← Back
The Comprehensive Aramaic Lexicon
← Return to the Text Browser
click on the file description for more information
60801: HippAp (Hippocrates Aphorisms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


19:01 ܕܥܐ܊܂ ܐܝܠܝܢ ܕܒܝܘܡܐ ܫܒܝܥܝܐ ܡܬܒܲܚܪܝܢ ܥܢܢܐ ܣܘܡܩܬܐ ܗܿܘܝܐ ܒܬܦܫܘܪܬܗܘܢ
19:02 ܒܝܘܡܐ ܪܒܝܥܝܐ ܘܕܫܪܟܐ ܒܗ ܟܕ ܒܗ ܒܦܚܡܐ܂
19:03 ܕܥܒ܊܂ ܬܦܫܘܪܬܐ ܚܘܪܬܐ ܘܢܗܝܪܬܐ ܒܝܫܐ ܘܝܬܝܪܐܝܬ ܒܦܪ̈ܗܢܝܛܝܩܘ܂
19:04 ܕܥܓ܊܂ ܐܝܠܝܢ ܕܙܘܝܢ ܓܒܝ̈ܗܘܢ ܥܡ ܒܘܓܒ̈ܓܐ܃ ܐܢ ܢܗܘܐ ܠܗܘܢ ܟܐܒܐ
19:05 ܒܡܐܣܪ ܚܨ̈ܐ܃ ܡܬܪ̈ܛܒܢ ܟܪ̈ܣܬܗܘܢ ܐܢ ܠܐ ܢ̈ܦܩܢ ܡܢܗܘܢ ܪ̈ܘܚܐ ܣܓܝ ܐܘܿ
19:06 ܬܦܫܘܪܬܐ ܣܓܝܐܬܐ ܢܿܚܬܐ܂ ܗܠܝܢ ܕܝܢ ܒܐܫ̈ܬܘܬܐ܂
19:07 ܕܥܕ܊܂ ܠܐܝܠܝܢ ܕܩܘܒܝܢܐ ܡܣܬܟܐ ܕܗܿܘܐ ܒܫܪ̈ܝܬܗܘܢ܃ ܐܢ ܬܦܫܘܪܬܐ ܣܓܝܐܬܐ
19:08 ܘܥܒܝܬܐ ܘܚܘܪܬܐ ܬܗܘܐ ܠܗܘܢ܃ ܡܦܨܝܐ ܠܗܘܢ ܡܢܗ ܕܩܘܒܝܢܐ܂ ܐܟܙܢܐ ܕܒܐܫܬܘ̈ܬܐ
19:09 ܕܥܡ ܠܐܘܬܐ ܒܝܘܡܐ ܪܒܝܥܝܐ ܡܫܪܝܐ ܕܬܗܘܐ ܠܐܢܫܝ̈ܢ܂ ܐܢܕܝܢ ܘܡܢ ܢܚܝܪ̈ܐ ܢܬܬܙܝܥ
19:10 ܕܡܐ ܐܦ ܩܠܝܠܐܝܬ ܡܫܬܪܐ ܟܘܪܗܢܐ܂
19:11 ܥܗ܊܂ ܐܢܗܘ ܕܕܡܐ ܘܡܘܓܠܐ ܐܿܬܝܢ ܒܬܦܫܘܪܬܐ ܥܠ ܫܘܚܢܐ ܕܒܟܘܠܝ̈ܬܐ ܐܘܿ
19:12 ܒܫܠܦܘܚܬܐ ܡܫܘܕܥܝܢ܂
19:13 ܕܥܘ܊܂ ܐܢܗܘ ܕܥܡ ܬܦܫܘܪܬܐ ܕܥܒܝܐ ܦܪ̈ܕܐ ܙܥܘܪ̈ܝܬܐ ܕܒܣܪܐ ܐܘ ܐܝܟ ܡܢ̈ܐ
19:14 ܕܣܥܪܐ ܢܦ̈ܩܢ܃ ܡܢ ܟܘܠܝ̈ܬܐ ܡܬܢܦܨ̈ܢ ܗܠܝܢ܂
19:15 ܕܥܙ܊܂ ܐܝܠܝܢ ܕܥܡ ܬܦܫܘܪܬܗܘܢ ܟܕ ܥܒܝܐ ܐܝܟ ܦܪܬܐ ܢܦ̈ܩܢ܃ ܙܐܛܝ ܐܝܬ
19:16 ܒܫܠܦܘܚܬܗܘܢ܂
19:17 ܥܚ܊܂ ܐܝܠܝܢ ܕܕܡܐ ܬܿܝܢܝܢ ܡܢ ܨܒܘܬ ܢܦܫܗܘܢ ܡܫܘܕܥ ܕܐܬܬܠܚ ܘܪܝܕܐ ܡܕܡ
19:18 ܒܟܘܠܝ̈ܬܗܘܢ܂
19:19 ܥܛ܊܂ ܐܝܠܝܢ ܕܚܠܐ ܫܿܟܬ ܒܬܦܫܘܪܬܗܘܢ ܫܠܦܘܚܬܗܘܢ ܡܘܠܕܐ ܟܐܦ̈ܐ܂
19:20 ܕܦ܊܂ ܐܢܗܘ ܕܕܡܐ ܘܫܢܬܐ ܢܬܬܦܫܪ ܐܢܫ ܘܬܗܘܐ ܠܗ ܡܛܦܘܬ ܬܦܫܘܪܬܐ
19:21 ܘܟܐܒܐ ܠܬܚܬ ܡܢ ܟܘܢܬܫܪܐ ܘܒܡܚ̈ܣܢܐ܂ ܐܬܪ̈ܘܬܐ ܕܠܐܦܝ̈ ܫܠܦܘܚܬܗܘܢ ܚܫܝ̈ܫܢ܂
19:22 ܕܦܐ܊܂ ܐܢ ܐܢܫ ܢܬܬܦܫܪ ܕܡܐ ܘܡܘܓܠܐ ܘܩܠܦ̈ܬܐ ܥܡ ܪܝܚܐ ܣܪܝܐ܃ ܫܘܚܢܐ
19:23 ܐܝܬ ܒܫܠܦܘܚܬܐ܂
19:24 ܕܦܒ܊܂ ܐܝܠܝܢ ܕܗܿܘܝܢ ܠܗܘܢ ܢܦ̈ܩܐ ܒܡܦܩܢܗܿ ܕܬܦܫܘܪܬܐ܃ ܟܕ ܢܫܼܚܠܘܢ ܡܘܓܠܐ
19:25 ܘܢܬܦܬܩܘܢ܃ ܡܫܬܪܐ ܚܫܐ ܕܝܠܗܘܢ܂
19:26 ܦܓ܊܂ ܬܦܫܘܪܬܐ ܣܓܝܐܬܐ ܕܗܿܘܝܐ ܒܠܠܝܐ ܡܫܘܕܥܐ ܕܙܥܘܪܝܐ ܝܬܒܬܐ܂
19:27 ܫܠܡ ܦܣܩܐ ܪܒܝܥܝܐ

next page