← Back
The Comprehensive Aramaic Lexicon
← Return to the Text Browser
click on the file description for more information
60406: ApocDan p.36

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


36:01 ܘܐܢܿܐ ܕܢܝܐܝܠ ܚܟܡ ܗܿܘܝܬ܂ ܠܗܘܢ ܠܡܐ̈ܢܐ ܟܠܗܘܢ ܘܚܿܘܝܬ
36:02 ܐܢܘܢ ܠܟܘܪܫ ܡܲܠܟܐ ܦܪܣܝܐ܂ ܒܝܬ ܓܒܪ̈ܐ ܟ̈ܠܕܝܐ ܘܒܒ̈ܠܝܐ ܟܠܗܘܢ
36:03 ܡܐ̈ܢܐ ܕܐܬܘ ܡܢ ܐܘܪܝܫܠܝܡ ܠܐܪܥܐ ܕܒܒܝܠ܂ ܘܐܫܠܡ ܐܢܘܢ ܟܘܪܫ
36:04 ܡܲܠܟܐ ܠܡܐ̈ܢܐ ܗܿܢܘܢ ܠܪܒ ܡܗܝ̈ܡܢܐ ܕܝܠܗ܂ ܡܐ̈ܢܝ ܬܫܡܫܬܐ܂ ܟ̈ܣܐ
36:05 ܘܐܣܟ̈ܦܐ ܘܫܠܘ̈ܬܐ ܘܡܙܪ̈ܩܐ܂ ܘܡܫ̈ܠܘܬܐ ܘܟ̈ܘܙܐ܂ ܘܦܬܘܪܐ ܗܿܘ
36:06 ܕܡܕܒܚܐ܂ ܘܡܢܪܬܐ ܕܫܒ̈ܥܐ ܫܒ̈ܛܝܗܿ܂ ܘܚܘܡܪ̈ܐ ܕܒܪ̈ܘܠܐ ܕܩܒ̈ܝܥܢ
36:07 ܗ̈ܘܝ ܒܗܿ܂ ܘܚܘܡܪ̈ܐ ܛܒ̈ܬܐ ܐܦ ܡܪ̈ܓܢܝܬܐ ܘܐܣܛܘ̈ܢܐ ܘܓܘ̈ܢܐ
36:08 ܕܕܗܒܐ ܕܡܫܟܢܙܒܢܐ܂ ܘܐܦܘܕܐ ܪܒܐ ܗܿܘ ܕܠܒܫ ܗܘܐ ܪܒܟܘܡܪ̈ܐ܂
36:09 ܕܐܝܬ ܗܘܐ ܒܗ ܟܐ̈ܦܐ ܝܒ ܥܠ ܟܬܦ̈ܬܗ܂ ܘܟܬܝ̈ܒܝܢ ܗܘܘ ܥܠܝܗܝܢ
36:10 ܫܡ̈ܗܐ ܕܒ̈ܢܝ ܝܥܩܘܒ܂ ܘܠܒܘ̈ܫܐ ܕܡܢ ܫܢ̈ܝ ܡܲܠܟܐ ܕܘܝܕ܂ ܘܬܪܘܢܘܣ
36:11 ܕܕܗܒܐ ܗܿܘ ܕܝܼܿܬܒ ܗܘܐ ܥܠܘܗܝ ܡܲܠܟܐ ܫܠܝܼܡܘܢ܂ ܘܟܠܡܕܡ ܕܐܫܬܟܚ
36:12 ܒܒܒܝܠ܂ ܘܐܘܒܠ ܐܢܘܢ ܢܒܘܟܕܢܨܪ ܡܲܠܟܐ܂ ܫܩܠ ܐܢܘܢ ܟܘܪܫ ܡܲܠܟܐ
36:13 ܡܢ ܒܒܝܠ ܘܐܘܒܠ ܐܢܘܢ ܠܥܝܠܡ ܘܠܦܪܣ܂ ܘܐܫܬܥܒܕ ܒܒܝܠ ܠܦܪܣ
36:14 ܘܠܥܝܠܡ ܐܝܟ ܡܕܡ ܕܒܕܩܬ ܠܗ ܠܒܠܛܫܨܪ ܥܠ ܦܣܬ ܐܝܕܐ ܕܟܲܬܒܬ
36:15 ܠܗ ܡܢ ܦܬܓ̈ܡܐ ܕܐܠܗܐ܂ ܥܠ ܐܣܬܐ ܕܗܝܟܠܐ܂ ܕܡܲܠܟܘܬܗ ܠܒܢ̈ܝ
36:16 ܡܕܝ ܘܦܪܣ ܡܬܝܗܒܐ܂ ܥܠ ܕܫܬܝܘ ܒܡܐ̈ܢܝ ܒܝܬܗ
36:17 ܕܐܠܗܐ܀
36:18 ܘܟܕ ܣܿܠܩܝܢ ܡܢ ܒܒܝܠ ܠܦܪܣ ܘܠܥܝܠܡ܂ ܣܡ ܐܢܘܢ ܟܘܪܫ ܡܲܠܟܐ
36:19 ܠܡܐ̈ܢܐ ܗܿܢܘܢ ܒܐܝܩܪܐ ܪܒܐ܂ ܘܐܬܚܙܝ ܗܼܘܐ ܠܗ ܡܢ ܐܠܗܐ ܕܢܐܙܠ
36:20 ܢܣܝܡ ܐܢܘܢ ܒܛܘܪܐ ܕܥܝܠܡ܂ ܒܛܘܪܐ ܕܡܬܩܪܐ ܨܠܝ ܥܠ ܫܡܐ ܕܛܘܪ
36:21 ܣܝܢܝ ܘܢܗܘܘܢ ܢܛܪܝܢ ܥܕ ܙܒܢܐ ܐܚܪܝܐ܂ ܘܟܬܒ ܟܐܦܐ ܕ‍<‍‍<‍ܦ/ܟܿܬܐ‍>‍‍>‍ ܕܟܝܬܐ
36:22 ܘܣܼܡ ܥܡܗܘܢ܂ ܒܠܚܘܕ ܬܪܘܢܘܣ ܕܕܗܒܐ ܗܘܿ ܕܝܼܿܬܒ ܗܘܐ ܥܠܘܗܝ
36:23 ܡܲܠܟܐ ܫܠܝܼܡܘܢ ܚܣ ܥܠܘܗܝ ܡܲܠܟܐ ܘܫܒܩܗ ܒܒܝܬ ܓܙܐ܀

next