← Back
The Comprehensive Aramaic Lexicon
← Return to the Text Browser
click on the file description for more information
60504: Ps-Clem R2 page 120, chap 37-39

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

2:120.01 ܘܕܓܠܐ ܡܛܥܐ ܐܢܐ ܠܗܘܢ܂ ܘܪܥܝܢܐ ܕܟܠܗܘܢ ܕܐܕܠܘܚ ܘܐܨܝܐ ܨܒܐ ܐܢܐ܂
2:120.02 38ܿ1 ܘܗܘ ܦܛܪܘܣ ܐܡܪ ܠܡܢܐ ܩܕܡܬ ܩܛܪܓܬ ܠܢ ܕܠܐ ܦܪ̈ܘܫܐ ܐܢܚܢܢ܂
2:120.03 ܐܠܐ ܡܛܠ ܕܠܝܬ ܠܟ ܡܕܡ ܕܫܪܪܐ ܕܬܐܡܪ܂ ܘܐܢ ܕܝܢ ܐܝܬ ܠܟ ܫܪܐ
2:120.04 ܕܬܐܡܪ܂ ܟܕ ܠܐ ܡܩܕܡ ܡܬܩܢ ܐܢܬ ܗܢܝܢ ܬܘܩ̈ܢܐ ܐܢ ܬܟܝܠ ܐܢܬ ܥܠ
2:120.05 ܗܢܝܢ ܡ̈ܠܐ ܕܡܢܟ ܡܬܐܡܪ̈ܢ܂ 38ܿ2 ܘܐܢ ܕܝܢ ܠܐܢܫܝܢ ܠܐ ܢܫܦܪ ܗܿܘ ܡܕܡ ܕܐܡܪ
2:120.06 ܐܢܬ ܡܫܢܝܢ ܠܗܘܢܿ܂ ܘܐܢ ܕܝܢ ܢܩܘܘܢ ܒܗܝܢ ܒܬܚܘ̈ܝܬܐ ܡܬܐܠܨܝܢ
2:120.07 ܕܢܬܛܦܝܣܘܢ܂ ܒܠܚܘܕ ܕܝܢ ܫܪܐ ܕܬܐܡܪ ܗܿܘ ܡܕܡ ܕܫܦܪ ܘܫܦܝܪ ܐܢܬ܂
2:120.08 38ܿ3 ܘܗܘ ܣܝܡܘܢ ܐܡܪ ܕܐܢܐ ܐܡܪܢܐ ܕܣ̈ܓܝܐܐ ܐܠܗ̈ܐ ܐܝܬܝܗܘܢ܂ ܘܚܕ ܕܝܢ
2:120.09 ܐܝܬܘܗܝ ܟܣܝܐ ܐܠܗܐ ܕܟܠܗܘܢܿ܂ 38ܿ4 ܘܦܛܪܘܣ ܫܐܠܗ ܕܗܼܘ ܗܢܐ ܐܠܗܐ
2:120.10 ܕܐܡܪ ܐܢܬ ܕܐܝܬܘܗܝ ܟܣܝܐ ܡܢ ܟܬܒ̈ܐ ܗܢܘܢ ܕܠܝܗܘ̈ܕܝܐ ܡܗܝܡܢܝܢ
2:120.11 ܡܫܟܚ ܐܢܬ ܕܬܚܘܐ܂ ܐܘ ܡܢ ܐܚܪ̈ܢܐ ܐܝܠܝܢ ܕܗܢܘܢ ܕܐܢܚܢܢ ܟܘܠܢ ܠܐ
2:120.12 ܝܕܥܝܢ ܐܢܚܢܢ ܠܗܘܢ܂ ܡܢ ܕܝܘ̈ܢܝܐ ܐܘ ܡܢ ܟܬܒ̈ܐ ܕܝܠܟ܂܂܂܂ 38ܿ5 ܠܘܩܕܡ
2:120.13 ܡܚܘܐ ܐܢܬ܂ ܕܕܢܒܝܘܬܐ ܐܢܘܢ ܐܝܟܢܐ ܕܙܗܝܪܐܝܬ ܒܬܚܘܝܬܐ ܢܗܘܐ ܠܢ
2:120.14 ܕܢܗܝܡܢ ܐܢܘܢ܂ 39ܿ1 ܘܗܘ ܣܝܡܘܢ ܐܡܪ ܕܡܢܗ ܒܠܚܘܕ ܕܢܡܘܣܐ ܕܝܗܘ̈ܕܝܐ
2:120.15 ܡܫܟܚ ܐܢܐ ܕܐܬܠ ܠܟ ܬܚܘ̈ܝܬܐ܂ 39ܿ2 ܓܠܝܐ ܗܝ ܓܝܪ ܠܟܘܠ ܐܢܫ
2:120.16 ܕܗܿܘ ܡܢ ܕܕܚܠܬ ܐܠܗܐ ܡܫܬܘܕܐ܂ ܐܠܨܐ ܠܗ ܕܒܗܢܐ ܢܫܬܒܗܪ܂ ܐܦܢ
2:120.17 ܡܣܡ ܒܪܥܝܢܐ ܕܢܦܫܗ ܐܢܫ ܐܢܫ ܐܝܬ ܠܗ܂ ܡܡܠܟ ܗܘ ܓܝܪ ܥܠ
