← Back
The Comprehensive Aramaic Lexicon
← Return to the Text Browser
click on the file description for more information
60504: Ps-Clem R2 page 100, chap 18-20

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

2:100.01 ܐܝܟ ܛܠܘܡ̈ܐ ܘܡܢ ܡܠܟܘܬܐ ܕܠܥܠܡ ܕܗܿܘ ܕܛܠܡܘܗܝ ܢܣܬܠܘܢ܂
2:100.02 18ܿ10 ܠܗܢܘܢ ܓܝܪ ܕܒܫܪܪܐ ܪ̈ܚܡܘܗܝ ܐܢܘܢܿ ܗܘ ܐܠܗܐ ܗܢܝܢ ܕܝܠܗ ܕܠܥܠܡ
2:100.03 ܨܒܐ ܕܢܬܠ܂ 18ܿ11 ܗܢܘ ܕܝܢ ܗܢܝܢ ܒܙܒܢ ܐܚܪܝܢ ܒܛܝܠܐܝܬ ܘܚܬܝܬܐܝܬ
2:100.04 ܡܬܐܡܪ̈ܢ܂ ܕܡܢܐ ܕܝܢ ܗܼܘ ܣܝܡܘܢ ܠܚܪܬܐ ܥܒܕ ܨܒܐ ܗܘܝܬ ܕܐܕܥ܂ 19ܿ1 ܘܗܘ
2:100.05 ܢܝܩܛܘܣ ܦܢܝ ܠܗ ܦܬܓܡܐ܂ ܕܠܚܪܬܐ ܟܕ ܝܕܥ ܕܣܓܝ ܒܣܪܢܝܗܝ
2:100.06 ܠܚ̈ܕܕܐ ܓܝܪ ܡܬܢܝܢ ܗܘܝܢ ܚܪܫܘܬܗ ܘܥܒ̈ܕܘܗܝ ܐܪܦܝܢܝܗܝ ܘܠܘܬ
2:100.07 ܙܟܝ ܐܬܩܪܒܢܢ܂ ܘܗܢܝܢ ܗܠܝܢ ܐܡܪܢ ܠܗ܂ ܗܢܝܢ ܕܐܦ ܠܟ ܗܫܐ
2:100.08 ܐܡܪܢ 19ܿ2 ܘܗܘ ܕܝܢ ܙܟܝ ܛܒܐ ܩܒܠܢ ܘܐܦܝܣܢ ܗܢܝܢ ܕܥܠ ܡܪܢ ܝܫܘܥ
2:100.09 ܡܫܝܚܐ ܘܒܗܝܡܢܘܬܐ ܐܠܦܢ ܘܫܪܪܢ
2:100.10 19ܿ3 ܘܟܕ ܗܢܝܢ ܐܡܪ ܢܝܩܛܣ ܙܟܝ ܩܕܡ ܩܠܝܠ ܢܦܩ ܗܘܐ ܘܐܬܐ ܥܠ
2:100.11 ܘܐܡܪ܂ ܕܗܐ ܡܟܝܠ ܥܕܢܐ ܗܘ ܐܘ ܦܛܪܐ܂ ܕܬܦܘܩ ܘܬܡܠܠ܂ 19ܿ4 ܟܢܫܐ
2:100.12 ܓܝܪ ܣܓܝܐܐ ܒܕܪܬܐ ܐܬܟܢܫ ܘܡܟܬܪ ܠܟ܂ ܘܒܡܨܥܬܗܘܢ ܐܝܟ ܕܡܢܗܘܢ
2:100.13 ܡܬܝܩܪ ܩܐܡ ܣܝܡܘܢ܂ 19ܿ5 ܘܗܘ ܕܝܢ ܦܛܪܘܣ ܐܝܟ ܕܢܨܠܐ܂ ܦܩܕ ܠܝ
2:100.14 ܕܐܫܢܐ ܡܛܠ ܕܠܐ ܥܕܟܝܠ ܣܚܝܬ ܗܘܝܬ ܡܢ ܗܢܝܢ ܕܒܠܐ ܝܕܥܬܐ
2:100.15 ܡܩ̈ܕܡܢ ܣܥܝܪ̈ܢ ܗܘ̈ܝ ܠܝ܂ ܘܠܗܢܘܢ ܫܪܟܐ ܐܡܪ 19ܿ6 ܕܩܘܡܘ ܢܨܠܐ
2:100.16 ܘܢܒܥܐ ܕܗܼܘ ܐܠܗܐ ܒܝܕ ܡܫܝܚܗ ܒܪ̈ܚܡܘܗܝ ܗܢܘܢ ܕܠܐ ܚܣܪ̈ܝܢ ܘܠܐ
2:100.17 ܡܣܬܝܟܝܢ ܢܥܕܪܢܝ ܕܢܦܩ ܐܢܐ ܠܦܘܪܩܢܐ ܘܠܚܝ̈ܐ ܕܗܢܘܢ ܒ̈ܢܝ ܐܢܫܐ
2:100.18 ܕܡܢܗ ܐܬܒܪܝܘ 19ܿ7 ܘܟܕ ܗܢܝܢ ܐܡܪ ܢܦܩ ܠܕܘܟܬܐ ܕܕܪܬܐ ܕܪܒܐ ܗܘܬ ܬܚܝܬ
