← Back
The Comprehensive Aramaic Lexicon
← Return to the Text Browser
click on the file description for more information
60301: Syr-RomLaw

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


22:01 ܕܓܢ̈ܐ܂ ܘܐܢ ܥܠ ܡܝ̈ܐ ܕܡܫܬܩܠܝܢ ܡܼܢ ܐܓܘ̈ܓܐ ܘܪܕܝܢ
22:02 ܒܕܪ̈ܬܐ ܕܐܢܫ ܐܢܫ ܒܡܕܝܢܬܐ܂
22:03 ܐܢ ܢܓܕܫ ܘܢܒܛܠ ܐܢܫ ܡܼܢ ܢܡܘܣ ܕܝܠܗ܃ ܫܢ̈ܝܢ ܬܠܿܬܝܢ
22:04 ܒܛܠܬ ܠܗܿ ܐܓܘ̈ܓܐ ܕܝܠܗ܂ ܘܠܐ ܡܨܐ ܬܒܿܥ܂ ܡܛܠ ܕܗܟܢܐ
22:05 ܦܩܿܕܝܢ ܢܡ̈ܘܣܐ܀
22:06 ܡܚ܂ ܛܘܒܢܐ ܘܫܒܝܚܐ ܩܘܣܛܢܛܝܢܘܣ ܡܠܟܐ
22:07 ܕܕܘܟܪܢܗ ܠܒܘܪܟܬܐ ܢܗܘܐ܂ ܕܓܒܗܿ ܠܡܠܟܘܬܐ ܕܥܡܗ܃
22:08 ܡܪܢ ܝܫܘܥ ܡܫܝܚܐ܂ ܘܝܩܪ ܗܼܘ ܡܠܟܐ ܒܦܘܪ̈ܫܢܐ
22:09 ܣ̈ܓܝܐܐ ܠܥܕܬܗ ܩܬܘܠܝܩܝ܂ ܘܠܟܠܗܿ ܟܗܢܘܬܐ ܕܪ̈ܓܝܢ ܕܪ̈ܓܝܢ܂
22:10 ܟܕ ܫܪܝ ܡܼܢ ܐܒܗ̈ܬܐ ܛܘܒ̈ܬܢܐ ܐܦܝܣܩ̈ܘܦܐ ܘܟܘܪ
22:11 ܐܦܝܣܩ̈ܘܦܐ ܘܩܫ̈ܝܫܐ ܘܡܫ̈ܡܫܢܐ ܥܡ ܐܦܘܕܝܐܩ̈ܢܘ
22:12 ܘܩܪ̈ܘܝܐ܂
22:13 ܘܦܘܪ̈ܫܢܐ ܣ̈ܓܝܐܐ ܐܝܟ ܕܩܕܡܢ ܐܡܼܪܢ ܠܟܠܗܘܢ ܕܪ̈ܓܐ
22:14 ܕܥܕܬܐ ܝܩܪ ‍{‍ܒܐܣܟܝܡܐ‍}‍‍<‍ܒܐܟܣܝܘܡܐ‍>‍ ܘܡܙܘܢܐ ܠܟܠ ܩܠܝܪܘܣ ܕܐܝܬ
22:15 ܒܡܕ̈ܝܢܬܐ ܟܠܗܝܢ܂ ܝܗܼܒ ܗܼܘ ܡܠܟܐ ܡܼܢ ܛܝܡܝܘܢ ܦܪܣܐ
22:16 ܠܟܠܢܫ ܐܝܟ ܕܪܓܗ܂ ܦܪܣܗ ܐܦ ܐܟܣܝܘܡܐ ܕܝܠܗ܂
22:17 ܘܚܪܪ ܐܢܘܢ ܠܩܠܝܪ̈ܝܩܘ ܡܼܢ ܟܠ ܡܕܬܐ܂ ܕܠܐ ܟܣܦ ܪܝܫܐ
22:18 ܢܬܠܘܢ܃ ܘܠܐ ܟܪܘܣܐܪܓܝܪܘܢ܂ ܘܠܐ ܡܕܡ ܕܠܗܠܝܢ ܕܡܿܐ܂
22:19 ܘܚܪܪ ܐܢܘܢ ܠܩܠܝܪ̈ܝܩܘ ܐܦ ܡܼܢ ܫܘܥܒܕܐ ܕܐܢ̈ܫܝܗܘܢ
22:20 ܘܒܛܠ ܐܢܘܢ ܡܼܢ ܢܝܪܐ ܕܫܘܥܒܕܐ ܕܐܒܗ̈ܝܗܘܢ܂
22:21 ܬܘܒ ܕܝܢ ܐܘܣܦ ܗܼܘ ܛܘܒܢܐ ܡܠܟܐ ܩܘܣܛܢܛܝܢܘܣ܃
22:22 ܘܝܗܼܒ ܡܘ̈ܗܒܬܐ ܠܥܕܬܗ ܕܡܫܝܚܐ ܕܒܟܠ ܡܕܝܢܐ܂
22:23 ܕܢܬܬܪܣܘܢ ܡܢܗܝܢ ܐܚ̈ܐ ܘܐܚ̈ܘܬܐ ܘܐܪ̈ܡܠܬܐ ܘܟܠܗ
22:24 ܩܘܢܘܢ ܕܥܕܬܐ܂
22:25 ܘܢܗܘܘܢ ܡܨܠܝܢ ܟܠܢܫ ܐܟܚܕܐ ܕܢܩܝܡ ܡܪܢ ܟܠܗܿ
22:26 ܡܠܟܘܬܐ ܕܪ̈ܘܡܝܐ܃ ܘܣܓܿܕܝܢ ܠܬܠܝܬܝܘܬܐ܃ ܘܡܘܕܝܢ
22:27 ܒܐܪܬܐܕܘܟܣܝܐ܀
22:28 ܡܛ܂ ܠܐܘܢ ܡܠܟܐ ܡܗܝܡܢܐ ܐܦ ܗܼܘ ܗܢܐ ܒܙܒܢܗ

next page