The Comprehensive Aramaic Lexicon

0	ܕܬܪܝܼܢ ܒܪ ܩܠܗ ܿ
.	1
1	ܩܢܘܡܐ ܚܕ ܗܘܐ ܠܟ ܐܘ ܐܒܘܢ ܣܒܐ܃
2	ܘܪܒܘ ܒܗ ܫܘܦܪ̈ܝܢ ܕܟܠ ܚܕ ܒܠܚܘܕܘܗܝܼ܂
3	ܠܚܒܪ̈ܘܗܝ ܥܿܠܒ ܗܘܐ
.	2
1	ܘܐܝܢܐ ܕܚܿܙܐ ܗܘܐ ܬܗܿܪ ܘܬܡܿܗ ܗܘܐܿ܂
2	ܕܒܚܕ ܒܪ ܐܢܫܐ ܐܝܬ ܒܗ ܕܡ̈ܘܼܬܐܿ܂
3	ܕܟܐܢ̈ܐ ܣ̈ܓܝܐܐ
.	3
1	ܒܓܘܫܡܟ ܐܬܢܼܨܒܬܿ ܕܟܝܬܐ ܒܬܘܠܘܬܟ܃
2	ܩܘܝ ܒܟ ܫܘܦܪܗܿ ܕܐܓܪ ܒܟ ܦܐܪܗܿ܃
3	ܒܛܘܒܗܿ ܐܥܬܪܬܟ
.	4
1	ܝܗܼܒܬ ܒܟ ܢܘܗܪܗܿ ܕܐܫܟܚܬܟ ܥܘܡܪܗܿ܃
k	ܘܟܕ ܟܣܝܐ ܨܡ̈ܚܝܗܿ ܡܢܟ ܡܕܝܩܝܢ ܗܘܘܼ܂
3	ܕܒܗ ܬܘܒ ܬܨܛܿܒܬ
.	5
1	ܛܼܪܕ ܬܘܒ ܨܒܝܢܟ ܪܓܬܐ ܡܢ ܓܘܫܡܟܼ܂
2	ܕܠܐ ܬܣܚܐ ܨܐܬܐ ܕܬܘܟܡ ܓܐܝܘܬܐܿ܂
3	ܕܡܪܝܩܬܐ ܢܦܫܐ
.	6
1	ܠܐ ܗܘܼܬ ܐܪܚܬܐ ܙܠܝܠܬܐ ܒܓܘܫܡܟܼ܂
2	ܘܥܠ ܗܿܝ ܠܐ ܪܓܼܙܬ ܢܟܦܬܐ ܒܬܘܠܘܬܟ܂
3	ܕܟܠܗܝܢ ܫ̈ܢܝܗܿ ܥܡܟ
.	7
1	ܘܠܘܩܒܠ ܕܟܝܘܬܗܿ ܙܗ̈ܝܢ ܚܒܪ̈ܬܗܿ܂
2	ܨܘܡܐ ܘܙܕܩ̈ܬܐ ܘܡܥܕܪܝܢ ܗܘܘ ܠܗܿ܂
3	ܒܢܘܣܟ ܠܕܟܝܘܬܐ
.	8
1	ܩܝܿܡ ܗܘ ܛܘܒܐ ܕܝܗܼܒܬܿ ܠܐܿܠܝܐ܃
2	ܠܐ ܛܠܼܡܬ ܥܘܡܪܐ ܕܗܘܼܐ ܒܗ ܢܘܚܗܿ܃
3	ܒܪܘܡܐ ܗܘ ܝܘܬܪܢܗܿ
.	9
1	ܚܝܠܟ ܓܢܒܪܐ ܚܼܣܢ ܒܟ ܥܣܩ̈ܬܐܼ܂
2	ܕܦܟܪ̈ܝ ܦܓܪܟ ܦܣܿܩ ܨܒܝܢܟ܂
3	ܒܣܝܦܟ ܢܩܕܘܬܟ
.	10
1	ܓ̈ܠܝܢ ܘܕܢܝܚ̈ܢ ܕܒܓܘܫܡܟ ܣܝ̈ܡܢ܃
2	ܟܠܗܝܢ ܦܐܝ̈ܬܐ ܗܠܝܢ ܕܐܡܪܢܼܢ܂
3	ܟܕ ܐܝܬ ܕܫܒܩܢܢ
.	11
1	ܫܘܦܪܐ ܕܫܒܪܘܬܟܼ ܢܛܪܬܗ ܥܠܝܡܘܬܟ܂
2	ܕܡܢ ܟܪܣܐ ܕܟܝܐ ܘܠܩܒܪܐ ܙܗܝܐܼ܂
3	ܒܢܘܚܡܐ ܓܒܼܝܐ ܐܢܬ
.	12
1	ܕܟܐ ܗܘܐ ܡܘܠܕܟ ܘܙܿܗܐ ܥܘܢܕܢܟܼ܂
2	ܕܐܝܟ ܕܐܝܬܝܟ ܝܠܕܐ ܫܼܩܠ ܐܓܥܠܟ ܡܘܬܐܼܿ
3	ܠܩܒܪܐ ܕܠܐ ܚܘ̈ܒܐ
.	13
1	ܘܕܠܐ ܡܣܝܒܪ ܠܗܿ ܩܒܪܐ ܠܕܟܝܘܬܟ܃
2	ܝܿܠܕ ܘܝܗܿܒ ܠܟ ܠܥܘܒܐ ܕܡܠܟܘܬܐܼ܂
