← Back
The Comprehensive Aramaic Lexicon
← Return to the Text Browser
click on the file description for more information
60801: HippAp (Hippocrates Aphorisms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


22:01 ܕܟܗ܊܂ ܐܝܠܝܢ ܕܗܿܘܝܐ ܠܗܘܢ ܒܠܠܝܐ ܪܓܬܐ ܕܡܫܬܝܐ ܘܣܓܝ ܨܿܗܝܢ܂ ܐܢܗܘ
22:02 ܕܢܕܡܟܘܢ ܒܬܪܟܢ ܛܒܐ ܗܝ܂
22:03 ܟܘ܊܂ ܫܘܚܢܐ ܕܒܗܪ̈ܘܡܐ ܡܝܬܝܢܐ ܗܘ ܕܕܡܐ ܢܫܝܐ܂ ܐܦ ܠܘܬ ܐܚܪ̈ܢܝܬܐ ܕܝܢ
22:04 ܣܓܝ̈ܐܬܐ ܚܿܫܚ ܗܘܐ܂ ܐܠܘܠܐ ܕܝܘܩܪܐ ܕܪܝܫܐ ܥܿܒܕ܂
22:05 ܟܙ܊܂ ܐܢܬܬܐ ܕܒܿܛܢܐ ܐܢܗܘ ܕܢܬܬܪܥ ܠܗܿ ܘܪܝܕܐ ܝܿܚܛܐ܂ ܘܝܬܝܪܐܝܬ ܐܢ ܪܒ
22:06 ܥܘܠܗܿ܂
22:07 ܟܚ܊܂ ܐܢܬܬܐ ܕܒܿܛܢܐ܂ ܗܿܝ ܕܬܬܚܕ ܒܡܕܡ ܡܢ ܟܘܪ̈ܗܢܐ ܚܪ̈ܝܦܐ ܡܡܝܬܢܝܬܐ ܗܝ܂
22:08 ܟܛ܊܂ ܐܢܬܬܐ ܕܡܕܝܒܐ ܕܡܐ ܐܢܗܘ ܕܢܬܬܪܥ ܟܦܣܗܿ ܫܿܪܐ ܠܚܫܗܿ܂
22:09 ܠ܊܂ ܠܐܢܬܬܐ ܕܡܬܟܠܐ ܟܦܣܗܿ ܛܒܐ ܕܕܢܪܕܐ ܕܡܐ ܡܢ ܢܚܝܪܗܿ܂
22:10 ܠܐ܊܂ ܐܢܬܬܐ ܕܒܿܛܢܐ ܐܢܗܘ ܕܟܪܣܗܿ ܬܪܕܐ ܣܓܝ ܩܝܢܕܘܢܘܣ ܗܘ ܕܬܐܚܿܛ܂
22:11 ܠܒ܊܂ ܠܐܢܬܬܐ ܕܡܬܠܙܙܐ ܡܢ ܡܪܒܥܐ ܐܘܿ ܥܣܩܐܝܬ ܝܿܠܕܐ ܟܕ ܬܗܘܐ
22:12 ܥܘܛܫܬܐ ܛܒܐ܂
22:13 ܠܓ܊܂ ܐܢܬܬܐ ܕܐܼܬܐ ܟܦܣܗܿ ܘܒܝܫ ܓܘܢܗ܂ ܘܠܘ ܒܗ ܟܕ ܒܗ ܒܙܒܢܐ ܕܥܝܕܐ
22:14 ܗܿܘܐ܂ ܒܐܡܝܢܘ ܡܫܘܕܥ ܕܥܠ ܢܘܦܨܐ ܣܢܝܩܐ܂
22:15 ܠܕ܊܂ ܐܢܬܬܐ ܕܒܿܛܢܐ ܐܢܗܘ ܕܡܢܫܝܠ ܟܿܡܫܝܢ ܬܕܝ̈ܗܿ ܝܿܚܛܐ܂
