The Comprehensive Aramaic Lexicon

1	ܡܕܪ̈ܫܐ ܕܡܪܝ ܒܠܝ ܕܐܡܝܪܝܢ ܠܗܼ܂
2	ܥܠ ܡܪܝ ܐܩܩ ܛܘܒܢܐ ܐܦܣܩܘܦܐ܂
3	ܥܠ ܩܠܐܼ ܕܐܘ ܡܪܝ ܒܓܢܝ̈ܟ܀
.	1
1	ܐܒܘܢ ܒܥܝܕܟ ܥܼܒܿܕ ܒܝ ܛܝܒܘܬܐܼ܂
2	ܘܩܿܪܒ ܒܥܘܬܐ ܠܡܪܟ ܕܢܬܠ ܠܝܿ܂
3	ܕܐܿܡܪ ܢܨܚܢܟ
.	2
1	ܐܢ ܐܢܬ ܠܐ ܬܗܡܐܿ ܡܪܟܼ ܠܐ ܟܠܐ܂
2	ܘܦܬܿܚ ܘܝܗܿܒ ܠܝ ܠܐ ܗܘܐ ܕܫܿܘܐ ܐܢܐܼ܂
3	ܐܠܐ ܕܐܢܬ ܫܿܘܼܝܬ
.	3
1	ܟܘܠܗܝܢ ܦܐܝ̈ܬܐ ܕܩ̈ܢܝܢ ܬܫܒܘܚܬܐܼ܂
2	ܒܥܘܡܪܟ ܟܢ̈ܝܫܢ ܗܘ̈ܝ܂ ܘܚܦܝܛ ܠܫܢܟܼ
3	ܘܙܪܥܿ ܙܗܝܘܬܐ
.	4
1	ܦܓܘ̈ܕܐ ܪܡܿܐ ܗܘܐ ܚܝܪܟ ܒܥܠܝܡܿܐܼ܂
2	ܘܥܝܢܟ ܒ̈ܛܠܝܐ ܛܡܼܪܬ ܙܘܗܪܐܿ܂
3	ܕܢܟܦܘܬܐ ܢܩܢܘܢ
.	5
1	ܐܝܢܐ ܕܫܿܡܥ ܗܘܐ ܠܡܠܬܟ ܘܡܗܿܝܡܢ܃
2	ܘܐܠܐ ܠܕܘܒܪܟ ܚܿܙܐ ܘܡܫܪ ܗܘܐܼ܂
3	ܣܗܕܟܼ ܥܼܡܠܟ ܗܘܐ
.	6
1	ܠܚܘܒܐ ܕܐܠܗܐ ܥܡܼܪܬܝܗܝܼ ܒܥܒܿܕܐܼ܂
2	ܘܒܬܪ ܕܩܢܝܬܝܗܝ ܒܡ̈ܠܐ ܦܠܓܿܬܝܗܝܼ܂
3	ܕܢܼܣܓܘܢ ܠܟ ܚܒܪ̈ܐ
.	7
1	ܒܐܝܠܝܢ ܕܬܩ̈ܢܐ ܗܘܘܼ ܠܒܟ ܪܘܙ ܗܘܐ܂
2	ܘܠܐܝܠܝܢ ܕܡܚܝܠܝܢ ܩܠܟ ܡܚܝܿܠ ܗܘܐܼ܂
3	ܕܥܡ ܬܩܢ̈ܐ ܢܪܕܘܢ
.	8
1	ܠܐܝܢܐ ܕܩܿܢܼܐ ܗܘܐܿ ܡܠܟܬܝܗܝܼ ܕܠܐ ܢܘܒܕ܂
2	ܘܠܐܝܢܐ ܕܚܣܝܪܐ ܗܘ ܡܢܟ ܫܿܡܥ ܘܠܐܼܝ
3	ܘܥܼܡܠܼ ܕܢܗܘܐ ܠܗ
.	9
291	ܕܥܬܝܪ ܫܡܼܥ ܡܢܟܼ ܕܓܙܗ ܢܗܐ ܡܢܿܬܗ܂
292	ܕܠܐ ܢܢܘܿܡ ܘܢܕܡܟ ܘܢܐܬܘܢ ܓܿܝܣ̈ܐܼܿ
293	ܢܫܩܠܘܢ ܬܐܓܘܪܬܗ
.	10
1	ܘܠܐܝܢܐ ܕܐܬܿܚܠܨ ܟܠܝܘܡ ܡܟܪܙ ܗܘܝܬܼ
