← Back
The Comprehensive Aramaic Lexicon
← Return to the Text Browser
click on the file description for more information
60601: SyrAhiq 3

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

Page 1 of 3   (149 lines total)   next page »   show all

3.149:01 ܒܫ̈ܢܝ ܣܢܚܪܝܒ ܡܠܟܐ ܕܐܬܘܪ ܘܕܢ‍[‍ܝܢܘܐ‍]‍ ܐܝܬܝ
3.149:02 ܗܿܘܝܬ ܐܢܐ ܚܝܩܪ ܣܦܪܐ ܕܡܠܟܐ܂ ܐܬܐܡܪ ܠܝ ܒܚܙܘܐ ܕܒܪܐ ܠܐ
3.149:03 ܗܿܘܐ ܠܟ܂ ܐܠܐ ܥܘܬܪܐ ܣܓܝܐܐ ܬܩܢܐ܃ ܐܫܬܝܢ ܢܫ̈ܐ ܢܣܿܒܬ܂ ܘܒܪ
3.149:04 ܐܫ̈ܬܝܢ ܫܢ̈ܝܢ ܗܿܘܝܬ܂ ܘܒܪܐ ܠܐ ܗܘܐ ܠܝ ܡܢ ܚܕܐ ܡܢܗܝܢ܂
3.149:05 ܘܗܝܕܝܢ ܒܢܿܝܬ ܠܝ ܥܠܬܐ ܚܕܐ ܪܒܬܐ܂ ܘܣܿܡܬ ܥܠܝܗܿ ܨܘ‍{‍ܪ‍}‍‍<‍ܕ‍>‍ܐ/ܣܒܪܐ/
3.149:06 ܛܒܐ܂ ܘܐܣܿܩܬ ܕܒܚ̈ܐ ܠܡܪܝܐ܂ ܘܐܡܿܪܬ܂ ܐܝܢ ܡܪܝܐ ܐܠܗܐ ܢܗܘܐ
3.149:07 ܠܝ ܒܪܐ܂ ܕܐܡܬܝ ܕܡܝܬ ܐܢܐ ܢܗܼܘܐ ܝܪܬܐ ܡܢ ܒܬܪ܂ ܘܗܼܘ
3.149:08 ܐܠܗܐ ܥܢܼܢܝ ܘܐܡܼܪ ܠܝ܂ ܚܝܩܪ ܟܠܡܕܡ ܕܒܥܼܝܬ
3.149:09 ܡܢܝ ܝܗܿܒܬ ܠܟ܂ ܘܟܠܡܕܡ ܦܫܼܝܩ ܒܐܝ̈ܕܝ ܠܡܥܒܕ ܠܟ
3.149:10 ܘܕܠܐ ܒܢܝ̈ܐ ܫܒܩܬܟ ܣܿܦܩ ܠܟ܂ ܠܐ ܬܬܬܥܝܼܩ ܐܘ ܬܬܛܪܦ܂ ܐܠܐ
3.149:11 ܗܐ ܢܕܢ ܒܪ ܚܬܟ ܥܒܕܝܗܝ ܠܟ ܒܪܐ܂ ܟܕ ܗܠܝܢ ܫܡܿܥܬ
3.149:12 ܦܘܩܕܢܐ ܥܒܿܕܬ܂ ܘܢܿܣܒܬ ܠܢܕܢ ܒܪ ܚܬܝ܂ ܐܫܠܡܬܗ
3.149:13 ܠܡܝܢܩ̈ܬܐ ܬܡܢ̈ܐ܂ ܘܫܡܢܬܗ ܒܫܘܡܢܐ ܘܕܒܫܐ ܘܚܘܬܐ܂ ܘܐܠܒܫܬܗ
