← Back
The Comprehensive Aramaic Lexicon
← Return to the Text Browser
click on the file description for more information
60502: PeterRome

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01.35:19 ܡܠܦܢܘܬܗ ܕܫܡܥܘܢ ܟܐܦܐ ܒܪܗܘܡܐ ܡܕܝܢܬܐ܂
01.35:20 ܒܫܢܬ ܬܠܬܝܢ ܕܩܠܘܕܘܣ ܩܣܪ܂ ܢܦܼܩ ܗܘܼܐ ܫܡܥܘܢ ܟܐܦܐ
01.35:21 ܡܢ ܐܢܛܝܘܟܝ ܕܢܐܙܠ ܠܗ ܠܪܗܘܡܐ܂ ܘܟܕ ܥܿܒܪ ܗܘܼܐ ܡܣܒܪ
01.35:22 ܗܘܼܐ ܒܐܬܪ̈ܘܬܐ ܡܠܬܗ ܕܡܪܢ܂ ܘܟܕ ܩܪܝܒ ܗܘܼܐ ܕܢܥܘܠ
01.35:23 ܗܘܼܐ ܠܬܡܢ ܫܡܼܥܘ ܗܘܘ ܣܓ̈ܝܐܐܼ ܘܢܦܼܩܘ ܠܐܘܪܥܗ܂ ܘܩܒܠܬܗ
01.35:24 ܗܘܬ ܥܕܬܐ ܟܠܗܿ ܒܚܕܘܬܐ ܪܒܬܐ܂ ܘܡܢ ܪܘܪ̈ܒܢܐ ܕܡܕܝܢܬܐ
01.36:01 ܠܒܝܫ̈ܝ ܚܘܪ̈ܐ ܕܡܿܠܟܐܼ ܐܬܘ ܗܘܘ ܨܐܕܘܗܝܼ ܕܢܚܙܘܢܝܗܝ܂
01.36:02 ܘܢܫܼܡܥܘܢ ܗܘܘ ܡܠܬܗ܂ ܘܟܕ ܟܢܝܫܐ ܗܘܬ ܡܕܝܢܬܐ ܟܠܗܿ ܠܘܬܗܼ܂
01.36:03 ܩܡ ܗܘܐ ܕܢܡܠܠ ܥܡܗܘܢܼ܂ ܘܢܚܘܐ ܠܗܘܢ ܟܪܘܙܘܬܐ
01.36:04 ܕܝܘܠܦܢܗ ܐܝܟܢܐ ܐܝܬܝܗܿ ܗܘܬ܂ ܘܫܿܪܝ ܗܘܐ ܕܢܐܡܪ ܠܗܘܢ
01.36:05 ܗܟܢܐ܂ ܓܒܪ̈ܐ ܒܢ̈ܝ ܪܗܘܡܐ ܩܕܝ̈ܫܐ ܕܐܝܛܠܝܐ ܟܠܗܼܿ܂ ܫܡܥܘ
01.36:06 ܡܕܡ ܕܐܡܿܪ ܐܢܐ ܠܟܘܢܿ ܝܘܡܢܐ ܡܟܪܙ ܐܢܐ ܘܡܣܿܒܪ ܐܢܐܼ܂
01.36:07 ܠܝܫܘܥ ܒܪܗ ܕܐܠܗܐ܂ ܕܢܚܼܬ ܡܢ ܫܡܝܐܼ ܘܗܘܐ ܒܪ ܐܢܫܐ܂
01.36:08 ܘܗܼܘܐ ܥܡܢ ܐܟܘܬܢܿ ܘܥܼܒܕ ܚܝ̈ܠܐ ܬܡܼ̈ܝܗܐܼ܂ ܐܬܘ̈ܬܐܼ
01.36:09 ܘܬܕܡܪ̈ܬܐ ܩܕܡܝܼܢ ܘܩܕܡ ܟܘܠܗܘܢ ܝܗܘ̈ܕܝܐ ܕܐܝܬ ܒܐܪܥܐ
01.36:10 ܕܦܠܣܛܝܢܐ܂ ܟܕ ܐܦ ܐܢܬܘܢܼ ܫܡܥܝܢ ܗܘܝܬܘܢ ܗܼܢܝܢ ܗܠܝܢ
