← Back
The Comprehensive Aramaic Lexicon
← Return to the Text Browser
click on the file description for more information
60801: HippAp (Hippocrates Aphorisms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


25:01 ܡܐܡܪܐ ܫܬܝܬܝܐ ܕܐܦܘܪ̈ܝܣܡܘ܂
25:02 ܐ܊܂ ܒܫܥܝܥܘܬ ܡܥܝ̈ܐ ܢܓܝܕܬܐ ܟܕ ܓܣܝ̈ܬܐ ܚܡܘܨ̈ܬܐ ܢܗܘ̈ܝܢ ܕܡܢ ܩܕܝܡ ܠܐ
25:03 ܗܘܝܢ ܗܘ̈ܝ ܐܬܐ ܗܝ ܛܒܬܐ܂
25:04 ܬܪܝܢܐ܂ ܐܝܠܝܢ ܕܝܬܝܪ ܪܛܝ̈ܒܝܢ ܢܚܝܪ̈ܝܗܘܢ ܟܝܢܐܝܬ ܘܝܬܝܪ ܪܛܝܒ ܐܦ ܙܪܥܗܘܢ܂
25:05 ܗܠܝܢ ܝܬܝܪ ܡܟܪܗܐܝܬ ܚܠܝ̈ܡܝܢ܂ ܐܝܠܝܢ ܕܝܢ ܕܒܕܠܩܘܒܠܐ ܕܗܠܝܢ ܐܝܬܝܗܘܢ ܝܬܝܪ ܚܠܝ̈ܡܝܢ܂
25:06 ܬܠܝܬܝܐ܂ ܒܕܘܣܗܢܛܗܪܝܐ ܢܓܝܕܬܐ ܡܬܟܠܝܢܘܬܐ ܕܡܢ ܡܐܟܘܠܬܐ ܒܝܫܐ܂ ܘܥܡ
25:07 ܐܫܬܐ ܝܬܝܪ ܒܝܫܐ܂
25:08 ܪܒܝܥܝܐ܂ ܫܘܚ̈ܢܐ ܗܿܘ ܡܐ ܕܢܬܪ ܕܚܕܪܝܗܘܢ ܒܝܫ̈ܝ ܥܝܕܐ ܐܝܬܝܗܘܢ܂
25:09 ܚܡܝܫܝܐ܂ ܒܟܐܒ̈ܐ ܕܗ̈ܘܝܢ ܒܐܠ̈ܥܐ ܘܒܩܘܕܡܐ ܕܚܕܝܐ ܘܒܗܕܡ̈ܐ ܐܚܪ̈ܢܐ ܙܿܕܩ
25:10 ܕܢܬܒܲܝܢ ܕܐܢ ܪܘܪܒܐܝܬ ܡܫܚܠܦܝܢ܂
25:11 ܫܬܝܬܝܐ܂ ܚܫ̈ܐ ܕܟܘܠܝ̈ܬܐ ܘܕܫܠܦܘܚܬܐ ܥܣܩܐܝܬ ܡܬܐܣܝܢ ܒܣܒ̈ܐ܂
25:12 ܫܒܝܥܝܐ܂ ܟܐܒ̈ܐ ܕܗܿܘܝܢ ܒܟܪܣܐ܂ ܗܿܢܘܢ ܡܿܢ ܥܠܝ̈ܐ܂ ܩܠܝ̈ܠܝܢ܂ ܗܿܢܘܢ ܕܝܢ
25:13 ܕܠܝܬܝܗܘܢ ܥܠܝ̈ܐ ܝܬܝܪ ܚܝ̈ܠܬܢܝܢ܂
25:14 ܬܡܝܢܝܐ܂ ܫܘܚܢ̈ܐ ܕܗ̈ܘܝܢ ܠܟܢܝ̈ܫܐ ܒܦܓܪ̈ܝܗܘܢ ܠܘ ܦܫܝܩܐܝܬ ܡܬܐܣܝܢ܂
25:15 ܬܫܝܥܝܐ܂ ܚܡ̈ܛܐ ܦܬܝ̈ܐ ܠܘ ܣܓܝ ܥܿܒܕܝܢ ܚܟܟܐ܂
25:16 ܥܣܝܪܝܐ܂ ܐܝܢܐ ܕܟܿܐܒ ܠܗ ܪܝܫܗ ܟܐܒܐ ܥܫܝܢܐ܂ ܐܢܗܘ ܕܢܪܕܐ ܡܘܓܠܐ ܐܘܿ
25:17 ܡܝ̈ܐ ܡܢ ܢܚܝܪ̈ܘܗܝ ܐܘ ܡܢ ܐܕܢܘ̈ܗܝ ܫܿܪܐ ܠܟܘܪܗܢܗ܂
25:18 ܕܚܕܥܣܪ܂ ܠܐܝܠܝܢ ܕܐܝܬ ܠܗܘܢ ܡܠܢܟܘܠܝܐ ܘܠܐܝܠܝܢ ܕܐܝܬ ܠܗܘܢ ܨܒܪܐ ܟܕ
25:19 ܢܗܘ̈ܝܢ ܗܡܘܪ̈ܐܝܕܗܣ ܛܒܬܐ ܗܝ܂
25:20 ܕܬܪܥܣܪ܂ ܐܝܢܐ ܕܡܬܐܣܐ ܡܢ ܗܡܘܪ̈ܐܝܕܣ ܢܓܝܪ̈ܬܐ ܐܢܗܘ ܕܚܕܐ ܡܢܗܝܢ ܠܐ
25:21 ܬܬܢܛܪ ܩܝܢܕܘܢܣ ܐܝܬ ܥܠܘܗܝ ܕܐܘܿ ܟܢܫ ܡܝ̈ܐ ܢܗܘܐ ܠܗ ܐܘܿ ܦܬܣܝܣ܂
25:22 ܕܬܠܬܥܣܪ܂ ܐܝܢܐ ܕܐܚܝܕ ܒܦܘܩܬܐ ܟܕ ܗܿܘܝܢ ܠܗ ܥܘܛܫ̈ܬܐ ܫܿܪܝܢ ܠܦܘܩܬܗ܂
25:23 ܕܝܕ܊܂ ܐܝܢܐ ܕܐܚܝܕ ܒܟܢܫ ܡܝ̈ܐ ܟܕ ܒܘܪ̈ܝܕܐ ܢܪܕܘܢ ܡܝ̈ܐ ܠܟܪܣܗ ܡܫܬܪܐ
25:24 ܠܗ ܟܘܪܗܢܗ܂

next page