← Back
The Comprehensive Aramaic Lexicon
← Return to the Text Browser
click on the file description for more information
60801: HippAp (Hippocrates Aphorisms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


26:01 ܕܝܗ܊܂ ܠܐܝܢܐ ܕܐܚܝܕ ܒܕܝܠܐ ܢܓܝܪܐ ܟܕ ܬܗܘܐ ܠܗ ܬܝܒܬܐ ܡܢ ܨܒܘܬ ܢܦܫܗܿ܂
26:02 ܫܿܪܝܐ ܠܗ ܠܕܝܠܐ܂
26:03 ܝܘ܊܂ ܠܐܝܢܐ ܕܐܚܝܕ ܒܕܩܪܬܐ ܘܒܥܘܒܝܢܐ ܕܪܐܬܐ ܐܢܗܘ ܕܢܗܘܐ ܠܗ ܕܝܠܐ ܒܝܫ܂
26:04 ܝܙ܊܂ ܠܐܝܢܐ ܕܐܝܬ ܠܗ ܕܓܢ̈ܐ ܕܢܗܘܐ ܠܗ ܕܝܠܐ ܛܒܐ ܗܝ܂
26:05 ܝܚ܊܂ ܐܢܗܘ ܕܬܬܦܣܩ ܫܠܦܘܚܬܐ܂ ܐܘܿ ܡܘܚܐ ܕܪܝܫܐ܂ ܐܘ ܠܒܐ܂ ܐܘܿ ܦܪܗܢܗܣ܂
26:06 ܐܘܿ ܚܕ ܡܢ ܡܥܝ̈ܐ ܩܛܝ̈ܢܐ܂ ܐܘܿ ܟܪܣܐ܂ ܐܘܿ ܟܒܕܐ܂ ܡܡܝܬܢܝܬܐ ܗܝ܂
26:07 ܝܛ܊܂ ܐܡܬܝ ܕܢܬܦܣܩ ܓܪܡܐ ܐܘܿ ܚܣܚܘܣܐ ܐܘܿ ܓܝܕܐ ܐܘܿ ܕܘܟܬܐ ܗܿܝ ܕܪܩܝܩܐ
26:08 ܒܠܘܥܐ ܐܘܿ ܥܘܪܠܘܬܐ ܠܐ ܪܒܐ ܚܕ ܡܢܗܘܢ ܐܦܠܐ ܡܬܚܠܡ܂
26:09 ܕܟܟ܊܂ ܐܢܗܘ ܕܢܬܐܫܕ ܕܡܐ ܠܟܪܣܐ ܠܒܪ ܡܢ ܟܝܢܐ ܐܠܨܐ ܕܢܚܼܫܠ ܡܘܓܠܐ܂
26:10 ܟܐ܊܂ ܐܝܠܝܢ ܕܫܿܢܝܢ ܟܕ ܢܗܘܐ ܠܗܘܢ ܩܝܪܣܘܣ ܐܘܿ ܗܡܘܪ̈ܪܐܝܕܗܣ ܗܘܘ ܫܿܪܝܢ ܠܗ
26:11 ܠܫܢܝܗܘܢ܂
26:12 ܟܒ܊܂ ܠܬܠܚ̈ܐ ܕܡܼܢ ܚܨܐ ܢܿܚܬܝܢ ܠܘܬ ܐܩܘܢܐ ܦܣܩ ܘܪܝܕܐ ܫܿܪܐ܂
26:13 ܟܓ܊܂ ܐܢܗܘ ܕܕܚܠܬܐ ܐܘܿ ܒܝܫܘܬ ܢܦܫܐ ܬܩܘܐ ܟܕ ܐܚܝܕ ܐܢܫ ܙܒܢܐ ܣܓܝܐܐ܂
26:14 ܚܫܐ ܕܕܐܝܟ ܗܢܐ ܡܗܠܐܢܟܘܠܝܩܝܐ ܗܘ܂
26:15 ܟܕ܊܂ ܕܡܫܪܐ ܡܢ ܠܒܪ ܠܓܘ ܢܫܼܢܐ ܠܐ ܛܒܐ܂ ܕܡܢ ܠܓܘ ܕܝܢ ܠܒܪ ܛܒܬܐ ܗܝ܂
