The Comprehensive Aramaic Lexicon

00:0	ܕܐܪܒܥܐܼ ܒܪ ܩܠܗ ܿ
01:1	ܠܫܪܒܟ ܥܿܛܦ ܐܢܐ ܕܡܢܟ ܐܬܥܕܪ܃
01:2	ܕܐܚܒܒ ܚܘܒܟ ܕܠܐ ܫܿܪܐ ܡܓܢ܂
01:3	ܠܗܘܢܐ ܕܗܿܕܣ ܒܗ
02:1	ܟܠܝܘܡ ܒܿܥܐ ܗܿܘܝܬ ܕܚܙܬܝ ܐܨܕ ܒܟ܃
02:2	ܘܕܚܕܝ ܒܟ ܡܕܥܝ ܬܒܣܡ ܒܟ ܒܥܘܬܝܼ܂
02:3	ܘܬܩܕܝܟ ܪܚܡܬܝ
03:1	ܪܥܝܢܝ ܪܦܬܿ ܒܟ ܘܠܫܢܝ ܐܿܠܨ ܠܗܼ܂
03:2	ܕܠܐ ܣܿܦܩ ܓܠܝܐ ܕܢܿܦܩܼ ܟܣ̈ܝܬܐܿ܂
03:3	ܕܡܬܚܿܫܒ ܗܘܢܐ
04:1	ܕܒܥܼܐ ܕܢܬܗܪ ܒܟ ܐܬܐܼ ܘܚܿܙܐ ܗܘܐܿ܂
04:2	ܥܘܡܪܟ ܕܡ̈ܣܟܢܐ ܘܐܝܕܟ ܕܝܗܘ̈ܒܐܿ܂
04:3	ܕܥܕ ܝܿܠܕܐ ܒܛܢܼܬ
05:1	ܟܠܝܘܡ ܙܪܥܿ ܗܘܝܬ ܘܐܘܨܪܟ ܣܿܓܐ ܗܘܐܼ܂
05:2	ܘܐܝܕܟ ܕܪܘܝܚܐܼ ܠܐ ܙܟܼܬ ܠ‍{‍ܥܘܬܪܐ‍}‍ ܕܒܐܝܕܟ܂
05:3	ܡܪܟ ܝܗܿܒ ܗܘܐ
06:1	ܡܣܟܝܢ ܗܘܐ ܥܘܡܪܟ ܘܐܝܕܟ ܥܬܝܪܐܼܼ
06:2	ܕܟܠܝܘܡ ܡܠܝܐ ܗܘܬ ܠܟܦ̈ܢܐ ܬܘܪܣܝܐܿ܂
06:3	ܦܐܪ̈ܐ ܕܙܕܩ̈ܬܐ
07:1	ܠܥܝܕܐ ܕܐܝܕܟܼ ܡܪܢ ܙܐܢ ܗܘܐܿ܂
07:2	ܕܥܝܕܟ ܢܩܘܐ ܕܐܩܢܝܬܗܿ ܠܥܝܕܟ܂
07:3	ܪ̈ܚܡܼܐ ܕܝܗܘܒܐ
08:1	ܬܘ̈ܢܐ ܕܥܘܡܪܟ ܣܦܝܩܝܢ ܘܣܪܝܩܝܼܢ܂
08:2	ܘܥܘܒ̈ܐ ܕܨܒ̈ܥܬܟ ܡܿܠܼܝܼܢ ܘܡܬܐܫܕܝܢ܂
08:3	ܠܟ̈ܦܢܐ ܣܒܥܘܬܐ
09:1	ܐܙܼܕܟܼܝܬܿ ܐܝܕܟ ܕܪܒܼܐ ܠܗ ܓܙܟ܃
09:2	ܕܬܬܠ ܡܡܿܪܐ ܗܘܝܬ ܘܡܠܘܐܟ ܥܫܢܟܼ܂
09:3	ܕܡܪܟ ܪܒ ܡܢܟ
10:1	ܘܕܥܒܼܕܬ ܦܘܩ̈ܕܢܘܗܝ ܥܒܼܕ ܗܼܘ ܨܒܝܢܟܼ܂
10:2	ܕܩܪܝܬܝܗܝ ܘܥܢܟ ܘܟܫܼܐ ܣܝܡ̈ܬܐܿ܂
10:3	ܕܐܝܕܟ ܬܫܬܒܚ
11:1	ܫܩܠܬ ܡܢ ܡܪܟ ܐܓܪܐ ܚܠܦ ܕܝܠܟܼ܂
11:2	ܘܥܦܗܿ ܘܡܘܣܦ ܠܟ ܕܐܠܼܦܬ ܠܚܪ̈ܢܐܿ܂
11:3	ܕܢܚܙܘܢ ܘܢܕܡܿܘܢܿ
12:1	ܐܝܟ ܝܐܝܒܐ ܠܨܘܡܐ ܒܚܘܒܐ ܩܿܪܒ ܗܘܝܬ܃
12:2	ܘܫܿܪܝܬܼ ܒܡܫܟܐ ܠܟܪܣܐ ܒܒ̈ܣܝܬܐܼ܂
12:3	ܒܘܣܡܟܼ ܒܥܕܢ
13:1	ܠܐ ܐܟܠܼܬ ܝܥܢܐܝܬܼ ܘܠܐ ܨܡܼܬ ܚܬܝܪܐܝܬ܂
13:2	ܦܠܓܼܬ ܡܬܩ̈ܠܐ ܠܘܩܒܠ ܛܥܘ̈ܢܐܼ܂
