← Back
The Comprehensive Aramaic Lexicon
← Return to the Text Browser
click on the file description for more information
60801: HippAp (Hippocrates Aphorisms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


04:01 ܕܚܡܫܐ܂ ܒܕܘܒܪ̈ܐ ܩܛܝܢ̈ܐ ܡܣܟܠܝܢ ܗܿܢܘܢ ܕܟܪܝܗܝܢ܃ ܐܝܕܐ ܕܡܛܠܬܗܿ ܐܦ ܝܬܝܪ
04:02 ܡܬܢܟܝܢ܂ ܟܠܡܐ ܓܝܪ ܕܗܿܘܐ ܪܒܐ ܗܿܘܐ ܝܬܝܪ ܡܼܢ ܕܒܕܘܒܪ̈ܐ ܕܝܬܝܪ ܩܠܝܠ ܥܒܝܢ܂
04:03 ܘܡܛܠܗܕܐ ܘܐܦ ܠܗܿܢܘܢ ܕܚܠܝܼܡܝܢ ܠܐ ܙܗܝܪܝܢ ܕܘܒܪ̈ܐ ܗܿܢܘܢ ܕܐܝܬܝܗܘܢ ܛܒ
04:04 ܩܛܝܢ̈ܐ ܘܚܬܝ̈ܬܐ܂ ܡܛܠܗܿܝ ܕܠܐܝܠܝܢ ܕܡܬܬܣܟ̈ܠܢ ܝܬܝܪ ܥܣܩܐܝܬ ܡܣܝܒܪܝܢ܂ ܡܛܠܗܕܐ
04:05 ܡܕܝܢ ܕܘܒܪܐ ܩܛܝ̈ܢܐ ܘܚܬܝ̈ܬܐ ܡܣܟܠܝܢ ܒܣܓܝ̈ܐܬܐ ܝܬܝܪ ܡܼܢ ܗܢܘܢ ܕܥܒܝܢ ܩܠܝܠ܂
04:06 ܕܫܬܐ܂ ܠܘܬ ܟܘܪ̈ܗܢܐ ܕܝܢ ܐܚܪ̈ܝܐ ܡܚܠܡܢܘ̈ܬܐ ܕܐܚܪ̈ܝܬܐ ܐܝܬܝܗܝܢ ܒܚܬܝܬܘܬܐ
04:07 ܛܒ ܡܝܬܪ̈ܢ܂
04:08 ܕܫܒܥܐ܂ ܟܪ ܡܿܢ ܗܟܝܠ ܕܛܒ ܚܪܝܦ ܟܘܪܗܢܐ܃ ܒܪ ܫܥܬܗ ܐܦ ܟܐܒ̈ܐ ܐܚܪ̈ܝܐ
04:09 ܩܿܢܐ܂ ܘܐܠܨܐ ܠܡܬܚܫܚܘ ܒܕܘܒܪ̈ܐ ܕܐܚܪܝܬ ܛܒ ܩܛܝܢܝܢ܃ ܟܪ ܕܝܢ ܕܠܐ ܐܠܐ ܡܨܝܐ
04:10 ܕܝܬܝܪ ܥܒܝܐܝܬ ܢܕܒܪ܂ ܕܐܝܟ ܗܟܢܐ ܢܚܘܬ ܟܡܐ ܕܗܼܘ ܟܘܪܗܢܐ ܝܬܝܪ ܪܟܝܟ ܡܼܢ ܣܟ̈ܐ
04:11 ܐܚܪ̈ܝܐ܂ ܒܙܒܢ ܥܘܙܗ ܕܟܘܪܗܢܐ ܒܕܘܒܪ̈ܐ ܕܛܒ ܩܛܝܢܝܢ ܐܠܨܐ ܠܡܬܚܫܚܘ܂
04:12 ܕܬܡܢܝܐ܂ ܠܡܚܼܢܐ ܕܝܢ ܙܕܩ܃ ܘܥܠ ܗܿܘ ܕܟܪܝܗ܃ ܕܐܢܗܘ ܣܿܦܩ ܕܢܣܿܝܒܪ ܠܥܘܙܗ
04:13 ܕܟܘܪܗܢܐ܂ ܘܕܐܪܐ ܗܘ ܡܬܚܣܢ ܩܕܡܐܝܬ ܘܠܐ ܡܣܝܒܪ ܠܗ ܠܕܘܒܪܐ܂ ܐܘܿ ܟܘܪܗܢܐ
04:14 ܩܕܡܐܝܬ ܡܬܚܣܢ ܘܡܫܬܗܐ܂
04:15 ܕܬܫܥܐ܂ ܠܗܿܢܘܢ ܡܿܢ ܗܟܝܠ ܕܒܪܫܥܬܗ ܗܿܘܐ ܠܗܘܢ ܥܘܙܐ܃ ܒܪ ܫܥܬܗ ܙܿܕܩ