2:100.19 ܐܐܪ܂ ܐܬܪ ܕܟܢܝܫܝܢ ܗܘܘ ܟܢ̈ܫܐ ܣܓܝ̈ܐܐ ܕܦܠܝܓܝܢ܂ 19ܿ8 ܘܟܕ ܩܡ ܗܟܝܠ
2:100.20 ܘܚܙܐ ܕܒܫܠܝܐ ܣܓܝܐܐ ܕܟܠܗ ܥܡܐ ܥܝ̈ܢܝܗܝܢ ܒܗ ܡܨ̈ܕܢ ܗܘܝ܂
2:100.21 ܘܠܣܝܡܘܢ ܕܝܢ ܚܪܫܐ܂ ܕܩܐܡ ܐܝܟ ܪܝܫ ܩܪ̈ܒܬܢܐ܂ ܫܪܝ ܕܢܐܡܪ ܗܟܢܐ܂
2:100.22 20ܿ1 ܫܝܢܐ ܘܫܠܡܐ ܢܗܘܐ ܥܡ ܟܠܟܘܢ ܐܝܠܝܢ ܕܡܛܝܒܐܝܬ ܐܝܬܝܟܘܢ
2:100.23 ܕܝܡܝܢܟܘܢ ܬܬܠܘܢ ܠܫܪܪܗ ܕܐܠܗܐ܂ ܗܢܘܢ ܓܝܪ ܕܠܨܒܝܢܗ ܕܝܠܗ
2:100.24 ܡܬܛܦܝܣܝܢ ܒܥܠܬܐ ܕܡܣܬܒܪܢ ܕܒܗ ܛܝܒܘܬܐ ܡܕܡ ܥܒܕܝܢ܂ ܗܢܘܢ
2:100.25 ܡܢ ܠܘܬܗ ܗܘ ܡܕܡ ܕܣܓܝ ܡܥܕܪ ܠܗܘܢ ܢܣܒܝܢ ܕܡܗܠܟܝܢ
2:100.26 ܒܐܘܪܚܐ ܕܟܐܢܘܬܐ ܕܝܠܗ܂ 20ܿ2 ܕܡܛܠ ܗܕܐ ܠܘܩܕܡ ܗܕܐ ܡܝܬܪܐ܂ ܕܢܒܥܐ
2:100.27 ܟܢܘܬܗ ܘܡܠܟܘܬܗ܂ ܘܟܢܘܬܗ ܕܝܢ ܡܛܠ ܥܒ̈ܕܐ ܘܕܘܒܪ̈ܐ ܘܡܠܟܘܬܗ
2:100.28 ܐܝܟ ܐܓܪܐ ܕܥܡܠܗܿ ܕܡܣܝܒܪܢܘܬܐ ܕܐܝܬܝܗܿ ܠܛܒ̈ܐ ܒܘܣܡܐ ܕܛܒ̈ܬܐ
2:100.29 ܕܠܥܠܡ ܘܠܗܢܘܢ ܒܝ̈ܫܐ ܕܠܐ ܗܘܐ ܐܝܟ ܨܒܝܢܗ ܐܬܕܒܪܘ ܡܣܡ ܒܪܝܫܐ
2:100.30 ܕܒܝܫ̈ܬܗܘܢ 20ܿ3 ܗܪܟܐ ܗܟܝܠ ܠܢ ܕܝܠܢ ܗܕܐ ܚܫܚܐ ܘܡܬܒܥܝܐ ܐܝܟ
2:100.31 ܕܒܙܒܢܗ ܕܨܒܝܢܗ ܕܐܠܗܐ ܢܕܥ܂ ܐܝܟܢܐ ܕܐܦ ܕܢܣܥܘܪ ܘܢܥܒܕ ܡܫܟܚܝܢ
2:100.32 ܐܢܚܢܢ܂ ܘܗܿܘ ܡܕܡ ܕܥܒܕܝܢ ܐܢܚܢܢ ܥܠ ܐܦ̈ܝ ܐܓܪܐ ܛܒܐ ܡܫܟܚܐ
2:100.33 ܕܢܥܒܕ܂ 20ܿ4 ܘܐܢ ܕܝܢ ܩܕܡ ܣܘܥܪ̈ܢܐ ܘܥܒ̈ܕܐ ܠܒܥܬܐ ܕܢܐܬܐ ‍<‍ܐܝܠܝܢ‍>‍ ܕܢܒܥܐ
2:100.34 ܘܢܫܐܠ ܠܐ ܡܫܬܟܚ̈ܢ ܠܢ ܘܐܦܠܐ ܡܬܚ̈ܙܝܢ ܠܢ܂ ܘܐܝܟ ܚܣܝܪ̈ܝ ܪܥܝܢܐ
2:102.01 ܡܬܒܛܠܝܢ ܐܢܚܢܢ܂ 20ܿ5 ܐܦ ܓܝܪ ܙܒܢܗ ܕܐܢܫ ܐܢܫ ܡܢܢ ܙܥܘܪܐ ܗܘ܂
2:102.02 ܘܗܕܐ ܕܡܬܕܝܢܝܢ ܐܢܚܢܢ ܡܛܠ ܥܒ̈ܕܐ ܗܼܘ ܡܬܕܝܢܝܢ ܐܢܚܢܢ܂ ܘܠܐ ܗܘܐ
2:102.03 ܕܡܛܠ ܝܕܥܬܐ ܕܗܢܝܢ ܟܣ̈ܝܬܐ܂ ܕܡܛܠ ܗܕܐ ܠܐ ܙܕܩ ܕܢܪܦܐ ܕܢܒܥܐ
2:102.04 ܕܡܢܐ ܘܠܐ ܕܢܥܒܕ ܕܚ̈ܝܐ ܕܠܥܠܡ ܢܫܟܚ܂ 21ܿ1 ܐܢ ܓܝܪ ܢܬܒܛܠ ܒܗܢܐ
2:102.05 ܙܒܢܢ ܙܥܘܪܐ ܒܗܢܝܢ ܕܠܐ ܡܫܬܟܚ̈ܢ ܘܠܐ ܡܥܕܪ̈ܢ ܠܢ܂ ܣܦܝܩ̈ܐ ܡܢ
