← Back
The Comprehensive Aramaic Lexicon
← Return to the Text Browser
click on the file description for more information
60801: HippAp (Hippocrates Aphorisms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


17:01 ܕܡܓ܊܂ ܐܫܬܘ̈ܬܐ ܐܝܠܝܢ ܕܟܕ ܠܐ ܥ̈ܒܕܢ ܦܘܫܐ܃ ܚܕܐ ܠܬܠܬܐ ܝܘ̈ܡܝܢ ܝܬܝܪ
17:02 ܥܫܝ̈ܢܬܐ ܗ̈ܘܝܢ܃ ܝܬܝܪ ܐܝܬܝܗܝܢ ܕܩܝܢܕܘܢܘܣ܂ ܐܢܕܝܢ ܒܙܢܐ ܐܝܢܐ ܕܗܼܘ ܥܒ̈ܕܢ ܦܘܫܐ܃
17:03 ܡܫܘ̈ܕܥܢ ܕܕܠܐ ܩܝܢܕܘܢܘܣ ܐܝܬܝܗܝܢ܂
17:04 ܕܡܕ܊܂ ܐܝܠܝܢ ܕܗܘ̈ܝܢ ܠܗܘܢ ܐܫܬܘ̈ܬܐ ܐܪ̈ܝܟܬܐ ܐܘܿ ܢܦ̈ܩܐ ܗܿܘܝܢ ܠܗܘܢ ܐܘܿ
17:05 ܥܡܠܐ ܒܫܪ̈ܝܬܐ܂
17:06 ܕܡܗ܊܂ ܐܝܠܝܢ ܕܗܿܘܝܢ ܠܗܘܢ ܢܦ̈ܩܐ ܐܘܿ ܟܐܒ̈ܐ ܒܫܪ̈ܝܬܐ ܒܬܪ ܐܫܬܘ̈ܬܐ܃ ܗܠܝܢ
17:07 ܒܡܐܟ̈ܠܬܐ ܝܬܝܪ̈ܬܐ ܡܬܚܫܚܝܢ܂
17:08 ܕܡܘ܊܂ ܐܢܗܘ ܕܥܪܘܝܬܐ ܓܕܫܐ ܒܐܫܬܐ ܕܠܐ ܥܿܒܕܐ ܦܘܫܐ ܠܕܡܢ ܟܕܘ ܐܬܡܚܠ܃
17:09 ܡܡܝܬܢܝܬܐ ܗܝ܂
17:10 ܕܡܙ܊܂ ܓܚܪ̈ܐ ܒܐܫ̈ܬܘܬܐ ܕܠܐ ܥܒ̈ܕܢ ܦܘܫܐ܃ ܗܿܢܘܢ ܩܘ̈ܢܐܐ܃ ܘܗܿܢܘܢ ܕܡܕܡ̈ܢܐ܃
17:11 ܘܗܿܢܘܢ ܐܘܟ̈ܡܐ܃ ܘܗܿܢܘܢ ܡܪ̈ܬܢܐ܃ ܟܠܗܘܢ ܒܝ̈ܫܝܢ܂ ܐܢܕܝܢ ܫܦܝܪ ܪܕܝܢ ܛܒܝ̈ܢ܂ ܘܐܦ
17:12 ܝܬܒܬܐ ܘܬܦܫܘܪܬܐ ܒܗܿ ܒܕܡܘܬܐ܂ ܐܢܕܝܢ ܡܕܡ ܡܼܢ ܐܝܠܝܢ ܕܠܐ ܚܿܫܚ ܢܣܬܦܩ ܒܝܕ
17:13 ܗܠܝܢ ܕܘܟ̈ܝܬܐ ܒܝܼܫ܂
17:14 ܓܠܝܢܘܣ ܡܿܢ ܗܟܢܐ ܦܫܩ܂ ܛܒܥܐ ܕܝܢ ܕܡܠܬܗ ܕܐܝܦܘܩܪܛܝܣ ܠܘ ܗܟܢܐ
17:15 ܗܘ܂ ܘܡܬܕܡܪ ܐܢܐ ܕܐܝܟܢܐ ܟܕ ܡܕܡ ܐܚܪܝܢ ܐܡܿܪ ܐܝܦܦܘܩܪܛܝܣ ܡܕܡ ܐܚܪܢܐ
