← Back
The Comprehensive Aramaic Lexicon
← Return to the Text Browser
click on the file description for more information
60406: ApocDan p.34

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


34:01 ܘܚܲܝܘܬܐ ܘܢܚ̈ܬܐ ܘܬܨܒܝܬܐ ܥܡ ܣܐܡܐ ܘܕܗܒܐ܂ ܘܡܐ̈ܢܐ ܕܬܫܒܚ̈ܬܗ
34:02 ܕܒܪ ܐܢܘܢ ܥܡܗ܂ ܘܐܝܬܝ ܐܢܘܢ ܠܐܪܥܐ ܕܒܒܝܠ܀
34:03 ܘܐܝܬܼܝܢ ܗܘܝܢ ܒܫܒܝܬܐ ܘܒܓܠܘܬܐ ܐܢܿܐ ܕܢܝܐܝܠ ܘܟܠܗܘܢ
34:04 ܛܠܝ̈ܐ ܒܢ̈ܝ ܫܢ̈ܝ܂ ܒܢ̈ܝ ܓܒܪ̈ܝܢ ܝܘ̈ܕܝܝܢ ܘܐܬܓܒܝܢ ܠܡܦܠܚ ܒܗܝܟܠܐ
34:05 ܕܡܲܠܟܐ܂ ܘܠܡܩܡ ܒܗܝܟܠܐ ܕܡܲܠܟܐ ܠܣܕܪܐ܂ ܝܗܼܒ ܥܠܝ ܐܠܗܐ ܪܒܐ
34:06 ܕܐܒ̈ܗܝ܂ ܪܘܚܐ ܕܚܟܡܬܐ ܪܘܚܐ ܕܝܕܥܬܐ ܘܪܘܚܐ ܕܣܘܟܠܐ܂ ܘܡܬܢܿܨܚ
34:07 ܗܿܘܝܬ ܒܟܠ ܚܟܡܐ ܡܢ ܟܠܗܘܢ ܒܢ̈ܝ ܫܢ̈ܝ ܕܗܘܘ ܥܡܝ ܒܐܪܥܐ ܕܒܒܝܠ
34:08 ܘܕܟ̈ܠܕܝܐ܂ ܡܛܠ ܕܢܿܛܪܬ ܦܘܩ̈ܕܢܘܗܝ ܕܐܠܗܝ܂ ܘܐܦ ܕܝܢ ܒܢܡܘ̈ܣܘܗܝ
34:09 ܘܒܕ̈ܝܢܘܗܝ ܠܐ ܐܪܫܠܬ܂ ܘܓܠܝܬ ܘܒܕܩܬ ܡܕܡ ܕܗܘܿܐ ܒܐܪܥܐ
34:10 ܕܒܒܝܠ܂ ܘܥܠ ܟܠ ܡܐ ܕܗܘܼܐ ܠܡ̈ܲܠܟܐ ܩܕܡ̈ܝܐ ܕܗܘܘ ܒܐܪܥܐ ܕܒܒܝܠ
34:11 ܒܝܘ̈ܡܬܐ ܗܿܢܘܢ܀
34:12 ܘܩܿܐܡ ܗܿܘܝܬ ܒܬܪܥܗ ܕܡܲܠܟܐ ܕܒܒܝܠ܂ ܒܝܬ ܡܲܠܟܘܬܐ
34:13 ܕܓܒܪ̈ܐ ܟ̈ܠܕܝܐ܂ ܘܟܠ ܓܒܪ ܚܟܝܡ ܘܟܲܠܕܝ ܘܟܣܼܐ ܕܕܝ̈ܢܐ ܠܐ ܢܲܨܚܢܝ
34:14 ܒܐܪܥܐ ܕܒܒܝܠ܂ ܘܓܠܝܬ ܕܝܢ ܘܒܕܩܬ ܥܠ ܨܿܠܡܐ ܕܪܝܫܗ ܕܕܗܒܐ܂
34:15 ܘܪ̈ܓܠܘܗܝ ܕܦܪܙܠܐ܂ ܘܥܠ ܟܐܦܐ ܕܫܚܩܬܗ܂ ܘܥܠ ܐܝܠܢܐ ܕܐܬܥܩܪ܂
34:16 ܘܥܠ ܫܪ̈ܫܘܗܝ ܕܐܬܦܲܣܩܘ܂ ܘܥܠ ܦܣܬ ܐܝܕܐ ܕܟܬܒܬ ܗܘܬ ܥܠ ܐܣܬܐ
34:17 ܕܗܝܟܠܐ ܕܡܲܠܟܐ܂ ܘܐܬܚܙܝܘ ܠܘܬܝ ܟܠ ܢܒ̈ܝܘܢ ܘܚܙ̈ܘܢܝܢ ܟܕ ܐܟܠܘ ܩܪ̈ܨܝ
34:18 ܓܒܪ̈ܐ ܟ̈ܠܕܝܐ ܘܐܪܡܝܘܢܝ ܒܓܘܒܐ ܕܐܪ̈ܝܘܬܐ܂ ܘܫܕܪ
34:19 ܐܠܗܐ ܕܐܒ̈ܗܬܝ ܡܲܠܐܟܐ܂ ܘܣܟܪ ܗܘܐ ܦܘܡܗܘܢ ܕܐܪܝܘܬܐ ܘܠܐ
34:20 ܚܲܒܠܘܢܝ܂ ܘܠܒܥܠܕܒ̈ܒܝ ܘܠܒܢ̈ܝܗܘܢ ܦܲܣܩܘ܂ ܘܟܕ ܐܫܬܢܝ ܢܒܘܟܕܢܨܪ܂
34:21 ܘܐܡܠܟ ܒܠܛܫܨܪ ܒܪܗ ܒܬܪܗ ܘܐܚܕ ܡܲܠܟܘܬܐ ܕܟܠܕ̈ܝܐ܂ ܘܐܣܡܟ
34:22 ܗܘܐ ܚܐܪ̈ܘܗܝ ܘܪܘܪ̈ܒܢܘܗܝ ܘܢܫ̈ܘܗܝ ܘܕܪ̈ܘܟܬܗ܂ ܘܐܝܬܝ ܡܐ̈ܢܝ
34:23 ܬܫܡܫܬܐ ܕܕܗܒܐ ܘܕܣܐܡܐ ܟ̈ܣܐ ܘܐܣܟ̈ܦܐ ܕܒܝܬܗ ܕܡܿܪܝܐ
34:24 ܕܒܐܘܪܝܫܠܡ܂ ܕܐܘܒܠ ܗܘܐ ܢܒܘܟܕܢܨܪ ܡܲܠܟܐ ܕܒܒܝܠ ܡܢ ܒܝܬܗ
34:25 ܕܐܠܗܐ܂ ܘܐܫܬܝ ܒܗܘܢ ܚܡܪܐ ܡܲܠܟܐ ܕܒܒܝܠ܂ ܗܼܘ ܘܢܫ̈ܘܗܝ
34:26 ܘܕ̈ܪܘܟܬܗ܂ ܘܓܕܦ ܥܠ ܐܠܗܐ ܚܲܝܐ܂ ܗܿܝܕܝܢ ܐܫܬܟܚܬ ܦܲܣܬ ܐܝܕܐ
34:27 ܕܪܘܓܙܐ ܘܟܬܒܬ ܥܠ ܐܣܬܐ ܗܿܟܢܐ܂ ܕܡܲܠܟܐ ܡܢܐ ܓܕܫ ܠܗ܂ ܘܪܓܙ
34:28 ܥܠܘܗܝ ܐܠܗܐ ܚܲܝܐ܀

next