← Back
The Comprehensive Aramaic Lexicon
← Return to the Text Browser
click on the file description for more information
60406: ApocDan p.50

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous


50:01 ܘܣܓܝ̈ܐܐ ܟܪ̈ܟܐ ܘܡܕܝܢ̈ܬܐ ܒܝܬ ܡܥܡܪܐ ܠܚܝܘܬ ܒܲܪܐ ܢܗܘ̈ܝܢ܂
50:02 ܘܒܗܝ̈ܟܠܐ ܕܡܼ̈ܠܟܐ ܘܒܢܝ̈ܢܐ ܪܘܪ̈ܒܐ ܝܪܘܪ̈ܐ ܢܩܢ̈ܢ܂
50:03 ܘܢ̈ܨܐ ܘܨܦܪܐ ܢܚܼܠܕܘܢ ܘܢܒܙܥܘܢ܂
50:04 ܘܐܢ̈ܫܐ ܒܨܝܪ̈ܐ ܘܕܠܝ̈ܠܐ ܢܫܬܚܪܘܢ܂
50:05 ܘܒܪ̈ܝܫܝ ܛܘܪ̈ܐ ܢܗܘܘܢ ܡܕܝܪܝܢ܂
50:06 ܒܩܼܢܛܐ ܪܒܐ ܘܒܕܚܠܬܐ ܣܓܝܐܬܐ܂
50:07 ܘܢܗܘܐ ܫܠܝܐ ܒܐܪܥܐ ܦܠܓܘܬ ܫܒܘܥܐ ܙܥܘܪܐ܂
50:08 ܘܡܢܝܢ ܫܢ̈ܝܐ ܢܬܒܲܝܢܘܢ ܡܢܗ܂
50:09 ܘܫܘܠܡ ܙܒ̈ܢܐ ܘܐܬܘ̈ܬܐ ܢܬܒܲܝܢܘܢ ܡܢܗ ܒܙܒܢ ܕܢܗܘܐ܂
50:10 ܘܢܩܪܘܒ ܩܼܨܐ ܠܣܘܦܗ ܕܥܠܡܐ܂
50:11 ܡܐ ܕܩܪܒ ܙܒܢܐ ܕܚܪܬܐ ܕܝܘ̈ܡܬܐ܂
50:12 ܘܢܗܘܐ ܒܫܘܠܡ ܚܪܬܐ ܕܩܨܗ ܕܥܠܡܐ܂
50:13 ܘܬܨܛܪܐ ܐܪܥܐ ܘܬܬܒܲܙܥܝ܂
50:14 ܘܢܬܪܕܘܢ ܣܡܟ̈ܝܗܿ ܕܐܪܥܐ ܡܢ ܠܬܚܬ܂
50:15 ܘܣܝ̈ܡܬܐ ܕܢܘܪܐ ܢܬܦܬܚܘܢ܂
50:16 ܘܛܘܪ̈ܐ ܘܪ̈ܡܬܐ ܒܓܘܗܿ ܢܬܗܓܡܘܢ܂
50:17 ܘܒܦܚ̈ܬܐ ܥܡܝ̈ܩܐ ܢܫܬܕܘܢ܂
50:18 ܘܡܲܢܘ ܢܗܘܼܐ ܒܝܘܡܐ ܗܿܘ܂
50:19 ܢܦܩܘܕ ܘܡܲܢܘ ܢܫܬܟܚ ܒܗ ܒܥܕܢܐ ܗܿܘ܂
50:20 ܟܕ ܡܫܲܪܐ ܠܡܬܚܙܝܘ ܙܩܝܦܐ ܪܒܐ܂
50:21 ܘܕܚܝܠܐ ܕܐܠܗ ܐܠܗ̈ܝܢ ܘܡܪܐ ܡܪ̈ܘܢ܀
50:22 ܘܢܗܘܐ ܒܝܘܡܐ ܗܿܘ
50:23 ܢܦܩܘܕ ܡܪܝܐ ܠܐܪܒܥ ܪ̈ܘܚܝ ܫܡܝܐ ܠܼܡܫܒܘ ܒܙܘܥܐ ܪܒܐ܂
50:24 ܘܒܙܘܥܐ ܘܒܡܫ̈ܒܐ ܬܩܝ̈ܦܐ܂
50:25 ܗܿܝܕܝܢ ܢܬܟܢ̈ܫܢ ܥܢ̈ܢܐ ܬܩܝ̈ܦܐ ܘܕܚܝ̈ܠܬܐ ܡܢܟܠ ܣܘ̈ܦܝ ܫܡܝܐ܂
50:26 ܘܡ̈ܠܐܟܐ ܕܫܡܝܐ ܒܪ̈ܝܫܝܗܘܢ܂
50:27 ܘܪܗܛܐ ܬܟܝܒܐ ܢܿܠܒܟܘܢ ܒܐܪ̈ܒܥ ܪ̈ܘܚܝ ܥܠܡܐ܂
50:28 ܘܢܿܦܩܘܢ ܒܪ̈ܩܐ ܣܓܝ̈ܐܐ ܘܪ̈ܥܡܐ ܬܩܝ̈ܦܐ ܘܕܚܝ̈ܠܐ܂
50:29 ܘܢܲܕܚܠܘܢܝܗܝ ܠܥܠܡܐ ܟܠܗ܂
50:30 ܐܦ ܢܣܼܬܪ̈ܩܢ ܥܢ̈ܢܐ ܕܪܩܝܥܐ

next