← Back
The Comprehensive Aramaic Lexicon
← Return to the Text Browser
click on the file description for more information
60376: TDN par. 39

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


092:01 ܐܦܝܣܩܘܦܐ ܒܠܚܘܕܘܗܝ ܢܣܝܡ ܥܠܘܗܝ ܐܝܕܐ܂ ܡܛܠ ܕܠܐ
092:02 ܗܘܐ ܠܟܗܢܘܬܐ ܡܬܬܣܪܚ܂ ܐܠܐ ܠܬܫܡܫܬܐ ܕܕܘܝܿܠܐ ܕܐܦܝܣܩܘܦܐ
092:03 ܘܕܥܕܬܐ܂ ܥܠ ܡܫܡܫܢܐ ܗܟܝܠ ܗܟܢܐ ܢܐܡܪ ܐܦܝܣܩܘܦܐ܂
092:04 ܨܠܘܿܬܐ ܕܟܝܪܘܛܢܝܐ ܕܡܫܡܫܢܐ܂
092:05 ܐܠܗܐ ܗܘܿ ܕܠܟܠܗܝܢ ܒܼܪܝܬ܂ ܘܒܡܠܬܐ ܨܿܒܬܬ܂ ܗܘܿ ܕܒܥ̈ܠܡܐ ܕܟܝ̈ܐ
092:06 ܡܬܬܢܝܼܚ ܐܢܬ܂ ܗܘܿ ܕܫܡܫܬ ܠܢ ܒܝܕ ܢܒ̈ܝܐ ܕܝܼܠܟ ܚܝ̈ܐ ܕܠܥܠܡ܂ ܗܘܿ
092:07 ܕܐܢܗܪܬ ܠܢ ܒܢܘܼܗܪܐ ܕܝܕܥܬܐ܂ ܐܠܗܐ ܥܿܒܕ ܪܘܪ̈ܒܬܐ܂ ܘܥܿܒܘܕܐ ܕܟܠܗܿ
092:08 ܬܫܒܘܚܬܐ܂ ܐܒܘܼܗܝ ܕܡܪܢ ܝܫܘܥ ܡܫܝܼܚܐ܂ ܗܘܿ ܕܫܕܪܬ ܠܨܒܝܿܢܐ ܕܝܠܟ
092:09 ܠܡܫܿܡܫܘܼ܂ ܐܝܟܢܐ ܕܟܠܗ ܓܢܣܐ ܕܒܢܝ̈ܢܫܐ ܢܬܦܪܩ܂ ܘܐܘܕܥܼܬ ܠܢ܂ ܘܓܼܠܝܬ
092:10 ܠܬܪܥܝܬܐ ܕܝܠܟ܂ ܠܚܟܡܬܐ ܕܝܠܟ܂ ܠܣܥܘܪܘܬܐ ܕܝܠܟ܂ ܠܒܪܟ ܚܒܝܼܒܐ
092:11 ܝܫܘܿܥ ܡܫܝܼܚܐ܂ ܠܡܪܐ ܕܢܘܗܪܐ܂ ܠܪܝܫܐ ܕܪ̈ܝܫܢܐ܂ ܘܐܠܗܐ ܕܐܠܗ̈ܐ܂
092:12 ܗܒ ܪܘܼܚܐ ܕܛܝܒܘܼܬܐ ܘܕܚܦܝܼܛܘܼܬܐ܂ ܥܠ ܥܒܕܟ ܗܢܐ܂ ܐܝܟܢܐ ܕܬܬܝܼܗܒ
092:13 ܠܗ ܚܦܝܛܘܬܐ܂ ܢܝܼܚܘܬܐ܂ ܓܢܒܪܘܬܐ܂ ܚܝܠܐ ܠܡܫܦܪ ܠܟ܂ ܗܒܝܗܝ ܡܪܝܐ
092:14 ܦܥܠܐ ܢܡܘܿܣܝܐ ܕܠܐ ܒܗܬܬܐ܂ ܒܣܝܼܡܐ܂ ܘܪܚܿܡ ܝ̈ܬܡܐ܂ ܪܚܿܡ ܫܦܝܪ̈ܝ
092:15 ܕܚܠܬܐ܂ ܪܚܿܡ ܐܪ̈ܡܠܬܐ܂ ܕܚܡܝܡ ܒܪܘܚ܂ ܪܚܿܡ ܛܒ̈ܬܐ܂ ܘܐܢܗܪܬܝܗܝ/ܘܐܢܗܪܝܗܝ#1#/
092:16 ܡܪܝܐ ܠܗܘܿ ܕܐܚܒܼܬ܂ ܘܓܒܝܬܝܗܝ ܠܡܫܡܫܘܼ ܠܥܕܬܐ ܕܝܠܟ܂ ܟܕ ܡܩܪܒ
092:17 ܒܩܕܝܫܘܬܐ ܠܩܘܕܫܟ܂ ܗܠܝܢ ܕܠܟ ܡܬܩܪ̈ܒܢ ܡܢ ܝܪܬܘܬܐ ܕܪܝܫܘܬ
092:18 ܟܗܢܘܬܟ܂ ܐܝܟܢܐ ܕܟܕ ܕܠܐ ܥܕܠܝ܂ ܘܕܟܝܐܝܼܬ ܘܚܣܝܐܝܼܬ ܘܒܬܐܪܬܐ
092:19 ܕܟܝܼܬܐ ܢܫܿܡܫ܂ ܢܫܬܘܐ ܠܕܪܓܐ ܗܢܐ ܪܒܐ ܘܡܥܠܝܐ܂ ܒܝܕ ܨܒܝܢܐ
092:20 ܕܝܠܟ܂ ܟܕ ܡܫܒܚ ܠܟ ܐܡܝܢܐܝܼܬ܂ ܒܝܕ ܒܪܟ ܝܚܝܕܝܐ ܝܫܘܥ ܡܫܝܼܚܐ
092:21 ܡܪܢ܂ ܕܒܐܝܕ̈ܘܗܝ ܠܟ ܬܫܒܘܚܬܐ ܘܐܘܚܕܢܐ܂ ܠܥ̈ܠܡܐ ܕܥ̈ܠܡܐ܀
092:22 ܥܡܐ ܐܡܝܢ܀
092:23 ܠ̄ܛ̄܂ ܐܢܕܝܢ ܡܣܬܗܕ ܘܡܘܕܐ ܕܗܼܘܐ ܒܐܣܘܪ̈ܐ܂ ܘܒܚܒܘܼܫܝܐ
092:24 ܘܒܐܘ̈ܠܨܢܐ ܡܛܠ ܫܡܐ ܕܐܠܗܐ܂ ܐܝܼܕܐ ܥܠܘܗܝ ܡܛܠ ܗܕܐ ܠܐ
092:25 ܡܬܬܣܝܼܡܐ܂ ܠܡܫܡܫܢܘܼܬܐ܂ ܒܗܿ ܒܕܡܘܬܐ ܘܐܦܠܐ ܠܩܫܝܫܘܬܐ܂ ܐܝܩܪܐ
092:26 ܓܝܪ ܐܝܼܬ ܠܗ ܕܩܠܝܪܘܣ܂ ܟܕ ܡܢ ܐܝܼܕܐ ܕܐܠܗܐ܂ ܐܣܬܬܪ ܒܝܕ ܡܘܕܝܢܘܬܐ܀

next page