13:3	ܘܗܠܝܼܢ ܠܟܘܠܠܟ
14:1	ܘܐܡܬܝ ܕܐܟܠ ܗܘܝܬ ܠܨܘܡܐ ܦܠܚ ܗܘܝܬ܃
14:2	ܕܦܬܘܪܟ ܕܟܝܐ ܐܘܟܠܗ ܨܘܡܐ ܗܘܐܼ܂
14:3	ܕܦܓܪܐ ܗܘ ܣܡܟ ܗܘܝܬ
15:1	ܕܠܐ ܢܬܚܼܒ ܓܘܫܡܐ ܘܢܦܘܫ ܡܢ ܪܗܛܐܼ܂
15:2	ܙܟܝܬܝܗܝ ܕܠܐ ܬܥܪܘܩ ܡܢ ܓܘܗ ܢܦܫܐܿ܂
15:3	ܥܕ ܣܥܪܐ ܐܘܪܚܗܿ
16:1	ܨܝܡܐ ܛܪܩܐ ܠܐ ܥܒܪܟ ܣܒܐ܂
16:2	ܘܕܒܩܘܟ ܕܡܚܝܠܝܼܢ ܘܐܡܬܢܬܝܗܝ ܨܘܡܟ܂
16:3	ܠܘܩܒܠ ܗ̈ܠܟܐ
17:1	ܠܐ ܐܬܚܬܪ ܨܘܡܟ ܥܠ ܐܝܢܐ ܕܡܚܼܝܠ܃
17:2	ܘܠܐ ܐܬܢܙܪ ܦܘܡܟ ܥܠ ܐܝܢܐ ܕܐܟܠܼ܂
17:3	ܕܥܡ ܟܠ ܟܠ ܬܗܘܐ
18:1	ܬܗܪܐ ܚܼܙܝܢ ܚܢܢ ܒܟ ܢܫܒܚ ܠܦܘܪܫܢܟ܃
18:2	ܕܟܕ ܐܟܠܼܬ ܨܘܡܐ ܗܘ܂ ܘܟܕ ܨܝܿܡܼܬ ܐܘܟܠܐ ܗܘܼ܂
18:3	ܘܥܒܿܕܗܘܢܼ ܚܕ ܗܘ
19:1	ܐܟܠܼܬ ܓܝܪ ܕܠܐ ܬܚܣܪ܂ ܘܨܡܼܬ ܬܘܒܼ ܕܠܐ ܬܟܫܠ܂
19:2	ܐܘܟܠܟ ܥܘܕܪܢܐ ܗܘ ܘܨܘܡܟ ܝܘܬܪܢܐ ܗܘܼ܂
19:3	ܕܡܘܼܬܟ ܬܩܘܐ ܒܢ
20:1	ܫܿܠܡܼܬ ܕܟ̈ܬܝܒܢ ܘܠܐ ܐܟܠܼܬ ܒܠܚܘܕܝܟ܃
20:2	ܘܒܕܓܘܢ ܨܐܡ ܗܘܝܬ ܕܥܡ ܟܠ ܟܠ ܬܗܘܐܼ܂
20:3	ܕܠܣܡ̈ܝܟܐ ܬܥܕܪ
21:1	ܐܘܬܪ ܦܬܘܪܟ ܒܕܡܘܬ ܬܘܪܓܡܟܼ܂
21:2	ܕܦܘܡܟ ܩܕܝܫܐ ܫܒܚ ܙܗܝܐܝܬܼ܂
21:3	ܘܐܟܼܠ ܕܟܝܐܝܬ
22:1	ܕܡܿܠܠ ܟܣ̈ܝܬܐ ܘܐܟܼܠ ܕܟܝ̈ܬܐ܃
22:2	ܘܬܪܓܡ ܥܠ ܨܘܡܐ ܘܚܣܼܠ ܣ̈ܦܘܬܗܼ܂
22:3	ܕܡܠܬܗܼ ܒܗ ܬܫܠܡ
23:1	ܘܥܕܪ ܠܢ ܨܘܡܟ ܘܐܘܬܪ ܦܬܘܪܟܼ܂
23:2	ܕܐܕܢܐ ܪܘܼܙܬ ܒܟܼ ܘܟܪܣܐ ܙܓܼܪܬ ܒܟ܂
23:3	ܪܓܼܬ ܒܘܣܪܢܐ
24:1	ܠܟܠ ܐܢܫ ܕܡܿܠܦ ܗܘܝܬ ܕܡܘܬܼܐ ܩܐܡ ܗܘܝܬ܃
24:2	ܕܫܠܝܚܐ ܕܟܬܼܒ ܢܚܕܐ ܕܫܡܠܝܬܝܗܝܼ܂
24:3	ܕܒܩܢܘܡܟ ܚܿܘܝܼܬ
25:1	ܒܥܕܬܐ ܙܗܝܘܬܟ ܒܫܘܩܐ ܢܟܦܘܬܐܼ܂
25:2	ܥܕܬܐ ܛܥܝܢ ܠܒܟ ܒܟܠ ܕܘܟ ܕܫܿܪܐ ܗܘܐܿ܂
25:3	ܦܓܪܟ ܩܕܝܫܐ
26:1	ܕܬܐܬܪ ܡܢ ܩܠܟ ܘܬܪܥܐ ܒܚܙܬܟ܃
26:2	ܕܬܐܬܪ ܡܢ ܩܠܟ ܘܬܪܥܐ ܒܚܙܬܟ܃
26:3	ܛܘ̈ܦܣܐ ܡܢ ܦܓܪܟ