← Back
The Comprehensive Aramaic Lexicon
← Return to the Text Browser
click on the file description for more information
60504: Ps-Clem R1 page 10, chap 7-8

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

1:010.01 ܡܛܝܒܐܝܬ ܐܡܪ ܗܘܐ܂ 7ܿ14 ܐܦ ܐܢܐ ܕܝܢ ܐܬܝܬ ܥܡܗܘܢ܂ ܘܩܡܬ ܠܘܬ
1:010.02 ܟܢܫܐ ܕܩܐܡ ܗܘܐ ܠܘܬܗ܂ ܘܫܡܥ ܗܘܝܬ ܡ̈ܠܘܗܝ ܘܡܬܒܝܢ ܗܘܝܬ
1:010.03 ܒܫܪܪܗܝܢ ܕܠܐ ܗܘܐ ܒܐܘܡܢܘܬܐ ܡܠܝܠܬܐ ܘܡܬܩܢܬܐ ܡܡܠܠ ܗܘܐ܂ ܐܠܐ
1:010.04 ܕܟܝܐܝܬ ܘܕܠܐ ܥܘܬܕܐ ܕܨܢܥܬܐ ܡܦܝܣ ܗܘܐ ܗܢܝܢ ܕܫܡܥ ܘܚܙܐ ܕܥܒܕ
1:010.05 ܘܐܡܪ ܗܿܘ ܒܪܗ ܕܐܠܗܐ ܕܐܬܚܙܝ܂ 7ܿ15 ܘܣܗ̈ܕܐ ܣܓܝ̈ܐܐ ܕܗܢܝܢ ܬܕܡܪ̈ܬܐ
1:010.06 ܘܕܗܢܝܢ ܡ̈ܠܐ ܕܡܢܗ ܡܬܐܡܪ̈ܢ ܗ̈ܘܝ ܐܦ ܡܢܗ ܕܟܢܫܐ ܕܩܐܡ ܗܘܐ ܡܝܬܐ
1:010.07 ܗܘܐ ܘܡܚܘܐ܂ 8ܿ1 ܘܡܛܠ ܕܝܢ ܕܗܢܝܢ ܕܕܠܐ ܚܪܥܘܬܐ ܘܕܠܐ ܨܢܥܬܐ ܡܬܐܡܪ̈ܢ
1:010.08 ܗ̈ܘܝ ܒܚܕܘܬܐ ܟܢ̈ܫܐ ܡܩܒܠܝܢ ܗܘܘ܂ ܐܢܫܝܢ ܦܝ̈ܠܘܣܦܐ ܗܢܘܢ ܕܡܢ
1:010.09 ܡܪܕܘܬܐ ܥܠܡܢܝܬܐ ܡܬܢܦܩܝܢ ܗܘܘ܂ ܕܢܓܚܟܘܿܢ ܒܗ ܘܢܡܝܩܘܢ ܨܒܘ܂
1:010.10 ܟܕ ܡܒܙܚܝܢ ܗܘܘ ܒܗ ܘܡܟܐܪܝܢ ܠܗ ܒܫܘܒܗܪܐܼ ܕܠܐ ܟܝܠܐ ܘܐܝܟܼ ܕܒܙܝܢܐ
1:010.11 ܪܒܐ ܡܬܚܫܚܝܢ ܗܘܘ ܒܐܘܡܢܘܬܐ ܕܚܘܫ̈ܒܐ ܕܒܨܬܐ܂ 8ܿ2 ܘܗܘ ܕܝܢ
1:010.12 ܕܚܩ ܗܘܐ ܡܢܗ ܠܪܣܘܬܗܘܢ/ܠܪܘܥܗܘܢ#3#/ܿ ܘܠܐ ܪܗܛ ܗܘܐ ܠܘܬ ܚܪܥܘܬܐ ܘܨܢܝܥܘܬܐ
1:010.13 ܕܫܘܐܠܗܘܢܿ܂ ܐܠܐ ܕܠܐ ܕܚܠܬܐ܂ ܟܕ ܠܐ ܡܬܪܗܒ ܗܘܐ ܡܢ ܗܢܝܢ ܕܐܡܪ ܗܘܐ
1:010.14 ܠܐ ܡܫܢܐ ܗܘܐ܂ 8ܿ3 ܘܒܚܕ ܡܢ ܥ̈ܕܢܐ ܕܝܢ ܫܐܠܗ ܐܢܫ ܕܡܛܠ ܡܢܐ
1:010.15 ܒܩܐ ܗܘܐ܂ ܘܟܕ ܙܥܘܪܐ ܗܼܘ ܫܬ ܪ̈ܓܠܝܢ ܐܝܬ ܠܗ ܘܐܦ ܓܦ̈ܐ܂
