← Back
The Comprehensive Aramaic Lexicon
← Return to the Text Browser
click on the file description for more information
60801: HippAp (Hippocrates Aphorisms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

03:01 ܥܠ ܣܒܪܐ ܘܬܘܟܠܢܐ ܫܪܝܪܐ ܕܚܕ ܐܠܗܐ ܐܚܝܕ ܟܠ ܟܬܒܝܢܢ ܐܘܦܘܪ̈ܝܣܡܘ ܕܚܟܝܡܐ
03:02 ܐܝܦܦܘܩܪܐܛܝܣ܂
03:03 ܦܣܩܐ ܩܕܡܝܐ܂ ܚܝ̈ܐ ܟܪ̈ܝܢ܂ ܘܐܘܡܢܘܬܐ ܐܪܝܟܐ܂ ܥܕܢܐ ܚܪܝܦ܂ ܢܣܝܢܐ ܠܐ ܙܗܝܪ܂
03:04 ܒܘܚܪܢܐ ܥܣܼܩ ܙܕܩ ܕܝܢ܃ ܠܘ ܐܢܬ ܒܠܚܘܕ ܬܬܠ ܢܦܫܟ ܠܡܥܒܕ ܐܝܠܝܢ ܕܘ̈ܠܝܢ܂ ܐܠܐ
03:05 ܘܗܿܘ ܕܟܪܝܗ܃ ܘܗܿܢܘܢ ܕܩܪܝܒܝܢ ܠܗ܃ ܘܗ̈ܢܝܢ ܕܡܼܢ ܠܒܪ܂
03:06 ܕܬܪܝܢ܂ ܒܫܓܘܫ̈ܝܐ ܕܟܪܣܐ ܘܒܬܝܘ̈ܒܐ ܐܝܠܝܢ ܕܗܘܝܢ ܡܼܢ ܨܒܘܼܬ ܢܦܫܗܘܢ܃ ܐܢܗܘ ܡܿܢ
03:07 ܕܐܝܠܝܢ ܕܙܕܩ ܕܢܬܕܟܝܢ ܡܬܕܟ̈ܝܢ ܡܗܢ̈ܝܢ ܟܝܬ ܘܕܠܝܠܐܝܬ ܡܣܝܒܪܝܢ ܠܗܝܢ܂ ܐܢܕܝܢ ܠܐ܃
03:08 ܗܿܝ ܕܕܠܩܘܒܠܐ܂ ܗܟܢܐ ܕܝܢ ܘܐܦ ܣܦܝܩܼܘܬ ܡܐ̈ܢܐ܃ ܐܢܗܘ ܡܿܢ ܕܐܝܕܐ ܕܙܿܕܩ ܕܬܗܘܐ
03:09 ܗܿܘܝܐ ܡܿܗܢܝܐ ܟܝܬ ܘܕܠܝܠܐܝܬ ܡܣܝܒܪܝܢ܂ ܐܢܕܝܢ ܠܐ܃ ܗܿܝ ܕܕܠܩܘܒܠܐ܂ ܠܡܚܪ ܡܕܝܢ
03:10 ܚܿܝܒܐ ܘܒܙܒܢ̈ܐ ܕܫܢܬܐ ܘܒܐܬܪܐ ܘܒܩܘܡܬܐ ܘܒܟܘܪ̈ܗܢܐ ܕܒܐܝܠܝܢ ܙܿܕܩ
03:11 ܘܒܐܝܠܝܢ ܠܐ܂
03:12 ܕܬܠܬܐ܂ ܠܡܬܕܪ̈ܫܢܐ ܡܦܛܡܘܬܐ ܪܝܫܝܬܐ ܠܐ ܙܗܝܪܐ܂ ܐܢܗܘ ܕܒܣܟܐ ܐܚܪܝܐ
03:13 ܐܝܬܝܗܘܢ܂ ܠܐ ܓܝܪ ܡܼܨܝܢ ܕܢܟܬܪܘܢ ܒܗܿ ܟܕ ܒܗܿ ܘܠܐ ܕܢܫܼܠܘܢ܂ ܡܛܠ ܕܝܢ ܕܠܐ
03:14 ܫܿܠܝܢ ܠܐ ܡܟܝܠ ܡܨܝܢ ܠܡܫܬܘܫܛܘ ܠܘܬ ܗܿܝ ܕܡܝܬܪܐ܂ ܫܪܝܟܐ ܡܕܝܢ ܕܠܘܬ ܗܿܝ ܕܒܝܼܫܐ
03:15 ܢܐܬܘܢ܂ ܦܩܚܐ ܡܕܝܢ ܡܛܠ ܗܠܝܢ܃ ܠܡܫܼܪܝܗܿ ܠܡܦܛܡܘܬܐ܂ ܠܘ ܡܫܘܚܪܐܝܬ܂ ܐܝܟܢܐ
03:16 ܕܬܘܒ ܢܿܣܒ ܦܓܪܐ ܫܘܪܝܐ ܕܡܬܬܪܣܝܢܘܬܐ ܕܡܢܕܪܝܫ܂ ܐܦܠܐ ܬܘܒ ܠܣܘܦܩܗܘܢ
03:17 ܢܝܬܝܘܗܝ ܠܣܟܐ ܐܚܪܝܐ܂ ܠܐ ܙܗܝܪܬܐ ܗܝ ܓܝܪ ܐܦ ܗܕܐ܂ ܐܠܐ ܟܡܐ ܕܥܬܝܕ
03:18 ܟܝܢܗ ܕܗܿܘ ܕܡܣܬܦܩ ܕܢܣܝܒܪ ܥܕܡܐ ܠܗܕܐ ܢܝܬܐ܂ ܗܘ ܗܟܘܬ ܕܝܢ܃ ܘܐܦ ܣܘܦ̈ܩܐ
03:19 ܗܿܢܘܢ ܕܠܣܟܐ ܐܚܪܝܐ ܡܝܬܝܢ ܠܐ ܙܗܝܪܝܢ܂ ܘܬܘܒ ܐܦ ܡܬܪ̈ܣܝܢܘܬܐ ܕܡܢܕܪܝܫ ܗܢܝܢ
03:20 ܕܒܣܟܐ ܐܚܪܝܐ ܠܐ ܙܗܝܪ̈ܢ܂
03:21 ܕܐܪܒܥܐ܃ ܕܘܒܪ̈ܐ ܩܛܝ̈ܢܐ ܘܚܬܝ̈ܬܐ܃ ܒܚܫ̈ܐ ܐܪ̈ܝܟܐ ܒܐܡܝܢܘ܃ ܘܒܚܪ̈ܝܦܐ
03:22 ܐܝܟܐ ܕܠܐ ܡܩܒܠܝܢ ܠܗܘܢ܃ ܕܘܒܪ̈ܐ ܕܡܛܝܘ ܥܕܡܐ ܠܣܟܐ ܐܚܪܝܐܿ ܕܩܛܝܢܘܬܐ ܥܣܩܝܢ܂

next page