22:16 ܠܗ܊܂ ܐܢܬܬܐ ܕܒܿܛܢܐ ܬܐܡ̈ܐ ܐܢܗܘ ܕܚܕ ܡܢ ܬܕܝ̈ܗܿ ܢܟܼܡܘܫ܂ ܚܕ ܡܢ ܥܘ̈ܠܝܗܿ
22:17 ܝܿܚܛܐ܂ ܘܐܢ ܡܿܢ ܬܕܗܿ ܕܝܡܝܢܐ ܟܡܫ܂ ܕܟܪܐ ܝܿܚܛܐ܂ ܐܢܕܝܢ ܕܣܡܠܐ ܢܩܒܬܐ܂
22:18 ܠܘ܊܂ ܐܢ ܐܢܬܬܐ ܕܠܐ ܒܛܢܬ ܐܦܠܐ ܝܠܕܬ ܐܝܬ ܠܗܿ ܚܠܒܐ ܟܠܐ ܟܦܣܗܿ܂
22:19 ܠܙ܊܂ ܕܡܐ ܕܨܿܐܪ ܠܢܫ̈ܐ ܒܬܕܝ̈ܗܝܢ ܥܠ ܫܢܝܐ ܡܫܘܕܥ܂
22:20 ܠܚ܊܂ ܐܢ ܨܿܒܐ ܐܢܬ ܕܬܕܥ ܐܢ ܒܿܛܢܐ ܐܢܬܬܐ܂ ܡܝ̈ ܕܒܫܐ ܗܼܒ ܠܗܿ
22:21 ܠܡܫܬܐ܂ ܘܐܢ ܡܿܢ ܡܥܣܐ ܢܗܘܐ ܠܗܿ ܒܟܪܣܐ܃ ܒܛܢܐ܂ ܐܢܕܝܢ ܠܐ܃ ܠܐ ܒܛܢܐ܂
22:22 ܠܛ܊܂ ܐܢܢܬܐ ܐܢ ܡܿܢ ܕܒܼܪܐ ܒܿܛܢܐ ܫܦܝܪ ܓܘܢܗܿ܂ ܐܢܕܝܢ ܢܩܒܬܐ ܒܝܫ ܓܘܢܗܿ܂
22:23 ܡ܊܂ ܡܫܪܐ ܕܗܿܘܐ ܒܡܪܒܥܐ ܠܐܢܬܬܐ ܕܒܿܛܢܐ܂ ܫܘܘܕܥܐ ܗܘ ܡܡܝܬܢܐ܂
22:24 ܡܐ܊܂ ܐܝܠܝܢ ܕܟܕ ܠܒܪ ܟܝܢܐ ܒܨܝܨ̈ܢ ܒܛ̈ܢܢ ܝܚ̈ܛܢ ܩܕܡ ܕܢܬܥ̈ܒܝܢ܂
22:25 ܡܒ܊܂ ܐܝܠܝܢ ܕܟܕ ܡܬܡܫܚܢܝܢ ܦܓܪ̈ܝܗܢ ܝܚ̈ܛܢ ܒܝܪܚܐ ܬܪܝܢܐ ܐܘܿ ܒܬܠܝܬܝܐ܂
22:26 ܒܠܥܕ ܥܠܬܐ ܝܕܝܥܬܐ܂ ܩܘܛܘܠܝܕܘܢܗܣ ܕܝܠܗܝܢ ܡܚܘܛܐ ܡ̈ܠܝܢ ܘܠܐ ܡܨ̈ܝܢ ܕܢܐܚܕܢܝܗܝ
22:27 ܠܥܘܠܐ ܡܛܠ ܝܘܩܪܗ܂ ܐܠܐ ܡܬܬܠܚ̈ܢ܂
22:28 ܡܓ܊܂ ܐܝܠܝܢ ܕܡܛܠ ܕܠܒܪ ܡܢ ܟܝܢܐ ܥ̈ܒܝܢ ܠܐ ܒܛܢ̈ܢ܂ ܚܠܒܐ ܕܥܠ ܟܪܣܗܝܢ
22:29 ܚܿܒܨ ܠܦܘܡܐ ܕܡܪ̈ܒܥܝܗܝܢ ܘܩܕܡ ܕܢܬܒܨܨܢ ܠܐ ܒܛܢܢ܂
22:30 ܡܕ܊܂ ܐܢܗܘ ܕܡܪܒܥܐ ܕܚܒܝܫ ܒܚܪܘܬܐ ܢܚܫܼܠ ܡܘܓܠܐ܂ ܐܿܠܨܐ ܕܢܣܬܢܩ ܥܠ
22:31 ܦܬܝ̈ܠܬܐ܂
22:32 ܡܗ܊܂ ܥܘ̈ܠܐ ܡܿܢ ܕܟܪ̈ܐ ܒܓܒܐ ܕܝܡܝܢܐ ܝܬܝܪܐܝܬ ܡܬܒܿܛܢܝܢ ܢܩܒ̈ܬܐ ܕܝܢ ܒܓܒܐ
22:33 ܕܣܡܠܐ܂

next page