01.36:11 ܕܥܒܿܕ ܗܘܐ܂ ܡܛܠ ܕܐܦ ܡܢ ܐܬܪ̈ܘܬܐ ܐܚܪ̈ܢܐ ܐܿܬܝܢ ܗܘܘ
01.36:12 ܠܘܬܗܿ܂ ܥܠ ܛܒܼܐ ܕܐܣܝܘܬܗ܂ ܘܥܠ ܫܡܥܐ ܕܥܘܕܪ̈ܢܘܗܝ
01.36:13 ܬܡ̈ܝܗܐ܂ ܘܟܘܠ ܡܿܢ ܕܩܿܪܒ ܗܘܐ ܠܗܼ ܡܬܐܣܐ ܗܘܐ ܒܡܠܬܗ܂
01.36:14 ܘܡܛܠ ܕܐܠܗܐ ܗܘܐܼ܂ ܥܡ ܐܣܝܘܬܗܼ ܐܦ ܚ̈ܛܗܐ ܫܿܒܩ
01.36:15 ܗܘܐ܂ ܐܣܝܘܬܗ ܓܝܪ ܕܓܠܝܐܼ܂ ܗܼܝ ܣܗܕܐ ܥܠ ܫܘܒܩܢܗ
01.36:16 ܟܣܝܐ܂ ܕܫܪܝܪ ܗܘ ܘܡܗܝܡܢ܂ ܠܗܢܐ ܓܝܪ ܝܫܘܥ ܡܟܪܙܝܢ ܗܘܘ
01.36:17 ܢܒ̈ܝܐ ܒܪ̈ܙܝܗܘܢ܂ ܟܕ ܡܣܿܟܝܢ ܗܘܘ ܕܢܚܙܘܢܝܗܝܼ ܘܢܫܡܥܘܢ
01.36:18 ܗܘܘ ܡܠܬܗ܂ ܕܗܿܘ ܕܐܝܬܘܗܝ ܗܘܐ ܥܡ ܐܒܘܗܝ ܡܡܬܘܡ
01.36:19 ܘܡܢ ܥܠܡ܂ ܐܠܗܐ ܕܟܣܼܐ ܗܘܐ ܒܪܘܡܐ ܘܐܬܚܙܝ ܒܥܘܡܩܐܼ܂
01.36:20 ܒܪܐ ܫܒܝܚܐ ܕܡܢ ܝܠܘܿܕܗ܂ ܘܡܫܒܚ ܗܘܐ ܥܡ ܐܒܘܗܝ ܘܥܡ
01.36:21 ܪܘܚܐ ܕܐܠܗܘܬܗ܂ ܘܫܘܠܛܢܐ ܕܚܝܼܠܐ ܕܡܪܘܬܗ܂ ܘܐܙܕܩܼܦ
01.36:22 ܗܘܐ ܒܨܒܝܢܗ ܡܢ ܐܝ̈ܕܝ ܚ̈ܛܝܐ܂ ܘܐܬܥܿܠܝ ܗܘܐ ܠܘܬ ܐܒܘܗܝܼ܂
01.36:23 ܐܝܟ ܡܐ ܕܚܿܙܝܬ ܐܢܐ ܘܚܒܪ̈ܝ܂ ܘܥܬܝܕ ܗܘ ܕܬܘܒ ܢܐܬܐ
01.36:24 ܒܫܘܒܚܐ ܕܝܠܗ ܘܕܟܠܗܘܢ ܡܠܐܟܘܗܝ ܩܕܝܫ̈ܐ܂ ܐܝܟ ܡܐ
01.36:25 ܕܫܡܼܥܢ ܗܘܝܢ ܡܢܗ ܕܐܡܼܪ ܗܘܐ ܠܢ܂ ܠܐ ܓܝܪ ܡܫܟܚܝܢܢ
01.36:26 ܕܢܐܡܪ ܡܕܡ ܕܠܐ ܫܡܝܥ ܗܘܐ ܠܢ ܡܢܗ܂ ܐܦ ܠܐ ܟܬܒܝܢܢ
01.36:27 ܒܟܬܒܐ ܕܣܼܒܪܬܗܼ ܡܕܡ ܕܗܼܘ ܠܐ ܐܡܼܪ ܗܘܐ ܠܢ܂ ܡܛܘܠ
01.37:01 ܕܐܡܝܪܐ ܗܝ ܡܠܬܼܐ ܕܢܣܼܬܟܪ ܦܘܡܗܘܢ ܕܕܓ̈ܠܐܿ܂ ܒܝܘܡܐ
01.37:02 ܕܝܗܒܝܢ ܒ̈ܢܝ ܐܢܫܐ ܦܬܓܡܐ ܕܡ̈ܠܐ ܒ̈ܛܠܬܐ ܒܝܬ ܕܝܢܼܐ܂