1:010.16 ܘܦܝܠܐ ܕܪܒ ܡܢ ܚܝܘ̈ܬܐ ܕܠܐ ܓܦ̈ܐ ܗܼܘ܂ ܘܐܪ̈ܒܥ ܪ̈ܓܠܝܢ ܒܠܚܘܕ ܐܝܬ
1:010.17 ܠܗ܂ 8ܿ4 ܗܘ ܕܝܢ ܡܢ ܒܬܪ ܗܢܐ ܫܘܐܠܐ ܗܝ ܡܠܬܐ ܕܐܬܥܟܪܬ ܗܘܬ
1:010.18 ܢܣܒ ܗܘܐ܂ ܘܐܝܟ ܕܠܘܩܒܠ ܫܘܐܠܐ ܦܢܝ ܦܬܓܡܐ܂ ܘܡܠܬܗ ܗܿܝ
1:010.19 ܕܡܢ ܫܘܪܝܐ ܣܝܡܐ ܗܘܬ ܩܕܡܘܗܝ ܢܣܒ ܘܒܗܢܐ ܒܠܚܘܕ ܫܘܪܝܐ
1:010.20 ܕܡܠܬܐ ܡܬܚܫܚ ܗܘܐ ܟܠܥܕܢ ܕܦܣܩܝܢ ܗܘܘ ܡܠܬܗ܂ 8ܿ5 ܕܐܢܚܢܢ
1:010.21 ܦܘܩܕܢܗ ܕܗܿܘ ܕܫܕܪܢ ܐܝܬ ܠܢ ܕܒܠܚܘܕ ܡ̈ܠܘܗܝ ܘܥܒܕ̈ܘܗܝ
1:010.22 ܘܣܘܥܪ̈ܢܘܗܝ ܕܬܕܡܘܪܬܐ ܢܐܡܪ ܠܟܘܢܿ ܘܚܠܦ ܬܚܘ̈ܝܬܐ ܡ̈ܠܝܠܬܐ
1:010.23 ܣ̈ܗܕܐ ܣ̈ܓܝܐܐ ܡܢܟܘܢ ܕܩܝܡܝܢ ܐܢܬܘܢ ܝܗܒܝܢ ܐܢܚܢܢ ܠܟܘܢ܂
1:012.01 8ܿ6 ܗܠܝܢ ܐܝܠܝܢ ܕܐܢܐ ܒܚܙܬܗܘܢ ܥܗܕ ܐܢܐ ܠܗܿܘܢ ܐܝܟܿ ܨ̈ܠܡܐ ܢܦ̈ܫܢܐ/ܢܦܫܢܝܐ#1#/܂
1:012.02 ܡܟܝܠ ܕܫܘܠܛܢܐ ܗܝ ܕܝܠܟܘܢ܂ ܐܘ ܕܬܫܡܥܘܢ ܐܘ ܕܠܐ ܬܛܦܝܣܘܢ܂ 8ܿ7 ܘܗܼܝ
1:012.03 ܕܝܢ ܗܕܐ ܕܡܥܕܪܐ ܠܟܘܢ ܕܐܡܪ ܠܟܘܢܿ ܠܐ ܫܠܐ ܐܢܐ܂ ܡܛܠ ܕܠܝ ܚܘܣܪܢܐ
1:012.04 ܗܘܐ ܐܢ ܐܫܬܘܩ܂ ܘܠܟܘܢ ܕܝܢ ܣܘܓܦܢܐ ܐܢ ܠܐ ܬܬܛܦܝܣܘܢ܂ 8ܿ8 ܐܠܐ ܐܦ
1:012.05 ܬܚܘ̈ܝܬܐ ܕܥܠ ܫܘ̈ܐܠܝܟܘܢ ܣܦ̈ܝܩܐ ܡܫܟܚ ܗܘܝܬ ܕܐܡܪ ܕܐܠܘ
1:012.06 ܒܪܚܡܬ ܫܪܪܐ ܡܫܐܠܝܢ ܗܘܝܬܘܢ܂ 8ܿ9 ܥܠ ܦܘܪܫܢܐ ܕܝܢ ܕܒܪܝܬܐ ܕܒܩܐ
1:012.07 ܘܕܦܝܠܐ ܕܢܬܐܡܪ ܠܟܘܢ ܕܠܐܠܗܐ ܕܥܠ ܟܠ ܠܐ ܝܕܥܝܢ ܐܢܬܘܢ ܠܐ ܗܘܐ
1:012.08 ܙܒܢܐ ܗܘ ܗܫܐ܂ 9ܿ1 ܘܟܕ ܗܠܝܢ ܐܡܪ ܟܠܗܘܢ ܐܝܟ ܕܡܢ ܬܢܘܝ ܓܘܚܟܐ
1:012.09 ܫܓܝܫܐ ܐܪܦܝܘ܂ ܕܢܫܬܩܘܢܝܗܝ ܘܒܦ̈ܘܫܟܐ ܢܩܝܡܘܢܝܗܝ ܐܝܟ ܕܠܐܢܫ
1:012.10 ܕܝܘܢܐ ܘܒܪܒܪܝܐ 9ܿ2 ܐܢܐ ܕܝܢ ܟܕ ܚܙܝܬ ܗܢܝܢ ܒܛܢܢܐ ܠܐ ܝܕܥܢܐ ܐܝܟܢܐ
1:012.11 ܘܒܪܘܓܙܐ ܕܒܟܐܢܘܬܐ ܕܐܫܬܘܩ ܬܘܒ ܠܐ ܚܡܣܢܬ ܕܐܣܝܒܪ ܐܠܐ ܒܦܪܗܣܝܐ