26:16 ܟܗ܊܂ ܠܐܝܠܝܢ ܕܒܩܐܘ̈ܣܘ ܗܘܝܢ ܠܗܘܢ ܪ̈ܥܠܐ܂ ܨܒܪܐ ܫܿܪܐ ܠܗܝܢ܂
26:17 ܟܘ܊܂ ܐܝܠܝܢ ܡܢ ܡܘܓܠܢ̈ܐ ܐܘ ܟܢܝ̈ܫܝ ܡܝ̈ܐ ܕܡܬܟܘܝܢ ܐܘܿ ܡܬܓܙܪܝܢ ܟܕ ܢܪܕܘܢ
26:18 ܡܢܗܘܢ ܡܝ̈ܐ܂ ܐܘܿ ܡܘܓܠܐ ܣܓܝ ܡܢ ܫܝܠ ܡܢ ܟܠ ܦܪܘܣ ܐܿܒܕܝܢ܂
26:19 ܟܙ܊܂ ܡܗܝ̈ܡܢܐ ܠܐ ܗܿܘܐ ܠܗܘܢ ܦܘܕܐܓܪܐ ܐܦܠܐ ܗܿܘܝܢ ܩܪ̈ܚܐ܂
26:20 ܟܚ܊܂ ܐܢܬܬܐ ܠܐ ܗܿܘܐ ܠܗܿ ܦܘܕܐܓܪܐ ܐܠܐ ܐܢ ܟܦܣܗܿ ܢܬܓܠܙ܂
26:21 ܟܛ܂ ܛܠܝܐ ܠܐ ܗܿܘܐ ܠܗ ܦܘܕܐܓܪܐ ܩܕܡ ܕܢܫܿܪܐ ܠܡܙܕܘܓܘ܂
26:22 ܠ܊܂ ܠܟܐܒܐ ܕܥܝ̈ܢܐ ܫܩܝܐ ܕܚܡܪܐ ܚܲܝܐ ܫܿܪܐ܂ ܐܘܿ ܒܢܐ܂ ܐܘܿ ܫܘܚܢܐ܂ ܐܘܿ
26:23 ܦܣܩ ܘܪܝܕܐ܂ ܐܘܿ ܫܩܝ ܣܡܐ ܫܿܪܐ܂
26:24 ܠܐ܊܂ ܠ‍<‍ܥ‍>‍ܓ̈ܐ ܡܬܬܚܕܝܢ ܛܒ ܝܬܝܪܐܝܬ ܒܕܝܠܐ ܢܓܝܪܐ܂
26:25 ܠܒ܊܂ ܐܝܠܝܢ ܕܗܘ̈ܝܢ ܠܗܘܢ ܓܣܝ̈ܬܐ ܚܡܘ̈ܨܬܐ ܠܘ ܣܓܝ ܡܬܬܚܕܝܢ ܒܕܩܪܬܐ܂
26:26 ܠܓ܊܂ ܠܐܝܠܝܢ ܕܐܝܬܝܗܘܢ ܩܪ̈ܚܐ ܠܐ ܗܿܘܐ ܠܗܘܢ ܩܝܪܣܣ ܕܪܒ܂ ܘܐܝܠܝܢ ܕܟܕ
26:27 ܐܝܬܝܗܘܢ ܩܪ̈ܚܐ ܘܗܿܘܐ ܠܗܘܢ ܩܝܪܣܣ ܬܘܒ ܝܿܥܐ ܣܥܪܐ ܒܩܪܚܘܬܗܘܢ܂
26:28 ܠܕ܊܂ ܠܐܝܠܝܢ ܕܐܚܝ̈ܕܝܢ ܒܟܢܫ ܡܝ̈ܐ ܟܕ ܢܿܩܦ ܫܥܠܐ ܒܝܫ܂
26:29 ܠܗ܊܂ ܠܥܣܩܘܬ ܬܦܫܘܪܬܐ ܦܣܩ ܘܪܝܕܐ ܫܿܪܐ ܙܕܩ ܕܝܢ ܕܢܦܣܘܩ ܠܗܿܢܘܢ ܕܠܓܘ܂
26:30 ܠܘ܊܂ ܠܐܝܠܝܢ ܕܐܚܝ̈ܕܝܢ ܒܚܢܘ̈ܩܐ܂ ܟܕ ܢܗܘܐ ܠܗܘܢ ܥܘܒܝܢܐ ܒܩܢܝܐ ܕܪܬܗܘܢ ܠܒܪ܂
26:31 ܛܒܬܐ ܗܝ܂
26:32 ܠܙ܊܂ ܐܝܠܝܢ ܕܗܿܘܝܢ ܠܗܘܢ ܣܪ̈ܛܢܐ ܟܣܝ̈ܐ ܝܬܝܪ ܦܩܚܐ ܕܠܐ ܢܣܬܥܪܘܢ܂ ܟܕ
26:33 ܢܣܬܥܪܘܢ ܡܿܢ ܥܓܠ ܐܿܒܕܝܢ܂ ܟܕ ܕܝܢ ܠܐ ܢܣܬܼܥܪܘܢ ܙܒܢܐ ܕܝܬܝܪ ܢܓܝܪ ܡܟܬܪܝܢ܂

next page