04:16 ܠܡܕܒܪܘ ܐܢܘܢ ܩܛܝܢܐܝܬ܂ ܠܗܿܢܘܢ ܕܝܢ ܕܠܚܪܬܐ ܗܿܘܐ ܠܗܘܢ ܥܘܙܐ ܒܗܢܐ
04:17 ܘܩܕܡܘܗܝ ܩܠܝܠ ܢܒܨܪ܂ ܩܕܡ ܗܝܕܝܟ ܕܝܢ ܝܬܝܪ ܥܒܝܐܝܬ ܢܕܒܪ ܠܦܘܬ ܗܿܘ ܡܐ ܕܣܿܦܩ
04:18 ܗܿܘ ܕܟܪܝܗ ܕܢܥܿܙܐ܂ ܒܥܕܝ̈ܐ ܕܝܢ ܢܬܟܼܠܐ܂ ܗܿܝ ܓܝܪ ܕܢܘܣܦ ܢܟܝܢܐ ܗܝ܂
04:19 ܕܥܣܪܐ܂ ܘܒܟܘܪ̈ܗܢܐܿ ܐܝܠܝܢ ܕܒܚܘܕܪ̈ܐ ܥܕܝܢ܃ ܒܥܕܝܝ̈ܗܘܢ ܠܡܬܟܠܝܘ ܙܕܩ܂
04:20 ܕܚܕܥܣܪ܂ ܥܠ ܥܕܝ̈ܐ ܕܝܢ ܘܥܠ ܛܘܟ̈ܣܐ ܡܫܘܕܥܝܢ܃ ܗܢܘܢ ܟܘܪ̈ܗܢܐ܂ ܘܙܒܢܐ
04:21 ܕܫܢܬܐ܂ ܘܬܘܣܦ̈ܬܐ ܕܚܘܕܪ̈ܐ܂ ܐܢ ܟܠ ܝܘܡ܃ ܘܐܢ ܚܕ ܝܘܡ ܘܚܕ ܠܐ܃ ܘܐܢ ܚܕܐ
04:22 ܠܙܒܢܐ ܕܝܬܝܪ ܐܪܝܟ ܗܘܝܢ܂ ܐܠܐ ܘܐܦ ܐܝܠܝܢ ܕܒܬܪܟܢ ܡܬܚ̈ܙܝܢ ܐܟܙܢܐ ܕܒܕܩܪܬܐ܂
04:23 ܐܢܗܘ ܡܿܢ ܕܒܪ ܫܥܬܗ ܢܿܩܦ ܡܬܚܙܐ ܪܘܩܐ ܡܼܢ ܫܘܪܝܐ܃ ܟܪܝܐ ܗܝ܂ ܐܢܕܝܢ ܠܚܪܬܐ
04:24 ܡܬܚܙܐ ܢܓܝܪܬܐ ܗܝ܂ ܘܬܦܫܘܪܬܐ ܬܘܒ ܘܝܬܒܬܐ ܘܕܘܥܬܐ ܟܕ ܢܩ̈ܦܢ ܡܬܚ̈ܙܝܢ
04:25 ܡܫܘ̈ܕܥܢ ܕܐܢ ܥܣܩܐܝܬ ܐܘ ܦܫܝܩܐܝܬ ܡܬܒܚܪܝܢ ܟܘܪ̈ܗܢܐ ܘܐܢ ܐܪܝܟܝܢ ܐܘ ܟܪ̈ܝܢ܂
04:26 ܕܬܪܥܣܪ܂ ܣܒܐ̈ ܛܒ ܕܠܝܠܐܝܬ ܡܣܝܒܪܝܢ ܨܘܡܐ܂ ܦܠܝ̈ܓܝ ܫܢܝ̈ܐ ܬܪܝܢܐܝܬ܂
04:27 ܓܕܘ̈ܕܐ ܛܒ ܒܨܝܪܐܝܬ܂ ܛܠܝ̈ܐ ܝܬܝܪ ܡܢ ܟܠܗܘܢ ܛܒ ܒܨܝܪܐܝܬ܂ ܘܡܢ ܗܠܝܢ ܐܝܠܝܢ
04:28 ܕܓܕܫܐ ܕܝܬܝܪ ܪܐܓܝܢ ܡܼܢ ܫܪܟܐ ܕܒܢ̈ܝ ܩܘܡܬܗܘܢ܂
04:29 ܕܬܠܬܥܣܪ܂ ܐܝܠܝܢ ܕܥܕܟܝܠ ܪܒܝܢ ܛܒ ܣܓܝ ܒܗܘܢ ܚܡܝܡܐ ܟܝܢܝܐ܂ ܒܕܓܘܢ
04:30 ܘܥܠ ܣܝܒܪܬܐ ܕܛܒ ܣܓܝܐܐ ܣܢܝܼܩܝܢ܂ ܘܐܢ ܕܝܢ ܠܐ ܡܬܛܠܩ ܦܓܪܗܘܢ܂ ܒܣܒ̈ܐ ܕܝܢ
04:31 ܒܨܝܪ ܗܘܼ ܚܡܝܡܐ܂ ܘܡܛܠܗܕܐ ܥܠ ܩܠܝܠ ܡܠܘܐܐ ܕܝܩܕܢܐ ܣܢܝܩܝܢ܂ ܡܼܢ ܣܓܝܐܐ ܓܝܪ
04:32 ܕܥܟ ܠܗ܂ ܘܡܛܠ ܗܕܐ ܘܐܫܬܘ̈ܬܐ ܕܣܒ̈ܐ ܠܘ ܒܗܿ ܒܕܡܘܬܐ ܚܪ̈ܝܦܢ܃ ܩܪܝܪ ܗܘ ܓܝܪ
04:33 ܦܓܪܗܘܢ܂

next page