← Back
The Comprehensive Aramaic Lexicon
← Return to the Text Browser
click on the file description for more information
60504: Ps-Clem R2 page 140, chap 56-58

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

2:140.01 ܠܐܒܘܢ ܘܥܪܩܢ ܠܘܬܗ܂ ܘܐܬܬܟܠܢ ܥܠ ܬܪ̈ܥܝܬܐ ܢܣܝ̈ܣܬܐ܂ ܐܝܟܢܐ ܗܟܝܠ
2:140.02 ܐܡܪ ܐܢܬ܂ ܕܛܒܐ ܗܘ ܗܿܘ ܕܐܦܠܐ ܟܐܢܐ ܐܝܬܘܗܝ܂
2:140.03 57ܿ1 ܘܗܘ ܣܝܡܘܢ ܐܡܪ܂ ܕܗܢܐ ܟܠܗ ܛܥܐ ܐܢܬ ܐܘ ܦܛܪܐ܂ ܢܦܫ̈ܬܐ ܓܝܪ
2:140.04 ܕܝܠܢ ܡܢܗ ܕܗܘ ܛܒܐ ܥܠܝܐ ܐܝܬܝܗܝܢ܂ ܘܠܟܐ ܕܝܢ ܒܫܒܝܐ ܐ̈ܬܝ܂
2:140.05 57ܿ2 ܘܗܘ ܦܛܪܘܣ ܐܡܪ ܕܡܕܝܢ ܠܐ ܐܝܬܘܗܝ ܟܣܝܐ ܡܢ ܟܠ ܐܝܟܢ ܕܩܕܡ
2:140.06 ܩܠܝܠ ܐܡܪܬ܂ ܘܐܝܟܢܐ ܕܝܢ ܫܒܩ ܗܼܘ ܗܿܘ ܛܒܐ ܗܕܐ ܕܥܠ ܐܦ̈ܝ ܡܣܡ
2:140.07 ܒܪܫܐ ܕܝܠܢ ܗܘܬ ܕܚܝܠܐ ܐܝܬܘܗܝ ܕܡܝܬܪ ܡܢ ܟܠ܂ 57ܿ3 ܘܗܘ ܣܝܡܘܢ
2:140.08 ܐܡܪ܂ ܕܗܘ ܫܕܪܗ ܠܗܿܘ ܕܥܒܕܗ ܠܥܠܡܐ ܠܡܥܒܕܗ܂ ܗܢܐ ܕܝܢ
2:140.09 ܕܥܒܕܗ ܥܠ ܢܦܫܗ ܐܟܪܙ ܘܐܘܕܥ܂ 57ܿ4 ܘܗܘ ܦܛܪܘܣ ܐܡܪ ܡܕܝܢ ܐܝܟܢܐ
2:140.10 ܕܩܕܡ ܩܠܝܠ ܐܡܪܬ ܠܐ ܗܘܐ ܟܣܝܐ ܗܘ ܕܠܐ ܝܕܝܥ ܡܐ ܕܐܦ ܢܦܫ̈ܬܐ ܡܢ
2:140.11 ܬܡܢ ܐ̈ܬܝ܂ ܘܐܦ ܗܿܘ ܕܥܒܕܗ ܠܥܠܡܐ ܡܢܗ ܐܫܬܕܪ܂ ܗܘ ܕܐܝܟ ܕܐܡܪܬ
2:140.12 ܕܐܬܐ܂ ܘܚܠܦ ܗܿܘ ܕܫܕܪܗ ܢܦܫܗ ܐܘܕܥ ܘܐܟܪܙ܂ 57ܿ6 ܐܡܪ ܠܝ ܕܝܢ ܗܕܐ܂
2:140.13 ܗܘ ܗܟܝܠ ܕܡܫܕܪ ܗܘܐ ܠܗ܂ ܠܐ ܝܕܥ ܗܘܐ ܛܠܘܡܘܬܗ ܕܗܿܘ ܕܡܫܬܕܪ
2:140.14 ܗܘܐ܂ ܐܢ ܓܝܪ ܠܐ ܝܕܥ ܗܘܐ ܠܐ ܝܕܘܥܐ ܗܼܘ܂ ܘܐܢ ܕܝܢ ܝܕܥ ܗܘܐ ܘܗܘ
2:140.15 ܐܦܣ ܠܗ ܥܘܠܐ ܥܒܕ܂ ܘܐܢ ܕܝܢ ܠܐ ܐܦܣ ܠܗ ܡܚܝܠܐ ܗܼܘ܂ ܘܐܢ ܕܝܢ
2:140.16 ܡܫܟܚ ܗܘܐ ܕܢܥܒܕ ܕܡܝܬܪ ܡܢ ܗܢܐ ܘܠܐ ܥܒܕ ܠܐ ܗܘܐ ܛܒܐ ܗܘ܂
2:140.17 ܘܐܢ ܕܝܢ ܝܕܥ ܕܠܫܦܝܪܬܐ ܗܘܐ ܗܘܐ ܘܠܐ ܟܠܝܗܝ ܣܓܝ ܡܝܬܪ ܗܿܘ