1:012.12 ܩܥܐ ܗܘܝܬ ܘܐܡܪ܂ 9ܿ3 ܒܙܕܩܐ ܘܒܘܠܝܬܐ ܐܠܗܐܿ ܨܒܝܢܗ ܣܡ ܕܠܐ ܢܬܕܪܟ
1:012.13 ܠܟܘܢܿ ܕܩܕܡ ܝܕܥܟܘܢ ܕܠܐ ܫܘܝܢ ܐܼܢܬܘܢܿ ܡܢ ܗܠܝܢ ܕܥܕܡܐ ܠܗܫܐ
1:012.14 ܡܬܚܙܐ ܕܒܝܕܥܬܐ ܘܒܡܕܥܐ ܦܪܘܫܐ ܫܡܠܝܟܘܢ܂ 9ܿ4 ܡܛܠ ܓܝܪ ܕܗܫܐ
1:012.15 ܟܪ̈ܘܙܐ ܕܨܒܝܢܗ ܐܫܬܕܪܘ ܟܕ ܠܐ ܗܘܐ ܐܘܡܢܘܬܐ ܕܓܪܡܛܝܩܘܬܐ ܡܫܬܘܕܝܢ
1:012.16 ܐܠܐ ܒܡ̈ܠܐ ܦܫ̈ܝܛܬܐ ܘܫܦܝ̈ܬܐ ܕܠܐ ܨܢ̈ܝܥܬܐ ܨܒܝܢܗ ܓܠܝܢ ܘܡܘܕܥܝܢ ܐܝܟܢܐ
1:012.17 ܕܟܠ ܐܢܫ ܡܢ ܕܗܼܘ ܕܫܡܥ /‍<‍ܢܕܥ‍>‍#3#/ ܗܠܝܢ ܕܡܬܐܡܪ̈ܢ ܘܠܐ ܒܐܣܟܡܐ
1:012.18 ܚܣܡܐ ܐܝܢܐ ܕܗܼܘ ܕܢܓܠܐ ܠܟܠ ܠܐ ܢܨܒܐ 9ܿ5 ܩܪܒܬܘܢ ܐܢܬܘܢܿ ܘܥܡ ܗܕܐ
1:012.19 ܕܠܐ ܝܕܥܬܗܘܢ ܥܘܕܪܢܟܘܢ ܠܣܘܓܦܢܐ ܕܢܦܫܟܘܢ ܕܬܓܚܟܘܢ ܒܫܪܪܐ ܗܿܘ
1:012.20 ܕܠܡܣܡ ܒܪܝܫܐ ܕܝܠܟܘܢ ܒܝܬ ܒܪ̈ܒܪܝܐ ܡܬܕܒܪ ܘܡܬܝܕܥ ܗܘ 9ܿ6 ܕܐܦ
1:012.21 ܗܫܐ ܕܠܘܬܟܘܢ ܐܬܐ ܕܬܩܒܠܘܢܝܗܝ ܠܐ ܨܒܝܢ ܐܢܬܘܢ ܡܛܠ ܨܚܢܘܬܟܘܢ
1:012.22 ܘܡܛܠ ܦܫܝܛܘܬܐ ܕܡ̈ܠܘܗܝ 9ܿ7 ܕܠܐ ܬܬܟܣܣܘܢ ܠܟܘܢ ܕܪ̈ܚܡܝ ܡ̈ܠܐ
1:012.23 ܣܦܝ̈ܩܬܐ ܘܣܪ̈ܝܩܬܐ ܐܢܬܘܢܼ ܘܠܐ ܗܘܐ ܪ̈ܚܡܝ ܫܪܪܐ ܘܪ̈ܚܡܝ ܚܟܡܬܐ܂
1:012.24 ܥܕܡܐ ܗܟܝܠ ܠܐܡܬܝ ܝܠܦܝܢ ܐܢܬܘܢ ܕܬܡܠܠܘܢ ܟܕ ܐܦ ܠܐ ܗܕܐ ܕܬܡܠܠܘܢ
1:012.25 ܠܐ ܝܕܥܝܢ ܐܢܬܘܢ܂ ܡܡ̈ܠܠܐ ܓܝܪ ܣܓܝ̈ܐܐ ܐܝܬ ܠܘܬܟܘܢܿ ܕܠܐ ܫܘܝܢ ܠܚܕܐ
1:012.26 ܡܠܬܐ܂ 9ܿ8 ܡܢܐ ܟܝ ܢܐܡܪ ܟܢܫܟܘܢ ܗܢܐ ܕܝܘ̈ܢܝܐ܂ ܟܕ ܢܗܘܐ ܟܠܗ ܚܕܐ
1:012.27 ܢܦܫ܂ ܐܢ ܐܝܢ ܗܘܐ ܕܝܢܐ ܐܝܟܢܐ ܕܗܢܐ ܐܡܪ 9ܿ9 ܕܡܛܠ ܡܢܐ ܐܘ ܐܠܗܐ ܨܒܝܢܟ
1:012.28 ܠܐ ܓܠܝܬ ܠܢ܂ ܠܐ ܗܐ ܐܡܝܢܐܝܬ ܫܡܥܝܢ ܐܢܬܘܢ ܐܢ ܡܫܘܐ ܠܟܘܢܿ ܐܦܢ
1:012.29 ܠܦܘܢܝ ܦܬܓܡܐ ܐܝܟ ܗܢܝܢ 9ܿ10 ܕܐܢܐ ܝܕܥ ܐܢܐ ܩܕܡ ܬܪ̈ܡܝܬܗ ܕܥܠܡܐ