3.149:14 ܒܘܨܐ ܘܐܪܓܘܢܐ܂ ܘܪܒܐ ܘܫܘܼܚ ܐܝܟ ܐܪܙܐ܂ ܘܟܕ ܪܒܐ ܐܠܦܬܗ
3.149:15 ܣܦܪܐ ܘܚܟܡܬܐ܂ ܒܚܕ ܡܢ ܝܘ̈ܡܝܢ ܩܪܢܼܝ ܡܠܟܐ ܣܢܚܪܝܒ
3.149:16 ܘܐܡܪ ܠܝ܂ ܚܝܩܪ ܣܦܪܐ ܚܟܝܡܐ܂ ܣܓܝ ܣܐܒܬ܂ ܡܢ ܒܬܪܟ
3.149:17 ܡܢܘ ܢܫܡܫܢܝ ܐܘ ܢܦܠܚܢܝ܂ ܘܥܿܢܝܬ ܘܐܡܿܪܬ܂ ܠܥܠܡ ܬܗܘܐ
3.149:18 ܡܠܟܘܬܟ܃ ܐܝܬ ܠܝ ܒܪܐ ܕܐܟܘܬܝ ܚܟܝܡ ܘܝܿܕܥ ܣܦܪܐ܂
3.149:19 ܘܐܡܼܪ ܠܝ ܙܠ ܐܝܬܝܘܗܝ ܨܝܕܝ ܕܐܚܿܙܝܘܗܝ܂ ܐܢ
3.149:20 ܡܫܟܚ ܢܫܡܫܢܝ ܘܢܩܼܘܡ ܒܕܘܟܬܟ܂ ܘܐܢܬ ܙܠ ܐܬܬܢܝܚ܂
3.149:21 ܘܟܕ ܕܒܪܬܗ ܠܢܕܢ ܘܐܩܝܡܬܗ ܩܕܡܘܗܝ܂ ܟܕ ܚܙܝܗܝ ܡܠܟܐ
3.150:01 ܐܡܼܪ ܠܝ܂ ܢܗܘܐ ܒܪܝܟ ܝܘܡܐ ܗܢܐ܂ ܐܝܟ ܕܦܠܚܬ ܘܫܡܫܬ
3.150:02 ܩܕܡܝ ܘܩܕܡ ܐܒܝ܂ ܐܢܐ ܐܦܪܥܝܘܗܝ ܠܒܪܟ ܢܕܢ܂ ܘܐܢܬ ܙܠ
3.150:03 ܐܬܬܢܼܝܚ܂ ܘܗܼܘ ܢܕܢ ܡܫܡܫ ܠܝ܂ ‍[‍ܘܐܢܐ‍]‍ ܚܝܩܪ ܣܓܕܬ
3.150:04 ܠܡܠܟܐ ܘܐܡܿܪܬ܂ ܠܥܠ‍[‍ܡ‍]‍ ܬܗܘܐ ܡܠܟܘܬܟ܂ ܐܢܬ ܝܿܕܥ ܐܢܬ
3.150:05 ܕܦܠܚ‍[‍ܬ‍]‍ ܣܓܝ ܩܕܡܝܟ ܘܩܕܡ ܐܒܘܟ܂ ܐܦ ܐܢܬ ܐܓܪ ܪܘܚܟ
3.150:06 ܥܡ ܒܪܝ܂ ܕܥܦܝܦܐܝܬ ܬܫܬܟ‍[‍ܚ‍]‍ ܛܝܒܘܬܟ ‍[‍ܕ‍]‍ܠܘܬܝ܂ ܘܗܼܘ
3.150:07 ܡܠܟܐ ܝܡܝܢܐ ܝܗܼܒ ܠܝ ܘܐܫܬܘܕܝ ܟܠ ܕܫܦܝܪ܂ ܗܝܕܝܢ ܐܢܐ
3.150:08 ܠܐ ܫܠܐ ܗܿܘܝܐ ܠܐ ܠܠܝܐ ܘܠܐ ܐܝܡܡܐ ܡܢ ܠܡܠܦܘ ܠܒܪܝ
3.150:09 ܢܕܢ܂ ܥܕܡܐ ܕܣܒܥܬܗ ܝܘܠܦܢܐ ܣܓܝ ܡܢ ܠܚܡܐ ܘܡܢ ܡܝ̈ܐ܂
3.150:10 ܘܗܟܢܐ ܐܡܿܪ ܗܿܘܝܐ ܠܗ܂ ܫܡܥ ܒܪܝ ܘܬܐ ܠܬܪܥܝܬܝ܂ ܘܬܗܼܘܐ
