← Back
The Comprehensive Aramaic Lexicon
← Return to the Text Browser
click on the file description for more information
60376: TDN

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


062:01 ܦܘܩܕ̈ܢܐ ܟܝܬ ܚܣ̈ܝܐ ܐܫܠܡ ܒܝܕ ܐܘܢܓܠܝܘܿܢ܂ ܗܘܿ ܕܐܝܬܘܗܝ
062:02 ܩܕܝܡܘܬ ܡܙܥܩܢܘܬܐ ܕܡܠܟܘܬܐ ܕܒܗ ܒܐܘܢܓܠܝܘܿܢ ܐܝܟ ܨܠܡܐ
062:03 ܕܡܠܟܘܬܐ ܠܡܚܐ ܝܼܠܦܢܢ܂ ܕܒܐܝܕܘ̈ܗܝ ܕܝܼܠܗ ܕܐܘܢܓܠܝܘܿܢ ܐܣܘܪ̈ܐ
062:04 ܕܐܟܠܩܪܨܐ ܐܬܦܣܩܘ܂ ܐܝܟܢܐ ܕܡܢ ܡܘܬܐ ܠܠܐ ܡܝܘܬܘܬܐ ܢܫܬܘܐ܂
062:05 ܘܡܢ ܠܐ ܝܼܕܥܬܐ ܥܝܼܪܘܬܐ ܢܣܼܒ܀
062:06 ܗܢܐ ܗܟܝܠ ܟܕ ܐܬܒܪܢܫ ܒܪܐ ܕܐܠܗܐ ܡܪܝܐ܂ ܗܘܿ ܕܠܓܢܣܐ
062:07 ܡܝܼܬܐ ܕܐܕܡ ܒܐܕ̈ܫܐ܂ ܒܝܕ ܣܘܼܪܩܐ ܢܣܼܒ܂ ܗܘܿ ܕܩܕܡܝܐ ܐܬܼܐ ܠܝܠܕܐ܂
062:08 ܒܪܢܫܐ ܟܕ ܐܠܗܐ ܐܝܼܬܘܗܝ܂ ܗܘܿ ܕܡܢ ܢܒܝ̈ܐ ܩܿܕܡ ܡܬܝܼܕܥ ܗܘܐ܂ ܘܡܢ
062:09 ܫ̈ܠܝܼܚܐ ܡܬܟܪܙ܂ ܘܡܢ ܡ̈ܠܐܟܐ ܡܼܬܩܿܠܣ܂ ܘܡܢ ܐܒܐ ܕܟܠ ܡܫܬܒܚ܂
062:10 ܐܨܛܠܒ ܡܛܠܬܢ܂ ܕܗܘܿ ܕܨܠܝܼܒܗ ܚܝ̈ܐ ܕܝܠܢ܂ ܫܘܼܪܪܐ ܕܝܠܢ܂ ܦܘܼܪܩܢܐ܂ ܗܘܿ
062:11 ܕܐܝܬܘܗܝ ܐܪܙܐ ܡܛܫܝܐ܂ ܗܘܿ ܕܐܝܼܬܘܗܝ ܚܕܘܬܐ ܠܐ ܡܬܡܠܠܢܝܼܬܐ܂
062:12 ܗܘܿ ܕܒܐܝܕܘ̈ܗܝ ܟܠܗ ܟܝܢܐ ܕܒܢܝܢ̈ܫܐ ܠܡܬܦܪܫܘܼ ܡܢ ܐܠܗܐ ܠܐ ܡܫܟܚ܂
062:13 ܟܕ ܠܗ ܛܥܝܼܢ ܒܟܠܿܙܒܢ܂ ܗܘܿ ܕܐܝܼܬܘܗܝ ܡܝܬܪܘܬܐ ܪܚܡܬܢܝܼܬܐ ܘܠܐ
062:14 ܡܼܬܦܪܫܢܝܼܬܐ ܡܢ ܐܠܗܐ܂ ܕܒܝܕ ܣܦ̈ܘܬܐ ܗܠܝܢ ܐܝܟ ܕܫܿܘܝܐ ܠܐ ܡܫܟܚܐ
062:15 ܕܬܬܡܠܠ܂ ܗܝܿ ܕܡܢܩܕܝܡ ܡܿܢ ܡܛܫܝܬܐ ܐܝܬܝܗܿ ܗܘܬܿ܂ ܗܫܐ ܕܝܢ ܐܪܙܐ
062:16 ܕܡܬܓܠܐ܂ ܗܘܿ ܕܠܡܗܝ̈ܡܢܐ ܠܘ ܐܝܟ ܕܡܬܚܙܐ܂ ܐܠܐ ܐܝܟ ܕܗܿܘܐ
062:17 ܢܗܘܐ ܐܝܼܬܘܗܝ܀
062:18 ܗܢܐ ܨܠܼܝܒܐ ܗܘܿ ܕܒܗ ܡܫܬܒܗܪܝܢܢ ܐܝܟܢܐ ܕܢܫܬܒܚ܂ ܠܗܘܿ ܕܗܿܢܘܿܢ
062:19 ܕܛܥܿܢܝܼܢ ܠܗ܂ ܡܗܝ̈ܡܢܐ ܘܓܡܝܪ̈ܐ܂ ܡܢ ܟܠܡܕܡ ܡܬܪܓܫܢܐ ܦܪܫܝܼܢ
062:20 ܢܦܫ̈ܬܗܘܿܢ܂ ܡܼܢ ܟܠܡܕܡ ܕܡܬܚܙܐ܂ ܐܝܟ ܕܡܢ ܡܕܡ ܕܠܐ ܐܝܼܬܘܗܝ
062:21 ܫܪܝܪܐ܀
062:22 ܒܗܢܐ ܫܐܠܘ ܐܢܬܘܢ ܠܟܘܿܢ܂ ܐܝܠܝܢ ܕܡܬܓܢܒܪܝܢ܂ ܐܕܓܘ
062:23 ܡܫܡ̈ܥܬܟܘܿܢ ܗܠܝܢ ܕܡܬܚ̈ܙܝܢ܂ ܣܡܘ ܥܝܢܝ̈ܟܘܿܢ ܗܠܝܢ ܕܒܓܠܝܐ܂ ܐܝܟܢܐ܂
062:24 ܕܬܕܥܘܢ ܨܒܝܿܢܐ ܕܡܫܝܚܐ܂ ܘܟܠܗ ܐܪܙܐ ܕܦܘܪܩܢܟܘܢ܂ ܓܒܪ̈ܐ ܘܢ̈ܫܐ
062:25 ܩܕܝܼ̈ܫܐ ܕܗܿܢܘܿܢ ܕܕܝܠܝܬܐ ܐܝܬܝܗܿ܂ ܕܢܫܬܒܗܪܘܢ ܒܡܪܝܐ܂ ܨܘܼܬܘ ܒܒܪܢܫܐ
062:26 ܕܠܓܘ܀
062:27 ܡܪܢ ܟܕ ܐܠܦ ܠܢ ܘܐܩܝܼܡ ܠܢ ܩܝܿܡܐ ܘܒܝܬܝܼ ܠܢ܂ ܘܐܬܼܐ ܡܢ ܒܬܪ
062:28 ܕܚܼܫ ܠܫܝܘܿܠ܂ ܠܟܠܗܿ ܐܪܥܐ ܫܒܼܐ܂ ܗܘܿ ܕܠܟܝܢܐ ܕܡܘܬܐ ܠܚܝ̈ܐ ܫܒܝܗܝ܂

next page