1:014.01 ܨܒܝ̈ܢܐ ܟܠܗܘܢܼ ܕܥܬܝܕܝܢ ܕܟܠ ܐܢܫ܂ ܠܐܢܫ ܐܢܫ ܐܝܟ ܕܫܘܐ ܟܣܝܐܝܬ
1:014.02 ܩܕܡܬ ܐܪܥܬ ܘܐܬܝܕܥܬ 9ܿ11 ܘܕܗܝ ܕܝܢ ܗܕܐ ܕܗܟܢܐ ܐܝܬܝܗܿ ܨܒܝܬ ܕܠܗܢܘܢ
1:014.03 ܕܡܬܓܘܣܝܢ ܒܝ ܐܘܕܥ ܘܐܢܝܚ ܕܡܛܠ ܡܢܐ ܡܢ ܫܘܪܝܐ ܡܢ ܕܪ̈ܐ ܩܕܡ̈ܝܐ
1:014.04 ܨܒܝܢܐ ܕܝܠܝ ܓܠܝܐܝܬ ܩܕܡ ܟܠ ܐܢܫ ܠܐ ܫܒܩܬ ܕܢܬܟܪܙ܂ ܘܗܫܐ
1:014.05 ܒܫܘܠܡܗ ܕܥܠܡܐ ܟܪ̈ܘܙܐ ܕܨܒܝܢܝ ܫܕܪܬ܂ ܗܢܘܢ ܕܗܐ ܐܦ ܡܓܚܟܝܢ
1:014.06 ܒܗܘܢ ܘܡܨܛܥܪܝܢ ܘܡܬܚܣܕܝܢ ܡܢ ܗܢܘܢ ܕܐܦܠܐ ܒܡܕܡ ܨܒܝܢ ܕܢܬܥܕܪܘܢ
1:014.07 ܘܬܩܝܦܐܝܬ ܡܢ ܚܘܒܐ ܕܝܠܝ ܡܫܬܐܠܝܢ܂ 9ܿ12 ܐܘܿ ܥܠ ܥܘܠܐ ܪܒܐ
1:014.08 ܕܥܕܡܐ ܠܩܛܠܐ ܩܪܒܝܢ ܟܪ̈ܘܙܐ ܘܗܢܝܢ ܗܠܝܢ ܓܕܫ̈ܢ ܠܗܘܢ ܡܢ
1:014.09 ܐܢܫܐ ܗܢܘܢ ܕܠܦܘܪܩܢܐ ܘ̈ܠܚܝܐ ܡܬܩܪܝܢ܂ 9ܿ13 ܘܗܼܝ ܗܕܐ ܕܝܢ ܕܥܘܠܐܝܬ
1:014.10 ܘܕܠܐ ܒܕܝܢܐ ܗܘܝܐ ܠܘܩܒܠ ܟܪ̈ܘܙܐ ܕܝܠܝ ܡܢ ܫܘܪܝܐ ܠܘܩܒܠ ܟܠܗܘܢ
1:014.11 ܗܘܝܐ ܗܘܬ ܐܠܘ ‍<‍ܠܐ#4#‍>‍ ܡܢ ܫܘܪܝܐ ܠܦܘܪܩܢܐ ܡܬܩܪܝܢ ܗܘܘ ܡܦܪܫܐܝܬ
1:014.12 ܗܢܘܢ ܕܫܿܘܝܢ܂ 9ܿ14 ܗܢܐ ܓܝܪ ܡܕܡ ܕܗܫܐ ܡܢܗܘܢ ܥܘܠܐܝܬ ܗܘܐ ܠܡܦܩ
1:014.13 ܒܪܘܚܐܼ ܕܥܠ ܒܛܝܠܘܬܐ ܕܝܠܝ ܕܒܟܐܢܘܬܐ ܗܝ ܗܘܝܐ ܕܫܦܝܪ ܠܡܠܬܐ
1:014.14 ܗܿܝ ܕܫܘܝܐ ܠܐܝܩܪܐ ܡܢ ܫܘܪܝܐ ܓܠܝܐܝܬ ܩܕܡ ܟܠ ܐܢܫ ܕܐܣܝܡܝܗܿ
1:014.15 ܠܨܥܪܐ ܠܐ ܨܒܝܬ ܕܠܐ ܥܘܕܪܢܐ ܐܠܐ ܕܒܫܬܩܐ ܬܗܘܐ ܐܝܟ ܡܝܩܪܬܐ ܨܒܝܬ ܘܠܐ
1:014.16 ܗܘܐ ܡܢ ܗܢܘܢ ܕܡܢ ܩܕܝܡ ܫܘܝܢ ܗܘܘ ܠܗܿ ܫܬܩܬܗܿ܂ ܡܛܠ ܕܐܦ
1:014.17 ܩܒܠܘܗܿ ܘܐܫܬܘܬܦܘ ܠܗܿ܂ ܐܠܐ ܡܢ ܗܢܝܢ ܘܡܢ ܕܐܝܟ ܗܠܝܢ ܕܗܐ
1:014.18 ܡܬܚܙܝܢ ܕܠܐ ܫܘܝܢ ܕܐܦ ܠܝ ܣܢܝܢ܂ ܘܗܢܘܢ ܠܗܘܢ ܕܢܪܚܡܘܢ ܠܐ
