← Back
The Comprehensive Aramaic Lexicon
← Return to the Text Browser
click on the file description for more information
60376: TDN

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


044:01 ܡܫܬܥܠܝܢܘܬܐ ܡܬܟܣܣܐ܂ ܪܚܡܬ ܟܣܦܐ ܡܼܬܥܩܪܐ܂ ܫܒܗܪܢܘܬܐ
044:02 ܡܬܬܪܝܼܡܐ܂ ܪܡܘܬܐ ܡܼܬܡܟܟܐ܂ ܟܠ ܟܝܿܢܐ ܡܘܠܕ ܡܿܪܐ ܡܣܬܬܪ܂ ܗܒ
044:03 ܗܟܝܠ ܡܪܝܐ܂ ܠܥܝ̈ܢܐ ܕܝܠܢ ܗܠܝܢ ܕܡܢ ܠܓܘ܂ ܕܠܟ ܢܚܙܝ̈ܢ ܟܕ ܡܫܒܚ̈ܢ
044:04 ܘܡܗܕܪ̈ܢ ܠܟ܂ ܟܕ ܡܬܥܗܕ̈ܢ ܠܟ܂ ܟܕ ܦܠܚ̈ܢ ܠܟ܂ ܟܕ ܒܟ ܒܠܚܘܕ ܡܢܿܬܐ
044:05 ܐܝܼܬ ܠܗܝܢ܂ ܒܪܐ ܘܡܼܠܬܐ ܕܐܠܗܐ܂ ܠܗܘܿ ܕܟܠܡܕܡ ܡܫܥܿܒܕ܂ ܠܗܿܢܘܿܢ
044:06 ܕܒܫ̈ܘܼܟܢܐ ܕܓܠܝ̈ܢܐ ܥܕܡܐ ܠܫܘܠܡܐ ܣܡܘܿܟ܂ ܠܗܿܢܘܿܢ ܕܒܫܘܟܢܐ ܕܐܣܝܘܬܐ
044:07 ܫܪܪ܂ ܠܗܿܢܘܿܢ ܕܒܚܝܠܐ ܕ̈ܠܫܢܐ܂ ܠܒ̈ܝܒܐ ܥܒܕ܂ ܠܗܿܢܘܿܢ ܕܒܡܼܠܬܐ ܕܡܠܦܢܘܼܬܐ
044:08 ܬܪܘܿܨ܂ ܕܗܿܢܘܿܢ ܕܥܿܒܕܝܢ ܨܒܝܢܐ ܕܝܠܟ ܒܟܠܙܒܢ ܝܼܨܦ܂ ܠܐܪ̈ܡܠܬܐ ܣܥܘܿܪ܂
044:09 ܠܝܬܡ̈ܐ ܣܿܝܥ܂ ܠܗܿܢܘܿܢ ܕܒܗܝܡܢܘܬܐ ܫܟܼܒܘ ܐܬܕܟܪ܂ ܘܗܒܠܢ ܝܪܬܘܼܬܐ
044:10 ܥܡ ܩܕܝ̈ܫܝܟ܂ ܘܫܟܢ ܚܝܠܐ ܠܡܫܦܪ ܠܟ܂ ܐܝܟܢܐ ܕܐܦ ܗܼܢܘܿܢ ܫܦܼܪܘ ܠܟ܂
044:11 ܠܥܡܐ ܪܥܝܼ ܒܬܪܝܼܨܘܼܬܐ܂ ܩܕܫ ܠܢ ܠܟܠܢ܂ ܐܠܗܐ܂ ܗܒ ܕܝܢ ܕܢܬܚܿܝܕܘܢ
044:12 ܠܟ ܟܠܗܘܢ ܗܿܢܘܢ ܕܡܫܬܘܬܦܝܢ ܘܢܿܣܒܝܼܢ ܡܢ ܩܘܕ̈ܫܐ ܕܝܠܟ܂ ܠܘܬ ܗܝܿ
044:13 ܕܢܬܡܠܘܿܢ ܡܢ ܪܘܚܐ ܩܕܝܼܫܐ܂ ܠܫܘܪܪܐ ܕܗܝܡܢܘܼܬܐ ܒܫܪܪܐ܂ ܕܢܿܣܩܘܢ ܠܟ
044:14 ܡܡܠܠܘܬ ܫܘܒܚܐ ܒܟܠܙܒܢ܂ ܘܠܒܪܟ ܚܒܝܼܒܐ ܝܫܘܥ ܡܫܝܼܚܐ܂ ܕܒܐܝܕ̈ܘܗܝ
044:15 ܠܟ ܬܫܒܘܚܬܐ ܘܐܘܚܕܢܐ ܥܡ ܪܘܼܚܟ ܩܕܝܫܐ܂ ܠܥܠܡܥܿܠܡܝܢ܀
044:16 ܥܡܐ ܢܐܡܪ܃ ܐܡܝܢ܀
044:17 ܡܫܡܫܢܐ܃ ܚܦܝܼܛܐܝܼܬ ܢܬܟܫܦ ܠܡܪܢ ܘܐܠܗܢ܂ ܐܝܟܢܐ ܕܫܘܝܘܬ ܬܪܥܝܼܬܐ ܕܪܘܼܚܐ ܢܫܿܟܢ ܠܢ܀
044:18 ܐܦܝܣܩܘܦܐ܃ ܗܒܠܢ ܫܘܝܘܬ ܬܪܥܝܼܬܐ ܒܪܘܚܐ
044:19 ܩܕܝܼܫܐ܂ ܘܐܣܐ ܢܦܫ̈ܬܢ ܒܝܕ ܩܘܪܒܢܐ ܗܢܐ܂ ܐܝܟܢܐ ܕܒܟ ܢܚܐ ܒܟܠܗܘܿܢ
044:20 ܥ̈ܠܡܐ ܕܥ̈ܠܡܐ܀
044:21 ܥܡܐ܃ ܐܡܝܢ܀
044:22 ܗܼܢܝܢ ܟܕ ܗܼܢܝܢ ܢܨܠܐ ܐܦ ܥܡܐ܂
044:23 ܘܡܢ ܒܬܪ ܗܠܝܢ܂ ܚܬܡܐ ܕܩܘܒܠܛܝܒܘܬܐ ܗܟܢܐ܃ ܢܗܘܐ ܫܡܗ
044:24 ܕܡܪܝܐ ܡܒܪܟ ܠܥܠܡܝܢ܂
044:25 ܥܡܐ܃ ܐܡܝܢ܀
044:26 ܟܗܢܐ܃ ܡܒܪܟ ܗܘܼ ܗܘܿ ܕܐܬܼܐ ܒܫܡܗ ܕܡܪܝܐ܂ ܡܒܪܟ ܫܡܐ
044:27 ܕܬܫܒܘܚܬܗ܂ ܘܢܐܡܪ ܟܠܗ ܥܡܐ܃ ܢܗܼܘܐ ܢܗܼܘܐ܀

next page