← Back
The Comprehensive Aramaic Lexicon
← Return to the Text Browser
click on the file description for more information
60406: ApocDan p.35

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


35:01 ܘܣܠܩ ܣܢܚܪܝܒ ܡܲܠܟܐ ܡܢ ܐܬܘܪ ܡܢ ܟܪܟܐ ܕܢܝܢܘܐ ܘܐܚܕ
35:02 ܠܟܠܗܿ ܐܪܥܐ ܕܗܘܬ ܠܒܠܛܫܨܪ ܡܲܠܟܐ ܘܐܡܠܟ ܒܓܘܗܿ܂ ܗܿܝܕܝܢ
35:03 ܐܡܠܟ ܣܪܚܕܘܡ ܒܪܗ ܒܬܪܗ ܒܐܬܪܐ ܕܐܬܘܪ ܘܕܢܝܢܘܐ܂
35:04 ܘܒܗܿܘ ܙܒܢܐ ܩܪܒܘ ܗܘܘ ܓܒܪ̈ܐ ܒܒ̈ܝܠܝܐ ܘܟ̈ܠܕܝܐ܂ ܘܐܟܠܘ
35:05 ܩܪ̈ܨܝ ܩܕܡ ܣܲܢܚܪܝܒ ܡܲܠܟܐ ܕܐܬܘܪ܂ ܘܒܥܐ ܕܢܕܒܪܢܝ ܘܢܩܛܠܢܝ܂ ܗܿܝܕܝܢ
35:06 ܐܬܓܠܝ ܠܝ ܡܢ ܐܠܗܐ ܡܪܝܡܐ ܕܣܛܢܐ ܓܪܝܗ ܒܝ܂ ܘܫܿܢܝܬ ܠܝ ܠܐܬܪܐ
35:07 ܕܦܪ̈ܣܝܐ ܠܒܝܬ ܡܲܠܟܘܬܗ ܕܟܘܪܫ ܡܲܠܟܐ܂ ܘܬܡܢ ܒܝܼܬ ܦܪ̈ܣܝܐ ܗܘܿܝܬ܂
35:08 ܘܝܗܒ ܐܠܗܐ ܥܠܝ ܫܘܒܚܐ ܘܪܚܡܘܬܐ ܠܘܬ ܟܘܪܫ ܡܲܠܟܐ܂ ܘܐܬܩܪܒܿܬ
35:09 ܠܘܬܗ ܘܐܡܿܪܬ ܠܗ ܠܟܘܪܫ ܡܲܠܟܐ܂ ܥܠ ܟܠܡܕܡ ܕܥܒܕ
35:10 ܗܘܐ ܢܒܘܟܕܢܨܪ ܡܲܠܟܐ ܕܒܒܝܠ ܒܐܪܥܐ ܕܝܗܘܕܐ ܘܒܥܡܘܪ̈ܝܗܿ
35:11 ܕܐܘܪܝܫܠܡ܂ ܘܥܠ ܒܙܬܐ ܘܫܒܝܬܐ ܕܐܝܬܝ ܗܘܐ ܥܡܗ ܡܢ ܬܡܢ܂ ܘܥܠ
35:12 ܟܣ̈ܐ ܕܕܗܒܐ ܘܥܠ ܡܐ̈ܢܝ ܫܝܘܬܐ ܕܒܝܬܗ ܕܡܼܪܝܐ ܕܐܼܝܬܝ ܗܘܐ