01.37:03 ܡܛܠ ܕܝܢ ܕܚܢܢ ܐܝܬܝܢ ܗܘܝܢ ܨܝܕܐ ܕܢܘܢܐ܂ ܘܠܐ ܗܘܐ ܣܿܦܪܐ
01.37:04 ܕܟ̈ܬܒܐ܂ ܡܛܠ ܗܢܐ ܗܼܘ ܐܡܼܪ ܠܼܢ܂ ܕܡܫܕܪ ܐܢܐ ܠܟܘܢ
01.37:05 ܪܘܚܐ ܦܪܩܠܛܐܼ܂ ܕܗܼܘ ܢܠܦܟܘܢ ܡܕܡ ܕܠܐ ܝܕܥܝܢ ܐܢܬܘܢ܂
01.37:06 ܒܡܘܗܒܬܗ ܗܘ ܓܝܪ ܕܝܠܗ ܐܡܪܝܢ ܚܢܢ ܐܝܠܝܢ ܕܫܡܥܝܢ
01.37:07 ܐܢܬܘܢ܂ ܘܒܗ ܬܘܒ ܡܩܿܪܒܝܢܢ ܥܘܕܪܢܐ ܠܟܪ̈ܝܗܐܼ ܘܚܘܠܡܢܐ
01.37:08 ܠܡܟܐܒ̈ܐ܂ ܕܡܢ ܫܼܡܥܐ ܕܡܠܬܗ ܘܡܢ ܥܘܕܪܢܐ ܕܚܝܠܗܼ܂
01.37:09 ܬܗܝܡܢܘܢ ܒܡܫܝܚܐ ܕܐܝܬܘܗܝ ܐܠܗܐ ܒܪܐ ܕܐܠܗܐ܂
01.37:10 ܘܬܬܦܪܩܘܢ ܡܢ ܦܘܠܚܢܐ ܕܥܒܕܘܬܐܼ܂ ܘܬܣܼܓܕܘܢ ܠܗ
01.37:11 ܘܠܐܒܘܗܼܝ܂ ܘܬܫܒܿܚܘܢ ܠܪܘܚܐ ܕܐܠܗܘܬܗ܂ ܟܕ ܓܝܪ ܠܐܒܐ
01.37:12 ܡܫܒܚܝܢ ܚܢܼܢ܂ ܐܦ ܠܒܪܗܼ ܥܡܗ ܡܫܒܚܝܢ ܚܢܢ܂ ܘܟܕ ܠܒܪܐ ܣܓܕܝܢ
01.37:13 ܚܢܢ܂ ܐܦ ܠܐܒܐܼ ܥܡܗ ܣܓܕܝܢ ܚܢܢ܂ ܘܟܕ ܒܪܘܚܐ ܡܘܕܝܢܼܢ܂
01.37:14 ܐܦ ܒܐܒܐܼ ܘܒܒܪܐ ܡܘܕܝܢ ܚܢܢ܂ ܡܛܠ ܕܒܫܡ ܐܒܐ ܘܒܪܐ
01.37:15 ܘܪܘܚܐ ܐܬܦܩܿܕܢܢܿ܂ ܕܢܥܡܕ ܠܐܝܠܝܢ ܕܡܗܝܡܢܝܢ ܕܢܼܚܘܢ ܠܥܠܡ܀
01.37:16 ܥܪܘܩܘ ܗܟܝܠ ܡܢ ܡ̈ܠܐ ܕܚܟܡܬܐ ܕܗܢܐ ܥܠܡܐ ܕܠܝܬ
01.37:17 ܒܗܝܢ ܝܘܬܪܢܐܼ܂ ܘܐܬܩܪܒܘ ܠܘܬ ܐܝܠܝܢ ܕܫܪܝܪܢ ܘܡܗܝܡܢܢ
01.37:18 ܘܡܩܿܒܠܢ ܩܕܡ ܐܠܗܐܿ܂ ܘܢܼܛܝܪ ܐܓܪܗܝܢ ܘܩܼܝܡ ܦܘܪܥܢܗܝܢ܂
01.37:19 ܘܡܟܝܠ ܕܕܢܚ ܠܗ ܢܘܗܪܐ ܒܒܪܼܝܬܐ܂ ܘܩܢܐ ܠܗ ܥܠܡܐ ܥܝ̈ܢܐ
01.37:20 ܕܪܥܝܢܐ ܕܢܚܙܐ ܟܠ ܐܢܫ ܘܢܬܒܝܢ ܕܠܐ ܙܕܿܩ ܕܢܣܬܓܕܢ
01.37:21 ܒܪ̈ܝܬܐ ܥܡ ܒܪܘܝܐ ܐܦܠܐ ܥܡ ܒܪܘܝܐ܂ ܡܛܠ ܕܟܘܠ ܡܕܡ
01.37:22 ܕܒܪ̈ܝܬܐ ܗܘܼ ܣܓܘܕܐ ܗܘܼ ܕܥܒܘܕܗ܂ ܘܠܐ ܗܘܼܐ ܣܓܝܕܐ ܗܘܼ