2:120.18 ܟܘܠܗܿ ܗܝܡܢܘܬܐ ܕܗܢܘܢ ܕܕܚܠܬ ܐܠܗܐ ܡܫܬܘܕܝܢ܂ ܕܕܝܠܗ ܗܼܘ
2:120.19 ܕܒܪܝܗܝ ܠܥܠܡܐ ܗܼܘ ܗܢܐ ܢܡܘܣܐ܂ 39ܿ3 ܕܡܛܠ ܗܕܐ܂ ܐܦܢ ܫܪܪܐ ܐܘ
2:120.20 ܕܓ̈ܠܬܐ ܐܢܫ ܢܐܡܪ܂ ܐܢ ܗܼܘ ܕܡܢܗ ܠܐ ܢܪܟܒ ܬܚܘܝܬܗܝܢ ܕܗܢܝܢ
2:120.21 ܕܡܫܬܘܕܐ ܠܐ ܡܫܟܚܐ ܕܢܬܩܒܠ܂ 39ܿ4 ܕܡܛܠ ܗܕܐ ܐܢܐ ܕܫܠܡ ܐܢܐ ܗܘ
2:120.22 ܠܐܝܕܥܬܗ ܕܢܡܘܣܐ ܬܪܝܨܐܝܬ ܐܡܪܬ܂ ܕܣ̈ܓܝܐܝܢ ܐܢܘܢ ܐܠܗ̈ܐ ܘܚܕ
2:120.23 ܐܝܬܘܗܝ ܟܣܝܐ ܪܫܗܘܢ ܕܗܠܝܢ ܕܐܝܬܘܗܝ ܐܠܗܗܘܢܿ܂ 39ܿ5 ܗܢܘ ܕܝܢ
2:120.24 ܕܣ̈ܓܝܐܐ ܐܠܗ̈ܐ ܐܝܬܝܗܘܢ܂ ܗܼܘ ܢܡܘܣܐ ܠܘܩܕܡ ܡܢ ܦܪܨܘܦܐ ܕܚܘܝܐ
2:120.25 ܣܗܕ ܠܝ ܒܝܕ ܗܿܝ ܕܐܡܪ ܠܚܘܐ ܐܢܬܬܐ ܩܕܡܝܬܐ܂ ܕܒܝܘܡܐ ܕܐܟܠܝܢ
2:120.26 ܡܢܗ ܕܐܝܠܢܐ ܕܐܝܕܥܬܐ܂ ܗܘܝܢ ܐܢܬܘܢ ܐܝܟ ܐ̈ܠܗܐ܂ ܗܕܐ ܕܝܢ ܐܝܬܝܗܿ ܕܐܝܟ
2:120.27 ܕܗܢܘܢ ܕܥܒܕܘܗܝ ܠܒܪ ܐܢܫܐ܂ 39ܿ6 ܡܢ ܒܬܪ ܓܝܪ ܕܐܟܠܘ ܗܘ ܐܠܗܐ
2:120.28 ܡܣܗܕ ܕܐܡܪ܂ ܕܗܐ ܐܕܡ ܗܘܐ ܐܝܟ ܚܕ ܡܢܢ܂ 39ܿ7 ܗܟܢܐ ܗܟܝܠ ܐܠܗ̈ܐ
2:120.29 ܣ̈ܓܝܐܐ ܐܝܬܝܗܘܢ܂ ܗܢܘܢ ܕܐܦ ܥܒܕܘܿܗܝ܂ ܘܐܦ ܫܘܪܝܐ ܓܝܪ ܗܟܢܐ ܐܡܪ
2:120.30 ܐܠܗܐ ܠܗܢܘܢ ܕܥܡܗ܂ ܕܢܥܒܕ ܒܪ ܐܢܫܐ ܘܬܘܒ ܐܦ ܗܿܝ ܕܐܡܪ
2:120.31 ܕܢܦܩܝܘܗܝ܂ 39ܿ8 ܘܐܦ ܗܿܝ ܕܬܘ ܢܚܘܬ ܘܢܦܠܓ ܠܗܘܢ ܠܫܢ̈ܐ܂ ܕܣܓܝ̈ܐܐ
2:120.32 ܐܠܗ̈ܐ ܐܝܬܝܗܘܢ ܡܒܕܩܐ܂ 39ܿ9 ܘܬܘܒ ܟܬܝܒ ܕܠܐܠܗ̈ܐ ܠܐ ܬܨܚܐ܂ ܘܠܪ̈ܝܫܐ
2:120.33 ܕܥܡܟ ܠܐ ܬܠܘܛ܂ ܐܠܐ ܐܦ ܗܕܐ܂ ܕܡܪܝܐ ܗܼܘ ܒܠܚܘܕܘܗܝ ܕܒܪ ܐܢܘܢ܂
2:122.01 ܘܠܝܬ ܗܘܐ ܥܡܗ ܐܠܗܐ ܢܘܟܪܝܐ܂ ܕܣܓ̈ܝܐܐ ܐܢܘܢ ܐܠܗ̈ܐ ܡܒܕܩܐ܂
2:122.02 39ܿ11 ܒܪܡ ܕܝܢ ܣܓ̈ܝܐܬܐ ܒ̈ܢܬ ܩ̈ܠܐ ܡܢ ܢܡܘܣܐ ܡܚܘܐ ܐܢܐ܂ ܓܠܝ̈ܬܐ ܘܟܣ̈ܝܬܐ
2:122.03 ܕܣܓ̈ܝܐܐ ܐܝܬܝܗܝܢ ܕܚܕ ܡܢܗܘܢ ܐܝܬܘܗܝ܂ ܗܘ ܕܠܥܡܐ ܕܝܗܘ̈ܕܝܐ
2:122.04 ܒܦܨܬܐ ܕܢܗܘܐ ܐܠܗܐ ܡܛܬܗ܂ 39ܿ12 ܘܐܢܐ ܕܝܢ ܠܐ ܗܘܐ ܥܠ ܗܢܐ ܐܡܪܢܐ܂
2:122.05 ܐܠܐ ܥܠ ܗܘ ܕܐܠܗܐ ܕܗܢܐ ܗܼܘ ܕܐܦܠܐ ܗܢܘܢ ܝܗܘ̈ܕܝܐ ܝܕܥܘܗܝ܂ ܘܐܦܠܐ