17:16 ܦܫܩ ܓܐܠܝܢܘܣ܂ ܐܝܦܘܩܪܛܝܣ ܡܿܢ ܓܝܪ ܐܡܼܪ܃ ܐܢܕܝܢ ܠܐ ܡܬܢܦܨ ܡܕܡ ܡܼܢ ܐܝܠܝܢ
17:17 ܕܥܕܪ̈ܢ܃ ܐܘܟܝܬ ܕܥܿܕܪ ܢܘܦܨܗܝܢ܂ ܓܠܝܢܘܣ ܕܝܢ ܦܫܩ܂ ܐܢܕܝܢ ܡܕܡ ܡܢ ܐܝܠܝܢ ܕܠܐ
17:18 ܥܿܕܪ ܢܘܦܨܗܝܢ ܡܬܢܦܨ܂ ܪܥܝܢܐ ܕܝܢ ܕܗܕܐ ܐܚܪܢܐ ܗܘ ܡܿܢ ܡܢ ܕܗܿܝ ܘܣܓܝ ܪܚܝܩ
17:19 ܡܢܗ܂ ܕܠܗܿܘ ܕܝܢ ܪܥܝܢܐ ܩܕܡܝܐ ܚܿܢܝܐ ܡܠܬܗ ܕܐܝܦܦܘܩܪܐܛܝܣ ܝܕܝܥܐ ܘܡܢܗ ܕܪܘܟܒܐ
17:20 ܕܡܠܬܗ܃ ܠܠܐ ܓܝܪ ܡܢܬܐ ܐܦܐܓܘܪܗܘܛܝܩܝܬܐ ܓܠܝܐܝܬ ܠܘ ܠܗܿܝ ܕܥܕܪ̈ܢ ܐܠܐ ܠܗܿܝ
17:21 ܕܡܬܢܦ̈ܨܢ ܐܩܦܗܿ܃ ܘܡܼܢ ܗܿܝ ܕܟܕ ܐܬܬܗܦܟ ܐܬܬܣܝܿܡ ܗܢܐ ܐܘܦܪܝܣܡܘ ܒܫܘܠܡܗ
17:22 ܕܟܬܒܐ܃ ܚܠܦ ܗܢܐ ܦܬܓܡܐ ܐܚܪܢܐ ܕܐܚܪܢܝ ܠܗ ܒܠܟܣܝܣ ܗܼܘ ܕܝܢ ܟܕ ܗܘ ܪܥܝܢܐ
17:23 ܕܝܠܗ ܛܥܝܢ ܐܬܬܣܝܼܡ ܒܗ ܕܐܝܬܘܗܝ ܗܢܐ܂ ܘܐܝܟܐ ܕܡܕܡ ܕܡܬܢܦܨ ܡܬܟܼܠܐ ܟܕ ܠܐ
17:24 ܐܬܕܟܝ ܟܠܗ ܦܓܪܐ ܒܝܫ܂
17:25 ܕܡܚ܊܂ ܒܐܫܬܘ̈ܬܐ ܕܠܐ ܥܒ̈ܕܢ ܦܘܫܐ ܐܢܗܘ ܕܗ̈ܢܝܢ ܕܡܢ ܠܒܪ ܩܪ̈ܝܪܢ ܗܢܝܢ ܕܡܢ
17:26 ܠܓܘ ܝܩ̈ܕܢ ܘܐܝܬ ܨܗܝܐ܂ ܫܘܘܕܥܐ ܗܘ ܕܡܘܬܐ܂
17:27 ܕܡܛ܊܂ ܒܐܫܬܐ ܕܠܐ ܥܿܒܕܐ ܦܘܫܐ ܐܢܗܘ ܕܣܦܬܐ ܐܘܿ ܥܝܢܐ ܐܘܿ ܢܚܝܪܐ ܐܘܿ
17:28 ܓܒܝܢܐ ܡܬܦܬܠ ܘܠܐ ܢܚܼܙܐ ܐܢܫ ܐܘܿ ܠܐ ܢܫܼܡܥ ܟܕ ܡܢ ܟܕܘ ܢܬܡܚܠ ܦܓܪܐ܃ ܟܠ
17:29 ܐܝܕܐ ܕܗܝ ܕܓܼܕܫܐ ܡܢ ܗܠܝܢ ܕܩܪܝܒ ܗܘ ܡܘܬܐ ܡܫܘܕܥܐ܂
17:30 ܕܢܢ܊܂ ܒܐܫܬܐ ܕܠܐ ܥܿܒܕܐ ܦܘܫܐ܃ ܐܢܗܘ ܕܒܝܫܘܬ ܢܫܡܐ ܬܗܘܐ ܘܨܒܪܐ܃
17:31 ܫܘܘܕܥܐ ܗܘ ܕܡܘܬܐ܂
17:32 ܕܢܐ܊܂ ܒܐܫܬܘ̈ܬܐ ܩܘܒܝ̈ܢܐ ܕܠܐ ܡܫܬܪ̈ܝܢ ܨܝܕ ܒܘܚܪ̈ܢܐ ܩܕܡܝ̈ܐ ܥܠ ܢܘܓܪܐ
17:33 ܕܟܘܪܗܢܐ ܡܫܘܕܥܝܢ܂

next page