01.37:23 ܐܝܟ ܒܪܘܝܗ܂ ܗܢܐ ܕܝܢ ܕܐܬܐ ܨܐܕܝܼܢ܂ ܐܠܗܐ ܗܘܼ ܒܪ ܐܠܼܗܐ
01.37:24 ܒܟܝܢܗ܂ ܐܦܢ ܐܠܗܘܬܗ ܚܠܛ ܗܘܼܐ ܒܢܫܘܬܢ ܕܠܢܫܘܬܢ ܢܚܕܬ
01.37:25 ܒܥܘܕܪܢܐ ܕܐܠܗܘܬܗ܂ ܘܡܛܠ ܗܢܐ ܙܕܩ ܗܘܼ ܠܢ ܕܢܣܓܘܕ ܠܗ܂
01.37:26 ܡܛܠ ܕܣܓܝܕܐ ܗܼܘ ܥܡ ܐܒܘܗܝ܂ ܘܠܐ ܢܣܓܘܕ ܠܒܪ̈ܝܬܐ
01.37:27 ܕܐܬܒܪܝܼ ܠܣܓܕܬܗ ܕܒܪܘܝܐ܂ ܗܘܝܘ ܓܝܪ ܐܠܗܐ ܕܩܘܫܬܐ
01.38:01 ܘܕܫܪܪܐ܂ ܗܘܝܘ ܕܡܢ ܩܕܡ ܥܠܡ̈ܐ ܘܒܪ̈ܝܬܐ܂ ܗܘܝܘ ܒܪܐ
01.38:02 ܕܩܘܫܬܐ ܘܦܐܪܐ ܫܒܝܚܐ ܕܡܢ ܐܒܘܗܝ ܪܡܐ܂ ܐܠܐ ܚܙܝܢ
01.38:03 ܐܢܬܘܢ ܥܿܒ̈ܕܐ ܬܡ̈ܝܗܐ ܕܠܘܝ̈ܢ ܘܢܩܝܦܝܢ ܠܡ̈ܠܝܢ ܗܿܠ̈ܝܢ ܠܐ ܐܢܫ
01.38:04 ܢܬܛܦܝܣ܂ ܙܒܢܐ ܗܿܘ ܙܥܘܪܐ ܗܐ ܡܢ ܕܣܠܼܩ ܠܘܬ ܐܒܘܗܝ
01.38:05 ܘܚ̈ܙܘ ܐܝܟܢܐ ܦܪܚܬܼ ܣܒܪܬܗ ܒܟܠܗܿ ܒܪܝܬܐ ܕܒܗܕܐ ܢܬܝܕܥ
01.38:06 ܘܢܬܗܝܡܢ ܕܗܘܼܝܘ ܒܪܘܝܐ ܕܒܪ̈ܝܬܐ܂ ܘܒܪܡܙܗ ܩ̈ܝܡܢ ܒܪ̈ܝܬܐ܂
01.38:07 ܘܕܚܙܝܼܬܘܢ ܫܡܫܐ ܕܚܼܫܟ ܗܘܼܐ ܒܡܘܬܗ ܐܦ ܐܢܬܘܢ ܣܗܕܝܢ ܐܢܬܘܢ܂
01.38:08 ܐܪܥܐ ܕܝܢ ܙܥܿܬ ܗܘܼܬ ܒܩܛܠܗ܂ ܘܐܦ̈ܝ ܬܪܥܐ
01.38:09 ܕܐܨܼܛܪܝ ܗܘܼܐ ܒܡܘܬܗ ܘܥܠ ܗ̈ܠܝܢ ܣܿܗܕ ܗܘܼܐ ܐܦ ܦܝܠܛܘܣ
01.38:10 ܗܓܡܘܢܐ܂ ܕܗܘ ܫܕܪ ܗܘܼܐ ܘܐܘܕܥ ܗܘܼܐ ܠܩܣܪ ܘܐܬ̈ܩܼܪܝ
01.38:11 ܗ̈ܘܝ ܩܕܡܘܗܝ ܗ̈ܠܝܢ ܘܕܣܓ̈ܝܐܢ ܡܢ ܗܠܝܢ܂ ܘܩܕܡ ܪܘܪ̈ܒܢܝܗܿ
01.38:12 ܕܡܕܝܢܬܟܘܢ܂ ܘܡܛܠ ܗܢܐ ܪܓܼܙ ܗܘܼܐ ܩܣܪ ܥܠ ܦܝܠܛܘܣ܂ ܥܠ
01.38:13 ܕܕܠܐ ܒܙܕܩܐ ܐܬܛܦܝܣ ܗܘܼܐ ܠܝܗܘ̈ܕܝܐ ܘܡܛܠ ܗܢܐ ܫܕܪ
01.38:14 ܗܘܼܐ ܫܩܠܗ ܡܢܗ ܫܘܠܛܢܐ ܕܝܗܒܼ ܗܘܼܐ ܠܗ܂ ܘܗܝ ܗܕܐ