2:102.06 ܥܒ̈ܕܐ ܛܒ̈ܐ ܐܙܠܝܢ ܐܢܚܢܢ ܕܐܬܒܛܠܢ ܡܢ ܥܒ̈ܕܐ ܗܢܘܢ ܕܡܛܠܬܗܘܢ
2:102.07 ܐܦ ܡܬܕܝܢܝܢ ܐܢܚܢܢ 21ܿ2 ܟܠ ܡܕܡ ܓܝܪ ܙܒܢܐ ܕܝܠܗ ܐܝܬ ܠܗ܂ ܗܕܐ
2:102.08 ܓܝܪ ܕܢܥܒܕ ܕܗܪܟܐ ܗܼܝ ܘܕܢܬܦܪܥ ܕܝܢ ܕܬܡܢ ܗܼܝ܂ 21ܿ3 ܡܛܠ ܗܟܝܠ
2:102.09 ܕܠܐ ܢܬܒܛܠ ܠܘܩܕܡ ܠܗܿ ܠܟܐܢܘܬܐ ܢܒܥܐ܂ ܕܗܟܢܐ ܐܝܟ ܪ̈ܕܝܝ ܐܘܪܚܐ
2:102.10 ܛܒ̈ܐ ܙܘ̈ܕܐ ܢܛܥܢ ܠܢ ܗܢܘܢ ܕܐܝܬܝܗܘܢ ܣܘܥܪ̈ܢܐ ܛܒ̈ܐ ܘܐܝܟ ܕܠܡܕܝܢܬܐ
2:102.11 ܠܡܠܟܘܬܗ ܕܐܠܗܐ ܢܐܙܠ܂ 21ܿ4 ܗܼܘ ܓܝܪ ܠܗܢܘܢ ܕܬܪ̈ܝܨܐ ܐܢܘܢ ܘܬܩ̈ܢܐ
2:102.12 ܡܛܠ ܥܠܡܐ ܕܡܢܗ ܐܬܒܪܝ܂ ܓܠܐ ܗܼܘ ܘܝܕܝܥ ܕܡܢ ܟܘܠܗ ܒܪܝܬܗ
2:102.13 ܣܗܕܘܬܗ ܡܬܚܙܝܐ܂ ܡܛܠ ܗܟܝܠ ܕܗܘ ܐܠܗܐ ܓܠܐ ܗܘ ܘܝܕܝܥ ܗܢܝܢ
2:102.14 ܕܟܐܢܘܬܗ ܢܒܥܐ ܘܗܢܝܢ ܕܡܠܟܘܬܗ ܕܡܛܠܬܗ ܐܦ ܥܠܡܐ
2:102.15 ܡܩܒܠܝܢܢ܂ 21ܿ5 ܘܐܢ ܕܝܢ ܡܕܡ ܡܢ ܗܢܝܢ ܟܣ̈ܝܬܐ ܩܕܡ ܥܒ̈ܕܐ ܕܢܒܥܐ
2:102.16 ܗܘ ܪܥܝܢܢ ܦܩܕ ܠܢ ܐܝܟ ܕܡܛܠܬܗܘܢ ܚܝܝ̈ܢ ܐܢܚܢܢ ܕܒܚܘܫܒܐ ܢܦܝܣ
2:102.17 ܢܦܫܢ܂ 21ܿ6 ܕܠܘܩܕܡ ܘܠܐ ܕܥܒ̈ܕܐ ܛܒ̈ܐ ܢܣܥܘܪ ܕܡܛܠܬܗܘܢ ܚܝ̈ܝܢ ܐܢܚܢܢ
2:102.18 ܬܡܢ ܒܪܘܚܐ ܕܩܘܕܫܐ܂ ܘܡܬܢܝܚܝܢ ܐܢܚܢܢ ܐܝܟ ܕܟ̈ܝܐ ܘܛܒ̈ܐ ܘܟܘܠܗܝܢ
2:102.19 ܟܣܝ̈ܬܐ ܕܠܐ ܒܥܬܐ ܡܛܠ ܪܘܚܐ ܕܩܘܕܫܐ ܕܥܡܢ ܐܝܟ ܕܒܬܘܣܦܬܐ
2:102.20 ܕܢܕܥ ܡܫܟܚܝܢ ܐܢܚܢܢ 21ܿ7 ܗܢܝܢ ܕܗܫܐ ܘܐܦܠܐ ܐܢ ܒܙܒܢܐ ܕܠܐ ܣܟܐ ܐܢܫ
2:102.21 ܢܒܥܐ ܐܢܝܢ ܠܐ ܒܠܚܘܕ ܠܐ ܝܕܥ ܠܗܝܢ ܐܠܐ ܣܓܝ ܛܥܐ ܘܠܐܒܕܢܐ ܢܦܫܗ
2:102.22 ܡܝܬܐ܂ ܡܛܠ ܕܠܐ ܗܘܐ ܒܐܘܪܚܐ ܕܟܐܢܘܬܐ ܒܝܕ ܬܪܥܐ ܕܚܝ̈ܐ ܕܢܥܘܠ
2:102.23 ܨܒܐ܂ 22ܿ1 ܕܡܛܠ ܗܕܐ ܡܠܟ ܐܢܐ ܕܠܘܩܕܡ ܗܿܝ ܟܐܢܘܬܗ ܢܒܥܐ ܐܝܟܢܐ
2:102.24 ܕܟܕ ܒܗ ܢܪܕܐ ܐܝܟ ܕܒܐܘܪܚܐ ܠܗ ܠܢܒܝܐ ܕܫܪܪܐ ܢܫܟܚ ܕܢܕܪܟ܂ ܠܐ
2:102.25 ܗܘܐ ܒܩܠܝܠܘܬܐ ܕܪ̈ܓܠܐ ܐܠܐ ܒܥܒ̈ܕܐ ܛܒ̈ܐ܂ ܘܗܟܢܐ ܠܗ ܢܫܐܠ ܥܠ
2:102.26 ܚܣܝܪܘܬܐ ܕܝܠܗܿ ܕܐܘܪܚܐ ܘܕܝܠܗܿ ܕܡܕܝܢܬܐ܂ ܗܢܝܢ ܕܐܢܚܢܢ ܨܒܝܢ ܐܢܚܢܢ
