← Back
The Comprehensive Aramaic Lexicon
← Return to the Text Browser
click on the file description for more information
60376: TDN BOOK 2 pars. 14-15

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


136:01 ܗܿܢܘܿܢ ܕܥܡ ܐܦܝܣܩܘܦܐ ܡܬܩܪܝܢ ܠܒܝܬܐ ܕܡܗܝܡܢܐ܂ ܢܐܟܠܘܢ
136:02 ܟܢܝܼܟܐܝܼܬ ܒܝܕܥܬܐ܂ ܠܐ ܒܪܘܝܘܼܬܐ ܐܘܿ ܠܐܣܘܛܘܬܐ܂ ܘܐܦܠܐ
136:03 ܐܝܟܢܐ ܕܢܓܚܟ ܗܘܿ ܕܩܪܝܼܒ ܐܘܿ ܐܝܟܢܐ ܕܬܥܝܼܩ ܠܒܝܬܐ ܕܗܘܿ ܕܩܼܪܐ܂
136:04 ܐܠܐ ܗܟܢܐ ܢܥܼܠܘܿܢ ܐܝܟܢܐ ܕܢܿܨܠܐ ܗܘܿ ܕܩܼܪܐ܂ ܕܩܕ̈ܝܫܐ
136:05 ܢܥܠܘܢ ܠܒܝܬܗ܂ ܐܢܬܘܿܢ ܓܝܪ ܐܝܬܝܟܘܿܢ ܡܠܚܗܿ ܕܐܪܥܐ ܫܡܼܥܬܘܢ܀
136:06 ܡܛܠ ܕܟܕ ܐܟܠܝܼܢ ܡܫܪܬܚܐܝܼܬ ܢܐܟܠܘܢ܂ ܐܝܟܢܐ ܕܐܦ ܢܐܬܪ
136:07 ܠܟܘܿܢ܂ ܐܦ ܠܗܿܢܘܢ ܕܨܿܒܐ܃ ܗܘܿ ܕܩܼܪܐ ܢܫܿܕܪ܂ ܐܝܟܢܐ ܕܢܗܼܘܐ ܐܝܼܬܝܗܘܢ
136:08 ܠܗ܂ ܐܝܟ ܡܐܟ̈ܠܬܐ ܕܝܬܝܪܝܢ ܡܢ ܩܕܝܼ̈ܫܐ܂ ܘܢܼܚܕܐ ܥܠ ܬܘܬܪ̈ܐ܀
136:09 ܗܿܢܘܢ ܕܐܬܿܝܢ ܠܫܪܘܬܐ ܟܕ ܡܼܬܩܼܪܝܢ܂ ܠܐ ܢܪܡܘܿܢ ܐܝܼܕܐ ܩܕܡ ܗܿܢܘܿܢ
136:10 ܕܩܫܝܼܫܝܼܢ܂ ܐܠܐ ܐܚܪ̈ܝܐ ܢܼܐܟܠܘܢ ܘܩܕ̈ܡܝܐ ܢܒܛܠܘܢ܀
136:11 ܗܿܢܘܿܢ ܕܐܟܠܝܼܢ ܠܐ ܢܬܟܬܫܘܢ ܒܡܼܠܬܐ܂ ܐܠܐ ܒܫܠܝܐ ܢܐܟܠܘܢ܂ ܐܠܐ
136:12 ܐܢ ܐܢܫ ܢܼܨܒܐ܂ ܐܘܿ ܐܦܝܣܩܘܦܐ ܐܘܿ ܩܫܝܫܐ ܢܫܐܠ܂ ܢܦܢܐ ܦܬܓܡܐ܀
136:13 ܟܕ ܕܝܢ ܢܐܡܪ ܐܦܝܣܩܘܦܐ ܡܠܼܬܐ܂ ܟܠ ܐܢܫ ܢܝܼܚܐܝܼܬ ܟܕ ܡܫܒܚ
136:14 ܫܠܝܐ ܢܓܒܐ ܠܗ ܥܕܡܐ ܕܬܘܒ ܢܫܬܐܠ܀
136:15 ܝ̄ܕ̄܂ ܐܢ ܐܢܫ ܦܐܪ̈ܐ ܐܘܿ ܝ̈ܠܕܐ ܩܕܡ̈ܝܐ ܕܥ̈ܠܠܬܐ ܢܥܒܕ ܪ̈ܝܫܝܬܐ܂
136:16 ܢܩܿܪܒ ܠܐܦܝܣܩܘܦܐ܀
136:17 ܝ̄ܗ̄܂ ܐܢ ܐܢܫ ܢܦܘܿܩ ܡܢ ܥܠܡܐ ܐܘܿ ܡܗܝܡܢܐ܂ ܐܘܿ ܡܗܝܡܢܬܐ܂
136:18 ܕܐܝܼܬ ܠܗܘܿܢ ܒܢܝ̈ܐ ܢܬܠܘܢ ܩܢܝܢܝ̈ܗܘܢ ܠܥܕܬܐ܂ ܐܝܟܢܐ܂ ܕܥܕܬܐ ܬܐܨܦ
136:19 ܕܒܢܝ̈ܗܘܢ܂ ܘܡܢ ܗܠܝܢ ܕܐܝܼܬ ܠܗܘܿܢ ܡܣ̈ܟܢܐ ܢܼܬܬܢܝܼܚܘܢ܂ ܐܝܟܢܐ
136:20 ܕܢܬܠ ܐܠܗܐ ܪ̈ܚܡܐ ܠܒܢܝ̈ܗܘܢ܂ ܘܢܝܿܚܬܐ ܠܗܿܢܘܢ ܕܫܒܼܩܘ܀ ܐܢܕܝܢ
136:21 ܕܠܐ ܒܢܝ̈ܐ ܐܝܼܬܘܗܝ ܐܢܫ ܠܐ ܣܓܝ ܩܢܝ̈ܢܐ ܢܗܘܐ܂ ܐܠܐ ܟܕ ܣܓܝ̈ܐܬܐ
136:22 ܡܢ ܩܢܝ̈ܢܘܗܝ ܠܡܣܟ̈ܢܐ ܢܬܠ ܘܠܒܝܬ ܐܣܝܪ̈ܐ܂ ܗܠܝܢ ܕܙܿܕܩ̈ܢ ܘܣܿܦܩ̈ܢ ܠܗ
136:23 ܒܠܚܘܕ ܢܩܢܐ܀ ܐܢ ܐܢܫ ܐܝܼܬ ܠܗ ܒܢܝ̈ܐ ܘܨܿܒܐ ܕܒܒܬܘܼܠܘܼܬܐ

next page