2:122.06 ܓܝܪ ܐܠܗܐ ܗܼܘ ܕܝܠܗܘܢ ܐܠܐ ܕܗܢܘܢ ܕܝܕܥܘܗܝ܂ 40ܿ1 ܘܗܘ ܦܛܪܘܣ ܟܕ
2:122.07 ܫܡܥ ܐܡܪ ܕܠܐ ܬܕܚܠ ܐܘ ܣܝܡܘܢ ܕܐܦ ܠܐ ܐܕ̈ܢܝܢ ܣܟܪܝܢ ܐܢܚܢܢ ܘܐܦܠܐ
2:122.08 ܥܪܩܝܢ ܐܢܚܢܢ܂ ܐܝܬ ܠܢ ܓܝܪ ܠܘܩܒܠ ܡܠܬܟ ܕܓܠܬܐ ܕܢܚܘܐ
2:122.09 ܠܘܩܕܡ ܗܕܐ܂ ܕܚܕ ܗܼܘ ܐܝܬܘܗܝ ܐܠܗܐ ܒܠܚܘܕܘܗܝ܂ ܕܐܝܬܘܗܝ
2:122.10 ܒܪܘܝܐ ܕܫܡܝܐ ܘܕܐܪܥܐ܂ ܘܕܟܠܗܘܢ ܗܢܘܢ ܕܐܬܩܪܝܘ ܐܠܗ̈ܐ܂ ܗܼܘ
2:122.11 ܒܠܚܘܕܘܗܝ ܐܝܬܘܗܝ ܐܠܗܐ܂ 40ܿ2 ܘܐܢ ܕܝܢ ܐܚܘܐ ܕܠܝܬ ܐܚܪܢܐ ܐܠܗܐ
2:122.12 ܚܕܬܐ܂ ܐܠܐ ܗܢܐ ܒܠܚܘܕܘܗܝ܂ ܡܘܕܐ ܐܢܬ ܟܝ ܕܛܘܥܝܝ ܘܣܘܪܚܢܐ ܪܒܐ
2:122.13 ܕܠܝܬ ܕܪܒ ܡܢܗ ܣܪܚܬ܂ 40ܿ3 ܘܗܘ ܣܝܡܘܢ ܐܡܪ ܕܡܢܐ ܓܝܪ ܘܐܦܢ ܐܢܐ
2:122.14 ܠܐ ܨܒܢܐ ܕܐܘܕܐ܂ ܗܢܘܢ ܕܩܪܝܒܝܢ ܠܐ ܗܐ ܣܗܕܝܢ܂ ܕܡܛܠܬܗܘܢ ܐܦ ܗܼܝ
2:122.15 ܒܥܬܐ ܗܘܝܐ܂ 41ܿ1 ܘܗܘ ܦܛܪܘܣ ܐܡܪ܂ ܕܫܡܥ ܐܝܟܢܐ ܕܬܕܥ ܠܘܩܕܡ ܕܐܦܢ
2:122.16 ܕܠܐ ܣܟܐ ܐܝܬܝܗܘܢ ܗܢܘܢ ܕܡܬܩܪܝܢ ܐܠܗ̈ܐ ܐܠܐ ܬܚܝܬ ܗܿܘ ܕܝܗܘ̈ܕܝܐ
2:122.17 ܐܝܬܝܗܘܢ܂ ܗܿܘ ܕܠܝܬ ܕܪܒ ܡܢܗ܂ ܘܐܦ ܠܐ ܕܕܡܐ ܠܗ ܘܫܘܐ ܥܡܗ܂
2:122.18 41ܿ2 ܟܬܝܒ ܕܗܟܢܐ ܐܡܪ ܠܗܘܢ ܗܼܘ ܗܿܘ ܢܒܝܐ ܡܘܫܐ܂ ܕܡܪܝܐ ܐܠܗܟ ܗܘܝܘ
2:122.19 ܐܠܗܐ ܕܐܠܗ̈ܐ܂ ܘܡܪܝܐ ܕܡܪ̈ܘܬܐ܂ ܐܠܗܐ ܪܒܐ܂ 41ܿ3 ܗܟܢܐ ܗܟܝܠ ܣܓ̈ܝܐܐ
2:122.20 ܐܝܬܝܗܘܢ ܗܢܘܢ ܕܐܬܩܪܝܘ ܐܠܗ̈ܐ ܘܚܕ ܗܼܘ ܕܝܢ ܐܝܬܘܗܝ ܗܿܘ ܕܪܒ ܡܢ
2:122.21 ܟܠܗܘܢ ܕܐܝܬܘܗܝ ܐܠܗܐ ܕܝܗܘ̈ܕܝܐ܂ ܘܗܘ ܐܝܬܘܗܝ ܐܠܗܐ ܐܦ ܕܗܢܘܢ
2:122.22 ܕܐܬܩܪܝܘ ܐܠܗ̈ܐ܂ 41ܿ4 ܠܐ ܗܘܐ ܓܝܪ ܐܢ ܐܬܩܪܝ ܐܢܫ ܐܠܗܐ ܒܫܪܪܐ ܐܠܗܐ
2:122.23 ܐܝܬܘܗܝ܂ ܘܐܦ ܡܘܫܐ ܓܝܪ ܐܬܩܪܝ ܐܠܗܗ ܕܦܪܥܘܢܿ ܘܕܒܪ ܐܢܫܐ
2:122.24 ܐܝܬܘܗܝ ܟܠ ܐܢܫ ܡܘܕܐ܂ ܘܐܦ ܕܝ̈ܢܐ ܕܝܢ ܐܠܗ̈ܐ ܐܬܩܪܝܘ ܘܕܡܝܬܝܢ
2:122.25 ܗܐ ܡܬܚܙܝܢ 41ܿ5 ܘܦܬܟܪ̈ܐ ܕܥܡ̈ܡܐ ܡܬܩܪܝܢ ܐܠܗ̈ܐ܂ ܘܟܠܢ ܝܕܥܝܢ ܐܢܚܢܢ
2:122.26 ܕܠܐ ܐܝܬܝܗܘܢ ܐܠܐ ܠܪ̈ܫܝܥܐ ܐܝܟ ܕܒܡܣܡ ܒܪܝܫܐ ܪܒܐ ܡܢ ܠܥܠ