1:014.19 ܨܒܝܢ 9ܿ15 ܘܐܦ ܗܫܐ ܕܝܢ ܐܪܦܘ ܓܘܚܟܐ ܕܥܠ ܗܢܐ ܓܒܪܐ ܘܠܝ ܠܦܘܬ
1:014.20 ܫܘܕܝܗ ܕܗܢܐ ܫܐܠܘ ܐܘ ܐܝܟ ܫܘܐܠܐ ܕܡܫܐܠ ܐܢܐ ܠܟܘܢܿ ܡܢ ܕܨܒܐ
1:014.21 ܡܢܟܘܢ ܢܦܢܐ ܠܝ ܦܬܓܡܐ܂ ܘܠܐ ܐܝܟ ܟܠܒ̈ܐ ܨܚ̈ܢܐ ܬܢܒܚܘܢܿ ܘܒܩܥܬܐ
1:014.22 ܫܓܝܫܬܐ ܬܥܡܨܘܢ ܘܬܣܟܪܘܢ ܡܫܡܿܥܬܐ ܕܗܢܘܢ ܕܨܒܝܢ ܕܢܚܘܢ܂ ܐܘ
1:014.23 ܥܘ̈ܠܐ ܘܣ̈ܢܝܐ ܠܐܠܗܐ ܕܠܝܕܥܬܐ ܕܪܥܝܢܟܘܢ ܡܚܝܢܝܬܐ ܒܠܐ ܗܝܡܢܘܬܐ
1:014.24 ܡܒܛܠܝܢ ܐܢܬܘܢܿ 9ܿ16 ܐܝܟܢܐ ܡܫܟܚܝܢ ܐܢܬܘܢ ܕܬܩܒܠܘܢ ܫܘܒܩܢܐ ܕܠܗܘ
1:014.25 ܕܝܕܥܬܗ ܕܐܠܗܐ ܡܫܬܘܕܐ ܕܢܐܡܪ ܠܟܘܢ ܡܨܥܪܝܢ ܐܢܬܘܢ܂ 9ܿ17 ܘܒܗܠܝܢ
1:014.26 ܠܒܪ ܐܢܫܐ ܗܿܘ ܕܙܕܩ ܗܘܐ ܕܐܦܢ ܡܕܡ ܫܪܪܐ ܠܐ ܢܐܡܪ ܗܘܐܼ ܠܨܒܝܢܗ
1:014.27 ܛܒܐ ܕܠܘܬܟܘܢ ܘܠܐ ܗܘܐ ܠܟܘܢ ܕܬܩܒܠܘܢ 10ܿ1 ܟܕ ܗܟܝܠ ܗܢܝܢ ܐܡܪ
1:014.28 ܗܘܝܬ ܘܐܝܠܝܢ ܕܠܗܠܝܢ ܢܩ̈ܦܢ ܘܕܡ̈ܝܢ ܪܘܒܐ ܣܓܝܐܐ ܕܝܠܗ ܕܟܢܫܐ
1:014.29 ܗܘܐ ܗܘܐ܂ ܘܡܢܗܘܢ ܐܝܟ ܕܡܬܪܚܡܝܢ ܥܠ ܗܿܘ ܒܪܒܪܝܐ ܠܝ ܡܥܕܪܝܢ
1:014.30 ܗܘܘ܂ ܐܚܪ̈ܢܐ ܕܝܢ ܕܐܝܬܝܗܘܢ ܣܟ̈ܠܐ ܘܕܠܐ ܪܥܝܢܐ ܩܫܝܐܝܬ ܫܢ̈ܝܗܘܢ
1:014.31 ܠܘܩܒܠܝ ܡܚܪܩܝܢ ܗܘܘ܂ 10ܿ2 ܘܡܛܠ ܕܝܢ ܕܡܟܝܠ ܪܡܫܐ ܐܕܪܟ ܗܘܐ܂
1:016.01 ܒܐܝܕܗ ܕܒܪܢܒܐ ܠܒܟܬ ܒܩܛܝܪܐ܂ ܟܕ ܠܐ ܨܒܐ܂ ܘܠܐܟܣܢܝܐ ܕܝܠܝ ܐܝܬܝܬܗ܂
1:016.02 ܘܥܒܕܬܗ ܕܢܗܘܐ ܬܡܢ܂ ܕܠܐ ܐܢܫ ܢܪܡܐ ܥܠܘܗܝ ܐܝ̈ܕܝܐ܂ 10ܿ3 ܘܝܘ̈ܡܬܐ
1:016.03 ܙܥܘܪ̈ܐ ܩܘܝ ܠܘܬܝ܂ ܘܡ̈ܠܐ ܙܥܘܪ̈ܝܬܐ ܡܢ ܝܘܠܦܢܐ ܕܫܪܪܐ ܐܫܡܥܢܝ
1:016.04 ܩܠܝܠ ܐܝܟ ܕܒܝܘ̈ܡܬܐ ܙܥܘܪ̈ܐ 10ܿ4 ܘܐܡܪ ܕܡܣܬܪܗܒ ܐܢܐ ܠܝܗܘܕ ܡܛܠ
1:016.05 ܥܝܕܐ ܕܬܫܡܫܬܐ ܕܝܘܠܦܢܗ܂ ܘܡܟܝܠ ܥܡ ܒ̈ܢܝ ܥܡܗ ܨܒܐ ܗܘܐ ܕܢܗܘܐ
1:016.06 ܘܒܗܕܐ ܪܘܪܒܐܝܬ ܐܥܝܩܢܝ܂ 11ܿ1 ܐܡܪܬ ܠܗ ܓܝܪ ܐܢܐ܂ ܕܐܢܬ ܒܠܚܘܕ
