The Comprehensive Aramaic Lexicon

272:01	ܕܩܕܝܫܐ ܡܪܝ ܐܦܪܝܡ ܡܢ ܐܓܪܬܐ ܕܠܘܬ ܦܘܦܠܝܘܣ
272:02	ܫܦܝܪ ܕܝܢ ܥܒܿܕ ܐܢܬ܂ ܕܡܚܙܝܬܐ ܡܪܝܩܬܐ ܕܣܒܪܬܗ
272:03	ܩܕܝܫܬܐ ܕܡܪܟ ܡܢ ܐܝܕ̈ܝܟ ܠܐ ܢܿܦܠܐ܂ ܗܿܝ ܕܗܝ ܡܡܪܝܐ
272:04	ܠܟܠ ܕܚܐܿܪ ܒܗܿ܂ ܘܗܼܝ ܡܕܡܝܐ ܠܟܠ ܡܢ ܕܡܬܒܩܐ ܒܗܿ܂
272:05	ܘܟܕ ܗܝ ܟܝܢܗܿ ܢܛܪܐ܃ ܘܫܘܚܠܦܐ ܠܐ ܡܿܩܒܠܐ܃ ܘܡܢ
272:06	ܟܘܬܡ̈ܬܐ ܪܚܝܩܐ܃ ܘܡܢ ܨܐܘܬܐ ܡܿܒܪܝܐ܃ ܠܘܩܒܠ ܟܠ
272:07	ܓܘܢ̈ܝܢ ܡܫܬܚܠܦܐ ܠܡܗܘܐ܃ ܟܕ ܠܐ ܡܫܬܚܠܦܐ܃
272:08	ܠܘܩܒܠ ܚܘܪ̈ܐ ܐܟܘܬܗܘܢ ܗܘܿܝܐ܂ ܘܠܘܩܒܠ ܐܘܟܡ̈ܐ
272:09	ܒܕܡܘܬܗܘܢ܂ ܫܿܚܡܐ܂ ܘܠܘܩܒܠ ܣܘ̈ܡܩܐ ܐܟܘܬܗܘܢ
272:10	ܣܘܡܩܐ܂ ܘܠܘܩܒܠ ܫܦܝܪ̈ܐ ܐܟܘܬܗܘܢ ܫܿܦܪܐ܂ ܘܠܘܩܒܠ
272:11	ܣ̈ܢܝܐܐ ܐܟܘܬܗܘܢ ܡܟܐܪܐ܂ ܘܠܟܠܗܘܢ ܗܕܡ̈ܐ܃ ܒܓܘܗܿ
273:01	ܨܝܿܪܐ܂ ܘܠܣ̈ܢܝܐ‍<‍ܐ‍>‍ ܡܿܟܣܐ ܒܡܘ̈ܡܝܗܘܢ܃ ܕܢܐܣܘܢ
273:02	ܢܦܫܗܘܢ܃ ܘܢܿܥܒܪܘܢ ܫܘܚܪ̈ܐ ܡܢ ܐܦܝ̈ܗܘܢ܃ ܘܠܫܦܝܪ̈ܐ
273:03	ܡܟܪܙܐ ܕܢܙܕܗܪܘܢ ܒܫܘܦܪܗܘܢ܃ ܕܠܐ ܢܬܟܬܡ ܒܨܐܘܬܐ܂
273:04	ܘܢܘܣܦܘܢ ܐܦ ܗܼܢܘܢ ܒܨܒ̈ܬܐ ܕܨܒܝܢܗܘܢ ܥܠ ܟܝܢܐ
273:05	ܕܒܪܝܬܗܘܢ܂ ܘܟܕ ܫܬܝܩܐ ܡܡܠܠܐ܂ ܘܟܕ ܫܠܝܐ ܩܥܝܐ܃
273:06	ܘܟܕ ܡܣܬܒܪܐ ܕܡܝܼܬܐܼ ܡܟܪܙܐ܂ ܘܟܕ ܫܠܝܐ ܪܦܿܣܐ܂ ܘܟܕ
273:07	ܠܝܬ ܠܗܿ ܟܪܣܐܼ ܪܘܝܚ ܥܘܒܗܿ܃ ܘܬܡܢ ܒܗ‍<‍ܢ‍>‍ܘܢ
273:08	ܬܘܘ̈ܢܐ ܟܣ̈ܝܐ ܕܒܓܘܗܿ܃ ܟܠܗܘܢ ܗܕ̈ܡܝܢ ܡܬܬܨܝܪܝܢ܂
273:09	ܘܟܠܗܘܢ ܓܘܫ̈ܡܝܢ ܡܬܪܟܒܝܢ ܒܛܘܪܐ ܙܥܘܪܐ ܕܫܥܬܐ
273:10	ܒܓܘܗܿ ܡܬܒܪܝܢ܃ ܒܩܠܝܠܘܬܐ ܕܠܐ ܡܬܕܪܟܐ܂
273:11	ܛܠܢܝܬܐ ܗܝ ܓܝܪ ܗܕܐ ܡܚܙܝܬܐ܂ ܕܣܒܪܬܐ ܩܕܝܫܬܐ
273:12	ܕܐܘܢܓܠܝܘܢ ܒܪܝܐ܂ ܕܒܓܘܗܿ ܡܬܬܨܝܪ ܫܘܦܪܐ ܕܫܦܝܪ̈ܐ
273:13	ܕܚܝܪ̈ܝܢ ܒܗܿ܂ ܘܒܗܿ ܬܘܒ ܡܬܟܣܣܝܢ܃ ܡܘ̈ܡܐ ܕܣ̈ܢܝܐ‍<‍ܐ‍>‍
273:14	ܕܡܬܒܣܝܢ ܒܗܿ܂ ܘܐܝܟܢܐ ܡܚܙܝܬܐ ܗܕܐ ܕܟܝܢܐ܃ ܛܠܢܝܬܐ
273:15	ܗܝ ܕܐܘܢܓܠܝܘܢ܂ ܗܟܢܐ ܘܐܦ ܐܘܢܓܠܝܘܢ ܛܠܢܝܬܐ ܗܘ܃
274:01	ܕܗܘܿ ܫܘܦܪܐ ܥܠܝܐ܂ ܕܠܐ ܚܡܿܐ ܗܘܿ ܕܒܗ ܡܬܟܣܣܝܢ
274:02	ܟܠܗܘܢ ܚܛܗ̈ܝܗܿ ܕܒܪܝܬܐ܂ ܕܒܗ ܡܬܝܗܒ ܦܘܪܥܢܐ܃
274:03	ܠܟܠ ܕܢܛܪܘ ܫܘܦܪ̈ܝܗܘܢ܃ ܕܠܐ ܢܬܦܠܦܠܘܢ ܒܣܝܢܐ܂ ܟܠ
274:04	ܡܿܢ ܕܡܬܒܩܐ ܓܝܪ܃ ܒܗܕܐ ܡܚܙܝܬܐ܂ ܒܗܿ ܡܬܚܙܝܢ
274:05	ܚܛܗ̈ܘܗܝ܂ ܘܟܠ ܡܿܢ ܕܡܬܒܿܝܢ ܒܗܿ܃ ܬܡܢ ܚܿܙܐ ܠܡܿܢܬܐ
274:06	ܕܢܛܝܪܐ ܠܗ܂ ܐܘ ܕܛܒܐ ܐܘ ܕܒܝܼܫܐ܂ ܬܡܢ ܨܝܪܐ ܡܠܟܘܬܐ
274:07	ܕܫܡܝܐ܃ ܘܡܬܚܙܝܗ ܠܐܝܠܝܢ ܕܐܝܬ ܠܗܘܢ ܥܝܢܐ ܫܦܝܬܐܿ܂
274:08	ܬܡܢ ܡܬܚܙܝܢ܃ ܕܪ̈ܓܐ ܪ̈ܡܐ ܕܛܒ̈ܐ܂ ܬܡܢ ܡܬܦܪܫ‍[‍ܝܢ
274:09	ܕܪ̈ܓܐ ܪ̈ܡܐ ܕܡܨܥ̈ܝܐ܃ ܘܬܡܢ ܪܫܝܼܡܝܢ܃ ܕܪ̈ܓܐ ܬܚ̈ܬܝܐ
274:10	ܕܒܝ̈ܫܐ܂ ܬܡܢ ܝܕܝܥܝܢ ܐܬܪ̈ܘܬܐ ܫܦܝܪ̈ܐ܃ ܕܡܿܛܝܒ‍<‍ܝ‍>‍ܢ
274:11	ܠܐܝܠܝܢ ܕܫܘܿܝܢ ܠܗܘܢ܂ ܬܡܢ ܡܬܚܙܐ ܦܪܕܝܣܐ܂ ܟܕ ܪܘܙ
274:12	ܒܗܒ̈ܒܘܗܝ܂
274:13	ܒܗܿܝ ܡܚܙܝܬܐ܃ ܡܬܚܙܝܐ ܟܕ ܫܓܝܪܐ܃ ܠܐܝܠܝܢ
274:14	ܕܫܘܝܢ ܕܬܡܢ ܢܥܡܪܘ܃ ܒܦܪܕܝܣܐ ܡܘ̈ܠܟܢܝܗܘܢ ܡܬܓ̈ܐܝܢ
274:15	ܕܛܒ̈ܐ܃ ܟܕ ܡܿܣܟܝܢ ܕܠܐܡܬܝ ܢܩܒܠܘܢ ܠܡܪ̈ܝܗܘܢ܃
274:16	ܒܐ̈ܦܐ ܓܠܝ̈ܬܐ܃ ܘܒܓܗܢܐ ܡܬܬܥܝܩܝܢ ܡܘ̈ܠܟܢܝܗܘܢ
274:17	ܕܒܝܼ̈ܫܐ܃ ܕܐܡܬܝ ܢܚܙܘܢ ܠܡܪ̈ܝܗܘܢ܃ ܒܩܘܡܬܐ ܡܪܟܢܬܐ܂
274:18	ܬܡܢ ܚܫܘܟܐ ܒܪܝܐ ܓܠܝܐܝܬ ܡܬܚܙܐ܃ ܘܡܢ ܓܘܗ ܡܫܬܡܥ܃
275:01	ܩܠ ܐܠܝܐܼ ܘܒܟܼܝܐ܂ ܘܬܐܢ̈ܚܬܐ ܘܚܘܪܩ ܫ̈ܢܐ܃ ܬܡܢ ܡܢ
275:02	ܦܟܪ̈ܝܗܘܢ ܡܝܠܠܝܢ ܟܕ ܡܫܬܢܩܝܢ܃ ܘܚܝܠܐ ܡܬܬܘܣܦ ܠܗܘܢ
275:03	ܠܒܝܫܘܬܗܘܢ܂ ܕܢܬܛܪܦܘܢ ܟܐܢܐܝܬ܂
275:04	ܬܡܢ ܥܬܝܪܐ ܗܘ ܕܠܒܘ̈ܫܘܗܝ ܟܠܝܘܡ ܒܝܘܡ ܡܚܠܦ