2:122.27 ܐܣܬܥܪܬ ܠܗܘܢ ܗܕܐ܂ ܡܛܠ ܕܗܢܘܢ ܕܠܗܘ ܕܒܫܪܪܐ ܐܠܗܐ ܐܝܬܘܗܝ
2:122.28 ܠܐ ܝܕܥܘ ܟܠܡܕܡ ܡܐ ܕܗܼܘ ܐܠܗܐ ܢܗܘܐ ܠܗܘܢ܂ ܡܛܠ ܕܠܗܘ ܚܕ
2:122.29 ܕܟܠ ܡܕܡ ܡܫܟܚ ܕܢܬܠ ܕܢܣܒܘܢ ܐܝܕܥܬܗ܂ ܘܢܕܥܘܢܝܗܝ ܠܐ
2:122.30 ܨܒܘ܂ 41ܿ6 ܕܡܛܠ ܗܕܐ ܠܗܢܘܢ ܕܡܕܡ ܠܐ ܡܫܟܚܝܢ ܕܢܥܒܕܘܢ ܐܫܬܠܡܘ܂
2:122.31 ܐܝܟܢܐ ܕܐܦܠܐ ܡܕܡ ܡܢ ܗܢܝܢ ܕܨܒܝܢ ܟܕ ܒܥܝܢ ܡܢܗܘܢ܂ ܢܣܒܘܢ 41ܿ7 ܡܢ
2:122.32 ܗܢܘܢ ܕܕܠܐ ܢܦܫ ܐܢܘܢܿ ܒܗܝ ܕܐܦܠܐ ܡܕܡ ܐܝܬܝܗܘܢ܂ ܘܡܢ ܗܢܘܢ ܕܝܢ
2:122.33 ܕܢܦ̈ܫܢܐ ܐܢܘܢ܂ ܒܗܝ ܕܐܦܠܐ ܡܕܡ ܡܫܟܚܝܢ ܕܢܬܠܘܢܿ ܐܘ ܕܢܣܓܦܘܢ
2:122.34 ܕܬܚܝܬ ܫܘܠܛܢܐ ܕܗܿܘ ܚܕ ܐܝܬܝܗܘܢܿ܂ 42ܿ1 ܒܬܠܬܐ ܓܝܪ ܦܘܪ̈ܫܢܝܢ
2:124.01 ܐܠܗܐ ܡܬܐܡܪ܂ ܗܘ ܕܐܝܢ ܒܫܪܪܐ ܐܝܬܘܗܝ ܐܘ ܕܡܢ ܗܘ ܕܒܫܪܪܐ ܐܝܬܘܗܝ
2:124.02 ܐܫܬܕܪ ܘܒܫܘܠܛܢܗ ܕܗܘ ܕܫܕܪܗ ܡܫܬܠܛ ܘܡܬܚܫܚ ܒܫܡܗ
2:124.03 ܕܐܠܗܐ ܗܿܘ ܕܫܕܪܗ ܐܝܟܢܐ ܕܗܿܘ ܕܫܡܥ ܠܗ ܠܫܡܐ ܕܝܠܗ ܕܫܘܠܛܢܐ
2:124.04 ܗܼܝ ܡܫܬܡܥܢܘܬܐ ܠܐܝܩܪܗ ܕܗܿܘ ܕܫܕܪܗ ܬܬܚܫܒ܂ 42ܿ2 ܕܡܛܠ ܗܕܐ
2:124.05 ܐܡܬܝ ܕܡܬܚܙܐ ܡܠܐܟܐ ܠܐܢܫ܂ ܐܢ ܓܒܪܐ ܗܘ ܚܟܝܡܐ ܐܝܬ ܠܗ ܕܡܘܬܐ
2:124.06 ܕܫܪܪܐ ܠܒܘܚܪܢܐ ܕܗܕܐ ܝܕܥܬܐ ܒܗܘ ܐܣܟܡܐ ܕܐܦ ܡܘܫܐ ܐܝܬܘܗܝ
2:124.07 ܗܘܐ܂ ܘܗܢܘܢ ܕܡܢ ܡܘܫܐ ܫܪܪܐ ܩܒܠܘ܂ ܡܫܐܠ ܥܠ ܫܡܐ ܕܝܠܗ
2:124.08 ܕܗܿܘ ܡܠܐܟܐ ܕܐܬܚܙܝ܂ ܘܟܢ ܐܠܨܐ ܠܗ ܠܗܿܘ ܕܩܕܡ ܩܠܝܠ ܐܡܪ ܥܠ
2:124.09 ܢܦܫܗ ܐܠܗܐ ܕܢܘܕܐ ܕܡܪܝܐ ܐܝܬܘܗܝ ܘܠܐ ܗܘܐ ܐܠܗܐ܂ 42ܿ3 ܡܪܝܐ ܓܝܪ
2:124.10 ܐܢܫ ܡܫܟܚ ܕܢܗܘܐ ܕܗܿܘ ܡܕܡ ܕܡܬܝܗܒ ܠܗ܂ ܡܛܠ ܗܿܘ ܕܦܠܓ
2:124.11 ܠܗ܂ ܕܢܕܒܪ ܥܡܐ ܕܐܬܝܗܒ ܠܗ܂ ܗܕܐ ܕܝܢ ܕܐܠܗܐ ܐܝܬܘܗܝ ܡܢ ܒܬܪ
2:124.12 ܫܘܐܠܐ ܠܐ ܡܫܟܚ ܕܢܐܡܪ܂ ܠܗܘ ܓܝܪ ܕܒܫܪܪܐ ܠܐ ܐܝܬܘܗܝ ܗܕܐ ܕܢܣܗܕ
2:124.13 ܥܠ ܢܦܫܗ ܠܐ ܡܦܣ ܠܗ܂ 42ܿ4 ܗܿܘ ܓܝܪ ܡܪܝܡܐ ܕܐܝܬܘܗܝ ܐܠܗܐ
