← Back
The Comprehensive Aramaic Lexicon
← Return to the Text Browser
click on the file description for more information
60801: HippAp (Hippocrates Aphorisms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


08:01 ܕܬܠܬܝܢ ܘܒ܊܂ ܐܝܠܝܢ ܕܒܣܘܓܐܐ܃ ܟܠܗܘܢ ܐܝܠܝܢ ܕܒܝܫܐܝܬ ܐܝܬܝܗܘܢ܃ ܟܕ ܫܦܝܪ
08:02 ܐܿܟܠܝܢ ܒܫܘܪܝܐ ܘܠܐ ܡܕܡ ܡܬܬܘܣܦ ܦܓܪܗܘܢ܃ ܒܫܘܠܡܐ ܡܢܕܪܝܫ ܡܬܟܠܝܢ ܡܢ
08:03 ܡܐܟܘܠܬܐ ܂ ܂ ܂ ܥܫܝܢܐܝܬ܂ ܠܚܪܬܐ ܕܝܢ ܫܦܝܪ
08:04 ܐܿܟܠܝܢ ܝܬܝܪ ܛܒܐܝܬ܂
08:05 ܕܬܠܬܝܢ ܘܓ܊܂ ܒܟܠ ܟܘܪܗܢܐ܃ ܗܿܝ ܕܬܗܘܐ ܚܠܝܡܐ ܬܪܥܝܬܐ ܘܗܿܝ ܕܫܦܝܪ ܢܩܒܠ
08:06 ܐܢܫ ܡܐܟ̈ܠܬܐ ܛܒܐ܂ ܗܿܝ ܕܝܢ ܕܕܠܩܘܒܠܐ ܒܝܫܐ܂
08:07 ܕܬܠܬܝܢ ܘܐܪܒܥ܂ ܒܟܘܪ̈ܗܢܐ ܗܿܢܘܢ ܕܒܝܬܝ ܟܘܪܗܢܗܘܢ ܠܟܝܢܗܘܢ ܘܠܩܘܝܡܗܘܢ
08:08 ܘܠܫܝܘܬܗܘܢ ܘܠܙܒܢܐ ܕܫܢܬܐ ܒܨܝܪ ܫܪܟܝܢ ܠܩܝܢܕܘܢܘܣ ܡܢ ܗܿܢܘܢ ܕܠܐ ܒܝܬܝ ܟܘܪܗܢܗܘܢ
08:09 ܠܡܕܡ ܡܢ ܗܠܝܢ܂
08:10 ܕܬܠܬܝܢ ܘܚܡܫ܂ ܒܟܠ ܟܘܪܗܢ܃ ܗܿܝ ܕܐܬܪ̈ܘܬܐ ܕܠܐܦ̈ܝ ܟܘܢܬ ܫܪܐ ܘܡܚܣ̈ܢܐ
08:11 ܢܗܘܘܢ ܥܒ̈ܝܢ ܫܦܝܪܐ܂ ܗܿܝ ܕܝܢ ܕܣܓܝ ܢܗܘܘܢ ܪ̈ܩܝܩܝܢ ܘܡܕܝܒܝܢ ܒܝܫܐ܂ ܠܐ ܕܝܢ ܙܗܝܪܐ
08:12 ܗܕܐ ܘܠܘܬ ܢܘܦ̈ܨܐ ܕܡܼܢ ܠܬܚܬ܂
08:13 ܕܬܠܬܝܢ ܘܘ܊܂ ܐܝܠܝܢ ܕܚܠܝܼܡܝܢ ܦܓܪ̈ܝܗܘܢ܃ ܟܕ ܒܝܕ ܣܡܡ̈ܢܐ ܡܬܕܟܝܢ܃ ܚܝܨܐܝܬ
08:14 ܥܝܦܝܢ܂ ܬܘܒ ܕܝܢ ܘܗܿܢܘܢ ܕܒܣܝܒܪ̈ܬܐ ܒܝܫ̈ܬܐ ܡܬܚܫܚܝܢ܂