2:140.18 ܕܐܡܪܚ ܠܛܒܬܐ ܝܬܝܪ ܡܢ ܗܿܘ ܕܠܐ ܐܫܟܚ ܕܢܩܕܡܗ܂ 58ܿ1 ܘܗܘ ܣܝܡܘܢ
2:140.19 ܐܡܪ܂ ܕܠܗܢܘܢ ܕܨܒܝܢ ܕܢܕܥܘܢܝܗܝ ܘܢܗܘܘܢ ܕܝܠܗ ܡܥܕܪ܂ ܘܦܛܪܘܣ
2:140.20 ܐܡܪ ܕܐܦܠܐ ܗܕܐ ܚܕܬܐ ܗܼܝ܂ ܗܼܝ ܓܝܪ ܗܕܐ ܥܒܕ ܐܦ ܗܢܐ ܕܥܡܝ ܡܘܕܐ
2:140.21 ܐܢܬ ܥܠܘܗܝ ܕܐܠܗܐ ܐܝܬܘܗܝ܂ 58ܿ2 ܘܗܘ ܣܝܡܘܢ ܐܡܪ ܐܠܐ ܗܿܘ ܛܒܐ
2:140.22 ܒܗܕܐ ܒܠܚܘܕ ܕܝܕܥܝܢ ܠܗ ܡܥܕܪ ܠܗܘܢ ܗܿܘ ܕܝܢ ܕܒܪܝܗܝ ܠܥܠܡܐ
2:140.23 ܡܐ ܕܢܛܪܘ ܢܡܘܣܗ܂ 58ܿ3 ܘܗܘ ܦܛܪܘܣ ܐܡܪ ܡܕܝܢ ܠܙܢܝ̈ܐ ܘܠܩ̈ܛܘܠܐ
2:140.24 ܘܠܠܐ ܡܪ̈ܚܡܢܐ ܡܛܠ ܝܕܥܬܗܘܢ ܕܠܘܬܗ ܡܚܐ ܠܗܘܢ ܠܢܟ̈ܦܐ܂ ܕܝܢ
2:140.25 ܘܠܛܒ̈ܐ ܘܠܡܪ̈ܚܡܢܐ ܡܛܠ ܕܠܐ ܐܫܟܚܘ ܐܬܐ ܡܕܡ ܕܐܝܬܘܗܝ ܘܠܐ
2:140.26 ܝܕܥܘܗܝ ܠܐ ܡܚܐ ܠܗܘܢ܂ ܘܣܓܝ ܪܒܐ ܗܕܐ ܛܒܬܐ ܕܡܫܬܘܕܐ ܐܢܬ܂
2:140.27 ܠܐ ܗܘܐ ܕܠܙܢܝ̈ܐ ܡܚܐ܂ ܐܠܐ ܕܐܦ ܠܟ̈ܐܢܐ ܘܠܢܟ̈ܦܐ ܠܐ ܡܚܐ܂ 58ܿ4 ܘܗܘ
2:140.28 ܣܝܡܘܢ ܐܡܪ܂ ܕܢܝܫܐ ܓܝܪ ܪܒܐ ܐܝܬܘܗܝ ܗܢܐ ܕܢܕܥܘܢܝܗܝ ܒ̈ܢܝ ܐܢܫܐ
2:140.29 ܟܕ ܒܦܓܪܐ ܐܝܬܝܗܘܢ܂ ܠܐ ܓܝܪ ܡܕܡ ܒܨܝܪ ܡܢ ܚܫܟܐ ܘܡܢ ܣܝܢܐ
2:140.30 ܦܓܪܐ ܗܢܐ܂ ܕܠܒܝܫܐ ܠܗ ܢܦܫܐ܂ 58ܿ5 ܘܗܘ ܦܛܪܘܣ ܐܡܪ܂ ܡܕܝܢ ܗܿܘ
2:140.31 ܛܒܐ ܗܿܝ ܕܥܛܠܐ ܒܥܐ܂ ܗܿܘ ܕܝܢ ܕܒܫܪܪܐ ܐܠܗܐ ܗܼܘ ܗܿܝ ܕܦܫܝܩܐ
2:142.01 ܬܒܥ܂ 58ܿ6 ܢܪܦܐ ܠܢ ܗܟܝܠ ܐܝܟ ܛܒܐ ܠܘܬ ܗܿܘ ܐܒܘܢ ܕܥܒܕܢ܂ ܘܡܐ
2:142.02 ܕܢܦܩܢ ܡܢ ܦܓܪܐ܂ ܘܐܪܦܝܢ ܗܢܐ ܚܫܘܟܐ܂ ܡܫܟܚܝܢ ܐܢܚܢܢ
2:142.03 ܕܢܕܥܝܘܗܝ܂ 58ܿ7 ܘܗܝܕܝܢ ܝܬܝܪܐܝܬ ܗܝ ܢܦܫܐ ܠܗ ܠܒܪܘܝܗܿ ܝܕܥܐ܂
2:142.04 ܕܗܘ ܒܠܚܘܕܘܗܝ ܐܝܬܘܗܝ ܐܠܗܐ܂ ܘܠܘܬܗ ܡܩܘܝܐ ܘܕܬܗܘܐ ܕܐܚܪܢܐ
2:142.05 ܠܐ ܨܒܝܐ܂ ܕܩܢܝܐ ܝܕܥܬܐ ܕܟܝܬܐ܂ ܘܠܐ ܣܥܪܐ ܥܘܠܐ ܕܬܥܪܘܩ ܘܬܬܓܘܣ
2:142.06 ܒܚܝܠܐ ܐܚܪܢܐ܂ ܗܿܘ ܕܠܐܢܫ ܐܚܪܝܢ ܠܐ ܐܬܝܕܥ܂ ܐܠܐ ܠܣܝܡܘܢ
2:142.07 ܒܠܚܘܕܘܗܝ܂ 58ܿ8 ܘܐܝܟܢܐ ܕܝܢ ܛܒܐ ܗܼܘ܂ ܐܢ ܢܟܦ̈ܐ ܘܟ̈ܐܢܐ ܠܐ ܒܥܐ܂ ܘܐܝܟܢܐ
