← Back
The Comprehensive Aramaic Lexicon
← Return to the Text Browser
click on the file description for more information
60801: HippAp (Hippocrates Aphorisms)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous page


30:01 ܟܓ܊܂ ܩܘܝܣܐ ܕܗܿܘܐ ܡܢ ܥܠܬ ܫܩܝ ܣܡܐ ܡܡܝܬܢܐ ܗܘ܂
30:02 ܟܕ܊܂ ܡܢ ܥܠܬ ܟܐܒܐ ܚܝܠܬܢܐ ܕܐܬܪ̈ܘܬܐ ܕܟܪܣܐ ܩܪܝܪܘܬܐ ܕܣܟ̈ܝ ܗܕܡ̈ܐ ܒܝܫܐ܂
30:03 ܟܗ܊܂ ܐܝܕܐ ܕܒܿܛܢܐ ܐܢ ܢܗܘܐ ܠܗܿ ܛܚܘܪܐ ܥܿܒܕ ܠܗܿ ܕܬܐܼܚܛܝ܂
30:04 ܟܘ܊܂ ܐܢܗܘ ܕܠܐܢܫ ܕܐܚܝܕ ܒܦܠܓܡܐ ܚܘܪܐ ܢܗܘܐ ܕܝܠܐ ܚܝܠܬܢܐ ܫܪܐ ܠܟܘܪܗܢܗ܂
30:05 ܟܙ܊܂ ܠܐܝܠܝܢ ܕܪܘܥܬܢܝܐ ܝܬܒܬܗܘܢ ܒܕܝܠܐ ܡܢ ܪܝܫܐ ܢܿܚܬ ܠܗܘܢ ܡܕܡ܂
30:06 ܟܚ܊܂ ܐܝܠܝܢ ܕܐܚܝܼ̈ܕܝܢ ܒܐܫܬܐ܂ ܐܢܗܘ ܕܒܬܦܫܘܪܬܗܘܢ ܫܟܢ̈ܐ ܓܪ̈ܣܢܝܐ ܢܗܘܘܢ܃
30:07 ܥܠ ܟܘܪܗܢܐ ܢܓܝܪܐ ܡܫܘܕܥܝܢ܂
30:08 ܟܛ܊܂ ܐܝܠܝܢ ܕܡܪܬܢܝܢ ܫܟܢ̈ܐ ܕܬܦܫܘܪܬܗܘܢ ܘܡܢ ܠܥܠ ܕܝܢ ܩܛܝܢܝܢ܃ ܥܠ ܟܘܪܗܢܐ
30:09 ܚܪܝܦܐ ܡܫܘܕܥܝܢ܂
30:10 ܠ܊܂ ܐܝܠܝܢ ܕܐܝܬ ܠܗܘܢ ܬܦܫܘܪܬܐ ܕܣܕܝܩܐ܃ ܠܗܠܝܢ ܫܓܘܫܝܐ ܚܝܠܬܢܐ ܐܝܬ
30:11 ܒܓܘܫܡܗܘܢ܂
30:12 ܠܐ܊܂ ܐܝܠܝܢ ܕܩܝ̈ܡܢ ܒܥܒܘܥܝ̈ܬܐ ܥܠ ܬܦܫܘܪܬܗܘܢ܃ ܥܠ ܚܫ̈ܐ ܕܟܘܠܝ̈ܬܗܘܢ
30:13 ܡܫܘܕܥܢ ܘܕܗܿܘܐ ܟܘܪܗܢܗܘܢ ܢܓܝܪܐ܂
30:14 ܠܒ܊܂ ܐܝܠܝܢ ܕܩܿܐܡ ܥܠ ܬܦܫܘܪܬܗܘܢ ܡܕܡ ܕܗܝܢܐ ܘܟܢܝܼܫܐ܃ ܥܠ ܚܫܐ ܚܪܝܦܐ