3.150:11 ܥܗܿܕ ܠܡܠ̈ܝ ܐܝܟ ܡܐܡܪ ܐܠܗ̈ܝܢ܂
3.150:12 ܝܘܠܦܢܐ ܕܐܠܦ ܠܢܕܢ܂
3.150:13 ܒܪܝ ܐܢ ܬܫܼܡܥ ܡܠܬܐ ܬܡܘܬܝܗܿ ܒܠܒܟ ܘܠܐܢܫ ܠܐ
3.150:14 ܬܓܠܝܗܿ܂ ܕܠܡܐ ܬܗܘܐ ܓܡܘܪܐ ܒܦܘܡܟ ܘܬܟܘܝܟ ܘܡܘܡܐ
3.150:15 ܬܣܝܼܡ ܒܓܘܫܡܟ܂ ܘܥܠ ܐܠܗܐ ܬܬܪܥܡ܀ ܒܪܝ ܟܠ ܕܚܙܿܐ
3.150:16 ܐܢܬ ܠܐ ܬܓܠܐ܂ ܘܟܠ ܕܫܡܥ ܐܢܬ ܠܐ ܬܐܡܪ܀ ܒܪܝ ܐܣܪܐ ܕܚܬܝܡ
3.150:17 ܠܐ ܬܫܪܐ܂ ܕܫܼܪܐ ܠܐ ܬܚܬܘܡ܀ ܒܪܝ ܡ̈ܠܐ ܕܠܐ ܕܝܠܟ܂ ܠܐ ܢܡ̈ܠܠܢ
3.150:18 ܣ̈ܦܘܬܟ܀ ܒܪܝ ܠܫܘܦܪܐ ܠܐ ܬܬܪܓܪܓ܂ ܡܛܠ ܕܫܘܦܪܐ ܒܠܐ
3.150:19 ܘܥܿܒܪ ܘܫܡܐ ܛܒܐ ܡܩܘܐ ܘܡܟܬܪ܀ ܒܪܝ ܠܐ ܬܫܕܠܟ ܐܢܬܬܐ
3.150:20 ܙܠܝܠܬܐ ܒܡܠ̈ܝܗܿ܂ ܡܛܠ ܕܡܢ ܡܠ̈ܝܗܿ ܢܒܥܝܢ ܣܡܐ
3.150:21 ܘܡܘܬܐ܂ ܘܒܡܨܝܕܬܐ ܬܬܦܪܟܠ܂ ܘܒܦܚܐ ܬܬܨܝܕ܀ ܒܪܝ ܐܢ ܚܙܿܐ
3.150:22 ܐܢܬܬܐ ܕܡܨܒܬܬܐ ܘܒܡܫ̈ܚܢܐ ܡܕܗܢܐ܂ ܘܒܗܪܘܡܐ ܡܥܛܪܐ ܘܡܙܠܠܐ
3.150:23 ܒܢܦܫܗܿ܂ ܠܐ ܬܐܪܓܝܗܿ ܒܠܒܟ܂ ܡܛܠ ܕܐܢ ܬܬܠ ܠܗܿ ܢܦܫܟ܂
3.150:24 ܡܕܡ ܫܪܝܪܐ ܐܘ ܕܫܦܝܪ ܒܗܿ ܠܐ ܡܫܟܚ ܐܢܬ܂ ܐܠܐ ܐܢ
3.151:01 ܚܛܗܐ ܒܠܚܘܕ ܡܩܒܠ ܐܢܬ܂ ܘܠܐܠܗܐ ܡܪܓܙ ܐܢܬ܂ ܒܪܝ ܠܐ
3.151:02 ܬܗܘܐ ܙܠܝܠ ܐܝܟ ܠܘܙܐ ܕܠܘܩܕܡ ܡܦܪܥ ܘܠܚܪܬܐ ܐܒܗ
3.151:03 ܡܬܐܟܠ܂ ܐܠܐ ܗܘܝ ܪܡܝܣܐ ܘܚܟܝܡ ܐܝܟ ܬܘܬܐ܂ ܕܒܚܪܬܐ
3.151:04 ܡܦܪܥ ܘܒܩܕܡܐ ܐܒܗ ܡܬܐܟܠ܀ ܒܪܝ ܐܪܟܢ ܥܝ̈ܢܝܟ ܠܬܚܬ
3.151:05 ܘܐܡܟ ܩܠܟ ܘܗܘܝ ܡܛܟܣܐ ܘܠܐ ܙܠܝܠܐ ܘܠܐ ܬܪܝܡ ܩܠܟ
Page 1 of 3   next page »   show all