2:142.08 ܕܝܢ ܡܪܚܡܢܐ ܗܘ ܗܘ ܕܐܢ ܗܘ ܕܠܘܩܕܡ ܐܢܫ ܒܐܒܘܗܝ ܠܐ ܢܪܫܥ ܠܐ
2:142.09 ܝܕܥ ܕܢܥܕܪܝܘܗܝ܂ 58ܿ9 ܘܠܐ ܕܝܢ ܝܕܥܢܐ ܒܐܝܠܝܢ ܪ̈ܓܫܐ ܗܿܘ ܕܗܟܢܐ ܛܒܐ
2:142.10 ܐܝܬܘܗܝ܂ ܘܐܝܟܢܐ ܕܐܚܪܢܐ ܐܠܗܐ ܐܝܬ ܢܕܥ܂ ܘܐܝܟܢܐ ܕܝܢ ܐܝܬܝܗܿ ܟܐܢܘܬܐ
2:142.11 ܗܕܐ܂ ܕܡܐ ܕܐܪܫܥ ܐܢܫ ܒܥܒܕ ܛܒ̈ܬܗ ܫܦܪ ܠܗ ܠܗܘ ܐܠܗܐ܂ 59ܿ1 ܘܗܘܐ
2:142.12 ܣܝܡܘܢ ܐܡܪ܂ ܠܐ ܗܘܐ ܕܪܫܥܐ ܗܝ ܗܕܐ܂ ܕܥܠ ܐܦ̈ܝ ܝܘܬܪܢܐ ܢܥܪܘܩ ܠܘܬ
2:142.13 ܗܿܘ ܕܥܬܝܪ ܒܬܫܒܘܚܬܐ܂ 59ܿ2 ܘܦܛܪܘܣ ܐܡܪ ܕܐܢ ܐܝܟ ܕܐܡܪ ܐܢܬ܂ ܠܐ
2:142.14 ܗܘܐ ܪܘܫܥܐ ܐܝܬܝܗܿ ܗܕܐ ܕܢܥܪܘܩ ܘܢܬܓܘܣ ܒܢܘܟܪܝܐ܂ ܣܓܝ
2:142.15 ܝܬܝܪܐܝܬ ܕܟܐܢܘܬܐ ܗܝ ܗܕܐ ܕܠܘܬ ܐܒܘܢ ܕܝܠܢ ܢܩܘܐ܂ ܐܦܢ ܡܣܟܢܐ
2:142.16 ܗܘ܂ 59ܿ3 ܘܐܢ ܕܝܢ ܠܐ ܗܘܐ ܕܪܫܥܐ ܗܼܝ ܗܕܐ ܕܢܪܦܐ ܗܿܘ ܕܝܠܢ ܡܛܠ
2:142.17 ܡܕܡ ܕܡܝܬܪ ܘܢܥܪܘܩ ܘܢܬܓܘܣ ܒܐܚܪܢܐ܂ ܘܠܐ ܡܬܚܡܬ ܥܠ ܗܕܐ
2:142.18 ܗܿܘ ܐܠܗܐ ܕܒܪܝܗܝ ܠܥܠܡܐ ܣܓܝ ܝܬܝܪܐܝܬ ܗܼܘ ܗܿܘ ܛܒܐ ܠܐ ܪܓܙ
2:142.19 ܥܠ ܗܕܐ ܕܩܘܝܢܢ ܠܘܬ ܗܿܘ ܐܠܗܐ ܕܥܒܕܢ 59ܿ4 ܘܣܒܪ ܐܢܐ ܕܝܬܝܪܐܝܬ
2:142.20 ܡܩܒܠ ܠܢ܂ ܕܢܛܪܢ ܫܪܪܐ ܥܡ ܗܿܘ ܐܠܗܐ ܕܥܒܕܢ ܟܕ ܡܬܚܫܒ
2:142.21 ܗܕܐ܂ ܕܐܦ ܐܠܘ ܕܝܠܗ ܗܘܝܢ ܠܐ ܡܫܬܕܠܝܢ ܗܘܝܢ ܕܥܡ ܐܚܪܢܐ ܢܛܪ
2:142.22 ܫܪܪܐ܂ 59ܿ5 ܘܗܢܘܢ ܕܝܢ ܕܥܪܩܘ ܘܒܗ ܐܬܓܘܣܘ ܡܛܠ ܫܘܕܝܐ ܡܝܬܪܐ܂
2:142.23 ܐܢ ܢܫܟܚܘܢ ܐܚܪܢܐ ܕܡܝܬܪ ܡܢܗ܂ ܐܦ ܠܗ ܡܪܦܝܢ ܠܗ ܝܬܝܪܐܝܬ
2:142.24 ܒܗܿܝ ܕܠܐ ܡܟܢܝܢ ܒܢܘ̈ܗܝ܂ ܘܐܫܟܚܘ ܕܢܟܦܪܘܢ ܒܗܘ ܐܒܐ ܕܟܝܢܗܘܢ܂
2:142.25 59ܿ6 ܘܗܘ ܣܝܡܘܢ ܐܡܪ܂ ܕܡܢܐ ܕܝܢ ܕܐܢ ܕܗܿܘ ܐܢܝܢ ܢܦ̈ܫܬܐ ܘܠܐ ܝܕܥ̈ܢ ܠܗ܂
2:142.26 ܕܗܼܘ ܐܝܬܘܗܝ ܒܫܪܪܐ ܐܒܘܗܝܢ܂ 60ܿ1 ܘܗܘ ܦܛܪܘܣ ܦܢܝ ܠܗ ܦܬܓܡܐ
2:142.27 ܕܣܓܝ ܡܚܝܠܘܬܐ ܡܥܠ ܐܢܬ܂ ܠܐ ܓܝܪ ܡܫܟܚܐ ܕܐܢ ܕܝܠܗ ܗ̈ܘܝ