01.38:15 ܐܬܓܠܝܬ ܘܐܬܝܕܥܬ ܒܟܠܗ ܐܘܚܕܢܐ ܕܪ̈ܗܘܡܝܐ܂ ܗܿܘ ܗܟܝܠ
01.38:16 ܡܕܡ ܕܚܙܐ ܗܘܼܐ ܦܝܠܛܘܣ ܘܐܘܕܥ ܗܘܼܐ ܠܩܣܪ ܘܠܣܘܢܩܠܛܣ
01.38:17 ܡܝܩܪܐ ܕܝܠܟܘܢ܂ ܠܗ ܗܘܼ ܡܟܪܙ ܐܢܐ ܘܡܣܒܪ ܐܢܐ ܘܫܠܝ̈ܚܐ
01.38:18 ܚܒܪ̈ܝ܂ ܘܝܕܥܝܢ ܐܢܬܘܢ ܕܠܐ ܡܫܟܚ ܗܘܐ ܦܝܠܛܘܣ ܕܢܟܬܘܒ
01.38:19 ܗܘܼܐ ܠܡܠܟܘܬܐ ܡܕܡ ܕܠܐ ܗܘܼܐ ܗܘܼܐ ܘܚܙܼܐ ܒܥܝܢ̈ܘܗܝ
01.38:20 ܐܠܐ ܗܘܿ ܡܕܡ ܕܗܘܼܐ ܗܘܼܐ܂ ܘܐܣܬܥܪ ܒܥܒܕܐܼ܂ ܗܼܘ ܗܿܘ
01.38:21 ܟܬܒ ܗܘܼܐ ܘܐܘܕܥ܂ ܣܗ̈ܕܐ ܕܝܢ ܕܗܠܝܢ ܕܗ̈ܘܝ ܬܡܢ ܘܢܛܘܪ̈ܐ
01.38:22 ܕܩܒܪܐܼ܂ ܗܘܘܼ ܐܝܟ ܡ̈ܝܬܐ܂ ܘܟܕ ܐܫܬܐܠܘ ܗܘܘ ܩܕܡ ܦܝܠܛܘܣ
01.38:23 ܗܢܘܢ ܢܛܘܪ̈ܐ ܐܘܕܝܘ ܗܘܘ ܩܕܡܘܗܝ ܟܡܐ ܫܘܚܕܐ ܝܗܒܘ
01.38:24 ܗܘܘ ܠܗܘܢ ܪ̈ܫܝ ܟܗܢܐ ܕܝܗܘܕܝܐ ܐܝܟ ܕܢܐܡܪܘܢ ܗܘܘ
01.38:25 ܕܐܢܚܢܢ ܬܠܡܝ̈ܕܘܗܝ ܓܢܒܢܢ ܫܠܕܗ ܕܡܫܝܚܐ܂ ܗܐ ܗܟܝܠ
01.38:26 ܫܡܥܬܘܢ ܣܓܝܐ̈ܬܐ܂ ܘܐܢ ܕܝܢ ܠܐܝܠܝܢ ܕܫܡܥܬܘܢ ܠܐ
01.38:27 ܨܒܝܢ ܐܢܬܘܢ ܕܬܛܦܝܣܘܢܼ܂ ܐܬܛܦܝܣܘ ܐܦܢ ܠܚܝ̈ܠܐ ܕܚܙܝܢ
01.39:01 ܐܢܬܘܢ ܕܗܘܝܢ ܒܫܡܗ܂ ܠܐ ܢܛܥܝܟܘܢ ܣܝܡܘܢ ܚܪܫܐ
01.39:02 ܒܕܡ̈ܘܬܐ ܕܡܚܘܐ ܠܟܘܢ ܕܠܐ ܥܒ̈ܕܐ ܐܝܟ ܕܠܐܢܫܐ ܕܠܐ
01.39:03 ܗܘܢܐܿ܂ ܕܠܐ ܝܕܥܝܢ ܕܢܦܪܫܘܢ ܡܕܡ ܕܚܙܝܢ ܘܫܡܥܝܢ܂ ܫܕܪܘ
01.39:04 ܗܟܝܠ ܐܝܬܐܘܢܝܗܝ ܐܝܟܐ ܕܟܢܫܐ ܟܠܗܿ ܡܕܝܢܬܟܘܢ܂ ܘܓܒܘ
01.39:05 ܠܟܘܢ ܐܿܬܐ ܡܕܡ ܕܢܥܒܕ ܩܕܡܝܟܘܢ܂ ܘܗܿܘ ܐܝܢܐ ܕܚܙܝܢ
01.39:06 ܐܢܬܘܢ ܕܥܒܿܕ ܠܗܿ ܠܗܿܝ ܐܿܬܐ ܕܝܠܟܘܢ ܗܝ ܕܬܗܝܡܢܘܢ ܒܗܿ܂
