The Comprehensive Aramaic Lexicon

032:01	ܗܘܿ ܕܒܝܕ ܬܠܬܐ ܝܘܡ̈ܝܢ ܩܼܡ ܡܼܢ ܒܝܬ ܡܝ̈ܬܐ܂ ܟܠܢܫ ܕܝܢ ܢܬܠ ܠܗ
032:02	ܫܠܡܐ܀
032:03	ܟ̄ܒ̄܂ ܢܗܘܐ ܕܝܢ ܐܡܝܢ ܠܘܬ ܡܕܒܚܐ܂ ܒܨ̈ܠܘܬܐ ܕܝܢ ܢܗܘܐ ܡܚܡܣܢ
032:04	ܐܝܡܡܐ ܘܠܠܝܐ܂ ܝܬܝܼܪܐܝܼܬ ܒܥܕ̈ܢܐ ܐܠܨ̈ܝܐ ܕܠܠܝܐ܂ ܒܫܥܬܐ ܩܕܡܝܬܐ܂
032:05	ܒܡܨܥܬ ܠܠܝܐ܂ ܒܫܦܪܐ ܥܡܝܩܐ ܟܕ ܕܢܿܚ ܟܘܟܒ ܢܘܓܗܐ܂ ܒܬܪܟܢ ܬܘܼܒ
032:06	ܒܨܦܪܐ܂ ܒܫܥܬܐ ܕܬܠܬ܂ ܕܫܬ܂ ܕܬܫܥ܂ ܕܬܪܬܥܣܪ̈ܐ܂ ܕܫܪܓܐ܂ ܐܢܕܝܢ
032:07	ܘܒܟܠ ܫܥܐ ܢܩܿܪܒ ܨ̈ܠܘܬܐ ܕܠܐ ܫܠܝܐ ܚܠܦ ܥܡܐ ܘܚܠܦ ܢܦܫܗ܂
032:08	ܛܒܿܐܝܼܬ ܥܿܒܕ܀ ܢܩܿܘܐ ܕܝܢ ܒܒܝܬܐ ܕܥܕܬܐ ܒܠܚܘܕܘܗܝ܂ ܐܢܕܝܢ ܐܝܼܬ ܠܗ
032:09	ܫܿܘܼܐ ܒܢܦܫܐ܂ ܚܕ ܐܘܿ ܬܪܝܢ܂ ܫܦܝܼܪܐ ܗܝ ܕܢܗܘܐ ܥܡܗܿܘܢ ܡܛܠ ܬܟܫܦܬܐ
032:10	ܫܘܝܬ ܒܪܬ ܩܠܐ ܕܐܟܚܕܐ܂ ܐܝܟܐ ܓܝܪ ܕܬܪܝܢ ܐܘ ܬܠܬܐ ܟܢܝܼܫܝܼܢ ܒܫܡܝ܂
032:11	ܝܿܕܥܝܢ ܐܢܬܘܿܢ ܕܐܡܿܪܬ ܠܟܘܿܢ܂ ܕܐܢܐ ܒܝܢܬܗܘܢ ܐܝܼܬܝ܂ ܐܢܕܝܢ ܠܐ ܐܝܼܬ
032:12	ܕܣܿܦܩ ܕܢܟܬܪ ܟܠܗ ܠܠܝܐ ܡܫܡܠܝܐܝܼܬ܃ ܐܦܢ ܗܠܝܢ ܫܥ̈ܐ ܕܐܡܿܪܬ ܢܩܿܘܐ܂
032:13	ܗܝܕܝܢ ܓܝܪ ܡ̈ܠܐܟܐ ܣܿܥܪܝܢ ܠܗܿ ܠܥܕܬܐ܀
032:15	ܢܨܘܡ ܬܠܬܐ ܬܠܬܐ ܝܘܡ̈ܝܢ ܟܠܗܿ ܫܢܬܐ܂ ܬܠܬ ܕܝܢ ܫܒܝ̈ܢ ܡܢ ܒܬܪ
032:16	ܡܬܬܣܪܚܢܘܼܬܗ ܢܠܒܘܿܟ ܨܘܡܐ܂ ܐܝܟ ܡܢܝܿܢܐ ܕܬܡܢܬܥܣܪ ܡܥ̈ܠܢܐ
032:17	ܪ̈ܡܐ܂ ܗܠܝܢ ܕܒܗܘܿܢ ܥܒܼܪ ܝܼܚܝܼܕܝܐ ܟܕ ܐܬܼܐ ܠܘܬ ܚܫܐ܀ ܒܚܕ ܒܫܒܐ
032:18	ܕܝܢ ܒܠܚܘܕ ܢܣܬܝܒܪ ܥܡ ܠܚܡܐ ܐܦ ܡܫܚܐ ܐܦ ܕܒܫܐ܂ ܐܦ ܡܠܚܐ܂
032:19	ܐܦ ܟܠܗܘܿܢ ܦܐܪ̈ܐ ܕܐܝܼ̈ܠܢܐ܂ ܚܡܪܐ ܕܝܢ ܟܠ ܟܠܗ ܠܐ ܢܛܥܡ܂ ܣܛܪ ܡܢ
032:20	ܟܣܐ ܕܩܘܪܒܢܐ ܒܠܚܘܕ܂ ܒܗܢܐ ܕܝܢ ܢܬܚܫܚ ܘܟܕ ܟܪܝܼܗ ܘܟܕ ܚܠܝܼܡ܂ ܫܦܝܪܐ
032:21	ܓܝܪ ܕܢܗܘܐ ܐܝܼܬܘܗܝ ܗܢܐ ܠܟܗ̈ܢܐ ܒܠܚܘܕܝܗܘܿܢ܂ ܘܗܟܢܐ ܡܢ
032:22	ܒܬܪ ܗܠܝܢ܂ ܠܟܠܗܿ ܫܢܬܐ ܢܨܘܼܡ ܬܠܬܐ ܬܠܬܐ ܝܘܡ̈ܝܢ܂ ܠܙܒܢܐ ܕܝܢ ܗܘܿ
032:23	ܕܫܪܟܐ ܐܝܟ ܚܝܠܗ ܢܨܘܼܡ܂ ܒܣܪܐ ܕܝܢ ܟܠ ܟܠܗ ܠܐ ܢܐܟܘܿܠ܂ ܠܘ ܡܛܠ
032:24	ܕܐܢ ܛܥܿܡ ܐܘܿ ܐܟܠ ܗܿܘܐ ܥܕܝܠܐ܂ ܐܠܐ ܡܛܿܠ ܕܟܕ ܡܚܝܠܘܬܐ ܡܿܚܒ܂ ܗܠܝܢ
032:25	ܚܝ̈ܠܬܢܝܬܐ ܠܐ ܡܬܚܫܚ̈ܢ܂ ܘܡܛܿܠܗܝܿ ܕܢܬܬܥܝܼܪ܀