← Back
The Comprehensive Aramaic Lexicon
← Return to the Text Browser
click on the file description for more information
60301: Syr-RomLaw

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


40:01 ܐܘܿ ܠܣܛܝܘܬܐ܂
40:02 ܐܘܿ ܓܘܪܐ܂
40:03 ܐܘܿ ܕܐܥܠ ܠܒܝܬܗ ܙܢܝܬܐ ܥܠ ܐܢܬܬܗ܂
40:04 ܐܘܿ ܕܐܩܦ ܠܗ ܦܠܩܐ ܒܕܘܟܬ ܐܢܬܬܗ܂
40:05 ܘܠܘ ܕܗܟܢܐ ܒܠܚܘܕ܃ ܐܠܐ ܐܦ ܐܢ ܡܚܗܿ ܒܚܘܛܪܐ ܐܘܿ
40:06 ܒܒܘܥܛܬܐ ܐܘܿ ܒܦܪܓܠܐ ܐܝܟ ܥܒܼܕܐ܃ ܐܘܿ ܐܪܝܡ ܥܠܝܗܿ
40:07 ܦܪܙܠܐ܂
40:08 ܘܗܟܢܐ ܡܨܿܝܐ ܗܝ܂
40:09 ܘܒܗܢܐ ܚܝܠܐ ܦܩܿܕܝܢ ܐܢܘܢ ܢܡ̈ܘܣܐ ܕܢܬܠ ܠܗܿ
40:10 ܪܝܦܘܕܝܢ܂ ܟܕ ܬܒܥܐ ܦܪܢܝܬܗܿ ܕܠܐ ܥܘܘܟ‍{‍ܪ‍}‍ܐ܂
40:11 ܠܘܬ ܚܡܘܗܿ ܕܝܢ ܠܐ ܡܫܟܚܐ ܐܓܘܓܐ܃ ܐܠܐ ܐܢ
40:12 ܐܫܠܡ ܒܦܪܢܝܬܗܿ܂ ܐܢܕܝܢ ܒܦܘܩܕܢܗ ܗܘܬ ܦܪܢܝܬܗܿ܂
40:13 ܟܡܐ ܪܡܐ ܒܗܿ ܐܝܕܐ܃ ܒܗܕܐ ܐܓܘܓܐ܃ ܐܦ ܠܘܬ
40:14 ܚܡܘܗܿ ܡܨܝܐ ܗܝ ܕܬܬܒܘܥ ܦܪܢܝܬܗܿ܀
40:15 ܦܙ܂ ܒܢ̈ܬܗ ܕܓܒܪܐ ܐܢ ܢܡܘܬ ܕܠܐ ܕܝܐܬܝܩܝ܃ ܝܿܪܬܢ
40:16 ܠܐܒܘܗܝܢ ܥܡ ܐܚܝ̈ܗܝܢ ܕܟܪ̈ܐ܂
40:17 ܘܐܢ ܐܡܗܝܢ ܒܬܪ ܐܒܘܗܝܢ ܬܡܘܬܝ ܕܠܐ ܕܝܐܬܝܩܝ܃ ܐܦ
40:18 ܠܐܡܗܝܢ ܥܡ ܐܚܝ̈ܗܝܢ ܝܿܪܬܢ ܫܘܝܐܝܬ܂
40:19 ܒܪܡ ܕܝܢ ܐܢ ܒܚܝ̈ܘܗܝ ܕܐܒܘܗܝܢ ܗܘ̈ܝ ܠܓܒܪ̈ܐ܃ ܘܢܣ̈ܒܝ
40:20 ܦܪ̈ܢܝܬܐ ܡܼܢ ܐܒܘܗܝܢ܃ ܡܝ̈ܬܝܢ ܦܪ̈ܢܝܬܗܝܢ ܠܓܘܐ ܕܐܚܝ̈ܗܝܢ܂
40:21 ܘܝܪܬܝܢ ܫܘܝܐܝܬ܂
40:22 ܐܢܕܝܢ ܢܓܕܫ ܡܼܢ ܒܬܪ ܕܡܐܿܬ ܐܒܘܗܝܢ ܘܚܝܐ ܐܡܗܝܢ܃
40:23 ܘܢܡܘܬ ܚܕ ܡܼܢ ܐܚܝ̈ܗܝܢ ܟܕ ܠܐ ܥܒܕ ܕܝܐܬܝܩܝ ܘܠܐ ܐܝܬ ܠܗ
40:24 ܒܢ̈ܝܐ܃ ܝܿܪܬܢ ܠܐܚܝ̈ܗܝܢ ܥܡ ܐܚܝ̈ܗܝܢ ܐܚܪ̈ܢܐ܃ ܘܥܡ
40:25 ܐܡܗܝܢ܂
40:26 ܗܼܝ ܓܝܪ ܐܡܗܝܢ ܥܡ ܒܢ̈ܝܗܿ ܡܬܡܢܝܐ ܒܝܪܬܘܬܐ ܐܝܟ ܚܕ
40:27 ܡܢܗܘܢ܂ ܘܝܿܪܬܐ ܠܗܿܘ ܕܡܝܬ܂ ܐܢ ܒܪܐ ܗܘ ܘܐܢ ܒܪܬܐ ܗܝ܂
40:28 ܐܢܕܝܢ ܢܡܘܬ ܓܒܪܐ ܕܠܐ ܕܝܐܬܝܩܝ܂ ܘܢܪܦܐ ܒܪܐ ܝܚܝܕܝܐ
40:29 ܐܘܿ ܒܪܬܐ ܝܚܝܕܝܬܐ܃ ܘܢܓܕܫ ܕܝܢ ܘܢܡܘܬ ܗܿܘ ܒܪܐ

next page