01.39:07 ܘܒܗܿ ܒܫܥܬܐܼ܂ ܫܕܪ ܐܝܬܝܘܗܝ ܗܘܘ ܠܣܝܡܘܢ ܚܪܫܐ܂ ܘܐܡܪܘ
01.39:08 ܗܘܘ ܠܗ ܐܢܫܐ ܒ̈ܢܝ ܪܥܝܢܗ܂ ܐܝܟ ܓܒܪܐ ܕܬܟܝܠܝܢܢ ܥܠܝܟ܂
01.39:09 ܕܐܝܬ ܒܟ ܚܝܠܐ ܕܟܠܡܕܡ ܬܥܒܕ܂ ܥܒܼܕ ܐܿܬܐ ܡܕܡ ܩܕܡ
01.39:10 ܟܘܠܢ܂ ܘܢܚܙܐ ܗܢܐ ܫܡܥܘܢ ܓܠܝܠܝܐ ܕܡܟܪܙ ܠܡܫܝܚܐ܂ ܘܟܕ
01.39:11 ܗܟܢܐ ܐܡܪܝܢ ܗܘܘ ܠܗ ܐܣܬܩܒܠ ܥܒܿܪ ܗܘܼܐ ܡܝܬܐ ܚܕ
01.39:12 ܒܪܗ ܕܚܕ ܡܢ ܪ̈ܫܐ ܘܝܕܝ̈ܥܐ ܘܡܫ̈ܡܗܐ ܕܒܗܘܢ܂ ܘܐܡܪܘ
01.39:13 ܗܘܘ ܠܗ ܟܠܗܘܢ ܟܕ ܟܢܝܫܝܢ ܗܘܘ܂ ܕܐܝܢܐ ܡܢܟܘܢ ܕܡܚܐ
01.39:14 ܠܗ ܠܗܢܐ ܡܝܬܐ܂ ܗܿܘ ܗܘ ܫܪܝܪ ܘܡܗܝܡܢ ܘܡܩܒܠ܂
01.39:15 ܘܒܬܪܗ ܐܙܠܝܢܢ ܟܠܢ ܒܟܠܡܕܡ ܕܐܡܪ ܠܢ܂ ܘܐܡܪܘ ܗܘܘ ܠܗ
01.39:16 ܠܣܝܡܘܢ ܚܪܫܐ ܡܛܠ ܕܐܢܬ ܗܘ ܩܕܝܡ ܐܢܬ ܠܫܡܥܘܢ
01.39:17 ܓܠܝܠܝܐ ܗܪܟܐ܂ ܘܠܟ ܗܘܼ ܝܕܥܝܢܢ ܩܕܡܘܗܝܼ܂ ܐܢܬ ܚܘܐ ܚܝܠܐ
01.39:18 ܕܠܘܐ ܠܟ ܩܕܡܐܝܬ܂ ܣܝܡܘܢ ܕܝܢ ܢܛܝܠܐܝܬ ܩܪܒ ܗܘܐ
01.39:19 ܨܐܕܘܗܝ ܕܡܝܬܐ ܘܣܡܘܗ ܗܘܘ ܠܥܪܣܐ ܩܕܡܘܗܝ܂ ܘܚܐܪ
01.39:20 ܗܘܼܐ ܠܝܡܝܢܐ ܘܠܣܡܠܐ܂ ܘܒܫܡܝܐ ܡܬܒܩܐ ܗܘܼܐ܂ ܟܕ ܐܡܿܪ
01.39:21 ܗܘܼܐ ܡ̈ܠܐ ܣܓܝ̈ܐܬܐ܂ ܡܢܗܝܢ ܕܝܢ ܒܩܥܬܐ ܐܡܿܪ ܗܘܼܐ܂
01.39:22 ܘܡܢܗܝܢ ܒܟܣܝܐ ܕܠܐ ܩܥܬܐ܂ ܘܐܓܪ ܗܘܼܐ ܛܘܪܐ ܣܓܝܐܐ
01.39:23 ܘܡܕܡ ܠܐ ܗܘܼܐ ܗܘܼܐ ܘܠܐ ܐܣܬܥܪ܂ ܘܡܝܬܐ ܗܿܘ ܒܥܪܣܗ
01.39:24 ܪܡܐ ܗܘܼܐ܂ ܘܒܗܿ ܒܫܥܬܐ ܩܪܒ ܗܘܐ ܫܡܥܘܢ ܟܐܦܐ
01.39:25 ܬܟܝܠܐܝܬ ܠܘܬܗ ܕܡܝܬܐ ܗܿܘܼ܂ ܘܩܥܼܐ ܗܘܼܐ ܩܕܡ ܟܠܗ ܟܢܫܐ
01.39:26 ܕܩܐܡ ܗܘܼܐ ܬܡܢ܂ ܒܫܡܗ ܕܝܫܘܐ ܡܫܝܚܐ ܗܿܘ ܕܙܩܦܘ ܗܘܘ