2:124.14 ܒܠܚܘܕܘܗܝ܂ ܦܠܓ ܠܫܒ̈ܥܝܢ ܘܬܪ̈ܬܝܢ ܡ̈ܢܘܢ ܟܘܠܗܿ ܐܪܥܐ ܘܪ̈ܫܢܐ
2:124.15 ܥܠܝܗܘܢ ܐܩܝܡ܂ 42ܿ5 ܘܗܿܘ ܕܪܒ ܡܢ ܗܢܝܢ ܡܢ ܒܬܪ ܐܠܗܐ ܕܐܝܬܘܗܝ
2:124.16 ܪܝܫ ܡ̈ܠܐܟܐ ܠܗܢܘܢ ܕܥܪܩܝܢ ܘܡܬܓܘܣܝܢ ܒܐܠܗܐ ܗܿܘ ܕܗܼܘ ܦܠܓ
2:124.17 ܐܬܣܝܡ ܕܗܼܘ ܢܕܒܪ ܐܢܘܢ܂ 42ܿ6 ܗܢܘܢ ܗܟܝܠ ܐܢܫܐ ܕܚ̈ܠܐ ܕܐܠܗܐ܂ ܘܐܦ
2:124.18 ܗܢܘܢ ܠܐ ܗܘܐ ܡܢ ܢܦܫܗܘܢ ܐܠܐ ܡܢܗ ܕܐܠܗܐ ܐܬܩܪܝܘ ܐܠܗ̈ܐ ܕܗܢܘܢ
2:124.19 ܪ̈ܫܝܥܐ܂ ܐܝܟ ܕܫܘܠܛܢܐ ܕܥܠ ܚܝܝ̈ܗܘܢ ܐܝܬ ܠܗܘܢ܂ ܐܟܘܬܗ ܕܐܠܗܐ܂
2:124.20 ܒܗܘ ܐܣܟܡܐ ܕܐܦ ܡܘܫܐ ܐܬܣܝܡ ܠܦܪܥܘܢܿ ܘܕܝ̈ܢܐ ܕܗܢܘܢ ܕܡܬܕܝܢܝܢ܂
2:124.21 42ܿ7 ܡܛܠ ܗܕܐ ܓܝܪ ܟܬܝܒܐ ܗܝ ܕܠܐܠܗ̈ܐ ܠܐ ܬܨܚܐ܂ ܘܠܪ̈ܝܫܐ ܕܥܡܟ ܠܐ
2:124.22 ܬܠܘܛ܂ ܡܛܠ ܕܢܬܝܕܥܘܢ ܗܢܘܢ ܕܝ̈ܢܐ ܕܝܗܘ̈ܕܝܐ ܐܠܗ̈ܐ܂ ܘܗܘ ܕܝܢ
2:124.23 ܡܫܝܚܐ ܐܠܗܐ ܕܝܠܗܘܢ ܕܕܝ̈ܢܐ ܗܼܘ ܕܐܦ ܕܟܠ ܡܕܡ ܕܝܢܐ ܗܘ܂
2:124.24 42ܿ9 ܒܫܪܪܐ ܕܝܢ ܘܐܦܠܐ ܡ̈ܠܐܟܐ ܘܐܦ ܠܐ ܒ̈ܢܝ ܐܢܫ̈ܐ܂ ܘܐܦܠܐ ܒܪܝܬܐ ܡܕܡ ܠܐ
2:124.25 ܡܫܟܚܐ ܕܐܠܗ̈ܐ ܐܝܬܝܗܘܢܿ܂ ܐܝܬ ܠܗܘܢ ܓܝܪ ܩܛܝܪܐ ܗܘ ܕܥܠܝܗܘܢ
2:124.26 ܣܝܡ ܐܝܟ ܕܡܗܘܐ ܗܘܘ ܗܢܘܢ܂ ܠܡ̈ܠܐܟܐ ܗܕܐ ܕܢܚܫܘܢ ܘܠܗܘܢ ܕܝܢ
2:124.27 ܠܒ̈ܢܝ ܐܢܫܐ ܗܕܐ ܕܢܡܘܬܘܢ܂ ܘܠܗ ܕܝܢ ܠܒܪܝܬܐ ܗܕܐ ܕܬܫܬܪܐ܂ ܐܘ
2:124.28 ܐܝܟ ܕܒܫܪܪܐ ܕܗܿܘ ܡܕܡ ܕܗܿܘ ܕܥܒܕܗ ܢܨܒܐ܂ 42ܿ10 ܘܗܿܘ ܡܕܡ ܕܢܨܒܐ
2:124.29 ܢܥܒܕ ܗܿܘ ܗܘ ܒܠܚܘܕܘܗܝ ܒܙܕܩܐ ܘܒܘܠܝܬܐ ܐܝܬܘܗܝ ܐܠܗܐ܂ ܗܿܘ
2:124.30 ܕܠܐ ܗܘܐ ܒܠܚܘܕ ܚܝܐ ܐܝܬܘܗܝ܂ ܐܠܐ ܐܦ ܠܐܚܪ̈ܢܐ ܕܢܚܘܢ ܡܫܟܚ ܕܢܬܠ܂
2:124.31 ܘܡܐ ܕܝܗܒ ܐܦ ܕܢܣܒ ܐܡܬܝ ܕܨܒܐ܂ 43ܿ1 ܕܡܛܠ ܗܕܐ ܗܟܢܐ ܩܥܐ
2:124.32 ܗܼܘ ܟܬܒܐ ܡܢ ܦܪܨܘܦܐ ܕܐܠܗܐ ܕܝܗܘ̈ܕܝܐ܂ ܕܚܙܘ ܗܟܝܠ ܚܙܘ܂ ܕܐܢܐ ܐܢܐ
2:126.01 ܘܠܝܬ ܐܚܪܢܐ ܠܒܪ ܡܢܝ܂ ܐܢܐ ܡܡܝܬ ܐܢܐ ܘܐܦ ܡܚܐ ܐܢܐ܂ ܘܡܚܐ ܐܢܐ
2:126.02 ܘܐܦ ܡܐܣܐ ܐܢܐ܂ ܘܠܝܬ ܕܦܪܩ ܡܢ ܐܝ̈ܕܝ܂ ܐܦ ܠܝܬ ܓܝܪ ܐܠܗܐ ܬܘܒ