275:05	ܗܘܐ܂ ܘܡܬ‍{‍ܟܗ‍}‍‍<‍ܒܣ‍>‍ܡ ܒ̈ܓܐܘܬܗ܃ ܡܝܠܠ ܡܢ ܓܘ ܫܝܘܠ
275:06	ܘܬܫܢܝܩܐ ܬܡܢ ܩܠܐ ܚܢܝܓܐ ܕܥܬܝܪܐ ܡܫܬܡܥ܂ ܟܕ
275:07	‍<‍ܠ‍>‍ܐܒܪܗܡ ܐܒܐ ܕܙܕܝܩ̈ܐ ܩܿܪܐ܃ ܕܫܕܪ ܠܠܥܙܪ ܒܪܟ܃
275:08	ܕܢܪܬܒ ܠܝ ܠܫܢܝ ܕܗܐ ܐܠܝܨ ܐܢܐ܃ ܕܚ̈ܛܗܝ ܡܘܩܕܝܢ ܠܝ܂
275:09	ܘܒܝ̈ܫܬܝ ܐܝܟ ܓܘܡܪ̈ܐ ܕܒܠܘܛܐ ܡ̈ܛܓܢܢ ܠܝ܂ ܘܩܠܐ
275:10	ܬܪܝܨܐ ܐܝܟ ܐܝܙܓܕܐ ܩܠܝܠܐ ܡܢ ܦܘܡܐ ܟܐܢܐ ܠܘܬ
275:11	ܥܘܿܠܐ ܐܫܬܕܪ ܗܘܐ܂ ܟܕ ܠܥܠ ܡܢ ܦܚܬܐ ܕܚܝܠܐ܃ ܗܘܿ
275:12	ܕܐܬܬܣܝܡ ܬܚܘܡܐ ܒܝܬ ܛܒ̈ܐ ܠܒܝ̈ܫܐ܃ ܒܓܝܕܗ ܬܪܝܨܐܝܬ
275:13	ܛܐܿܣ ܗܘܐ܂ ܘܐܓܪܬܐ ܕܟܐܢܘܬܐ܃ ܒܐܝܕܗ ܬܪܝܨܐܝܬ
275:14	ܫܩܝܠ ܗܘܐ܂ ܕܐܬܟܬܒܬ ܡܢ ܦܘܡܐ ܟܐܢܐ܃ ܘܐܫܬܕܪܬ
275:15	ܠܐܕܢܐ ܚܪܝܫܬܐ ܕܗܘܿ ܕܡܡܬܘܡ ܬܪܥܐ ܕܐܕܢܗ܃ ܕܢܥܘܠ
275:16	ܒܗܿ ܩܠܐ ܩܕܝܫܐ܃ ܠܐ ܦܬܚ ܗܘܐ܂ ܘܒܐܓܪܬܐ ܗܿܝ܃
276:01	ܕܒ‍<‍ܕ‍>‍ܡܘܬ ܐܝܙܓܕܐ ܩܠܝܠܐ ܡܘܒܠ ܗܘܐ܃ ܗܠܝܢ
276:02	ܢ̈ܥܡܬܐ ܕܕܝܢܐ ܟܐܢܐ܃ ܒܓܘܗܿ ܪ̈ܫܝܡܢ ܗܘ̈ܝ܂ ܒܪܝ
276:03	ܐܬܕܟܪ ܕܩܒܠܬ ܛܒ̈ܬܟ ܒܚܝ̈ܝܟ ܘܓܐܘ̈ܬܟ܃ ܘܠܥܢܪ
276:04	ܩܒܠ ܒܝ̈ܫܬܗ ܘܐܘ̈ܠܨܢܘܗܝ ܡܢ ܩܕܝܡ܂ ܘܗܫܐ ܠܐ ܡܫܟܚ
276:05	ܕܢܐܬܐ ܢܥܕܪܟ ܒܬܫ̈ܢܝܩܝܟ܃ ܡܢ ܕܠܐ ܥܕܪܬܝܗܝ ܒܬܫ̈ܢܝܩܐ
276:06	ܕܟܘܪ̈ܗܢܘܗܝ܂ ܡܛܠ ܗܢܐ ܒܿܥܐ ܐܢܬ ܡܢܗ ܕܢܥܕܪܟ܂ ܐܝܟ
276:07	ܕܒܥܼܐ ܗܘܐ ܡܢܟ ܕܬܥܕܪܝܘܗܝ܃ ܘܠܐ ܨܒܝܼܬ܂ ܘܠܐ ܡܫܟܚ
276:08	ܕܢܐܬܐ܃ ܡܛܠ ܕܦܚܬܐ ܗܘ ܪܒܐ ܕܠܐ ܡܬܥܒܪ܂ ܐܝܬ
276:09	ܒܝܢܬܢ܂ ܘܠܐ ܡܢܟܘܢ ܡܫܟܚ ܕܢܐܬܐ ܠܘܬܢ܃ ܘܐܦܠܐ
276:10	ܡܢܢ܃ ܕܢܐܬܐ ܠܘܬܟܘܢ܂
276:11	ܐܨܕ ܬܘܒ ܘܚܘܪ ܒܥܝܢܐ ܕܬܪܥܝܬܟ܃ ܒܗܝ ܡܚܙܝܬܐ
276:12	ܕܡܢ ܠܥܠ ܐܡܪܬ ܠܟ܂ ܘܚܘܪ ܒܬܪ̈ܥܣܪ ܟܘܪ̈ܣܘܢ ܕܒܓܘܗܿ
276:13	ܡܬܩܢܝܢ ܠܕܝܢܼܐ܂ ܚܘܪ ܒܫܪ̈ܒܬܐ ܟܕ ܩܝ̈ܡܢ ܒܙܘܥܐ܃ ܘܒܥ̈ܡܡܐ
276:14	ܣܓܝ̈ܐܐ ܟܕ ܩܝܡܝܢ ܒܪܥܠܐ܃ ܚܘܪ ܒܩܘ̈ܡܬܐ ܟܕ ܢܝ̈ܕܢ܃
276:15	ܘܒܘܪ̈ܟܐ ܟܕ ܢܩ̈ܫܢ܂ ܚܘܪ ܒܠܒ̈ܝܗܘܢ ܟܕ ܛܪܦܝܢ܂ ܘܒܪ̈ܥܝܢܝܗܘܢ
276:16	ܟܕ ܡܬܡܣܝܢ܂ ܚܘܪ ܒܐܦܝ̈ܗܘܢ ܟܕ ܡܪܟܢܢ܂ ܘܒܒܗܬܬܗܘܢ
277:01	ܕܩܛܝܪܐ ܥܠܝܗܘܢ܃ ܐܝܟ ܥܪܦܠܐ܃ ܚܘܪ ܒܢܦܫ̈ܬܗܘܢ ܟܕ
277:02	ܡ̈ܦܣܕܢ܃ ܘܪ̈ܘܚܬܗܘܢ ܟܕ ܡ̈ܛܦܦܢ܃ ܚܘܪ ܒܕܡ̈ܥܝܗܘܢ
277:03	ܟܕ ܫܚ̈ܠܢ܃ ܘܥܦܪܐ ܕܬܚܘܬܝܗ‍[‍ܘܢ‍]‍ ܡܬܪ̈ܝܢ܂ ܚܘܪ ܒܓܘ̈ܢܝܗܘܢ
277:04	ܕܠܝܪܩܢܐ ܡܬܗܦܟܝܢ܃ ܘܓܘܢܐ ܫܿܩܠ܂ ܘܠܚܒܪܗ ܡܝܒܠ܂
277:05	ܚܘܪ ܒܐ̈ܦܝܗܘܢ ܕܪ̈ܘܙܢ ܗܘ̈ܝ܃ ܕܐܬܗܦܟ ܠܡܗܘܐ ܐܝܟ
277:06	ܫܘܚܪ̈ܐ ܕܩܕܪܐ܂ ܫܡܥ ܚܢܓ̈ܬܗܘܢ ܟܕ ܪ̈ܒܝܢ܃ ܘܢܗܡܬܗܘܢ
277:07	ܟܕ ܐܠܝܐ܂ ܫܡܥ ܠܬܐܢܚܬܗ̈ܘܢ ܟܕ ܡܬܓܢ̈ܚܢ܃ ܘܟܒܕ̈ܬܗܘܢ
277:08	ܟܕ ܛܪ̈ܦܢ܂ ܚܘܪ ܒܥܿܒ̈ܕܝܗܘܢ ܒܥܿܒ̈ܕܝܗܘܢ ܕܒܟܣܝܐ܃ ܕܒܟܣܝܐ܃ ܕܒܟܣܝܐ܃ ܕܗܘܘ ܠܗܘܢ
277:09	ܒܓܠܝܐ܂ ܘܕܒܚܫܘܟܐ ܘܕܒܚܫܘܟܐ ܘܕܒܚܫܘܟܐ ܘܕܒܚܫܘܟܐ ܐܣܬܥܪܘ ܕܐܬܕܢܚܘ ܠܗܘܢ ܐܝܟ
277:10	ܫܡܫܐ܂ ܘܕܒܟܗܝܐ ܘܕܒܟܗܝܐ ܘܕܒܟܗܝܐ ܘܕܒܟܣܝܐ ܣܿܥܪܝܢ ܗܘܘ܃ ܒܩܠܐ ܒܩܠܐ ܪܡܐ ܡܒܿܓܢܝܢ܂
277:11	ܚܘܪ ܟܕ ܟܠܢܫ ܩܐܡ܃ ܘܥܿܒ̈ܕܘܗܝ ܘܥܿܒ̈ܕܘܗܝ ܩܕܡܘܗܝ܃ ܘܩܪ̈ܨܘܗܝ ܘܩܪ̈ܨܘܗܝ ܩܕܡ
277:12	ܕܝܢܿܗ ܒܟܐܢܘܬܐ ܒܟܐܢܘܬܐ ܐܟܠܝܢ܂ ܚܘܪ ܒܡܚܫ̈ܒܬܗܘܢ ܒܝ̈ܫܬܐ܂
277:13	ܕܐܬܓܫܡܝ ܕܐܬܓܫܡܝ ܠܗܝܢ܃ ܘܩܕܡ ܘܩܕܡ ܐܦ̈ܐ ܕܡܪ̈ܝܗܝܢ܃ ܕܡܪ̈ܝܗܝܢ܃ ܩܝ̈ܡܢ ܘܡܩܛܪܓܢ܂ ܘܡܩܛܪܓܢ܂
277:14	ܚܘܪ ܒܠܘܚ̈ܫܬܐ܃ ܒܠܘܚ̈ܫܬܐ܃ ܟܕ ܩ̈ܥܝܢ ܒܩܠܐ ܒܩܠܐ ܪܡܐ܃ ܘܦܚ̈ܐ ܘܦܚ̈ܐ ܛܡܝܪ̈ܐ܃
277:15	ܟܕ ܡܬܓܠܝܢ ‍[‍ܩܕܡ‍]‍ ܢܦܫ̈ܬܗܘܢ܂
278:01	ܘܒܬܪ ܩܠܝܠ܂
278:02	ܚܘܪ ܒܗܘܿ ܕܝܿܢܐ ܕܟܐܢܘܬܐ ‍[‍ܟܕ ܝ‍]‍ܬܒ܂ ܒܗܘܿ ܡܠܬܐ
