← Back
The Comprehensive Aramaic Lexicon
← Return to the Text Browser
click on the file description for more information
60301: Syr-RomLaw

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


56:01 ܢܥܒܕ ܥܠ ܐܣܝܐ܂ ܘܢܣܿܒ ܡܕܡ ܕܝܗܼܒ ܠܗ܂ ܘܠܐ ܐܢ ܒܐܿܚ
56:02 ܘܠܐ ܐܢ ܠܐ ܒܐܿܚ܂
56:03 ܐܡܿܪ ܐܢܐ ܕܝܢ ܕܒܗܿ ܒܕܡܘܬܐ ܐܝܬܝܗܘܢ ܐܦ
56:04 ܣܟܘ̈ܠܣܛܝܩܐ܂ ܗܟܢܐ ܠܐ ܐܢܛܪܦܘܣ ܥܒܿܕ ܡܼܢ ܕܝܗܿܒ ܠܗܘܢ
56:05 ܕܢܣܿܒ ܗܿܘ ܡܕܡ ܕܝܗܼܒ܀
56:06 ܘܡܐ܂ ܐܢ ܢܘܙܦ ܓܒܪܐ ܠܓܒܪܐ ܡܢܝܢܐ ܕܟܣܦܐ܃
56:07 ܘܢܥܒܕ ܠܗ ܐܫܛܪܐ ܕܥܕ ܦܪܘܬܣܡܝܐ ܕܝܪ̈ܚܐ ܫ̈ܬܐ
56:08 ܢܦܪܥܝܘܗܝ܃ ܠܐ ܫܠܝܛ ܠܡܪܐ ܚܘܒܐ ܕܢܓܒܐ ܚܘܒܗ
56:09 ܩܕܡ ܦܪܘܬܣܡܝܐ ܕܦܩܿܕܝܢ ܢܡ̈ܘܣܐ܂
56:10 ܘܐܢܗܼܘ ܕܡܡܪܚ ܡܼܢ ܩܪܢܐ ܢܬܓܠܙ܀
56:11 ܩܡܒ܂ ܐܢ ܡܨܐ ܩܘܪܛܘܪ ܕܗܘܐ ܥܠ ܝܬܡ̈ܐ ܕܛܠܝܢ܂
56:12 ܕܢܓܒܐ ܐܢܘܢ ܬܪ̈ܒܝܬܗܘܢ ܡܐ ܕܗܘܘ ܕܫܢ̈ܝܗܘܢ܂ ܐܢ ܠܝܬ
56:13 ܕܝܢ ܒܝܪܬܘܬܗܘܢ ܕܢܬܪܒܘܢ ܡܢܗܿ܂
56:14 ܠܐ ܡܨܐ ܬܒܿܥ ܩܘܪܛܘܪ ܡܼܢ ܝܬܡ̈ܐ ܬܪܒܝܬܗܘܢ܂
56:15 ܐܠܐ ܐܢ ܐܘܕܥ ܩܘܪܛܘܪ ܠܕܝܿܢܐ ܕܐܬܪܐ܃
56:16 ܘܒܦܘܩܕܢܗ ܢܬܪܒܘܢ ܝܬܡ̈ܐ܂ ܟܕ ܬܒܿܥ ܩܘܪܛܘܪ
56:17 ܬܪ̈ܒܝܬܗܘܢ܃ ܡܐ ܕܗܘܘ ܕܫܢ̈ܝܗܘܢ ܒܢܡ̈ܘܣܐ܂
56:18 ܘܗܟܢܐ ܒܦܘܩܕܢܐ ܕܕܝܿܢܐ ܡܨܐ ܬܒܿܥ ܠܗܘܢ ܠܝܬܡ̈ܐ
56:19 ܬܪ̈ܒܝܬܗܘܢ܀
56:20 ܩܡܓ܂ ܐܢ ܢܡܘܬ ܓܒܪܐ ܕܠܐ ܕܝܐܬܝܩܝ܃ ܘܢܪܦܐ
56:21 ܝܪ̈ܘܬܐ ܒܢ̈ܝܐ ܐܘܿ ܒܢ̈ܬܐ܃ ܘܢܓܕܫ ܘܢܡܘܬ ܚܕ ܡܢܗܘܢ܃
56:22 ܝܿܪܬܝܢ ܠܗ ܐܚܘ̈ܗܝ܂
56:23 ܘܐܢ ܚܝܐ ܐܡܗܘܢ܃ ܝܿܪܬܐ ܥܡܗܘܢ ܐܟܚܕ ܡܼܢ
56:24 ܒܢ̈ܝܗܿ ܫܘܝܐܝܬ܀
56:25 ܩܡܕ܂ ܐܢ ܢܦܘܫ ܚܕ ܡܼܢ ܒܢ̈ܘܗܝ ܕܓܒܪܐ ܘܚܕ ܢܡܘܬ܃
56:26 ܦܩܿܕܝܢ ܢܡ̈ܘܣܐ ܕܬܗܘܐ ܝܿܪܬܐ ܐܡܗܘܢ ܕܝܬܡ̈ܐ ܬܪ̈ܬܝܢ
56:27 ܡܢ̈ܘܢ ܡܼܢ ܝܪܬܘܬܐ܂ ܘܕܕ̈ܘܗܝ ܚܕܐ ܡܢܬܐ܂

next page