1:016.07 ܡ̈ܠܘܗܝ ܕܗܿܘ ܒܪܗ ܕܐܢܫܐ ܕܐܬܚܙܝ ܐܡܪ ܠܝ܂ ܘܐܢܐ ܒܡ̈ܠܐ ܕܝܠܝ ܡܨܒܬ
1:016.08 ܐܢܐ ܠܗܝܢ ܘܨܒܝܢܗ ܕܐܠܗܐ ܡܟܪܙ ܐܢܐ܂ ܘܗܟܢܐ ܒܓܘ ܝܘܡ̈ܬܐ ܙܥܘܿܪܐ ܪܕܐ
1:016.09 ܐܢܐ ܥܡܟ ܠܐܬܪ ܕܐܙܠ ܐܢܬ܂ 11ܿ2 ܣܓܝ ܓܝܪ ܡܚܒ ܐܢܐ ܕܐܬܐ ܠܐܬܪܐ
1:016.10 ܕܝܗܘܕ ܟܒܪ ܕܝܢ ܐܦ ܥܡܟܘܢ ܐܥܡܪ ܟܘܠܗ ܙܒܢܐ ܕܚܝ̈ܝ܂ 11ܿ3 ܘܗܼܘ
1:016.11 ܕܝܢ ܟܕ ܫܡܥ ܗܠܝܢ ܦܢܝ ܠܝ ܦܬܓܡܐ ܕܐܢܬ ܕܐܢ ܕܬܚܙܐ ܨܒܘܬܐ
1:016.12 ܕܝܠܢ ܘܕܬܐܠܦ ܡܕܡ ܕܡܥܕܪ ܠܟ܂ ܨܒܝܬ ܒܪܫܥܬܗ ܪܕܝ ܥܡܝ
1:016.13 ܠܬܡܢ܂ 11ܿ4 ܘܐܢ ܕܝܢ ܠܐ ܐܬܘ̈ܬܐ ܕܡܥܡܪܢ ܘܕܟܠ ܕܨܒܝܬ ܐܢܐ ܝܘܡܢܐ ܐܡܪܢܐ
1:016.14 ܠܟ ܕܐܡܬܝ ܕܡܢܚ ܐܢܬ ܕܬܐܬܐ ܬܫܟܚܢܝ܂ ܐܢܐ ܕܝܢ ܠܡܚܪ ܪܕܐ ܐܢܐ ܠܘܬ
1:016.15 ܗܢܘܢ ܕܝܠܝ܂ 11ܿ5 ܘܟܕ ܕܝܢ ܚܙܝܬܗ ܕܡܢ ܐܢܫ ܠܐ ܡܬܟܚܕ ܐܙܠܬ ܥܡܗ
1:016.16 ܥܕܡܐ ܠܠܡܐܢܐ܂ ܘܝܠܦܬ ܡܢܗܿ ܐܬܘ̈ܬܐ ܕܡܥܡܪܗܘܢ ܗܢܘܢ ܕܐܡܪ ܘܐܡܪܬ
1:016.17 ܠܗ 11ܿ6 ܕܐܠܘ ܠܐ ܟܣܦܐ ܡܕܡ ܕܡܬܬܚܝܒ ܠܝ ܬܒܥ ܗܘܝܬ ܒܪܫܥܬܗ
1:016.18 ܗܫܐ ܥܡܟ ܪܕܐ ܗܘܝܬ܂ ܒܪܡ ܕܝܢ ܒܥܓܠ ܡܕܪܟ ܐܢܐ ܠܟ܂ 11ܿ7 ܘܟܕ
1:016.19 ܐܡܪܬ ܠܗ ܘܐܫܠܡܬܗ ܠܪ̈ܫܢܝܗܿ ܕܐܠܦܐ ܗܦܟܬ ܡܢܗ ܒܥܩܬܐ
1:016.20 ܣܓܝܐܬܐ 11ܿ8 ܟܕ ܥܗܝܕ ܐܢܐ ܠܗ ܠܪܚܡܐ ܛܒܐ܂ ܘܒܪ ܥܝܕܐ ܫܦܝܪܐ
1:016.21 12ܿ1 ܘܝܘ̈ܡܬܐ ܕܝܢ ܙܥܘܪ̈ܐ ܩܘܝܬ ܘܗܝ ܚܘܒܬܐ ܟܘܠܗܿ ܕܐܬܦܪܥ ܡܛܠ
1:016.22 ܣܘܪܗܒܝ ܠܐ ܐܫܟܚܬ ܘܥܠ ܫܪܟܢܐ ܕܡܢܗܿ ܒܣܝܬ ܐܝܟ ܕܡܥܟܪܢܐ ܗܘܐ
1:016.23 ܠܝ܂ ܘܒܥܓܠ ܐܢܐ ܠܝܗܘܕ ܪܕܝܬ ܘܒܚܡܫܬܥܣܪ ܝܘܡ̈ܝܢ ܠܩܣܪܝܐ
1:016.24 ܕܣܛܪܛܘܢ ܡܢܥܬ܂ 12ܿ2 ܘܟܿܕ ܕܝܢ ܒܐܪܥܐ ܕܪܟܬ ܘܣܠܩܬ܂ ܘܒܝܬ
1:016.25 ܡܫܪܝܐ ܠܝ ܒܥܐ ܗܘܝܬ܂ ܝܠܦܬ ܕܐܢܫ ܕܡܬܩܪܐ ܫܡܗ ܦܛܪܘܣ