278:03	ܕܐܒܘܗܝ܃ ܒܗܘܿ ܚܟܡܬܐ ܕܟܝܢܗ܂ ‍[‍ܒ‍]‍ܗܘܿ ܕܪܥܐ ܕܬܫܒܘܚܬܗ܂
278:04	ܒܗܘܿ ܝܡܝܢܐ ܕܪ̈ܚܡܘܗܝ܂ ܒܗܘܿ ‍[‍ܙ‍]‍ܠܝܩܐ ܕܢܘܗܪܗ܂ ܒܗܘܿ
278:05	ܕܢܚܐ ܕܢܝܚܗ܂ ܒܗܘܿ ܫܘܿܐ ܒܐܝܬܘܬܐ ܕܝܠܘܕܗ܂
278:06	ܒܗܘܿ ܡܬܡܬܚ ܥܡ ܟܝܢܐ ܕܡܢܗ ܨܡܚ܃ ܒܗܘܿ ܕܩܪܝܒ
278:07	ܠܗ ܘܪܚܝܩ ܡܢܗ܂ ܒܗܘܿ ܕܚܠܝܛ ܥܡܗܼ ܘܦܪܝܫ ܡܢܗ܂ ܠܘܬܗ
278:08	ܘܠܐ ܒܪܘܚܩܐ܂ ܒܪ ܝܡܝܢܗܼ ܘܠܐ ܒܛܘܿܪܐ܂ ܒܪ ܡܘܬܒܗ
278:09	ܘܠܐ ܐܝܟ ܢܘܟܪܝܐ܃ ܬܪܥܐ ܕܚ̈ܝܐ܃ ܐܘܪܚܐ ܕܫܪܪܐ܂
278:10	ܐܡܪܐ ܡܚܣܝܢܐ܂ ܕܒܚܐ ܡܿܕܟܝܢܐ܂ ܟܗܢܐ ܡܥܒܪ ܚܘ̈ܒܐ܂
278:11	ܪܣܣܐ ܡܕܟܝܢܐ܂ ܒܪܘܝܐ ܕܥܿܒ̈ܕܐ܂ ܨܝܘܪܐ ܘܡܟܝܢܢܐ܃
278:12	ܓܒܘܠܐ ܕܒܪ̈ܝܬܐ܂ ܝܗܿܒ ܪܓܫܬܐ ܠܥܦܪܐ܂ ܡܠܒܫ
278:13	ܡܪܓܫܢܘܬܐ ܠܕܚܝܚܐ܂ ܝܗܿܒ ܙܘܥܐ ܠܟܠ ܒܣܪ܂ ܡܿܦܪܫ
278:14	ܕܘܟܝ̈ܬܐ ܕܟܠܓ̈ܢܗܝܢ܂ ܡܫܿܓܢܐ ܦܪ̈ܨܘܦܐ ܕܠܐ ܡܢܝܢ܂
278:15	ܡܿܚܠܦ ܬܪ̈ܥܝܬܐ ܕܟܠ ܛܘ̈ܗܡܝܢ܂ ܙܪܥ ܟܠ ܚܟܡܐ ܒܟܠܐ܂
279:01	ܡܬܘܚܐ ܕܫܡܝܐ܂ ܡܨܒܬܢܐ ܕܢܗܝܪ̈ܐ܂ ܩܪܐ ܫܡܗ̈ܐ
279:02	ܠܟܠܗܘܢ܂ ܪܩܘܿܥܐ ܕܐܪܥܐ܃ ܥܠ ܫܬܐܣܬܐ ܕܠܐ ܡܬܡܝܫܐ܂
279:03	ܐܪܕܟܠܐ ܕܛܘܪ̈ܐ܂ ܒܢܝܐ ܕܪ̈ܡܬܐ܂ ܦܩܘܕܐ ܕܥܣ̈ܒܐ܂
279:04	ܡܫܘܚܢܐ ܕܐܝ̈ܠܢܐ܂ ‍{‍ܡܟܛܢܢܐ‍}‍‍<‍ܡܒܛܢܢܐ‍>‍ ܕܩܝ̈ܣܐ܂ ܡܘܠܕܢܐ ܕܦܐܪ̈ܐ܂
279:05	ܡܦܪܫܢܐ ܕܛܥܡ̈ܛܐ܂ ܝܗܿܒ ܓܘܢܐ ܕܦܩ̈ܚܐ܃ ܘܕܡܘ̈ܬܐ
279:06	ܠܟܠ ܗ̈ܒܒܝܢ܃ ܕܡܫܚ ܫܡܝܐ ܒܙܪܬܗ܃ ܒܗܿܝ ܐܝܕܐ ܕܠܐ
279:07	ܡܬܡܫܚܐ܂ ܕܐܟܝܠ ܒܙܘܪܗ ܥܦܪܗܿ ܕܐܪܥܐ܃ ܒܗܿܝ ܝܡܝܢܐ
279:08	ܕܠܐ ܡܬܬܟܝܠܐ܂ ܘܬܩܼܠ ܛܘܪ̈ܐ ܒܡܬܩ̈ܠܐ܃ ܒܝܕܥܬܐ ܕܠܐ
279:09	ܡܬܕܪܟܐ܂ ܘܪ̈ܡܬܐ ܒܡܣܬܐ ܒܒܘܝܢܐ ܕܠܐ ܛܥܿܐ܂ ܒܗܘܿ
279:10	ܕܩܒ̈ܝܬܐ ܕܝܡܡܐ ܕܠܒܪ̈ܝܬܐ ܚܕܝܪ̈ܢ܃ ܘܬܗ̈ܘܡܘܗܝ ܕܝܡܐ܃
279:11	ܗܘܿ ܕܡܢܢ ܠܐ ܡܬܬܡܝܫ܂ ܗܘܿ ܕܐܦܠܐ ܐܝܟ ܢܘܛܦܬܐ܃
279:12	ܬܡܢ ܩܕܡܘܗܝ ܚܫܝܒܝܢ܂
279:13	ܐܠܗܐ ܕܡܢ ܐܠܗܐ܃ ܢܘܗܪܐ ܬܪܝܿܢܐ ܕܐܝܬܘܬܐ܂ ܒܝܬ
279:14	ܓܙܐ ܕܟܠ ܥܘܬܪ̈ܝܢ܂ ܕܐܬܥܒܼܕܘ ܘܕܥܬܝܕܝܢ܂ ܕܝܿܢܐ ܕܫܪ̈ܒܬܐ܂
279:15	ܟܝܠܐ ܕܟܐܢܘܬܐ܂ ܡܣܐܬܐ ܕܠܐ ܢܟܠܐ܂ ܩܢܝܐ ܫܘܝܐ܂
279:16	ܟܦܿܐ ܕܠܐ ܙܐܦܐ܂ ܚܟܡܬܐ ܕܠܐ ܛܿܥܝܐ܂ ܪܥܝܢܐ ܕܠܐ
279:17	ܡܬܥܒܼܪ܂ ܡܚܠܦܢܐ ܕܒܪ̈ܝܬܐ܂ ܡܚܕܬܢܐ ܕܟܝ̈ܢܐ܂
280:01	ܡܢܚܡܢܐ ܕܡܝܬܘܬܐ܂ ܩܿܒܠ ܥܪܦܠܐ ܕܚܫܟܐ܂ ܡܿܒܛܠ
280:02	ܫܘܠܛܢܗ ܕܥܘܠܗ܂ ܫܿܪܐ ܐܝܕܗܿ ܕܫܝܘܠ܂ ܬܒܿܪ ܥܘܩܣܗܿ
280:03	ܕܒܝܫܬܐ܂ ܡܦܩ ܚܒܝ̈ܫܐ ܠܢܘܗܪܐ܂ ܡܩܝܡ ܥ̈ܓܝܢܐ ܕܐܒܕܢܐ܂
280:04	ܩܦܘܠܗ ܕܥܡܛ‍[‍ܢܐ‍]‍ ܡܫܿܘܝܢܐ ܕܢܝܚܐ܂ ܦܬܿܚ ܦܘܡܐ
280:05	ܕܣܟܝܪ̈ܐ܂ ܢܦܿܚ ܢܦܫܐ ܐܝ‍[‍ܟ‍]‍ ܕܡܢ ܩܕܝܡ ܀܀
280:06	ܚܘܪ ܒܗ ܗܟܝܠ ܒܗܘܿ ܝܠܕܐ ܐܠ‍[‍ܗܝܐ‍]‍ ܕܥܒܿܪܝܢ
280:07	ܫܡܘ̈ܗܝ ܠܡܢܝܢܐ ܕܒܪܝܬܐ܂ ܘܝܬܝܪܝܢ ܟܘ̈ܢ‍[‍ܝܘܗܝ‍]‍ ܡܢ
280:08	ܚܘܫ̈ܒܢܝܗ ܕܬܒܝܠ܂ ܡܿܠܟܐ ܕܡ̈ܠܟܐ܂ ܡܫܝܚܐ ܡܫܪ‍[‍ܪ
280:09	ܡܢ‍]‍ ܢܒ̈ܝܐ܂ ܕܡܡܠܠ ܒܢܒ̈ܝܐ܂ ܫܿܠܘܚܐ ܕܪܘܚܐ܂ ܡܿܩܕܫ
280:10	ܒܪܘܚܐ ܠܟܠ ܢܦܫ܂ ܕܝܕܝܥܐ ܥܘܕܪܢܗ܂ ܐܬܒܿܝܢ ܒܗܢܐ
280:11	ܝܚܝܕܝܐ ܣ̈ܓܝ ܫ̈ܡܗܐ܂ ܒܗܢܐ ܥܒܿܕ ܨܒܝܢܐ ܕܫܠܘܚܗ܂
280:12	ܒܗܢܐ ܕܨܒܝ܂ܢܿܗ ܫܿܠܡ ܠܨܒܝܢܐ ܕܝܠܘܼܕܗ܂ ܚܘܪ ܒܗ
280:13	ܒܗܘܿ ܝܘܡܐ܃ ܟܕ ܝܬܝܒ ܡܢ ܝܡܝܢܐ ܕܝܠܘܕܗ܂ ܟܕ ܡܩܝܡ
280:14	ܐܡܪ̈ܐ ܡܢ ܝܡܝܢܗ܃ ܒܗܝܿ ܫܥܬܐ܃ ܘܓܕ̈ܝܐ ܡܢ ܣܡܠܗ
281:01	ܒܗܘܿ ܥܕܢܐ܂ ܟܕ ܩܿܪܐ ܠܒܪ̈ܝܟܘܗܝ ܕܬܘ ܝܪܬܘ ܡܠܟܘܬܐ܃
281:02	ܗܝ ܕܡܢ ܩܕܝܡ ܠܗܘܢ ܡܥܬܕܐ ܗܘܬ ܒܝܕܥܬܐ܂ ܘܡܢ ܒܪܝܫܝܬ
281:03	ܠܗܘܢ ܡܛܝܒܐ܂ ܟܕ ܡܩܒܠ ܛܝܒܘܬܐ܃ ܕܟܦܢ ܗܘܐ
281:04	ܘܐܘܟܠܘܗܝ ܒܡܣ̈ܟܢܐ܃ ܘܨܗܐ ܗܘܐ܃ ܘܐܫܩܝܘܗܝ