2:102.27 ܕܢܕܥ܂ 22ܿ2 ܐܘ ܥܡܗ ܢܪܕܐ܂ ܘܥܡܗ ܠܗܿ ܠܡܕܝܢܬܐ ܢܥܘܠ܂ ܘܗܝܕܝܢ
2:102.28 ܒܗܝܢ ܒܥܝ̈ܢܝܢ ܢܚܙܐ ܟܠ ܡܕܡ܂ ܘܡܢ ܕܢܐܠܦ ܢܫܠܐ ܘܢܫܬܘܩ܂ ܡܛܠ
2:102.29 ܕܗܘܝܢ ܠܢ ܝܕܘ̈ܥܐ ܕܟܠ ܡܕܡ܂ 22ܿ3 ܬܬܝܕܥ ܠܟܘܢ ܗܟܝܠ ܗܿܝ ܐܘܪܚܐ
2:102.30 ܕܐܝܬܝܗܿ ܕܘܒܪ̈ܐ ܘܥܒ̈ܕܐ ܛܒ̈ܐ܂ ܘܗܢܘܢ ܪ̈ܕܝܝ ܐܘܪܚܐ ܗܢܘܢ ܕܥܒܕܝܢ
2:102.31 ܛܒ̈ܬܐ܂ ܘܬܪܥܐ ܕܝܢ ܗܼܘ ܢܒܝܐ܂ ܘܗܝ ܡܕܝܢܬܐ ܐܝܬܝܼܗܿ ܡܠܟܘܬܐ ܕܒܗ
2:102.32 ܝܬܒ ܩܕܡ ܟܠ ܐܢܫ ܗܘ ܐܒܐ ܕܠܥܠܡ ܘܡܛܝܒ ܕܢܬܚܙܐ ܠܗܢܘܢ
2:102.33 ܕܠܒܘ̈ܬܐ ܕܟ̈ܝܐ ܐܝܬ ܠܗܘܢ܂ 22ܿ4 ܠܐ ܗܟܝܠ ܬܡܐܢ ܠܢ ܕܢܪܕܐ ܒܗܿ ܒܐܘܪܚܐ܂
2:104.01 ܒܫܘܠܡܗܿ ܗܼܘ ܓܝܪ ܕܐܘܪܚܐ ܐܝܬܘܗܝ ܢܝܚܐ܂ ܘܐܦ ܓܝܪ ܗܘ ܗܿܘ
2:104.02 ܢܒܝܐ ܕܫܪܪܐ ܡܢ ܫܘܪܝܗ ܕܥܠܡܐ ܠܢܝܚܐ ܡܣܪܗܒ ܠܢ ܘܠܥܠܡ
2:104.03 ܥܡܢ ܪܗܛ܂ 22ܿ5 ܐܝܬܘܗܝ ܗܟܝܠ ܥܡܢ ܒܟܠܗܘܢ ܝܘܡ̈ܬܐ܂ ܘܐܡܬܝ
2:104.04 ܕܡܬܒܥܐ ܕܢܬܓܠܐ ܡܬܓܠܐ܂ ܘܬܪܨ ܠܗܢܘܢ ܕܒܥܘܠܐ ܨܒܘ܂ ܘܒܡ̈ܠܘܗܝ
2:104.05 ܫܪ̈ܝܪܬܐ ܡܦܢܐ ܠܗܘܢ܂ ܠܘܬ ܫܪܪܐ ܕܝܠܗ܂ ܘܥܠܬܐ ܕܚ̈ܝܐ ܕܠܥܠܡ ܗܘܐ
2:104.06 ܠܗܘܢ܂ 22ܿ6 ܕܝܠܝ ܗܟܝܠ ܡܠܟܝ ܐܝܟ ܕܠܢܒܝܐ ܕܫܪܪܐ ܫܦܪ ܗܢܐ ܗܼܘ
2:104.07 ܕܠܘܩܕܡ ܢܒܥܐ ܥܠ ܟܐܢܘܬܐ ܡܝܬܪܐܝܬ ܕܝܢ ܐܝܠܝܢ ܕܡܫܬܘܕܝܢ ܕܝܕܥܝܢ
2:104.08 ܠܐܠܗܐ 22ܿ7 ܐܢ ܗܟܝܠ ܐܝܬ ܠܐܢܫ ܕܢܐܡܪ ܕܚܫܚܐ ܘܥܗܢܐ ܡܢ ܗܕܐ ܢܐܡܪ܂
2:104.09 ܒܠܚܘܕ ܢܝܚܐܝܬ ܘܫܠܝܐܝܬ܂ 22ܿ8 ܐܦ ܓܝܪ ܡܛܠ ܗܕܐ ܒܫܘܪܝܐ ܒܥܠܬܐ
2:104.10 ܕܫܠܡܐ ܫܝܢܐ ܥܠ ܟܠܟܘܢ ܨܠܝܬ܂ 23ܿ1 ܘܗܘ ܣܝܡܘܢ ܠܘܩܒܠ ܗܢܝܢ
2:104.11 ܦܢܝ ܦܬܓܡܐ ܘܐܡܪ ܕܐܢܚܢܢ ܥܠ ܫܝܢܐ ܕܡܢܟ ܠܐ ܣܢܝܩܝܢ ܐܢܚܢܢ܂ ܡܐ
2:104.12 ܓܝܪ ܕܫܠܡܘܬܐ ܘܐܘܝܘܬܐ ܗܼܝ ܠܐ ܡܕܡ ܡܥܕܪܐ ܠܫܟܚܬܗܿ ܕܫܪܝܪܬܐ
2:104.13 23ܿ2 ܐܘܝܢ ܐܢܘܢ ܓܝܪ ܘܫܠܡܝܢ ܠܚܕܕ̈ܐ ܐܦ ܠܣܛܝ̈ܐ ܘܙܢܝ̈ܐ ܘܟܠܗ ܟܢܫܐ