2:126.03 ܕܒܗ ܚܝܠܐ ܟܣܝܐ ܕܠܐ ܡܬܡܠܠ܂ ܡܚܝܢܐ ܘܡܡܝܬܢܐ ܐܝܬ܂ 43ܿ2 ܘܬܘܒ
2:126.04 ܡܙܗܪ ܗܼܘ ܟܬܒܐ ܠܝܗ̈ܘܕܝܐ܂ ܡܛܠ ܕܝܕܥ ܗܘܐ ܕܬܪ̈ܥܝܬܐ ܗܢܝܢ ܕܥܬܝ̈ܕܢ
2:126.05 ܕܗܢܘܢ ܕܥܬܝܕܝܢ ܗܘܘ ܕܢܐܡܪܘܢ ܐܚܪ̈ܢܐ ܐܠܗ̈ܐ ܒܐܪܥܐ ܐܘ ܒܫܡܝܐ ܠܒܪ
2:126.06 ܡܢ ܗܿܘ ܕܒܫܪܪܐ ܐܝܬܘܗܝ ܐܠܗܐ܂ 43ܿ3 ܘܐܡܪ ܕܡܪܝܐ ܐܠܗܟ ܗܼܘ ܐܝܬܘܗܝ
2:126.07 ܐܠܗܐ ܒܫܡܝܐ ܠܥܠ ܘܒܐܪܥܐ ܠܬܚܬ܂ ܘܠܝܬ ܬܘܒ ܠܒܪ ܡܢܗ܂
2:126.08 ܐܝܟܢܐ ܗܟܝܠ ܡܡܪܚ ܐܢܫ ܕܢܐܡܪ ܕܐܝܬ ܐܠܗܐ ܐܚܪܢܐ ܠܒܪ ܡܢ ܗܿܘ
2:126.09 ܕܝܗܘ̈ܕܝܐ܂ ܠܐ ܐܝܬ ܠܝ ܕܐܡܪ 43ܿ4 ܘܬܘܒ ܕܝܢ ܐܡܪ܂ ܕܕܡܪܝܐ ܐܠܗܟ ܐܢܘܢ
2:126.10 ܫܡ̈ܝܐ܂ ܘܫܡ̈ܝ ܫܡܝܐ ܘܐܪܥܐ ܘܟܠ ܕܒܗܘܢ܂ ܘܠܐܒ̈ܗܝܟܘܢ ܓܒܐ ܕܢܪܚܡ
2:126.11 ܐܢܘܢ ܘܠܟܘܢ ܒܬܪܗܘܢ܂ 43ܿ5 ܗܟܢܐ ܗܟܝܠ ܒܟܠ ܐܣܟܝܡ ܡܙܗܪ ܗܘܐ
2:126.12 ܟܬܒܐ ܕܗܿܘ ܕܒܪܝܗܝ ܠܥܠܡܐ ܗܼܘ ܐܝܬܘܗܝ ܒܠܚܘܕܘܗܝ ܒܫܪܪܐ
2:126.13 ܐܠܗܐ ܘܐܦ ܕܗܢܘܢ ܕܒ̈ܢܝ ܪܥܝܢܗܘܢ ܐܢܘܢ܂ 44ܿ1 ܒܪܡ ܕܝܢ ܐܝܟ ܕܒܡܠܬܐ
2:126.14 ܐܦ ܗܕܐ ܐܡܪ ܐܢܐ ܠܟ܂ ܕܐܦܢ ܐܝܢ ܒܫܪܪܐ܂ ܐܝܬܝܗܘܢ ܗܘܘ ܐܠܗ̈ܐ܂ ܬܚܝܬ
2:126.15 ܗܿܘ ܕܝܗܘ̈ܕܝܐ ܐܝܬܝܗܘܢ ܗܘܘ܂ ܗܿܘ ܕܒܪܐ ܟܘܠ ܡܕܡ܂ ܡܛܠ ܕܗܟܢܐ
2:126.16 ܐܡܪ ܟܬܒܐ ܠܗܘܢ ܠܝܗܘ̈ܕܝܐ܂ ܕܡܪܝܐ ܐܠܗܟ ܗܘ ܐܝܬܘܗܝ ܐܠܗܐ
2:126.17 ܕܐܠܗ̈ܐ܂ ܘܡܪܝܐ ܕܡܪ̈ܘܬܐ܂ 44ܿ2 ܘܠܗ ܠܗܢܐ ܕܝܕܥ ܟܬܒܐ ܕܟܐܢܐ ܐܝܬܘܗܝ
2:126.18 ܡܠܟ ܘܐܡܪ ܕܡܢ ܡܪܝܐ ܐܠܗܟ ܕܚܠ ܘܠܗ ܒܠܚܘܕܘܗܝ ܦܠܘܚ܂
2:126.19 ܘܬܘܒ ܕܫܡܥ ܐܝܣܪܐܝܠ܂ ܡܪܝܐ ܐܠܗܟ ܚܕ ܗܘ܂ 44ܿ3 ܕܡܛܠ ܗܕܐ ܟܕ
2:126.20 ܒܗ ܒܪܥܝܢܐ ܕܐܝܟ ܗܟܢܐ ܒܚܘܫܒܗܘܢ ܐܬܚܝܠܘ܂ ܒܪܫܥܬܗ ܕܐܬܦܪܩܘ
2:126.21 ܐܟܚܕܐ܂ ܟܠܗܘܢ ܩܥܘ ܘܐܡܪܘ܂ ܐܝܟ ܕܒܢܘܛܦܬܐ ܕܪܘܚܐ ܕܩܘܕܫܐ
2:126.22 ܐܫܬܘܬܦܘ܂ ܕܡܢܘ ܕܕܡܐ ܠܟ ܒܐܠܗ̈ܐ ܐܘ ܡܪܝܐ܂ 44ܿ4 ܘܬܘܒ ܕܡܢܘ ܐܝܟ
2:126.23 ܐܠܗܢܿ 44ܿ5 ܘܗܝܕܝܢ ܡܟܝܠ ܐܝܟ ܕܡܫܟܚܝܢ ܗܘܘ܂ ܕܢܩܒܠܘܢ ܪܒܘܬܗܿ