281:05	ܒܡܛܪ̈ܦܐ܂ ܘܟܕ ܥܪܛܠܝܐ ܗܘܐ܃ ܘܐܠܒܫܘܗܝ ܒܫ̈ܠܝܚܐ܂
281:06	ܘܒܝܬ ܐܣܝܪ̈ܐ ܗܘܐ܃ ܘܐܣܬܥܪ ܒܚܒ̈ܝܫܐ܂ ܘܐܟܣܢܝܐ ܗܘܐ܃
281:07	ܘܟܢܫܘܗܝ ܒܢܘܟܪ̈ܝܐ܂ ܘܟܪܝܗܐ ܗܘܐ܃ ܘܗܥܪܘܗܝ ܒܡܚܝ̈ܠܐ܃
281:08	ܘܟܕ ܥܒܕ̈ܝܗܘܢ ܫܦܝܪ̈ܐ ܩܕܡܘܗ‍[‍ܝ‍]‍ ܠܐ ܡܘܕܝܢ ܗܘܘ܃
281:09	ܗܼܢܘܢ ܥܿܒܕ̈ܝܗܘܢ ܦܐ̈ܝܐ܃ ܕܥܠ ܗܕܡ̈ܝܗܘܢ ܨܝܪܝܢ ܗܘܘ܃
281:10	ܚܠܦܝܗܘܢ ܡܝܒܒܝܢ ܗܘܘ ܘܣܗܕܝܢ܂ ܘܐܝܟ ܦܐܪ̈ܐ ܦܐ̈ܝܐ
281:11	ܒܐ̈ܝܠܢܐ ܪ̈ܓܝܓܐ܃ ܒܗܘܢ ܬܠܝܼܢ ܘܩܝܡܝܢ ܐܝܟ ܣܓܘ̈ܠܐ܂
281:12	ܕܢܗܘܘܢ ܣܗܕܝܢ ܥܠ ܥܒ̈ܘܕܝܗܘܢ ܕܩܘܫܬܐ܃ ܐܝܟܢܐ
281:13	ܓܝܪ ܕܥܿܒܕ̈ܝܗܘܢ ܕܒܝ̈ܫܐ ܐܟܠܝܢ ܩܪ̈ܨܝܗܘܢ ܩܕܡ ܕܝܿܢܐ
281:14	ܕܟܐܢܘܬܐ܃ ܟܕ ܟܿܦܝܢ ܘܡܪܟܢܝܢ ܠܗܘܢ ܠܪ̈ܝܫܝܗܘܢ ܒܒܗܬܬܐ
281:15	ܟܕ ܫܬܝܩܝܢ܃ ܗܟܢܐ ܢܿܦܩܝܢ ܪܘܚܐ ܣܘܥܪ̈ܢܝܗܘܢ ܫܦܝܪ̈ܐ
281:16	ܕܛܿܒ̈ܐ܃ ܩܕܡ ܛܒܐ܂ ܣܘܥܪ̈ܢܝܗܘܢ ܓܝܪ ܕܟܠܗܘܢ ܒܿܢܝ
281:17	ܐܢܫܐ܃ ܫܬܝܩ̈ܐ ܘܡ̈ܠܝܠܐ ܐܝܬܝܗܘܢ܂ ܫ̈ܬܝܩܐ ܒܟܝܢܗܘܢ܂
282:01	ܘܡ̈ܠܝܠܐ ܒܚܙܬܗܘܢ܂ ܠܝܬ ܓܝܪ ܬܡܢ ܫܘܐܠܐ܂ ܡܛܠ
282:02	ܕܕܝܿܢܐ ܕܝܕܥܬܐ ܗܘ܂ ܘܐܦܠܐ ܦܘܢܝ ܦܬܓܡܐ܃ ܡܛܠ
282:03	ܕܒܚܙܬܗ ܫܿܡܥ܂ ܫܿܡܥ ܓܝܪ ܒܚܙܬܐ ܘܚܙܐ ܒܫܡܼܥܐ܂ ܡܛܠ
282:04	ܕܒܗܘܿ ܚܕ ܡܕܡ ܕܠܐ ܡܪܟܒ܃ ܒܗ ‍[‍ܐ‍]‍ܝܬ ܫܼܡܥܐ ܘܚܙܝܐ܃
282:05	ܘܩܠܝܠܘܬܐ ܘܓܫܬܐ܂ ܘܡܪܓܫܢܘܬܐ ‍[‍ܘ‍]‍ܡܪܝܚܢܘܬܐ܂ ܘܛܥܡܐܼ
282:06	ܘܦܘܪܫܢܐ܂ ܘܝܕܥܬܐ ܘܕܝܢܐ܂ ܘܒܗܘܿ ‍[‍ܬܘܒ‍]‍ ܕܠܐ ܡܪܟܒ܃
282:07	ܡܬܝܗܒ ܦܘܪܥܐ ܕܛܒ̈ܬܐ܃ ܘܡܣܡ ‍[‍ܒܪ‍]‍ܝܫܐ ܕܒܝ̈ܫܼܬܐ
282:08	ܠܓܒ̈ܐ ܬܪ̈ܝܗܘܢ܃ ܒ̈ܢܝ ܝܡܝܢܐ ܘܣܡܠܐ܂ ‍[‍ܠܐ ܗ‍]‍ܘܐ
282:09	ܕܝܡܝܢܐ ܘܣܡܠܐ ܐܝܬ ܬܡܢ܃ ܐܠܐ ܗܠܝܢ ܓܝܪ ܫܡ̈ܗܐ
282:10	‍[‍ܐܢܘܢ‍]‍ ܕܡܝܩܪܝܢ ܒܝܢܬܢ܃ ܘܒܨܝܪܝܢ ܠܘܬܢ܂ ܐܠܐ ܡܿܢܝܢܢ
282:11	ܟܘܪܣܝܐ ‍[‍ ܂܂܂‍]‍ܪܐ ܘܩܪܝܢܢ ܝܡܝܢܐ ܠ‍<‍ܐ‍>‍ܬܪܗܘܢ ܕܛܿܒ̈ܐ܂
282:12	ܘܡܫܡܗܝܢ ܚܢܢ ‍[‍ܣܡ‍]‍ܠܐ ܠܐܬܪܗܘܢ ܕܒܝ̈ܫܐ ܩܪܝܢܢ
282:13	ܐܡܪ̈ܐ ܠܛܿܒ̈ܐ܂ ܘܡܛܠ ܡܟܝܟܘܬܗܘܢ܂ ܘܩܪܝܢܢ
282:14	ܓܕ̈ܝܐ ܠܒܝܼ̈ܫܐ܃ ܡܛܠ ܚܨܝܦܘܬܗܘܢ܂ ܘܩܪܝܢܢ ܡܣܐܬܐ
282:15	ܠܟܐܢܘܬܗ܂ ܘܟܝܠܐ ܕܩܘܫܬܐ ܠܦܘܪܥܢܗ ܕܠܘܬܢ܂
282:16	ܐܚܘܕܝܗܿ ܗܟܝܠ ܠܗܿܝ ܡܚܙܝܬܐ ܫܦܝܬܐ ܕܐܘܢܓܠܝܘܢ
282:17	ܐܠܗܝܐ܃ ܒܐܝ̈ܕܝܟ ܒܬܪ̈ܬܝܗܝܢ܃ ܘܐܬܒܩܐ ܒܥܝܢܐ ܕܟܝܬܐ܃
282:18	ܕܡܚܝܪܐ ܠܗܿܝ ܡܚܙܝܬܐ ܐܠܗܝܬܐ܃ ܠܐ ܗܘܐ ܕܝܢ ܟܠܢܫ܃
283:01	ܡܫܟܚ ܕܢܚܙܐ ܒܗܿ ܠܢܦܫܗ܃ ܐܠܐ ܡܿܢ ܕܐܝܬ ܠܗ ܠܒܐ
283:02	ܦܪܘܫܗ܂ ܘܪܥܝܢܐ ܚܫܘܫܐ܃ ܘܥܝܢܐ ܕܪܚܡܐ ܕܬܚܙܐ
283:03	ܥܘܕܪܢܗܿ܂ ܚܘܪ ܒܗܿ ܗܟܝܠ܃ ܘܚܙܝ ܠܟܠܗܘܢ ܨ̈ܠܡܝܗܿ
283:04	ܕܒ‍<‍ܪ‍>‍ܝܬܐ܃ ܘܨܘܪܬܐ ܕܒ̈ܢܝ ܐܕܡ܂ ܕܛܿܒ̈ܐ ܘܕܒܝ̈ܫܐ܃
283:05	ܟܕ ܡܕܝܩܝܢ ܡܢ ܓܘܗܿ܃ ܨ̈ܠܡܐ ܫܦܝܪ̈ܐ ܕܥܿܒ̈ܕܝܗܘܢ ܕܛܒ̈ܐ܃
283:06	ܘܨ̈ܠܡܐ ܡ̈ܟܐܪܐ܃ ܕܣܘܥܪ̈ܢܝܗܘܢ ܕܒܝ̈ܫܐ܂ ܒܛܝܢܝܢ
283:07	ܓܝܪ ܒܓܘܗܿ ܕܒܝܘܡ̈ܝܗܘܢ ܢܬܝܠܕܘܢ܃ ܠܡܩܿܠܣܘ
283:08	ܠܥܒܘ̈ܕܝܗܘܢ܂ ܘܠܡܿܓܚ‍<‍ܟ‍>‍ܘ ܠܣܥܘܪ̈ܝܗܘܢ܂ ܚܙܝ
283:09	ܕܐܝܟܢܐ ܕܡܓܚ‍<‍ܟ‍>‍ܐ ܠܣܼ̈ܢܝܐ‍<‍ܐ‍>‍ ܗܪܟܐ܃ ܗܟܢ
283:10	ܥܬܝܕܐ ܕܐܦ ܬܡܢ܃ ܬܚܘܐ ܒܓܘܗܿ ܣܘܥܪ̈ܢܝܗܘܢ
283:11	ܣܢ̈ܝܐ‍<‍ܐ‍>‍܃ ܘܐܝܟܢܐ ܕܦܪܫܐ ܠܡܫܿܒܚܘ ܠܛܒ̈ܐ ܗܪܟܐ
283:12	ܗܟ‍<‍ܢ‍>‍ܐ ܥܬܝܕܐ܃ ܕܬܪܫܘܡ ܒܓܘܗܿ܂ ܥܿܒ̈ܕܝܗܘܢ ܫܦܝܪ̈ܐ܂
283:13	ܒܙܒܢ ܕܝܢ ܐܦ ܚܢܢ ܟܕ ܒܛܥܝܘܬܐ ܩܝܡܝܢ ܗܘܝܢ܃
283:14	ܘܒܪܡܘܬܐ ܕܪܥܝܢܐ ܐܝܟ ܕܒܣܝܢܐ ‍{‍ܪ̈ܠܠܝܢ‍}‍‍<‍ܪ̈ܓܠܝܢ‍>‍ ܡܫܟ̈ܬܢ ܗܘ̈ܝ܂ ܘܠܐ
283:15	ܪܓܝܫܝܢ ܗܘܝܢ ܒܛܥܝܘܬܢ܃ ܒܕܢܦܫܢ ܠܩܢܘܡܗܿ ܠܐ ܡܫܟܚܐ
283:16	ܗܘܬ ܠܡܚܙܐ܃ ܘܟܕ ܟܠܝܘܡ ܚܝܪ̈ܝܢ ܗܘܝܢ܃ ܐܝܟ ܣܡ̈ܝܐ
