← Back
The Comprehensive Aramaic Lexicon
← Return to the Text Browser
click on the file description for more information
60600: LSt (Laughable Stories)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Show manuscript variants

previous page


042:01 ‍[‍222‍]‍ ܐܚܪܢܐ ܡܢ ܚܟܝ̈ܡܐ ܐܡܼܪ܂ ܕܝܘ̈ܢܝܐ ܠܡ ܝܬܝܪ
042:02 ܡܗܝܪܝܢ܂ ܘܦܪ̈ܣܝܐ ܝܬܝܪ ܡܗܘ̈ܢܝܢ܀
042:03 ‍[‍223‍]‍ ܐܚܪܢܐ ܡܢ ܡܠܟ̈ܐ ܠܐ ܡܬܘܡ ܫܒܿܩ ܗܘܐ ܕܢܫܘܩ
042:04 ܐܢܫ ܐܝܕܗ܂ ܘܐܡܿܪ ܗܘܐ ܕܢܘܫܩܬܐ ܕܐܝܕܐ ܠܪ̈ܚܡܐ
042:05 ܡܿܢ ܬܘܚܬܝܐ‍<‍ ^ܒܕܘܟ ܬܚܘܝܬܐ^#2#‍>‍ ܐܝܬܝܗܿ܂ ܘܠܣܢ̈ܐܐ ܫܘܕܠܐ܀
042:06 ‍[‍224‍]‍ ܐܚܪܢܐ ܡܢ ܡܠܟ̈ܐ܂ ܟܕ ܬܒܿܥ ܐܢܫ ܡܢܗ ܓܒܪܐ
042:07 ܡܚܘܐ/ܐܢܫ ܕܡܚܘܐ#2#/ ܗܘܐ ܢܙܝܪܘܬܐ ܐܝܟܢܐ ܕܢܪܫܢܝܘܗܝ ܒܕܘܟܬܐ
042:08 ܡܕܡ܂ ܘܗܼܘ ܐܡܼܪ ܠܗ܂ ܕܢܙܝܪܘܬܐ ܗܕܐ ܕܒܗܿ ܥܢܐ ܐܢܬ܂
042:09 ܐܢܗܼܘ ܕܠܐܠܗܐ ܗܝ܃ ܠܐ ܙܿܕܩ ܠܢ ܕܢܒܛܠܝܗܿ ܒܝܕ ܪܫܢܘܬܐ
042:10 ܕܠܟ ܢܬܠ ܘܢܬܬܓܪ ܚܛܝܬܟ܂ ܘܐܢܗܼܘ ܕܒܡܣܒ ܒܐܦ̈ܐ ܗܝ܂
042:11 ܗܟܘܬ ܠܐ ܙܕܿܩ ܠܢ ܕܢܪܲܫܼܢ ܓܒܪܐ ܢܣܿܒ ܒܐܦ̈ܐ܂ ܘܗܟܢܐ
042:12 ܫܪܝܗܝ܀
042:13 ‍[‍225‍]‍ ܐܚܪܢܐ ܡܢ ܚܟܝ̈ܡܐ ܐܡܿܪ ܗܘܐ܂ ܕܡܬܡܨܝܢܘܬܐ
042:14 ܡܒܛܠܢܝܬܐ ܗܝ ܕܪܓܬܐ ܐܟܡܐ ܕܡܝ̈ܐ ܡܕܥܟ̈ܢܐ
042:15 ܐܢܘܢ ܕܢܘܪܐ܀
042:16 ‍[‍226‍]‍ ܐܚܪܢܐ/ܚܕ#2#/ ܡܢ ܡܠܟ̈ܐ܂ ܐܢܫ ܡܢ ܪܘܪ̈ܒܢܘܗܝ ܡܫܪܐ
042:17 ܗܘܐ ܕܢܡܪܕ ܥܠܘܗܝ܂ ܘܟܕ ܐܬܚܫܒ ܡܠܟܐ ܕܢܩܛܠܝܘܗܝ܂
042:18 ܠܐ ܨܒܼܐ ܒܠܥܕ ܗܿܝ ܕܢܬܡܠܟ ܒܐܢܫ ܡܢ ܚܟܝ̈ܡܐ܂ ܢܣܥܘܪ
042:19 ܗܕܐ܂ ܘܟܕ ܩܪܐ ܠܚܟܝܡܐ ܘܫܐܠܗ܂ ܦܼܢܝ ܠܗ܂ ܕܠܝܬ ܠܟ
042:20 ܐܠܐ ܕܬܪܝܡܝܘܗܝ ܡܢ ܐܪܥܐ܂ ܘܐܠܐ܂ ܠܐ ܬܩܢܐ ܠܟ
042:21 ܡܠܟܘܼܬܐ܂ ܘܟܕ ܫܡܼܥ ܡܠܟܐ ܪܓܙ ܪܘܪܒܐܝܬ܂ ܘܐܡܼܪ
042:22 ܠܚܟܝܡܐ ܗܿܘ܂ ܕܡܿܠܟ ܐܢܬ ܠܝ ܕܐܩܛܘܠ ܓܒܪܐ ܕܗܼܘܝܘܼ
042:23 ܕܪܥܝ ܕܝܡܝܢܐ܂ ܘܥܠܘܗܝ ܣܡܝܟ ܐܢܐ܂ ܘܐܦܩܗ ܠܚܟܝܡܐ

next page