on the file description for more information
60301: Syr-RomLaw

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


09:01 ܢܡܘܣܐ ܕܢܗܘܐ ܐܦܝܛܪܘܦܐ ܐܘܿ ܩܘܪܛܘܪ ܠܝܬܡ̈ܐ
09:02 ܢܘܟܪ̈ܝܐ܀
09:03 ܝܗ܂ ܐܢ ܐܝܬ ܓܒܪܐ ܕܐܝܬ ܠܗ ܒܢ̈ܝܐ܃ ܘܐܝܬ ܠܗ ܥܒܼܕܐ
09:04 ܝܠܝܕ ܒܝܬܐ ܐܘܿ ܙܒܝܢ ܟܣܦܐ܃ ܘܨܒܿܐ ܕܢܚܪܪܝܘܗܝ ܘܢܟܬܘܒ
09:05 ܕܝܐܬܝܩܝ ܘܢܩܝܡܝܘܗܝ ܝܪܘܬܐ܃ ܦܩܿܕܝܢ ܐܢܘܢ ܠܗ
09:06 ܢܡܘ̈ܣܐ܀
09:07 ܝܘ ܓܒܪܐ ܕܡܐܿܬ ܘܨܒܿܐ ܕܢܥܒܕ ܕܝܐܬܝܩܝ܃ ܘܐܝܬ ܠܗ
09:08 ܒܢ̈ܝܐ ܕܛܠܝܢ܃ ܘܟܬܿܒ ܠܗܘܢ ܝܪ̈ܘܬܐ܃ ܡܚܪܪ ܕܝܢ ܚܕ ܡܼܢ
09:09 ܥܒܼܕ̈ܘܗܝ܃ ܒܗܿ ܒܕܡܘܬܐ ܘܨܒܿܐ ܕܢܩܝܡܝܘܗܝ ܡܪܗ
09:10 ܐܦܝܛܪܘܦܐ ܐܘܿ ܩܘܪܛܘܪ ܥܠ ܒܢ̈ܘܗܝ܃ ܝܗܿܒ ܗܘ ܠܗ
09:11 ܢܡܘܣܐ܂
09:12 ܘܫܠܝܛ ܗܘ ܠܡܪܗ ܘܐܦܢ ܠܗ ܢܚܪܪܝܘܗܝ ܒܕܝܐܬܝܩܝ ܫܠܝܛ
09:13 ܗܼܘ ܕܢܩܝܡܝܘܗܝ ܡܪܗ ܐܦܝܛܪܘܦܐ ܐܘܿ ܩܘܪܛܘܪ ܥܠ ܒܢ̈ܘܗܝ܂
09:14 ܘܐܦ ܗܼܝ ܗܕܐ ܣܗܕܘܬܐ ܗܝ ܕܚܐܪܘܬܐ ܕܐܝܬ ܒܗ ܒܥܒܼܕܐ܂
09:15 ܐܢ ܐܝܬ ܓܒܪܐ ܕܐܝܬ ܠܗ ܒܢ̈ܝܐ܂ ܡܼܢ ܐܢܬܬܐ ܕܕܒܪܗܿ ܕܠܐ
09:16 ܦܪܢܝܬܐ܃ ܘܨܒܿܐ ܕܢܥܒܕ ܕܝܐܬܝܩܝ܃ ܘܢܘܪܬ ܠܒܢ̈ܘܗܝ ܕܡܼܢ
09:17 ܐܢܬܬܐ ܕܠܐ ܦܪܢܝܬܐ܃ ܝܗܿܒ ܗܼܘ ܢܡܘܣܐ ܘܫܠܝܛ܂ ܦܩܿܕ ܗܼܘ
09:18 ܢܡܘܣܐ ܕܐܝܟܢܐ ܕܨܒܿܐ ܢܥܒܕ܀
09:19 ܝܙ܂ ܐܢ ܗܘ̈ܝ ܠܓܒܪܐ ܬܪ̈ܬܝܢ ܢܫ̈ܝܢ܃ ܚܕܐ ܩܕܡܝܬܐ
09:20 ܕܦܪܢܝܬܐ܃ ܘܐܚܪܬܐ ܕܠܐ ܦܪܢܝܬܐ܃ ܘܗܘܘ ܠܗ ܒܢ̈ܝܐ ܡܼܢ ܗܿܝ
09:21 ܕܠܐ ܦܪܢܝܬܐ܃ ܘܗܘܬ ܠܗ ܐܚܪܬܐ ܕܐܝܬ ܠܗܿ ܦܪܢܝܬܐ
09:22 ܢܡܘܣܝܬܐ܃ ܘܗܘܘ ܠܗ ܐܦ ܡܼܢ ܗܕܐ܂ ܐܢ ܒܥܿܐ ܕܫܘܝܐܝܬ
09:23 ܢܘܪܬ ܠܟܠܗܘܢ ܒܢ̈ܘܗܝ܂
09:24 ܫܠܝܛ ܗܼܘ ܕܢܘܪܬ ܠܟܠܗܘܢ ܫܘܝܐܝܬ܂ ܟܕ ܩܿܪܐ ܠܗܢܘܢ
09:25 ܒܢ̈ܘܗܝ ܕܡܼܢ ܐܢܬܬܐ ܗܿܝ ܕܠܐ ܦܪܢܝܬܐ܃ ܝܪ̈ܘܬܐ ܢܘܟܪ̈ܝܐ܂
09:26 ܘܠܐ ܩܿܪܐ ܠܗܘܢ ܒܢ̈ܘܗܝ܂
09:27 ܐܢܕܝܢ ܠܐ ܢܥܒܕ ܕܝܐܬܝܩܝ܃ ܝܪ̈ܬܝܢ ܠܗ܃ ܗܢܘܢ ܕܡܼܢ
09:28 ܦܪܢܝܬܐ܀

next page