283:17	ܒܚܫܘܟܐ ܡܿܝܫܝܢ ܗܘܝܢ܃ ܡܛܠ ܕܪܥܝܢܢ ܓܘܝܐ܃ ‍{‍ܥܝܬ‍}‍‍<‍ܥܠܬ‍>‍/‍<‍ܚܫܬ‍>‍/
284:01	ܦܪܘܫܘܬܐ ܠܐ ܩܢܐܼ ܗܘܐ܃ ܗܝܕܝܢ ܐܝܟ ܕܡܢ ܫܢܬܐ
284:02	ܥܡܝܩܬܐ ܪ̈ܚܡܐ ܐܫܝ̈ܕܐ ܕܥܿܠܝܐ܃ ܒܕܡܘܬ ܡ̈ܝܐ ܕܟܝ̈ܐ
284:03	ܥܠ ܕܡܟܘܬܢ ܐܬܪܙܦܘ ܗܘܘ܂ ܘܡܢ ܫܢܬܢ ܐܬܬܥܝܪܢ܂
284:04	ܘܢܗܒܢ ܡܪܚܐܝܬ܃ ܕܒܗܿ ܒܗܕܐ ܡܚܙܝܬܐ ܠܢܦܫܢ ܢܚܙܐ ܒܗܿ܂
284:05	ܘܒܗ ܒܥܕܢܐ ܐܬܟܣܣܢ ܒܡ̈ܘܡܝܢ܂ ܘܐܫܬܟܚܢ ܚܪ̈ܒܝܢ ܡܢ
284:06	ܟܠܗܘܢ ܕܘܒܪ̈ܐ ܫܦܝܪ̈ܐ܂ ܘܥܒܝܕܝܢ ܗܘܝܢ ܡܫܪܝܬܐ ܠܟܠܗܘܢ
284:07	ܚܘ̈ܫܒܐ ܕܚܿܒܠ‍[‍ܐ‍]‍܂ ܘܕܝܪܐ ܘܫܟܝܢܬܐ ܠܟܠܗܝܢ ܪ̈ܓܝܓܬܐ܂
284:08	ܚܙܝܬ ܓܝܪ ܬܡ‍[‍ܢ‍]‍ ܫܦܝܪ̈ܐ ܘܐܬܝܐܒܬ ܠܫܘܦܪ̈ܝܗܘܢ܂
284:09	ܘܠܐܬܪ̈ܘܬܐ ܕܛܒ̈ܐ ܕܒܗ‍[‍ܘܢ‍]‍ ܩܝܡܝܢ ܗܘܘ܂ ܘܐܬܒܠܩܬ
284:10	ܠܥܘܡܪ̈ܝܗܘܢ܂ ܚܙܝܬ ܓܢܘܢܗܘܢ ܠܩܘܒܠܗ܃ ܕܠܐ ܫܠܝܛ
284:11	ܗܘܐ ܠܡܥܠ ܠܗ܃ ܕܠܝܬ ܗܘܐ ‍[‍ܥܡܗܘܢ‍]‍ ܠܡ̈ܦܐܕܐ܃ ܚܙܝܬ
284:12	ܚܕܘܬܗܘܢ܃ ܘܝܬܒܬ ܒܐܒܠܐ܃ ܕܠܝܬ ‍[‍ܗܘܐ‍]‍ ܥܡܝ ܥܿܒ̈ܕܐ
284:13	ܕܫܿܘܝܢ ܠܗ ܠܗܘܿ ܓܢܘܢܐ܂ ܚܙܝܬ ܕܒܐܣ‍[‍ܛܠܐ‍]‍ ܕܢܘܗܪܐ
284:14	ܥܛܦܝܢ ܗܘܘ܃ ܘܐܬܬܥܝܩܬ܃ ܕܠܒ̈ܘܫܐ ܕܡܝܬ‍[‍ܪܘܬܐ
284:15	ܠܐ ܡܛܝܒܝܢ ܗܘܘ܂ ܚܙܝܬ ܟ̈ܠܝܠܝܗܘܢ ܕܒܙܟܘܬܐ
284:16	ܡܨܒܬ‍[‍ܝܢ‍]‍ ܘܚܫܬ ܕܠܝܬ ܠܝ ܥܿܒ̈ܕܐ ܙܟ̈ܝܐ܃ ܕܒܗܘܢ
284:17	ܐܬܟܠܠ܃ ܚܙܝܬ ܬܡܢ ܒܬܘ̈ܠܬܐ ܟܕ ܢܩ̈ܫܢ ܘܠܝܬ ܕܦܬܿܚ ܠܗܝܢ܂
284:18	ܘܐܬܓܢܚܬ ܥܠ ܕܣܦܝܼܩ ܗܘܝܬ܃ ܡܢ ܥܿܒ̈ܕܘܗܝ ܕܗܘ ܡܫܚܐ
284:19	ܒܪܝܟܐ܂
285:01	ܚܙܝܬ ܬܡܢ ܟܢܫ̈ܐ ܣܓܝ̈ܐܐ܂ ܟܕ ܩܿܥܝܢ ܒܬܪܥܐ ܘܠܝܬ
285:02	ܕܥ̈ܢܐ ܠܗܘܢ܂ ܘܐܬܪܗܒܬ ܕܠܝܬ ܗܘܐ ܠܝ ܕܘܒܪ̈ܐ ܗܢܘܢ܃
285:03	ܕܗܢܘܢ ܫܠܝܛܝܢ ܕܢܦܬܚܘܢ ܬܪܥܐ ܕܡܠܟܘܬܐ܂ ܘܫܡܥܬ
285:04	ܪܘܒܐܿ ܕܩ̈ܠܐ ܣܓܝ̈ܐܐ ܕܐܡܪܝܢ܃ ܡܪܢ ܡܪܢ܃ ܦܬܚ ܠܢ܂
285:05	ܘܩܠܐ ܡܢ ܬܡܢ ܢܛܼܦ ܒܐܕ̈ܢܝ܂ ܕܒܢܦܫܗ ܝܡܿܐ ܗܘܐ܃ ܕܠܐ
285:06	ܝܿܕܥ ܐܢܐ ܠܟܘܢ܂ ܕܠܚܝ̈ܐ ܫܿܘܝܢ ܐܢܬܘܢ܂ ܚܙܝܬ ܬܡܢ܃
285:07	ܠܗܿܢܘܢ ܕܡܿܒܓܢ‍<‍ܝ‍>‍ܢ ܗܘܘ ܕܐܟܠܢ ܩܕܡܝܟ ܘܐܫܬܝܢ܂
285:08	ܘܥܢܼܐ ܘܐܡܼܪ ܠܗܘܢ ܕܠܐ ܗܘܐ ܠܝ ܒܥܝܬܘܢ ܐܢܬܘܢ܃
285:09	ܐܠܐ ܡܛܠ ܕܐܟܠܬܘܢ ܠܚܡܐ ܘܣܒܥܬܘܢ܂
285:10	ܗܝܿܕܝܢ ܘܐܦ ܐܢܐ܃ ܕܒܟܠܙܒܢ ܐܝܟ ܗܿܢܘܢ܃ ܒܫܡܗ
285:11	ܗܘ ܡܣܬܬܪ ܐܢܐ܃ ܘܒܐܝܩܪ̈ܘܗܝ ܡܬܝܩܪ ܐܢܐ܃ ܘܐܝܟ
285:12	ܬܟܣܝܬܐ ܠܥܠ ܡܢ ܡܘ̈ܡܝ ܟܣ̈ܝܐ܃ ܟܠܫܥ ܫܡܗ ܦܿܪܣ ܐܢܐ܃
285:13	ܕܚܠܬܐ ܐܚܕܬܢܝ܃ ܘܙܘܥܬܐ ܐܪܥܠܬܢܝ܂ ܘܪܗܒܬܐ ܣܓܝܐܬܐ܃
285:14	ܠܒܣܬܪܝ ܕܐܗܦܟ܃ ܠܝ ܡܠܟܐ ܗܘܬ܂ ܕܛܟ ܢܦܓܥܘܢ
285:15	ܒܝ ܙܘ̈ܕܐ܃ ܕܡܬܟܥܝܢ ܠܗܿܝ ܐܘܪܚܐ ܩܛܝܢܬܐ܃ ܕܡܘܒܠܐ
286:01	ܠܐܪܥܐ ܕܚܝ̈ܐ܂ ܠܐ ܓܝܪ ܚܙܝܬ ܬܡܢ ܐܢܫ܃ ܕܡܫܟܚ ܕܢܪܘܚ
286:02	ܠܚܒܪܗ܃ ܘܕܢܪܛܒ ܠܗ ܠܫܢܗ܃ ܒܗܘܿ ܝܩܕܢܐ ܕܢܘܪܐ܂ ܠܐ
286:03	ܓܝܪ ܫܒܿܩ ܠܗܘܢ ܕܢܪܘܚܘܢ ܠܚܕ̈ܕܐ܃ ܗܘܿ ܦܚܬܐ ܥܡܝܩܐ܃
286:04	ܗܘܿ ܕܗܘܼ ܥܒܿܕ ܦܘܪܫܢܐ܃ ܒܝܬ ܛܒܼ̈ܐ ܠܒܝ̈ܫܐ܂
286:05	ܚܙܝܬ ܬܡܢ ܒܬܘ̈ܠܬܐ ܕܟܝ̈ܬܐ܃ ܕܡܛܠ ܕܠܐ ܡܨܒܬܐ
286:06	ܗܘܬ ܒܬܘܠ‍<‍ܘ‍>‍ܬܗܝܢ܃ ܒܡܫܚܐ ܛܿܒܐ ܕܥܿܒ̈ܕܐ
286:07	ܪ̈ܓܝܓܐ܃ ܐܣܬܠܝܬ ܒܬܘܠܘܬܗܝܢ܃ ܘܐܬܚܿܢܢ ܠܒܬܘ̈ܠܬܐ
286:08	ܚܒܪ̈ܬܗܝܢ ‍[‍ܕ‍]‍ܢܬܠܢ ܠܗܝܢ ܝܡܝܢܐܼܿ ܘܠܐ ܐܬܚܢܼܢ܂ ܘܢܬܝܗܒ
286:09	ܠܗܝܢ ܐܬܪܐ ܕܢܐܙܠܢ ܢܙܒܿܢܢ ܠܗܝܢ ܥܿܒ̈ܕܐ ܘܠܐ ܐܬܝܗܼܒ
286:10	ܠܗܝܢ܂ ܡܛܠ ܕܣܪܗܒܬ ܚܪܬܐ܃ ܕܥܘܢܕܗܝܢ ܕܡܢ ܥܠܡܐ܂
286:11	ܘܩܪܒܬ ܠܬܪܥܐ ܕܡܠܟܘܬܐ ܕܫܡܝܐ܃ ܘܚܿܙܝܬ ܬܡܢ܃ ܐܦ
286:12	ܐܝܠܝܢ ܕܫܡܐ ‍[‍ܕܒ‍]‍ܬܘܠܘܬܐ ܠܝܬ ܗܘܐ ܠܗܝܢ܃ ܟܕ ܡ̈ܟܠܠܢ
