← Back
The Comprehensive Aramaic Lexicon
← Return to the Text Browser
click on the file description for more information
60301: Syr-RomLaw

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


33:01 ܗܝܕܝܢ ܫܠܝܛܐ ܒܬܢܘܝ ܕܩܨܘ̈ܨܐ ܕܦܪܢܝܬܗܿ܃ ܕܠܡܿܢ ܕܨܒܿܝܐ
33:02 ܬܟܬܘܒ ܘܬܬܠ ܒܕܝܐܬܝܩܝ܂
33:03 ܘܗܟܢܐ ܐܦܠܐ ܓܒܪܐ ܟܡܐ ܕܚܝ ܐܒܘܗܝ ܘܐܒܐ
33:04 ܕܐܒܘܗܝ܃ ܠܐ ܡܨܐ ܠܡܟܬܒ ܕܝܐܬܝܩܝ܀
33:05 ܣܚ܂ ܐܡܬܝ ܕܝܢ ܘܡܫܬܠܛܐ ܐܢܬܐ ܘܗܘܿܝܐ ܡܪܬܗܿ
33:06 ܕܦܪܢܝܬܗܿ܂
33:07 ܐܡܬܝ ܕܡܝܬ ܐܒܘܗܿ܃ ܘܒܬܪ ܗܠܝܢ ܐܢ ܡܝܬ ܒܥܠܗܿ܃
33:08 ܗܝܕܝܢ ܡܫܬܠܛܐ ܒ‍<‍ܦ‍>‍ܪܢܝܬܗܿ܀
33:09 ܣܛ܂ ܠܢܫ̈ܐ ܠܐ ܝܗܿܒ ܠܗܝܢ ܢܡܘܣܐ ܕܢܩܛܪ̈ܓܢ ܓܒܪ̈ܝܗܝܢ܂
33:10 ܒܡܕܡ ܕܒܝܫ ܣܥܝܪ ܠܗܘܢ܂
33:11 ܗܼܘ ܗܟܢܐ܃ ܐܦܠܐ ܠܐܚ̈ܐ ܝܗܿܒ ܢܡܘܣܐ ܕܢܩܛܪܓܘܢ
33:12 ܠܐܚܝ̈ܗܘܢ ܕܣܥܪܘ ܣܘܥܪ̈ܢܐ ܒܝ̈ܫܐ܂
33:13 ܐܦܠܐ ܠܥܒܼ̈ܕܐ ܝܗܿܒ ܢܡܘܣܐ ܕܢܩܛܪܓܘܢ ܡܪ̈ܝܗܘܢ܂
33:14 ܐܠܐ ܐܢ ܡܨܝܢ ܕܢܚܘܘܢ ܥܠ ܡܪ̈ܝܗܘܢ܂ ܕܠܡܐ ܐܢ
33:15 ܐܪ̈ܓܘܢܐ ܕܡ̈ܠܟܐ ܐܝܬ ܠܗܘܢ܂ ܐܘܿ ܟܐܦ̈ܐ ܕܝܩܿܪ̈ܢ ܒܕ̈ܡܝܐ܃
33:16 ܐܝܠܝܢ ܕܒܢܝ̈ܢܫܐ ܠܐ ܫܠܝܛܝܢ ܠܡܬܚܫܚܘ ܒܗܝܢ܃ ܐܠܐ
33:17 ܐܢ ܠܡ̈ܠܟܐ ܒܠܚܘܕ܂
33:18 ܥܠ ܫܪܟܐ ܕܝܢ܃ ܠܐ ܝܗܿܒ ܠܗܘܢ ܠܥܒܼ̈ܕܐ ܒܝܬ ܕܝܼܢܐ
33:19 ܕܢܩܛܪܓܘܢ ܠܒܢ̈ܝ ܚܐܪ̈ܐ܃ ܐܦܠܐ ܠܥܒܼ̈ܕܐ ܕܐܟܘܬܗܘܢ܂
33:20 ܠܐ ܓܝܪ ܝܗܿܒ ܢܡܘܣܐ ܩܠܐ ܠܥܒܼ̈ܕܐ܂
33:21 ܠܐ ܕܝܢ ܝܗܿܒ ܢܡܘܣܐ܃ ܐܦܠܐ ܠܒܢ̈ܝܐ ܕܢܩܛܪܓܘܢ܂
33:22 ܠܐܢܫ̈ܝܗܘܢ ܕܣܘܥܪ̈ܢܐ ܒܝܫ̈ܐ ܣܥܝܪܝܢ ܠܗܘܢ܀
33:23 ܥ܂ ܐܢܕܝܢ ܬܡܘܬܝ ܐܢܬܬܐ ܕܓܒܪܐ ܘܬܫܒܘܩ ܒܢ̈ܝܐ܃
33:24 ܡܪܗ ܗܘ ܕܦܪܢܝܬܗܿ ܓܒܪܗܿ ܒܢܡ̈ܘܣܐ ܩܕ̈ܡܝܐ܂
33:25 ܘܒܦܘܩܕܢܐ ܕܦܩܼܕ ܫܒܝܚܐ ܘܛܘܒܬܢܐ ܠܐܘܢ ܡܠܟܐ܂
33:26 ܐܢ ܩܝܡ ܐܒܘܗܿ ܕܐܢܬܬܐ܃ ܝܿܪܬ ܐܒܘܗܿ ܦܠܓܐ ܕܦܪܢܝܬܗܿ܃
33:27 ܘܓܒܪܗܿ ܦܠܓܗܿ ܕܦܪܢܝܬܗܿ܂

next page