2:126.24 ܕܪܫܢܘܬܐ ܘܕܡܪܘܬܐ ܝܚܝܕܝܬܐ܂ ܗܿܝ ܕܐܦ ܙܒܢ̈ܬܐ ܣܓ̈ܝܐܬܐ ܡܛܠ ܩܛܝܪܗ
2:126.25 ܕܥܡܐ ܫܡܗ ܡܘܫܐ܂ 44ܿ6 ܗܝ ܕܟܝܘܬܗܿ ܕܬܫܡܫܬܐ ܐܥܠ ܘܐܡܪ ܕܫܡ̈ܗܐ
2:126.26 ܕܐܠܗ̈ܐ ܠܐ ܬܬܕܟܪܘܢ ܘܗܝ ܗܕܐ ܕܝܢ ܡܢ ܗܝ ܠܘܛܬܐ ܕܥܠ ܚܘܝܐ
2:126.27 ܐܬܥܗܕ܂ ܘܐܡܪ ܕܡܛܠ ܕܗܘ ܩܕܡܝܐ ܕܐܠܗ̈ܐ ܐܡܪ ܕܥܦܪܐ ܢܐܟܘܠ
2:126.28 ܐܬܚܝܒ܂ 44ܿ7 ܐܦ ܦܘܡܐ ܕܠܘܩܕܡ ܕܐܠܗ̈ܐ ܣܓܝ̈ܐܐ ܡܠܠ ܥܦܪܐ ܢܬܡܠܐ܂
2:126.29 44ܿ8 ܘܐܢ ܕܝܢ ܐܦ ܐܢܬ ܡܫܪܐ ܐܢܬ ܕܐܠܗ̈ܐ ܣܓܝ̈ܐܐ ܬܥܠ ܘܬܙܪܘܥ ܒܡܠܬܐ
2:126.30 ܫܪܝܪܬܐ ܒܫܘܕܝܐ ܕܐܚܪܢܐ ܐܠܗܐ ܡܝܬܪܐ ܚܟܝܡܐܝܬ ܚܘܒܠܗ ܕܢܦܫܐ
2:126.31 ܕܬܥܒܕ ܨܒܐ ܐܢܬ܂ 45ܿ1 ܐܠܐ ܠܢ ܠܐ ܡܫܟܚ ܐܢܬ ܠܢ ܕܡܬܛܦܝܣܝܢ
2:126.32 ܐܢܚܢܢ ܠܗܿ ܠܡܪܚܘܬܟ܃ 45ܿ2 ܐܢ ܓܝܪ ܢܛܥܐ ܘܢܫܠܡ ܠܟ܂ ܡܐ
2:126.33 ܕܡܬܕܝܢܝܢ ܐܢܚܢܢ ܠܐ ܡܕܡ ܡܥܕܪ ܠܢ ܡܦܩ ܒܪܘܚܐ ܗܢܐ܂ ܕܐܡܪܝܢ
2:128.01 ܐܢܚܢܢ ܕܡܛܥܝܘ ܐܛܥܝܬܢ܂ ܘܐܦ ܠܐ ܓܝܪ ܠܗܿܝ ܐܢܬܬܐ ܩܕܡܝܬܐ
2:128.02 ܕܒܝܫܐܝܬ ܗܝܡܢܬ ܥܕܪܬܗܿ ܗܕܐ ܕܐܡܪܬ ܕܚܘܝܐ ܐܛܥܝܢܝ܂ ܡܣܡ ܒܪܝܫܐ
2:128.03 ܓܝܪ ܕܡܘܬܐ ܩܒܠܬ܂ 45ܿ3 ܕܡܛܠ ܗܕܐ ܗܘ ܡܘܫܐ ܛܒܐ ܐܥܗܕ ܠܥܡܐ
2:128.04 ܥܠ ܡܪܘܬܐ ܕܚܕ ܐܠܗܐ ܘܙܗܪ ܐܢܘܢ ܘܐܡܪ܂ ܕܐܙܕܗܪܘ ܘܠܐ ܬܛܥܘܢ ܡܢ
2:128.05 ܡܪܝܐ ܐܠܗܟܘܢ܂ 45ܿ4 ܘܒܗ ܒܡܠܬܐ ܐܥܗܕ ܐܢܘܢ ܘܐܦ ܥܠ ܗܿܝ ܐܢܬܬܐ
2:128.06 ܕܛܥܬ ܘܢܦܩܬ ܡܦܩ ܒܪܘܚܐ ܘܠܐ ܡܕܡ ܐܬܥܕܪܬ܂ 45ܿ5 ܘܥܡ ܗܠܝܢ ܕܝܢ
2:128.07 ܟܠܗܝܢ܂ ܘܐܦ ܠܐ ܐܠܘ ܒܫܪܪܐ ܢܒܝܐ ܕܐܠܗܐ ܐܬܚܙܝ ܘܐܬܘ̈ܬܐ ܘܬܕܡܪ̈ܬܐ
2:128.08 ܝܗܒ ܡܛܠ ܕܢܗܝܡܢ ܘܐܡܪ ܠܢ ܕܝܢ ܕܢܣܓܘܕ ܠܐܠܗ̈ܐ ܐܚܪ̈ܢܐ ܠܒܪ
2:128.09 ܡܢ ܗܿܘ ܐܠܗܐ ܕܝܗܘ̈ܕܝܐ܂ ܘܐܦܠܐ ܠܗ ܠܗܿܘ ܡܗܝܡܢܝܢ ܗܘܝܢ܂
2:128.10 45ܿ6 ܗܟܢܐ ܓܝܪ ܐܠܦܢ ܗܘ ܢܡܘܣܗ ܕܐܠܗܐ܂ ܕܡܢܗܿ ܕܡܫܠܡܢܘܬܐ ܕܟܝܐܝܬ
2:128.11 ܢܛܪܗܿ ܠܗܿ ܠܡܠܬܐ 45ܿ7 ܕܐܢܗܘ ܕܢܩܘܡ ܒܟ ܢܒܝܐ ܐܘ ܚܠܡ ܚ̈ܠܡܐ