08:15 ܕܬܠܬܝܢ ܘܙ܊܂ ܐܝܠܝܢ ܕܫܦܝܪ ܐܝܬܝܗܘܢ ܦܓܪ̈ܝܗܘܢ ܥܣܩܝܢ ܠܡܬܕܟܝܘ ܒܣܡ̈ܡܢܐ
08:16 ܕܬܠܬܝܢ ܘܬܡ̈ܢܐ܂ ܫܩ̈ܝܐ ܘܡܐܟ̈ܠܬܐ ܕܝܬܝܪ ܡܢ ܩܠܝܠ ܡܐܟܿܝܢ ܝܬܝܪ ܕܝܢ ܗܢܝܐܝܢ
08:17 ܠܡܓܒܐ ܙܕܿܩ ܥܠ ܐܝܠܝܢ ܕܝܬܝܪ ܡܿܢ ܛܒܝܢ ܒܨܝܪ ܕܝܢ ܒܪܡ ܗܢܝܐܝܢ܂
08:18 ܕܬܠܬܝܢ ܘܬܫܥ܂ ܣܒ̈ܐ܃ ܐܝܟ ܕܒܣܘܓܐܐ ܡܿܢ܃ ܒܨܝܪ ܡܬܟܪܗܝܢ ܡܼܢ ܥܠܝ̈ܡܐ܂
08:19 ܟܘܪ̈ܗܢܐ ܕܝܢ ܒܪܡ ܢܓܝܪ̈ܐ ܕܗܿܘܝܢ ܠܗܘܢ ܐܝܟ ܕܒܣܘܓܐܐ ܥܡܗܘܢ ܡܝܬܝܢ܂
08:20 ܕܐܪܒܥܝܢ܂ ܚܘܪ̈ܫܐ ܘܩܘܪ̈ܪܐ ܒܐܝܠܝܢ ܕܣܓܝ ܣܐܒܼܘ ܠܐ ܡܩܒܠܝܢ ܦܫܪܐ܂
08:21 ܕܐܪܒܥܝܢ ܘܚܕ܂ ܐܝܠܝܢ ܕܥܝܦܝܢ ܙܒܢܝ̈ܢ ܣܓܝ̈ܐܢ ܘܥܫܝܢܐܝܬ ܒܠܥܕ ܥܠܬܐ ܓܠܝܬܐ
08:22 ܡܢܫܝܠ ܡܝܬܝܢ܂
08:23 ܕܐܪܒܥܝܢ ܘܬܪܝܢ܂ ܐܦܘܦܠܟܣܝܐ ܡܿܢ ܥܫܝܢܬܐ ܠܐ ܡܨܝܐ ܠܡܼܫܪܐ܂ ܡܚܝܠܬܐ ܕܝܢ
08:24 ܠܐ ܕܠܝܼܠܐ܂
08:25 ܕܐܪܒܥܝܢ ܘܬܠܬ܂ ܐܝܠܝܢ ܕܡܬܚܢܩܝܢ ܘܥܿܝܦܝܢ܂ ܟܕ ܠܐ ܥܕܟܝܠ ܡܝܝܬܝܢ܂ ܠܐ ܚܿܐܝܢ
08:26 ܐܢܗܘ ܕܪܘܥܬܐ ܐܝܬ ܒܦܘܡܗܘܢ܂
08:27 ܕܐܪܒܥܝܢ ܘܐܪܒܥ܂ ܐܝܠܝܢ ܕܣܘܓܐ ܥܒ̈ܝܢ ܒܟܝܢܗܘܢ܃ ܩ̈ܠܝܠܝ ܡܘܬܐ ܗܿܘܝܢ ܝܬܝܪ
08:28 ܡܢ ܐܝܠܝܢ ܕܒܨܝܨܝܢ܂
08:29 ܕܐܪܒܥ‍<‍ܝ‍>‍ܢ ܘܗ܊܂ ܠܛܠܝ̈ܐ ܕܐܝܬ ܠܗܘܢ ܗܦܝܠܝܦܣܝܐ ܫܘܚܠܦܐ ܝܬܝܪܐܝܬ ܕܩܘ̈ܡܬܐ
08:30 ܘܕܙܒܢ̈ܐ ܘܕܐܬܪ̈ܘܬܐ ܘܕܕܘܒܪ̈ܐ ܥܿܒܕܝܢ ܡܢܗ ܓܗܝܬܐ܂
08:31 ܕܐܪܒܥܝܢ ܘܫܬ܂ ܡܐ ܕܬܪ̈ܝܢ ܟܐܒ̈ܐ ܐܟܚܕܐ ܢܗܘܘܢ ܠܘ ܒܗܿ ܟܕ ܒܗܿ ܒܕܘܟܬܐ
08:32 ܗܿܘ ܕܝܬܝܪ ܥܫܝܢ ܡܥܿܡܛ ܠܗܿܘ ܕܡܚܝܠ܂

next page