286:13	ܒܥܿܒ̈ܕܝܗܝܢ ܙܟ̈ܝܐ܂ ܕܡܠܝܘ ܕܘܒܪ̈ܝܗܝܢ ܕܘܟܬ ܒܬܘܠܘܬܐ܂
286:14	ܐܝܟܢܐ ܓܝܪ ܕܐܣܬܠܝ ܗܠܝܢ܃ ܐܝܠܝܢ ܕܒܦܓܪ̈ܝܗܝܢ ܒܠܚܘܕ܃
286:15	ܠܗ ܡܡܟܪ̈ܢ ܗܘ̈ܝ܃ ܟܕ ܥܪ̈ܛܠܝܢ ܗܘ̈ܝ ܡܢ ܠܒܘ̈ܫܐ
286:16	ܕܥܒܕܐ ܛܒܼ̈ܐ܃ ܗܟܢܐ ܐܬܓܒܝ܃ ܐܝܠܝܢ ܕܒܦܓܪ ܠܙܘܘܓܐ
286:17	ܕܟܝܐ ܦܓܪܗܝܢ ܡܡܟܪ ܗܘܐ܃ ܪܘܚܗܝܢ ܕܝܢ ܒܪܚܡܬܗ
286:18	ܕܡܪܗܝܢ ܐܣܝܪܐ ܗܘܬ܂ ܟܕ ܥܛܝ̈ܦܢ ܠܚܘܒܗ ܒܕܡܘܬ
286:19	ܐܣܛܠܐ܂ ܘܦܪܝܣܐ ܪܚܡܬܗܼ ܥܠ ܟܠܗܘܢ ܗܕܡ̈ܝܗܝܢ ܀܀
287:01	ܘܟܕ ܗܠܝܢ ܚܿܙܝܬ ܬܡܢ ܐܡܿܪܬ ܒܪܥܝܢܝ܂ ܕܠܐ ܡܟܝܠ
287:02	ܢܬܬܟܠ ܐܢܫ܃ ܥܠ ܫܡܐ ܒܠܚܘܕ ܢܟܦܐ ܕܒܬܘܠܘܬܐ܃
287:03	ܕܡܫܘܚܪ ܡܢ ܥܿܒ̈ܕܐ܃ ܗܢܘܢ ܕܐܝܬܝܗ‍[‍ܘܢ‍]‍ ܡܫܚܐ
287:04	ܕܠܡܦܝ̈ܕܐ܂ ܘܟܕ ܒܚܙܬܐ ܕܚܝܠܬܐ ܕܒܢܓܕܐ ܕܐܚܪ̈ܢܐ ܐܢܐ
287:05	ܡܬܪܕܐ ܗܘܝܬ܃ ܩܠܐ ܚܪܢܐ ܡܢ ܦܘܡܗܿ ܕܡܚܙܝܬܐ ܠܝ
287:06	ܡܫܬܡܥ ܗܘܐܼ ܟܕ ܩܿܪܐ܂ ܐܙܕܗܪ ܚܠܫܐ ܒܢܦܫܐ ܒܢܦܫܟ ܕܘܝܬܐ
287:07	ܕܚܠܬܐ ܗܝ ܪܒܬܐ܃ ܠܡܦܠ ܒܐܝ̈ܕܘܗܝ ܕܐܠܗܐ ܚܝܿܐ܂ ܠܐ
287:08	ܡܫܬܡܼܥ ܠܟ ܫܒܪ̈ܐ ܕܩܿܥܝܢ ܠܟ܃ ܕܐܢ ܟܠܗ ܥܠܡܐ ܢܩܢܐ
287:09	ܒܪ ܐܢܫܐ܃ ܘܢܦܫܗ ܐܒܝܕܐ ܡܢܐ ܢܐܬܪ܂ ܘܡܢܐ ܬܘܒ
287:10	ܢܬܠ ܬܚܠܘܦܐ ܕܢܦܫܗ܂ ܠܐ ܚܙܐ ܐܢܬ ܡܢܐ ܓܕܫ ܠܗ ܠܗܘܿ
287:11	ܕܐܥܠܬ ܠܗ ܐܪܥܗ ܥ̈ܠܠܬܐ ܣܓܝܐ̈ܬܐ܃ ܕܥܠ ܕܐܡܼܪ ܠܢܦܫܗ܃
287:12	ܢܦܫܝ ܐܟܘܠܝ ܘܐܫܬܝ ܘܐܬܬܢܝܚ‍<‍ܝ‍>‍ ܘܐܬܒܗܡܝ܃ ܡܛܠ
287:13	ܕܗܐ ܥ̈ܠܠܬܐ ܣܓܝܐ̈ܬܐ ܚܡ̈ܝܠܢ ܠܟܝ ܠܫܢܝ̈ܐ ܣܓܝܐ̈ܬܐ܃
287:14	ܠܐ ܫܡܥܬ ܕܥܕ ܡܠܬܗ ܒܦܘܡܗ ܚܠܝܐ ܗܘܬ܃ ܒܪܬ ܩܠܐ
287:15	ܡܪܝܪܬܐ܃ ܒܥܘܒܐ ܕܐܕܢܗ ܐܬܢܣܟܬ ܗܘܬ܂ ܕܟܕ ܕܠܐ
287:16	ܠܒܐ ܠܗ ܩܿܪܝܐ ܗܘܬ ܘܐܡܿܪܐ܂ ܗܐ ܒܗܢܐ ܠܠܝܐ ܢܦܫܟ
287:17	ܪܚܝܼܡܬܐܼ ܡܢܟ ܬܒܥܝܢ ܠܗܿ܂ ܗܢܐ ܡܕܡ ܕܛܝܒܬ ܠܡܿܢ
287:18	ܢܗܘܐ ܀܀
288:01	ܬܘܗ ܡܢ ܗܢܐ ܛܒܥܟ ܘܐܬܚܫܒ܃ ܐܝܟܐ ܐܢܘܢ
288:02	ܟܠܗܘܢ ܒ̈ܢܝ ܐܕܡ܃ ܕܐܝܟ ܙܚܠܐ ܡܢ ܝܘܡܐ ܩܕܡܝܐ܃ ܥܠ
288:03	ܬܒܝܠ ܪܦܿܬܝܢ ܗܘܘ܂ ܐܬܬܥܝܪ ܡܢ ܢܘܡܬܐ ܗܕܐ ܕܗܝ ܡܪܦܝܐ
288:04	ܠܟ܃ ܘܐܝܟ ܛܠܠܗ ܕܡܘܬܐ ܥܠ ܟܠܗܘܢ ܗܕܡ̈ܝܟ ܦܪܝܣܐ܂
288:05	ܘܩܘܡ ܬܐܼ ܐܘܒܠܟ ܠܘܬ ܕܪ̈ܐ ܩܕܡ̈ܝܐ܃ ܗܿܢܘܢ ܕܫܡܝܥ
288:06	ܗܘܐ ܠܟ ܥܠܝܗܘܢ܂ ܐܝܟܘ ܐܕܡ ܘܐܝܟܐ ܐܒܗ̈ܝܟ܂ ܗܿܢܘܢ
288:07	ܕܐܝܟ ܐܡܪ̈ܐ ܠܥܒ̈ܐ܃ ܒܥܘܒܗ ܕܦܪܕܝܣܐ ܕܥܕܝܢ ܡܬܓܿܐܝܢ
288:08	ܗܘܘ܃ ܘܥܡ ܐܠܗܐ ܐܝܟ ܚܒܪ̈ܐ ܡܡܠܠܝܢ ܗܘܘ ܕܠܐ
288:09	ܕܚܠܐ܃ ܘܠܟܠܗܿ ܒܪܝܬܐ ܕܪܥܗܘܢ ܡܫܥܒܕ ܗܘܐ܂ ܒܫܘܠܛܢܐ܂
288:10	ܥܠ ܝܡܐ ܘܥܠ ܝܒܫܐ ܐܝܕܗܘܢ ܫܠܝܛܐ ܗܘܬ܂ ܘܥܠ ܬܢܝ̈ܢܐ
288:11	ܕܚܝ̈ܠ‍[‍ܐ‍]‍ ܪ̈ܓܠܝܗܘܢ ܕܝܫ̈ܢ ܗܘ̈ܝ܂ ܘܚܝ̈ܘܬܐ ܡܪܝܪ̈ܬܐ ܕܝܘܡܢܐ܃
288:12	ܪ̈ܝܫܝܗܝܢ ܩܕܡܝܗܘܢ ܡܪ̈ܟܢܢ ܗܘ̈ܝ܂ ܠܫܡܝܐ ܬܪܥܝܬܗܘܢ
288:13	ܡܛܝܐ ܗܘܬ ܘܐܫܬܗ ܕܬܗܘܡܐ ܐܝܟ ܝܒܫܐ ܡܝܫܝܢ ܗܘܘ܂
288:14	ܐܝܟܐ ܐܢܘܢ ܥܣܪ̈ܐ ܕ‍[‍ܪ̈ܐ‍]‍ ܕܡܢ ܐܕܡ ܘܥܕܡܐ ܠܢܘܚ܂
288:15	ܠܐ ܗܐ ܐܬܬܫܝܓܘ ܒܛܘܦܢܐ ܕܡ̈ܝܐ܂ ܐܝܟܐ ܐܢܘܢ ܕܪ̈ܐ
288:16	ܕܣܕܘ̈ܡܝܐ܂ ܠܐ ܘܐܦ ܗܼܢܘܢ ܐܬܬܫܝܓܘ ܒܛܘܦܢܐ ܕܢܘܪܐ܃
288:17	ܐܝܟ‍[‍ܐ‍]‍ ܐܢܘܢ ܕܪ̈ܐ ܕܡܢ ܗܝܕܝܢ ܘܥܕܡܐ ܠܝܘܡܢܐ܃
289:01	ܐܝܟܐ ܐܢܘܢ܃ ܗܠܝܢ ܕܐܠܦܐ ܫܢܝ̈ܢ ܒܨܝܪ ܩܠܝܠ܃ ܒܗܘ ܙܒܢܐ
289:02	ܚܐܿܝܢ ܗܘܘ܂ ܠܐ ܗܐ ܓܪܣܘ ܐܘܦܝ‍{‍ܗ‍}‍‍<‍ܘ‍>‍ ܘܐܠܘ ܠܐ
289:03	ܕܝܘܬܐ ܕܥܠ ܡܫ̈ܟܐ ܕܐܡܪ̈ܐ ܡܬܪܫܡܐ܃ ܡܥܗܕܐ ܗܘܬ
289:04	ܠܢ ܫܡ̈ܗܝܗܘܢ܃ ܐܦܠܐ ܕܐܝܬܝܗܘܢ ܗܘܘ܃ ܝܕܥܝܢ ܗܘܝܢ ܀܀
289:05	ܬܐ ܐܦܩܟ ܠܒܝܬ ܩܒܘܪ̈ܐ ܚܫܘ̈ܟܐ܃ ܘܚܘܬ ܥܡܝ
289:06	ܒܪܥܝܢܟ܂ ܘܐܦ ܠܫܝܘܠ ܬܚܬܝܐ܂ ܘܐܚܘܝܟ ܬܡܢ ܡ̈ܠܟܐ܂