2:128.12 ܘܢܬܠ ܠܟ ܐܬܐ ܐܘ ܬܕܡܘܪܬܐ܂ ܘܢܐܬܐ ܠܘܬܟ ܗܼܘ ܗܿܘ ܕܐܬܐ ܘܬܕܡܘܪܬܐ
2:128.13 ܝܗܒ ܠܟ ܘܢܐܡܪ ܠܟ ܕܢܐܙܠ ܘܢܦܠܘܚ ܠܐܠܗ̈ܐ ܐܚܪ̈ܢܐ܂ ܗܿܢܘܢ ܕܠܐ ܝܕܥ
2:128.14 ܐܢܬ܂ 45ܿ8 ܠܐ ܬܫܡܥܘܢ ܠܡ̈ܠܘܗܝ ܕܢܒܝܐ ܗܿܘ ܐܘ ܕܚܠܡ ܚ̈ܠܡܐ ܗܿܘ܂
2:128.15 ܡܛܠ ܕܡܢܣܝܘ ܡܢܣܐ ܠܟ܂ ܕܢܚܙܐ ܐܢ ܪ̈ܚܡܝܢ ܐܢܬܘܢ ܠܡܪܝܐ
2:128.16 ܐܠܗܟܘܢܿ܂ 46ܿ1 ܕܡܛܠ ܗܕܐ ܗܘ ܡܪܢ ܕܐܬܘ̈ܬܐ ܘܬܕܡܪ̈ܬܐ ܝܗܒ ܘܒܗ
2:128.17 ܒܐܠܗܐ ܕܝܠܗܘܢ ܐܘܕܝ ܒܙܕܩܐ ܘܙܗܝܪܐܝܬ ܡܢܗܘܢ ܕܫ̈ܡܘܥܐ ܐܬܗܝܡܢ܂
2:128.18 46ܿ2 ܐܢܬ ܕܝܢ ܘܐܦ ܐܠܘ ܒܫܪܪܐ ܢܒܝܐ ܗܘܝܬ܂ ܘܐܬܘ̈ܬܐ ܘܬܕܡܪ̈ܬܐ ܗܢܝܢ
2:128.19 ܕܡܫܬܘܕܐ ܐܢܬ ܝܗܒ ܗܘܝܬ܂ ܘܐܚܪܢܐ ܕܝܢ ܐܠܗܐ ܐܘ ܐܠܗ̈ܐ ܡܟܪܙ
2:128.20 ܐܢܬ܂ ܡܛܠ ܕܒܫܪܪܐ ܓܠܝܐܝܬ܂ ܠܢܣܝܘܢܐ ܕܥܡܐ ܕܕܚܠܬ ܐܠܗܐ
2:128.21 ܢܒܥܬ܂ ܒܘܠܝܬܐ ܠܐ ܡܬܗܝܡܢ ܐܢܬ܂ 46ܿ3 ܚܕ ܗܘ ܓܝܪ ܒܫܪܪܐ
2:128.22 ܐܝܬܘܗܝ ܐܠܗܐ܂ ܕܡܛܠ ܗܕܐ ܐܦ ܡܪܢ ܝܫܘܥ ܡܫܝܚܐ ܕܐܬܐ ܡܠܟ
2:128.23 ܕܢܒܥܘܢ ܠܐ ܗܘܐ ܠܗ ܠܐܠܗܐ ܡܛܠ ܕܫܦܝܪ ܝܕܥܝܢ ܗܘܘ ܕܗܼܘ
2:128.24 ܐܝܬܘܗܝ ܐܠܐ ܠܟܐܢܘܬܗ ܗܿܝ ܕܩܒܠܘ ܣܦܪ̈ܐ ܗܢܘܢ ܕܡܢ ܡܫܠܡܢܘܬܗ
2:128.25 ܕܡܘܫܐ ܘܐܝܟ ܕܠܐܩܠܝܕܐ ܕܥܗܢ ܠܒܝܬܐ ܕܡܠܟܘܬܐ ܛܫܝܘܗܝ܂ 46ܿ4 ܘܗܟܢܐ
2:128.26 ܠܗ ܠܐܠܗܐ ܝܕܥܝܢ ܗܘܘ܂ ܕܡܛܠ ܗܕܐ ܐܦ ܠܐ ܕܢܒܥܘܢܝܗܝ ܡܠܟ
2:128.27 ܐܢܘܢ܂ ܘܠܐ ܡܫܟܚܐ ܗܘܬ ܕܐܠܘ ܒܫܪܪܐ ܠܐܠܗܐ ܠܐ ܝܕܥܝܢ ܗܘܘ܂ ܡܪܦܐ
2:128.28 ܗܘܐ ܕܢܡܠܘܟ ܐܢܘܢ ܕܢܒܥܘܢ ܠܗܘ ܕܡܢ ܟܠ ܡܕܡ ܡܝܬܪ ܗܼܘ܂
2:128.29 ܘܡܬܥܕܠ ܗܘܐ ܒܗܘܢ ܒܗܢܝܢ ܕܣܓܝ ܙܥܘܪ̈ܝܢ܂ 46ܿ5 ܝܬܝܪܐܝܬ ܐܝܟ
2:128.30 ܕܢܬܦܚܡܢ ܠܘܬ ܐܠܗܐ ܐܡܪܢܐ ܕܝܢ ܥܠ ܬܟܠܬܐ ܕܦܠܝܘ̈ܢܝܗܘܢ ܘܥܠ
2:128.31 ܥܪ̈ܩܐ ܕܡܣ̈ܐܢܝܗܘܢ ܘܥܠ ܨܠܘܬܗܘܢ ܕܒܫܘ̈ܩܐ܂ ܘܐܚܪ̈ܢܝܬܐ ܕܐܝܟ ܗܢܝܢ
2:128.32 ܕܣܓܝ ܙܥܘܪ̈ܝܢ ܐܝܟ ܕܩܕܡܬ ܐܡܪܬ ܡܛܠ ܕܠܝܬ ܗܼܘܐ ܠܗ ܗܿܝ
2:128.33 ܕܪܒܐ ܕܒܗܿ ܢܬܥܕܠ ܒܗܘܢ܂