1:016.26 ܕܐܝܬܘܗܝ ܬܠܡܝܕܗ ܒܚܝܪܐ ܕܗܘ ܒܪܗ ܕܐܢܫܐ ܕܐܬܚܙܝ ܒܝܗܘܕ ܘܐܬܘ̈ܬܐ
1:016.27 ܘܬܕܡܪ̈ܬܐ ܥܒܕ ܠܡܚܪ ܥܡ ܣܝܡܘܢ ܫܡܪܝܐ ܕܡܢ ܓܬܢܝܢ ܒܥܬܐ ܕܡ̈ܠܐ ܥܒܕ
1:016.28 12ܿ3 ܐܢܐ ܕܝܢ ܟܕ ܗܠܝܢ ܫܡܥܬ܂ ܒܥܝܬ ܡܢܗܘܢ ܕܒܝܬ ܡܥܡܪܗ ܕܗܢܐ
1:016.29 ܢܚܘܘܢܢܝ܂ 12ܿ4 ܘܟܕ ܚܘܝܘܢܝ ܘܝܠܦܬ ܣܦܐ ܕܬܪܥܐ ܐܿܬܩܪܒܬ ܘܐܡܪܬ
1:016.30 ܘܐܫܬܥܝܬ܂ ܡܢ ܐܢܐ ܘܡܢ ܐܝܟܐ ܐܬܝܬ܂ 12ܿ5 ܘܒܪܫܥܬܗ ܩܪܒ ܒܪܢܒܐ܂ ܘܡܢ
1:016.31 ܚܕܐ ܕܚܙܢܝ ܥܦܩܢܝ ܟܕ ܚܕܐ ܣܓܝ ܘܒܟܐ ܘܠܒܟܢܝ ܒܐܝܕܝ܂ ܘܡܥܠ
1:018.01 ܗܘܐ ܠܝ ܠܐܬܪ ܕܐܝܬܘܗܝ ܗܘܐ ܦܛܪܘܣ܂ 12ܿ6 ܟܕ ܐܡܪ ܠܝ ܕܗܢܘ ܦܛܪܘܣ
1:018.02 ܗܘ ܕܡܫܬܘܕܐ ܗܘܝܬ ܠܟ ܕܐܝܬܘܗܝ ܪܒܐ ܒܚܟܡܬܗ ܕܐܠܗܐ܂ ܘܠܗ
1:018.03 ܕܠܐ ܫܠܝܐ ܥܠܝܟ ܡܬܢܐ ܗܘܝܬ܂ 12ܿ7 ܐܝܟܢܐ ܕܡܢ ܕܘܟܬܗ ܬܕܥ܂ ܂ 12ܿ8 ܕܟܠܗܝܢ
1:018.04 ܗܠܝܢ ܫܦܝܪ̈ܬܐ ܕܝܠܟ ܕܠܐ ܕܓܠܘܬܐ ܐܫܬܥܝܬ ܠܗ܂ ܘܐܦ ܥܠ ܪܥܝܢܟ
1:018.05 ܛܒܐ ܓܠܝܬ ܠܗ܂ ܗܟܢܐ ܕܐܦ ܗܘ ܡܬܝܐܒ ܐܦܢ ܕܢܚܙܝܟ܂ 12ܿ9 ܡܘܗܒܬܐ
1:018.06 ܗܟܝܠ ܪܒܬܐ ܒܐܝ̈ܕܝ ܡܩܪܒ ܐܢܐ ܠܟ ܠܗ܂ ܘܟܕ ܗܠܝܢ ܐܡܪ ܩܪܒܢܝ
1:018.07 ܠܗ܃ ܘܐܡܪ ܗܢܘ ܩܠܡܣ ܐܘ ܦܛܪܐ܂ 13ܿ1 ܗܘ ܕܝܢ ܐܝܟ ܛܒܐ ܘܡܠܐ
1:018.08 ܛܝܒܘܬܐ ܫܘܪ ܘܒܚܕܐ ܕܫܡܥ ܫܡܝ ܢܫܩܢܝ ܘܥܒܕܢܝ ܕܐܬܒ܂ ܘܒܪ
1:018.09 ܫܥܬܗ ܐܡܪ ܠܝ 13ܿ2 ܕܫܦܝܪ ܥܒܕܬ ܕܠܒܪܢܒܐ ܟܪܘܙܐܿ ܕܫܪܪܐ ܒܐܟܣܢܝܟ
1:018.10 ܩܒܠܬ܂ ܒܪܥܝܢܐ ܪܒܐ ܠܐܝܩܪܗ ܕܗܘ ܕܐܝܬܘܗܝ ܐܠܗܐ ܕܫܪܪܐ܂ ܟܕ ܠܐ
1:018.11 ܢܟܦܬ ܘܠܐ ܕܚܠܬ ܡܢ ܟܢܫ̈ܐ ܗܢܘܢ ܕܠܐ ܐܪܕܝܢ܂ ܘܛܘܒܢܐ ܬܗܘܐ܂ 13ܿ3 ܐܝܟܢܐ
1:018.12 ܓܝܪ ܕܐܢܬ ܠܗܘ ܕܐܝܬܘܗܝ ܐܝܙܓܕܐ ܕܫܪܪܐ ܩܒܠܬ ܒܥܘܡܪܟ ܒܐܝܩܪܐ
