← Back
The Comprehensive Aramaic Lexicon
← Return to the Text Browser
click on the file description for more information
60421: EphFid

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:00.00 ܥܠ ܩܠܐ ܕܬܗܪܐ ܐܢܝܢ ܡܪܝ ܟܠ ܕܣܒܠܬ
01:01.01 ܚܠܦ ܗܘ ܢܝܫܐ ܡܚܐ ܟܠ ܕܣܡܗ ‍[‍ܠܢ‍]‍ ܗܘ ܡܠܦ ܟܠ
01:01.02 ܗܝܡܢܘܬܐ ܚܕܬ ܠܢ ܗܢܐ ܕܪܢ ‍[‍ܡܪܚܐ
01:01.03 ܝܕܥ ܟܠ ܕܝܢ ܗܼܘ ‍[‍ܝܼܕܥ ܐܝ‍]‍ܕܐ ܗܼܝ ܥܠܬ ܙܘܥܝ̈ܗܘܢ܀
01:01.00 ܥܘܢܝܬܐ ܃ ܠܟ ܫܘܒܚܐ ܡܢ ܟܠ ܦܘܡܝܢ
01:02.01 ܐܢ ܫܘܒܗܪܐ ܗܼܘ ܥܠܬܗܘܢ ܡܪܢ ܢܟܐܐ ܒܪܡܘܬܐ
01:02.02 ܘܐܢ ܚܪܝܢܐ ܗܼܘ ܥܠܬܗܘܢ ܡܪܢ ܢܣܓܐ ܐܘܝܘܬܐ
01:02.03 ܘܐܢ ܕܝܢ ܚܘܒܐ ܥܠܬܗܘܢ ܢܓܠܐ ܠܕܝܠܗ ܥܠ ܕܝܠܗ܀
01:03.01 ܐܘ ܕܫܼܕܐ ܠܛܘܪܐ ܪܒܐ ܠܐ ܬܣܒܪ ܕܡܛܘ ܓܐܪ̈ܝܟ
01:03.02 ܡܢܟ ܗܼܘ ܐܪܚܩܘ ܩܠܝܠ ܘܠܗܿܘ ܢܝܫܐ ܠܐ ܡܛܝܘ
01:03.03 ܪܡ ܗܼܘ ܓܝܪ ܝܠܕܗ ܕܒܪܐ ܡܢ ܫܘܐܠܐ ܕܐܢܫܘܬܐ܀
01:04.01 ܣܝܡ ܠܟ ܢܝܫܐ ܒܪ ܛܘܗܡܟ ܕܡܐ ܠܗܢܐ ܩܪܝܒܐ
01:04.02 ܕܒܣܗܕܘܬܗ ܕܩܪܝܒܐ ܢܬܗܝܡܢ ܗܿܘ ܪܚܝܩܐ
01:04.03 ܬܗܘܐ ܠܟ ܢܦܫܐ ܢܝܫܐ ܕܫܪܥܘ ܡܢܗܿ ܒܥܘ̈ܝܐ܀
01:05.01 ܚܕ ܓܝܪ ܡܫܬܘܕܐ ܕܐܝܬܝܗܿ ܘܐܚܪܢܐ ܕܐܦܠܐ ܐܝܬܝܗܿ
01:05.02 ܚܕ ܣܐܡ ܠܗܿ ܬܚܝܬ ܡܘܬܐ ܘܐܚܪܢܐ ܠܥܠ ܡܢ ܡܘܬܐ
01:05.03 ܚܕ ܥܒܕ ܠܗ ܡܢ ܡܕܡ ܘܐܚܪܢܐ ܡܢ ܠܐ ܡܕܡ܀