2:104.14 ܕܒܝ̈ܫܬܐ܂ 23ܿ3 ܘܐܦ ܐܢܚܢܢ ܕܝܢ ܐܢ ܡܛܠ ܫܝܢܐ ܕܢܫܠܡ ܠܟܠ ܡܠܬܐ
2:104.15 ܕܐܝܬ ܐܬܝܢܢ܂ ܡܕܡ ܠܐ ܡܥܕܪܝܢ ܐܢܚܢܢ ܠܫܡ̈ܘܥܐ܂ ܐܠܐ ܕܠܩܘܒܠܐ ܟܕ
2:104.16 ܡܫܬܥܝܢ ܐܢܚܢܢ܂ ܐܝܟ ܪ̈ܚܡܐ ܡܢ ܚܕ̈ܕܐ ܡܫܢܝܢ ܐܢܚܢܢ܂ ܕܡܛܠ
2:104.17 ܗܕܐ ܠܐ ܬܩܕܡ ܬܩܪܐ ܫܝܢܐ܂ ܐܠܐ ܩܪܒܐ ܕܐܝܬܘܗܝ ܐܒܘܗܝ ܕܗܢܐ܂ ܘܟܡܐ
2:104.18 ܕܡܫܟܚ ܐܢܬ ܐܟܣܝܗܿ ܠܛܘܥܝܝ ܟܕ ܠܐ ܒܛܝܠ ܠܟ ܥܠ ܚܘܒܐ܂
2:104.19 ܕܗܘ ܡܫܪܪ ܠܗܿ ܕܠܐ ܒܕܝܢܐ܂ 23ܿ5 ܗܕܐ ܓܝܪ ܨܒܢܐ ܕܬܕܥ ܩܕܡ ܟܠܡܕܡ܂
2:104.20 ܕܡܐ ܕܬܪܝܢ ܡܢ ܕܗܢܘܢ ܡܩܪܒܝܢ ܥܡ ܚ̈ܕܕܐ܂ ܒܚܝܒܘܬܐ ܕܚܕ ܡܢܗܘܢ
2:104.21 ܫܝܢܐ ܗܘܐ܂ 23ܿ6 ܕܡܛܠ ܗܕܐ ܟܡܐ ܕܡܫܟܚ ܐܢܬ ܐܬܟܬܫ܂ ܘܠܐ ܬܒܥܐ ܕܠܐ
2:104.22 ܩܪܒܐ ܫܝܢܐ ܗܕܐ ܕܠܐ ܡܫܟܚܐ܂ ܘܐܢ ܕܝܢ ܡܫܟܚܐ ܐܡܪ ܐܝܟܢܐ܂ 24ܿ1 ܘܗܘ
2:104.23 ܦܛܪܘܣ ܦܢܝ ܦܬܓܡܐ ܘܐܡܪ܂ ܕܚܘܪܘ ܐܘ ܐ̈ܢܫܐ ܘܫܡܥܘ ܒܒܘܝܢܐ܂
2:104.24 ܕܡܢܐ ܐܝܬܘܗܝ ܗܿܘ ܡܕܡ ܕܨܒܐ ܐܢܐ ܕܐܚܘܝܟܘܢܿ܂ ܣܝܡܘ ܒܪܥܝܢܟܘܢ
2:104.25 ܘܣܒܪܘ ܥܠܘܗܝ ܕܥܠܡܐ ܕܐܝܬܘܗܝ ܦܩܥܬܐ ܪܒܬܐ܂ ܘܡܢ ܬܪ̈ܬܝܢ
2:104.26 ܡܕܝ̈ܢܢ ܕܬܪ̈ܝܢ ܐܝܠܝܢ ܕܗܢܘܢ ܡ̈ܠܟܐ ܕܐܝܬܝܗܘܢ ܕܠܩܘܒܠܐ ܕܚܕܕ̈ܐ܂ ܕܡܢ
2:104.27 ܚܕ ܚܕ ܡܢܗܘܢ ܚܕ ܡܥܕܪܢܐ ܠܡܨܥܬܐ ܢܐܬܐ 24ܿ3 ܘܗܘ ܕܝܢ ܕܐܝܬܘܗܝ
2:104.28 ܕܛܒܐ ܢܡܠܘܟ ܗܟܢܐ܂ ܕܟܠܗܘܢ ܚܕܐ ܬܪܥܝܬܐ ܢܗܘܘܢ܂ ܘܕܠܐ ܩܛܠܐ ܘܚܪܒܐ
2:104.29 ܠܗܘ ܕܡܣܬܒܪ ܕܡܝܬܪܐ ܗܼܘ ܢܦܫܗܘܢ ܢܫܠܡܘܢܿ ܐܝܟܢܐ ܕܕܠܐ ܩܪܒܐ
2:104.30 ܠܟܠܗܘܢ ܢܗܘܐ ܠܗܘܢ܂ ܕܢܫܬܘܙܒܘܢ ܘܢܚܘܢܿ܂ ܘܗܘ ܕܝܢ ܕܗܿܘ ܕܠܩܘܒܠܐ
2:104.31 ܢܐܡܪ ܕܠܐ ܗܟܢܐ ܐܠܐ ܒܩܪܒܐ ܘܒܬܟܬܘܫܐ܂ ܐܝܟܢܐ ܕܠܐ ܕܗܿܘ ܕܫܘܐ ܐܠܐ ܕܗܿܘ
2:106.01 ܕܚܝܠܬܢ ܥܡ ܗܢܘܢ ܕܡܫܬܚܪܝܢ ܚ̈ܝܐ ܘܦܘܪܩܢܐ ܢܗܘܐ܂ 24ܿ4 ܐܢܬܘܢ ܐܝܕܐ
2:106.02 ܓܒܝܢ ܗܘܝܬܘܢܿ܂ ܐܝܟ ܕܣܒܪ ܐܢܐ ܕܗܕܐ ܓܒܝܢ ܗܘܝܬܘܢ ܕܥܡ ܫܝܢܐ
2:106.03 ܟܠܟܘܢ ܬܫܬܘܙܒܘܢ ܘܬܚܘܢ ܘܕܗܘ ܡܝܬܪܐ ܬܗܘܘܢܿ܂ 24ܿ5 ܗܕܐ ܗܟܝܠ ܕܒܥܐ
