← Back
The Comprehensive Aramaic Lexicon
← Return to the Text Browser
click on the file description for more information
60406: ApocDan p.46

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


46:01 ܒܗܘܢ ܒܝܘܡ̈ܬܐ ܗܿܢܘܢ ܫܡܫܐ ܐܝܟ ܣܲܩܐ ܢܬܥܲܛܦ܂
46:02 ܘܣܗܪܐ ܐܝܟ ܕܡܐ ܢܠܒܫ܂
46:03 ܘܟܘܟܒ̈ܐ ܢܬܪ̈ܝܢ ܐܝܟ ܛܪ̈ܦܐ ܡܢ ܐܝ̈ܠܢܐ܂
46:04 ܘܐܝܟ ܢ‍<‍ܘ‍>‍ܛ‍{‍ܘܪ̈‍}‍‍<‍ܦ‍>‍ܐ ܕܢܘܪܐ
46:05 ܘܓܐܪ̈ܐ ܘܢܝ̈ܙܟܐ ܥܠ ܐܦ̈ܝ ܐܪܥܐ ܢܫܬܕܘܢ܂
46:06 ܘܗܿܝܕܝܢ ܟܠ ܥܡܡ̈ܝܢ ܘܟܠ ܠܫ̈ܢܝܢ ܢܬܪܗܒܘܢ ܘܢܬܬܙܝܥܘܢ܂
46:07 ܘܡܢ ܫܠܝܐ ܓܘܢܚ̈ܐ ܪܘܪ̈ܒܐ܂
46:08 ܘܦܚ̈ܬܐ ܢܗܘܘܢ ܒܓܘܗܿ ܕܐܪܥܐ܂
46:09 ܘܐܪܥܐ ܠܡܢ̈ܘܢ ܡܢ̈ܘܢ ܬܨܛܪܐ܂
46:10 ܐܝܟ ܢܲܚܬܐ ܥܕܡܐ ܠܬܗܘܡܐ ܪܒܐ܂
46:11 ܘܒܢ̈ܝܢܫܐ ܣܓܝ̈ܐܐ ܟܕ ܚܲܝܝܢ ܬܘܒ ܢܬܒܲܠܥܘܢ ܒܓܘܗܿ ܕܐܪܥܐ܂
46:12 ܘܗܿܝܕܝܢ ܢܬܬܙܝܥܘܢ ܛܘܪ̈ܐ ܡܢ ܐܬܪܗܘܢ܂
46:13 ܐܦ ܢܫܲܢ̈ܝܢ ܪ̈ܡܬܐ ܡܢ ܕܘܟ̈ܝܬܗܝܢ܂
46:14 ܘܗܿܝܕܝܢ ܢܬܚܙܘܢ ܥܲܡܘܕ̈ܐ ܕܢܘܪܐ ܡܢ ܫܡܝܐ܂
46:15 ܘܬܢܘܪܐ ܕܫܼܠܗܒܝܬܐ ܡܢ ܓܘ ܥܢ̈ܢܐ܂
46:16 ܘܢܬܚܙܘܢ ܒܪܩܝܥܐ ܕܫܡܝܐ ܐܝܟ ܣܘܣܘ̈ܬܐ ܕܢܘܪܐ܂
46:17 ܘܐܝܟ ܡܪ̈ܟܒܬܐ ܕܩܪܒܐ܂
46:18 ܟܕ ܐܚܝܕܝܢ ܚܪܒܐ ܕܦܪܙܠܐ ܘܢܲܝܙܟܐ ܕܩܪܒܐ܀
46:19 ܢܗܘܐ ܒܝܘ̈ܡܬܐ ܗܿܢܘܢ܂ ܬܐܠܕܝ ܐܢܬܬܐ ܕܟܪܐ ܡܢ ܫܒܛܐ
46:20 ܕܒܝܬ ܠܘܝ܂ ܘܢܬܚ̈ܙܝܢ ܒܗ ܐܬܘ̈ܬܐ ܗܠܝܢ܂ ܘܢܗܘ̈ܝܢ ܨܝܪ̈ܢ ܥܠ ܒܣܪܗ
46:21 ܐܝܟ ܡܐ̈ܢܝ ܩܪܒܐ܂ ܘܫ̈ܠܠܝ ܬܢܘܪܐ ܘܩܫܬܐ ܘܣܲܦܣܪܐ܂ ܘܢܝܙܟܐ
46:22 ܘܚܪܒܐ ܕܦܪܙܠܐ ܘܡܪ̈ܟܒܬܐ ܕܩܪܒܐ܂ ܐܦ̈ܘܗܝ ܐܝܟ ܐܦ̈ܝ ܬܢܘܪܐ ܟܕ
46:23 ܝܿܩܕ܂ ܥܝ̈ܢܘܗܝ ܐܝܟ ܓܘܡܪ̈ܐ ܕܫܼܠܗܒܝܬܐ܂ ܩܪܢܐ ܚܕܐ ܐܝܬ ܠܗ ܒܝܬ
46:24 ܥܝ̈ܢܘܗܝ܂ ܘܬܒܝܪ ܪܝܫܗܿ܂ ܘܢܿܦܩ ܡܢܗܿ ܐܝܟ ܕܡܘܬܐ ܕܚܘܝܐ܀
46:25 ܘܟܕ ܢܫܲܪ̈ܝܢ ܐܬܘ̈ܬܐ ܗܠܝܢ ܠܡܗܘܐ܂ ܗܿܝܕܝܢ ܬܫܲܪܐ ܡܐܬܝܬܗ
46:26 ܕܫܡܝܛ ܠܒܐ ܘܚܘܝܐ ܥܩܠܩܠܐ ܡܫܝܚܐ ܕܓܠܐ ܠܡܬܚܙܝܘ܂ ܕܥܬܝܕ ܗܘ
46:27 ܕܢܐܬܐ ܡܢ ܟܢ̈ܦܝܗܿ ܕܐܪܥܐ ܕܡܕܢܚܐ܂ ܠܡܛܥܝܘ ܒܕܝܪ̈ܘܗܝ ܕܥܠܡܐ܂

next