289:07	ܟܕ ܣܚܝܦܝܢ ܥܠ ܐܦܝ̈ܗܘܢ܂ ܘܬܓܝܗܘܢ ܥܡܗܘܢ ܕܛܡܝܪܝܢ
289:08	ܒܥܦܪܐ܂ ܬܐ ܚܙܝ ܪܘܪ̈ܒܢܐ܃ ܗܢܿܘܢ ܕܥܠ ܫܐܪ̈ܝܐ ܡܬܓܐܝܢ
289:09	ܗܘܘ܃ ܐܝܟܢܐ ܥܒܝܕܐ ܪܡܬܐ ܬܫܘܝܬܗܘܢ܂ ܘܬܘܠܥܐ
289:10	ܬܟܣܝܬܗܘܢ܂ ܬܐ ܚܙܝ ܪ̈ܒܝ ܚܝ̈ܠܐ܃ ܗܿܢܘܢ ܕܠܪ̈ܒܘܬܐ
289:11	ܕܚܝ̈ܠܘܬܐ ܦܩܿܕܝܢ ܗܘܘ܃ ܐܝܟܢܐ ܐܒܝܕܝܢ ܡ̈ܐܢܐ ܒ̈ܛܠܐ
289:12	ܕܥܦܪܐ܃ ܘܨܒܘܬܐ ܕܠܐ ܪܓܫܬܐ܂ ܚܘܪ ܫܦܝܪ ܒܥܦܪܐ ܕܐܪܥܐ܃
289:13	ܘܐܬܒܩܐ ܒܗ ܕܐܚܝܢܟ ܗܘ܂ ܥܕܡܐ ܠܐܡܬܝ ܛܥܿܐ ܐܢܬ
289:14	ܒܢܦܫܟ܃ ܘܣܒܿܪ ܐܢܬ ܕܡܝܬܪ ܐܢܬ܃ ܡܢ ܥܡܝܪܐ ܕܐܓܪܐ܂
289:15	ܠܥܡܝܪܐ ܓܝܪ ܫܘܒܐ ܕܚܕ ܝܘܡܐܼ ܡܿܝܒܫ ܠܗ܂ ܘܠܦܓܪܐ
289:16	ܪܓܝܓܐ܂ ܗܘܦܐ ܕܐܫܿܬܐ ܕܚܕ ܝܘܡܐ ܡܚܡܐ ܠܗ܂ ܐܝܟܐ
289:17	ܐܢܘܢ ܡ̈ܠܟܐ ܘܠܒܘ̈ܫܝܗܘܢ܂ ܬܓܝ̈ܗܘܢ ܘܐܪ̈ܓܘܢܝܗܘܢ܂
289:18	ܐܝܟܐ ܐܢܘܢ܃ ܫܘ̈ܠܛܢܝܗܘܢ ܘܩܪ̈ܒܝܗܘܢ܃ ܚܝ̈ܠܘܬܗܘܢ
290:01	ܘܟܢܘ̈ܫܬܗܘܢ܂ ܣܝ̈ܡܬܗܘܢ ܥܡ ܚܘܪ ܒܢܝ̈ܙܟܝܗܘܢ
290:02	ܟܕ ܡܿܬܒܪܝܢ܂ ܩܫ̈ܬܬܗܘܢ܂ ܟܕ ܫ̈ܕܝܢ܂ ܣܝ̈ܦܝܗܘܢ ܟܕ ܡܫܚܬܝܢ܂
290:03	ܙܝ̈ܢܝܗܘܢ܂ ܟܕ ܒܩܝܩܝܢ܂ ܕܪ̈ܝܗܘܢ ܕܐܫܩܠܘ ܘܥܒܼܪܘ܂ ܐܝܟ
290:04	ܡܫܟܢܐ ܕܪ̈ܡܬܐ ܐܬܩܦܕ ܣܝܪ̈ܣ ܚܝ̈ܝܗܘܢ ܒܡܘܬܐ܂
290:05	ܘܐܝܟ ܢܘܠܐ ܕܩܪܝܒ ܠܡܬܬܓܕܕܘ܃ ܒܛܘܠܩܐ ܡܢ ܥܩܪ̈ܝܗܘܢ
290:06	ܐܬܓܝܕܘ܂
290:07	ܚܘܪ ܕܐܬܗܦܟܘ ܙܡܪ̈ܝܗܘܢ ܠܐܒܠܐ܂ ܘܟܢܪ̈ܝܗܘܢ
290:08	ܠܩܠܐ ܕܒܟܬܐ܂ ܓܘܚܟܗܘܢ ܠܐܒܠܐ ܐܣܬܚܦ ܗܘܐ܂
290:09	ܘܩܝ̈ܢܬܗܘܢ ܚ̈ܠܝܬܐ܃ ܠܢܥܡ̈ܬܐ ܚܢܝ̈ܓܬܐ܂ ܠܒܘܫܐ ܕܓܘܓܝ܃
290:10	ܐܙܕܩܪ ܠܗܘܢ ܬܡܢ܂ ܘܬܫܘܝܬܐ ܕܪܡܬܐ ܬܚܘܬܝܗܘܢ
290:11	ܡܟܝܟܐ ܗܘܬ܂ ܘܬܟܣܝܬܐ ܕܬܘܠܥܐ܂ ܥܠܝܗܘܢ ܐܝܟ ܢܚܬܐ
290:12	ܦܪܝܣܐ ܗܘܬ܂ ܦܬܘܪ̈ܐ ܣܚܝ̈ܦܐ ܩܕܡܝܗܘܢ ܣܝܼܡܝܢ ܗܘܘ܂
290:13	ܫܕܬܐ ܡܪܝܩܬܐ ܕܓܐܝܘܬܗܘܢ ܟܿܦܝܐ ܗܘܬ܂ ܘܟܕ ܫܕܝܐ
290:14	ܬܫܡܫܬܗܘܢ܃ ܘܕܠܐ ܚܫܚܘ ܥܒܼܝܕܐ ܗܘܬ܂ ܐܝܩܪܗܘܢ
290:15	ܥܠ ܥܦܪܐ ܡܬܓܪܓܚ ܗܘܐ܂ ܘܐܦ ܓܐܝܘܬܗܘܢ ܬܡܢ
290:16	ܒܩܛܡܐ ܛܡܝܪܐ ܗܘܬ܂ ܚ̈ܬܢܐ ܚܛܝ̈ܦܐ ܘܟ̈ܠܠܬܐ
290:17	ܫܒܝ̈ܩܬܐ ܕܡܢ ܓܢܘ̈ܢܝܗܘܢ ܐܬܥܓܢܝ ܗܘ̈ܝ܂ ܟܕ ܒܪ̈ܝܫܝܗܘܢ
291:01	ܟ̈ܠܝܠܝܗܘܢ ܚܡܝܢ ܗܘܘ܂ ܘܒܥܦܪܐ ܥܠ ܐܪܥܐ
291:02	ܥܡܗܘܢ ܡܠܝܚܝܢ ܗܘܘ܂ ܐܣܛܠܐ ܕܚܫܘܟܐ ܥܠܝܗܘܢ
291:03	ܦܪܝܣܐ ܗܘܬ܃ ܕܙܩܪܬ ܠܗܘܢ ܫܝܘܠ ܒܢܘܠܐ ܥܡܘܛܐ܃
291:04	ܩܠܐ ܕܘܿܝܐ ܡܢ ܟܠ ܦܘ̈ܡܝܢ ܫܡܿܥ ܗܘܝܬ܂ ܡܛܠ ܕܐܢܫ
291:05	ܕܢܒܝܐܐ ܠܚܒܪܗ ܬܡܢ ܠܐ ܡܫܟܚܝܢ ܗܘܘ܂
291:06	ܚܙܬܐ ܕܥܝ̈ܢܝܗܘܢ܃ ܠܗܘܢ ܡܚܫܐ ܗܘܬ܃ ܗܝ ܕܒܡܬܚܗܿ
291:07	ܠܬܚܘܡܗ ܕܦܚܬܐ܃ ܒܩܠܝܠܘܬܗܿ ܥܿܒܪܐ ܗܘܬ܂ ܘܥܠ ܓܢܬܐ
291:08	ܕܥܕܝܢ ܛܿܝܣܐ ܗܘܬ܃ ܘܥܠ ܦܪܕܝܣܗ ܕܐܠܗܐ ܡܪܚܦܐ
291:09	ܗܘܬ܂ ܘܠܣܡܟܐ ܒܪܝܟܐ ܚܿܙܝܐ ܗܘܬ܃ ܘܠܦܬܘܪܝ ܡܠܟܘܬܐ
291:10	ܡܬܝܐܝܒܐ ܗܘܬ܃ ܘܩܠ ܩܝ̈ܢܬܐ ܕܟܝ̈ܬܐ ܫܿܡܥܐ ܗܘܬ܃
291:11	ܕܒܙܡܪ̈ܐ ܩܕ̈ܝܫܐ ܚ̈ܠܝܛܢ ܗܘ̈ܝ܃ ܘܒܬܫܒ̈ܚܬܐ ܕܐܠܗܐ ܦܬܝ̈ܟܢ
291:12	ܗܘ̈ܝ܃ ܘܠܪܘܡܐ ܒܡܬܚܗܝܢ ܓܕܠܢ ܗܘ̈ܝ܂ ܘܬܪ̈ܥܐ ܕܡܠܟܘܬܐ
291:13	ܦܬܚ̈ܢ ܗܘ̈ܝ ܘܩܕܡ ܡܪܗܝܢ ܒܚܕܘܬܐ ܡܪ̈ܚܦܢ ܗܘ̈ܝ܂ ܘܩܠܐ
291:14	ܗܘ ܒܠܚܘܕ ܕܦܘܡܗܘܢ ܚܕ ܠܘܬ ܚܕ ܡܫܕܪܢ ܗܘܝ ‍<‍ܿ‍>‍
291:15	ܘܫܠܝܛܐ ܬܡܢ ܐܦ ܚܙܬܐ ܕܥܝ̈ܢܐ܃ ܕܬܐܙܠ ܘܬܐܬܐ܃
291:16	ܘܠܓܒ̈ܐ ܬܪ̈ܝܗܘܢ܂ ܬܚܿܫ ܘܬܚܿܕܐ܂ ܐܝܟ ܕܬܐܪܒ ܡܢܬܗܘܢ
291:17	ܒܥܝ̈ܢܝܗܘܢ ܕܛܒ̈ܐ܃ ܟܕ ܚܿܙܝܢ ܠܒܝ̈ܫܐ܂ ܘܢܚܕܘܢ ܒܗܿ܂ ܘܕܬܬܚܒ
291:18	ܢܦܫܗܘܢ ܒܥܝ̈ܢܝܗܘܢ ܕܒܝ̈ܫܐ܂ ܘܬܬܘܣܦ ܠܗܘܢ ܟܪܝܘܬܐ܂
292:01	ܘܟܒܪ ܗܝ ܗܝ ܚܙܬܗܘܢ܃ ܓܗܢܗܘܢ ܕܒܝ̈ܫܐ܂
292:02	ܘܦܘܪܫܢܗܘܢ ܡܘܩܕܢܗܘܢ܂ ܘܬܪܥܝܬܗܘܢ ܫܠܗܒܝܬܗܘܢ܂