01:06.01 ܐܝܢܐ ܕܚܼܙܐ ܪܒܘܬܗ ܒܨܪܐ ܥܒܕܗ ܡܢ ܪܒܐ
01:06.02 ܘܐܝܢܐ ܕܚܙܐ ܛܘܠܩܗ ܗܘܦܐ ܥܒܕܗ ܡܢ ܐܐܪ
01:06.03 ܐܝܬ ܕܣܘܩܐ ܥܒܿܕ ܠܗ ܘܐܝܬ ܬܘܒ ܕܕܡܐ ܩܿܪܐ ܠܗ܀
01:07.01 ܚܕ ܕܚܼܙܐ ܚܡܝܡܘܬܗܿ ܡܢ ܢܘܪܐ ܐܡܼܪ ܕܐܝܬܝܗܿ
01:07.02 ܐܚܪܝܢ ܕܚܼܙܐ ܪܘܚܢܘܬܗܿ ܡܢ ܪܘܚܐ ܣܐܿܡ ܕܗܘܬ
01:07.03 ܚܕ ܒܨܪܐ ܡܢ ܐܠܗܐ ܘܐܚܪܢܐ ܡܦܘܚܝܬܐ܀
01:08.01 ܐܝܬ ܕܡܢ ܐܝܬܝܐ ܣܐܡ ܠܗܿ ܘܐܝܬ ܕܡܢ ܐܝ̈ܬܝܐ ܣܓܝ̈ܐܐ
01:08.02 ܐܝܬ ܕܡܢ ܚܕ ܡܕܡ ܥܒܕܗܿ ܘܐܝܬ ܕܡܢ ܫܒ̈ܥܐ ܡ̈ܘܙܓܝܢ
01:08.03 ܐܝܬ ܕܐܘܪܒ ܘܐܣܓܝ ܟܝܢܗܿ ܘܐܝܬ ܕܡܣܟܢ ܘܐܙܥܪ ܫܪܒܗܿ܀
01:09.01 ܐܢ ܕܝܢ ܢܦܫܐ ܦܗܝܬܐ ܗܝ ܕܐܦ ܚܠܡ̈ܐ ܡܦܗܝܢ ܠܗܿ
01:09.02 ܗܟܢ ܦܗܝܢ ܒܒܥܬܗܿ ܕܪ̈ܘܫܐ ܕܫܪܥܘ ܡܢܗܿ
01:09.03 ܡܢܘ ܣܿܦܩ ܕܢܥܩܒ ܗܿܘ ܝܠܕܐ ܕܠܐ ܡܬܥܩܒ܀
01:10.01 ܬܘ ܢܬܗܪ ܒܐܝܢܐ ܕܐܡܿܪ ܥܠ ܢܦܫܐ ܕܠܐ ܠܡ ܐܝܬܝܗܿ
01:10.02 ܕܟܕ ܐܦ ܒܗܿ ܒܢܦܫܐ ܫܪܝܐ ܗܼܝ ܒܗܿ ܠܩܘܒܠܗܿ ܕܪܫܬ ܗܘܬ
01:10.03 ܗܼܝ ܠܗܿ ܛܠܡܬ ܕܐܫܪܬ ܗܘܬ ܥܠ ܝܬܗ ܕܐܦܠܐ ܐܝܬܝܗܿ܀
01:11.01 ܢܦܫܐ ܕܗܼܝ ܠܗܿ ܠܐ ܡܫܬ ܕܐܢ ܐܝܬܝܗܿ ܘܐܠܐ ܐܝܬܝܗܿ
01:11.02 ܗܝ ܒܗܿ ܕܬܪܓܫ ܠܐ ܣܦܩܬ ܕܥܠܝܗܿ ܦܘܡܗܿ ܓܕܦ ܗܘܐ
01:11.03 ܐܝܟܢܐ ܡܨܝܐ ܠܡܒܨܐ ܠܗܿܘ ܕܒܐܝܕܗ ܐܬܒܪܝܬ܀
01:12.01 ܕܐܝܬܝܗܿ ܢܦܫܐ ܡܬܚܙܝܐ ܒܡܠܬܐ ܕܗܼܝ ܡܚܙܝܬܗܿ
01:12.02 ܒܗܕܐ ܡܠܬܐ ܡܨܝܐ ܗܘܬ ܢܦܫܐ ܕܬܚܙܐ ܠܩܢܘܡܗܿ
01:12.03 ܕܒܡܠܬܐ ܗܼܘ ܪܒ ܐܝܩܪܗܿ ܡܢ ܚܝ̈ܘܬܐ ܚܪ̈ܫܬܐ܀
