← Back
The Comprehensive Aramaic Lexicon
← Return to the Text Browser
click on the file description for more information
60406: ApocDan p.37

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


37:01 ܘܩܡ ܓܸܡܬ ܡܓܘܫܐ ܒܦܠܓܗ ܕܠܠܝܐ ܘܩܛܠܗ ܠܟܘܪܫ ܡܲܠܟܐ܂
37:02 ܘܐܚܕ ܡܲܠܟܘܬܐ ܒܦܪܣ܂ ܘܐܢܿܐ ܕܚܼܿܠܬ ܘܥܪܩܿܬ ܠܒܝܬ ܡܕܝܢ̈ܬܐ ܕܦܪܣ
37:03 ܘܕܥܝܠܡ ܕܠܐ ܢܩܛܠܢܝ ܕܩܪܝܒ ܗܘܝܬ ܠܟܘܪܫ ܡܲܠܟܐ܂ ܘܕܠܐ ܐܙܿܠ
37:04 ܐܚܘܝܘܗܝ ܠܗ ܠܛܘܪܐ ܗܘܿ ܕܣܝܡܝܢ ܗܘܘ ܒܗ ܡܐ̈ܢܐ ܗܿܢܘܢ ܕܐܼܝܬܝ
37:05 ܗܘܐ ܟܘܪܫ ܡܲܠܟܐ ܡܢ ܒܒܝܠ܂ ܘܥܠ ܗܘܐ ܠܒܝܬ ܓܙܐ ܕܟܘܪܫ ܡܲܠܟܐ
37:06 ܘܐܫܟܚ ܗܘܐ ܠܬܪܘܢܘܣ ܕܕܗܒܐ ܗܿܘ ܕܡܲܠܟܐ ܫܠܝܼܡܘܢ܂ ܘܐܝܬܝܗܿ
37:07 ܓܸܡܬ ܘܝܬܼܒ ܗܘ‍{‍ܬ‍}‍‍<‍ܐ‍>‍ ܥܠܘܗܝ܂ ܘܡܬܪܘܪܒ ܗܘܐ ܘܡܓܕܦ܂ ܘܐܬܚܙܝ
37:08 ܗܘܐ ܠܝ ܡܢ ܐܠܗܐ ܕܗܝ ܡܲܠܟܘܬܐ ܙܒܢܐ ܙܥܘܪܐ ܡܟܬܪܐ ܗܘܿܬ܂
37:09 ܘܗܘܬ ܡܲܠܟܘܬܗ ܕܓܸܡܬ ܡܓܘܫܐ ܡܢ ܒܬܪ ܟܘܪܫ ܦܪܣܝܐ ܝܪ̈ܚܐ
37:10 ܫ̈ܬܐ܂ ܘܐܬܢܟܠܘ ܥܠܘܗܝ ܚܐܪ̈ܘܗܝ ܘܩܛܠܘܗܝ܂ ܘܐܚܕ ܡܲܠܟܘܬܗ ܕܪܝܘܫ
37:11 ܒܪ ܒܓܕܬ ܒܪ ܐܪܛܒܢ܂ ܘܫܩܠ ܫܠܛ‍<‍ܢ‍>‍ܐ ܗܿܘ ܕܟܘܪܫ ܡܲܠܟܐ ܕܦܪܣ
37:12 ܘܒܬܪܥܐ ܕܡ̈ܠܟܐ ܩܿܐܡ ܗܘܐ܀
37:13 ܘܟܬܒ ܥܠܝ ܕܪܘܝܘܫ ܐܓܪܬܐ ܡܲܠܟܐ ܠܒܝܬ
37:14 ܡܕܝܢ̈ܬܐ ܟܠܗܘܢ ܕܦܪ̈ܣܝܐ܂ ܘܐܫܟܚܢܝ ܒܟܪܟܐ ܪܒܐ ܕܥܝܠܡ܂ ܘܩܿܡܬ
37:15 ܐܬܬ ܠܬܪܥܐ ܕܕܪܝܘܫ ܡܲܠܟܐ܂ ܗܿܝܕܝܢ ܫܪܝ ܗܼܘܐ ܐܠܨ ܗܘܐ ܠܝ ܕܐܙܿܠ܂
37:16 ܐܚܿܘܝܘܗܝ ܗܠܝܢ ܡܐ̈ܢܐ ܕܒܝܬ ܩܘܕܫܐ ܕܣܡ ܗܘܐ ܟܘܪܫ ܦܪܣܝܐ܂
37:17 ܡܛܠ ܕܚܙܐ ܗܘܐ ܠܗ ܬܪܘܢܘܣ ܕܡܲܠܟܐ ܫܠܝܼܡܘܢ ܕܐܝܿܬܝ ܗܘܐ
37:18 ܢܒܘܟܕܢܨܪ ܡܲܠܟܐ ܡܢ ܐܘܪܝܫܠܝܡ ܠܒܒܝܠ܂ ܘܐܣܩܗ ܗܘܐ ܟܘܪܫ
37:19 ܡܲܠܟܐ ܠܦܪܣ܂ ܡܛܠ ܕܚܙܐ ܗܘܐ ܫܘܒܚܗ ܘܝܿܐܝܘܬܗ܂ ܕܒܐܝ̈ܕܝ
37:20 ܒܢ̈ܝܢܫܐ ܠܡܥܒܕ ܐܟܘܬܗ ܠܐ ܡܫܟܚܐ܂ ܘܐܠܨ ܗܘܐ ܠܝ ܕܐܙܿܠ ܐܚܘܝܗܝ
37:21 ܐܝܿܟܐ ܣܝܼܡ ܓܙܐ ܗܿܘ܀
37:22 ܘܒܗ ܒܙܒܢܐ ܗܿܘ܂ ܫܕܪ ܐܠܗܐ ܡܲܠܐܟܐ ܕܫܡܝܐ ܘܡܚܘܗܝ
37:23 ܠܕܪܝܘܫ ܡܲܠܟܐ ܘܫܲܩܠܗ ܠܢܘܗܪܐ ܕܥܝ̈ܢܘܗܝ܂ ܘܕܚܠ ܣܓܝ ܘܐܬܬܙܝܥ܂

next