292:03	ܘܐܡܼܪ ܗܘܿ ܕܝܿܢܐ ܟܣܝܐ܃ ܕܝܿܬܒ ܒܪܥܝܢܐ ܦܪܘܫܐ܂
292:04	ܘܥܒܝܕ ܠܗܘܢ ܬܡܢ ܕܝܿܢܐ ܕܟܐܢܘܬܐ܃ ܘܡܢܓܕ ܠܗܘܢ
292:05	ܕܠܐ ܪ̈ܚܡܝܢ܃ ܬܫ̈ܢܝܕܐ ܕܬܘܬ ܢܦܫܐ܂ ܘܟܒܪ ܗܘܝܘ ܥܒܝܕ
292:06	ܡܦܪܫܢܐ ܒܝܢܬܗܘܢ܃ ܘܡܫܕܪ ܠܚܕ ܚܕ ܡܢܗܘܢ ܠܐܬܪܐ
292:07	ܕܥܿܗܢ ܠܗ܂ ܘܟܒܪ ܗܘܝܘ ܠܒܝܟ ܒܝܡܝܢܗ ܬܪܨܬܐ ܠܛ̈ܒܐ܃
292:08	ܘܠܘܬ ܗܿܝ ܝܡܝܢܐ ܕܪܡܐ ܡܿܫܕܪ ܠܗܘܢ܃ ܘܗܘ ܬܘܒ ܐܚܝܕ
292:09	ܠܒܝ̈ܫܐ ܒܣܡܠܗ ܫܘܝܬܐ ܘܠܐܬܪܐ ܕܡܬܩܪܐ ܣܡܠܐ ܫܕܐ
292:10	ܠܗܘܢ܂ ܘܟܒܪ ܗܘܝܘ ܕܡܩܿܛܪܓ ܠܗܘܢ ܟܕ ܫܠܐ܂ ܘܝܗܿܒ
292:11	ܥܠܝܗܘܢ ܓܙܪ ܕܝܢܐ ܟܕ ܫܬܝܩ܂
292:12	ܘܣܒܿܪ ܐܢܐ ܥܠ ܗܢܐ ܪܥܝܢܐ ܓܘܝܐܼ܂ ܕܥܒܝܕ ܕܝܢܐ
292:13	ܘܢܡܘܣܐ܃ ܕܓܘܫܡܐ ܗܘ ܕܛܠܢܝܬܗ ܕܢܡܘܣܐ܂ ܘܛܠܢܝܬܐ
292:14	ܐܝܬܘܗܝ ܕܗܘܿ ܡܪܗ ܕܢܡܘܣܐ܃ ܘܡܛܠ ܗܢܐ ܐܬܝܗܒ
292:15	ܠܗ ܗܢܐ ܟܠܗ ܫܘܠܛܢܐ ܕܢܬܦܠܓ ܒܟܠ ܕܪ̈ܝܢ ܟܕ ܚܕ ܗܘ܂
292:16	ܘܢܬܪܫܡ ܒܟܠ ܦܓܪ̈ܝܢ܂ ܟܕ ܠܐ ܦܠܝܓ܃ ܘܢܬܬܨܝܪ ܒܟܠ ܠܒ̈ܝܢ܂
292:17	ܟܕ ܠܐ ܡܬܦܣܩ܃ ܘܢܛܘܣ ܥܠ ܟܠܗܘܢ ܟܕ ܠܐ ܠܐܐ܃
292:18	ܘܢܟܣ ܠܟܠܗܘܢ܂ ܟܕ ܠܐ ܒܗܿܬ܂ ܘܡܠܦ ܠܟܠܗܘܢ ܟܕ ܠܐ
293:01	ܕܒܪ ܒܩܛܝܪܐ܂ ܘܡܿܠܟ ܠܗܘܢ܂ ܟܕ ܠܐ ܗܿܘܐ ܠܗܘܢ ܐܠܘܨܐ܂
293:02	ܘܡܕܟܪ ܠܗܘܢ ܕܝܢܐ ܕܥܬܝܕ ܟܕ ܡܙܗܪ ܠܗܘܢ܂ ܘܡܥܗܕ
293:03	ܠܗܘܢ ܡܠܟܘܬܐ ܕܫܡܝܐ ܕܢܬܝܐܒܘܢ ܠܗܿ܂ ܘܡܿܒܕܩ
293:04	ܠܗܘܢ ܦܘ̈ܪܥܢܐ ܕܛܒ̈ܬܐ܃ ܕܢܬܪܓܪܓܘܢ ܠܗܝܢ܂ ܘܡܚܘܐ
293:05	ܠܗܘܢ ܥܙܝܙܘܬܗ ܕܕܝܢܼܐ܃ ܕܢܙܕܓܪܘܢ܂ ܘܡܘܕܥ ܠܗܘܢ
293:06	ܒܣܝܡܘܬܗ ܕܝܚܝܕܝܐܼ ܕܢܬܠܒܒܘܢ܂ ܥܡܗܘܢ ܪܗܿܛ ܠܟܠܗ̈ܝܢ
293:07	ܛܒ̈ܬܐ ܟܕ ܡܚܝܠ ܠܗܘܢ܂ ܘܥܠܝܗܘܢ ܛܐܼ̈ܣ ܟܕ ܡܓܗܢܝܢ
293:08	ܠܣܢܝ̈ܬܐ ܘܡܿܟܣ ܠܗܘܢ܂ ܕܕܡܿܝܢ ܐܢܘܢ ܪ̈ܚܡܘܗܝ ܠܕܡܪܗ܂
293:09	ܕܠܐ ܢܐܕ ܡܢܗܘܢ ܟܕ ܡܦܠܦܠܝܢ ܒܨܐܘܬܗܘܢ܂ ܘܠܐ
293:10	ܡܨܛܡܥܪ ܡܢܗܘܢ܂ ܟܕ ‍[‍ ‍]‍ ܡܥܪܓܠܝܢ ܒܣܝܢܐ܂
293:11	ܘܐܝܠܝܢ ܕܡܫܬܡܥܝܢ ܠܗ܃ ܥܬܝܕ ܕܢܥܗܕ ܐܢܘܢ܂ ܘܠܐܝܠܝܢ
293:12	ܕܠܐ ܡܬܛܦܝܣܝܢ ܠܗ܃ ܢܗܘܐ ܠܗܘܢ ܡܕܟܪܢܐ܂ ܗܪܟܐ
293:13	ܥܡܗܘܢ ܚܠܝܛ܃ ܒܟܠ ܐܣܟܝܡ܂ ܘܬܡܢ ܩܕܡܝܗܘܢ ܩܐܿܡ
293:14	ܒܗܢܐ ܝܘܡܐ ܀܀
293:15	ܘܟܕ ܗܠܝܢ ܚܿܙܝܬ ܒܗܝܿ ܡܚܙܝܬܐ ܫܦܝܬܐ܃ ܕܣܒܪܬܐ
293:16	ܩܕܝܫܬܐ ܕܡܪܝ܃ ܢܦܫ‍<‍ܝ‍>‍ ܬܚܒܬ܂ ܘܪܘܚܝ ܕܥܟܬ܃ ܘܩܘܡܬܝ
293:17	ܥܕܡܐ ܠܥܦܪܐ ܐܬܪܟܢܬ܂ ܚܢ̈ܓܬܐ ܡܪ̈ܝܪܬܐ ܠܒܝ ܐܬܡܠܝ
293:18	ܗܘ܃ ܕܛܟ ܢܬܚܘܪ̈ܢ ܟܘܬܡ̈ܬܝ܃ ܒܫܝܓܬܐ ܕܕܡ̈ܥܝ܃
293:19	ܘܐܬܕܟܪܬ ܠܗܘܿ ܡܪܐ ܛܿܒܐ ܘܐܠܗܐ ܢܝܿܚܐ܃ ܕܥܛܐ
294:01	ܐܫܛܪ ܚܘ̈ܒܐ ܕܚܝܒܐ ܒܕܡ̈ܥܐ܂ ܘܡܩܒܠ ܒܟܬܐ܃ ܚܠܦ
294:02	ܕܒ̈ܚܐ ܕܝܩ̈ܕܐ܂ ܘܟܕ ܥܕܡܐ ܠܗܪܟܐ ܡܛܝܬ܃ ܐܚܕܬ ܓܘܣܐ
294:03	ܒܬܝܒܘܬܐ܃ ܘܐܣܬܬܪܬ ܬܚܝܬ ܟܢܦܝ̈ܗܿ ܕܬܘܬ ܢܦܫܐ܂ ܘܛܦܗܬ܃
294:04	ܒܛܠܠܗܿ ܕܡܟܝܟܘܬܐ܂ ܘܐܡܪܬ ܕܡܢܐ ܡܟܝܠ ܥܡ ܗܠܝܢ
294:05	ܡܬܒܥܐ ܠܝ ܕܐܩܿܪܒ܃ ܠܗܘ ܕܠܐ ܣܢܝܩ ܥܠ ܕܒ̈ܚܐ ܘܝܩ̈ܕܐ܃
294:06	ܐܠܐ ܐܢ ܪܘܚܐ ܡܟܝܟܬܐ܃ ܕܗܼܝ ܗܝ ܕܒܚܐ ܡܫܡܠܝܐ܃
294:07	ܕܡܫܟܚ ܠܡܚܿܣܝܘ ܠܒܘܨܪ̈ܐ܂ ܘܠܒܐ ܫܚܝܩܐ ܚܠܦ ܝܩܕ̈ܐ܃
294:08	ܗܘܿ ܕܐܠܗܐ ܠܐ ܡܣܠܐ܂ ܘܚܠܦ ܢܘܩܝܐ ܕܚܡܪܐ ܕܡ̈ܥܐ
294:09	ܕܚܘܣܝܐ܂
294:10	ܗܢܐ ܗܟܝܠ ܡܕܡ ܕܚܿܙܝܬ܃ ܒܗܝ ܡܚܙܝܬܐ ܡܠܝܠܬܐ
294:11	ܘܚܝܬܐ܃ ܕܒܗܿ ܪܦܿܬܝܢ ܟܠܗܘܢ ܨܠܡ̈ܐ ܕܥܿܒ̈ܕܝܗܘܢ ܕܒܢܝ̈ܢܫܐ܂
294:12	ܕܡܢ ܐܕܡ ܥܕܡܐ ܠܫܘܠܡܗ ܕܥܠܡܐ܃ ܘܡܢ ܢܚܡܬܐ ܥܕܡܐ
294:13	ܠܝܘܡ ܕܝܢܼܐ ܕܟܐܢܘܬܐ܃ ܘܕܫܡܥܬ ܡܢ ܗܘܿ ܩܠܐ ܒܪܝܟܐ
294:14	ܕܡܢ ܓܘܗܿ ܡܫܬܡܼܥ ܗܘܐ܃ ܒܐܓܪܬܐ ܗܕܐ ܪܫܡܬ ܠܟ܃
294:15	ܐܚܝ ܚܒܝܒܐ ܀