2:142.28 ܢܦܫ̈ܬܐ ܕܗܿܘ ܡܝܬܪܐ܂ ܕܥܡ ܗܿܘ ܒܨܝܪܐ ܢܚ̈ܬܢ ܗܘܝ ܠܬܚܬ܂ 60ܿ2 ܘܐܦܠܐ
2:142.29 ܐܠܐ ܝܕܥܢ ܗ̈ܘܝ ܠܗ ܗܢܝܢ ܢܦ̈ܫܬܐ ܗܪܟܐ ܡܐ ܕܐܬܦܪܫ ܡܢ ܦܓܪܐ
2:142.30 ܡܣܡ ܒܪܫܐ ܡܢܗ ܡܩܒ̈ܠܢ ܗ̈ܘܝ܂ ܐܠܐ ܐܦ ܗܪܟܐ ܡܫܬܒ̈ܩܢ܂ ܡܛܠ
2:142.31 ܕܠܗ ܠܐ ܝܕܥ ܕܢܚ̈ܬܝܢ ܠܐܬܪܐ ܐܝܟ ܕܐܡܪܬ ܢܘܟܪܝܐ܂ 60ܿ3 ܘܡܣܬܒܪ ܐܢܬ ܠܝ
2:142.32 ܕܝܢ ܕܠܐ ܝܕܥ ܐܢܬ ܡܢܐ ܐܝܬܘܗܝ ܗܿܘ ܕܐܦ ܐܒܐ ܐܝܬܘܗܝ ܘܐܦ ܐܠܗܐ܂
2:144.01 ܐܠܐ ܕܝܢ ܘܐܦ ܗܢܝܢ ܢܦܫ̈ܬܐ ܕܡܢ ܐܝܟܐ ܘܐܡܬܝ ܘܐܝܟܢܐ ܗ̈ܘܝܢ ܡܫܟܚ
2:144.02 ܗܘܝܬ ܕܐܡܪ ܠܟ܂ ܠܐ ܕܝܢ ܡܨܐ ܐܢܐ ܗܫܐ ܕܐܡܪ ܠܟ܂ ܡܛܠ ܕܛܥܐ ܐܢܬ
2:144.03 ܡܢ ܗܿܘ ܕܡܝܬܪ ܡܢ ܟܠ܂ 60ܿ4 ܘܗܘ ܣܝܡܘܢ ܐܡܪ ܕܢܗܘܐ ܠܟ ܙܒܢܐ
2:144.04 ܐܡܬܝ ܕܬܬܘܐ ܥܠ ܗܕܐ ܕܐܡܪܬ ܠܟ ܥܠ ܗܿܘ ܚܝܠܐ ܟܣܝܐ ܘܠܐ ܝܕܥܬ܂
2:144.05 60ܿ5 ܘܗܘ ܦܛܪܘܣ ܐܡܪ ܕܒܗ ܠܝ ܗܟܝܠ ܐܝܟܢܐ ܕܐܦ ܡܢ ܩܕܝܡ ܐܡܪܬ
2:144.06 ܠܟ ܐܘ ܐܝܟ ܐܠܗܐ ܚܕܬܐ ܐܘ ܐܝܟ ܕܡܢ ܠܘܬ ܗܿܘ ܚܕܬܐ ܐܬܝܬ ܪܓܫܐ
2:144.07 ܚܕܬܐ ܐܝܟܢܐ ܕܒܗ ܒܪܓܫܐ ܚܕܬܐ ܢܫܟܚ ܕܢܕܥ ܠܗܿܘ ܐܠܗܐ ܚܕܬܐ܂
2:144.08 60ܿ6 ܗܠܝܢ ܓܝܪ ܪ̈ܓܫܐ ܕܐܬܒܪܝܘ ܒܢ ܕܢܛܪܝܢ ܫܪܪܐ ܠܘܬ ܗܿܘ ܒܪܘܝܐ ܕܫܪܪܐ܂
2:144.09 ܕܢܣܒܘܢ ܝܕܥܬܐ ܕܗܿܘ ܐܚܪܢܐ ܕܠܐ ܐܝܬܘܗܝ ܟܝܢܐ ܠܝܬ ܠܗܘܢ܂
2:144.10 61ܿ1 ܘܗܘ ܣܝܡܘܢ ܐܡܪ ܕܚܘܪ ܘܐܝܟ ܕܐܡܪܢܐ ܥܒܕ܂ ܐܝܟܢܐ ܕܬܫܟܚ ܕܒܫܒܝܠܐ
2:144.11 ܕܠܐ ܡܬܚܙܐ ܠܘܬܗ ܬܩܪܘܒ܂ 61ܿ2 ܗܢܘ ܕܝܢ ܫܡܥ܂ ܠܐ ܡܬܘܡ ܗܘܝܬ
2:144.12 ܒܚܘܫܒܐ ܘܠܪܥܝܢܟ ܡܬܚܬ ܠܐܬܪ̈ܘܬܐ ܪ̈ܚܝܩܐ ܐܘ ܠܓܙܪ̈ܬܐ܂ ܘܗܢܐ ܟܠܗ
2:144.13 ܬܡܢ ܗܘܝܬ܂ ܐܝܟܢܐ ܕܐܦܠܐ ܗܢܝܢ ܕܩܪ̈ܝܒܢ ܠܟ ܬܚܙܐ܂ ܘܐܦܠܐ ܢܦܫܟ
2:144.14 ܬܕܥ܂ ܐܝܟܐ ܝܬܒ ܐܢܬ܂ ܡܛܠ ܢܝܚܗܿ ܕܚܙܬܐ ܗܿܝ܂ 61ܿ3 ܘܗܘ ܦܛܪܘܣ
2:144.15 ܐܡܪ ܕܐܢ ܣܝܡܘܢ ܗܕܐ ܙܒܢ̈ܬܐ ܗܘܬ ܠܝ܂ 61ܿ4 ܘܗܘ ܣܝܡܘܢ ܐܡܪ ܗܟܢܐ