1:018.13 ܣܓܝܐܐ ܘܐܦ ܠܟ ܗܘ ܫܪܪܐ ܕܐܝܬܝܟ ܐܟܣܢܝܐ ܡܢ ܡܕܝܢܬܗ ܒܪ
1:018.14 ܡܕܝܢܬܗ ܢܩܝܡܟ܂ ܘܗܝܕܝܢ ܬܚܕܐ ܣܓܝ ܕܡܛܠ ܛܝܒܘܬܐ ܙܥܘܪܬܐ
1:018.15 ܕܗܫܐ ܐܘܙܦܬ ܕܨܒܝܬ ܒܡ̈ܠܐ ܛܒ̈ܬܐ ܝܪܬܐ ܬܗܘܐ ܕܛܒ̈ܬܐ ܗܢܝܢ ܕܠܥܠܡ
1:018.16 ܕܠܐ ܡܬܢܣܒܢ ܘܠܐ ܒܛܠܢ܂ 13ܿ4 ܘܠܐ ܬܡܐܢ ܠܟ ܡܟܝܠ ܕܬܫܬܥܐ ܠܝ
1:018.17 ܥܠ ܥܝ̈ܕܝܟ܂ ܟܠܗܝܢ ܓܝܪ ܗܢܝܢ ܕܝܠܟ ܒܪܢܒܐ ܗܘ ܕܠܐ ܕܓܠ ܬܢܝ
1:018.18 ܠܢ܂ ܟܕ ܟܠܝܘܡ ܥܘܗܕܢܟ ܛܒܐ ܩܕܡܝ ܥܒܕ ܗܘܐ܂ 13ܿ5 ܘܡܛܠ ܕܝܢ
1:018.19 ܕܒܦܣ̈ܝܩܬܐ ܐܝܟ ܕܠܪܚܡܐ ܚܒܝܒܐ ܗܕܐ ܕܣܝܡܐ ܩܕܡܝ ܐܡܪ ܠܟ܂ ܕܐܢ
1:018.20 ܡܕܡ ܠܐ ܡܥܟܪ ܠܟ܂ ܐܦ ܐܬܠܘܐ ܠܢ ܘܐܪܕܝ ܥܡܢ܂ ܟܕ ܡܫܬܘܬܦ
1:018.21 ܐܢܬ ܘܡܩܒܠ ܐܢܬ ܡ̈ܠܐ ܕܫܪܪܐ܂ ܗܠܝܢ ܕܒܟܠ ܡܕܝܢܐ ܥܬܝܕ ܐܢܐ ܕܐܥܒܕ܂
1:018.22 ܥܕܡܐ ܠܗܿ ܠܪܗܘܡܐ܂ 13ܿ6 ܘܐܦ ܐܢܬ ܕܝܢ ܗܘ ܡܕܡ ܕܨܒܐ ܐܢܬ ܐܡܪ܂
1:018.23 14ܿ1 ܘܐܢܐ ܕܝܢ ܐܫܬܥܝܬ ܠܗ ܥܠ ܨܒ̈ܝܢܝ ܕܡܢ ܝܘܡܐ ܩܕܡܝܐ ܘܕܐܝܟܢܐ ܕܒܒܥܬܐ
1:018.24 ܕܦܘ̈ܫܟܐ ܐܣܬܦܩܬ܂ ܘܟܘܠܗܝܢ ܗܠܝܢ ܕܠܘܩܕܡ ܡܢ ܫܘܪܝܐ ܟܬܒܬ
1:018.25 ܕܠܐ ܬܘܒ ܗܢܝܢ ܒܗܢܝܢ ܐܟܬܘܒ܂ ܐܡܪܬ ܠܗ ܕܝܢ ܕܡܛܝܒ ܐܢܐ ܗܘ ܕܐܪܕܐ
1:018.26 ܥܡܟܘܢ܂ ܘܗܝ ܗܕܐ ܠܐ ܝܕܥ ܐܢܬ ܟܡܐ ܒܚܕܘܬܐ ܨܒܐܿ ܐܢܐ ܒܗ܂ 14ܿ2 ܒܪܡ
1:018.27 ܕܝܢ ܥܠܘܗܝ ܕܫܪܪܐ ܠܘܩܕܡ ܕܐܫܬܡܠܐ ܨܒܐ ܐܢܐ ܐܝܟܢܐ ܕܐܕܥ ܐܢ ܢܦܫܐ
1:018.28 ܡܝܘܬܬܐ ܗܝ ܐܘ ܠܐ ܡܝܘܬܬܐ ܐܝܬܝܗܿ܂ ܘܐܢ ܠܥܠܡ ܩܝܡܐ ܘܥܠ ܗܠܝܢ
1:018.29 ܕܗܪܟܐ ܣܥܪܬ ܐܢ ܐܝܬ ܠܗܿ ܕܬܬܕܝܢ܂ 14ܿ3 ܘܡܢܐ ܐܝܬܝܗ ܟܐܢܘܬܐ ܘܙܕܝܩܘܬܐ
1:018.30 ܕܫܦܪܐ ܠܐܠܗܐ܂ 14ܿ4 ܘܐܢ ܡܗܘܐ ܗܘܐ ܥܠܡܐ ܘܡܛܠ ܡܢܐ ܗܘܐܼ ܘܐܢ ܠܐ
1:018.31 ܡܫܬܪܐܼ ‍<‍ܘܐܢ ܡܫܬܪܐ‍>‍ ܘܐܢ ܕܡܝܬܪ ܡܢ ܗܟܢܐ ܗܘܐ܂ ܐܘ ܐܦ ܠܐ ܗܘܐ