3	ܟܕ ܒܟ ܦܐܝܘܬܟ
.	14
1	ܐܓܪ ܐܝܓܘܢܟ ܘܥܼܬܪ ܢܨܚܢܟܼ܂
2	ܘܟܡܐ ܕܡܥܬܩ ܗܘܐܼ ܡܥܫܢ ܥܿܫܢ ܗܘܐܿ܂
3	ܘܙܟܿܐ ܘܢܨܿܚ ܗܘܐ
.	15
1	ܠܣܒܐ ܥܣܼܩ ܪܕܐ ܕܦܫܝܩ ܠܥܠܝܡܿܐ܃
2	ܘܥܼܡܠܬܿ ܣܝܒܘܬܟ ܘܥܠܝܡ̈ܐ ܬܗܼܪܘ ܒܗܿ܃
3	ܘܪܗܛܘܼ ܘܠܐ ܩܕܡܘܟ
.	16
1	ܚܝܨܐ ܗܘܬ ܪܓܠܟ ܒܗܠܟܬܐ ܕܐܘܪܚܐܿ܂
2	ܕܢܩܼܠܬܿ ܙܗܝܘܬܟ ܫܒܝܠܐ ܡܢ ܟܐܦ̈ܐܿ܂
3	ܕܬܪܕܐ ܕܠܐ ܩܢܛܐ
.	17
1	ܦܓܪܟ ܡܿܚܠ ܗܘܐ ܘܥܼܡܠܟ ܥܿܫܢ ܗܘܐ܃
2	ܓܘܫܡܐ ܒܨܿܪ ܗܘܐ ܘܪܗܛܟ ܣܿܓܐ ܗܘܐܼ܂
3	ܕܚܝܠܟܼ ܡܪܟ ܗܘܐ
.	18
1	ܥܒܕܘܗܝ ܓܘܪ̈ܓܚܐ ܠܦܓܪܐ ܫܪܕܘܕܐܼ܂
2	ܕܚܢܩܘܗܝ ܩܘ̈ܦܚܐ܂ ܐܬܐ ܦܫ ܓܘܫܡܟܼ
3	ܕܢܦܫܐ ܥܝܪܐ ܒܗ
.	19
1	ܠܐ ܐܠܨܘܗܿ ܠܢܦܫܟ ܣܘܥܪ̈ܢܝ ܦܓܪܟ܃
2	ܕܪܕܦܼܬܿ ܕܟܝܘܬܐ ܠܥܝ̈ܕܝ ܒܣܪܐܼ܂
3	ܕܠܪܘܚܟ ܬܚܐ
.	20
1	ܥܩܒܟ ܣܝܡܐ ܗܘܬ ܥܠ ܪܝܫ ܪܫܘܦܐܼ܂
2	ܕܠܐ ܢܗܦܘܟ ܪܢܝܟ ܘܢܕܒܘܨ ܠܩܢܘܡܟ܂
3	ܘܐܢܬ ܡܢܟ ܬܡܘܬ
.	21
1	ܘܡܪܟ ܕܪܚܡܬܝܗܝ ܚܝܿܠ ܬܪܥܝܬܟܼ܂
2	ܕܒܓܘܗܿ ܬܐܚܘܕ ܘܬܩܛܘܠ ܚܘܫ̈ܒܐܿ܂
3	ܫ̈ܥܛܐ ܒ̈ܢܝ ܦܓܪܐ
.	22
1	ܟܠܗܝܢ ܐܪ̈ܓܝܓܬܐ ܕܡ̈ܟܝ ܒܟ ܘܐܫܿܬܬܩܝ܃
2	ܘܗܘ̈ܝ ܡ̈ܝܬܬܐ ܕܡܼܛܘ ܝܪ̈ܚܝܗܝܼܢ܂
3	ܘܠܐ ܢܦܩܘ ܥܼܘ̈ܠܝܗܝܢ
.	23
1	ܩܘܫܬܐ ܝܿܠܕ ܗܘܝܬ ܥܘܼܠܐ ܩܿܛܠ ܗܘܝܬܼ܂
2	ܕܨܒܝܢܟ ܣܝܦܐ ܛܒܿܚ ܒܝܼܫ̈ܬܐܿ܂
3	ܘܐܚܝ ܛܒ̈ܬܐ
.	24
1	ܕܦܓܪܟ ܚܿܣܢ ܗܘܝܬܼ ܠܡܪܕܐ ܟܒܿܫ ܗܘܝܬ܂
2	ܕܦܿܠܛ ܡܢ ܓܘܫܡܗ ܠܐ ܐܝܬ ܕܙܟܿܐ ܠܗܼ܂
3	ܠܟܠ ܙܟܝܼܬ ܕܙܟܝܬܝܗܝ
.	25
1	ܦܝܢܚܣ ܛܢܿܢܐ ܕܥܘܫܢܗ ܕܟܝܘܬܗܼ܂
2	ܕܙܟܼܐ ܠܚܕ ܓܘܫܡܗܼ ܠܬܪܝܢ ܩܼܛܠ ܛܡ̈ܐܐܿ܂
3	ܕܪܘܫܥܐ ܒܟܼܪ ܩܘܕܡܘܗܝ
.	26
1	ܘܐܦ ܠܟ ܛܘܒܢܐ ܛܢܼܢܟ ܡܠܟܟ ܗܘܐܿ܂
2	ܕܠܦܓܪܟ ܬܥܨܐ ܘܠܢܦܫܟ ܬܫܡܥܿ܂
3	ܕܬܪܝܗܘܢ ܢܚܘܢ