2:144.16 ܗܟܝܠ ܐܦ ܗܫܐ ܠܗ ܠܪܥܝܢܟ ܡܬܘܚ ܠܫܡ̈ܝܐ܂ ܘܚܙܝ ܕܡܢܐ ܘܠܐ
2:144.17 ܕܢܗܘܐ ܐܝܬܘܗܝ ܗܿܘ ܐܬܪܐ ܕܠܒܪ ܡܢ ܥܠܡܐ܂ ܐܝܟܐ ܕܠܝܬ ܘܐܦܠܐ ܫܡܝܐ
2:144.18 ܘܐܦܠܐ ܐܪܥܐ܂ ܐܝܟܢܐ ܕܒܛܠܠܗܘܢ ܕܗܢܝܢ ܬܘܒ ܚܫܟܐ ܢܗܘܐ܂ 61ܿ5 ܕܒܗܕܐ
2:144.19 ܡܛܠ ܕܐܦ ܠܐ ܓܘܫ̈ܡܐ ܐܝܬܝܗܘܢ܂ ܘܐܦ ܠܐ ܚܫܟܐ ܕܠܐ ܣܟܐ ܡܢ
2:144.20 ܩܛܝܪ ܢܘܗܪܐ ܐܝܬܘܗܝ܂ ܘܢܘܗܪܐ ܕܐܝܟ ܐܝܢܐ ܗܟܢܐ ܐܬܚܫܒ܂ 61ܿ6 ܕܐܢ ܠܟܠܗ
2:144.21 ܥܠܡܐ ܡܠܐ ܗܢܐ ܢܘܗܪܗ ܕܫܡܫܐ ܕܐܝܬܘܗܝ ܓܘܫܡܐ ܙܥܘܪܐ ܐܝܟ
2:144.22 ܐܝܟܢܐ ܣܒܪ ܐܢܬ ܕܐܝܬܘܗܝ ܗܿܘ ܕܠܐ ܡܣܬܝܟ ܘܕܠܐ ܓܫܘܡ ܗܘ܂ ܗܢܐ
2:144.23 ܟܘܠܗ ܐܝܟ ܟܡܐ ܕܢܘܗܪܗ ܕܫܡܫܐ ܚܫܘܟܐ ܢܐܡܪ ܕܐܝܬܘܗܝ ܘܠܐ ܗܘܐ
2:144.24 ܢܘܗܪܐ܂ 62ܿ1 ܘܟܕ ܕܝܢ ܣܝܡܘܢ ܐܡܪ ܦܛܪܘܣ ܦܢܝ ܠܗ ܦܬܓܡܐ
2:144.25 ܘܐܡܪ܂ ܕܒܡܓܪܬ ܪܘܚܐ ܥܠ ܬܪ̈ܬܝܗܝܢ ܫܡܥ ܐܦ ܥܠ ܬܚܘܝܬܐ ܗܿܝ
2:144.26 ܕܚܘ̈ܫܒܐ ܘܐܦ ܥܠ ܗܿܘ ܢܘܗܪܐ ܕܠܐ ܡܬܕܪܟ܂ 62ܿ2 ܝܕܥ ܐܢܐ ܒܫܪܪܐ ܐܘ
2:144.27 ܣܝܡܘܢ ܕܗܘܝܬ ܒܚܘܫ̈ܒܐ ܘܠܪ̈ܥܝܢܝ ܡܬܚܬ ܠܓܙܪ̈ܬܐ ܪ̈ܚܝܩܬܐ
2:144.28 ܘܠܐܬܪ̈ܘܬܐ ܕܐܚܙܐ ܐܢܝܢ ܒܪܥܝܢܝ ܠܐ ܡܕܡ ܒܨܝܪ ܡܢ ܕܒܥܝ̈ܢܝ܂ 62ܿ3 ܘܟܕ
2:144.29 ܗܟܝܠ ܒܟܦܪܢܚܘܡ ܒܫܘܪܝܐ ܐܡܬܝ ܕܒܨܝܕܐ ܕܢܘ̈ܢܐ ܐܝܬܝ ܗܘܝܬ܂
2:144.30 ܘܥܠ ܟܐܦܐ ܝܬܒ ܗܘܝܬ ܘܒܠܘܥܐ ܒܥܘܡܩܐ ܫܕܐ ܗܘܐ ܠܝ܂ ܘܒܢܘܢܐ
2:144.31 ܕܐܬܨܝܕ ܠܐ ܐܪܓܫܬ܂ ܡܛܠ ܕܪܥܝܢܝ ܡܬܝܚ ܗܘܐ ܠܘܬ ܐܘܪܫܠܡ ܗܿܝ
2:144.32 ܕܡܚܒ ܗܘܝܬ ܕܠܗܿ ܙܒ̈ܢܬܐ ܣܓ̈ܝܐܬܐ ܒܥܠܬܐ ܕܩܘܪܒܢܐ ܐܙܠ ܗܘܝܬ
2:144.33 ܒܫܪܪܐ܂ 62ܿ4 ܒܪܡ ܕܝܢ ܐܦ ܠܩܣܪܝܐ ܗܕܐ ܕܣܓܝ̈ܐܐ ܡܬܕܡܪܝܢ ܗܘܘ ܒܗ
2:146.01 ܚܙܐ ܗܘܝܬ ܒܗ ܒܚܘܒܐ ܐܦ ܟܕ ܠܐ ܚܙܝܐ ܗܘܬ ܠܝ ܡܬܘܡ܂ ܘܡܬܚܫܒ
2:146.02 ܗܘܝܬ ܐܦ ܥܠܝܗܿ ܟܠܗܝܢ ܗܠܝܢ ܕܥܠ ܡܕܝܢܬܐ ܘܠܐ ܕܢܬܚܫܒ܂ ܐܦ
2:146.03 ܬܪ̈ܥܐ ܐܦ ܫܘܪ̈ܐ܂ ܘܐܦ ܒ̈ܠܢܘܬܐ ܘܫܘ̈ܩܐ ܘܒܪ̈ܝܬܐ ܘܗܠܝܢ ܕܢܩ̈ܦܢ