2:106.04 ܐܢܐ ܠܐ ܗܘܐ ܐܝܟ ܕܣܝܡܘܢ ܐܡܪ ܕܡܛܠ ܫܝܢܐ ܠܚܕ̈ܕܐ ܢܫܠܡ ܒܗܢܝܢ
2:106.05 ܕܒܝܫܐܝܬ ܡܬܐܡܪ̈ܢ ܐܠܐ ܕܥܡ ܫܠܝܐ ܒܪܚܡܬ ܫܪܪܐ ܢܫܡܥ܂ 25ܿ1 ܐܢܫܝܢ
2:106.06 ܓܝܪ ܒܒܥܬܐ ܡܐ ܕܐܪܓܫܘ ܕܡܬܟܣܣܐ ܠܗܿ ܛܥܝܘܬܗܘܢܿ܂ ܡܛܘܠ
2:106.07 ܕܢܛܫܘܢܗܿ ܡܫܪܝܢ ܕܢܫܓܫܘܢ ܐܝܟܢܐ ܕܡܟܣܢܘܬܗܘܢܼ ܠܐ ܬܬܓܠܐ܂ 25ܿ2 ܕܡܛܠ
2:106.08 ܗܕܐ ܒܥܢܐ ܕܬܗܘܐ ܒܥܬܐ ܥܡ ܡܓܪܬ ܪܘܚܐ܂ ܐܝܕܐ ܕܙܕܩܐ܂ ܐܝܟܢܐ ܕܐܢ
2:106.09 ܢܣܬܒܪ ܡܕܡ ܡܢ ܗܢܝܢ ܕܡܬܐܡܪ̈ܢ ܕܠܐ ܬܪܝܨܐܝܬ ܐܬܐܡܪ܂ ܢܫܒܘܩ ܬܘܒ
2:106.10 ܕܡܢ ܚܕܕ̈ܐ ܢܫܬܐܠ܂ 25ܿ3 ܕܕܡ ܐܚܪܢܝܐܝܬ ܐܬܐܡܪ ܘܐܚܪܢܝܐܝܬ ܕܝܢ ܐܫܬܡܥ܂
2:106.11 ܡܛܠ ܕܠܐ ܐܬܦܫܩ ܫܦܝܪ܂ ܐܘ ܕܐܢ ܫܦܝܪ ܐܬܐܡܪ܂ ܘܐܚܪܢܝܐܝܬ ܕܝܢ
2:106.12 ܐܬܝܕܥ܂ 25ܿ4 ܕܡܛܠ ܗܕܐ ܢܟܬܪ ܠܚܘܫܒܐ ܕܚܕܕ̈ܐ ܐܝܟܢܐ ܕܒܡܓܪܬ ܪܘܚܐ
2:106.13 ܕܚܘܫܒܐ ܦܘܢܝܐ ܕܡܠܬܐ ܢܗܘܐ܂ ܘܢܦܫܗ ܒܒܘܝܢܐ ܬܚܘܐ܂ ܠܐ ܗܟܝܠ
2:106.14 ܠܚ̈ܕܕܐ ܢܚܛܘܦ ܘܐܦܠܐ ܢܥܟܪ ܘܢܦܣܘܩ ܠܚܕ̈ܕܐ ܘܐܦܠܐ ܠܒܟ̈ܬܐ ܢܨܝܕ
2:106.15 ܘܢܚܣܢ ܢܦܫܢ܂ ܐܠܐ ܬܘܒ ܢܣܒ ܘܢܬܥܗܕ ܗܢܝܢ ܕܠܐ ܫܦܝܪ ܐܬܐܡܪ܂
2:106.16 ܐܝܟܢܐ ܕܒܟܠܗܿ ܐܘܪܚܐ ܕܟܐܢܘܬܐ ܗܿܘ ܡܕܡ ܕܒܥܝܢ ܢܬܡܨܐ ܕܢܫܟܚ܂
2:106.17 25ܿ5 ܚܝܒܝܢ ܐܢܚܢܢ ܓܝܪ ܕܢܕܥ ܕܗܿܘ ܡܢ ܕܡܙܕܟܐ ܡܢ ܗܘ ܕܫܪܪܐ ܝܕܥ܂
2:106.18 ܠܐ ܗܘܐ ܗܘ ܐܙܕܟܝ܂ ܐܠܐ ܗܿܝ ܠܐ ܝܕܥܬܐ ܕܒܗ ܕܐܝܬܝܗܿ ܕܝܘܐ ܒܝܫܐ܂ ܕܡܢ
2:106.19 ܕܢܦܫܗ ܠܩܘܒܠܗ ܡܥܝܪ ܘܡܢܗ ܪܕܦ ܠܗܿ܂ ܐܘܪܚܐ ܕܚ̈ܝܐ ܘܕܫܪܪܐ
2:106.20 ܡܫܟܚ 25ܿ6 ܕܢܥܕܪ ܗܘ ܓܝܪ ܠܚܕ̈ܕܐ ܣܝܡܐ ܩܕܡܝܢ܂ ܠܐ ܗܘܐ ܡܢ
2:106.21 ܗܕܐ ܕܢܙܟܐ ܒܝܫܐܝܬ ܐܠܐ ܕܡܛܠ ܚ̈ܝܝܢ ܫܪܪܐ ܢܕܥ ܘܫܦܝܪ ܢܙܕܟܐ
2:106.22 25ܿ7 ܐܢ ܗܟܝܠ ܒܪܚܡܬ ܫܪܪܐ ܢܒܥܐ ܘܢܘܕܐ ܬܩܢܐܝܬ ܥܠ ܗܢܝܢ ܕܫܦܝܪ
2:106.23 ܡܬܐܡܪ̈ܢ ܘܐܦ ܗܘ ܐܠܗܐ ܕܝܕܥ ܨܒܝܢܐ ܕܟܠ ܐܢܫ ܗܢܝܢ ܕܚܣܝܪ̈ܢ ܠܢ
2:106.24 ܡܛܘܠ ܟܪܝܗܘܬܗ ܕܚܘܫܒܢ ܘܕܒܥܬܢ ܟܣܝܐܝܬ ܒܪܥܝܢܐ ܕܐܢܫ ܐܢܫ
