← Back
The Comprehensive Aramaic Lexicon
← Return to the Text Browser
click on the file description for more information
60402: SugMgab 3 Joseph/Mistress

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


03:00 ܣܘܓܝܬܐ ܕܥܠ ܝܘܣܦ ܟܐܢܐ ܘܥܠ ܡܪܬܗ
03:01 ܫܪܒܗ ܕܝܘܣܦ ܒܪܥܝܢܝ̱ ܦܓܥ ܟܕ ܒܕܪܫܐ ܪܒܐ ܪܡܐ܂ ܘܒܬܟܬܘܫܐ ܕܡܨܪܝܬܐ ܩܿܐܡ ܟܐܢܐ ܘܠܐ ܡܬܬܙܝܥ܀
03:02 ܚܙܬܗ ܐܢܬܬܐ ܕܫܦܝܪ ܗ̄ܘܐ ܘܦܐܐ ܗܘܐ ܩܘܒܠܗ ܘܪܓܝܓ ܗ̄ܘܐ܂ ܘܣܦܬ ܢܘܪܐ ܡܢ ܪܚܡܬܗ ܘܝܩܪ ܦܓܪܗܿ ܡܼܢ ܪܓܬܗ܀
03:03 ܫܕܬ ܫܘܕ̈ܠܐ ܘܠܐ ܐܬܬܦܝܣ ܦܝܣ̈ܐ ܚܠ̈ܝܐ ܘܠܐ ܐܬܪܟܢ܂ ܒܪܟܬ ܣܓܕܬ ܐܦ ܫܓܫܬ ܘܒܡܨܝ̈ܕܬܗܿ ܠܐ ܐܬܬܚܕ܀
03:04 ܐܡܪܐ ܐܢܬܬܐ ܝܘܣܦ ܫܡܥ ܘܥܒܕ ܨܒܝܢܝ̱ ܘܨܝܕܝ ܕܡܟ܂ ܐܘ ܥܒܪܝܐ ܠܐ ܬܫܢܩܢܝ̱ ܕܪܬܚܗ ܕܚܘܒܟ ܦܪܣ ܒܠܒܝ̱܀
03:05 ܐܡܪ ܝܘܣܦ ܐܢܬܬܐ ܫܡܥܝ̱ ܘܫܠܝ ܢܦܫܟܝ̱ ܡܢ ܟܠܗܝܢ܂ ܕܡ̈ܝܐ ܓܢܝܒ̈ܐ ܐܦܢ ܨܗܐ ܠܐ ܫܿܬܐ ܐܢܼܐ ܠܒܪ ܡܢ ܡܥܝܢܝܼ܀
03:06 ܒܡܝ̈ܐ ܓܢܝܒ̈ܐ ܠܐ ܬܬܪܗܒ ܕܠܐ ܐ̱ܢܫ ܚܿܙܐ ܡܐ ܕܡܫܬܬܝܢ܂ ‍[‍܂܂܂
03:07 ‍[‍܂܂܂‍]‍܂ ܐܝܬ ܗܘ ܟܣܝܐ ܕܠܐ ܡܬܚܙܐ ܕܚܿܙܐ ܘܝܿܕܥ ܡܐ ܕܡܫܬܬܝܢ܀
03:08 ܓܠ̈ܠܝܟ ܝܘܣܦ ܛܪܝܢ ܒܠܒܝ̱ ܘܐܡܪܕ ܡܢܗܘܢ ܠܐ ܡܫܟܚܢܝ̱܂ ܫܡܥܝܢܝ̱ ܝܘܣܦ ܘܐܚܪܪܟ ܘܒܓܘ ܡܨܪܝܢ ܐܝܩܪܟ܀