2:146.04 ܠܗܝܢ܂ 62ܿ5 ܘܗܢܐ ܟܠܗ ܣܒܪ ܗܘܝܬ ܕܚܙܐ ܗܘܝܬ ܠܗܝܢ܂ ܐܝܟܢܐ ܕܐܛܥܐ
2:146.05 ܢܦܫܝ ܒܫܪܪܐ ܐܝܟܢܐ ܕܐܦ ܐܢܬ ܩܕܡܬ ܐܡܪܬ܂ ܕܐܦ ܠܐ ܠܗܿܘ ܕܩܪܝܒ ܠܝ
2:146.06 ܐܚܙܐ܂ ܘܐܦ ܠܐ ܢܦܫܝ ܐܬܥܗܕ ܕܐܝܟܐ ܝܬܒ ܐܢܐ܂ 63ܿ1 ܣܟܐ ܗܟܝܠ ܙܒܢ̈ܬܐ
2:146.07 ܣܓ̈ܝܐܬܐ܂ ܡܚܫܒܬܝ ܝܬܝܪܐܝܬ ܒܡܕ̈ܝܢܬܐ ܪ̈ܚܝܩܬܐ ܒܛܝܠܐ ܗܘܬ ܒܗ
2:146.08 ܒܢܘܢܐ ܪܒܐ ܕܒܒܠܘܥܐ ܐܬܠܒܟ ܠܐ ܐܪܓܫܬ ܕܠܒܟܬܗ܂ ܟܕ ܗܢܐ ܟܘܠܗ
2:146.09 ܩܛܝܪܐܝܬ ܢܬܦ ܗܘܐ ܠܝ܂ ܐܝܟܢܐ ܕܢܦܫܗ ܗܼܘ ܢܘܢܐ ܡܢܝ ܢܚܛܘܦ
2:146.10 ܡܛܠ ܣܓܝܐܘܬܗ ܕܩܛܝܪܐ܂ ܘܐܢܐ ܕܝܢ ܠܐ ܡܪܓܫ ܗܘܝܬ܂ ܘܙܒܢ̈ܬܐ
2:146.11 ܣܓ̈ܝܐܬܐ ܡܬܐܠܨ ܗܘܝܬ ܕܐܦܠ܂ ܘܗܘ ܗܟܝܠ ܐܢܕܪܝܘܣ ܐܚܝ ܕܝܬܒ
2:146.12 ܗܘܐ ܨܐܕܝ܂ ܙܒܢ̈ܬܐ ܣܓ̈ܝܐܬܐ ܕܩܪ ܗܘܐ ܠܝ ܒܩܛܝܪܐ ܘܐܝܟ ܕܠܗܘ
2:146.13 ܕܣܓܝ ܕܡܝܟ ܡܥܝܪ ܗܘܐ ܠܝ܂ ܘܐܡܪ 63ܿ2 ܕܠܐ ܚܙܐ ܐܢܬ ܐܘ ܦܛܪܐ ܢܘܢܐ
2:146.14 ܗܿܘ ܕܨܕܬ܂ ܡܢܐ ܕܝܢ ܦܗܐ ܪܥܝܢܟ܂ ܘܡܢܐ ܓܕܫ ܠܟ ܠܐ ܬܟܦ ܕܬܐܡܪ
2:146.15 ܠܝ܂ 63ܿ3 ܘܐܢܐ ܕܝܢ ܩܠܝܠ ܪܓܙܬ ܥܠܘܗܝ܂ ܡܛܠ ܕܓܠܙܢܝ ܡܢ ܗܢܝܢ
2:146.16 ܕܚܒܝ̈ܒܢ ܗܘܝ ܥܠܝ܂ ܘܐܡܪܬ ܠܗ ܕܠܐ ܡܕܡ ܒܝܫ ܓܕܫ ܠܝ܂
2:146.17 ܠܐܘܪܫܠܡ ܓܝܪ ܗܿܝ ܕܚܒܝܒܐ ܠܝ ܚܙܐ ܗܘܝܬ܂ ܥܡܗܿ ܕܝܢ ܐܦ
2:146.18 ܠܩܣܪܝܐ܂ ܘܗܟܢܐ ܗܟܝܠ ܒܦܓܪܝ ܒܟܦܪܢܚܘܡ ܐܝܬܝ ܗܘܝܬ܂
2:146.19 ܘܒܢܦܫܝ ܕܝܢ ܒܐܘܪܫܠܡ ܘܒܩܣܪܝܐ ܦܗܐ ܗܘܝܬ܂ 63ܿ4 ܘܗܘ ܕܝܢ ܐܢܕܪܝܘܣ
2:146.20 ܠܐ ܝܕܥ ܐܢܐ ܐܝܟܢܐ ܡܠܬܐ ܟܣܝܬܐ ܕܫܪܪܐ64ܿ1 ܐܡܪ ܠܝ܂ ܕܚܙܝ ܫܡܥܘܢ
2:146.21 ܡܢܐ ܥܒܕܬ܂ ܗܢܘܢ ܓܝܪ ܕܥܬܝܕܝܢ ܕܕܝܘ̈ܢܐ ܢܗܘܘܢܿ ܘܡܢ ܬܪ̈ܥܝܬܗܘܢ
2:146.22 ܕܒܟܝܢܐ ܢܫܬܢܘܢܿ ܗܟܢܐ ܒܫܘܪܝܐ ܡܫܬܪܓܪܓܝܢ ܘܟܢ ܡܢ ܣܦܝܩܘܬܗ
2:146.23 ܕܦܘܪܓܝܐ ܕܗܢܝܢ ܕܠܐ ܐܝܬܝܗܝܢ ܡܕܥܗܘܢ ܡܣܬܦܩ܂ 64ܿ2 ܘܗܝ ܕܝܢ ܗܕܐ
2:146.24 ܐܝܬܝܗܿ ܕܢܦܫܐ ܡܐ ܕܡܬܠܒܟܐ ܒܟܘܪܗܢܐ ܘܠܐ ܚܙܝܐ ܗܢܝܢ ܕܐܝܬܝܗܝܢ