2	ܕܡܬܼܥܩܒܝܢ ܓܙ̈ܐ ܕܫܒܘ ܓܝܿܣ̈ܐ
3	ܒܕܡ̈ܥܐ ܘܬܘܬܐ
.	11
1	ܐܝܕܐ ܡܘܫܛ ܗܘܝܬ ܕܢܩܘܡܘܢ ܕܢܦܠܘܼ܂
2	ܒܡܠܬܟ ܣܿܡܟ ܗܘܝܬ ܠܐܝܢܐ ܕܩܐܡܿ ܗܘܐܿ܂
3	ܕܠܐ ܢܿܦܠܼ ܘܢܡܘܬ
.	12
1	ܫܠܚܬܗܿ ܐܬܠܝܛܐ ܠܪܚܡܬ ܩ̈ܢܝܢܐ܃
2	ܘܒܕܪܐ ܩܢܘܡܟ ܠܚܘܕܘܗܝ ܠܐܿܐ ܗܘܐܼ܂
3	ܘܢܨܚܼ ܕܡܣܪܩ
.	13
1	ܪܕܝܼܬ ܒܗ ܕܠܐ ܕܚܼܠܐ ܒܢܐܪܒܐ ܕܓܝܿܣ̈ܐ܃
2	ܕܩܢܘܡܟ ܒܠܚܘܕ ܒܥܠܡܐ ܥܼܒܪ ܘܛܥܼܢ܂
3	ܚܠܦ ܥܘܬܪܐ ܚܘܒܐ
.	14
1	ܬܓܘܪܬܟ ܕܐܥܼܕܝܬ ܣܡܬܗܿ ܩܕܡ ܟܠ ܐܢܫ܃
2	ܕܠܟ ܗܘܼ ܒܘܝܐܐ ܘܠܚܪܝܢ ܬܚܘܝܬܐܼ܂
3	ܕܐܟܘܬܟ ܢܠܐܐ
.	15
1	ܐܨܛܢܥ ܒܝܫܐ ܘܒܟ ܚܒ̈ܝ ܨܢ̈ܥܬܗ܃
2	ܕܠܒܝܫ ܐܢܬ ܦܓܪܐ ܘܠܐ ܒܼܪܨ ܒܟ ܓܐܪܐܼ܂
3	ܕܫܪܝܢܟܼ ܨܘܡܐ ܗܘ
.	16
1	ܕܦܓܪܟ ܠܐ ܢܟܠܟܿ ܒܝܫܼܐܼ ܠܐ ܚܣܼܢܟ܂
2	ܠܐ ܐܬܟܼܒܫ ܡܪܕܟ ܕܐܠܝܠܐ ܡܢܟ
3	ܠܐ ܩܡ ܕܠܩܘܒܠܟ
.	17
1	ܡܠܼܟܬܿ ܥܠ ܥܼܡܠܐ ܢܦܫܟܼ ܘܐܬܼܥܢܝܬ܂
2	ܘܦܓܪܐ ܕܥܿܕܪ ܠܗܿ ܡܠܼܟܗܿ ܓܒܿܐ ܗܘܐܼ܂
3	ܕܝܘܬܪܢ ܓܘܐ ܗܘܐ
.	18
1	ܥܝ̈ܕܘܗܝ ܫܼܒܩ ܦܓܪܐ ܘܣܼܡܟ ܠܘܬ ܢܦܫܐ܃
2	ܘܕܚܙܬܗ ܕܠܘܗܿ ܠܚܡܗܿ ܐܘܟܠܬܗܼ܂
3	ܨܘܡܐܼ ܘܨܠܘܬܐ
.	19
1	ܘܡܢ ܕܐܥܝܕ ܦܓܪܟ ܒ̈ܥܝܕܝ ܪܘܚܟܼ܂
2	ܕܒܣܼܡ ܠܗ ܐܘܟܠܗܼܿ ܗܼܦܟ ܘܗܘܼܐ ܕܪܘܚܐܿ܂
3	ܕܠܚܡܗ ܠܐ ܢܘܒܕ
.	20
1	ܘܕܘܒܪ̈ܐ ܛ̈ܒܐ ܐܬܩܢ ܠܗ ܓܦ̈ܐܿ܂
2	ܠܦܓܪܐ ܕܥܡ ܢܦܫܐ ܢܦܪܚ ܘܢܡܿܛܐܿ܂
3	ܠܗܿܘ ܢܘܗܪܐ ܕܥܕܢ