2:106.25 ܡܢܢ ܪܡܐ ܘܝܗܒ܂ 25ܿ8 ܡܛܠ ܓܝܪ ܕܟܐܢܐ ܗܼܘ܂ ܠܡܢܢ ܡܩܪܒ
2:106.26 ܠܫܟܚܬܐ ܕܗܿܘ ܡܕܡ ܕܡܬܒܥܐ܂ ܘܠܡܢܢ ܕܝܢ ܕܠܐ ܢܫܬܟܚ ܐܦ ܗܿܘ
2:106.27 ܡܕܡ ܕܓܠܐ ܗܼܘ ܣܐܡ܂ 25ܿ9 ܡܛܠ ܗܟܝܠ ܕܐܘܪܚܗ ܕܐܠܗܐ ܫܝܢܐ ܗܝ܂
2:106.28 ܒܫܠܝܐ ܒܥܬܢ ܢܥܒܕ܂ 25ܿ10 ܘܡܟܝܠ ܟܠ ܡܢ ܕܨܒܐ ܥܠ ܡܕܡ ܕܨܒܐ ܕܥܡܝ
2:106.29 ܢܫܐܠ ܡܛܝܒ ܐܢܐ ܠܗ܂ ܘܐܢ ܕܝܢ ܐܢܫ ܕܢܒܥܐ ܥܡܝ ܠܐ ܨܒܐ܂ ܐܢܐ ܡܫܪܐ
2:106.30 ܐܢܐ ܕܐܡܪ܂ ܘܗܢܝܢ ܡ̈ܠܐ ܕܠܩܘܒܠܐ ܐܢܐ ܠܘܩܒܠܝ ܣܐܡ ܐܢܐ ܘܫܪܐ ܐܢܐ
2:106.31 ܠܗܝܢ܂
2:106.32 26ܿ1 ܟܕ ܗܟܝܠ ܦܛܪܘܣ ܫܪܝ ܕܢܡܠܠ ܡܠܬܐ ܕܢܦܩܐ ܠܘܬ ܟܘܠ
2:106.33 ܐܢܫ܂ ܗܘ ܣܝܡܘܢ ܦܣܩܗܿ ܠܡܠܬܗ ܘܐܡܪ܂ ܕܡܢܐ ܡܣܬܪܗܒ ܐܢܬ
2:108.01 ܕܬܐܡܪ ܗܢܝܢ ܕܠܟ ܫܦܪܢ܂ 26ܿ2 ܐܝܟܢܐ ܕܚܪܥܐܝܬ ܠܘܩܒܠ ܗܢܝܢ ܕܥܬܝܕ
2:108.02 ܐܢܬ ܕܬܝܬܐ ܬܥܬܕ ܐܢܘܢ ܠܫܪ̈ܒܝܟ܂ ܘܗܟܢܐ ܠܗܢܘܢ ܕܠܐ ܝܕܥܝܢ ܠܗܿ
2:108.03 ܠܨܢܥܬܟ ܬܣܬܒܪ ܕܬܪܝܨܐܝܬ ܐܡܪ ܐܢܬ܂ ܐܠܐ ܠܐ ܗܘܐ ܐܦ ܥܕܡܐ ܠܘܬܝ
2:108.04 ܢܦܩܐ ܠܟ ܘܩܝܡܐ ܗܕܐ ܡܚܫܒܬܟ܂ 26ܿ3 ܐܦ ܗܫܐ ܕܝܢ ܡܛܠ ܕܐܝܟ
2:108.05 ܚܠܝܨܐ ܐܫܬܘܕܝܬ ܕܠܟܠ ܡܢ ܕܡܫܐܠ ܠܟ ܫܪܐ ܐܢܬ ܫܘܐܠܗ܂ ܠܝ
2:108.06 ܠܘܩܕܡ ܦܢܐ ܦܬܓܡܐ܂ 26ܿ4 ܘܗܘ ܦܛܪܘܣ ܐܡܪ ܠܗ܂ ܕܡܛܝܒ ܐܢܐ
2:108.07 ܠܟ܂ ܐܢ ܒܠܚܘܕ ܡܠܝ̈ܟ ܒܫܝܢܐ ܥܬܝܕ ܐܢܬ ܕܬܥܒܕ܂ 26ܿ5 ܘܠܘܩܒܠ
2:108.08 ܗܠܝܢ ܗܼܘ ܣܝܡܘܢ ܦܢܝ ܦܬܓܡܐ ܘܐܡܪ ܕܠܐ ܡܬܒܝܢ ܐܢܬ ܐܘ ܠܐ
2:108.09 ܝܕܘܥܐ܂ ܕܕܠܩܘܒܠܐ ܕܗܿܘ ܡܠܦܢܐ ܕܝܠܟ ܥܒܕ ܐܢܬ܂ ܕܒܥܐ ܐܢܬ ܫܝܢܐ
2:108.10 ܗܕܐ ܕܢܘܟܪܝܐ ܗܝ ܠܡܠܦܢܟ܂ ܗܿܘ ܕܩܪܒܐ ܓܒܐ ܠܗ ܕܥܡ ܠܐ ܝܕܥܬܐ
2:108.11 ܕܒܪ ܐܢܫܐ܂ 26ܿ6 ܘܐܢ ܕܝܢ ܟܐܢܐܝܬ ܒܥܐ ܐܢܬ ܠܗ ܠܫܝܢܐ ܡܢ ܫܡ̈ܘܥܐ܂
2:108.12 ܥܘܠܐܝܬ ܥܒܕ ܗܘܐ ܗܘ ܡܠܦܢܟ܂ ܕܐܡܪ ܕܠܐ ܐܬܝܬ ܕܐܪܡܐ ܫܝܢܐ ܒܐܪܥܐ
2:108.13 ܐܠܐ ܩܪܒܐ 26ܿ7 ܐܢ ܗܟܝܠ ܐܢܬ ܫܦܝܪ ܥܒܕ ܐܢܬ ܗܼܘ ܒܝܫܐܝܬ ܥܒܕ܂ ܘܐܢ