03:09 ܓܠ̈ܠܝܟܝ̱ ܥܠܝ ܐܝܟ ܕܐܠܦܐ ܘܕܠܝ ܩܢܘܡܟܝ̱ ܡܢ ܟܠܗܝܢ܂ ܛܪܘ ܚܐܪܘܬܐ ܕܙܘܘܓܟܘܢ ܘܫܘܬܦܘܬܐ ܕܚܬܢܘܬܟܘܢ܀
03:10 ܕܠܡܐ ܒܫܘܦܪܐ ܠܐ ܡܫܟܠܠܢܝ̱ ܕܠܡܐ ܒܨܒܬܐ ܠܐ ܡܨܛܒܬܢܝ̱܂ ܒܥܛܪܐ ܠܐ ܡܒܣܡܢܝ ‍[‍܂܂܂‍]‍ ܕܩܛܥܐ ܢܦܫܟ ܡܢ ܪܓܬܝ܂
03:11 ܕܠܡܐ ܐܝܬ ܗܼܘ ܡܕܡ ܠܡܪܝ ܘܟܠܐ ܠܗ ܡܢܝ̱ ܘܠܐ ܫܠܛܢܝ̱܂ ܐܠܐ ܥܠܝܟܝ̱ ܕܐܝܬܝܟܝ̱ ܐܢܬܬܗ ܘܐܝܟܢ ܐܣܥܘܪ ܗܝ ܒܝܫܬܐ܀
03:12 ܗܕܐ ܝܘܣܦ ܐܢܐ ܒܥܝܬ ܥܠ ܡܪܫܘܬܐ ܐܢ ܗܘܝܐ܂ ܒܗܕܐ ܟܠܗܿ ܠܐ ܬܬܥܝܩ ܕܐ̱ܢܫ ܒܗܢ ܐ̱ܪܙܐ ܠܐ ܡܬܚܠܛ܀
03:13 ܗܐ ܐܠܗܐ ܡܨܪܝܬܐ ܕܒܝܬ ܐܒܪܗܡ ܘܐܝܣܚܩ ܒܪܗ܂ ܘܕܐܒܝ̱ ܝܥܩܘܒ ܗܿܘ ܕܐܘܠܕܢܝ̱ ܓܠܐ ܐ̱ܪ̈ܙܐ ܘܒܨܐ ܠܗܘܢ܀
03:14 ܘܝ ܠܟ ܝܘܣܦ ܡܢܐ ܗܘܟ ܠܐ ܬܫܡܥ ܡܢ ܕܐܡܪܢܝ܂ ܘܬܪܟܢ ܐܕܢܟ ܨܝܕ ܫܘܥܝܬܝ̱ ܘܬܨܘܕ ܡܠ̈ܝ ܘܬܬܦܝܣ ܠܝ܀
03:15 ܘܝ ܠܝ ܐܢܬܬܐ ܐܢ ܐܫܡܥܟܝ̱ ܘܐܣܘܪ ܗܕܐ ܘܐܨܥܪܟܝ̱܂ ܕܐܢܗܘ ܡܼܢ ܡܪܝ ܡܬܟܣܝܐ ܡܢ ܐܠܗܐ ܠܐ ܟܣܝܐ܀
03:16 ܙܘܥܐ ܗܿܘ ܪܒܐ ܡܘܢ ܕܐܡܪܬ ܕܐܠܐ ܒܗܕܐ ܠܐ ܩܢܛܢܝ̱܂ ܘܐܢܬ ܕܒܪܬ ܙܘܓܐ ܠܐ ܐܝܬ ܠܟ ܡܛܠ ܡܢܐ ܟܝ ܩܢܛܬ܀
03:17 ܙܘܥܐ ܪܒܐ ܩܕܡ ܡܪܝܐ ܕܠܐܢܬܬܐ ܓܒܪܐ ܐ̱ܢܫ ܠܐ ܢܨܛܠܐ܂ ܕܗܝ ܓܗܢܐ ܕܠܐ ܕܥܿܟܐ ܗܼܘ ܒܨܒܝܢܗ ܫܓ‍<‍ܪ‍>‍ ܥܠܘܗܝ܀
03:18 ܚܛܗܟ ܝܘܣܦ ܢܗܘܐ ܥܠܝ ܐܢܬܬܐ ܒܬܪܝ ܘܨܒܝܢܝ̱ ܥܒܕ܂ ܘܐܢܐ ܐܥܒܕ ܐܝܟ ܪܓܬܟ ܘܡܪܟ ܢܣܓܘܕ ܘܢܝܩܪܟ܀
03:19 ‍[‍܂܂܂