01.39:27 ܝܗ̈ܘܕܝܐ ܒܐܘܪܫܠܡ ܘܐܢܚܢܢ ܡܣܒܪܝܢ ܚܢܢ ܠܗ܂ ܩܘܡ ܡܢ ܬܡܢ܂
01.40:01 ܘܥܡܗ ܕܡܠܬܗ ܕܫܡܥܘܢ ܚܝܐ ܗܘܼܐ ܡܝܬܐ ܗܘܿ ܘܩܡ ܗܘܐ
01.40:02 ܡܢ ܥܪܣܐ܂ ܘܚܙܐ ܟܠܗܿ ܥܡܐ ܘܐܬܕܡܪ܂ ܘܐܡܪܘ ܗܘܘ ܠܗ
01.40:03 ܠܫܡܥܘܢ܂ ܕܫܪܝܪ ܗܘܼ ܡܫܝܚܐ ܕܡܟܪܙ ܐܢܬ ܠܗ ܘܩܥܘ ܣܓܝܐ̈ܐ
01.40:04 ܘܐܡܪܘ܂ ܢܬܪܓܡ ܣܝܡܘܢ ܚܪܫܐ ܘܡܛܥܝܢܐ ܕܟܠܢ܂ ܣܝܡܘܢ
01.40:05 ܕܝܢ ܒܥܠܬܐ ܕܪܗܛ ܗܘܐ ܠܗ ܟܠܢܫ ܕܢܚܙܐ ܠܡܝܬܐ ܗܘ ܕܚܝܐ܂
01.40:06 ܦܠܛ ܗܘܼܐ ܡܢܗܘܢ ܡܢ ܫܘܩܐ ܠܚܒܪܗ ܘܡܢ ܕܪܬܐ ܠܕܪܬܐ
01.40:07 ܘܠܐ ܢܦܠ ܗܘܼܐ ܒܐܝ̈ܕܝܗܘܢ ܒܗܘ ܝܘܡܐ܂ ܡܕܝܢܬܐ ܕܝܢ
01.40:08 ܟܠܗܿ ܐܚܕܬ ܗܘܬ ܠܫܡܥܘܢ ܟܐܦܐ ܘܩܒܠܘܗܝ ܗܘܘ ܚܕܐܝܬ
01.40:09 ܘܚܒܝܒܐܝܬ܂ ܟܕ ܡܢ ܐܬܘ̈ܬܐ ܘܬܕܡܪ̈ܬܐ ܠܐ ܫܿܠܐ ܗܘܐ
01.40:10 ܕܢܥܒܕ ܒܫܡܗ ܕܡܫܝܚܐ܂ ܘܡܗܝܡܢܝܢ ܗܘܘ ܒܗ ܣܓܝ̈ܐܐ܂
01.40:11 ܩܘܦܪܝܢܘܣ ܕܝܢ ܐܒܘܗܝ ܕܗܿܘ ܕܚܝܐ ܗܘܼܐ ܐܘܒܠܗ ܗܘܐ
01.40:12 ܥܡܗ ܠܫܡܥܘܢ ܠܒܝܬܗ ܘܩܒܠܗ ܗܘܼܐ ܐܝܟ ܕܙܕܩ܂
01.40:13 ܟܕ ܡܗܝܡܢ ܗܘܼܐ ܗܼܘ ܘܒܢ̈ܝ ܒܝܬܗ ܟܠܗܘܢ ܒܡܫܝܚܐ ܕܒܪܗ
01.40:14 ܗܼܘ ܕܐܠܗܐ ܚܝܐ܂ ܘܐܬܬܠܡܕܘ ܗܘܘ ܬܡܢ ܣܓܝ̈ܐܐ ܡܢ
01.40:15 ܝܗܘ̈ܕܝܐ ܘܚܢ̈ܦܐ܂ ܘܟܕ ܣܓܝܬ ܗܘܬ ܚܕܘܬܐ ܒܡܠܦܢܘܬܗ
01.40:16 ܒܢܐ ܗܘܼܐ ܬܡܢ ܥܕ̈ܬܐ ܒܪܗܘܡܐ ܘܒܡ̈ܕܝܢܬܐ ܕܚܕܪ̈ܝܗܿ
01.40:17 ܘܒܩܘܪ̈ܝܐ ܟܠܗܝܢ ܕܒܢ̈ܝ ܐܝܛܠܝܐ ܘܫܡܫ ܗܘܐ ܬܡܢ
01.40:18 ܕܪܓܐ ܕܡܕܒܪܢܘܬܐ ܕܦܘܩ̈ܕܐ ܥܣܪܝܢ ܘܚܡܫ ܫܢ̈ܝܢ܂ ܘܡܢ ܒܬܪ