30:15 ܒܟܘܠܝ̈ܬܐ ܡܫܘܕܥ܂
30:16 ܠܓ܊܂ ܐܝܠܝܢ ܕܟܕ ܐܝܬ ܠܗܘܢ ܚܫܐ ܕܟܘܠܝ̈ܬܐ ܓܕܫ̈ܢ ܠܗܘܢ ܗ̈ܢܝܢ ܕܩܕܡ̈ܝ
30:17 ܐܬܐܡܼܪ̈ܝ ܘܗܿܘܝܢ ܠܗܘܢ ܟܐܒ̈ܐ ܒܥܘܩܒܪ̈ܬܐ ܕܓܪܡܚܨܐ܂ ܐܢܗܘ ܡܿܢ ܕܒܕܘܟ̈ܝܬܐ
30:18 ܕܠܒܪ ܢܗܘܘܢ܃ ܠܒܪ ܣܟܐ ܕܢܗܘܐ ܠܗܘܢ ܩܘܒܝܢܐ܂ ܐܢܗܘ ܕܝܢ ܕܟܐܒ̈ܐ ܒܕܘܟܝ̈ܬܐ
30:19 ܕܠܓܘ ܝܬܝܪ ܢܗܘܘܢ܃ ܠܓܘ ܝܬܝܪ ܣܟܐ ܕܢܗܘܐ ܠܗܘܢ ܩܘܒܝܢܐ܂
30:20 ܠܕ܊܂ ܐܝܠܝܢ ܕܡܬܝܒܝܢ ܕܡܐ܂ ܐܢܗܘ ܡܿܢ ܕܣܛܪ ܡܢ ܐܫܬܐ ܗܘ܃ ܕܦܘܪܩܢܐ ܗܘ܂
30:21 ܙܿܕܩ ܕܝܢ ܕܢܐܣܐ ܐܢܘܢ ܒܐܝܠܝܢ ܕܡܨܪܦܝܢ܂ ܐܢܗܘ ܕܝܢ ܕܥܡ ܐܫܬܐ ܗܘ ܒܝܫ܂
30:22 ܠܗ܊܂ ܕܘ̈ܒܐ ܕܢܿܚܬܝܢ ܠܟܪܣܐ ܥܠܝܬܐ ܚܿܫܠܝܢ ܡܘܓܠܐ ܒܥܣܪܝܢ ܝܘ̈ܡܝܢ܂
30:23 ܠܘ܊܂ ܐܢܗܘ ܕܕܡܐ ܘܫܠ̈ܬܐ ܢܬܬܦܫܪ ܐܢܫ ܘܬܗܘܐ ܠܗ ܡܛܦܘܬ ܬܦܫܘܪܬܐ
30:24 ܘܟܐܒܐ ܒܐܬܪܐ ܕܒܝܢܬ ܒܥ̈ܐ ܠܥܙܩܬܐ ܘܒܡܚܣܢ̈ܐ܃ ܥܠ ܟܘܪܗܢܐ ܕܠܐܦ̈ܝ ܫܠܦܘܚܬܐ
30:25 ܡܫܘܕܥܐ܂
30:26 ܠܙ܊܂ ܐܢܗܘ ܕܠܫܢܐ ܡܢܫܝܠ ܂܂܂ ܡܢ ܚܝܠܐ܂ ܐܘܿ ܡܕܡ ܡܢ ܦܓܪܐ
30:27 ܐܦܘܦܠܝܛܝܩܝܐ ܢܗܘܐ ܓܕܫܐ ܕܕܐܝܟ ܗܢܐ ܡܗܠܐܢܟܘܠܝܩܝܐ ܗܘ܂
30:28 ܠܚ܊܂ ܐܢܗܘ ܕܟܕ ܢܬܕܟܐ ܠܐ ܡܡܫܚܐܝܬ ܐܢܫ ܩܫܝܫܐ ܬܐܚܕܝܘܗܝ ܦܘܩܬܐ܂
30:29 ܠܐ ܛܒܐ܂
30:30 ܠܛ܊܂ ܐܢܗܘ ܕܬܐܚܘܕ ܠܐܢܫ ܐܫܬܐ ܕܠܝܬܝܗܿ ܡܢ ܡܪܬܐ܃ ܟܕ ܢܬܢܣܟܘܢ ܡܝ̈ܐ
30:31 ܫܚܝ̈ܢܐ ܣܓܝܐܝܬ ܥܠ ܪܝܫܗ ܡܫܬܪܝܐ ܠܗ ܐܫܬܗ܂
30:32 ܡ܊܂ ܐܢܬܬܐ ܕܬܪܝܢ ܝܡܝ̈ܢܐ ܠܐ ܗܿܘܝܐ܂

next page