2:146.25 ܘܪܓܐ ܗܢܝܢ ܕܠܐ ܐܝܬܝܗܝܢ܂ 64ܿ3 ܐܟܙܢܐ ܓܝܪ ܕܗܢܘܢ ܕܫ̈ܢܝܐ ܐܢܘܢ ܙܒ̈ܢܬܐ
2:146.26 ܣܓ̈ܝܐܬܐ ܣܒܪܝܢ ܕܕܡ̈ܘܬܐ ܚܙܝܢ܂ ܡܛܠ ܢܦܫܗܘܢ ܕܛܪܝܕܐ ܒܫܥܝܘܬܐ
2:146.27 ܒܣܓܝܘܬܐ ܕܗܢܝܢ ܕܥܠܝܗܿ ܥܠ‍{‍ܢ‍}‍‍<‍ܝ‍>‍܂ ܘܗܟܢܐ ܐܦ ܟܠܗܘܢ ܗܢܘܢ ܕܒܙܒܢ
2:146.28 ܡܢ ܡܪܦܝܘܬܐ ܕܐܝܟ ܗܕܐ ܒܠܥܝܢ ܢܝܚܐܝܬ ܒܡܕܥܗܘܢ ܡܝܬܝܢ܂ ܘܗܢܝܢ
2:146.29 ܕܐܝܬܝܗܝܢ ܘܩܪ̈ܝܒܢ ܠܐ ܚܙܝܢ܂ ܘܗܢܝܢ ܕܝܢ ܕܠܐ ܐܝܬܝܗܝܢ ܐܝܟ ܗܘ
2:146.30 ܕܐܝܬܝܗܝܢ ܘܩܪ̈ܝܒܢ ܣܒܪܝܢ ܕܚܙܝܢ܂ 64ܿ4 ܘܗܟܢܐ ܕܝܢ ܬܘܒ ܐܦ ܣ̈ܓܝܐܐ
2:146.31 ܕܒܨܗܝܐ ܝܩܝܕܝܢ ܡܐ ܕܕܡܟܘ ܡܒܘ̈ܥܐ ܘܢܗܪ̈ܘܬܐ ܐܝܟ ܕܒܫܪܓܪܓܝܬܐ
2:146.32 ܚܙܝܢ ܘܟܕ ܣܒܪܝܢ ܕܫܬܝܢ ܡܕܡ ܠܐ ܫܬܝܢ܂ ܘܗܕܐ ܕܝܢ ܗܘܝܐ ܠܗܘܢ
2:148.01 ܕܡܢ ܝܒܝܫܘܬܗ ܕܦܓܪܐ ܢܦܫ̈ܬܗܘܢ ܡܬܡܣܝ̈ܢ 64ܿ5 ܚܫܐ ܗܟܝܠ
2:148.02 ܕܢܦܫܐ ܘܕܦܓܪܐ ܫܪܓܪ̈ܓܝܬܐ ܕܐܝܟ ܗܢܝܢ ܢܣܒܪ ܕܐܝܬܝܗܝܢ܂
2:148.03 65ܿ1 ܘܕܗܟܢܐ ܕܝܢ ܐܝܬܝܗܿ ܫܡܥ܂ ܠܐܘܪܫܠܡ ܗܿܝ ܕܡܚܒ ܐܢܬ܂ ܟܕ ܗܪܟܐ ܝܬܒ
2:148.04 ܐܢܬ܂ ܚܙܐ ܗܘܝܬ ܠܗܿ ܐܝܟ ܡܐ ܕܐܝܬܝܗܿ ܒܫܪܪܐ܂ ܡܩܕܡܐ ܗܘܬ ܓܝܪ
2:148.05 ܚܙܝܐ ܗܘܬ ܠܟ ܒܫܪܪܐ܂ 65ܿ2 ܗܐ ܕܝܢ ܐܦ ܠܩܣܪܝܐ ܒܕܡܘܬܗܿ ܐܡܪ ܐܢܬ
2:148.06 ܕܣܒܪܬ ܕܚܙܝܬ܂ ܘܐܢܐ ܕܝܢ ܒܬܪܥܝܬܐ ܕܛܠܝܘܬܐ ܕܣܒܪܬ ܕܒܫܪܪܐ ܗܟܢܐ
2:148.07 ܐܝܬܝܗܿ ܐܝܟ ܡܐ ܕܒܪܥܝܢܝ ܡܕܡܐ ܗܘܝܬ ܠܗܿ ܡܬܚܪܐ ܗܘܝܬ ܣܿܓܝ
2:148.08 ܘܡܫܬܒܗܪ ܗܘܝܬ܂ ܘܕܒܫܪܪܐ ܗܟܢܐ ܐܝܬܝܗܿ ܐܡܪ ܗܘܝܬ ܐܝܟ ܡܐ ܕܣܒܪ
2:148.09 ܗܘܝܬ܂ ܕܚܙܐ ܗܘܝܬ ܠܗ܂ 65ܿ3 ܟܕ ܕܝܢ ܠܟܐ ܐܬܝܬ ܒܣܪܬ ܢܦܫܝ ܕܐܦ
2:148.10 ܠܐ ܡܕܡ ܕܕܡܐ ܚܙܝܬ ܗܘܝܬ ܒܗ ܒܡܣܡ ܒܪܥܝܢܝ ܐܠܐ ܗܢܝܢ ܕܡܕܡܐ
2:148.11 ܗܘܝܬ ܡܢ ܡܕܡ ܕܝܕܥ ܗܘܝܬ ܡܢ ܬܪ̈ܥܐ܂ ܐܦ ܬܪ̈ܥܐ ܡܕܡܐ ܗܘܝܬ
2:148.12 ܒܪܥܝܢܝ ܒܫܪܪܐ ܡܢ ܗܢܘܢ ܕܡܩܕܡܝܢ ܚܙܝܢ ܗܘܘ ܠܝ܂ 65ܿ4 ܠܐ ܓܝܪ