01.40:19 ܗܠܝܢ ܫܢ̈ܝܐ ܠܒܟܗ ܗܘܼܐ ܢܪܘܢ ܩܣܪ܂ ܘܚܒܫܗ ܗܘܼܐ ܒܝܬ
01.40:20 ܐܣܝܪ̈ܐ܂ ܘܝܕܥܿ ܗܘܼܐ ܕܙܩܦ ܗܘܼܐ ܠܗ܂ ܘܩܪܐ ܗܘܼܐ ܠܐܢܣܘܣ
01.40:21 ܡܫܡܫܢܐ ܘܥܒܕܗ ܗܘܐ ܐܦܣܩܘܦܐ ܚܠܦܘܗܝ ܒܪܗܘܡܐ܂
01.40:22 ܘܗܢܝܢ ܗܠܝܢ ܐܡܪ ܗܘܼܐ ܗܼܘ ܫܡܥܘܢ ܘܫܪܟܐ ܬܘܒ ܐܦ
01.40:23 ܐܚܪ̈ܢܝܬܐ ܕܐܝܬ ܗ̈ܘܝ ܠܗ ܦܩܕܗ ܗܘܐ ܠܐܢܣܣ ܕܗܘܼܐ ܡܠܦ
01.40:24 ܩܕܡ ܥܡܐ ܟܕ ܐܡܿܪ ܗܘܼܐ ܠܗ ܕܥܡ ܕܝܬܩܐ ܚܕܬܐ ܘܥܬܝܩܬܐܼ܂
01.40:25 ܠܐ ܗܘܐ ܡܬܩܪܐ ܡܕܡ ܩܕܡ ܥܡܐ ܡܕܡ ܐܚܪܢܐ ܕܠܐ ܙܕܩܿ܂
01.40:26 ܟܕ ܕܝܢ ܦܩܕ ܗܘܐ ܩܣܪ ܕܢܙܕܩܦ ܗܘܼܐ ܫܡܥܘܢ ܒܬܪ ܪܫܗ
01.40:27 ܐܝܟ ܕܗܼܘ ܒܥܐ ܗܘܼܐ ܡܢ ܩܣܪ ܘܕܢܫܬܩܠ ܗܘܼܐ ܪܫܗ
01.41:01 ܕܦܘܠܘܣ܂ ܗܘܼܐ ܗܘܼܐ ܫܓܘܫܝܐ ܣܓܝܐܐ ܠܥܡܐ ܘܥܩܬܐ
01.41:02 ܡܪܝܪܬܐ ܒܟܠܗܿ ܥܕܬܐ܂ ܐܝܟ ܕܐܬܓܠܙܘ ܗܘܘ ܡܢ ܚܙܬܐ
01.41:03 ܕܫܠܝܚ̈ܐ܂ ܘܩܡ ܗܘܐ ܐܝܣܣ ܡܕܒܪܢܐ ܘܩܦܣ ܗܘܐ ܦܓܪ̈ܝܗܘܢ
01.41:04 ܒܠܠܝܐ܂ ܘܩܒܪ ܗܘܐ ܐܢܘܢ ܒܐܝܩܪܐ ܪܒܐ ܘܗܘܼܐ ܗܘܼܐ
01.41:05 ܬܡܢ ܒܝܬ ܨܘܒܐ ܠܣܓܝܐ̈ܐ܂ ܘܒܗ ܒܙܒܢܐ ܗܘ ܐܝܟ ܕܡܢ
01.41:06 ܕܝܢܐ ܕܟܢܘܬܐ ܫܒܩ ܗܘܼܐ ܢܪܘܢ ܡܠܟܘܬܗ ܘܥܪܩ܂ ܘܗܘܼܐ
01.41:07 ܫܠܝܐ ܩܠܝܠ ܡܢ ܪܕܘܦܝܐ ܕܐܩܝܡ ܗܘܼܐ ܥܠܝܗܘܢ ܢܪܘܢ ܩܣܪ܂
01.41:08 ܘܡܢ ܒܬܪ ܫܢ̈ܝܐ ܣܓܝܐ̈ܬܐ ܕܟܘܠܠܗܘܢ ܪܒܐ ܕܫ̈ܠܝܚܐ
01.41:09 ܕܢܦܩܘ ܗܘܘ ܡܢ ܥܠܡܐ ܟܕ ܪܕܝܐ ܗܘܬ ܐܝܕܐ ܕܟܗܢܘܬܗܘܢ
01.41:10 ܒܟܠܗܿ ܪܗܘܡܐ ܘܒܟܠܗ ܐܝܛܠܝܐ܂ ܓܕܫ ܕܝܢ ܘܗܘܼܐ ܗܘܼܐ
01.41:11 ܟܦܢܐ ܪܒܐ ܒܪܗܘܡܐ ܡܕܝܢܬܐ܂
01.41:12 ܫܠܡܬ ܡܠܦܢܘܬܗ ܕܫܡܥܘܢ ܟܐܦܐ܂