2:108.14 ܕܝܢ ܗܿܘ ܕܠܟ ܐܠܦ ܫܦܝܪ ܥܒܕ ܐܢܬ ܒܝܫܐܝܬ ܥܒܕ ܐܢܬ ܕܠܐ ܐܬܒܝܢܬ
2:108.15 ܘܝܕܥܬ܂ ܐܘ ܕܠܩܘܒܠܐ ܕܗܘ ܕܐܠܦܟ ܨܒܐ ܐܢܬ ܕܬܥܒܕ܂ 27ܿ1 ܘܗܘ ܦܛܪܘܣ
2:108.16 ܦܢܝ ܦܬܓܡܐ ܠܘܩܒܠ ܗܢܝܢ ܕܐܦܠܐ ܗܿܘ ܕܠܝ ܫܕܪ ܒܝܫܐܝܬ ܥܒܕ
2:108.17 ܕܩܪܒܐ ܐܪܡܝ ܘܐܦ ܠܐ ܐܢܐ ܠܘܩܒܠܗ ܥܒܕܢܐ܂ ܕܫܝܢܐ ܨܒܢܐ ܕܐܪܡܐ܂ 27ܿ2 ܐܠܐ
2:108.18 ܐܢܬ ܕܠܐ ܒܐܝܕܥܬܐ ܘܡܣܪܗܒܐܝܬ ܩܕܡ ܕܬܕܥ ܐܬܥܕܠܬ܂ ܗܕܐ ܓܝܪ
2:108.19 ܕܐܡܪ ܡܠܦܢܢ ܠܥܒ̈ܕܝ ܫܠܡܐ ܕܒܢ̈ܘܗܝ ܕܐܠܗܐ ܢܬܩܪܘܢ ܠܐ ܫܡܥܬ܂
2:108.20 27ܿ3 ܕܡܛܠ ܗܕܐ ܐܢܐ ܕܗܕܐ ܥܒܕܢܐ ܠܐ ܗܘܐ ܠܡܠܦܢܝ ܠܐ ܐܬܛܦܝܣܬ ܕܥܠ
2:108.21 ܐܦ̈ܝ ܛܘܒܐ ܫܝܢܐ ܕܢܥܒܕܘܢ ܡܠܟ܂ 27ܿ4 ܘܗܘ ܣܝܡܘܢ ܐܡܪ ܕܟܕ ܨܒܐ ܐܢܬ
2:108.22 ܡܦܩ ܪܘܚܐ ܥܠ ܢܦܫܟ ܕܬܥܒܕ܂ ܐܘ ܦܛܪܐ ܚܘܝܬ ܥܠ ܡܠܦܢܟ
2:108.23 ܕܣܓܝ ܒܝܫ ܕܟܕ ܗܘ ܠܐ ܗܘܐ ܕܢܥܒܕ ܫܝܢܐ ܐܬܐ ܗܼܝ ܗܕܐ ܕܐܚܪ̈ܢܐ ܢܥܒܕܘܢ܂
2:108.24 ܡܠܟ ܗܘܐ܂ ܘܐܝܟܢܐ ܬܘܒ ܗܿܝ ܡܠܬܗ ܐܚܪܬܐ ܫܠܡܐ ܠܗܕܐ ܕܐܡܪ
2:108.25 ܕܣܦܩ ܠܗ ܠܬܠܡܝܕܐ ܕܢܗܘܐ ܐܝܟ ܪܒܗ܂ 28ܿ1 ܘܦܛܪܘܣ ܐܡܪ ܕܗܘ
2:108.26 ܡܠܦܢܢ ܕܝܠܢ ܢܒܝܐ ܐܝܬܘܗܝ ܗܘܐ ܒܫܪܪܐ܂ ܘܒܟܠܙܒܢ ܥܗܝܕ ܗܘܐ
2:108.27 ܢܦܫܗ܂ ܘܠܐ ܗܢܝܢ ܕܠܩܘܒܠܐ ܕܝܠܗ ܡܠܠ܂ ܘܐܦܠܐ ܠܢ ܡܠܟ
2:108.28 ܕܢܥܒܕ܂ 28ܿ2 ܗܿܝ ܓܝܪ ܕܐܡܪ ܕܠܐ ܐܬܝܬ ܕܐܪܡܐ ܫܝܢܐ ܐܠܐ ܩܪܒܐ܂ ܘܡܟܝܠ
2:108.29 ܬܚܙܘܢ ܕܡܬܦܠܓ ܐܒܐ ܥܠ ܒܪܗ ܘܒܪܐ ܥܠ ܐܒܘܗܝ܂ ܘܓܒܪܐ ܥܠ
2:108.30 ܐܢܬܬܗ܂ ܘܐܢܬܬܐ ܥܠ ܓܒܪܐ܂ ܘܐܡܐ ܥܠ ܒܪܬܗܿ܂ ܘܒܪܬܐ ܥܠ ܐܡܗܿ܂
2:108.31 ܘܐܚܐ ܥܠ ܐܚܘܗܝ܂ ܘܚܡܬܐ ܥܠ ܟܠܬܗܿ܂ ܘܪܚܡܐ ܥܠ ܪ̈ܚܡܘܗܝ܂
2:108.32 ܕܣܓܝ ܫܝܢܐ ܘܝܘܠܦܢܐ ܢܥܒܕ ܐܫܬܘܕܝ܂ 28ܿ3 ܒܫܘܪܝܐ ܓܝܪ ܡܛܠ
2:108.33 ܕܨܒܐ ܕܟܠ ܐܢܫ ܢܫܬܘܙܒ ܘܢܚܐ܂ ܫܕܠ ܐܢܘܢ ܘܠܟܠ ܐܢܫ ܠܒܒ܂
2:108.34 ܕܢܣܝܒܪܘܢ ܦ̈ܨܐ ܕܢܣܝܘܢܗܘܢ܂ ܠܡܣܟ̈ܢܐ ܓܝܪ ܛܘܒܐ ܝܗܒ܂ ܕܡܛܠ