2:148.13 ܐܢܫ ܡܫܟܚ ܕܡܕܡ ܚܕܬܐ ܢܕܡܐ܂ ܐܠܐ ܐܢ ܢܣܒ ܥ̈ܠܠܬܐ ܡܢ ܗܢܝܢ
2:148.14 ܕܡܘ̈ܬܐ ܕܡܩ̈ܕܡܢ ܚ̈ܙܝܢ ܠܗ܂ ܐܢ ܓܝܪ ܐܬܪܥܐ ܘܐܬܚܫܒ ܥܠ ܬܘܪ̈ܐ
2:148.15 ܕܚܡ̈ܫܐ ܪ̈ܫܝܗܘܢ ܠܐ ܡܟܝܠ ܐܝܬܝܗܘܢ ܕܚܡ̈ܫܐ ܪ̈ܫܝܗܘܢ܂ ܗܿܝ ܓܝܪ
2:148.16 ܡܚܫܒܬܐ ܕܥܠ ܗܢܘܢ ܕܚ̈ܡܫܐ ܪ̈ܫܝܗܘܢ ܡܢ ܗܢܘܢ ܕܡܩܕܡܝܢ ܚܙܝܢ
2:148.17 ܗܘܘ ܠܝ܂ ܕܚܕ ܪܫܗܘܢ ܡܣܬܒܪܐ ܠܝ܂ 65ܿ5 ܘܐܦ ܐܢܬ ܗܫܐ ܐܢ ܒܫܪܪܐ
2:148.18 ܗܢܝܢ ܕܐܡܪ ܐܢܬ ܕܒܪܥܝܢܟ ܕܡܬܚܬ ܣܒܪ ܐܢܬ ܕܚܙܝܬ܂ ܠܗܠ ܡܢ
2:148.19 ܫܡܝܐ ܥܕܡܐ ܠܗ ܠܗܘ ܕܠܐ ܡܣܬܝܟ܂ 65ܿ6 ܕܠܝܠܐ ܗܝ ܠܟ ܗܕܐ
2:148.20 ܕܬܡܬܘܚ ܪܥܝܢܟ ܠܠܒܘ̈ܬܐ ܕܐܢܫ ܐܢܫ ܡܢ ܗܢܘܢ ܕܩܪܝܒܝܢ܂ ܘܬܐܡܪ
2:148.21 ܠܢ ܬܪ̈ܥܝܬܗܘܢ܂ ܘܚܘܫ̈ܒܝܗܘܢ܂ 65ܿ7 ܐܠܐ ܠܐ ܗܘܐ ܕܗܢܘܢ ܒܢ̈ܝ ܪܥܝܢܟ
2:148.22 ܘܡܥܕܪ̈ܢܝܟ ܐܡܪ ܐܢܐ܂ 66ܿ1 ܘܠܘܩܒܠ ܗܠܝܢ ܗܘ ܣܝܡܘܢ ܦܢܝ ܦܬܓܡܐ܂
2:148.23 ܘܐܡܪ ܕܡܛܠ ܕܣܓܝ̈ܐܬܐ ܐܝܟ ܕܒܫ̈ܘܥܝܬܐ ܐܡܪ ܐܢܬ ܫܡܥ܂ 66ܿ2 ܠܐ ܗܟܝܠ
2:148.24 ܡܫܟܚܐ ܕܟܠ ܡܐ ܕܗܼܘ ܕܐܢܫ ܢܬܚܫܒ ܕܠܐ ܒܫܪܪܐ ܐܝܬܘܗܝ܂ ܗܢܝܢ
2:148.25 ܓܝܪ ܕܠܐ ܐܝܬܝܗܝܢ ܕܕܡܘܬܐ ܠܝܬ ܠܗܝܢ ܐܦܠܐ ܠܬܪܥܝܬܐ ܕܐܢܫ
2:148.26 ܡܫܟܚ̈ܢ ܕܢܐܬܝ̈ܢ܂ 66ܿ3 ܘܗܘ ܦܛܪܘܣ ܐܡܪ܂ ܕܗܿܘ ܗܟܝܠ ܡܐ ܕܗܼܘ ܐܢ
2:148.27 ܢܬܚܫܒ ܐܢܫ ܕܐܝܬܘܗܝ ܐܘ ܠܗ ܠܗܿܘ ܐܬܪܐ ܕܠܐ ܢܣܝ܂ ܐܢ ܗܘ ܕܗܿܘ
2:148.28 ܢܕܡܐ ܕܢܘܗܪܐ ܐܝܬܘܗܝ܂ ܘܗܿܘ ܕܝܢ ܚܫܟܐ ܗܘ܂ ܐܝܟܢܐ ܬܘܒ ܡܫܟܚܐ
2:148.29 ܕܗܘ ܟܕ ܗܘ ܢܘܗܪܐ ܢܗܘܐ ܘܚܫܟܐ܂
2:148.30 66ܿ4 ܘܗܘ ܣܝܡܘܢ ܐܡܪ܂ ܕܐܪܦܐ ܗܫܐ ܗܿܘ ܡܕܡ ܕܐܢܐ ܐܡܪܬ܂ ܐܢܬ ܡܢܐ
2:148.31 ܡܬܚܫܒ ܐܢܬ ܥܠ ܫܡ̈ܝܐ ܐܡܪ ܠܝ܂ 67ܿ1 ܘܗܘ ܦܛܪܘܣ ܐܡܪ ܕܐܠܘ ‍<‍ܠܐ‍>‍
2:148.32 ܠܡܒܘܥܗ ܗܿܘ ܕܢܘܗܪܐ ܛܠܡ ܗܘܝܬ ܡܚܘܐ ܗܘܝܬ ܠܟ܂ ܕܡܢܐ
2:148.33 ܐܝܬܘܗܝ ܘܐܝܟܢܐ ܗܼܘ ܗܿܘ ܕܠܐ ܡܣܬܝܟ܂ 67ܿ2 ܘܠܐ ܗܘܐ ܫܪܓܪܓܝܬܐ