← Back
The Comprehensive Aramaic Lexicon
← Return to the Text Browser
click on the file description for more information
60301: Syr-RomLaw

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


65:01 ܐܬܪܐ ܐܚܪܢܐ ܘܒܕܩܡܣܝܐ ܕܝܠܗܘܢ ܗܟܢܐ ܐܬܟܬܒܘ
65:02 ܕܟܡܐ ܠܒܝܟ ܐܬܪܐ ܡܘܕܝܐ ܕܚ̈ܛܐ ܐܘܿ ܕܣܥܪ̈ܐ ܒܛܘܪܐ܂
65:03 ܗܟܢܐ ܬܘܒ ܐܟܬܒܘ ܐܦ ܒܐܪܥܐ ܐܝܕܐ ܕܠܐ ܡܙܕܪܥܐ
65:04 ܒܝܬ ܪܥܝܐ ܠܥܢ̈ܐ܂ ܕܡܢܐ ܣܘܢܛܠܝܐ ܬܗܘܐ ܝܗܿܒܐ
65:05 ܠܛܝܡܝܘܢ܂
65:06 ܘܐܝܬ ܩܪܝܬܐ ܚܠܦ ܐܬܪܐ ܕܒܝܬ ܪܥܝܐ ܕܝܗܿܒܐ ܒܛܝܡܝܘܢ
65:07 ܒܟܠܫܢܐ ܕܝܢܪܐ ܚܕ ܘܐܝܬ ܕܬܪ̈ܬܝܢ ܘܐܝܬ ܕܬܠܿܬܐ܂ ܘܐܝܬ ܕܝܬܝܪ܂
65:08 ܘܗܕܐ ܡܕܐܬܐ ܕܒܝܬ ܪܥܝܐ܂ ܫܩܿܠܝܢ ܪ̈ܘܡܝܐ ܒܢܝܣܢ ܝܪܚܐ
65:09 ܠܪܥܝܐ ܕܪ̈ܟܫܗܘܢ܂ ܘܙܒܢܝܢ ܡܐܟܠܐ ܠܚܝܘܬܗܘܢ܀
65:10 ܡܛܠ ܕܝܢ ܢܡܘ̈ܣܐ ܕܣܡܼܘ ܡܠ̈ܟܐ ܙܟ̈ܝܐ ܩܘܣܛܢܛܝܢܘܣ
65:11 ܘܬܐܘܕܘܣܝܘܣ ܘܠܐܘܢ ܢܗܘܘܢ ܡܬܦܫܩܝܢ ܕܝܩܐܘ̈ܡܛܐ
65:12 ܕܡܫܬܡ̈ܥܢܐ܂ ܩܕܡ ܗܿܘ ܡܿܢ ܕܝܗܿܒ ܠܗܘܢ ܡܠܬܐ ܕܫܝܢܐ ܐܘܿ
65:13 ܩܕܡ ܕܝܿܢܐ܂ ܘܟܠ ܡܘܕܥܢܘܬܐ ܕܗܘܦܛܝܐ ܕܟܪ̈ܝܣܛܝܢܐ܂ ܐܝܟ
65:14 ܦܘܩܕܢܐ ܕܐܝܬܘܗܝ ܗܘܐ ܒܗܠܝܢ ܙܒ̈ܢܐ܂ ܕܟܬܝܒܝܢ ܒܗܘܢ ܗܠܝܢ
65:15 ܟܪ̈ܛܝܣܐ܂
65:16 ܗܟܢܐ ܢܗܘܐ ܕܐܢ ܗܿܘ ܡܿܢ ܕܫܡܿܥ ܘܦܣܿܩ ܕܝܼܢܐ܂ ܘܟܠ ܚܕ
65:17 ܚܕ ܡܼܢ ܡ̈ܠܟܐ܃ ܐܝܟ ܦܘܩܕܢܐ ܘܡܕܒܪܢܘܬܐ ܕܣܐܿܡ
65:18 ܗܿܘ ܡܕܡ ܕܡܬܟܬܒ܂
65:19 ܐܢܕܝܢ ܢܫܚܠܦ ܗܿܘ ܡܕܡ ܕܟܬܿܒ ܙܒܢܐ ܐܘܿ ܦܘܩܕܢܐ܃
65:20 ܘܢܚܠܛ ܐܘܿ ܙܒܢܐ ܐܘܿ ܦܘܩܕܢܐ ܒܙܒܢܐ ܕܠܐ ܕܝܠܗ܃ ܠܐ ܫܪܝܪ
65:21 ܗܿܘ ܡܕܡ ܕܡܬܟܬܒ܂
65:22 ܒܦܪܢܝܬܐ ܕܝܢ ܒܟܠ ܙܒܢܐ܃ ܐܝܟ ܦܘܩܕܢܐ ܕܐܝܬܘܗܝ
65:23 ܗܘܐ܃ ܗܟܢܐ ܡܬܟܬܒ܂
65:24 ܢܦܩ ܕܝܢ ܗܢܐ ܦܘܩܕܢܐ ܕܦܩܕ ܡܠܟܐ ܫܒܝܚܐ ܠܐܘܢ ܝܬܝܪ
65:25 ܚܣܝܪ܃ ܒܫܢܬ ܚܡܫܡܐܐ ܘܫܒܥܣܪ̈ܐ܃ ܒܡܢܝܢܐ
65:26 ܘܚܘܫܒܢܐ ܕܐܢܛܝܘܟܝܐ܂
65:27 ܫܠܡܘ ܢܡܘ̈ܣܐ ܫܦܝܪ̈ܐ ܕܣܡܼܘ ܡ̈ܠܟܐ ܫܒ̈ܝܚܐ

next page