35:13 ܢܒܘܟܕܢܨܪ ܡܲܠܟܐ ܕܒܒܝܠ ܡܢ ܐܪܥܐ ܕܝܗܘܕܐ܂ ܘܥܠ ܬܪܢܘܣ ܕܕܗܒܐ
35:14 ܕܝܿܬܒ ܗܘܐ ܥܠܘܗܝ ܫܠܝܡܘܢ ܡܲܠܟܐ܂ ܘܥܠ ܟܐܦܐ ܕܚܲܝܠܐ ܘܕܣܲܦܝܠܐ܂
35:15 ܘܥܠ ܚܘܡܪ̈ܐ ܫܦܝܪ̈ܬܐ ܕܣܝ̈ܡܢ ܗ̈ܘܝ ܒܝܬ ܓܙܗ ܕܡܲܠܟܐ ܫܠܝܼܡܘܢ܂ ܘܚܲܠܨ
35:16 ܐܢܘܢ܂ ܘܫܩܠ ܐܢܘܢ ܠܒܒܝܠ܂ ܘܐܢܿܐ ܐܠܨ ܗܿܘܝܬ ܠܗ ܠܟܘܪܫ ܡܲܠܟܐ
35:17 ܦܪܣܝܐ ܕܢܐܼܙܠ ܠܐܪܥܐ ܕܒܒܝܠ ܘܢܬܟܬܫ ܒܗܿ ܘܢܐܚܕܝܗܿ܂ ܘܢܼܣܒ ܐܢܘܢ
35:18 ܠܓ̈ܙܐ ܗܠܝܢ܂ ܘܠܡܐ̈ܢܐ ܗܿܢܘܢ ܕܒܝܬ ܩܘܕܫܐ ܕܐܘܒܠ ܐܢܘܢ ܢܒܘܟܕܢܨܪ
35:19 ܡܲܠܟܐ ܠܒܒܝܠ܂ ܘܝܬܒ ܬܡܢ܀
35:20 ܘܩܡ ܟܘܪܫ ܡܲܠܟܐ ܪܒܐ ܒܚܲܝܠܐ ܕܦܪ̈ܫܐ܂ ܘܒܡܪ̈ܟܒܬܐ
35:21 ܣܓܝ̈ܐܬܐ ܕܒܢ̈ܝ ܦܪܣ ܘܥܝܠܡ܂ ܘܐܙܠܘ ܘܫܪܘ ܥܠܝܗܿ ܕܒܒܝܠ܂ ܘܬܪܥܘ
35:22 ܫܘܪ̈ܝܗܿ܂ ܘܣܲܚܦܘ ܡܓܕ̈ܠܝܗܿ܂ ܘܐܚܕܘܗܿ ܘܥܠܘ ܠܓܘܗܿ ܘܐܚܪܒܘ܂ ܘܥܪܩ
35:23 ܠܗ ܡܢܗܿ ܣܢܚܪܝܒ ܡܲܠܟܐ ܘܐܙܠ ܠܗ ܠܐܪܥܗ ܩܕܡܝܬܐ ܠܐܬܘܪ܂
35:24 ܘܠܢܝܢܘܐ܂ ܘܥܠ ܟܘܪܫ ܡܲܠܟܐ ܪܒܐ ܠܒܒܝܠ܂ ܘܗܿܠܟ ܒܓܘܗܿ ܘܒܟܠܗ
35:25 ܒܝܬ ܓܲܙܐ ܕܡܲܠܟܐ ܕܒܒܝܠ܂ ܒܲܙܗܿ ܠܒܒܝܠ ܘܫܒܗܿ܂ ܘܢܣܒ ܡܐ̈ܢܝ ܕܗܒܐ
35:26 ܘܕܣܐܡܐ܂ ܘܟܠ ܡܐ̈ܢܝ ܬܫܡܫܬܐ ܕܐܘܒܠ ܢܒܘܟܕܢܨܪ
35:27 ܡܲܠܟܐ ܡܢ ܡ̈ܠܟܐ ܕܝܗܘܕܐ܂ ܘܟܠܗ ܓܙܐ ܘܒܙܬܐ ܕܡ̈ܠܟܝ ܒܒܝܠ
35:28 ܕܐܫܬܟܚ ܒܝܬ ܓܒܪ̈ܐ ܟ̈ܠܕܝܐ ܘܒܒ̈ܝܠܝܐ܂ ܘܢܣܒ ܐܢܘܢ ܟܘܪܫ ܡܲܠܟܐ܀

next