01:13.01 ܟܕ ܗܟܝܠ ܢܦܫܐ ܐܝܬܝܗܿ ܗܼܝ ܠܗ ܠܝܬܝܗܿ ܒܝܕܥܬܐ
01:13.02 ܐܝܟܢܐ ܓܝܪ ܠܐ ܐܝܬܝܗܿ ܕܗܐ ܒܬܫܡܫܬܗܿ ܡܬܕܪܟܐ
01:13.03 ܘܟܕ ܐܝܬܝܗܿ ܡܢ ܒܪܘܝܗܿ ܐܒܝܕܐ ܗܼܝ ܡܢ ܚܐܪܘܬܗܿ܀
01:14.01 ܐܢ ܗܟܝܠ ܗܢܐ ܟܠܗ ܛܠܡܬ ܢܦܫܐ ܠܫܪܪܗܿ
01:14.02 ܘܒܪܒܘܬܗ ܠܐ ܪܓܫܼܬ ܢܦܫܐ ܕܟܼܦܪܬ ܒܩܢܘܡܗܿ
01:14.03 ܥܠ ܡܢܘ ܡܨܝܐ ܕܬܘܕܐ ܐܝܟ ܕܐܝܬܘܗܝ ܫܪܝܪܐܝܬ܀
01:15.01 ܘܐܢ ܗܼܘ ܕܡܢܗ ܕܥܘܩܒܐ ܕܩܢܘܡܗܿ ܫܪܥܼܬ ܢܦܫܐ
01:15.02 ܠܡܢܘ ܬܒܨܐ ܒܕܪܫܗܿ ܠܡܢܘ ܬܕܪܟ ܒܒܥܬܗܿ
01:15.03 ܐܢ ܗܼܝ ܡܢܗܿ ܪܚܝܩܐ ܐܝܟܢ ܬܡܛܐ ܨܝܕ ܟܣܝܐ܀
01:16.01 ܐܢ ܗܼܘ ܗܟܝܠ ܕܝܕܥܬܢ ܗܼܝ ܠܗܿ ܕܬܕܥ ܠܐ ܝܕܥܬ
01:16.02 ܐܝܟܢ ܬܡܪܚ ܬܗܡܘܣ ܒܗ ܒܡܘܠܕܗ ܕܗܿܘ ܝܕܥ ܟܠ
01:16.03 ܥܒܕܐ ܕܗܼܘ ܠܗ ܠܐ ܝܕܥ ܐܝܟܢ ܒܨܐ ܠܥܒܘܕܗ܀
01:17.01 ܟܝܢܐ ܪܒܐ ܕܠܐ ܡܡܬܘܡ ܐܬܡܠܠ ܡܢ ܟܠ ܦܘܡ̈ܝܢ
01:17.02 ܦܘܡܐ ܕܨܒܐ ܕܢܡܠܠ ܥܠ ܐܝܢܐ ܕܠܐ ܡܬܡܠܠ
01:17.03 ܠܙܥܘܪܘܬܐ ܡܝܬܐ ܠܗ ܕܠܪܒܘܬܗ ܠܐ ܣܿܦܩ܀
01:18.01 ܟܠ ܐܝܢܐ ܕܝܢ ܕܗܘ ܨܒܐ ܕܢܣܓܐ ܢܘܪܒ ܠܐܠܗܐ
01:18.02 ܟܕ ܗܼܘ ܪܒ ܗܼܘ ܒܟܝܢܗ ܗܼܘ ܗܿܘ ܕܡܘܪܒ ܝܪܒ ܒܗ
01:18.03 ܟܠܝ ܕܪܫܐ ܕܠܐ ܣܦܩ ܠܗ ܘܩܢܝ ܫܬܩܐ ܕܝܐܐ ܠܗ܀
01:19.01 ܗܒ ܠܝ ܡܪܝ ܕܒܬܪ̈ܬܝܗܝܢ ܐܬܚܫܚ ܦܪܘܫܐܝܬ
01:19.02 ܠܐ ܐܕܪܘܫ ܡܪܚܐܝܬ ܐܦ ܠܐ ܐܫܬܘܩ ܫܝܥܐܝܬ
01:19.03 ܐܠܦ ܡܡܠܠܐ ܕܥܘܕܪܢܐ ܘܐܩܢܐ ܫܬܩܐ ܕܦܘܪܫܢܐ܀
01:19.00 ܫܠܡ